في بيتنا جراد

[Lighthouse]

ظهر السيد وزير الزراعة في مؤتمر صحفي في محطة ام بي سي وقال بمنتهي الصفاقة ان اسراب الجراد تعتبر من الكوارث مثلها مثل الزلازل

منتهي الاستخفاف والاستفغال لعقول الناس

الزلازل صحيح كوارث طبيعية ولكن حتى الزلازل يمكن التنبؤ بها قبل وقوعها في البلاد المتقدمة

اما البلاد التي ليس لها اي حيثية ومسؤوليها لايقومون بعمهلم ولو حتى على الهامش ينتشر الجراد في الدول المجاورة ومع ذلك يؤكد هؤلاء المسؤولون ان الجراد بعيد عنا ( مااحنا بلد الامن والامان برضه كالعادة :blink: ) وتمت السيطرة عليه

وبعد هذا يقول سعادته ان الجراد مثل الزلازل

فاجأهم يعني <_<

vmp:

[Cleo]

مكافحة الجراد تخضع للطبقية أيضا...

يعنى والد الذوات بس هم اللى من حقهم يتكافح الجراد فى منطقتهم... أما التانيين (إحنا يعنى) ممكن نشوى الجراد و ناكله زى بدو الجزيرة العربية..

النهاردة معدية قدام جى دبليو ماريوت لقيت ما لا يقل عن 10 عربيات نقل من بتوع الجيش وبيحرقوا حاجات قدام الفندق...

بعد كده... قبل و بعد الفندق يعنى ولا الهوى...

أستاذ حمام كل بعضك...

بنت أختى جاية النهاردة من مدرستها فى المعادى بتقول الجراد حط عندهم فى المدرسة وملا الحوش و السطوح لدرجة المدرسين ما نزلوهمش الفسحة...

[yasser6666]

ياخوفي يابدران بعد كام اسبوع لما المشكلة تتحل (انشاءالله ) وطبعا المشكلة مش حتتحل بفضل السادة المسئولين ولامؤخذة انما الجراد حيزهق مننا لما يجوع ومايلاقيش عندنا اللي ياكله ...وطبعا زي ما كلنا عارفين ساعتها بقي الحكومة تقولك تمت المواجهة واعداد الخطط وعطينا الجراد درس لن ينساه ولن يفكر مرة تانية في الاقتراب من حدودنا....

كله كوم واسعار الفاكهة والخضروات كوم تاني ...دي اكيد حتولع <_<

[Gharib fi el zolomat]

نوصى باهداء جائزه الجراده الذهبيه لكل من:

يوشع والى

الليثى

وزير الدفاع

يا ترى مين حياخذ توكيل استيراد معدات مكافحه الجراد???

كله بفايده

[Cleo]

بابا بيقوللى شاف من 4 شهور على قناة المغرب إن الجراد وصل المغرب... بيقوللى معنى كدة إن لو الناس عندنا صاحيين كانوا أخدوا احتياطهم لأنه كدة أكيد جاى جاى..

<_<

[ماجد]

عندى مزرعه صغيره فى وادى النطرون على بعد 90 كم من القاهره بس فى الصحراء مش على الطريق . أول ايام العيد عدى علينا بتوع مكافحة الجراد و سابوا تليفوناتهم.

ثانى ايام العيد حصل هجوم كثيف من الجراد دمروا لينا مساحات كانت مزروعه بصل و ثوم و بهدلوا شجر الجازورين ( شجر يستخدم كمصدات للرمال و الرياح ) اتصلنا بهم و وصلوا فى نفس اليوم بأربع سيارات ظلوا يعملون من التاسعه مساء و حتى الفجر فى رش نوع من المبيدات ثمن الكيلو حوالى 50 جنيه و رشوا على ضوء الكشافات حوالى 100 كجم و كانت النتائج باهره . القتلى من الجراد حوالى 500 متر طولى بعرض اربعة امتار بسمك 15 سم يعنى حوالى 300 متر مكعب جراد فى مزرعه واحده و الحمد لله الخسائر محتمله. المزارع جنبنا اتمسحت و بجد خراب مستعجل كأننا كنا ناقصين الجراد. و مزارع دينا تضررت بشده.

