مين شاف بلوة غيرة...............

[yasovinas]

صباح الخير يا اهل مصر الحبيبة

النهارده انا عايز احكي لكم حكاية جميله هي هتقلب غي الاخر نكد علىدماغي انا بس برضه اظن انها هتفرحكم ولو شويه

ايه الحكاية ؟؟؟؟؟!!!!!

النهارده وفي جريدة الاتحاد بدولة الامارات خبر بيقول ان شركات توزيع البنزين في امارة دبي راح تتوقف عن توزيع البنزين (البنزين بس الديزل لا) ليه ليه ليه ها ؟؟؟

اقول لكم السبب ان الشركات دي وهي مملوكة للدوله واي دولة دولة الامارات من اكبر منتجي البترول يعني منه فيه

بتدعي انها بتخسر لما تبيع البنزين بسعره الخالي وهو 4وشويه يعني حوالي 7جنيه مصري للجالون اللي هو 4لتر (اللتر في مصر بكام دلوقت)

ليه بقى بتخسر لان البنزين بتشتريه ب6درهم وشويه (بتشتريه منين مش فاهم)

طبعا هي الحكايه ان اسعار البترول في العالم كله ارتفعت فيبقى اللي احنا بنبيعه داخل البلد بهذا السعر بيخسرنا فرق القيمة لو احنا صدرناه للخارج (بيسموها تكلفة الفرصة البديله )

نرجع تاني ايه بقى اللي يفرحكم في هذا الكلام ؟؟؟

طبعا ان مصر بكل اللي فيها واللي عليها والحاله الاقتصادية اللي ما يعلم بيها غير ربنا سبحانة وتعالى بتبيع لنا لتر البنزين بجنية تقريبا (اذا كان غلي قولو لي)

وفي دولة الامارات بكل ما عندها من اموال وبترول وعدد لا يعادل سكان محافظة الاسكندريه مش قادرين ياحرام يستحملوا فرق السعر

عجبي