هل يتم تعيين كمال الجنزروي رئيساً للوزراء ؟؟؟

[se_ Elsyed]

ولا فارقة معايا

هو دلوقت في إجتماع مع طنطاوي

رئيس وزراء بدون صلاحية .. يبقى قرطاس اخر

لما سألوا الجنزوري على قدر كفاءتة إنت وافقت على مشروع توشكى الفاشل ليه .. قال لهم كانت أوامر من مبارك

وأنا إيش دراني إنه مش هايبقى كده مع طنطاوي ؟

[ViralMind]

و ده مين اللى صحاه؟

مفيش حد هيوافق عليه..

ما هو لازم تبقى كده.. لاما تجيب واحد محدش يتفق عليه.. لاما تجيب واحد و يرفض..

[ابو محمود]

و ده مين اللى صحاه؟

مفيش حد هيوافق عليه..

ما هو لازم تبقى كده.. لاما تجيب واحد محدش يتفق عليه.. لاما تجيب واحد و يرفض..

بالعكس يا عزيزى هيتوافق علية لانها مرتبة سابقآ الايام بيننا شوية عدم توافق ومن ثم هدوء والمهم الوقت يحصل الانتخابات تتأجل وهتبقى فلة شمعة منورة وخد بقى طحن من الثقيل

[se_ Elsyed]

بشكل شبه مؤكد .. خلا الجنزوري رئيساً للوزراء

وإليكم تشكيل الوزارة المتوقع

- الجنزوري .. رئيساً للوزراء

- الرزاز ... وزيراً للمالية

- يوسف والي ... الزراعة

- فاروق حسني .. ثقافة

- عيوشة ... عمل وتامينات

- زكي بدر .. وزيراً للداخلية

- عبد المنعم عمارة ... شباب ورياضة وحركات

وسنوافيكم بباقي التشكيل

[se_ Elsyed]

أقسم بالله .. لو إنت قاصد تخرب البلد ما تعمل اللي بيعمله مجلس التخريف ده

حتى لو البرادعي وعمرو موسى رفضوا ..

فهل عدمت مصر القيادات القوية اللي ممكن تتولى هذا المنصب ؟

[متعب]

يعنى مفيش فايده

هما الحمسين ستين واحد ال مسكوا مصر مينفعشى حد تانى يمسكها غيرهم

ده عل اساس ايه ان شاء الله

على اساس ان النخبه السياسيه اصبحت حكر على اتباع مبارك وحرميه الاتصالات المشبوهه مع سويرس

ال الجنزروى اهدر فيها مليارات واتقاسم هو وسويرس فى الغله ال لموها

امال استدعت نيابه الاموال العامه الجنزورى ليه اصلا وتم التحقيق معاه

على اساس انه من العشرة المنزهيين فى مصر ولا على اساس ان كل النخب السياسيه التى ليس لها علاقه بالنظام دول ميعرفوش يديروا البلد وسرقتها او ممكن يبلغوا عنهم

لاء وبيلمعوه اسمله والكلام عن النزاهه بتاعته التى لاتنقطع وتاريخه الناصع وحكمته البالغه فى ادارة البلاد

وطبعا لو اعترض عليه الناس

تعالوا بقه هنجيبلهم مين تانى . كل ما نجيب ليهم واحد يعترضوا عليه

تبقى صح المقوله لو تم اختيار حد بعيدا عن الاربعين حرامى

وياحلولى

[se_ Elsyed]

تقترحوا مين وزير للخارجية ؟

المرحوم أحمد ماهر .. ولا نجيب وجه شاب زي أحمد أبو الغيط ؟

بالنسبة للدفاع .. تيجوا نجيب أبو غزالة الله يرحمه على اساس إن طنطاوي مش فاضي لنا ؟

[raouf]

بصراحة شديدة لو تم تعيين اى حد واكرر اى حد واكرر اى حد كان له صلة او منصب فى حكومات مبارك او كلابه يبقى ضيعنا حق الشهيد ولنا فى عصام شرف مثل

ارفض تماما تماما الجنزورى ولا الكفراوى ولا غيره دول كلهم نفس المدرسة والتفكير

ليه البلد خلصت من وجوه المعارضة ؟

يجيبو اى حد من الىى كان معضوب عليهم وممنوعين من تولى مناصب

الجنزورى = شفيق =عصام شرف = احمد عز وغيرهم

كلهم ممن ساعد وثبت النظام السابق الفروق بينهم ان منهم من ظهر وفساده والاخر كان ذكى متدارى

تم تعديل 24 نوفمبر 2011 بواسطة raouf

[se_ Elsyed]

طب دلوقت عاطف عبيد إسمه مطروح ... بس هو ممكن يخرج الست سبع شهور دول يتولى الوزارة على ذمة التحقيق ؟

ليها مخرج ... ممكن عفو رئاسي من طنطاوي ...

وبالمرة يخرج مبارك مؤقتاً ...

كل ده لحد ما نخلص الفترة الإنقالية ويسلم السلطة لرئيس منتخب

[mfarag]

طب دلوقت عاطف عبيد إسمه مطروح ... بس هو ممكن يخرج الست سبع شهور دول يتولى الوزارة على ذمة التحقيق ؟

ليها مخرج ... ممكن عفو رئاسي من طنطاوي ...

وبالمرة يخرج مبارك مؤقتاً ...

كل ده لحد ما نخلص الفترة الإنقالية ويسلم السلطة لرئيس منتخب

متهيالى لو وصلت لعاطف عبيد يبقى احمد نظيف اولى

[ViralMind]

خلاص بقى يا سى السيد طالما انتا مصمم..

