9\9\2011 ,, جُمعة تصحيح المسار !

[doctor ayman]

ولعها ولعها ياعم تيمور

عاوزين نشوف دم

البلد لسه فيها شويه حاجات ماسكه نفسها

عاوزينكم تجيبوها علي الارض

الثوره بتاعتنا خلصت بسرعه واللي استشهدوا عددهم بسيط

عاوزين نبقي ذي ليبيا وسوريا واليمن

ونرجع نؤل الثوره قايمه والكفاح دوار

تم تعديل 8 سبتمبر 2011 بواسطة Folana

[وطني حر]

رجعنا للميدان وجمعه تصحيح المسار

الناس الي نازلت بكره ولو سالت قطره دم في رقبه المشير

[se_ Elsyed]

[se_ Elsyed]

تم تعديل عنوان الموضوع ليتماشى مع إسم الحدث الصحيح

[Alattar]

من شريط الأخبار في التليفزيون المصري

سحب قوات الشرطة من منتصف الليل من ميدان التحرير..وحتي منتصف ليلة الغد

مش عارف ليه حاسس بأجواء مشابهة لجمعة 28 يناير

[Ahmed Anwer]

الناس العادية مبسوطين أووي ب 9/9

و عايزينه يبقي يوم حاشد و فارق

عارفين ليه ؟؟؟

نفسهم يأجلوا المدارس !!!

حراااام

رمضان وراه العيد و بعدين دخول الدراسة و بعدين العيد الكبير

الأسر مش مستحملة فعلا

[elrasy]

اؤيد النزول وان شاء الله هيكون يوم رائع

[م تيمور المراغي]

الشوط التانى من الثورة هيبدأ 9/9 بكره ان شاء الله

مين عايز يدخل التشكيل الاساسى و يجى معانا :happy:

[م تيمور المراغي]

اقترح على المجلس العسكري اخلاء الصينيه و التحرير بالكامل من اي تواجد امني وترك تامين الميدان لشباب الثورة زي ما حصل في مايو الماضي ,,

إخلاء ميدان التحرير من قوات الشرطة إعتباراً من منتصف ليل اليوم الخميس الموافق 8/9 وحتى منتصف ليلة الجمعة الموافق 9/9/2011 #RNN #Egypt

أعلنت وزارة الداخلية أنه إيماناً بحق التظاهر السلمى وحرية التعبير عن الرأى بإعتباره أحد مكتسبات ثورة 25 يناير .. وفى إطار الدعوة التى وجهتها بعض القوى والتيارات والإئتلافات بالتظاهر السلمى يوم 9/9 فإن وزارة الداخلية تؤكد على ما يلى:-

** إلتزاماً من وزارة الداخلية بحق التظاهر السلمى فسوف يتم إخلاء ميدان التحرير من قوات الشرطة إعتباراً من منتصف ليل اليوم الخميس الموافق 8/9 وحتى منتصف ليلة الجمعة الموافق 9/9/2011 .

** تهيب وزارة الداخلية بكافة القوى المشاركة وشباب الثورة الشرفاء عدم السماح بدخول أو إندساس أى عناصر تحاول إستغلال هذه التجمعات السلمية المشروعة للقيام بأية عمليات أو محاولات للخروج عن القانون أو إحداث فوضى أو شغب أو إعتداءات على أية ممتلكات عامة أو خاصة أو تعطيل حركة المرور ومصالح المواطنين .

** أن أجهزة وزارة الداخلية تمارس مسئوليتها فى حماية المنشآت والمواقع الشرطية بإعتبارها ملكاً للشعب ، وستقوم بالتصدى بكل حسم لكل محاولات التعدى عليها.

** أن أمن مصر مسئولية كل المصريين الشرفاء وتهيب وزارة الداخلية بكافة المشاركين الإلتزام بالقانون والحفاظ على المظهر الحضارى لمصرنا العزيزة وثورتها الغالية

[م تيمور المراغي]

بسم الله

بسم مصر

بسم الشهداء

بسم الثوار الشرفاء ,,

سنحافظ على طهارة ثورتنا نقية ,, بيضاء ,, سلميه

ونعلم

ان القلم اشد وطئة في الحق من السيف

والدم يعلو على القمع والاستبداد

وقد عايننا ذلك و علمناه حق اليقين بعد ان اسقطنا النظام البائد الفاسد

ونعاهدكم يا شعب مصر

ان نبقيها سلميه سلميه

كما كانت وكما ستظل رمزا والهاما كل شعوب الارض الباحثة عن الحرية والكرامه

وكما تليق بهامة مصر ام الدنيا وقامتها العاليه من الوف السنين

وكما تقر به ارواح الشهداء في قبورها

سننزل يوم 9\9 لنستكمل ثورتنا ولنصحح مسارها التي حادت كثيرا عنه ,,

تحيا مصر

والمجد للشهداء !

[ابراهيم عبد العزيز]

فعاليات اليوم بدأت مبكرا :

منذ قليل : المتظاهرون يطردون الأمن المركزى من ميدان التحرير استعدادًا للمليونية ويدخلون للصينية ويسجدون بداخلها لله شكرا ويهتفون ضد العادلي ومبارك ويحيون الشهداء

[الباشمهندس ياسر]

بسم الله الرحمن الرحيم

حد من هنا هيبقي هناك و اهو نقضيها مع بعضينا

لو حد رايخ يكلمني

افتكر ان تليفوني مع ناس كتيرة هنا

[Ahmed Anwer]

صديقي من شبرا

بيقولي وزعوا ورق دعوة للمليونية

و ورق تاني منسوب لضباط القوات المسلحة

إنهم مع الشعب و كده

و الشباب سمع كلام عمر عفيفي و ابتدي يلم نفسه في مجموعات

و العهدة علي الراوي

[م تيمور المراغي]

ام يوسف اللي مالهاش فيها بتقول لي انها نازله بكره الميدان هيا ويوسف

كله يستخبى :happy:

[pink rose]

اه يا خوفي من عمر عفيفي دا

ربنا يستر

حاطة ايدي على قلبي لحد اليوم دا ما يعدى

استر يا رب

[م تيمور المراغي]

الاخوان ماشين بعربيات وميكروفونات فى عابدين بيقولوا للناس مينزلوش بكره

يا مشير انت الامير :P :happy:

[الباشمهندس ياسر]

الاخوان ماشين بعربيات وميكروفونات فى عابدين بيقولوا للناس مينزلوش بكره

يا مشير انت الامير :P :happy:

يا راجل ازاي

معقولة يا مراغي؟؟؟

[ابراهيم عبد العزيز]

لا أدري كيف ترون هذا الخبر وكيف تفسرونه

المجلس العسكري يحذر من انتحال الصفة العسكرية غدا ويطلب عدم الانجراف للشائعات

نقلا عن اليوم السابع :

حذرت القوات المسلحة من انتحال الصفة العسكرية، بدون وجه حق، كما حذرت أى شخص من ارتداء الزى العسكرى، حتى لا يتعرض للمحاكمة العسكرية، وطالبت المواطنين بالإبلاغ الفورى عن أية عناصر مشكوك أو مشتبه فيها تدعى انتماءها للقوات المسلحة، والقبض عليها وتسليمها إلى القوات المسلحة، وعدم الانسياق وراء الشائعات.

لا ادري ما المقصود بالشائعات ؟

ومن هم المتوقع أنهم سينتحلون زي رجال الوقت المسلحة ويدعون انتماءهم لها ؟

[Ahmed Anwer]

علي فكرة كلام من داخل القوات المسلحة

المشير و لا فارق معاه و لا بيتابع البلد و لا السياسة

و أهم حاجة عنده وحدة الجيش و الحفاظ عليه

لاحظوا معظم لقاءته و حواراته مع أفراد الجيش

و العهدة برده علي الراوي

[م تيمور المراغي]

لا أدري كيف ترون هذا الخبر وكيف تفسرونه

المجلس العسكري يحذر من انتحال الصفة العسكرية غدا ويطلب عدم الانجراف للشائعات

نقلا عن اليوم السابع :

حذرت القوات المسلحة من انتحال الصفة العسكرية، بدون وجه حق، كما حذرت أى شخص من ارتداء الزى العسكرى، حتى لا يتعرض للمحاكمة العسكرية، وطالبت المواطنين بالإبلاغ الفورى عن أية عناصر مشكوك أو مشتبه فيها تدعى انتماءها للقوات المسلحة، والقبض عليها وتسليمها إلى القوات المسلحة، وعدم الانسياق وراء الشائعات.

لا ادري ما المقصود بالشائعات ؟

ومن هم المتوقع أنهم سينتحلون زي رجال الوقت المسلحة ويدعون انتماءهم لها ؟

مكنتش عاوز اقول الكلام ده لكي لا اثير البلبلة

لكن مادام اتفتح الكلام فيه وهما اللي فتحوه كمان

فيه انباء غير مؤكدة عن دعوة عدد من الظباط الجيش للانضمام الي المتظاهرين في ميدان التحرير بزيهم العسكري

انا عن نفسي مش حابب كده وعاوز الجيش و ظباطه يكونوا ع الحياد

لوح بعصا العزة ولا تضرب بها !