اقباط يعودون للاعتصام امام ماسبيرو

[joo]

http://youtu.be/xGNvTXShRsk

[se_ Elsyed]

خبر عاجل

قشطة

فرض حظر التجوال بميدان التحرير ووسط البلد من الساعة 2 صباحاً وحتى الـ 7 صباحاً

إلى الخلف دُر

[rar]

بالمختصر كدة عشان ورايا مذاكرة...

أعلن بالانابة عن نفسي، و مش باسم أي حد تاني

انني مسامح كل مصري ضايقني أو حرق كنايس أو حرض علي أو اتمني لي الأذي

أعلن اعتذاري الشديد لكل مصري تأذي من أفعالي أو أفعال اخوة لي انفجروا من الشعور بالظلم و التهميش، و لكن لا يغفر لهم غضبهم أن يتجاهلوا مشاعر الآخرين

أعلن لكل أخ سلفي كان أو اخواني أو علماني أو ليبرالي أو ملحد، انني احبه و اخاف عليه و أقبل عدله و محبته مهما كانت ظالمة، لأنه أخي و سيظل أخي الي الأبد و لو كره ذلك

أقبل عدل كل هؤلاء و لا أقبل عدل المجلس العسكري و لو ادعي الورع و التقوي و كراهية السلطة... أتهمه بالكذب و دلائلي أكثر من أن احصيها

أسأل يعني، هل ألوم المتظاهرين علي ما فعلوا ، أو الجيش علي ما فعل، و أقضي حياتي اتسائل عن وجود مندسيين أو عملاء و الكلام الكبير ده؟

و لا أسأل المجلس المش عسكري خالص، حضرتك ليه لم تتدخل و تتفاوض و تقيم الدنيا و لا تقعدها حتي يرجع هؤلاء الأقباط عن مظاهرتهم التي أعلنوها للجميع قبلها بعدة أيام؟خاصة وان مطالبهم مشروعة وكذب المحافظ اعلن و التراخيص طلعت علي الفضائيات بالختم الحكومي؟

و لا هي المظاهرة دي كانت منتظرة بفارغ الصبر من القيادة العليا و سيادة المشير اللي مش فاضي غير انه يمشي باللبس المدني في الشارع عشان التلفزيون يصور؟

ارحل يعني امشي... اما أهلي من ذوي الذقون أو من حليقيها، فهم أهلي و ليس لك التدخل بيننا الا لتطبيق القانون...

مواطن قبطي لا و لم و لن يحمل سلاحا و لن يكره أخوته مهما صورهم لنا الاعلام الداخلي و الخارجي علي أنهم وحوش تبغي لحمنا

[se_ Elsyed]

انا اصدق ان الجيش يفرق المظاهرة بالقنابل المسيلة للدموع او العصى لكن يفرق مظاهرة بسلاح لا والف لا

في اللي افظع من السلاح يا رؤوف بيه

وهو دهس المتظاهرين بالعربات المدرعة .... وده عرفته من شهود عيان في بداية الاحداث .. وانكره التليفزيون المصري المنافق اللي ما فرقش كتير عن عصر مبارك وقالوا إن اللي إنضرب هو الجيش وإن مافيش إصابات في المتظاهرين .. شوف إزاي ؟

تسمع بقى الناس اللي هناك .. قالوا إن نفس أحداث يناير إتكررت وإن العربات المدرعة بقت تدهس بشكل جنوني على الناس

هل هذا يُرضي ربنا ؟

وهل هذا هو الحل الدائم من الحكومات المتعاقبة ؟.

[se_ Elsyed]

بالمختصر كدة عشان ورايا مذاكرة...

أعلن بالانابة عن نفسي، و مش باسم أي حد تاني

انني مسامح كل مصري ضايقني أو حرق كنايس أو حرض علي أو اتمني لي الأذي

أعلن اعتذاري الشديد لكل مصري تأذي من أفعالي أو أفعال اخوة لي انفجروا من الشعور بالظلم و التهميش، و لكن لا يغفر لهم غضبهم أن يتجاهلوا مشاعر الآخرين

أعلن لكل أخ سلفي كان أو اخواني أو علماني أو ليبرالي أو ملحد، انني احبه و اخاف عليه و أقبل عدله و محبته مهما كانت ظالمة، لأنه أخي و سيظل أخي الي الأبد و لو كره ذلك

