•°¤♥ الكل فرحان و سعيد في عيد ميلاد بابا عادل أبو زيد ♥¤°•

[عبير يونس]

الحقيقة مش لاقية كلام يعبر عن ما بداخلي من محبة واحترام لحضرتك يا بابا عادل

كفاية إن حضرتك صاحب الفضل في وجود الموقع الجميل ده

و اللي كان أهم محطة في حياتي

كل سنة و حضرتك طيب

و عمر مديد في طاعة الله

متعك الله بالصحة والعافية و حفظ لك أسرتك الكريمة

[capitshino]

كل سنة و حضرتك طيب استاذ عادل .

[ViralMind]

السلام عليكم..

كل سنة و حضرتك طيب.. و من تقدم لتقدم ان شاء الله.

و يا رب محاورات المصريين يظل على القمة دايما.. و يكون اكبر صرح ثقافى فى مصر و الدول العربية ايضا.

[Mr MAGED]

أستاذ عادل .. كل سنة وحضرتك طيب ويديم عليك الصحة والعافيه والسعادة يا رب

شكرا أستاذة عبير علي التذكير بمناسبة مهمة وسعيدة زي دي

وفعلا أستاذ عادل يستحق اننا نعمله شيء خاص أو احتفال خاص

يا تري فيه أي أفكار!! .. انا أول المشاركين

[عبير يونس]

أستاذ عادل .. كل سنة وحضرتك طيب ويديم عليك الصحة والعافيه والسعادة يا رب

شكرا أستاذة عبير علي التذكير بمناسبة مهمة وسعيدة زي دي

وفعلا أستاذ عادل يستحق اننا نعمله شيء خاص أو احتفال خاص

يا تري فيه أي أفكار!! .. انا أول المشاركين

أضم صوتي لصوت حضرتك

و انا أيضا من أوائل المشاركين في هذا الأمر

[Folana]

السلام عليكم ورحمة الله...

كل سنة وحضرتك بخير وصحة أستاذى العزيز جدا عادل...

ربنا يخليك لنا ويبارك لنا فيك ....

ويارب تصرف لنا علاوة بقى بمناسبة عيد ميلاد حضرتك :closedeyes:

طب خلاص نأجل الكلام فى الموضوع ده بعد ماناكل التورتة ..

[abobakr]

كنت هانزل الموضوع إمبارك لكن قلت بلاش عن مدام عبير متزعلش :rolleyes:

أستاذ عادل من الشخصيات المحترمة جداا في المحاورات

انا عن نفسي استفدت كتير من كتاباته من قبل ما اشارك في المنتدى

مش عارف هوا مقل الايام دي لعل المانع يكون خير

كل سنة وانت طيب استاذ عادل

ويارب كل سنة تكون اسعد من اللي قبلها

هوا صحيح استاذ عادل و Advisor نفس عيد الميلاد هوا الاتنين واحد وقايم بدورين B)

[abobakr]

أستاذ عادل .. كل سنة وحضرتك طيب ويديم عليك الصحة والعافيه والسعادة يا رب

شكرا أستاذة عبير علي التذكير بمناسبة مهمة وسعيدة زي دي

وفعلا أستاذ عادل يستحق اننا نعمله شيء خاص أو احتفال خاص

يا تري فيه أي أفكار!! .. انا أول المشاركين

أضم صوتي لصوت حضرتك

و انا أيضا من أوائل المشاركين في هذا الأمر

انا معاكم طبعا

[eslam elmasre]

كل سنة وحضرتك طيب استاذنا الفاضل

ومتعك الله بالصحة والعافية والستر دنيا واخره

[Salwa]

كل ثانية ف عمرك وانت طيب ياراجل ياطيب .

عام جديد وعمر مديد ..

متعك الله بعيشة هنية وبأحباب مليون الميه .

ويارب دايما عادل مع نفسك ومع من حولك كعادتك دائما .

كن كما انت ...وكما نحب لك ان تكون ..... :clappingrose: :clappingrose: :clappingrose: :clappingrose:

[aimen]

كل عام وانت بالف صحة وسلامة

يا استاذ عادل

[Dreamwithme]

كل عام وحضرتك بالف خير وسعادة

وربنا يارب يجعل في ميزان حسناتك تجمعنا الجميل والحب اللي موجود في المنتدي والسعادة اللي الواحد بيحس بها في المحاورات

مش عارفة اعبر عن اللي جواي ومهما شكرت حضرتك مش كفاية

[أسد]

أستاذنا الفاضل

أخونا الأكبر

حبيبنا ..

الأستاذ عادل

كل سنة وانت بألف خير ...

