من ساعة ما رجعت من الحج و انا متغيرة

[أبو محمد]

أولا .. حج مبرور وذنب مغفور بإذن الله وعقبال العودة يا حاجَّة

ثانيا .. البرد وبحة الصوت شئ عادى جدا .. وده سبب كشف الكتف الأيسر للرجال والهرولة بعد أن أشاعت قريش أن أصحاب محمد أصابتهم "حمى المدينة" .. السبب الزحام والأمم اللى بتبقى فى نفس المكان فى نفس الوقت ..

ثالثا .. مش حاقدر أزيد عن اللى قالته أخواتنا الفضليات واخوانا الأفاضل

رابعا بقى .. وتعليقا على الجزء ده

مش عارفه ليه كده يمكن لان طواف الوداع انا هيست فيه على الاخر لانه بجد فعلا كان صعب اوي لدرجة اني ما كنتش حتى عارفة اقول اي حاجه م الطحن اللي كنا فيه

كان كل اللي باقوله بس اللهم آتنا في الدنيا حسنة و في الآخرة حسنة و قنا عذاب النار

بس ما قولتش غيرها في طواف الوداع دا و كل شوية اسأل الناس اللي معانا دا الشوط الكام

انا اصلا كنت مقتولة من البرد و كمان الزحمة فا كنت ضايعة فيه فعلا

أنا والحمد لله حجيت مرتين .. المرة التانية كانت معايا "أم محمد" .. نامت منى فى السعى اللى بعد طواف الإفاضة .. كنت باكلمها لقيتها ما بتردش .. قلت مشغولة بالدعاء .. كلمتها مرة والتانية والتالتة هزتها فانتبهت إنها كانت نايمة .. قعدت معاها شوية عند الصفا وكملنا .. والله نامت وهى بتسعى مع إنها كانت لسه صغيرة :)

ما تتخضيش على نفسك واسعدى بحجك

[باهى الطائر الحزين]

تحية الإسلام / السلام

يسكنها روحكِ ...

حمد الله على السلامه / حج مبرور وذنب مغفور

ربنا وتقبل صالح الاعمال وخالصها لوجهك الكريم

ادرك وان حضرتكِ : حججتى الحج السياحى وهذ لأنك

رجعتى بدرى جدا من الحج .

لى تجربتان فى الحج / وسوف اقصهم بأختصار وخلاصتهم

الأولى سننة 1428 وكانت حج سياحى 5 star

افخم الفنادق بمكه والمدينه خيمات 4 افراد مكيفه

التجمع الأوربى عربات مكيفه ومجهزه للمبيت فى مزدلفه

وكذا عرفه وسيلة انتقال بين مسجد نمره وجبل الرحمه

المهم بأنى عدت الى الديار واحسست بأنى كنت فى رحله

ترفيهيه وكأنى لم احج ؟!

المره الثانيه كانت سنة 1430 وفيها صممت وان اقيم

جميع المناسك سعيا على قدمى / وبالفعل انتقلت من عرفه

الى مزدلفه وبت كما الجميع فى الشارع ثم انتقلت الى منى سعيا

على قدماى واقمت بها لثلاثة ايام للرجم ثم الى المسجد الحرام

للطواف والسعى وإكمال المناسك / وكل هذا تم سعيا على قدمى

غمرتنى السكينه واحسست ان المولى تعالى تقبل منى مناسك تقربى

إليه وإلتماسى لمغفرته وعفوه ولرحمته ،

بعدها عدت الى الديار وظللت اتردد على اطباء العظام

لشهران متتاليان / نتجه للمجود والمشى المضنى والارهاق

الجسدى وانا الذى لو اراد دخول الحمام يشعل محرك سيارته

بعدها احسست بنفس مشاعرك وكدت ان اعتزل الدنيا خوفا من

الوقوع فى خطأ او زلة لسان ولا ارفع بصرى عن قدمى لغضه حتى

انى كثيرا ما اصتدمت بأخر او حتى حائط او باب مغلق واشياء من

هذا القبيل غير انه كانت تأتينى رؤيا ارى بها الصحابه وحتى انى

فى احداها رأيت البيت المعمور

استمر الموضوع معى لفتره / لكنه مع مرور الوقت زال شيئا فشيئا

ورويدا رويد عدت الى طبيعتى بل الى سالف عهدى وزينت لى نفسى ولا

اقول الشيطان الدنيا معتمدا على ان الحج يجب ما قبله وانى سوف

اتوب بحجه يغفر بها الله ؟!