أقبل عدل كل هؤلاء و لا أقبل عدل المجلس العسكري و لو ادعي الورع و التقوي و كراهية السلطة... أتهمه بالكذب و دلائلي أكثر من أن احصيها

أسأل يعني، هل ألوم المتظاهرين علي ما فعلوا ، أو الجيش علي ما فعل، و أقضي حياتي اتسائل عن وجود مندسيين أو عملاء و الكلام الكبير ده؟

و لا أسأل المجلس المش عسكري خالص، حضرتك ليه لم تتدخل و تتفاوض و تقيم الدنيا و لا تقعدها حتي يرجع هؤلاء الأقباط عن مظاهرتهم التي أعلنوها للجميع قبلها بعدة أيام؟خاصة وان مطالبهم مشروعة وكذب المحافظ اعلن و التراخيص طلعت علي الفضائيات بالختم الحكومي؟

و لا هي المظاهرة دي كانت منتظرة بفارغ الصبر من القيادة العليا و سيادة المشير اللي مش فاضي غير انه يمشي باللبس المدني في الشارع عشان التلفزيون يصور؟

ارحل يعني امشي... اما أهلي من ذوي الذقون أو من حليقيها، فهم أهلي و ليس لك التدخل بيننا الا لتطبيق القانون...

مواطن قبطي لا و لم و لن يحمل سلاحا و لن يكره أخوته مهما صورهم لنا الاعلام الداخلي و الخارجي علي أنهم وحوش تبغي لحمنا

عزيزي رار ...

الشيء بالشيء يّذكر

شوف معايا الخبر اللي تم نشره النهاردة وقول لي رأيك

بيقول لك " المُشير يصدر تعليمات إلى الحكومة بدراسة المطالب الفئوية المتكررة والتي أدت غلى العديد من المظاهرات "

مش بيفكرك بشخص معين الموضوع ده ؟

هههههههههه .. مبارك بس طالع في الفيلم بدور تاني .. صح ؟

المشير صحي بعد 9 شهور من الإضرابات و و و و و و

وبيوصي الحكومة تشوف البلاوي ايه اللي بتحصل ...

عارف ليه ؟

لإن عندك مسئولين أسوء من موظفي الحكومة .. لا بيحلوا ولا بيربطوا

-------------

يا عزيزي .. فرنسا كانت خارجه من الحرب العالمية الثانية وهي على الأرض .. لا تقولي موارد ولا عجلة إنتاج ولا بسكلته زراعة .... لكن كان هناك شخص محترم محب لبلده إسمه شارل ديجول واجتمع بحكومتة وسألهم سؤال واحد وهو : اخبار القضاء .. والمحليات إيه ؟

ولما أتطمن إن عنده ناس محترمة وقضاء ناجز ... أستطاعت فرنسا إنها تقف على رجلها في ثور ثانية بعد الثورة الفرنسية الأولى

اما نحن ...

فحدث ولا حرج ..

إوعى تتكلم عن القضاء ....

أيوه حضرتك بس القضية بتقعد سنة وإتنين وتلاته .... و و مافيش حاجه

هششششش إوعى تفتح بؤك ... لا تعقيب على أحكام القضاء ولا إجراءات القضاء

النهاردة يا سادة في قضية معركة الجمل .. تم رمي القضية إلى اخر شهر ديسمبر .... وذلك إن أحد المتهمين طلب تغيير هيئة المحكمة

أجيبوني يا سادة ... كم قضية تم حسمها من بعد الثورة اللي قربت على سنة أهو ؟

كل سنة وإنت طيب ولا قضية

حتى الان في أقل من 6 شهور ... 4 كنائس إتحرقت ....

كم حادثة منهم تم البت فيها إن شالله يا جدعان نطلع نقول إن المسيحيين هما اللي عملوها بس ننجز والناس تعرف حتى إنها إتظللمت ... لكن بالمنظر المسيء ده ... من تخاذل وإجراءات تخلي صاحب الحق اللي يموت من الإنتظار من غير ما ياخد حقه .....

يا راجل بلا قرف

ونرجع نقول الوحدة الوطنية

إوعى تتكلم .... هانعمل يا سيدي حاجه إسمها بيت العيلة .. ده غير بيت العز

لأ لأ إستنى هانعمل قانون دور العبادة الموحد ..

