لعب على كبير من سيادة المشير

[se_ Elsyed]

أنا حاسس إن هايحصل لي حاجه من الضغط والله العظيم بعد ما شاهدت الخبر وشاهدت الماخور .. سوري .. التليفزيون المصري وهو بيعلق على المشهد ده

بالفيديو.. المشير فى جولة بوسط البلد بزى مدنى وبدون حراسة

فوجئ مجموعة من المواطنين فى وسط البلد بوجود المشير محمد حسين طنطاوى القائد الأعلى للقوات المسلحة يمشى بينهم بزى مدنى، وبدون أى حراسات خاصة، فى جولة بشوارع وسط القاهرة، والتفت حوله الجماهير للسلام عليه.

http://www.youtube.com/watch?v=Z8l0DscRONo&feature=player_embedded

----------------

لا مؤخذه ده مش لبس مدني ..

ده لبسنا أحنا في الحيط

هو لا مؤخذه كان نازل يشتري لبس المدارس لعياله .. ولا يستقضى شوية طلبات لمدام مشيرة مراته ؟

وإيه الناس الدلاديل دول اللي ماشيين عاش الملك ... مات الملك

ويا ترى مين اللي بيخطط ويتكتك للهجص ده كله ؟

لكن انا شخصياً ومثلما أعلنت عن نيتي من سنوات طويلة وصرحت برد فعلي في حالة تولي جمال مبارك للحكم

فانا باعلنها مرة تانية في حالة تولي السيد المشير الحكم .. بانتخابات بقى ولا من غير إنتخابات

فأنا أول واحد سيخرج عن النظام في بلد ما بتبطلش ضربي على قفايا

[se_ Elsyed]

قصدت أنا أضع الموضوع ده في باب محاربة الفساد

فاكرين موضوعي التمهيدي من كام أسبوع عن كيفية صنع الديكتاتور وذلك تعليقاً على خبر الاشادة بوقوف موكب السيد المشير في إشارة روكسي المرورية لمدة 6 دقائق ؟

أهو ده إمتداد لطريقة الصنع

--------------------------

[se_ Elsyed]

خدوا التقيلة بقى

في برنامج الحياة اليوم مالحقتش اعرف تفاصيل الخبر اللي بيقول " المجلس العسكري يتأهب لإصدار إعلان دستوري جديد "

قشطة على غزو الصناديق

ومرحباً بالعهد الجديد

اهي لا بقت إسلامية ولا مدنية ... البيت ده طاهر وههايفضل طول عمره طاهر وعسكري

بالمناسبة ... لو عملوا كده وحموا المشير ولبسووه بدلة أسموكن وبقى رئيس مصر ... ومهدوا لذلك بالإعلان الدستوري الجديد ... أنا هانزل ميدان التحرير وأقف من غير هدوم في وسط الميدان ... وخليها تخرب ...

[se_ Elsyed]

اللي عاجبني في الموضوع إن بتوع اللجنة الالكترونية للحزب الوطني .. ما جالهمش خبر إن مبارك راح المزبلة ..... وبالتالي يوميتهم ماشية وشغالين عادي

في ثواني وعلى جميع المواقع .. مئات التعليقات تبارك لسيادة المشير وترشحه لحكم مصر .. وكل التعليقات في نفس التوقيت ويادوب بس الراجل محرر الخبر داس أنتر ونزل الخبر وهاتك يا سيل من التعليقات

[se_ Elsyed]

الله يمسيك بالخير يابا الحج مبارك

صحيح اللي ربى .. خير من اللي خلف

ده موضوع للعبد الله اللي هايطلع من هدومه .. كتبته سنة 2005

إييييييييه دنيا الانسان فيها ضيف

أتفضل شاي يا ريس

[abobakr]

ايه يا استاذ سي السيد

انت جاي على الراجل كده ليه لالالا حاسس انك تبع امريكا ومش عاوز استقرار في البلد (وش واحد من الفلول)

الراجل نازل يطمن على عامة الشعب ويطمن على شعبيته في وسط الجماهير العريضة

وكل حاجة هاتكون بانتخابات حرة نزيهة هاتقول مين نزيهة هاقولك اسال عليها مدام نظيفة