بالنسبه لتساؤلات حضرتكِ :

ارى ان مداخلة الفاضله : مدام سلوى

هى ما اطمئن إليه قلبى واقرب ما تكون الى حقيقة مشاعرك

وعقبال العوده

[نورالعين]

هونى على نفسك يا بينكي

الحمد لله انك بخير

تقبل الله منك الحجة

واكرمنا بها ان شاء الله

وزي ما انتى نفسك بتقولى

انك حملتى نفسك نوع الخوف والقلق جعلك مازلتي تحت تأثيرها

والمشكلة انك متصورة انك ان اخرجت نفسك من هذا الوضع النفسي

تكونى بتغلطى وترتكبي ذنوب طهرتها حجتك

هذا الوضع النفسي على حد ظنى ناتج من قلقك الفظيع اثناء الحج وليست له علاقة بحسنات او ذنوب

فتخلصي من القلق وعودى لحياتك

ولا تحميلي نفسك اكثر

وزيدي من الصدقات والاعمال الخيرة لتشعري بتغيرك الايجابي بعد الحج

نوما هادئا ان شاء الله

[اثار]

ربنا يتقبل ان شاء الله

كان ليا تجربة مع الكوابيس وكنت في حاله خوف شديد منها لكنها انتهت الحمد لله

بدأت اداوم علي الضوء والصلاه قبل النوم والقرآن وكنت دايما احاول ابعد الموضوع عن تفكيري

واشغل نفسي بأي حاجه تانية لاني حسيت ان التركيز فيها بيذودها

بالنسبة لاحساسك بالخوف من الذنوب ان شاء الله يكون علامه من علامات القبول

تقبل الله منكم صالح الاعمال ورزقنا واياكم الحج مرات عديدة بفضله ورحمته

تم تعديل 16 نوفمبر 2011 بواسطة همسات مصرية

[الغريب]

الحمدلله على السلامة

وتقبل الله منك ومنا جميعا

الحمدلله وفقنا ربي للحج هذا العام

وبشهادة الجميع أن الحج هذا العام كان صعب للغاية

الشيخ الحويني على قناة الناس قال أنه يحج منذ 23 عام لم ينقطع عن الحج -بتوفيق الله- وقال أنه لم يرى على مدار هذه الأعوام أصعب من حج هذا العام

بالفعل كلما زادت صعاب الحج كلما شعرت أن الأجر سيزيد إن شاء الله وأن المناسك ستحفر في نفسك علامات

كم كان صعبا على الجميع المبيت بمنى في يوم التروية والشعور بأن الأمر يكترث بالناس في كل مكان

كم كان صعبا يوم عرفة ، والوصول إلى مسجد نمرة أو جبل الرحمة لإستحضار روح المناسك ، كان يعد حلما لا ينال

المبيت بمزدلفة كان أمر غاية في المشقة والروعة في نفس الوقت ، كان أمر يبعث على التأمل ، والتعبد أيضا ، فالكل يلهث ليفعل كما فعل النبي ويبيت بمزدلفة ولو أدى به هذا بإلقاء نفسه على أي رصيف أو في أي شارع أو ممر .. ياله من إحساس

يوم النحر (يوم العيد الأول) كان ممتع ، الكل كان إحرامه يكاد يصل لونه لدرجة السواد من كثرة المشقة ، من الحجيج من توجه لرمي جمرة العقبة أولا ، ومنهم من توجه إلى طواف الإفاضة ، والكل كان ينهل من سعة الشرع وبراحته ومن قول نبينا صلى الله عليه وسلم (أفعل ولا حرج)

رمي الجمرات في ثاني يوم بالتحديد كان أمر في غاية المشقة عنه في أول يوم ، وكأن غالب الحجيج قرر التعجل في يومين

ومن ثم كان طواف الوداع في هذا اليوم أشد وأصعب ، لا أنسى أني صليت العشاء على السلالم ، ولا أنسى تعجل المؤذن بإقامة العشاء بعد الأذان مباشرة ، ولا أنسى الشيخ ماهر المعيقلي وهو يتخفف في صلاته ويصلي بالمعوذتين فقط رحمة بزحام المسلمين على الطواف ، بعدها مباشرة ولجت إلى صحن الحرم سريعا قبل أن يستعيد الأمن سيطرته على مداخل الصحن، فوجدت الصحن يأن من الزحام والتكدس فوقه ، ووجدت الكعبة مبتهجة لكل من جاء يسلم عليها قبل رحيله لبلاده ، الأمر كان غاية في الصعوبة والزحام وتكاد أعضاء جسم الأنسان تتفتت ، ولكن له متعة أيضا ، فكما يقولون هناك "الزحمة رحمة"

اللي أنا خايف منه على نفسي، أني من ساعة ما رجعت من الحج وأنا في شغل ، ونفسي أقعد مع نفسي أتذكر المناسك وأستمتع بتذكرها ولكن لا أجد فراغ لهذا ، كنت خايف بالفعل أني أنسى المناسك قبل أن أتذكرها وأستمتع بها وأنظر لها نظرة المنتهي منها ، ولكن موضوعك يا مدام بينك ربما يكون مرجع لي كلما نسيت يذكرني.