وهانطلع نبوس راس بعض

كل ده بيصفصف على ببببببببببببببببببببببف ... ولا ما فيش

[se_ Elsyed]

ماسبيرو .. والتليفزيون المصري عاوز قنبلة تترمي عليه قنبلة من فوق وتريحنا من العفن ده

الان .. المذيع يستضيف على التليفون احد القساوسة وبيقول له : يا نيافة القمص .. تقول إيه لجنود وظباط الجيش اللي إتقتلوا وأتصابوا النهاردة ؟

إستفزاز وعفن ما بعده عفن ...

اهم حاجه يطلع المذيع كل شويه ويقول لك : لكن الحركة المرورية على كوبري 6 اكتوبر عادية وفي سيولة لإن الاحداث بعيدة عنها

واهم حاجه يركز - كما تم تماماص في ثورة يناير - إن الجيش والشرطة هما اللي إنطحنوا

طب حد جاب سيرة القتلى والجرحى .. مش هاقول المسيحيين .. لكن هاقول المصريين المدنيين اللي كانوا طالعين يصرخوا من الظلم ...

حد جاب سيرة عن الناس اللي إنهدست ؟

فلقتونا من الأطراف المدسوسة .. والأجندات .. والأيدي الخارجة

ومن يناير لحد دلوقت ما مسكتوش صوباع مش إيد واحده

إيه المعالجات المعفنة دي المتكررة من عصر مبارك الظالم ؟

إيه في إيه ؟

فين الحلول المحترمة اللي ترضي جميع الأطراف وإيه البرود ده ؟

23 قتيل من المصريين .. مش هاقول من الجيش او من المسيحيين

إيه في إيه ؟

مش مصريين دول ؟

مش لهم أهل دول ؟

ومين الناس الزبالة اللي نزلوا التحرير من شويه وهتافات مدوية تقول " المسلمين والجيش إيد وحده "

لعن الله مثيري الفتنه ... لعن الله مثيري الفتنة ... لعن الله مثيري الفتنة

[se_ Elsyed]

خبر عاجل أخر على موقع جريدة الوفد

شرف يدرس إصدار قانون دور العبادة الموحد

يا راجل إرحل بقى ده أنت أسوء شيء جاء بعد الثورة بلا قرف

[capitshino]

هو شرف لسه عايش

تم تعديل 9 أكتوبر 2011 بواسطة capitshino

[mekkawy]

ماسبيرو .. والتليفزيون المصري عاوز قنبلة تترمي عليه قنبلة من فوق وتريحنا من العفن ده

الان .. المذيع يستضيف على التليفون احد القساوسة وبيقول له : يا نيافة القمص .. تقول إيه لجنود وظباط الجيش اللي إتقتلوا وأتصابوا النهاردة ؟

إستفزاز وعفن ما بعده عفن ...

اهم حاجه يطلع المذيع كل شويه ويقول لك : لكن الحركة المرورية على كوبري 6 اكتوبر عادية وفي سيولة لإن الاحداث بعيدة عنها

واهم حاجه يركز - كما تم تماماص في ثورة يناير - إن الجيش والشرطة هما اللي إنطحنوا

طب حد جاب سيرة القتلى والجرحى .. مش هاقول المسيحيين .. لكن هاقول المصريين المدنيين اللي كانوا طالعين يصرخوا من الظلم ...

حد جاب سيرة عن الناس اللي إنهدست ؟

فلقتونا من الأطراف المدسوسة .. والأجندات .. والأيدي الخارجة

ومن يناير لحد دلوقت ما مسكتوش صوباع مش إيد واحده

إيه المعالجات المعفنة دي المتكررة من عصر مبارك الظالم ؟

إيه في إيه ؟

فين الحلول المحترمة اللي ترضي جميع الأطراف وإيه البرود ده ؟

23 قتيل من المصريين .. مش هاقول من الجيش او من المسيحيين

إيه في إيه ؟

مش مصريين دول ؟

مش لهم أهل دول ؟

ومين الناس الزبالة اللي نزلوا التحرير من شويه وهتافات مدوية تقول " المسلمين والجيش إيد وحده "

لعن الله مثيري الفتنه ... لعن الله مثيري الفتنة ... لعن الله مثيري الفتنة

بصراحة يا عم أحمد عداك العيب بس ما قزحش .. يعني احنا هنسيب المصيبة و نمسك في ديلها .. مسلمين ايه اللي بيهتفوا المسلمين و الجيش ايد واحدة .. هي دي الكارثة اللي حاصلة قدامك يا ريس؟؟؟ و بعدين ظلم ايه و ناس مين اللي مظلومة يا باشا ... هو مش حصل ثورة بردو ولا ايه و خلاص بقينا كلنا مصريين و قلنا مبارك ابن اللذينة هو اللي كان عامل الفتنة و اهو غار مبارك بعاره و لسة يبدو ان الفتنة موجودة سبحان الله!!!!

