هل يتم تعيين كمال الجنزروي رئيساً للوزراء ؟؟؟

[عادل أبو عمر]

التلفزيون المصري

مؤتمر صحفي للجنزوري بعد قليل

هو كان مجهز أسامي الوزراء في جيبه ولا إيه ؟

الخبر ده ليك يا حاج أحمد عشان أنا عارفك بتشجع الشوباب

في تصريحات خاصة لشبكة الإعلام العربية "محيط" ،أكد الدكتور إسماعيل سلام أن الدكتور كمال الجنزوري استقبله، واقترح عليه تولي وزارة الصحة، والجدير بالذكر أن الدكتور سلام اشتهر خلال تواجده بالوزارة أيام المخلوع بأنه طبيب الفقراء وكان المشير محمد طنطاوي استقبل الدكتور كمال الجنزوري وكلفه بتشكيل الحكومة الجديدة.

المصدر

[مغتربة]

طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب

مش صحيح استاذ عادل

البرادعى قبل من حيث المبدأ بشرط الموافقه على منحه صلاحيات يراها ضروريه لاتمام مهمته

لكن هما الى موافقوش

و بصراحه مادام هو الى كان هيشيل اليليه ادامنا و يتحاسب حساب الملكيين مننا فكان لازم تاكد ان عنده الصلاحيات الى تمكنه من تحقيق الحاجات الى الناس متوقعاها منه و الا مش هيمشى الحال

أيوة حضرتك بس أنا قلت ( كل )

الجنزوري تم طرحه كاسم توافقي من ضمن عدة شخصيات زي البرادعي و البسطويسي و عبد المنعم أبو الفتوح ... طبعا كل اللي داخل مرشح للرياسة شال إيده عشان ميحرقش نفسه لأن الوزارة تركة كلها مصايب .. و لو جبنا حكومة اليابان مش هتقدر تحل مشاكل الوضع المعقد في مصر

يعني مخصصتش البرادعي و لأني أعرف إن عمرو موسى كمان رفض

الموضوع في رأيي مش صلاحيات ... الموضوع هو حسبة برما

المشكلة مش بس في الشخص او الصلاحيات ..

المشكلة في ضيق الوقت .. و حجم المسئولية و النتائج المطلوب تحقيقها من أي حد يمسك المكان ده..

وترصد العيون كلها للأداء ..

كل عين ترى و تتوقع الفشل

الموضوع محتاج روح شعب كلنا لازم نساعد مش بس نتفرج

نساعد بأننا نحاول نقرب و ما نبعدش .. نختلف بس منتخانقش

مطلوب كلنا نحب مصر

مطلوب لده شخصية قيادية لها رؤية و فكر و كاريزما

مين موجود دلوقتي فيه كدة

وهل احنا مستعدين نتجمع على هدف

انا عارفه ان انت قولت كل انا رديت فى جزئيه البرادعى تحديدا

لان هو دا الى خرجت الاخبار بتؤيد طرح الفكره عليه و تعليقه عليه

فانا علقت ليس دفاعا عن احد ضد احد و لكن لتوضيح الفكره لان ممكن يكون فى ناس مش عارفه الى حصل

او هو رد بايه

بس

تحياتى

تم تعديل 25 نوفمبر 2011 بواسطة مغتربة

[Mr MAGED]

الجنزورى رجل " شريف "، ورجل " نظيف "، وهو انسان " وطنى "، وسيعيدنا لأيام ال" عز" وال" سرور"، فهو حقا من " صفوت " الناس،

انه حقا اختيار " مبارك " يا سيادة المشير

[se_ Elsyed]

التلفزيون المصري

مؤتمر صحفي للجنزوري بعد قليل

هو كان مجهز أسامي الوزراء في جيبه ولا إيه ؟

الخبر ده ليك يا حاج أحمد عشان أنا عارفك بتشجع الشوباب

في تصريحات خاصة لشبكة الإعلام العربية "محيط" ،أكد الدكتور إسماعيل سلام أن الدكتور كمال الجنزوري استقبله، واقترح عليه تولي وزارة الصحة، والجدير بالذكر أن الدكتور سلام اشتهر خلال تواجده بالوزارة أيام المخلوع بأنه طبيب الفقراء وكان المشير محمد طنطاوي استقبل الدكتور كمال الجنزوري وكلفه بتشكيل الحكومة الجديدة.

