تحليل فنى لخطاب المشير طنطاوى

[Ahmed Anwer]

عن نفسي مع الخطاب نستحملهم شوية علشان نقدر نوصل لسلطة مدنية منتخبة ترضي جميع الاطراف

التصميم علي رحيل المجلس العسكري بدون وجود بديل يعني فوضي خصوصا اذا كان البديل غير منتخب

المشكلة ان رأينا مش مهم المهم رأي المعتصمين هل الخطاب كافي ليهم في الفترة دي

يا رب يقتنعوا لما مصر توصل بر الامان يبقي يعملوا في العسكر اللي هما عاوزينه

عايزين حق الشهداء طيب هو احنا اخدنا حق شهدا الثورة اللي ماتوا من اول ايام الثورة اصلا

خلينا نصبر وان شاء الله هيتحاسبوا علي كل روح شهيد لكن المهم اننا نختار الوقت المناسب

المعتصمين هيهدوا بالشرطين اللي قلت عليهم

حكومة بقيادة حد زي البرادعي أو أبو الفتوح أو أبو اسماعيل آلخ و بصلاحيات مطلقة

و بوقف العنف تماما

[Abu Reem]

طبعا الان في ظل عدم وجود حكومة

بتنتهز الفرصة الداخلية في استفزاز الناس في شارع محمد محمود بعد ان ايقنت ان الايام الجاية سودا عليهم في حال تسليم السلطة باجراء الانتخابات وتسليم السلطة لرئيس منتخب

وطبعا بعد مدعي الثورية من المأجورين..يقومون بالواجب معاهم لاشعال البلد...

آه يا شعب

انتخابات وتسليم سلطة بالهدوء وبالزوق مش عاوزين

وعاوزين نختار الطريق الصعب...ونولع الدنيا...

حد يقول لي...عاوزين ايه.....

استحملتوا 30 سنة ذل..مش قادرين تستحملو 6 شهور....وتصبروا 6 شهور وبعد كده لو لم يتحقق ما نرجوه يبقى ساعتها الكل متفق وعارف مين اللي رجع في كلامه.....ومش هيبقى حد عنده حجه ويقول المجلس عملكوا اللي انتوا عاوزينه

يا عقلاء حكموا ضميركم قبل خسارتنا جمبعا والله....وبلدنا مليئة بالبلطجية...بطريقة بشعة...ولن يربح الا الفاسدين

........لماذا نعجل بالشر......الكل يروح بيته حقنا للدماء

مهما تعرضتم للاستفزاز....تحملوا حتى نضع المجلس على المحك...

ارجوكم..اتقو الله....لا يغركم ما تسمعوه من المحرضين في الفضائبات,,,وكلام العواطف ....

تم تعديل 22 نوفمبر 2011 بواسطة Abu Reem

[pink rose]

اعتقد لو البرادعى مسك الوزارة يبقى كدة ضربه معلم من المجلس

لانه يبحث عن الخلاص

كان في تصريح لممدوح حمزة ان لو البرادعي مسك الوزارة هايحشد الناس و مش هايمشي من التحرير

يبقي ازي الحال ساعتها

[متعب]

ياجماعه خلاص الراجل قال انه لم ينتوى الترشح

نصبر بقه عليه لغايه ما نشوف كمان الفين تلاته من الشباب بيترموا فى الزباله كمان

ال اترموا فى الزباله عددهم مش كافى ابدا لتحكيق الديمقراطيه

ياترى لو جالكوا خبر ان ابنائكم اترموا فى الزباله بعد قتلهم هيكون ده رد فعلكوا برده

ولا ولاد الناس يرحوا فى ستين داهيه بس ولادكم لاء

مفيش احساس خالص بالناس . انعدم الاحساس

ايه الضمانات ال قدمها طنطاوى للكلام ده

بامارة ايه يعنى

بامارة محاكمه قتله الشهداء وهو بيكمل على الشعب قتل ورميه فى الزباله

هيحكاكم ال قتلوا الشهداء ازاى وهو نفسه مستمر فى قتل الناس بالبشاعه دى

بامارة ايه ان شاء الله

[عصام أبوالفتح]