الآن فقط تذكرت كلمة مشرف حملة الحج ، وقد حسبته مبالغا حينما قال لي قبل الحج : "أن الإنسان له ليلتان في عمره ، يوم زفافه ويوم حجه"

أدعوك وجميع الأخوة الذين منّ الله عليهم بالحج هذا العام أن يسجلوا خواطرهم في هذا الموضوع (كما فعل أخي مكاوي في العام السابق على ما أذكر)

تحياتي...

تم تعديل 16 نوفمبر 2011 بواسطة الغريب

[بركة]

سل تعطه

اسألي الله من فضله سبحانه ان يطمئن قلبك وجوارحك وألم جسدك

فعلا .. الحج مشقه لا شك

المرة الاولى فيها استغراب و انكار من الداخل لقلة الراحة وسبل الراحة للحجيج

مهما كانت درجة الحملة او تنظيمها تبقى المشقة عنوانا للرحلة

لانها ببساطه خروج الانسان من منطقة الامان التي ألفها الى هول تجمع كل هؤلاء ممن لا نعرف لغتهم او حدودهم

في مكان واحد وزمن واحد لفعل كل المناسك في وقتها الصحيح

مع الخوف الشديد الداخلي ان تفسد الحجة لاي سبب خارج عن الارادة

كل ما سبق يشكل ضغطا عصبيا رهيبا

واضيف اليه ما اتعبك كأم نفسيا وهو ليس بالهين ابدا

وكأبنه ...

ولان الوالدة متعها الله بالعافية حجت من قبل فكانت اكثر اطمئنانا

لا تقلقي طبيعي جدا ما انت فيه

اللهم تقبل من الجميع وألف مبروك

[عبير يونس]

ذكرتوني بأول حجة ليا هنا

كان معايا ابني سنتين و شوية و بنتي 6 شهور

و كنت شايلاها في الكانجارو

مشينا من عرفة لمزدلفة

و كان مشي ممتع جدا جدا جدا

و المبيت هناك برضه عجبني اوي

في الاول كنت مكسوفة ازاي حانام قدام الناس دي كلها

هههههههههههههههههه

بس كنت حاسة بونس رهيييييييييييييب

البيات في منى

و الله ما حتصدقوا اني في عمري كله ما حسيت بهنا في النوم قد النوم على الأرض في منى

ياااااااااااه احساس جميل بشكل

راحة و طمأنينة كبيرة

يمكن محستش بالتعب بتاع الناس اللي بيجوا من بعيد لأني مقيمة بمكة

بس احنا بنحج لوحدنا مش مع حملات و لا خدمات من أي نوع

ابني كان مضايقه نور عامود الكهرباء

و بقى يقول اطفوا النور عايز أنام هههههههههههه

بنتي بقى كانت بيبي و متشالة طول الوقت

الطواف كان متعة و طبعا طفنا في الدور التاني عشان الولاد

خدنا حوالي 8 ساعات طواف و سعي

طبعا ملناش لا طواف قدوم و لا طواف وداع

أصعب حاجة كانت رمي الجمرات

كانت مرعبة

و كانوا حا يدوسوني فعلا

ده من 9 سنين قبل جسر الجمرات

اقول لكم حاجة تضحك

فضلت محافظة على الشبشب طول المناسك

و حتى في رمي الجمرات

و بعد اما خلصت كل حاجة

و فرحانة اني حافظت عليه

بعد السعي ملقتوش

هههههههههههه

و اشتريت شبشب بلاستيك روحت بيه

ههههههههههه

المهم ان في الحج ده كان عندي ضيوف

و كنت بأروح أطبخ لهم

و أرجع أبات في منى تاني

كنا بنمشي من منى للبيت شارع صدقي

أيام ما كنا ساكنين في العزيزية ايييييييييييييه دنيا

الحجة التانية

كان معايا ولادي الخمسة

طبعا يوم عرفة كان بهدلة جامدة جدا للولاد

عشان الحمامات طبعا

و كان فيه اخوات في الله كده

كل واحدة ماسكة لها واحد

هههههههههههه

بس قررت بعديها

لما الولاد يكبروا

يبقوا همة يروحوا يحجوا بقى :)

ههههههههههههههههههه

صباحكم سعيد

رزقكم الله جميعا الحج مرات و مرات

آمين

[الغريب]