المصدر

عيبببببببببببببببببببببببببببببببببب

انا قولت إن متوسط أعمار الوزراء هايبقى فوق التسعين

[Folana]

مؤتمر صحفى للجنزورى الان

[se_ Elsyed]

المؤتمر الصحفي دلوقت للجنزوري

الراجل تعبان وصحته على قده يا جدعان وعمال يكح

بس عامةً ... ومن أجل التهدئة .... نستحمله شهرين بالظبط ... لان مدة الوزارة شهرين حتى منتصف يناير موعد إنعقاد او جلسة لمجلس الشعب وحسب الدستور فإن عند إنعقاد أو لجلسه لمجلس الشعب يتم إستقالة الحكومة ...

وأعتقد إن مجلس الشعب لن يتنازل عن تشكيل الحكومة الجديدة على نظافة

[mfarag]

المؤتمر الصحفي دلوقت للجنزوري

الراجل تعبان وصحته على قده يا جدعان وعمال يكح

بس عامةً ... ومن أجل التهدئة .... نستحمله شهرين بالظبط ... لان مدة الوزارة شهرين حتى منتصف يناير موعد إنعقاد او جلسة لمجلس الشعب وحسب الدستور فإن عند إنعقاد أو لجلسه لمجلس الشعب يتم إستقالة الحكومة ...

وأعتقد إن مجلس الشعب لن يتنازل عن تشكيل الحكومة الجديدة على نظافة

انت بتقول نستحملة

قابل باة كلام من نوع

انت فلول

انت اكيد من بتوع اسفين يا ريس

لحد

عبيد

و بعت دم الشهداء

[متعب]

الجنزورى شخصيه رائعه . هأو

بيفكرنى بعمر سليمان

فعمر سليمان مفرحشى ياعقل امه بمنصب نائب رئيس الجمهوريه يوم واحد وبعد كده خذ الصابونه

واخونا برده كمال انا بتوقع لان عندى الحاسه السادسه دى قويه شويه الحقيقه

اتوقع ان اول قرار هيخده هو استقالته من منصبه

والله الموفق والمستعان

وياحلولى

[ابراهيم عبد العزيز]

منذ إعلان خبر تكليف الجنروري برئاسة الحكومة الجديدة وأرى معظم القوى السياسية ومعظم شباب الثورة في الميادين المختلفة ترفض هذا الترشيح

طيب : المجلس العسكري قال أن ترشيح الجنروري جاء بناء على التشاور مع القوى السياسية , فأي قوى سياسية هذه التي تم التشاور معها !!؟

بعض الأصوات الأن تنادي بمنح الفرصة للجنرزوي قبل الحكم عليه , طيب ألم نستمع لمن ردد نفس هذا الكلام عندما إعترضت الغالبية على تشكيلة حكومة شرف وكانت النتيجة التي نراها الأن من أن مصر أضاعت عشرة أشهر منذ تنحي الرئيس السابق هباء منثورا بلا أي إنجازات

ثورة قامت على سياسات نظام مبارك وتدعو لتحقيق أهداف معينة , فهل يعقل أن نأتي بعنصر كان عضوا في هذا النظام لينفذ هذه الأهداف المضادة لأهداف النظام الذي كان عضوا فيه ؟

الجنزوري الذي يروج بعض الناس أنه كان معارضا لسياسات الحزب الوطني , ظل يحضر العديد من مؤتمرات الحزب الوطني بعد تركه الوزارة والفيديوهات تشهد بذلك !!

