هل يتم تعيين كمال الجنزروي رئيساً للوزراء ؟؟؟

[رضوي]

الجنزوووووووووووري

شكراً

هي كدة كملت اوي

طيب وعصام شرف استقال ليه بقى ؟؟؟؟؟؟؟؟؟؟

احنا مش عايزين واجهه ومنفذ لأوامر المجلس العسكري............... احنا محتاجين رشيس وزراء ثوري جريء شجاع

والله الموفق

[ام سلمي]

انتوا ناسيين حاجة مهمة

مش مهم خالص مين رئيس الوزرا الأهم هو مين نائب رئيس الوزرا

لان هو ده دائماً اللي بيعمل كل حاجة

[raouf]

نفسى اعرف العالم دى بتفكر ازاى ؟

يعنى مين اللى بيفكرلهم ولا بيساعدهم فى الافكار ؟

يعنى مبارك كنا نعرف انه بيسال ناس زى الفقى وزكريا عزمى وعيرهم من الكلاب طيب المجلس بيسال مين ؟

طيب اسال الناس اللى فى التحرير ؟

اسال رموز المعارضة ؟

بلاش كل ده اسال حتى رؤساء الاحزاب اللى اكيد هيكونو ثلثين البرلمان واكثر حسب قانون الانتخابات

كل ما نطفىء النار من ناحية يفتحوها من 500 ناحية بسبب الغباء

رايى الان يجب ان يرفض الميدان ويظهرها واضحة رفضهم لتولى اى وجه من الوجوه القديمة

ممكن يكون المجلس العسكرى لسه مش فاهم ويفهم قبل التكليف الرسمى

[engmido]

مين .... الجنزورى ؟؟؟؟

يحيى العظام وهى رميم

هو راجل محترم صحيح واستقال من سكة مبارك لما حب يصلح فى حال البلد

بس شكراااا ماينفعش

ولا اعتقد ان ثوار التحرير هايوافقوا عليه ...حتى ولو لفترة انتقالية

[Ahmed Anwer]

يا جماعة اللي علي تويتر

يشوف #GanzoryTimes

ضحك السنين بجد !!

أنا هأتقلب علي ظهري من الضحك

[متعب]

بيان عاجل

عن القوى الثورية بميدان التحرير وكافة ميادين مصر الحرة (شباب ورجال ونساء واطفال وشيوخ)

ففى شأن ما ورد الينا من معلومات عن اختيار المجلس العسكرى للدكتور كمال الجنزورى رئيسا للوزراء

فان ميدان التحرير وكافة ميادين مصر تعلن رفضها الكامل لتعيين الدكتور الجنزورى كرئيسا للوزراء وتصر على مطلبها الثابت فى مجلس انتقالى وطنى كامل الصلاحيات لادارة شئون البلاد خلال المرحلة الحالية على ان يعود الجيش لدوره الاصلى وهى حماية الحدود والامن

والله الموفق

الله.مصر .الثورة

[shawshank]

- عيوشة ... عمل وتامينات

مش عيوشة بقى، أحمد العماوي الله يرحمه.

[mfarag]

انتوا شعب ضلمة ميكمرش فيكم

مش ذنب الراجل ابدا ان الثورة اتاخرت 20 او 30 سنة

يعنى انتوا تتاخروا عن ميعادكم و تلموا الراجل

:P ;) :P

[الغريب]

يا جماعة اللي علي تويتر

يشوف #GanzoryTimes

ضحك السنين بجد !!

أنا هأتقلب علي ظهري من الضحك

ضحك السنين ،، يخرب بيت كدة

والله المجلس فرفش على الناس

[وطني حر]

من علامه الافلاس التنبيش في الورق القديم

لو المشير غمض عينيه كدا وشد اي شاب او فتاه من الميدان عليا النعمه هيقدر يدير البلد افضل من شرف والجنزوري والمجلس العسكري بشلتهم لسبب بسيط

هدف اودور رئيس الوزراء في الفتره القادمه هو تامين استمرار العمل فقط والعمل علي اجراء انتخابات حره ونزيهه فقط