و المبيت هناك برضه عجبني اوي

في الاول كنت مكسوفة ازاي حانام قدام الناس دي كلها

هههههههههههههههههه

بس كنت حاسة بونس رهيييييييييييييب

البيات في منى

و الله ما حتصدقوا اني في عمري كله ما حسيت بهنا في النوم قد النوم على الأرض في منى

ياااااااااااه احساس جميل بشكل

راحة و طمأنينة كبيرة

بمناسبة النوم على الأرض

طبعا أنتو عارفين أن المبيت في مزدلفة بيكون عامل أزاي والناس كلها بنكون جاية من عرفة تعبانة من مشقة اليوم وكمان عنده إحساس بتلقي سحائب الرحمات في يوم عرفة وممكن تكون جاية المشوار مشي من عرفات لمزدلفة ، فبالتالي بتيجي مزدلفة تنام بكشل تام ونوم تقيل كمان ، وممكن "تتلئح" في أي مكان تنام فيه

المهم أنا كنت نفس الإحساس بس قولت أتعشى وبعدين روحت أنا وصديقي الحمام (أعزكم الله) وأنتو عارفين الصعوبة هناك شكلها أيه ، ورجعت مشتاق أني أنام الكام ساعة المتبقية للفجر ، وكنت فارش السليب باج بتعتي في مكان ما أنا وصديقي .. تخيلوا أني رجعت لاقيت أمرأة خليجية أو شامية على ما أعتقد نايمة في السليب باج بتعتي

طبعا هي أول ما شافتنا قامت مفزوعة وأعتذرت ، ولكننا رفضنا إلا أنها ترجع تكمل راحتها بشكل تام

صعبت علينا أوي ، الناس من كتر التعب والاحتياج للنوم مش عارفة حتى هي بتنام فين

المهم قامت خناقة بيني وبين صديقي من ينام في السليب باج التانية ، ومين ينام على الأرض ويكسب ثواب إيثار هذه المرأة للنوم في مكانه

صديقي أصر أني أنا اللي أنام في السليب باج بتاعته وهو مشي شوية لحد ما وصل لفراش أحد الشباب كان فيه مكان خالي نسبيا لأنه كان نايم في طرفه الآخر ، قام حاطط إيده تحت خده ونام عليه، ومصحيناش غير على أذان الفجر للصلاة والذهاب لمنى لرمي جمرة العقبى.

يااااه شعور جميل بين المسلمين في هذه الليلة

ربنا يتقبل منا جميعا

تحياتي

[pink rose]

دا اللي حصل في الحج في تفاصيل كتير كبرت دماغي منها

المهم بس اللي عاوزة اوصله اننا اتبهدلنا بسبب الحملة فوق مشقة الحج

اللي انا عارفه انها لازم تحصل و متقبلاها و فرحانة بيها

لحسن استاذ طه بدر الله يكرمه يا رب افتكرني عايشة في افلام الابيض و اسود و فاكرة ان الملايكة هناك ماشية تاخد الناس بالحضن و اني هالاقي الست ليلى مراد واقة على عرفات تغنيلنا

على فكرة انا ما بحبش ليلى مراد نوهائي

ههههههههههههههههههههه

و ادى اللي حصل

الله يبارك في حضراتكم جميعا يا رب و عقبال كل اللي ما حجش يحج و اللي حج يحج تاني

اما بالنسبة للاخوة و الاخوات الكرام اللي طلبوا مني احكي الرحلة من بدايتها لاخرها

احب اقولكم بلااااااش

عشان الاخوة اللي بينا بلااااااش

بس عشان ما تزعلوش هاحكي بس افتكروا اني قولتلكم بلاااااش

طبعا اهم ما في الموضوع اني الحمدلله اديت الفريضة اللي عليا و دي في حد ذاتها نعمة كبيرة جدا من الله هافضل اشكره عليها طول عمري

الحمدلله على نعمه و كرمه معايا

المشكلة كلها تتلخص في اننا اضطرينا نحجز في حملة بدون تصريح لان ماما كانت معايا و طبعا مش اي حملات بتقبل الزيارات

و لاسباب تجديد الزيارة اتأخرنا في الحجز

المهم حجزنا في حملة اسمها قافلة الصحابة لا انصح اطلاقا اي حد انه يحجز تبعها نهائيا ادينا قولت اهو عشان ابرئ ذمتي من الله

كان المفروض هانروح يوم 7 هجري الصبح الساعة 9 مشينا من الرياض بعد صلاة المغرب كل دا تقصير من الحملة قالولنا الباصات اللي كانوا متفقين معاها خلعوا منهم و اتفقوا مع شركة تانية