انا لحد دلوقتي مش عارف هما مش عملوا استفتاء على قانون الطوارئ ليه

كانوا يعملوا استفتاء والنتيجة تطلع 99% وكله يكون قانوني

وانا اقترح في الاعلان الدستوري الجديد اول مادة تكون حاكم مصر يجب ان يكون عسكريا

[Ahmed Anwer]

كنت بافطر في رمضان في الكافتيريا دي

و من ساعة ما شوفت الصورة دي ،،، قلبي أتقبض ،،

العاب

إحنا قادرين بعون الله علي صنع مليون فرعون

بس عموما استبعد جدا جدا جدا إنه يكون بيخطط للرئاسة

مش بالغباء ده يعني !!!

حتي لو كده هيستعين بمحلل مش هوا بنفسه ،،

أعتقد ممكن الموضوع يكون مجرد عملية تجميلية بعد أخبار شهادته

[Om Zayd]

أعتقد ممكن الموضوع يكون مجرد عملية تجميلية بعد أخبار شهادته

و آدي الرد من الناس

لو البدلة هتنفعه كان البلوفر نفع شفيق - منقول

[التونسى]

انا فى مصر حاليا .. فى زياره سريعه .. اللى لاحظته ان الناس مفتقده (((((((((((الاحساس))))))))))))) بالامان .. رغم انى كل اما اسال حد واقول له انت حصلك شئ هددك بشكل شخصى .. يقولى لا .. بس هو احساس مفتقد ..احساس مهم جدا جدا جدا .. ممكن ظهور المشير بالشكل ده بين الناس يعطى بعض الاحساس بالامان .. على فكره الناس برده عارفه وواثقه بفساد بعض قيادات الجيش .. لكنهم مستحملين لغاية ما تتضح الرؤيه والبلد يمسكها رئيس

عارف ان كلامى يا سى السيد مش حيعجبك .. بس ده الواقع اللى لمسته فى الشارع .. ربنا يكون فى عون شعب مصر

[spain]

احنا لازم نتقبل الراي الاخر

بس احنا لسه مش متعودين

وعايزين فترة عشان نتعود

بقي لنا 30 سنة بنقول

احدون احد

(حسني مبارك) وبس

تم تعديل 27 سبتمبر 2011 بواسطة spain

[spain]

نسيت اقول سلامو عليكو

وحشني المنتدي

تم تعديل 27 سبتمبر 2011 بواسطة spain

[ابو محمود]

عايزك تنزل الشارع يا عزيزى وتشوف الناس عاملة ازاى وعلى أهبة الاستعداد عيزك تركب مواصلات عامة وتعرف رد فعل الناس عن مبارك الان وعايزك تنزل وتقعد على قهوة بلدى قوى وتشوف الناس بتفكر ازاي وكمان ما تنساش تقعد مع ناس من علية القوم وتعرف هما كمان بينظرو لللي حدث ازاي وبعدها هتعرف لو المشير مسك الحكم هيكون ردة الفعل اية ناس خلصت على الشرطة ولا يمكن ترجع عنجهيتهم تانى يبقى ياراجل يا طيب عايز العسكر يبقو زي الشرطة :protest:

[م تيمور المراغي]

العيب مش عليه

العيب على الاراجوزات اللي بيطوفوا حواليه

[Alshiekh]

قد يكون من حق المشير أن يتجول بزيه المدني أينما شاء

ولكن فليعلم المشير بأنه ليس من حقه أن يترشح على منصب رئيس الجمهورية لانه كان من أعوان مبارك والسبب الوحيد الذي شفع له وأبقاه بعيدا عن المسائلة أنه إنحاز لصف الثورة ولو لم يكن قد فعل ذلك لكان مكانه مع العادلي ومبارك.

المشير حكمه حكم الشاهد الملك ولكن موضوع رئاسة الدولة فهو أمر آخر .

نقطة مهمة يجب أن يضعها في الإعتبار أنه لايحكم مصر حاليا ، بل يحكمها المجلس الإعلى للقوات المسلحة وهو أحد أعضائه ورئيسه.

[التونسى]

العيب مش عليه

العيب على الاراجوزات اللي بيطوفوا حواليه

وانت يا تيمور كنت حتعمل ايه لو كنت قابلت المشير .. مش كنت حتطوف حواليه برده :)

[م تيمور المراغي]

العيب مش عليه

العيب على الاراجوزات اللي بيطوفوا حواليه

وانت يا تيمور كنت حتعمل ايه لو كنت قابلت المشير .. مش كنت حتطوف حواليه برده :)

ليه هو انا زيك ؟؟

[التونسى]

العيب مش عليه

العيب على الاراجوزات اللي بيطوفوا حواليه

وانت يا تيمور كنت حتعمل ايه لو كنت قابلت المشير .. مش كنت حتطوف حواليه برده :)

ليه هو انا زيك ؟؟

ههههههههههههههههه .. صباحك فل يا تيمور

[التونسى]

قد يكون من حق المشير أن يتجول بزيه المدني أينما شاء

ولكن فليعلم المشير بأنه ليس من حقه أن يترشح على منصب رئيس الجمهورية لانه كان من أعوان مبارك والسبب الوحيد الذي شفع له وأبقاه بعيدا عن المسائلة أنه إنحاز لصف الثورة ولو لم يكن قد فعل ذلك لكان مكانه مع العادلي ومبارك.

المشير حكمه حكم الشاهد الملك ولكن موضوع رئاسة الدولة فهو أمر آخر .

نقطة مهمة يجب أن يضعها في الإعتبار أنه لايحكم مصر حاليا ، بل يحكمها المجلس الإعلى للقوات المسلحة وهو أحد أعضائه ورئيسه.

انا استبعد تماما ترشيح المشير لنفسه للرئاسه .. لكنى اعتقد ان من حقه الترشح .. والحكم للشعب فى نهاية المطاف

[م تيمور المراغي]

صباحك حريه

كان نفسي الاقيه ماشي لوحده في الشارع

ماحدش كلمه ولا بص عليه بلغة الاسلاميين ( تعذير )

ما يبقاش واحد كشف على مصريه اختى وحبس 12000 من اخواتي وقدام المحكمه بقى شاهد نفي واروح ازيط حواليه بالمنظر القميئ ده

ناس محتاجه فنطاسين بيريل م الاصلي

[Alshiekh]

قد يكون من حق المشير أن يتجول بزيه المدني أينما شاء

ولكن فليعلم المشير بأنه ليس من حقه أن يترشح على منصب رئيس الجمهورية لانه كان من أعوان مبارك والسبب الوحيد الذي شفع له وأبقاه بعيدا عن المسائلة أنه إنحاز لصف الثورة ولو لم يكن قد فعل ذلك لكان مكانه مع العادلي ومبارك.

المشير حكمه حكم الشاهد الملك ولكن موضوع رئاسة الدولة فهو أمر آخر .

نقطة مهمة يجب أن يضعها في الإعتبار أنه لايحكم مصر حاليا ، بل يحكمها المجلس الإعلى للقوات المسلحة وهو أحد أعضائه ورئيسه.

انا استبعد تماما ترشيح المشير لنفسه للرئاسه .. لكنى اعتقد ان من حقه الترشح .. والحكم للشعب فى نهاية المطاف

أفراد الجيش والشرطة يتقدمون بإستقالاتهم أولا عند الرغبة في الترشح لعضوية مجلس الشعب أو المجالس المحلية

والعسكريين عموما محرومون من مباشرة حقوقهم السياسية لحين إنتهاء خدمتهم العسكرية سواء كانوا مجندين أو عاملين ، والعاملين لايحق لهم إستخراج بطاقات إنتخابية أو إدراج أسماؤهم في جداول الناخبين إلا بعد خروجهم من الخدمة.

إذن فليس من حق المشير أن يمارس عمله العسكري ويترشح على مقعد الرئاسة إلا إذا قدم إستقالته وترك وزارة الدفاع لرئيس الأركان والذي سيصبح بدوره رئيس المجلس العسكري ، وساعتها تبقى احلوت.