في بيتنا جراد

[Lighthouse]

فعلا

هو اكل وبحلقة

كفاية علينا الكنتلوب والتفاح والموز اللى طعمه بلاستيكي مش عارفة ليه الموز طعمه اصبح غير زمان

وحيث بقى ان حضرتك بتتكلم عن ان يوسف والي عمل نهضة زراعية في مصر وعلمنا نزرع ودي حاجة يشكر عليها وربنا يخليه ويكرمه زي ماكرمنا وعلمنا الزراعة

ليه بقى سيادته ماعلمناش زراعة القمح اللى هو اهم من الفاكهة

مش الناس الاول تاكل وبعدين تبحلق

قصدي يعني تاكل عيش حاف الاول وبعدين تفكر تحلي بالفاكهة

مش حياتنا كلها بحلقة في بحلقة واحنا جعانين عيش

:D

[Mohammad Abouzied]

شوفي يا ليت

احنا حاليا في عصر العولمة يعني الى تقدر تكسب به العب به

اولا فعلا الفاكهة المصرية تجتاح اسواق العالم كله ولو فيه بلاد بتفضل تستورد الفاكهة المعالجة بالمضاد الحيوية فقط فهي قليلة وعادتا بتسورد كميات قليلة جدا

ولكن الكمية الاكبر هي ما نصدره الى دول اسيا والدول العربية وبعض الدول الافريقية ودي كميات كبيرة لا يستهان بها بالمقارنة بالي كنا بنصدرة من قبل

ومن جهة اخرى احنا شعبنا تعود على ان ياكل خبز بالرغم ان ارضه والجو المحيط به لا يناسب زراعة القمح مثل بلد زي رومانيا او اوكرانيا وبالرغم من كدا نلاقي عادات هذه الشعوب لا تأكل الخبز ابدا والوجبه الرئيسية هي البطاطس

وبالتالي احنا نصدر لهم البطاطس ونستورد منهم القمح وصحيح في خلافات على اسلوب الزراعة بالمبيدات الزراعية الى مصر لازالت تأخذ به حتى الان الا ان فيه شركات كبيرة قطاع خاص انتبهت لهذه النقطة واشترطت على الموردين زراعة البطاطس وعلاجة بأسلوب المضاط الحيوية وفعلا بدأت تصدر المحاصيل من تاني وطبعا صعب نقارن شركات القطاع العام وبيرقراطية العمل فيها وبين شركات القطاع الخاص التي تسعى الى تحسين انتاجها كل يوم

وانا عموما يوميا بأكل خضار وفواكه مصرية حتى اصبحت بالمشهور بالمتعصب في اغلب السوبرماركتات بتاعة الدمام هنا في السعودية

وعلى فكرة منتجاتنا موجدة ايضا في تركيا وخاصة في اسطنبول وهتلاقيها في سوبر مركت الاحمر او رد سوبر ماركت في منطقة ليلة وها تلاقي بعض الباعة على عربات ينادو في سوق ليله على البرتقال المصري والمانجو المصرية وانا نفسي اشتريت منهم

[Lighthouse]

شكرا ياأستاذ محمد على تشجيع حضرتك للمزروعات المصرية في الخارج

لكن طالما هي منتشرة في الخارج كده يبقى اكيد المزروعات المصرية المنتشرة في اسواق العالم غير المزروعات التي لاطعم لها هنا في مصر

واكيد لايستخدم لها مبيدات كالتي تستخدم للمزروعات التي نأكلها هنا

وبعدين يعني هو احنا لقينا بطاطس كويسة وافترينا عليها

اول مرة الواحد يشوف الهم المخطط ده

هو فيه حاجة اسمها بطاطس للقلي وبطاطس اخرى للطبخ

بطاطس الطبخ لو تم قليها بتسود

يعني لالاقيين بطاطش عدلة ولا رز مش مكسر

والرز السليم شوف حضرتك سعره كام

يعني بقى لازم كل مصري يسافر برة علشان يعرف ياكل منتجات زراعية مصرية محترمة من اللى بياكلها البني آدمين

احنا بقى للاسف بناكل بطاطس بتسود او مابتستويش

وبناكل خيار مالوش اي طعم وطعمه اقرب لطعم الكوسة من الخيار

ومش ح اقول لحضرتك على باقي انواع الخضار والفاكهة احسن اضرب المنتجات الزراعية المصرية اللى محطمة الاسواق العالمية ومنتشرة في اسواق خلق الله كلها