الشركة التانية بقى الله لا يوريكم ابدا يا رب شركة باصات سورية

كان سواقينها في طريقهم للسعودية من سوريا و بالتالي التأخير دا كله انتظار وصول السواقيين السوريين اللي كان بقالهم يومين ما ناموش يا ريت تاخدوا بالكم من النقطة دي

الحمدلله وصلت الباصات و طلعنا بعد صلاة المغرب

طبعا كان في وصلة عياط متواصل مني و من ماما بسبب اللي مريم عملته و احنا ماشيين مش قادرة اوصفلكم قلبي كان هايتخلع مني اول مرة امشي و اسيبها عمرها ما نامت بعيد عني من يوم ما اتولدت

وصلنا اول استراحة اسمها المزاحمية اظن و الباصات ركنت و قالت اسفين مش مكملين الشركة اتصلت قالت ما اتدفعتش الفلوس خالينا قاعدين بقى لحد ما الحملة تدفع للشركة

ساعتين خناااااااااق بين الناس اللي معانا في الحملة و بين المشرف و السواق و طلبوا الشرطة و كانت ليلة طويلة

المهم الراجل بتاع الحملة اللي في الرياض حل الموضوع مع الشركة و الباصات مشيت تاني

وصلنا الميقات الصبح الساعه 7 و نص تقريبا

على ما الناس احرمت و كده اتحرك الباص لمكة الساعه 10 و نص

خلوا بالكم كده احنا بقينا يوم 8 يعني يوم التروية

اتحركنا زي ما قولتلكم 10 و نص و كان عندن امل نلحق صلاة الجمعة في الحرم

عارفين وصلنا مكة الساعة كام ؟؟؟؟؟؟؟؟؟

و الله ما هاتصدقوا

وصلنا مكة الساعه 11 بالليل

الطريق من الميقات لمكة مقفوووووووووووووول

كنا بنمشي نص متر و نقف عليها تلت ساعه و هكذا لحد ما وصلنا عند التفتيش اللي عند مكة بقى

فضلنا واقفين فيه لحد 1 بالليل

طبعا ما لحقناش نعمل طواف القدوم و لقينا كتير من الحملات كده نفس النظام كله طلع على منى عشان يصلي الفجر و يطلع على عرفات

كان السكن في حدود منى يا دوب روحنا رمينا الشنط و رمينا نفسنا على المراتب لحد بعد الفجر عشان نطلع عرفات

وصلن عرفات حضراتكم الساعه 10 مع اننا متحركين م السكن 7 الصبح

طبعا الفرق بين الفجر و الساعه 7 تأخر من الناس على ما اتجمعوا و كده

المهم وصلنا عرفات الحمدلله من 10 لحد 11 و نص الجماعة بتوع الحملة تايهين مش عارفين المخيم فين اللي هانقعد فيه

كان الاتفاق ان المخيم على اسوء تقدير لو مش مكيف هايكون فيه مراوح بس طبعا كانت خدعة كبيرة

كنا زينا زي اللي شاريين خيام و قاعدين فيها منهم لنفسهم

الحمدلله تم عرفات على خير و عدى اليوم بفضل الله و بدأنا نحس بالحج بقى لان الحج عرفة

الناس في الحملة كانوا على اخرهم بجد و الاغلب كا بيمسك نفسه عشان م يخسرش حجه

انا و ماما كنا قاعدين سااااااااااكتين تماماااااااااا بجد لو فتحنا بؤنا الحج هايروح فعلا يعني لان المرار كان لحد هنا طافح

نزلنا من عرفات على مزدلفة و دي حضراتكم اخرة مرة نشوف فيها الباص لحد يوم 12 لما ركبناه عشان نطوف طواف الوداع

نزلنا مزدلفة قعدنا في الشارع كده لا خيمة و لا اي شئ لحد الساعه 7 لما الناس فقدت الامل ان الباص يجي

بدانا المشي عشان نروح نرمي الجمرة الكبرى

وصلنا الجمرات 9 و نص اظن رمينا و اتوجهنا على السكن وصلنا الساعة 10

الحاجة الوحيدة اللي كانت صادقة في الحملة ا السكن قريب من الجمرات حوالي نص ساعه مشي

روحنا بجد مقتولين عن نفسي كنت مخنوقة جداااااااااااا مش عشاني عشان ماما يا حبيبتي عندها خشونة في الركب و المشي بجد كتير جدا عليها

بعد العشا كده نزلنا طلعنا الجمرات تاني عشان المبيت في منى الشيخ قال لازم تقضوا فيها 6 ساعات على الاقل في ايام التشريق

