انا و التفتيش فى المطارات حكايتنا طويله

[احمد هادي]

في مطار الدوحة 2009

تفتيش الهاندباج .....ماشي

تفتيش ذاتي ..ماشي

طلع كل اللي في جيبك حطه هنا ..ماشي

الجديد بقي ..لما طلعت الحاجات وكان من ضمنها المحفظة ....لقيت رجل الامن ( كان عريف أو اقل ) بيفتح المحفظة ويقلب فيها

بصراحة انا خفت علي القنابل اللي كنت شايلها جوه المحفظة

وكنت هقوله .حاسب لحاجة تفرقع في وشك

وبعدين افتكرت اني رايح اقابل خطيبتي عشان نحدد هنعمل الفرح فين

في الدوحة حيث تعيش مع اهلها

ولا في دبي حيث اعيش انا

ولا في مصر حيث يعيش اهلي

عصرت علي نفسي لمونة وقلت خليه يفتش المحفظة زي ما هو عايز

استغربت بعد كده

لما فكرت ان الجيلية اللي كله جيوب اللي كنت لابسة وبسافر بيه بقالي سنيين في دول كتير من غير ما حد يكلمني هو اللي عمل قلق للراجل لأنه كان شبة الحاجات اللي بن لادن بيلبسها فوق الثوب العربي

[نوران]

هو المقص برضو

كنا رايحين عمره في رمضان اللي قبل اللي فات

ودي كانت أول عمره ليه

وعماله أذاكر في المناسك وفرحانه ومتحمسه قوي

وطبعا عشان لسه جديده في موضوع السفر

أخدت أكبر مقص عندي , طوله حوالي 30 سم

فزوجي قاللي ايه ده كله , ما كفايه مقص صغير

قلت له لأ هو ده عشان حامي عشان يقص كويس :blink:

وحطيته في شنطتي

في مطار الدمام طبعا الظابط وقفنا لما شافه علي الشاشه

وخلاني فضيت الشنطه وطلعه من وسط الحاجات وببرونات العيال

وبعدين سألنا: انتو رايحين فين ؟؟!!

مش فاهمه يعني زوجي لابس لبس الإحرام هنكون رايحين فين يعني!!

قال : والمقص ده ليه

فقلت له عشان أقص شعري بعد العمره

قال : ما ينفعش , وراح راميه في صندوق خشب وقال لنا وانتو راجعين خدوه

واستلفنا مقص من ناس بعد ما خلصنا العمره

بس اللي مزعلني لحد دلوقتي , ان احنا نسينا ناخد المقص واحنا راجعين وانا كنت بعزه قوي :sad:

تم تعديل 11 سبتمبر 2011 بواسطة نوران

[أسد]

من سنتين ..

في مطار زيورخ .. وأنا داخل الطيارة وكان معايا اللاب توب بتاعي

في أوروبا .. بيخليك تطلع اللاب توب لوحده وتحطه في صينية لوحده ويعدي تحت الجاز لوحده

بعد ما عديت .. الهانم اللي واقفة تفتش .. قالت لي ممكن اللاب توب .. قلتلها اتفضلي ..

راحت جايبة كارت .. مش فاهم

وقعدت تلف الكارت حوالين اللاب توب ... زي ما تكون بتعزم عليه .. أو بتعمل له سحر ... مش فاهم لسه ..

وبعدين حطت الكارت في جهاز كبير كان وراها ...

والجهاز قعد يعد عد تنازلي على الشاشة بتاعته ..

وبعدين قالتلي خلاص اتفضل ..

اللاب توب بتاعك أمان ..

الحقيقة مش فاهم إيه الحكاية دي .. أنا سألتها .. قالتلي بنكشف عن المتفجرات ..

بس مش فاهم إزاي ... وإيه الجهاز ده

سألت ناس كتير .. محدش عررف يفسر لي .. إلا ان واحد قال لي إن ده ححصل معاه في أحد المطارات أيضاً ..

حد عنده فكره .. كيف تعمل تلك التقنية

[ViralMind]

من سنتين ..

في مطار زيورخ .. وأنا داخل الطيارة وكان معايا اللاب توب بتاعي

في أوروبا .. بيخليك تطلع اللاب توب لوحده وتحطه في صينية لوحده ويعدي تحت الجاز لوحده

بعد ما عديت .. الهانم اللي واقفة تفتش .. قالت لي ممكن اللاب توب .. قلتلها اتفضلي ..