عندى حل احلى من دول كلهم.. هههههههههههههههههههه

http://www.youtube.com/watch?v=x6rDLMYNn1w

[سكر]

بسم الله الرحمن الرحيم

الاجابه احمد نظيف

مش انت يا س سى عامل الموضوع وبتسائل مين اخر رئيس وزراء فى مصر :closedeyes:

طيب نتعالوا نقف على الجانب الاخر من النهر

ترشح مين يكون رئيس الوزراء ؟

ايه رايكم فى نهى الزينى

[se_ Elsyed]

أحمد نظيف !!! اممممممممم

أوك ... بس يمسك وزارة الإتصالات الاول عشان ياخد خبرة

بس .. لقيتها

ونرجع فتحي سرور وزيراً للتعليم

وجولدا مآير تمسك وزارة البيئة

وباروخ جودلشتاين نمسكة وزارة البحث العلمي

ما هو تخريف بتخريف بقى

[mfarag]

بسم الله الرحمن الرحيم

الاجابه احمد نظيف

مش انت يا س سى عامل الموضوع وبتسائل مين اخر رئيس وزراء فى مصر :closedeyes:

طيب نتعالوا نقف على الجانب الاخر من النهر

ترشح مين يكون رئيس الوزراء ؟

ايه رايكم فى نهى الزينى

اهم من الاسم يكون واضح من الاول و معلن اية المهام المكلف بيها

بشكل واضح

عشان ميطلعش ناس تقولك ان من اهداف الثورة العدالة الاجتماعية و الحكومة محققتهاش زى ما سمعنا اليومين اللى فاتوا

وكمان ملقياش اخبار - زى حكومة شرف - ان الحكومة سايبة البلد تولع و بتدرس مشاريع طويلة المدى زى ممر التمية

[se_ Elsyed]

مش عارف والله جت على بالي أغنية الفنان الراحل عبد الحميد حافظ

" يا مفرقين الشموع .... إيه ده أنا ماخدتش !!! "

[ابراهيم عبد العزيز]

الأخت أم سلمي وضعت هذا الخبر في الموضوع الخاص بمتابعة أحداث 18 نوفمبر , وعلقت على هذا الخبر كالتالي :

هل ممكن يكون الجزوري رئيس حكومة الإنقاذ

R.N.N | شبكة رصد

رصد | الجزيرة | مصادر : المشير طنطاوي يستقبل الدكتور كمال الجنزوري رئيس الوزراء المصري الأسبق بمكتبه #RNN #Tahrir #Scaf

بصراحة أميل لرفض هذا الترشيح لسببين :

الأول : أفضل شخص كان بعيدا كل البعد عن النظام القديم حتى ولو توسمنا فيه الخير , وأعتقد أن تجربة عصام شرف ليست ببعيدة , والكل توسم فيه الخير لكن في الأخير كان الأداء منه دون مستوى الطموحات , وكلنا نعلم أنه كان عضوا ولو لفترة قصيرة في النظام القديم , لذلك ودرء للشبهات الأفضل الإبتعاد عن أي شخص كان عضوا في النظام القديم حتى ولو كانت سمعته حسنة , حتى لا يكون في حرج عندما يكون مطلوبا منه مواجهة فساد هو كان عضوا فيه في يوما من الأيام , ومن الممكن أنه عندما يواجه هذا الفساد تكون له مشاركة فيه سواء إيجابيا أو ضمنيا بصمته عليه , ناهيك عن أن إختيار واحد من النظام القديم سيفتح الباب للتشكيك في أي فعلة يفعلها حتى ولو كانت حسنة .

ثانيا : الجنروي كبير في العمر , ونحن نريد شابا يتولى الأمور ليعبر عن مجتمع فتي غاليبته شباب وهو المجتمع المصري , وليس معنى شاب أن يكون عشرينيا متحمسا قليل الخبرة , ولكن أقصد أن يكون عمره ما بين 40 و 45 سنة على أقصى تقدير .

وفوق ذلك كله : لماذا هناك إصرار بجعل مصر رهينة في أيدي إما مسئولين من النظام السابق أو مسئولين إختلطوا فيه !!؟ وكما لو أنه ليس هناك من يصلح في مصر إلا هم ؟ وكما لو كان هم فقط من يفهمون الصالح والباقي لا يفهم

أنا لا أوافق على هذا الترشيح الذي يجعلنا معرضين للعودة مرة أخرى للوراء بعد أشهر من الأن .

تم تعديل 24 نوفمبر 2011 بواسطة ابراهيم عبد العزيز

[moamana]

الجنزورى عنده 79 سنة ربنا يخدهم و كمان منوفى و الله على جثتى انا هرجع من الرياض على التحرير

الجنزورى اتعين رسمى

على فكرة انا جوزى منوفى لكن ابدا مش هرشح منوفى برده :)

[ابراهيم عبد العزيز]

إختيار أحبطني جدا

مصرون أن يجعلوا مصر تدور في نفس المدار وبنفس الوجوه والأفكار والسياسات , دون ضخ دماء جديدة وأفكار جديدة

مللنا من هذه الوجوه ومن هذه الأفكار

الجنروي تولى الحكومة من قبل ورأينا فكره , فكره كلاسيكي وتقليدي ولا يتناسب مع حكومة ثورية

لا حول ولا قوة إلا بالله العلي العظيم

تم تعديل 24 نوفمبر 2011 بواسطة ابراهيم عبد العزيز

[se_ Elsyed]

خلاص التكليف بقى رسمي

[Folana]

مش باين لها قومة..

خلينا نتفرج

لاحول ولا قوة الا بالله