محتار محتار محتار محتار

[MZohairy]

من غير ضحك و تريقه و من غير ذكر انواع الكلاب اللي جايه دي

عايزكم تقولولي اشتري اللي في الصوره الاولى ولا التانيه

[طارق مصرى]

-الدين النصيحة-

لا الأول و لا التانى لأن تربية الكلاب حرام إلا للصيد أو الحراسة و طبعا النوعين اللى انته جايبهم لا ينفعوا كده و لا كده .

[MZohairy]

-الدين النصيحة-

لا الأول و لا التانى لأن تربية الكلاب حرام إلا للصيد أو الحراسة و طبعا النوعين اللى انته جايبهم لا ينفعوا كده و لا كده .

اشكرك يا طارق بس للأسف انا من المقتنعين بعكس المعلومه اعلاه من الناحيه الدينيه

شكرا لمرورك

[se_ Elsyed]

عايزكم تقولولي اشتري اللي في الصوره الاولى ولا التانيه

إشتري نفسك أحسن

[MZohairy]

عايزكم تقولولي اشتري اللي في الصوره الاولى ولا التانيه

إشتري نفسك أحسن

ماتخلينيش اخش فيك شمال انت مش قدي

ها اخترت اي صوره؟؟؟

[se_ Elsyed]

لأ أنا عندي تصور تاني خالص ... يمكن لو في يوم سأقتني كلب .. يبقى لازم يتوافق مع شخصيتي العدوانية السادية المتحزلقة ..

يعني أجيب كلب يملي العين .. مش كلب يضحك الناس عليه وأسمع تريقة بقى للصبح مثل :

- اللي جاب لك يخلي لك

- وده عامل ريجيم ولا متاكل قبل كده

- يا نونوس يا كومونوس

شوف معايا كده وقول لي رأيك

[se_ Elsyed]

شايف التحفز ؟

[لماضة مصرية جدا]

السلام عليكم و رحمة الله و بركاته

مع استاذ طارق ان حرام تربي كلب

بس لو علي اختيار الصور

انا حبيت نص الصورة التانية اللي علي اليمين

القطط البيضا و الكلاب اللي مليانة ريش ديت مبحبهاش

بحس ان الواحد يشتري مخدة احسن اهو ع الالق هيعرف يغسلها في الغسالة

البوبي

البني

عينيه غلبانة اوي

يعني تحس انه بيستعطفك انك تديله عضمة.....او بسكويت بطعم العضم...(بشوف كده في الكارتون)

و منكن نسميه في الصورة

مهاود

لملوم

مهموم

مزموم

مرحوم

يعني اسماء تتناسب مع عينيه كده

يا تري

البوبي دوت

كان شايل الهم اوي كده ليه؟؟؟

[لماضة مصرية جدا]

شايف التحفز ؟

لا ده مش تحفز استاذي

ده وضع استعداد انه يعمل بيبي؟؟؟؟

[MZohairy]

شايف التحفز ؟

لا ده مش تحفز استاذي

ده وضع استعداد انه يعمل بيبي؟؟؟؟

بيبي ايه بس؟؟؟؟؟

ده روت وايلر يا بنتي

اشرس انواع الكلاب على كوكب الأرض

بلا منازع

[se_ Elsyed]

ما تحبطوش الجدع يا أخوانا

زهيري اللهم صلي عالنبي عين أعيان فانكوفر في كندا وعنده فيلا بجنينة مرويه بالراحة .. وبالتالي ما فيهاش حاجهلما يعمل كشك للكلب وخلي العيال تلعب ..