ثاني حاجه الاهم من رئيس الوزراء هو وزير الداخليـه ووزير العدل . بالنسبه للخارجيه مش محتاجين وزاره ولا قوي عامله ولا تعليم ولا عالي ولا اسكان ولا ......ولا اي من الوزارات اللاخري لان لكل مرحله وزارات ذات سياده وهي من تنوء بالعمل وانجاح اهداف الثوره

تم تعديل 24 نوفمبر 2011 بواسطة وطني حر

[مغتربة]

الخواجه لما يفلس بيدور فى دفاتره القديمه

ادى اول اهداء للاخوه الى مصدقين ان الحدايه بتحدف كتاكيت

و انا متاكده ان لسه الاهداءات اكتر فى الايام الجايه

[se_ Elsyed]

يا جماعة من الاخر ..

المجلس عاوز واحد مهاود ... وأهو نجيب لكم منين

بالفعل ... الناس دي فكرها وقف لحد الثمانينات من العُمر

[se_ Elsyed]

تفتكروا بعد ما جدو جنزوري رجع بالسلامة ... ممكن التليفزيون يرجع أبيض وأسود ويفتح من 10 الصبح لتسعة بالليل ؟

ونرجع بقى زي زمان

والله باتكلم جد يمكن حنين للماضي

أصلي أول ما سمعت إسمه إفتكرت أيامه لما أتصلوا بيه في مصر عشان في أوفر شغل في شركة جولدي .. ومالحقتش أرد إلا والراجل إتشال وطلع معاش ....

مش عارف الأوفر موجود لحد دلوقت والناس لسه جادين في ذلك ولا الوقت فات ؟

[م تيمور المراغي]

الجنزوري قرر تعيين طلعت باشا حرب وزيرا للمالية يا رجالة ... والكلام بيحدف على محمود سامي البارودي وزيرا للدفاع .. وعودة محمد محمود وزيرا للداخلية بس هو راجع تخليص حق عشان الشارع اللي اتبهدل بس !

[ozoozo]

علي فكره نفوا الخبر علي التلفزيون

الراجل اتمسخر من الشباب من عينه انه هايرجع الويندوز 95 وهايدي كل شاب الكازوزه بتاعه الجادون

بيقولوا ان مرتضى منصور ماسك على الناس كلها سي دى الا الجنزورى ماسك عليه فلوبى ديسك

تم تعديل 24 نوفمبر 2011 بواسطة ozoozo

[se_ Elsyed]

الجنزوري قرر تعيين طلعت باشا حرب وزيرا للمالية يا رجالة ... والكلام بيحدف على محمود سامي البارودي وزيرا للدفاع .. وعودة محمد محمود وزيرا للداخلية بس هو راجع تخليص حق عشان الشارع اللي اتبهدل بس !

طب والله فكرة

وأنا اقترح إننا ننهض بالتعليم ونعدي بقى ونعين طه باشا حُسين وزيراً للمعارف

ورفاعه رافع الطهطاوي .... مش لاقي له وزراة .. بس نمسكه الثقافة مؤقتاً

وعلي باشا مبارك وزيراً للصحة

ولاظوغلي وزيراً للمالية

[se_ Elsyed]

وكتاب الله يرجعوا الجنزوري .. ولا يرجعوا الخديوي إسماعيل

مش لابس الطربوش يعني مش لابسه

بالله عليكم الطربوش يليق مع الجينز والأنسيال والسلسلة الفضة ؟

[se_ Elsyed]

اللي أنا متأكد منه إن الغازات إتسربت من محمد محمود لحد العباسية ... والمشير وزمايلة شموا بالقرش كله وهيسوا ... ويمكن فقدوا الذاكرة زي الصحفية بتاعت إمبارح يا عيني

فلما فاقوا .. لقوا نفسهم في التسعينات من القرن الماضي

[se_ Elsyed]

عمار علي حسن ( خابور إستراتيجي ) : الشباب رشحوا الجنزوري لكنه غير مناسب .

انا أشهد على ذلك بصراحة ... ماما كانت بتكلمني عن جدو الجنزروي .. وإحنا كنا بنسمعها ونجاملها ونقول لها إن الشباب شباب القلب يا نينه واللهم صلي عالنبي إنتي لسه شباب وكدهوت ...

مساء الخير يا نينة

[Alattar]

بلا جنزوري بلا وجع قلب..أنا جبلكلوا الخلاصة