عامة رغم ان ممكن المسلمين يمسكوا الموضوع و يهللوا زي ما انت بتقول و ممكن بالذات السلفيين اللي ما حدش فوت مناسبة الا و طحن فيهم ممكن هم اكتر ناس يهللوا للموضوع و يقلبوا الترابيزة بس مش دي القصة .. اصل القصة نصبة أكبر من كدة بكتير .. اه و الله بجد .. على رأي أخونا حسام .. ادينا أحكام عرفية ادينا طوارئ ادينا حكم عسكر من تاني و طاغية جديد و سلملي بأة ع المسيحين و المسلمين و الكل كليلة

هأقولك حاجة .. عندي عادة عبيطة كدة بأحب أقرأ شريط الاخبار في القنوات .. يعني ما بأتفرجش على القناة اصلاً ولا بأسمع بيقولوا ايه قد ما بأقرأ شريط الاخبار .. ملاحظ معايا يا عمي تلميع طنطاوي .. هتقولي يعني انت جبت التايهة .. لا ما جبتش التايهة بس خلاص يعني واضحة

انزل ياض انت و هو يا مسيحين يا مهضومين الحق يا غلابة .. كسروا لكم كام عربية و موتوا لكم كام عسكري و احنا هنطلع نضربكم و نضرب منكم شوية كدة

انزل ياض انت و هو يا مسلمين يا ايد واحد اهتفوا للجيش و ايد واحدة و رجل واحدة و الحاجات دي .. استنوا باة .. يلا اطحنوا في بعض و انا هاطلع الم الليلة و كلكم تسقفولي ... اتفقنا؟

الموضوع اكبر من اللي حاصل و لو ان اللي حاصل قلة أدب ما ينكرهاش حد

تصبحوا على خير

[Simba]

سلفيين السويس عملوا لجان شعبية حوالين الكنايس

[Simba]

حزب الحرية و العدالة - الصفحة الرسمية

هيلاري كلينتوي "وزيرة الخارجية الامريكية" في اتصال هاتفي لقناة CNN :

نحذر المجلس العسكري من تفاقم الاوضاع والضغط علي الاقليات!! ، ونعرض علي المجلس العسكري الحماية والمساعدة بقوات امريكية لحماية المناطق الحيوية ودور العبادة

[Om Zayd]

حزب الحرية و العدالة - الصفحة الرسمية

هيلاري كلينتوي "وزيرة الخارجية الامريكية" في اتصال هاتفي لقناة CNN :

نحذر المجلس العسكري من تفاقم الاوضاع والضغط علي الاقليات!! ، ونعرض علي المجلس العسكري الحماية والمساعدة بقوات امريكية لحماية المناطق الحيوية ودور العبادة

أعتقد تم تكذيب هذا الخبر

رغم ان العربية كل شوية كانت بتحطه

[capitshino]

عصام شرف هيبوق كمان شوية عالتليفزيون

[Emy eldery]

ياجماعه بقى اصحوووووووووووووووا وفوقووووووووووووووا مصر بتغرق طول عمرنا ايد واحده اوعوا تصدقوا الاعلام الكاذب وان فى ضرب نار على الجيش ده ماحصلش ومش عارفه هم عايزين ايه يولعوا الدنيا لمصلحتهم حرااااااااااااااااااااااااااام صدقونى المسيحين بيتقتلوا بالعشرات هناك وصور ناس ميته كتييييييييييير وناس مخها طاير وفى صوره لمخ محطوط فى كيس اتفرم من عربيات المدرعات وطفل يجى 19 سنه ميت المستشفى القبطى مفيهاش مكان المصابين كل اتنين على سرير والجثث على الارض فكرتنى باايام الثوره ولا يوم كنيسة القديسين لم جابوا ظابط لبسه مكوى ونايم على السرير وشبه بيضحك وقالوا الظابط اصيب وطبعا ده طلع كدب وكانت الناس ساعتها متقطعه وفى رجل اترمت الدور السادس من قوة القنبله بجد وشوفوا وائل غنيم كاتب ايه على تويتر بلسانه وائل غنيم عبر تويتر: وزير الإعلام يصف الشائعات الكاذبة اللي صدرت من التلفزيون الرسمي عن إطلاق المتظاهرين للنار على ضباط وجنود الجيش بأنه: انفعال مذيعين !!!! ولسه وانا سمعت بيقول معلش الاخبار الكاذبه انفعال مذيعين ينفع ده