انا ارفض الاستفتاء لان النتيجة معروفه

لو فى استفتاء يكون يبقى انتخابات رئاسه جكهوريه مباشرة قبل اى شى

أقسم بالله العظيم افترا ... كمان الاستفتاء مش هايعجبكم ... اتقوا الله وخلى عندكم شوية ضمير

[EsoWay]

اعتقد لو البرادعى مسك الوزارة يبقى كدة ضربه معلم من المجلس

لانه يبحث عن الخلاص

كان في تصريح لممدوح حمزة ان لو البرادعي مسك الوزارة هايحشد الناس و مش هايمشي من التحرير

يبقي ازي الحال ساعتها

إيه حجتهم ؟

[شرف الدين]

المجلس العسكري وبكل أسف ضعيف ...

وللأسف كل ما حدث حتى الآن لن يؤدي إلى حل .. لأن أسلوب مسك العصا من المنتصف لا يحل ولا يربط أي شيء ..

ثوار التحرير .. يريدون رحيل المجلس العسكري الآن ( وضع تحتها مئة خط ) وتشكيل مجلس رئاسي مدني .. وكل حديث عن غير هذا المطلب هو هراء هراء لن يؤدي إلى شيء .. وسيؤدي إلى تجدد هذه الأيام القاحلة الكاحلة عند أول بادرة ..

الحل الوحيد هو الاختيار ما بين اثنين ... الاختيار ما بين التحرير وما بين المجلس العسكري.

ما أريده أن يحدث .. وما أتمناه .. أن يحدث الاستفتاء حقا .. ولكن بين ...

بقاء المجلس العسكري برئاسة المشير طنطاوي لإدارة أمور البلاد مدة عامين قادمين على الأقل .. تكون له فيهما صلاحية مطلقة

أو تولي مجلس رئاسي مدني إدارة أمور البلاد بدلا من المجلس العسكري ومن الآن.. تكون له فيهما صلاحية مطلقة.

( على ثوار التحرير وضع تشكيل هذاالمجلس بحد أقصى أسبوعين .. يكون خلالهما الهدوء قد عاد قليلا إلى مصر ... )

ثم يتم الاستفتاء بين هذين الخيارين...

هذا فقط هو ما يمكن أن ينهي كل هذا العبث..

أما الحديث عن إجراء الانتخابات في ظل هذه الظروف .. فهو حديث أقرب إلى حواديت قبل النوم .. التي نضحك بها على الأطفال.

[pink rose]

اعتقد لو البرادعى مسك الوزارة يبقى كدة ضربه معلم من المجلس

لانه يبحث عن الخلاص

كان في تصريح لممدوح حمزة ان لو البرادعي مسك الوزارة هايحشد الناس و مش هايمشي من التحرير

يبقي ازي الحال ساعتها

إيه حجتهم ؟

هو حد عارف الناس دي عاوزة ايه

[Ahmed Anwer]

اعتقد لو البرادعى مسك الوزارة يبقى كدة ضربه معلم من المجلس

لانه يبحث عن الخلاص

كان في تصريح لممدوح حمزة ان لو البرادعي مسك الوزارة هايحشد الناس و مش هايمشي من التحرير

يبقي ازي الحال ساعتها

ممدوح حمزة ده آخره يلم 500 موظف اللي شغالين عنده

و حتي لو اللي عايز يتظاهر يتظاهر ،، اللي عايز يعتصم يعتصم

بنقول حكومة إنقاذ وطني

يعني ناس عاقلة متروحشي تضرب الناس و تموتهم

[EsoWay]