و فعلا قعدنا لحد الساعه 3 بالليل الجو كان تلج اليوم دا اظن اغلب الحجاج و انا منهم اتلطشنا برد محترم لسا شغال معايا لحد النهاردة بس الحمدلله هاياخد وقته و يعدي كل الحجاج لازم يتظبطوا كده ربنا يتقبل بس و مش مهم اي شئ تاني بجد

تاني يوم اللي هو يوم 11 روحنا انا و ماما مع نفسنا كده رمينا الجمرات بقى التلاتة الصغرى و الوسطى و وقفنا دعينا بعدهم و بعدين الكبرى و دي ما فيش دعاء بعدها

خلصنا و اتوكلنا على الله روحنا على الحرم عشان طواف الافاضة و السعي

الحمدلله في اليوم دا كان الحرم الزحام فيه معقو ل لان الناس اتقسموا اتنين في منهم بعد الرجمة الكبرى اتحللوا و نزلوا على الحرم و اظن يوم العيد شوفتو مكة كانت عاملة ازاي ف التليفزيون

و جزء تاني و دول اغلب حملات الداخل اللي كانوا هايعجلوا و يمشوا يوم 12 كانوا هايعملوا طواف الافاضة مع الوداع في نفس الوقت

و بالتالي يوم 11 كان الحرم الطواف فيه اهدى شوية

رجعنا السكن يومها 4 الفجر مع اننا مخلصين طواف و سعى الساعه 12

بس المواصلات و الطرق زحمة بشكل غير عادي ابدا

تاني يوم اللي هو 12 بقى بعد الرمي قالولنا الساعه 4 كده يالا على الباص على اول الشارع طلعنا على اول الشارع فضلنا منتظرين الباص حضراتكم لحد قرب صلاة العشا كده على الحمدلله ما شوفناه

قعدنا فين؟؟؟؟ على الرصيف حضراتكم

وصلنا الحرم و بدأنا الطواف الساعة 12 و نص بالليل و خلصنا 2 الا ربع كده

كان دا اصعب يوم بجد زحااااااااام مش طبيعي و طبعا ما كانش ينفع نطوف من فوق عشان القطر هايوسع و ماما تعبانة

و الله كان كل خوفي عليها انا مش مشكلة نهائي استحمل التعب ما فيش حاجه لكن هي كنت خايفة عليها جدا

خلصنا الحمدلله طواف كانت مام خلصت مني خالص بجد يا حبيبتي

و الحمدلله ناس معرفة في مكة انقذونا و اخدونا من مكة على جدة قعدنا فيها امبارح و الصبح انا ركبت طيارة للرياض و ماما ركبت طيارة لاسكندرية

اول ما شوفت جوزي قولتله انا عاوزة احج ان شاء الله السنة الجاية بس مع حملة بتصريح بقى عشان تكون منظمة لاننا اتهلكنا بجد

انا عارفه ان الحج مشقة و الحمدلله مبسوطين بيها و بنعمل المناسك و احنا فرحانين و هي فعلا متعبة لكن متقبلين و راضيين انما اللي حصل معانا ان كل مشقة للحج كان فوقها 3 اضعافها من سوء الحملة و تنظيمها بجد

و بالتالي كان الحمل اكتر بكتير و كان اللي جي عليا انا و ماما الحمدلله خلي التطهير شامل عشان ترجع الصفحة بيضاء من الاول تاني

بصوا رغم كل التعب دا و الله ان ربنا قدرني السنة الجاية هاطلع تاني

بس نظامي بقى و تصريح و حملة محترمة

اه احسن حاجه عملتها اني سيبت مريم و ما اخدتهاش معايا

بجد يا جماعة الاطفال في الحج متعبين جدا لنفسهم و لاهاليهم كنت كل ما اشوف المنظر احمد ربنا الف مرة اني سيبت بنتي

صحيح كانت كل يوم توجع قلبي في التليفون بس دا احسنلها كتير كانت هاتتمرمط فعلا

من الحاجات اللي حصلت بقى

الحملة اللي كنا فيها كلها بلا استثناء ناس مطلعين اهاليهم زيي كده ستات و رجالة كبار ف السن

قوم و احنا منتظرين الباص في اليوم الاخير واحد يا حرام مامته تاهت و كانت ست عجوزة جدا و تعبانة يا حبيبتي و لا معاها موبايل و لا ورقة فيها عنوان و لا تليفون و هي ست من الستات يا عيني الفلاحين الغلابة اللي اخرها ابنها يمسكها و يقعدها هنا تقعد يقول يالا تقوم غلبانه جدا

جه الباص و طبعا مشينا و سيبنا ابنها و جوزها بيدوروا عليها كلنا كلنا كنا زعلانين جدا و شايلين همها و ابنها كان عقله هايشت منه بجد

المهم الحمدلله و احنا بنطوف ابنها اتصل بالمشرف و قاله انه الحمدلله و الشكر لله لقى مامته