ينفع ان شاب زى الفل يموت جنب خطيبته وصورتها بتبكيه تخلى الحجر ينطق بجد صورته وهو مقتول بشعه

الإعلامية أماني الخياط شاهدة عيان على احداث ماسبيرو اليوم 9 أكتوبر 2011 وسلمية المظاهرة وتعرضها لاعتداء من البلطجية وقوات الجيش

معدة في التلفزيون الحكومي : أنا تغريد الدسوقي معدة برامج بالتليفزيون المصري و أتبرأ من التغطية الإعلامية للتليفزيون المحرضة علي الفتنة و أدين كل من شارك بها

مراسل العربيه المسيحيون لا يحملون اى اسلحه المسيحيون يحملون صلبانا

عمر طاهر: كنت اقف امام التليفزيون و الاقباط علي الرصيف يحوطهم الجيش بينما راديو السيارة يقول الاقباط يحرقون مدرعة و يعتدون ع الجيش. صديق مخرج بالمبن

................

ياجماعه الصور من ماسبيرو مغرقه الدنيا لرصاص محفور عليه وواضح جدا ج م ع ده معناه ايه

تعالوا نحللها من البدايه كنيسه ليها تراخيص بناء(حتى لو مخالفه يبقى الرد بالقانون وهى اساسا ليه خالفت لو حصل لانها قريه مفيهاش مكان يصلوا فيه لربنا ده حلال الناس عايزه تصلى ) جم ناس هدتها وكل ذنب المسيحين انهم عايزين يصلوا ماضايقوش حد ولا اتكلموا فى ميكرفونات ليه الكره والمصيبه الجيش ماعملش حاجه زى مامعملش حاجه لاطفيح او المعادى وكانه بيقول انا موافق لا واللى يغيظ اكتر ان اللى استخدم فى هد اطفيح عربيات هد المحافظه وقعدوا 21 ساعه يهدوا والمسيحين بيبكوا على دور عبادتهم وفى الماريناب كان شخص من الشرطه بيشرف على الهد وفيه فيديو بده وكان طبيعى من حقنا بعد 10 ايام بااستفزاز محافظ اسوان وبدون اى اقل رد فعل من الجيش رغم ان صور اللى بيهدوا موجوده اننا نطلع نصرخ سلميه ولكن فى ناس ليها اغراض تانيه

ممكن افترض افتراض وانا عارفه ان الافتراض بس ممكن يبقى اهانه لو حصل العكس وجم جماعه مسيحيه هدوا زاويه مش مسجد كان ايه اللى هيحصل انا مش عايزه اتخيل لا من الجيش ولا من الشعب

بجد احنا طول عمرنا عايشين سوا وكل واحد حر فى علاقته مع ربناايه اللى حصل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابو محمود]

لو صدر قانون دور العبادة الموحد الان سيكون فتنة القانون لا بد من اصدارة من مناقشة برلمان علشان ما حدش يمحتج ويسقطة دستوريآ

ما حدث مدبر لقد تم فى خمس محافظات ومن يقول ان الجيش لم يطلق علية نار يبقى اعمى وبيغالط نفسة

ودة مش نكاية فى المسيحين وليعلم الجميع فى كل الديانتين هناك من هو متخلف فليس المسيحيين ملائكة جميعهم ولا المسلمين كذلك ارحمو عقولنا ربنا يرحمكم

[ابراهيم عبد العزيز]

هل سمعتم خطاب الدكتور عصام شرف ؟؟؟

هل هذا خطاب يليق بمثل هذه الازمة ؟؟؟

شعرت كما لو كان خطاب من خطابات المسئولين فى النظام السابق

خطابات قائمة على دغدغة مشاعر المواطنين وطلب التحرك من رجال الدين والمثقفين

طيب لم نرى قرارا واحدا على الأرض ؟؟

[aimen]

هل سمعتم خطاب الدكتور عصام شرف ؟؟؟

هل هذا خطاب يليق بمثل هذه الازمة ؟؟؟

شعرت كما لو كان خطاب من خطابات المسئولين فى النظام السابق

خطابات قائمة على دغدغة مشاعر المواطنين وطلب التحرك من رجال الدين والمثقفين

طيب لم نرى قرارا واحدا على الأرض ؟؟

استاذ ابراهيم

صباح الخير

عصام شرف راجل طيب

اخره بيانات ...راجل كباره ...