مصر كان طول عمرها عندها فرق مكافحة الجراد فى خارج مصر و مركز للأنذار المبكر كمان . ما عرفش يوسف والى عمل ايه فى الناس دى شردهم و الا ايه. يبدو ان الأهمال اصبح عقيدة عمل.

فرق المكافحه استجابتها و ادائها كانت ممتازة و فوريه لكن بعد خراب مالطه .ناس كثير راح شقا عمرها.

[Cleo]

مصر كان طول عمرها عندها فرق مكافحة الجراد فى خارج مصر و مركز للأنذار المبكر كمان . ما عرفش يوسف والى عمل ايه فى الناس دى شردهم و الا ايه. يبدو ان الأهمال اصبح عقيدة عمل.

فرق المكافحه استجابتها و ادائها كانت ممتازة و فوريه لكن بعد خراب مالطه .ناس كثير راح شقا عمرها.

تفتكروا فيه حاجة بتتدبر فى الظلام فى ظل انشغال الناس بمشكلة الجراد؟؟

يعنى هل عملية التغافل عن مكافحة الجراد كانت مقصودة عشان نلاقى حاجة "نتلهى" فيها عن اللى بيتدبرلنا فى المطبخ السياسى؟؟

(مفيش فايدة.. نظرية المؤامرة ورايا ورايا)

[ماجد]

الأخت Cleo

لا اعتقد بوجود مؤامره و لا حاجه غير داء الأهمال و اللامبالاه القاتل و عدم التحرك الا بعد وقوع المصيبه. موضوع الجراد كان معروف من اكتر من شهر بس تقولى لمين .

الناس فى رمضان صايمه و عدوا علينا بعد العيد.

موقع BBC :

[ماجد]

شوفوا البجاحه :

من موقع BBC :

"إلا أن وزير الزراعة المصري أحمد الليثي أنحى باللائمة على اتجاه الرياح وقال إنها غيرت إتجاه الجراد من الجنوب في الجزائر إلى التوجه إلى طبرق ومنها إلى الحدود الليبية المصرية عند السلوم ومنها إلى داخل العمق المصري حتى وصل إلى محافظات البحيرة والمنوفية ومدينة الاسكندرية الساحلية. "

يعنى الرياح هى السبب . زى مانقول كده ان الحكم كان موالس معاهم و الجمهور و الملعب والكوره و اى حد الا الفريق بتاعنا. الغلط على الهوا و لازم نعاقبه مش على نقص الأستعداد و الأهمال و اللامبالاه بالبشر .

بجد ........... حاجه تغيظ و تفلق

<_< :blink: fty:: fty::

[Lighthouse]

شوفوا البجاحه :

من موقع BBC :

"إلا أن وزير الزراعة المصري أحمد الليثي أنحى باللائمة على اتجاه الرياح وقال إنها غيرت إتجاه الجراد من الجنوب في الجزائر إلى التوجه إلى طبرق ومنها إلى الحدود الليبية المصرية عند السلوم ومنها إلى داخل العمق المصري حتى وصل إلى محافظات البحيرة والمنوفية ومدينة الاسكندرية الساحلية. "

يعنى الرياح هى السبب . زى مانقول كده ان الحكم كان موالس معاهم و الجمهور و الملعب والكوره و اى حد الا الفريق بتاعنا. الغلط على الهوا و لازم نعاقبه مش على نقص الأستعداد و الأهمال و اللامبالاه بالبشر .

بجد ........... حاجه تغيظ و تفلق

<_<  :blink:  fty::  fty::

حيث ان العيب طلع في اتجاه الريح فلااستبعد ان يطلع علينا احد المسؤولين العظام اياهم مؤكدا انهم ضبطوا مراوح كبيرة غيرت اتجاه الريح :)

حاجة مش بس تغيظ fty::

:)

[METALLICA]

أعلن السيد أحمد الليثي وزير الزراعة في مؤتمر صحفي عقد بعد ظهر اليوم :

أن أسراب الجراد التي هاجمت الوجه البحري و القاهرة اليوم ، ليس لها أي تأثير يذكر على الانسان و الزراعات .