وكفاية علينا البحلقة من غير الاكل ومش ضروري نزرع قمح طالما بلدنا ماتنفعش

الغريبة ان السعودية التي كانت لوقت قريب صحراء جرداء لازرع فيها ولا ماء بتزرع قمح

الناس خيبتها السبت والحد

واحنا خيبتنا ماوردت على حد

الله يرحم الست ماري انطوانيت بتاعة البسكويت

[Mohammad Abouzied]

بصراحة دمك شربات يا ليت

كل مسئول له حسنات وسلبيات ولكن هل فعلا سلبياته غطت على حسناته اعتقد يوسف والي مش منهم وان كان الى كان تحته هو كان بيلعب واحمد الليثي كان في الوزارة مدة طويلة ماسك شركة جنوب التحرير ومدة ماسكه محافظة البحيرة مدة قصيرة جدا واهو رجع تاني وماسك الوزراة نفسها وهلت باشيرة بهلول الجراد الي مكانش سيادة عامل حسابه هذه السنة ولم يتخذ الاجراءات الاحتياطية تخفيضا للمصاريف طبعا علشان محدش يقول عليه حرامي

والحمد الله هو مش حرامي لكن النتيجة مش ها تكون لو كان في هذا الموقع يوسف والي الى كان قبل انتهاء فصل الصيف كان ارسل فرق المكافحة للخارج واعطى لها تفويض كامل

وكان صحيح الناس هاتقول عليه حرامي لانه صرف على هذه المهمات مبالغ طائلة ولكن الى مصرفشي والشريف جاب لينا ايه

المهم النتيجة مش كدا ولا ايه

[Lighthouse]

شكرا ياأستاذ محمد على مدحك لدمي الشربات

الحمد لله لو شربات احب اؤكد للاخوة الاعضاء انه مش نتيجة لعصر الفواكة الموجودة في الاسواق :D

نيجي لحكاية ان يوسف والي شريف وماكانش يعرف ببلاوي اللى تحت ايده

مش عارفة الصراحة ده مدح للراجل ولا ذم له

كونه يعرف فتلك مصيبة

ولايعرف فالمصيبة اعظم

فكونه يعرف بوجود هذه العاهات التي عاثت في الوزارة فسادا ولم يفعل اي شيئ لصدهم عن فسادهم فهذا يعتبر اشتراك مباشر منه معهم في جرائمهم ضدنا .

وشهادته في المحكمة لتبرئته شيخ المنصر بتاعه بتقول كده

انا مش باتجني عليه

هو راح المحكمة وشهد لتبرئة اكبر لص ومتاجر بالشعب المصري ومستورد للمبيدات المسرطنة

هذه اكبر من جرائم الحرب

والمفترض ان يتم عقابه هو وعصابته رشا بالمبيدات

اما اذا كان لايعرف فالمصيبة اكبر لان سعادته نايم على ودانه وسايب الوزارة لشوية مرتزقة ينهبوها وينهبوا الشعب كله ويسممونا

بصراحة يعني مش عارفة اقول لحضرتك ايه

كفاية ان البيه الجديد هلت معاه اسراب الجراد

والمفروض واحد زي ده مهمل لايستحق ان يجلس على هذا الكرسي

بل لو كنا صحيح نحترم الشعب وحياة المواطنين وتعبهم له قيمة

المفروض المسؤولين عن هذه الكارثة يتم جمعهم في مكان مغلق ويتم اطلاق اسراب الجراد عليهم حتى تأكلهم وتريحنا من امثالهم

[Mohammad Abouzied]

لكن طالما هي منتشرة في الخارج كده يبقى اكيد المزروعات المصرية المنتشرة في اسواق العالم غير المزروعات التي لاطعم لها هنا في مصر

فعلا صحيح يا ليت المواصفات العالمية للتصدير تختلف عن المواصفات المحلية

ودا دور وزارة التموين هنا والرقابة الزراعية مش وزراة الزراعة

وعلى فكرة السعودية عندها فائض في القمح لانها تعوض المزارعين في زراعته من جهة ومن جهة اخرى الشعب السعودي وجبته الاساسية هي الارز البشاور

علشان كدا السعودية بتصدره والا ها يخرب منها وها ترميه علف للغنم

[فــيــروز]

انا ايضا حين قرات امس عن موضوع الجراد قلت فى نفسى : هو يوسف والى كان كويس واحنا مش واخدين بالنا ولا ايه !!