أطال الله في عمرك ... بصحة وعافية إن شاء الله

[امير مجروح]

كل سنة و حضرتك طيب استاذ عادل

[مايكل وكيرمينا]

كل سنة وحضرتك طيب وبخير وسلام

وفى تالق دائم

[لونا]

كل عام و حضرتك بخير و صحة و سعادة

و ربنا يجازيك خير عن كل واحد استفاد و لو شيء بسيط من هذا المنتدى الرائع

[بركة]

كل سنة وحضرتك طيب

ربنا يمتع حضرتك بالصحة والسعاده وراحة البال

[ابراهيم عبد العزيز]

كل عام وأنت بخير يا سيد / عادل أبو زيد

[عادل أبوزيد]

فكرت كثيرا كيف أصل بكلماتي إلى التعبير عن قدر إمتناني بكلماتكم الرقيقة الصادرة من القلب و آثرت أن أفتح قلبي معكم و أبثكم كل مشاعري و أنا أخطو نحو السبعين من عمري.

ما سبق كان إستهلالا لابد منه

منذ سنوات كان عندي إحساس أن سبعين سنة من العمر هى غاية المنتهى و أن على الإنسان قبلها بسنوات أن يعد نفسه لمحطة النهاية .... ربما هذا تفكير الشباب وقتها .

منذ شهور زارني إبن عمي الذي يعيش فى الولايات المتحدة منذ سنة 1957 و هو يقربني فى العمر مجرد شهور قليلة و الرجل لا يزور مصر كثيرا ووجدته يتكلم عما ينتوي فعله فى السنوات الثلاثين القادمة و سعدت جدا بموقفه هذا الذي يكاد يتطابق مع موقفي من سنوات العمر.

أنا لن أقول مع زهير بن أبي سلمى سئمت تكاليف الحياة و من يعش ثمانون حولا لا أبا لك يسئم ..... لم أسأم و لن أسأم حتى أغادر و أقولها للجميع الشباب أيها الأفاضل إحساس و فكر و لكن شبابي لن يدفعني ل "ركوب المراجيح" مثلا.

ثورة 25 يناير كانت من أحلامي و سعدت بها للغاية و أشعر بإمتنان شديد للثوار و الشهداء و يجب أن نشعر جميعا بإمتنان لهم و يسألني سائل ألا تشعر بالإحباط نتيجة الأحداث التي نقرأ و نسمع عنها كل يوم أو من يسأل ألم تكفر باثورة بعد و أرد لا و ألف لا الذين قاموا بالثورة كان حلمهم - و قد تحقق - أن يخرجونا من القبو المظلم الذين بقينا فيه لمدة ثلاثون سنة على الأقل ....... لقد أخرجونا فعلا من القبو المظلم و لكن لم يكن فى تصورهم أن من يخرج من قبو مظلم بعد ثلاثين سنة لن يكون عنده إحساس بالضوء و سيكون نسى فعلا ما هو الضوء و كيف يمشي فى الضوء و يحتاج لتعلم المشى و تعلم التعامل مع الضوء .... و هذا هو وضعنا كلنا الآن نحن جميعا بمتعلمينا و جهلتنا لا نعي ما يحدث حولنا نحن .... جميعا "نضبش"

وضعنا كمن عاش سنوات عمره فى سجن لا يتناول إلا الخبز و الحلاوة الطحينية كيف بالله عليكم تطلبون منه أن يكون ضيفا على بوفيه مفتوح فيه جميع الألوان التى لا يعرف عنها شيئا.

نحن كلنا فى حاجة لتعلم كيف نتعامل مع ألوان الطعام فى البوفيه المفتوح كلنا فى حاجة لتعلم كيف نتحرك و نمشي فى ضوء النهار.

ما سبق أضعه كرسالة مفتوحة للثوار و ما زال أمامهم دور أن يساعدونا على التعامل مع البوفيه المفتوح و على التعامل مع ضوء الشمس و أقول لهم مهمتكم لم تنتهي بعد.

أدعو الله ألا تكون كلماتي هذه فى ذكرى عيد ميلادي و تعقيبا على تهنئات رقيقة أرجو ألا تكون كلماتي هذه ثقيلة الدم .............. سامحوني فأنا أخطو أولى خطواتي فى عامي السبعين.

[م تيمور المراغي]

كل سنه وحضرتك طيب استاذ عادل ويارب يديك طول العمر في الخير وتملى علينا الدنيا انا اعتذر عن التأخير والله ماشوفت التوبيك الا دلوقتي وكلماتك السابقة اسمح لي اني اقتبسها وانشرها لانها بالفعل تعبر بشكل وافي وراقي عن تعامل شريحه عريضه من الشعب المصري مع تداعيات الثورة و احلام الثوار

اكرر محبتي وامتنناني عادل بك