كما أضاف سيادته في لقاء صحفي مع جريدة الأهرام - عدد 18/11/2004 الصفحة الأولى :

أن هذا الجراد غير ناضج و هو عابر فقط

غير ناضج ديه يعني لسة ما إتفطمش و معندوش سنان يقرقد بيها !!! والا عبيط ومش فاهم ياكل ايه !!! . . . . . . . . هع

باين انهم مدينله تأشيرة مرور فقط ؛ ولو شفنا جوازات السفر الجرادية الحمراء سنتأكد من ذلك . . . وأكيد الشرطة هتمسك الجراد المخالف بالإقامة وهترحله بإذن الله . . . إطمنوا يا ناس . . . . . . . .

تم تعديل 18 نوفمبر 2004 بواسطة METALLICA

[METALLICA]

ياااااااااااااااااه شفتوا الرياح الخبيثة . . . غيرت إتجاهها عابرة دولة ليبيا بأكملها فجأة . . . وجت مصر فجأة !!!

سبحان الله . . إشي مفاجآت ياناس . . . .

خطر ببالي نكتة الواحد اللي إترزع 10 أقلام على وجه فجأة !!!!

[ماجد]

مش فاهم ....

الناس دى بتحسبنا هُبل ولا بنجرى ورا عربيات الرش.

المصيبه .....

لا يكونوا هما اللى بيجروا ورا عربية الرش <_< :blink:

[amir]

[ماجد]

محدش عنده اى فكره نعمل ايه بجثث القتلى من الجراد.

و اهو يبقى مشروع عظيم. :D

انا بتكلم جد .

:rolleyes:

[amir]

محدش عنده اى فكره نعمل ايه بجثث القتلى من الجراد.

و اهو يبقى مشروع عظيم. :D

انا بتكلم جد .

:rolleyes:

بعد تنظيف الجراد يتبل بالبيض و الدقيق و يحمر فى السمن

احلـــــى من الجمبرى

:D

[Tamsite]

يييييييييييععععععععععععععععععع :D

:D mf) mf)

عفوا ، فهو رد فعل بشري تقليدي لما قيل

:rolleyes:

تم تعديل 18 نوفمبر 2004 بواسطة Tamsite

[amir]

يييييييييييععععععععععععععععععع :D

:D  mf)  mf)

عفوا ، فهو رد فعل بشري تقليدي لما قيل

:rolleyes:

و أنا مالــــــــى .... دى وصفه مجربه !!

طيب أسمع دى :

خيرا يفعل القبارصة باللجوء الى موقع للامم الامتحدة على الانترنت سعيا الى المشورة بشأن كيفية مواجهة غزو اسراب الجراد الصحراوي حيث سيجدون المنظمة الدولية تشير عليهم باكلها اذا كان لا يمكنهم لتغلب عليها.

وفي سعيها للمساعدة على التعامل مع اسراب الجراد التي غزت قبرص قادمة من افريقيا يشير جانب من المعلومات الواردة عن منظمة الاغذية والزراعة التابعة للامم المتحدة والتي تتخذ من روما مقرا لها ان الجراد غني بالبروتين ويمكن ان يؤكل مشويا او مسلوقا او محمرا.

وتقول احدى الصفحات على موقع المنظمة الدولية على الانترنت اليكم بعض الوصفات المحلية المأخوذة عن دول موبوءة بالجراد. فضلا ارسل الينا مالديك من وصفات اخرى.

وتنصح احدى الوصفات الواردة عن احدى قبائل الجنوب الافريقي بطحن الجراد المحمر وتحويله الى مسحوق يمكن تناوله خلال الرحلات. وتقول "تتميز السيقان عند تجفيفها بوجه خاص بطعمها اللذيذ، وتقول وصفة اخرى من كمبوديا "خذ عدة عشرات من الجراد.. ويفضل الاناث.. وشق بطونها طوليا واحشها بالفول السوداني. ثم ضعها على نار هادئة في مقلاة واضف اليها القليل من الزيت والملح. واحذر الافراط في طهيها او حرقها.

[SilverSwan]

يا جماعة انا برضه لسه ما شفتش جراد علما ان انا ساكن في قلب القاهرة ............  :rolleyes:

كل اللي زعلانين اوي وما شافوش الجراد .. اهوه .. :D

تم تعديل 18 نوفمبر 2004 بواسطة SilverSwan

[SilverSwan]

صوره اوضح .. انا فعلا شفته بالوضوح ده

وفي كنت في وسط البلد