وحين عدت الى المنزل وجدت جريدة السبت الماضى "30 رمضان" تتحدث عن اقالة خبراء من وزارة الزراعه بعد تعيين الوزير الجديد !! رغم ان هؤلاء الخبراء كان لديهم خبرات قيمه يصعب استبدالها !! يعنى الوزير بيفصل و يعين بكيفه ولتذهب البلد الى الجحيم !!

كذلك حين سمعت موضوع "الجراد مثل الزلازل .. كارثه طبيعيه" لم اجد ما اقوله سوى التساؤل .. طيب حضرتك فى منصبك ليه طالما انه ليس لدينا ما نفعله حيال تلك الكوارث !! :D والله ما كوارث غير هؤلاء المسئولين و امثالهم !! لكنها كوارث غير طبيعيه .. اللهم ارفع مقتك و غضبك عنا يا رب

[Lighthouse]

لكن طالما هي منتشرة في الخارج كده يبقى اكيد المزروعات المصرية المنتشرة في اسواق العالم غير المزروعات التي لاطعم لها هنا في مصر

فعلا صحيح يا ليت المواصفات العالمية للتصدير تختلف عن المواصفات المحلية

ودا دور وزارة التموين هنا والرقابة الزراعية مش وزراة الزراعة

وعلى فكرة السعودية عندها فائض في القمح لانها تعوض المزارعين في زراعته من جهة ومن جهة اخرى الشعب السعودي وجبته الاساسية هي الارز البشاور

علشان كدا السعودية بتصدره والا ها يخرب منها وها ترميه علف للغنم

طيب معلش بقى

ممكن نعرف مهمة وزارة الزراعة ايه بالضبط علشان نحدد بس

طالما هي غير مسؤولة عن المزروعات التي تطرح للاستهلاك المحلي ومسؤولة فقط عن المطروحة للاسواق العالمية يبقى ده معناه ايه

ده بصراحة يعتبر ايه يعني

اعتقد من صميم اختصاص وزارة التنابلة حاليا والزراعة سابقا انها تشرف على كافة المساحات المزروعة في هذا البلد

ماداهية لايكون لها حدود مسؤولة عنها ومساحات اخرى تعتبر خارج حدودها الاقليمية وهذه تستخدم فيها كافة انواع الممنوعات من مبيدات مسرطنة وخلافه لتغذية الشعب الجعان اللى عيشته بحلقة في بحلقة

وخليهم ياكلوا ويتعرفوا على انواع الفاكهة اللى عمرهم ماشافوها

وبعدين يعني كون السعودية بتزرع قمح وبتصدره

فده المفروض يحفز تنابلة السلطان النايمين على مكاتبهم في وزارة التنابلة وان يكفوا عن البحث عن حجج لتبرير تصدير السعوديين للقمح بحجة ان الشعب هناك بياكل رز

طيب انا عندي حل ح يريح الوزارة مننا

يوفروا لنا الرز اللى بياكلوه السعوديين بسعر يستطيع ان يشتريه محدودي الدخل ونخلي معدومي الدخل ياكلوا الرز المكسر المتوفر وانا اوعد حضرتك اننا مش ح نشتكي من حرماننا من القمح ولا ح نفكر في رغيف العيش القمح خالص

وح ناكل رز ونبحلق يوووه

قصدي نحلي بالفاكهة بتاعتهم ونكفي ع الخبر ماجور

بلاقمح بلا كلام فارغ

حتى طعم الرز البشاور اجمل

مش ده رز باكستاني برضه

[Gharib fi el zolomat]

مشاكل الزراعه هى تراكمات عهد يوشع والى

راجع مقالات سكينه فؤاد و تجاهل يوشع لابحاث تطوير زراعه القمح فى مص

اما الوزير الجديد فلا اعلم عنه شيئا لكنه ان ارد اصلاحا فعليه تركه مثقله و ليبدا بمعهد بحوث الصحراء

[Mohammad Abouzied]