هناك الكثير من الأسماء التي تنتمي للثورة كان من الممكن ترشيحها مثل عبد المنعم أبو الفتوح أو البرادعي أو حازم أبو إسماعيل أو الدكتور حسام عيسى وغيرهم الكثير

لما هناك تعمد على تهميش هذه الأسماء الثورية فعلا وقولا ؟ هل لأنهم أحرار لا يقبلون الإملاءات ؟

لن أضحك على نفسي وأقول لننتظر ونرى حتى نحكم

حتى الوزراء الذين تتداول الصحف أسماءهم كمرشحين لدخول حكومة الجنزروي هم أيضا كانوا أعضاء في النظام السابق مثل وزير الصحة إسماعيل سلام

هناك إصرار على إجراء الإنتخابات البرلمانية والرئاسية في ظل وجود مسئولي النظام السابق وبرعايتهم

تم تعديل 25 نوفمبر 2011 بواسطة ابراهيم عبد العزيز

[متعب]

اى قوى سياسيه رشحت الزبون ده اصلا

الجنزورى ده يبلوه ويشربوه بعد الاكل تلت مرات

احنا هنهزر ونقول كلام فارغ وانه كان من المغضوب عليهم ولا الضالين

هى ناقصه نيله وشعارات زعبلاويه

الزبون ده جاى بقوى سياسيه منفرده وهى الاخوان والسلفيين فقط

بس كل القوى السياسيه عن بكرة ابيها رفضت الحاج ده

والمرشح حاليا هو البرادعى

ومش فاهم هما مرعوبين من البرادعى ليه

ده واضح جدا ان الحاج جاى مسيس من اولها

هو فى رئيس وزراء فى الدنيا يقول انا مش عارف مين ال هيظل فى الوزارة ومين ال هيمشى

هأو

أمال انته جاى تسخم ايه اصلا

انتوا هتشتغلونا

هى ناقصه سواد مغلى

[Alshiekh]

استدعاء «الجنزوري» و«حسن» لسؤالهما في تعيين «جمال» ممثلاً للبنك المركزي

كتب مروة مصطفي العدد 1844 - الثلاثاء - 5 يوليو 2011

تسلم المستشار عاشور فرج «قاضي التحقيقات» في قضية استغلال النفوذ لتعيين جمال مبارك في البنك العربي الافريقي - تقرير الإدارة العامة لمباحث الأموال العامة عن استغلال الرئيس مبارك نفوذه للحصول علي مكاسب لابنه جمال مبارك.

كشف التقرير عن قيام د.كمال الجنزوري رئيس الوزراء الأسبق بإصدار تعليمات للبنك المركزي بتعيين جمال مبارك ممثلا للمركزي في البنك العربي الافريقي في الفترة ما بين عامي 1997 حتي عام 2011 ليحصل علي أموال طائلة دون وجه حق.

واضافت التحريات أن الرئيس السابق اعطي تعليمات بتعيين ابنه ولم يستطع المسئولون مخالفة التعليمات وتم تعيين جمال مبارك في البنك رغم أنه كان يعمل وقتها خارج البلاد، وسافر جمال عدة مرات علي نفقة البنك.

وقرر المستشار عاشور فرج استدعاء كمال الجنزوري وإسماعيل حسن محافظ البنك المركزي الأسبق غدا الأربعاء لسماع أقوالهما.

http://www.youtube.com/watch?v=VIK6ge5La7o

[Alshiekh]

وزير الزراعة يتخطي رئيس الوزراء ، ولاينفعل رئيس الوزراء ولا يقدم استقالته ، اليس من الممكن ان يكون هذا هو منهجه في حكومة الإنقاذ؟

الجنزوري للنيابة: مبارك ويوسف والي باعا أراضي توشكي للوليد ابن طلال

استمعت اليوم نيابة أمن الدولة العليا بإشراف المستشار هشام بدوي لأقوال الدكتور كمال الجنزوري رئيس وزراء مصر الأسبق حول قضية الفساد في بيع أراضي مشروع توشكي للأمير السعودي الوليد ابن طلال وأفاد الجنزوري خلال التحقيقات أن يوسف والي وزير الزراعة الأسبق هو المسئول عن بيع أراضي توشكي للوليد ابن طلال وأنه تخطاه في اعتماد الموافقة علي قرار البيع رغم أن القانون يشترط موافقة رئيس الوزراء إلا أن والي عرض المشروع علي الرئيس المخلوع حسني مبارك فوافق عليه وبالتالي تم بيع الأرض للأمير السعودي.