الشعب دا مش هيتقدم خطوة طول مكل واحد بيفكر فنفسه وبس

طنطاوي عمره ماطلع علينا بخطاب خاص للشعب دائمًا يتكلم في مناسبات

المره الوحيدة دي تكلم لما حس بقوة الشعب

وإتكلم عشان الناس تمشي

لازم طنطاوي يتحاسب ويسيب السلطة فورًا بعد إلي إتعمل فينا

لم يخرج الشعب المصري ولم يضحي بشهداء و ضحايا عشان يتسحل ويترمي فالزبايل كدا ولسه الثورة في داخله

أمال لما ننسى شوية هيتعمل فينا إيه

أفيقوا

طنطاوي سرطان لا بد من إستئصاله

[اثار]

عن نفسي مع الخطاب نستحملهم شوية علشان نقدر نوصل لسلطة مدنية منتخبة ترضي جميع الاطراف

التصميم علي رحيل المجلس العسكري بدون وجود بديل يعني فوضي خصوصا اذا كان البديل غير منتخب

المشكلة ان رأينا مش مهم المهم رأي المعتصمين هل الخطاب كافي ليهم في الفترة دي

يا رب يقتنعوا لما مصر توصل بر الامان يبقي يعملوا في العسكر اللي هما عاوزينه

عايزين حق الشهداء طيب هو احنا اخدنا حق شهدا الثورة اللي ماتوا من اول ايام الثورة اصلا

خلينا نصبر وان شاء الله هيتحاسبوا علي كل روح شهيد لكن المهم اننا نختار الوقت المناسب

المعتصمين هيهدوا بالشرطين اللي قلت عليهم

حكومة بقيادة حد زي البرادعي أو أبو الفتوح أو أبو اسماعيل آلخ و بصلاحيات مطلقة

و بوقف العنف تماما

الشخصيات دي محترمة جدا لكن صعب يحصل توافق عليها

لو اختاروا البرادعي الاسلاميين هيرفضوا ولو اختاروا ابو اسماعيل او ابو الفتوح الليبراليين هيرفضوا

المفروض يختاروا للحكومة شخص توافقي ال حد ما

[ViralMind]

انا مش فاهم هو موضوع الاستفتاء ده انتوا فاهمينه غلط ليه؟ بجد يعنى؟

الاستفتاء اللى يقصده طنطاوى هو: إما يمشوا فورا بمعنى الكلمة, او يمشوا مع انتخابات الرئاسة فى الموعد المحدد..

مش معناه خالص البقاء لسنتين ولا اى حاجة من اللى بيروجها الفلول دى..

المشكلة بقى ان لو اى حد من الفلول يقول بقين نيابة عن المجلس, يبقى كإن المجلس هو اللى قالها

[متعب]

طنطاوى قاصد يولع البلد

بعد الخطاب مباشرة البلد ولعت من شرقها لغربها

الضرب شغال حاليا فى القوات المسلحه فى الاسماعليه والمنيا وكل مكان

وبس جماعه طنطاوى ال سايبهم عن النت يفصصوا كلامه ويزوقوه

شويه مرتزقه ونازلين بقوه على النت والمنتديات عشان يقولوا شعر فى كلامه

نفس ال حصل والسيناريوا بيعيد نفسه الاتهامات اياها للمعاضين للهجص ده وعازين يقنعوا الشعب بالعبط ده

امال ال فى الشارع ده اسمه ايه اصلا .

بعد خطاب مبارك لقيناهم برده موجدين على النت بيكلوا عن حكمته البالغه فى البلاد وكلامه الرائع

العالم دى ال مشغلها لجنه السياسات على النت بالشهر

شويه لمامه

[سكر]

أقسم بالله العظيم افترا ... كمان الاستفتاء مش هايعجبكم ... اتقوا الله وخلى عندكم شوية ضمير

مش فاهم ممكن توضيح اكثر

[Abu Reem]

انا مش فاهم هو موضوع الاستفتاء ده انتوا فاهمينه غلط ليه؟ بجد يعنى؟

الاستفتاء اللى يقصده طنطاوى هو: إما يمشوا فورا بمعنى الكلمة, او يمشوا مع انتخابات الرئاسة فى الموعد المحدد..