كونه يعرف فتلك مصيبة

ولايعرف فالمصيبة اعظم

الراجل كان حوالي اربعة عشر منصب غير وزير الزراعة وكان راسم على انه يكون رئيس وزراء

وكان مهتم بالحزب الوطني اضعاف ما كان بيهتم بالوزراة وشغلها ودي كانت نقطة ضعفه وعلشان كدا كان بيفوض مساعديه في كل حاجة ويصراحة كان اغلب عمله ناجح

[Gharib fi el zolomat]

ما رايكم بفتح موضوع مستقل عن تدمير الزراعه فى مصر فى عهد يوشع والى

تم تعديل 18 نوفمبر 2004 بواسطة Gharib fi el zolomat

[Lighthouse]

كونه يعرف فتلك مصيبة

ولايعرف فالمصيبة اعظم

الراجل كان حوالي اربعة عشر منصب غير وزير الزراعة وكان راسم على انه يكون رئيس وزراء

وكان مهتم بالحزب الوطني اضعاف ما كان بيهتم بالوزراة وشغلها ودي كانت نقطة ضعفه وعلشان كدا كان بيفوض مساعديه في كل حاجة ويصراحة كان اغلب عمله ناجح

يعني منين كويس

وشايف شغله اربعة وعشرين قيراط

ومنين كان مشغول ومكوش على كل مناصب البلد

كويس انهم شالوه احسن مش بعيد يكون كان منمر على انه يطيح بي من شغلي ويحل محلي :D

يعني حد قال شخص واحد يحتل المناصب دي كلها وكان مصر عقيم لاتنجب وليس فيها كفاءات حتى يحتل شخص فقط كل هذه المناصب

هو ده الهرم المقلوب

وعلشان كده البلد عمرها ماح ينصلح لها حال طالما فيها هذه العاهات

لا وكان راسم على منصب رئيس الوزرا

كويس انه انخلع بدري

من طول الفترة اللى العناكب عششت فيها على كرسيه في الوزارة مش فاكرة اصلا اسم وزير الزراعة اللى كان قبله

اللى يعرفه له كيلو جوافة غير معالج كيميائيا ومستورد :)

[Mohammad Abouzied]

مسئولية وزارة الزراعة تنحصر في زيادة رقعة الازراعية وزيادة جودتها ومن ناحية اخرى العناية في المنتجات الزراعية من حيث النوعية والكمية

وصراحة المواصفات العالمية تختلف عن المواصفات المحلية لان طعم ورائحة الفاكهة المصرية المحلية اقوى بكثير من المواصفات العالمية

وفيه مثل بيقول عندنا في مصر ان الاجنبي بياكل بعنية

يعني يهتم بشكل الفاكهة ومش بطعمها

[Mohammad Abouzied]

سيد مرعي

[Mohammad Abouzied]

على فكره مفيش وزير زراعة رضي عنه الشعب المصري

انا فاكر لما عينه الساداته او عبد الناصر وقتها مش فاكر طلعنا مظاهرة ضده وكنا بنهتف (سيد مرعي دا يبقى مين يبقى حرامي الفلاحين)

[Lighthouse]

مسئولية وزارة الزراعة تنحصر في زيادة رقعة الازراعية وزيادة جودتها ومن ناحية اخرى العناية في المنتجات الزراعية من حيث النوعية والكمية

وصراحة المواصفات العالمية تختلف عن المواصفات المحلية لان طعم ورائحة الفاكهة المصرية المحلية اقوى بكثير من المواصفات العالمية

وفيه مثل بيقول عندنا في مصر ان الاجنبي بياكل بعنية

يعني يهتم بشكل الفاكهة ومش بطعمها

طيب متفقين ان الوزارة من صميم عملها الاهتمام بكمية المحصول وكيفه

يعني جودته

يعني المبيدات وخلافه التي تؤثر بالسلب والايجاب على جودته

بس فيه حاجة معلش يعني عقلي على قده شوية ومش فاهمها

وصراحة المواصفات العالمية تختلف عن المواصفات المحلية لان طعم ورائحة الفاكهة المصرية المحلية اقوى بكثير من المواصفات العالمية