لا بيحل ولا بيربط

ربنا يحفظ البلد دى

[ozoozo]

هل سمعتم خطاب الدكتور عصام شرف ؟؟؟

هل هذا خطاب يليق بمثل هذه الازمة ؟؟؟

شعرت كما لو كان خطاب من خطابات المسئولين فى النظام السابق

خطابات قائمة على دغدغة مشاعر المواطنين وطلب التحرك من رجال الدين والمثقفين

طيب لم نرى قرارا واحدا على الأرض ؟؟

استاذ ابراهيم

صباح الخير

عصام شرف راجل طيب

اخره بيانات ...راجل كباره ...

لا بيحل ولا بيربط

ربنا يحفظ البلد دى

[ام سلمي]

يا جماعة الموضوع واضح ، اللي مش مصدق ان في دسائس وفلول هي اللي بتعمل كدة يبقي غلطان، لما الاقباط يقولوا الجيش هو اللي ضرب والجيش يقولوا الاقباط ضربونا، يبقي في حد في النص ضرب الجيش علي انه من الاقباط ،وضرب الاقباط علي انه من الجيش علشان يعملوا فتنة في البلد ،

لما الحزب الوطني يقولوا حنقطع الطريق وننفصل بالجنوب لو صدر قانون العزل يبقي الناس دول بيخططوا ويتأمروا وعارفين هما بيعملوا ايه ،

ده احنا حتي ما بنتعلمش من التاريخ حد عارف ايه اللي حصل في موقعة الجمل بين سيدنا علي رضي الله عنه من ناحية والسيدة عائشة وطلحة والزبيررضي الله عنهم من ناحية تانية ، لما اصطلح الجيشين وقرروا يرجعوا قبل اي حرب ، قتلة عثمان رضي الله عنه خافوا يكونوا اصطلحوا علي ان علي يقتلهم ، فقرروا يبعثوا ناس في معسكر علي بالليل يقتلوا ناس منهم ،ويبعتوا ناس في معسكر عائشة يقتلوا ناس منهم، وطبعا كل معسكرافتكر ان المعسكر التاني هو اللي غدر بيه وكانت موقعة الجمل المؤلمة ،

انا متأكدة ان ده اللي حصل امبارح لأن كل واحد فاكر ان التاني اللي ضربه وفي شهود للروايتين ، وفي اكتر من جريدة النهاردة شهود عيان بتقول ان اللي ضرب الجيش مجموعة مسلحة دخيلة علي المتظاهرين وان الجيش كان ما معاهوش رصاص حي خالص ،وان كان في بلطجية ،وكان في ناس لابسة جاكيت جيش وبنطلون جينز والجيش كان بيجري وراهم وغالبا دول اللي ضربوا الاقباط علشان يفتكروا ان الجيش هو اللي ضربهم،

ربنا ينتقم منهم ويرد كيدهم عليهم ،ويرحم القتلي ويصبر اهاليهم وانا لله وانا اليه راجعون

تم تعديل 10 أكتوبر 2011 بواسطة ام سلمي

[se_ Elsyed]

كل الاصوات حتى اللي في الحكومة اللي عاوزه تلزق الموضوع في مؤامرة وأيادي خارجية ليها في التمييز

كل ده عفواً .. فشل مستمر في معالجة المشاكل

هل ما فيش كنائس إتحرقات ؟

هل في مشكلة إتحلت ؟

هل ما فيش وقفات إحتجاجية فئوية كل يوم ؟

هل في حد قعد مع الناس دي او خرج في بيان او عمل لقاءات مع النقابات ووعد بدراسة المشاكل ؟

هل كلنا بدون إستثناء ما كناش عارفين غن مافيش عام دراسي جامعي عندنا هايبدأ وهتبقى سنة سودا على قيادات الجامعات بسبب المجلس العسكري ؟

هل تفاجئنا بوجود قيادات مبارك في الجامعات ؟

وغيره وغيره ... إحنا هانضحك على بعض ولا إيه ؟