مش معناه خالص البقاء لسنتين ولا اى حاجة من اللى بيروجها الفلول دى..

المشكلة بقى ان لو اى حد من الفلول يقول بقين نيابة عن المجلس, يبقى كإن المجلس هو اللى قالها

كلام سليم ومفهوم من اللحظة الاولى لمن يفهم

لكن نعمل ايه...في ناس عاوزها دم.....وخلاص

[سكر]

حفاظا على مصر أتمنى فورا الدعوة لإنتخابات رئاسية لرئيس يظل فترة واحدة ويشرف على سير الإنتخابات النيابية ووضع الدستور الشعب المصري ليس قاصرا

تويتر بلال فضل

[ابراهيم عبد العزيز]

للأسف وبعد خطاب المشير أرى المنتمين لبعض التيارات الدينية ينتهجون نفس النهج الذي إنتهجوه بعد إستفتاء مارس 2011

فبعد إستفتاء مارس 2011 ظلوا يرفضون أي نقد للمجلس لعسكري تحت تبرير أن الإستفتاء محدد وواضح وعلى المعارضين الصبر وعدم الإلتفاف على مطالب الشعب

وطبعا لم يتم تنفيذ ما ورد في الإستفتاء طبقا للتوقيتات المعلنة فيه وتم إقتراح تعديلات عليه خاصة في النقطة الخاصة بلجنة إعداد الدستور ونقاط أخرى مخالفة لإرادة الشعب , وأثبتت الأيام أن الإستفتاء كان عاملا رئيسيا في شق الصف وفي تفريق القوى الوطنية التي كانت على قلب رجل واحد أيام الثورة الاولى

الأن وبعد خطاب المشير المنتمين للتيارات الدينية يكررون نفس الأمر وكل من ينتقد الخطاب أصبحوا بلطجية ومأجورين وعلى الشعب مواجهتهم ( كما صوروا ما حدث في موقعة العباسية أنه مواجهة بين الشعب والمأجورين ) , وبالتالي كما حدث بعد الإستفتاء سيتحول المنتمين للتيارات الدينية كبوق مدافع عن المجلس العسكري ضد كل من ينتقد ويتم إعادة الكرة التي حدثت بعد الإستفتاء ولكن هذه المرة عن طريق الخطاب لشق صف القوى الوطنية التي تجمعت مرة أخرى لأول مرة الأيام القليلة الماضية منذ الثورة الأولى

عموما سواء التيارات الدينية أو الاحزاب الاخرى الكرتونية ليس لهم من الامر شىء , ومن سيتخذ القرار المناسب هو ميدان التحرير الذي تعلم الدرس الماضي ولن يترك الامور لهذه التيارات السياسية سواء دينية أو ليبرالية

تم تعديل 22 نوفمبر 2011 بواسطة ابراهيم عبد العزيز

[اثار]

والله اللي بيحصل دا كتير جدا وزاد عن حده انا مش مع المجلس العسكري بس اعتقد اني اكيد في ضغوط عليه

بلدنا امن قومي لاسرئيل ومش هتسمح تسيبها تعدي لبر الامن بسهولة ابدا هتعمل كل اللي تقدر عليه

علشان تدمر البلد دي بلاش نعين الشيطان علي المجلس لعسكري حتي لو كنا هنضغط علي نفسنا

[عماد حمدي]

دار رد فعل ثوار التحرير ..

[الباشمهندس ياسر]

خبراء

خبراء

خبراء

خبراء

خبراء

خبراء

خبراء

خبراء

ربنا يتوب علينا منكم و من خبراتكم

اللي ناوي يخط التاريخ بايديه يتفضل يحصلنا... قسما بالله ما قادر اتحرك من الهباب اللي بيحدفونا بيه و نازل اكمل

يا نعيش رجاله يا نسيبها لولادنا يعيشول فيها رجاله

ملعون ابو المرجفيييييييين