ازاي يعني

يعني هم بيجيبوا مبيدات معينة تخلي الريحة عندنا فايحة وقوية

ويستخدموا للتصدير مبيدات مختلفة تحسن شكل الفاكهة لان الاجنبي بياكل بعينيه

واحنا بناكل بأنفنا علشان كده بيهتموا بريحة الفاكهة ومش مهم اذا كانت المبيدات ممنوعة ولا لا

طول العمر الخضار والفاكهة المصريين ريحتهم نفاذة وطعمهم معروف ومميز

ايه اللى جد يخللي الريحة حتى نتحرم منها

افتكر زمان ايام الخضار ماكان له ريحة كان ريحتة الخضار بتقلب التلاجة وبتاثر على اي حاجة موجودة في التلاجة

وافتكر ايام ماكان فيه شمام في البلد دي قبل مايختفي في ظروف غامضة كانت ريحته بنشمها واحنا طالعين على السلم

دلوقتي بقى

لاريحة ولا طعم

ولا اي حاجة

كل حاجة كاوتش في كاوتش

وريحتها متداخلة مع انواع اخرى

زي الخيار والكوسة

ماحدش يقدر يعرف الاتنين من بعض الا بالاستعانة بصديق

[Lighthouse]

سيد مرعي

معلش ياأستاذ محمد

مش ح اقدر ادي حضرتك الجايزة لمعرفتك باسم وزير الزراعة قبل يوسف والي

اجراءات استيراد كيلو الجوافة ح تطول شوية

تاخد جوافة محلي

[Mohammad Abouzied]

ماشي اي حاجة مقبولة منك

انا طبعا لا اقصد معالجة الفواكه بالمبيدات او المضدات فكلتا الوسيلتان مسموح بها طبيا طالما في حدود المسموح ولكن النوعية في الشكل والرائحة

في الوقت ان المصري لا يهمه الشكل ابدا ولكنه يدقق في الطعم والرائحة

نجد الاوربي يهمه الشكل بدرجة كبيرة وينفر من الرائحة لو كانت نفاذه ولا يهمه الطعم الذي يتقبله المصري

وقد سبق وجدت ابنتي مثلا تضع سكر على حلة البطاطس وهي بتنطبخ مع بعض المواد الكيمائية التي سبق ان اشترتها من سوبر ماركت كارفوري وتركتها ولكن ستها رفضت الاكل ولما غصبنا عليها قامت واسترجعته كله في الحمام

ولكن ابنتي اكلته بشهية منقطعه النظير

وبالتالي زوجتى اصبحت تطبخ لابنتي اكل خاص ولامها اكل خاص هي وابن اخي

تختلف الشعوب في تقبل الطعم والرائحة ولكن المواصفات العالمية مقبولة من الجميع

[مصرى]

وأذا كان يوسف والي تعاون مع اسرائيل في المجال الزراعي فده يحسب له وليس عليه لانه فعلا حول البلد الى بلد منتجه زراعيا

:o

كارثة .. كلامك كارثة يا حاج محمد حينما تتكلم فى السياسة :blink:

تذكرنى بحالى حينما تضطرنى الظروف للحديث فى الكورة mfb:

وإن كنت أتفق معك فى افتعال مانشيت المبيدات المسرطنة وأن الكثير من الهجوم على والى يرجع إلى أغراض سياسية سواء لمسئوليته الرسمية عن الملف الإسرائيلى أو موقعه فى الحزب الحاكم أو لصالح الفكر الجديد .. إلا أن التطوير الذى شهدته بعض الزراعات فى مصر مثل القمح مثلا الذى زادت إنتاجية الفدان ثلاثة أضعاف لم يكن نتاج التعاون مع إسرائيل ولا بفضل جهود الوزير .. ولكن ثمرة أبحاث وجهود باحثين مصريين فى الجامعات المصرية التى لا تتبع حتى لوزير الزراعة

[Gharib fi el zolomat]

وإن كنت أتفق معك فى افتعال مانشيت المبيدات المسرطنة وأن الكثير من الهجوم على والى يرجع إلى أغراض سياسية سواء لمسئوليته الرسمية عن الملف الإسرائيلى أو موقعه فى الحزب الحاكم أو لصالح الفكر الجديد

بالعكس

المكتوب عنه اقل من الحقيقه التى ربما لو تاكدنا منها

لما بقى عضوا فى الحزب حيا يرزق

يجعله عامر