راحت جايبة كارت .. مش فاهم

وقعدت تلف الكارت حوالين اللاب توب ... زي ما تكون بتعزم عليه .. أو بتعمل له سحر ... مش فاهم لسه ..

وبعدين حطت الكارت في جهاز كبير كان وراها ...

والجهاز قعد يعد عد تنازلي على الشاشة بتاعته ..

وبعدين قالتلي خلاص اتفضل ..

اللاب توب بتاعك أمان ..

الحقيقة مش فاهم إيه الحكاية دي .. أنا سألتها .. قالتلي بنكشف عن المتفجرات ..

بس مش فاهم إزاي ... وإيه الجهاز ده

سألت ناس كتير .. محدش عررف يفسر لي .. إلا ان واحد قال لي إن ده ححصل معاه في أحد المطارات أيضاً ..

حد عنده فكره .. كيف تعمل تلك التقنية

اعتقد ان دى تقنية جديدة... بديلة لاشعة إكس.. لان حتى لو اللابتوب عدى على اشعة اكس, فصعب تحديد اذا كان فيه متفجرات جوة اللابتوب.. لان الشكل مبيبقاش مفهوم..

غالبا ده bomb detector... و بيعمل تشيك على اشكال او انماط معينة بيكون مشكوك فيها.

[MemoG]

والله انا دمعت من كتر الضحك

كرنب وسكينة ومقص

انا حصل معايا نفس الموقف بتاع بينك بس جوزي قالو ااه حامل

لاني كنت عاملة حسابي وواخدة التقرير دا معايا بس مكتوب علي ورقة من عند الدكتورة اللي انا كنت

متبعه معاها طبعا قالو ان لازم الورقة دي اجبها من شركة الطيران اللي انا مسافرة عليها والتقرير يتكتب فيها واني مش ينفع اسافر وشوية حاجات كدة بس الحمد لله المسئول ساعتها سالناه قالنا خلاص اوكي بس لو حد سالك قولي انك في الخامس لان المضيفات بيدققو مع اني مش كان باين عليا الحمل خالص بس ساعتاها طولنا شوية علي الكونتر لاني كان معايا وزن زيادة ودفعنا وزنهم كل دا والامور تمام ولا حد شك اني حامل بس من الوقفة تعبت وحطيت ايدي ورا ظهري ابن الحلال لمحني وسال جوزي المدام حامل بس الحمد لله سافرت كنت في نص الثامن تقريبا

[capitshino]

الموقف ده يا جماعة كان فظيع والله.. وكل ما افتكره اموت من الضحك

بس ساعتها كنت هاموت من الخوف

فى اكتوبر 2008 كنت مسافر من السعودية الى هولندا

وبما ان الخطوط السعودية مالهاش طيران مباشرة لامستردام .. قلت انزل باريس لان كانت مدة

الترانزيت حوالى 8 ساعات اهو الواحد يتفسح ويغير جــو شوىة وبعدين اخد 'طيران ال KLM الى امستردام

المهم وانا بمطار الملك عبد العزيز قلت للموظف ممكن تشحن لى الشنط مباشرة على امستردام

قالى اوك .. بس اتاكد فى مطار شارل ديجول ان العفش اتشحن

قلت له اوك

وتوكلت على الله .

وهوووووب نزلت الطيارة فى باريس .. واخوكم خرج من المطار مباشرة نطيت فى الاتوبيس

اللى رايح وسط باريس .

لفيت شوية فى البلد وزورت كام مكان وبعدين قلت ارجع عالمطار علشان الحق طيارتى

ركبت المترو الى المطار وكل شئ تمام واول ما نزلت من المترو فى محطة المطار لقيت زحمة

كبيرة جدا من المسافرين .. ماخدش فى بالى .. وروحت اطلع عالسلم للوصول الى الصالات

لاقيت يجى 20 عسكرى مسلحيين وبيخلو المطار . ماخدش فى بالى برده .. قلت يمكن فى مشكلة

المهم نزلت من السلم لاقيت ناس واقفين بيتكلمو .. من ضمنهم بنت باين من اليونيفورم بتاعها