وكانت نباية أمن الدولة العليا قد بدأت تحقيقاتها حول عمليات الفساد التي شابت مشروع توشكي الذي صرف عليه مليارات الجنيهات تم إهدارها دون عائد أو فائدة بالإضافة إلى بيع مساحات واسعة منه لعدد من المسئولين ورجال الأعمل العرب بينهم الوليد ابن طلال.

[ViralMind]

احنا مش محتاجين اثباتات علشان نعرف انه كان فاسد..

اى حد قبل انه يتعامل فى منظمة مبارك و قدر انه يوصل فيها لمنصب, يبقى اكيد فاسد..

يا ريت نتفق على اسم و يرضى يجى و نخلص من الفيلم الحمضان ده..

[مصطفى يونس]

دول هما شهرين

يعنى سواء بيكح او بيموت هما شهرين نستحمل اى حد منهم سواء فاسد او صالح

زى ما بيقولو هتبقى حكومه تسير اعمال

[Alshiekh]

احنا مش محتاجين اثباتات علشان نعرف انه كان فاسد..

اى حد قبل انه يتعامل فى منظمة مبارك و قدر انه يوصل فيها لمنصب, يبقى اكيد فاسد..

يا ريت نتفق على اسم و يرضى يجى و نخلص من الفيلم الحمضان ده..

اليس من الممكن إختيار الفاظ أفضل من المظلل بالأحمر؟ إحتراما لمن يقرأون كلامك أو يكتبون في المحاورات؟

[moamana]

حكاية نصبرعليه شهرين

ده على اساس ان اقتصادنا و بلدنا تستحمل شهرين فى الاحوال ديه

[se_ Elsyed]

كمال الجنزوري بيقول لك معايا صلاحيات لم تُمنح لوزارة قبل ذلك في مصر وهي تعادل صلاحيات رئيس الجمهورية

يا رب ياخويا يارب

وإحنا ديك الساعة

[mfarag]

حكاية نصبرعليه شهرين

ده على اساس ان اقتصادنا و بلدنا تستحمل شهرين فى الاحوال ديه

البلد التى لا تتحمل الجنزورى شهريين

من الموكد

انها لا تتحمل اعتصام فى التحرير شهريين

ولا

محاولات البعض حصار مجلس الوزراء

ولا

محاولات انشاء حكومة موازية

[Abu Reem]

حكاية نصبرعليه شهرين

ده على اساس ان اقتصادنا و بلدنا تستحمل شهرين فى الاحوال ديه

لكن يعني الاقتصاد من وجهة نظر حضرتك انه يستحمل تأجيل الانتخابات لاجل غير مسمى وينتظر لما البهوات يتفقوا على حكومة انقاذ وطني ممكن يقعدوا سنين علشان يتفقوا عليها...وممن يتحمل اقتصادنا للابد لحد ما اللي في التحرير يتفقوا على اسم مرشح رئاسي

اما الانتخابات اللي بعد يومين دي الحاجة الوحيدة اللي ممكن تتاجل وساعتها الاقتصاد هيبقى زي الفل

[ViralMind]

احنا مش محتاجين اثباتات علشان نعرف انه كان فاسد..

اى حد قبل انه يتعامل فى منظمة مبارك و قدر انه يوصل فيها لمنصب, يبقى اكيد فاسد..

يا ريت نتفق على اسم و يرضى يجى و نخلص من الفيلم الحمضان ده..

اليس من الممكن إختيار الفاظ أفضل من المظلل بالأحمر؟ إحتراما لمن يقرأون كلامك أو يكتبون في المحاورات؟

دى كلمة هزار حبيت اهدى بيها الجو :closedeyes:

اصل المشكلة انهم كل ما يختاروا واحد.. لاما يكون عامل مصيبة, لاما يقول مش لاعب.. طمعا فى منصب اكبر.. مع انهم بيدعوا انهم على استعداد خدمة الوطن فى اى منصب و باى صورة.. كلام متضارب طبعا.