9\9\2011 ,, جُمعة تصحيح المسار !

[م تيمور المراغي]

http://www.youtube.com/watch?v=O4rup6m7PV0&NR=1

المطالب المبدائية يوم 9 سبتمبر . .

1- مجلس رئاسي مدني متفق عليه لادارة شئون البلاد حتى انتخاب رئيس الجمهورية

2- منع المحاكمات العسكرية للمدنيين

3- محاكمه مبارك ورموز الفساد عسكريا

4- تطهير الشرطة وعودة الشرطة بكثافة

5- أقالة الناب العام وتطهير القضاء

6- تطهير الأعلام وتطويره بما يناسب دولة مصر

7- منع بث الفتن بين طوائف الشعب وبين القوي السياسية من قبل المجلس العسكري

8- وضع حد أدني 1200 . وأقصي للإجور 15 ضعف

9- مراقبة الأسعار

[ViralMind]

يعنى انتا عايز تحط حد ادنى 1200 جنيه للاجور.. و البلد اقتصادها واقف و مش لاقية تاكل؟ مش فاهم بصراحة الحتة دى.

[م تيمور المراغي]

يعنى انتا عايز تحط حد ادنى 1200 جنيه للاجور.. و البلد اقتصادها واقف و مش لاقية تاكل؟ مش فاهم بصراحة الحتة دى.

بنفس مخصصات هيكل الاجور البالغة 120 مليار جنيه تقريبا لو تم جعل الحد الاقصى للاجور 15 ضعف الحد الادنى سيرتفع الجد الادنى الى 1200 جنيه بدون اي اعباء اضافية على الموازنة

تحيتي ,,

[م تيمور المراغي]

الشعب ماقامش بالثورة عشان يجي المجلس العسكري يطبطب ع النظام البائد و يدبح الثوار !

[Simba]

ايه يا عم تيمور

انت بتدعي للناس لثورة غضب باغنية راب :blink:

[م تيمور المراغي]

ايه يا عم تيمور

انت بتدعي للناس لثورة غضب باغنية راب :blink:

المطالب كتبتها وهي دي الدعوه اللي حتنتشر في كل مكان

ايه رأيك في المطالب التسعة

[م تيمور المراغي]

فاكرين ايام الثورة لما الجيش ساب الشعب يكتب على المدرعات يسقط مبارك

النهاردة الجيش... بيسمح للشعب انه يكتب على المدرعات لا للمحاكمات العسكرية

الجيش بيوصل للشعب رسالة مشفره لكن واضحة بتقول ـ"احنا معاكم"ـ!!

[ViralMind]

ده انتا عايز حمام دم بقى.

الا صحيح.. هو حضرتك هنا فى مصر دلوقتى؟ مش شخصنة.. ده بس عايز افهم.

[م تيمور المراغي]

ده انتا عايز حمام دم بقى.

الا صحيح.. هو حضرتك هنا فى مصر دلوقتى؟ مش شخصنة.. ده بس عايز افهم.

لا مش عاوز حمام دم ولا حاجه

عاوز الحكم ينتقل الى مجلس رئاسي مدني متفق عليه

ويعود العسكر سالمين غانمين مشكورين الى دورهم الاصلي وهو

حماية العريش مش حماية الصينية

تحيتي

انا لسه في جده لكن عقلي ولا بلاش

خليها مفاجاة :happy:

[م تيمور المراغي]

وعزة الله ولو وقفتم على دماغكم

مش حيحصل !

[dongol]

وعزة الله ولو وقفتم على دماغكم

مش حيحصل !

اهدي بس كده وبلاش طريقتك دي اللي تخلي الواحد يحس ان الثمانين مليون هيقوموا يولعوا في المجلس العسكري

كلنا موافقين علي المطالب ما عدا حكاية مجلس رئاسي مدني دي

يا ريت تكلمنا عن الاليه اللي هيجي بيها المجلس المدني بتاعك ده

و كمان اظن ان المطلب ده اتقال قبل كده ومعظم الشعب رفضه

فيا ريت ما تخلطش الاوراق و تستغل فرصه ان الناس ساخطة علي المجلس العسكري في الوقت الحالي علشان تمرر حاجة عمرها ما هتحصل

[احمد رضوان]

1- مجلس رئاسي مدني متفق عليه لادارة شئون البلاد حتى انتخاب رئيس الجمهورية

2- منع المحاكمات العسكرية للمدنيين

3- محاكمه مبارك ورموز الفساد عسكريا

4- تطهير الشرطة وعودة الشرطة بكثافة

5- أقالة الناب العام وتطهير القضاء

6- تطهير الأعلام وتطويره بما يناسب دولة مصر

7- منع بث الفتن بين طوائف الشعب وبين القوي السياسية من قبل المجلس العسكري

8- وضع حد أدني 1200 . وأقصي للإجور 15 ضعف

9- مراقبة الأسعار

أعتقد يا تيمور ان الطلبات دي لازم تتعدل لأنها هجين وشكلها متلخبط

مثلا بتطلب أن يتم عمل مجلس رئاسي مدني ... وبعد شوية منع بث الفتن من قبل المجلس العسكري مش فيه تعارض