انها شغالة فى المطار . سئلتها فى ايه

وكانت المفاجاة ... واحد جاى من الميدل است ساب شنطه فى المطار والامن بيفحص الشنط

هى قالت لى الكلمتين دول ,, وانا قلبى وقع فى رجلى وقلت عليك العوض يا كابتشينو

قعد افكر اعمل ايه.. اعمل ايه

قلت احسن حاجة اطلع عالامن

سئلت عسكرى فين اقرب مركز للشرطة فى المطار وصف لى المكان

بصراحة لاقيت ان ده احسن وأمن حل .. روحت عالمكان لقيت عسكرى واقف بره قلت له

انا عاوز اقابل المسئول عن امن المطار لامر عاجل .. دخلنى لظابط

دخلت عليه .. قلت له باختصار كده انا عرفت انكم بتخلو المطار بسبب عفش شخص متروك فى المطار من مدة قالى صحيح

قلت له انا شاكك ان العفش ده بتاعى وحكيت له قصتى

قالى طيب استنى . اتصل بواحد عالاسلكى وكلمه فرنسى ..وسئلنى عن اسمى .. اديته جواز السفر

سئلنى عن لون الشنطة وشكلها قلت له لونها ازرق غامق

انهى المكالمة . وادانى جواز السفر وقالى العفش الموجود مش بتاعك ممكن تمشى دلوقتى

خرجت بره المطار . وبدء المطار يشتغل شوية بشوى وتانى يوم من الجرائد عرفت انه

كان فى بلاغ كاذب .

[MemoG]

الموقف ده يا جماعة كان فظيع والله.. وكل ما افتكره اموت من الضحك

بس ساعتها كنت هاموت من الخوف

فى اكتوبر 2008 كنت مسافر من السعودية الى هولندا

وبما ان الخطوط السعودية مالهاش طيران مباشرة لامستردام .. قلت انزل باريس لان كانت مدة

الترانزيت حوالى 8 ساعات اهو الواحد يتفسح ويغير جــو شوىة وبعدين اخد 'طيران ال KLM الى امستردام

المهم وانا بمطار الملك عبد العزيز قلت للموظف ممكن تشحن لى الشنط مباشرة على امستردام

قالى اوك .. بس اتاكد فى مطار شارل ديجول ان العفش اتشحن

قلت له اوك

وتوكلت على الله .

وهوووووب نزلت الطيارة فى باريس .. واخوكم خرج من المطار مباشرة نطيت فى الاتوبيس

اللى رايح وسط باريس .

لفيت شوية فى البلد وزورت كام مكان وبعدين قلت ارجع عالمطار علشان الحق طيارتى

ركبت المترو الى المطار وكل شئ تمام واول ما نزلت من المترو فى محطة المطار لقيت زحمة

كبيرة جدا من المسافرين .. ماخدش فى بالى .. وروحت اطلع عالسلم للوصول الى الصالات

لاقيت يجى 20 عسكرى مسلحيين وبيخلو المطار . ماخدش فى بالى برده .. قلت يمكن فى مشكلة

المهم نزلت من السلم لاقيت ناس واقفين بيتكلمو .. من ضمنهم بنت باين من اليونيفورم بتاعها

انها شغالة فى المطار . سئلتها فى ايه

وكانت المفاجاة ... واحد جاى من الميدل است ساب شنطه فى المطار والامن بيفحص الشنط

هى قالت لى الكلمتين دول ,, وانا قلبى وقع فى رجلى وقلت عليك العوض يا كابتشينو

قعد افكر اعمل ايه.. اعمل ايه

قلت احسن حاجة اطلع عالامن

سئلت عسكرى فين اقرب مركز للشرطة فى المطار وصف لى المكان

بصراحة لاقيت ان ده احسن وأمن حل .. روحت عالمكان لقيت عسكرى واقف بره قلت له

انا عاوز اقابل المسئول عن امن المطار لامر عاجل .. دخلنى لظابط

دخلت عليه .. قلت له باختصار كده انا عرفت انكم بتخلو المطار بسبب عفش شخص متروك فى المطار من مدة قالى صحيح

قلت له انا شاكك ان العفش ده بتاعى وحكيت له قصتى

قالى طيب استنى . اتصل بواحد عالاسلكى وكلمه فرنسى ..وسئلنى عن اسمى .. اديته جواز السفر

سئلنى عن لون الشنطة وشكلها قلت له لونها ازرق غامق

انهى المكالمة . وادانى جواز السفر وقالى العفش الموجود مش بتاعك ممكن تمشى دلوقتى

خرجت بره المطار . وبدء المطار يشتغل شوية بشوى وتانى يوم من الجرائد عرفت انه

كان فى بلاغ كاذب .

الحمد لله ربنا سترها معاك وعديت زي الشعرة من الطحينة :110: