اذهب الي المحتوي
ArabHosters
capitshino

اقباط يعودون للاعتصام امام ماسبيرو

Recommended Posts

ياااااااااااااااه والله زمان

نفس أسلوب مبارك في إدارة الأزمات

شوفنا مشكلة كنيسة أطفيح .. ومشكلة كنيسة أمبابة .... ولن تتوقف المشاكل إلى أن وصلنا إلى كنيسة الماريناب في أسوان

فلو كنا من الأول حلينا المشكلة حل جذري وفوري وعادل وكل واحد اخد حقه .. ما كانش حد يتجرأ ويكرر نفس المشاكل

لكن للأسف

المجلس مرتعش ومعه حكومة على نياتها ... ولم يحل أي مشكلة غير إنه اعاد بناء كنيستي أطفيح وأمبابة .. يا فرحتي

والاقباط يشعرون بالإضطهاد وإن هما الحيطة المايلة وكل يوم يتقتل لهم قتيل والحكومة تكتفي بتقديم العزاء

الحل أيها السادة في العدل ... ثم العدل .. ثم العدل

يا استاذ كلامك لا غبار علية

بس دة اية علاقتة دلوقتى بكوتة البرلمان

شارك هذه المشاركه


رابط المشاركه
شارك

ماشاء الله قناة النيل للأخبار حاضرة من أول المشهد ليه .. خير اللهم أجعله خير

وكمان بتنقل خبر : شهيد و عشرون مصاب من قوات الجيش و الشرطة

يعني من الآخر بتشحن الشعب ضد الأقباط في هذا التوقيت ليه

لا شك أننا لا نقبل بما يحدث من المتظاهرين الأقباط ، ولكن تكبير الصورة في الإعلام الرسمي أعتقد أن الغاية من وراءه غير سوية بالمرة

وكمان الجزيرة الممنوعة من البث أصبح بثها مباشر من قلب الحدث !!؟؟

من الآخر يعني شوية دوشة ملهمش لازمة ، وأهي حجة تأجل تسليم السلطة ؟؟

ياارب أكون فاهم غلط والموضوع ينتهي بسلام وسرعة

شارك هذه المشاركه


رابط المشاركه
شارك
بس دة اية علاقتة دلوقتى بكوتة البرلمان

مين اللي إتكلم هنا عن البرلمان ؟

نحن أمام كنيسة اخرى يتم حرقها في اقل من 4 أو 5 شهور .. والحكومة لا تُحرك ساكناً

مين فاكر معايا النحررة اللي كانت فيها الحكومة .. وخلاص خلاص .. قانون دور العبادة الموحد هايصدر وكله هاياخد حقه ... وخخخخخخخخخخخخخخخخخخ يا نوم يا نوم

زيه زي قانون المحليات ...

زيه زي الحد الأقصى والأدنى للاجور

كلها قضايا عالقة ولم تتمكن تلك الحكومة من حل أي قضية منها

والنبي يا أخواننا لو حد شاف رئيس حكومتنا الاخ عصام شرف هنا أو هنا يبقى يدلق على راسه جردل ميه يمكن يفوق ويصحى

شارك هذه المشاركه


رابط المشاركه
شارك

ماشاء الله قناة النيل للأخبار حاضرة من أول المشهد ليه .. خير اللهم أجعله خير

وكمان بتنقل خبر : شهيد و عشرون مصاب من قوات الجيش و الشرطة

يعني من الآخر بتشحن الشعب ضد الأقباط في هذا التوقيت ليه

لا شك أننا لا نقبل بما يحدث من المتظاهرين الأقباط ، ولكن تكبير الصورة في الإعلام الرسمي أعتقد أن الغاية من وراءه غير سوية بالمرة

وكمان الجزيرة الممنوعة من البث أصبح بثها مباشر من قلب الحدث !!؟؟

من الآخر يعني شوية دوشة ملهمش لازمة ، وأهي حجة تأجل تسليم السلطة ؟؟

ياارب أكون فاهم غلط والموضوع ينتهي بسلام وسرعة

لأ إنت فاهم صح طبعاً

زي ما كلنا فاهمين مين اللي مولع البلد ومش عاوز يشتغل ولا يحل مشكلة

شارك هذه المشاركه


رابط المشاركه
شارك

إشمعنى الاقباط ...!!!!

كده الرؤيه وضحت .. يا اما زياده فى الفوضى المؤديه لانهيار ودمار .. وسكة الللى يروح ميرجعش .. يا اما سياسة الحديد والنار ثانية .. ونظام ((مسمعش حس حد يقوللى ديموقراطيه وحقوف انسان ))

اشمعنى الاقباط .. ملهومش نفس يعنى .. وفين السلفيين .. حيسكتوا .. وفين الليبراليين .. حيفضلوا كتير فى برجهم العاجى .. عايزينهم يشاركوا فى المعمعه .. وفين بتوع النوبه .. وبدو سينا .. وكل من له مطالب ..وكل من له نفس يعمل حاجه ..يعملها ..

احنا عايزين مليونية اشعال مصر ..وهدم المعبد على الجميع .. واعتقد بالشكل اللى شايفينه ده حيشارك فيها ملايين

شارك هذه المشاركه


رابط المشاركه
شارك
بس دة اية علاقتة دلوقتى بكوتة البرلمان

مين اللي إتكلم هنا عن البرلمان ؟

نحن أمام كنيسة اخرى يتم حرقها في اقل من 4 أو 5 شهور .. والحكومة لا تُحرك ساكناً

مين فاكر معايا النحررة اللي كانت فيها الحكومة .. وخلاص خلاص .. قانون دور العبادة الموحد هايصدر وكله هاياخد حقه ... وخخخخخخخخخخخخخخخخخخ يا نوم يا نوم

زيه زي قانون المحليات ...

زيه زي الحد الأقصى والأدنى للاجور

كلها قضايا عالقة ولم تتمكن تلك الحكومة من حل أي قضية منها

والنبي يا أخواننا لو حد شاف رئيس حكومتنا الاخ عصام شرف هنا أو هنا يبقى يدلق على راسه جردل ميه يمكن يفوق ويصحى

مش هنا فى العديد من المواقع تتحدث عن بعض المطالب و منها كوتة البرلمان

اما موضوع عصام شرف

فالمشكلة ليست فى الحكومة مع اعتراضى على عصام شرف

المشكلة ان الجميع عايز يضعط دلوقتى و يا تتحقق مطالبة دلوقتى يا اما يتظاهر و يعتصم و يقطع الطريق و يهاجم منشاءات البلد

و عند اى محاولة للتصدى يبقى الشرطة رجعت لسابق عهدها و العسكر عايزين ينطزا على السطة

دا ميعاد تقسيم التورتة

شارك هذه المشاركه


رابط المشاركه
شارك

قريتوا الخبر ده مش شويه ؟

المشير يوقف تحويل المدنيين إلى المحاكم العسكرية

طب ليه ؟

ولمصلحة مين قرار بديهي زي ده لازم يحصل بعد العديد من المليونيات ؟

وليه كل مطلب لازم يطلع عين أم الناس عشان يحققوه

ولماذا لم يبادر المجلس او الحكومة حتى الان بقرار يحسس الناس إن في ثورة قامت على الظلم ؟؟؟؟

مرة أخرى ... الحكومة الضعيفة اللي معلقه في راسها حبل .. هاتلاقي مليون واحد يركبها

الحكومة اللي مش قادرة تاخد قرار واللي فيها وزراء كُثر لم يحركوا ورقة من على مكتبهم ... يبقى لا تستحق أن تجلس في مكانها ثانية واحدة

لكن ارجع واقول .. الحكومة اللي من أول يوم لم تُعلن عن خطتها أو رؤيتها لحل مشاكل مصر حتى لو كانت حكومة مؤقتة .. وهي مش مؤقتة ولا حاجه لما نلاقيها قاعدة سنتين ... يبقى نتوقع بعد ده كله مظاهرات هنا .. وإحتجاجات هناك .. وحرائق هنا وهناك

شارك هذه المشاركه


رابط المشاركه
شارك

إشمعنى الاقباط ...!!!!

كده الرؤيه وضحت .. يا اما زياده فى الفوضى المؤديه لانهيار ودمار .. وسكة الللى يروح ميرجعش .. يا اما سياسة الحديد والنار ثانية .. ونظام ((مسمعش حس حد يقوللى ديموقراطيه وحقوف انسان ))

اشمعنى الاقباط .. ملهومش نفس يعنى .. وفين السلفيين .. حيسكتوا .. وفين الليبراليين .. حيفضلوا كتير فى برجهم العاجى .. عايزينهم يشاركوا فى المعمعه .. وفين بتوع النوبه .. وبدو سينا .. وكل من له مطالب ..وكل من له نفس يعمل حاجه ..يعملها ..

احنا عايزين مليونية اشعال مصر ..وهدم المعبد على الجميع .. واعتقد بالشكل اللى شايفينه ده حيشارك فيها ملايين

+11111111111111111

مستنين بيانات 6 ابريل تطالب العسكر بتسليم السلطة و تشكيل مجلس رئاسى مدنى

شارك هذه المشاركه


رابط المشاركه
شارك
على تويتر اسماء محفوظ

الامن اتجنن الوضع هنا هيستيري و في اشلاء جثث حرام اللي بيحصل عاوزين اسعاف يا ناس

للي كان بيسأل على 6 ابريل

شهيدين للجيش و اكتر من 30 مصاب من الشرطة

و الست بتقول الامن اتجنن

حد عاقل يفهمني و ينوبه فيا ثوااااااب

شارك هذه المشاركه


رابط المشاركه
شارك

التليفزيون المصري يطلب من المواطنين النزول لحماية الجيش

يلا يا جماعة .. كل واحد ياخد اللى يقدره عليه ربنا وينزل يضرب فى اخواته اللى فى الشارع

تم تعديل بواسطة capitshino

شارك هذه المشاركه


رابط المشاركه
شارك
على تويتر اسماء محفوظ

الامن اتجنن الوضع هنا هيستيري و في اشلاء جثث حرام اللي بيحصل عاوزين اسعاف يا ناس

للي كان بيسأل على 6 ابريل

شهيدين للجيش و اكتر من 30 مصاب من الشرطة

و الست بتقول الامن اتجنن

حد عاقل يفهمني و ينوبه فيا ثوااااااب

ريم .. إحنا هانضحك على بعض

كل الارقام والمتابعات بنعرفها من التليفزيون المصري .. واخده بالك إنتي منين

على فكرة .. ما يحدث الان هو نفس أحداث بداية ثورة 25 يناير

كر وفر وضرب نار وغاز وأصوات السيارات المدرعة التي تطارد المتظاهرين ... وطبعاً الاقباط اللي هايشوفوا المشاهد دي هايتجننوا ويشتاطوا غضباً وينزلوا الشارع هما كمان

حسبي الله ونعم الوكيل في اللي لا بيحل ولا بيربط وبيزيد الامور تعقيداً

شارك هذه المشاركه


رابط المشاركه
شارك

ههههههههههههههههههههههههههههههه

خبر عادل

" شرف يتابع الاوضاع بمنطقة ماسبيرو ويجري اتصالات مع القيادات العسكرية والامنية لاحتواء الموقف "

أه والله خبر على التليفزيون المصري

بدلوا كده كلمة شرف بـ سين سين يتابع الموقف ويلطم على وشه من العجز

مش هاتفرق كتير صح ؟؟؟

شارك هذه المشاركه


رابط المشاركه
شارك

الغريب إن كلنا بنبصم بالعشرة إن الحلول الامنية .. والبطش .. والغاز المسيل للدموع .. والضرب والسحل ... يزيد المشكلة تعقيداً ويخلي اللي مالوش في البطيخ الدم يفورر في عروقه ويرمي نفسه في قلب المشكلة

والكل كان عارف إن في مليونية يدعو إليها الاقباط يوم الاحد اللي هو النهاردة وهما شايلين أكفانهم ... وماحدش حرك حجر من مكانه أو أقترح حلول ..... لحد مما شوفنا النتيجة

شارك هذه المشاركه


رابط المشاركه
شارك

بيان للجماعة السلفية أسمعه الان على قناة CBC بيهدد بالتصعيد وإنهم لن يقفوا متكوفي الايدي إذا تم الأستجابة لمطالب الاقباط بأقالة محافظ أسوان

إيديها ما ترحمهاش

شارك هذه المشاركه


رابط المشاركه
شارك

بيان للجماعة السلفية أسمعه الان على قناة CBC بيهدد بالتصعيد وإنهم لن يقفوا متكوفي الايدي إذا تم الأستجابة لمطالب الاقباط بأقالة محافظ أسوان

إيديها ما ترحمهاش

لا انا كده الضغط علي عليا

اسيبكم بقي

لازم افصل نافوخي و الا هايجرالي حاجه بجد

سلام

شارك هذه المشاركه


رابط المشاركه
شارك

قناة النيل : ثلاثة شهداء و عشرات المصابين من الجيش المصري حتى الآن برصاص الأقباط و إحراق العديد من عربات الجيش

لم نسمع عن قتل جندى واحد في الجيش المصري أيام الثورة حتى عبر التليفزيون المصري نفسه..

يا رب استر ..

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • استغلال المتطرفين لحوادث القضاء والقدر

      تعيش الكائنات الإخوانية وتتكاثر على هكذا حوادث دون انتظار تحقق أو تحقيق  ... وتستطيع هذه الكائنات ان تخرج سمومها بالرئيس عند كل حادثة وكل قضاء وقدر ... اما اذا قالت هذه الكائنات الغريبة الشاذة انها على استعداد ان تضحي بحياة الآلاف أو هي فعلا تضحي بهم وتدفعهم الى التهلكة فتندفع أنثى هذه الكائنات وتطلق زغرودة النصر والاستشهاد على الدماء المسالة والهلاك الكبير ...

      في محاربة الفساد

    • شارك كمواطن في القضاء على بلطجة الشوارع وأبلغ عن ( اتاوات السايس)

      ظاهرة السايس اللي بيعتبر الشارع العام ملكه ويفرض على سائقي السيارات  "اتاوة " مقابل ركن السيارة السايس اللي مش بتشوفه الا وانت ركنت خلاص بمعرفتك او وانت طالع بعربيتك ومن غير ما يساعدك تطلع وايده مفرودة عشان ياخد المعلوم نفسك ده ما يحصلش؟؟ طيب اهي ادارة المرور اهي بتقوم بدورها عشان نقضي على البلطجة دي ايه رأيك تشارك بقى كمواطن وتبلغ عنهم؟؟  

      في موضوعات جادة

    • عقل رقمي للدولة المصرية

      الرئيس يعلن عن انشاء "عقل" للدوله المصرية بتكلفة 25 مليار جنيه بالعاصمه الاداريه الجديدة فى مكان مؤمن تماماً وعلى عمق 14 متر تحت الارض  توضيح : عقل رقمى للدولة المصرية  قاعده بيانات عملاقه موجوده فى مكان سري مؤمن تحت سطح الارض بالعاصمه الجديدة  قاعده بيانات فيها كل بيانات المصريين كل البيانات الحكومية ، عقل ذكى قادر على التحليل واخراج النتائج و اعطاء المقترحات  وهيكون فيه عقل اخر بمكان اخر على سبيل الاحتياط وهيكون لكل محافظه عقل مماثل على شكل اصغر العقل هيتم اطلاقه منتصف

      في موضوعات جادة

    • تعيشي يا مصر … الكنائس لا تباع و لا تشترى … نفس حصانة المساجد

      هذا مقال للفاضل حمدي رزق … حكم قضائي مصري يرسخ المواطنة في مصر :    ذكرنى القاضى الجليل بحكم فريد، صفحة منيرة من كتاب «فقه المواطنة»، صك المستشار الدكتور محمد عبد الوهاب خفاجى، نائب رئيس مجلس الدولة، حكماً قضائياً فريداً بمنح الكنيسة حصانة المسجد. ربما هو الحكم الأول من نوعه على مستوى دول العالم الذى يحظر بيع الكنائس أو هدمها وأوجب ترميمها أيا كانت ملتها، حرصًا على قدسية الأديان وحرية العقيدة، ومنح الكنيسة ذات حصانة المسجد، تأسيسا على أن دور العبادة متى أقيمت فيها الصلاة انتقلت من

      في موضوعات جادة

    • معلومات عن السكن و مدارس اللغات والعمل فى مدينة المجمعة بالسعودية

      سأسافر ان شاء الله مع زوجتى كمرافق لها وهى ستعمل فى وظيفه حكومية فبالتالى الكفاله و الاقامه أعتقد فى هذة الحالة عند الحكومه السعوديه فى مدينة المجمعه بأذن الله تعالى وكنت أرغب طبعا فى العمل فى اى وظيفة مع العلم انى محاسب فكنت أرغب فى معرفة معلومات من السادة ذوى الخبرة فى كيفية تنفيذ ذلك وهل ذلك يتطلب لو لقيت عمل نقل الكفاله او الاقامه على جهه العمل ام يمكن ان اعمل دون المساس بالاقامة او الكفالة ولا مش حاينفع أصلا أشتغل عشان مش جى على جهه عمل من  مصر وشكرا مقدما لاى معلومة ولو أمكن معلومات عن الس

      في المغتربين المصريين - egyptian expatriates

×
×
  • اضف...