بتطلب حد أدنى للأجور ومراقبة الأسعار ... وده دور الحكومة مش المجلس العسكري

رأيي يا تيمور في حالة القدرة على عمل حشد واكرر عمل حشد عمل حشد من جميع الفرقاء

طلب رقم 1 - نطالب بجدول زمني محدد للإنتخابات البرلمانية والرئاسية يلتزم به المجلس العسكري متبوع بخطط عمل تضمن تنفيذ الجدول ويتم مراقبتها من قبل لجنة أمناء تضم شخصيات مدنية وشخصيات من المجلس العسكري، على أن يتم التعهد بأنه في حال صعوبة ذلك أو حدوث تأخير مؤثر فى التنفيذ يتم نقل صلاحيات المجلس العسكري للجنة الأمناء لتقوم هي بالتنفيذ.

طلب رقم 2 - إلغاء المحاكمات العسكرية للمدنيين وخاصة التي تمت للمدنين منذ قيام الثورة على أن يعاد محاكمتهم أمام قاضيهم الطبيعي

طلب رقم 3 - وجود آلية لمراقبة اداء الحكومة لحين إنتخاب مجلس الشعب تضمن تحقيق مطالب الثورة من عيش ، حرية ، عدالة إجتماعية

تم تعديل 18 أغسطس 2011 بواسطة Radws

[ViralMind]

ده انتا عايز حمام دم بقى.

الا صحيح.. هو حضرتك هنا فى مصر دلوقتى؟ مش شخصنة.. ده بس عايز افهم.

لا مش عاوز حمام دم ولا حاجه

عاوز الحكم ينتقل الى مجلس رئاسي مدني متفق عليه

ويعود العسكر سالمين غانمين مشكورين الى دورهم الاصلي وهو

حماية العريش مش حماية الصينية

تحيتي

انا لسه في جده لكن عقلي ولا بلاش

خليها مفاجاة :happy:

يعنى حضرتك قاعد فى جده.. فى التكييف.. شغال.. عايش حياتك... و بتقبض مرتبك 24 قيراط.. ما علينا.

و مين دول اللى هيبقوا فى المجلس المدنى.. واللى هيبقى عليهم اجماع من الشعب؟!!

كل بتوع الاحزاب دول حمير.. و ملهومش ارضية حقيقية فى الشارع... ده من الاخر يعنى..

و بعدين اذا كانت القوى اللى موجودة لغاية دلوقتى مش قادرة تتوافق على شىء واحد.. عايزهم فى مجلس علشان يشرشحوا لبعض؟ ربنا عرفوه بالعقل.

تم تعديل 18 أغسطس 2011 بواسطة ViralMind

[م تيمور المراغي]

أعتقد يا تيمور ان الطلبات دي لازم تتعدل لأنها هجين وشكلها متلخبط

مثلا بتطلب أن يتم عمل مجلس رئاسي مدني ... وبعد شوية منع بث الفتن من قبل المجلس العسكري مش فيه تعارض

بتطلب حد أدنى للأجور ومراقبة الأسعار ... وده دور الحكومة مش المجلس العسكري

رأيي يا تيمور في حالة القدرة على عمل حشد واكرر عمل حشد عمل حشد من جميع الفرقاء

طلب رقم 1 - نطالب بجدول زمني محدد للإنتخابات البرلمانية والرئاسية يلتزم به المجلس العسكري متبوع بخطط عمل تضمن تنفيذ الجدول ويتم مراقبتها من قبل لجنة أمناء تضم شخصيات مدنية وشخصيات من المجلس العسكري، على أن يتم التعهد بأنه في حال صعوبة ذلك أو حدوث تأخير مؤثر فى التنفيذ يتم نقل صلاحيات المجلس العسكري للجنة الأمناء لتقوم هي بالتنفيذ.

طلب رقم 2 - إلغاء المحاكمات العسكرية للمدنيين وخاصة التي تمت للمدنين منذ قيام الثورة على أن يعاد محاكمتهم أمام قاضيهم الطبيعي

طلب رقم 3 - وجود آلية لمراقبة اداء الحكومة لحين إنتخاب مجلس الشعب تضمن تحقيق مطالب الثورة من عيش ، حرية ، عدالة إجتماعية

عشان كده مكتوب انها طلبات مبدأية لانها تحتاج للمراجعه والتنقيح وظبط الصياغة واخيرا التوافق عليها من جميع القوى الفاعلة لضمان الحشد اللازم

تعليقا على مداخلتكم الكريمة

مادام للجنة الامناء المقترحة صلاحية الرقابة على اداء الحكومة والجيش فلم التأخير باعطاءها فورا كافة الصلاحيات الرئاسية خصوصا انها بالفعل تحوز على الشرعية وذلك باتفاق كل القوى السياسية واختيارهم لاعضاءها

[م تيمور المراغي]

وعزة الله ولو وقفتم على دماغكم

مش حيحصل !

اهدي بس كده وبلاش طريقتك دي اللي تخلي الواحد يحس ان الثمانين مليون هيقوموا يولعوا في المجلس العسكري

كلنا موافقين علي المطالب ما عدا حكاية مجلس رئاسي مدني دي

يا ريت تكلمنا عن الاليه اللي هيجي بيها المجلس المدني بتاعك ده

و كمان اظن ان المطلب ده اتقال قبل كده ومعظم الشعب رفضه

فيا ريت ما تخلطش الاوراق و تستغل فرصه ان الناس ساخطة علي المجلس العسكري في الوقت الحالي علشان تمرر حاجة عمرها ما هتحصل

حاضر

الآلية المقترحة لانشاء المجلس

1 - المرحلة الاولى : تقوم القوى السياسية والمستقلون بترشيح اعضاء المجلس الرئاسي

2 - المرحلة الثانية : يقوم ( نادي القضاة المصري ) بتصفية المرشحين الى 20 عضو

3 - المرحلة الثالثة : يتم عرض الاسماء في استفتاء عام لاختيار 4 اعضاء فقط والخامس يتم تعيينه من القوات المسلحة ولا يستفتى عليه حفاظا على الامن القومي للبلاد

[م تيمور المراغي]

في رأي المتواضع ان نادي القضاة المصري هو الكيان الانسب للوضع الراهن والاكثر مصداقية على الاطلاق في مصر لتولي تصفية المرشحين ثم عرضهم على الشعب

لمحـــة تاريخيــة :

فى العاشر من فبراير / شباط عام 1939 اجتمع ـ فى مقر محكمة استئناف مصر – 59 من رجال القضاء والنيابة العامة ، واتفقوا على تأسيس نادى القضاة ، وحددوا هدفه بأنه " لتوثيق رابطة الإخاء والتضامن وتسهيل سبل الاجتماع والتعارف بين جميع رجال القضاء الأهلى والمختلط " وكان هدفهم الحقيقى إنشاء هذه الرابطة للعمل على استقلال القضاء تمهيداً لإلغاء المحاكم المختلطة ، وقد ظهرت ثمار ذلك العمل بعد أربع سنوات عندما صدر فى العام 1943 أول قانون لاستقلال القضاء .

[احمد رضوان]

مادام للجنة الامناء المقترحة صلاحية الرقابة على اداء الحكومة والجيش فلم التأخير باعطاءها فورا كافة الصلاحيات الرئاسية خصوصا انها بالفعل تحوز على الشرعية وذلك باتفاق كل القوى السياسية واختيارهم لاعضاءها

الوضع الحالى من فوضى وإختلاف يجب التصدي له من خلال المؤسسة المتماسكة الوحيدة وهي الجيش وعمل لجنة أمناء الغرض منه حد صلاحيات المجلس العسكري ووجود آلية للضغط عليه لتنفيذ الجدول الزمني غير ذلك لأ أعتقد أن المحلس العسكري يترك الحكم لآخرين ويقوم هو بمواجهة الفوضى ولو قام بذلك سيقوم بفرض حلوله الأمنيه على المجلس المدني ويبقى كده الوضع اتعقد اكتر

[ViralMind]

المليونية دى هتفشل.. زى اللى قبلها.

الاسباب كتير.. مفيش دافع حقيقى يحرك الشعب نفسه.. القوى السياسية فى حد ذاتها متقدرش تحرك الشعب.. ممكن تحرك اللى بيتبعوها و دول ميكملوش متين او تلتميت الف بالكتير.. لكن علشان تتخطى المليون و تعمل ثورة و كده.. مش هينفع.

ده غير ان مفيش اصلا اتفاق او ائتلاف بين القوى السياسية.. و مش هيحصل..

تم تعديل 18 أغسطس 2011 بواسطة ViralMind

[ابراهيم عبد العزيز]

فى نقطتان اراهما فى غاية الاهمية :

الاولى : يجب أن يكون هناك بند صريح ينص على منع ترشح أى شخص من اعضاء المجلس الرئاسي لانتخابات الرئاسة القادمة

حتى تصفو النوايا ويعمل المجلس الرئاسي باخلاص وانكار ذات على تهيئة البلاد لانتخابات رئاسية حرة ونزيهة .

الثانية : يجب أن يكون هاك فترة محددة للمجلس الرئاسي لتهيئة البلاد وعقد الانتخابات الرئاسية , ولا يتم ترك الفترة الانتقالية مفتوحة طبقا للاهواء .

تم تعديل 18 أغسطس 2011 بواسطة ابراهيم عبد العزيز

[ابراهيم عبد العزيز]

الوضع الحالى من فوضى وإختلاف يجب التصدي له من خلال المؤسسة المتماسكة الوحيدة وهي الجيش

نظام مبارك سقط منذ سبعة أشهر ومازال هناك انفلات امني , وانتشار لأعمال البلطجة , ومتأسلمين يعيثون فى أرض سيناء ووووووووو الخ

فأين التصدي الذي تتكلم عنه اخي الفاضل ؟