يااااااااااااه اد ايه كلنا فرحنا جدا بالخبر دا و قعدنا نحمد ربنا كتير

حاجه تانية و احنا بنطوف فجأة لقيت ماما بتقول الموبايل وقع مني مش قادرة اقولكم بقى الرعب اللي ركبن قولت بس هاتوه مني زي الست اللي تاهت و بقيت ماسكة فيها لحد ما خلصنا طواف الحمدلله

قعدت اتصل اتصل على الموبايل لحد ما الحمدلله حد رد و قالي انه هايسلمه لعسكري واقف عند الصفا و الحمدلله روحت جيبته العسكري ما بقاش مصدق نفسه بيقولي دا لسا واحد تركي جايبه حالا لقاه في ساحة الطواف

من الحاجات الجميلة كمان التجمع الجميل للمسلمين من كل الدنيا و الجنسيات كان معانا في الحملة سوريين و توانسة و يمنين و اندونسين احساس رااااااااائع ان الواحد قاعد مع اخواته المسلمين من كل دول العالم و كلنا بنعمل نفس الحاجه سوا

ربنا يوحد المسلمين يا رب و يردهم لدينهم ردا جميلا و يعزهم و يعز الاسلام

انا رغاية اوي و مش هابطل لو فضلت اتكلم

لو عاوزين تسألوني في حاجه اسألوا براحتكم الميكرفون معاكم بقى

[الســـاري]

موضوع شيق جدا مدام بينك روز .. اعتقد الاخوة والاخوات ما قصروا بالاجابة عن تساؤلاتك ومخاوفك وافاضوا واستفاضوا

وعجبني انتقال الموضوع عن المخاوف للذكريات الطريفة او حتى الصعبة بالحج .. اللي بالنهاية هتبقى ذكريات نتلذذ بذكرها و نضحك منها

عن نفسي حجيت مرة واحدة زمان وانا صغير مع والدي رحمه الله .. كنت وقتها 15 سنة .. وكنت مع حملة نظامية

كان التعب بس بطواف القدوم والوداع ورمي الجمرات في صباح العيد .. اما الباقي كان متسهل جدا بفضل الله

وافضل مكان حست فيه بالراحة كان مزدلفة .. كنت مواصل قبلها وما نمتش .. ولما ركبنا الباص من عرفات بقيت نايم لغاية ما وصلنا مزدلفة

وهناك كان الجو رائع جدا وقتها ..

كنا في جهة اشبه ما تكون بسفح جبل .. يعني بعيد عن الشارع وغلبته

وافتكرت اني بعد ما صليت العشا .. رميت جتتي على فراشي وما صحيتش الا صباح يوم العيد

وكانت اجمل نومة بحياتي ..

آه والله

وبالنسبة لمنى عشان اغيظ لماضة اكتر ... كانت مكيفة وبحمامات خاصة

وكان فيه شيخ مغربي معانا بالحملة كان يعطي خطب وكان اسلوبه رائع فكاهي جميل .. كنا مش عاوزينه يسكت لما يخطب فينا

بجد كانت ذكريات جميلة

بعدين احنا عندنا بمكة مدام عبير الشرقاوي .. اي خدمة كان المفروض تطلبيها منها .. تجيب لكم كباب دليفري .. امال هي سفيرة المحاورات بمكة على الفاضي كدا ؟؟

حبيتم تخلوا عندها مريومة وماله مفيش مانع

لازم يكون فيه شوية استغلال .. مش كدا برضو ؟؟

:P

[عصام أبوالفتح]

فى حل كويس لموضوع التصريح .. انك تطلع تصريح باسمك عادى وتعطيه لوالدك او والدتك او لو طلعت لزوجتك كمان تصريخ تعطيهم تصريحين ويطلعوا مكانكم فى الحملة ، ومرة تانية تعمل نفس الحركة مع حماك أوحماتك أو الاثنين حسب رزقك ورزقهم ..هايحجوا حجة مشقتها اقل بكثير من حج بدون تصريح

لكن مش هاتقدر تطلع تصريح تانى غير بعد خمس سنين .. فأحسن استخدامها

بقول كده لان الحج بدون تصريح لا يتحمل مشتقته الا الشباب وهو اكبر مجهود جسمانى وصحى فى حياة الانسان

وطبعا معاكى تماما يا حجة بينك فى موضوع الاطفال .. انا جربت الطواف مرتين وبنتى على ذراعى ... فى السطح ... طبعا مجهود خرافى بس كانت البنت ومامتها كمان بتتخنق ومش عارفه تتنفس فى الصحن تحت .. ميزة السطح انه ممكن تتنفسى فيه .. وعيبه هو الكراسى المتحركة .. بهدلوا كعوبى طول الطواف

لكن اللى حصلك اكيد اصعب خصوصا ان السنة دى من اعلى السنوات فى الوفيات بسبب الارهاق بدون حوادث تدافع ودهس او اوبئة 79 مصرى ومصرى ربنا يرحمهم

[عبير يونس]

موضوع شيق جدا مدام بينك روز .. اعتقد الاخوة والاخوات ما قصروا بالاجابة عن تساؤلاتك ومخاوفك وافاضوا واستفاضوا

وعجبني انتقال الموضوع عن المخاوف للذكريات الطريفة او حتى الصعبة بالحج .. اللي بالنهاية هتبقى ذكريات نتلذذ بذكرها و نضحك منها

عن نفسي حجيت مرة واحدة زمان وانا صغير مع والدي رحمه الله .. كنت وقتها 15 سنة .. وكنت مع حملة نظامية

كان التعب بس بطواف القدوم والوداع ورمي الجمرات في صباح العيد .. اما الباقي كان متسهل جدا بفضل الله

وافضل مكان حست فيه بالراحة كان مزدلفة .. كنت مواصل قبلها وما نمتش .. ولما ركبنا الباص من عرفات بقيت نايم لغاية ما وصلنا مزدلفة

وهناك كان الجو رائع جدا وقتها ..

كنا في جهة اشبه ما تكون بسفح جبل .. يعني بعيد عن الشارع وغلبته

وافتكرت اني بعد ما صليت العشا .. رميت جتتي على فراشي وما صحيتش الا صباح يوم العيد

وكانت اجمل نومة بحياتي ..

آه والله

وبالنسبة لمنى عشان اغيظ لماضة اكتر ... كانت مكيفة وبحمامات خاصة

وكان فيه شيخ مغربي معانا بالحملة كان يعطي خطب وكان اسلوبه رائع فكاهي جميل .. كنا مش عاوزينه يسكت لما يخطب فينا

بجد كانت ذكريات جميلة

بعدين احنا عندنا بمكة مدام عبير الشرقاوي .. اي خدمة كان المفروض تطلبيها منها .. تجيب لكم كباب دليفري .. امال هي سفيرة المحاورات بمكة على الفاضي كدا ؟؟

حبيتم تخلوا عندها مريومة وماله مفيش مانع

لازم يكون فيه شوية استغلال .. مش كدا برضو ؟؟

:P

ايوة طبعا

طب و الله العظيم لو كنت اعرف حكاية مريومة دي كنت خليتها عندي و الله

اهي كانت تنبسط شوية مع الولاد

باقية المرة الجاية بإذن الله

[طبيبة بالخارج]

على فكرة كونك طالع بتصريح حج و مع حملة غالية ليس بالضرورة سيعطيك رحلة حج سياحية

أنا شخصيا كنت طالعة بتصريح و مع حملة غالية و طيران و برضه كان في مشقة للحج

يعني مثلا كانت في مشكلة أساسية ان الأكل لم يكن متوفر سواء إفطار أو غداء و طبعا انسوا وجود عشاء حتى لحم الأضحية لم آكل منها

لما رجعت كنت خسيت خسسان محترم

بس الواحد قال لنفسه احمدي ربك هو انتي رايحة عشان تاكلي؟

بس في المزدلفة بتنا (الستات قرايبي و الأطفال) داخل خيمة صغيرة و الرجال بره و كنا جايبين الخيمة معانا من الدمام و على فكرة تعتبر رخيصة و مش شيلة

المشكلة كانت لما حبيت اتوضأ لم أجد سوى أحواض في العراء و اضطررت اتوضأ بإدخال الماء تحت كمي و من فوق الملابس

في برضه مشكلة أساسية في الحرم المكي ان رجال الأمن غالبا لا يعرفون غير البوابة اللي قاعدين عندها لما تهت في طواف الإفاضة و سألتهم لم يفيدوني بشيء و خدت لفة محترمة

و على فكرة ساعات كتير خطوط الموبايل لا تعمل داخل الحرم

و كمان مشكلة الحجاج بدون خيام في منة كانوا مفترشين الأرض عند الجمرات و عاملين اعاقة حقيقية للحركة و في سنة حجتي حصلت مشكلة كوبري الجمرات في يوم التعجل بسبب تزاحم كل هؤلاء البشر ليرموا و يروحوا و هم حاملين لفرشهم و شنطهم فوقعت الناس و هرست و حصلت اصابات و وفيات (الحمد لله لم نكن من المتعجلين)

ارجو الذكريات دي تفيد من لم يحج بعد و هل تغير فيها شيء يا بينك روز؟