[capitshino]

شايف التحفز ؟

لا ده مش تحفز استاذي

ده وضع استعداد انه يعمل بيبي؟؟؟؟

بيبي ايه بس؟؟؟؟؟

ده روت وايلر يا بنتي

اشرس انواع الكلاب على كوكب الأرض

بلا منازع

اختلف معاك يا استاذ زهيرى فى موضوع اشرش نوع على سطح الارض

اشرس نوع كلاب على سطح الارض كان مع واحد صاحبى

نوع بلدى خلتبيط .. وكان قاطع له ديله كله

الكلب ده كان اللى يقرب منه يفتكر انه هيقطع له حاجة تانية

مش لاقى وصف للى كان بيعمله لدرجة انه كان رابطه من رجليه ومن رقبته

تم تعديل 23 يوليو 2011 بواسطة capitshino

[Folana]

شايف التحفز ؟

السلام عليكم ورحمة الله..

طب ما ده هو ده..

ده التانية اللى فى صورة زهيرى اللى فيها كلبين نونو..مش كده يازهيرى؟..مش النوع واحد بس واحد نونو والتانى طلع بطاقة؟؟؟

[se_ Elsyed]

الحمد لله جت سليمة

أول ما لمحت إسم أبلة المشرفة فلانه في الموضوع . تصورت إنها هاتجري ورانا بالعصايا وتقول : لم كلابك ياض إنت وهو مش ناقصين تعضوا لنا حد جتكم القرف .... ده بدل ما تربي لك جوز أنارب أو فرختين .. رايحين تربوا كلاب تاكل وتشرب وتعوز لحمه كل يوم والناس مش لاقيه العضم حتى ؟

أه صحيح يا زهيري .. ما بتفكرش ليه تبقى من الاُسر المنتجة ... يعني في نفس الجونينة دي تعمل عشة فراخ ... وغية حمام ... وصومعة أرانب ... وأهو تشغل العيال بهواية كويسة ... وفي نفس الوقت تلاقي أخر النهار جوزين بيض تحمرهم ... فرختين بيفرفروا تدبحهم قبل ما يفطسوا ...

كده يعني

[MZohairy]

شايف التحفز ؟

لا ده مش تحفز استاذي

ده وضع استعداد انه يعمل بيبي؟؟؟؟

بيبي ايه بس؟؟؟؟؟

ده روت وايلر يا بنتي

اشرس انواع الكلاب على كوكب الأرض

بلا منازع

اختلف معاك يا استاذ زهيرى فى موضوع اشرش نوع على سطح الارض

اشرس نوع كلاب على سطح الارض كان مع واحد صاحبى

نوع بلدى خلتبيط .. وكان قاطع له ديله كله

الكلب ده كان اللى يقرب منه يفتكر انه هيقطع له حاجة تانية

مش لاقى وصف للى كان بيعمله لدرجة انه كان رابطه من رجليه ومن رقبته

شوف يا كابيتشينو

اشرس نوعين على وجه الأرض هما

الروت وايلر

و الدوبر مان

اي حاجه بقى تيجي بعدهم بدون ادنى شك

[MZohairy]

شايف التحفز ؟

السلام عليكم ورحمة الله..

طب ما ده هو ده..

ده التانية اللى فى صورة زهيرى اللى فيها كلبين نونو..مش كده يازهيرى؟..مش النوع واحد بس واحد نونو والتانى طلع بطاقة؟؟؟

شتاااااااااااااااااااااان يا فولانه

اللي تحت ده مابيكبرش

و بيبقى شبه السوسيس كده او السجقايه لما يكبر و بيضحك بس

التاني اجارك الله منه

[MZohairy]

الحمد لله جت سليمة

أول ما لمحت إسم أبلة المشرفة فلانه في الموضوع . تصورت إنها هاتجري ورانا بالعصايا وتقول : لم كلابك ياض إنت وهو مش ناقصين تعضوا لنا حد جتكم القرف .... ده بدل ما تربي لك جوز أنارب أو فرختين .. رايحين تربوا كلاب تاكل وتشرب وتعوز لحمه كل يوم والناس مش لاقيه العضم حتى ؟

أه صحيح يا زهيري .. ما بتفكرش ليه تبقى من الاُسر المنتجة ... يعني في نفس الجونينة دي تعمل عشة فراخ ... وغية حمام ... وصومعة أرانب ... وأهو تشغل العيال بهواية كويسة ... وفي نفس الوقت تلاقي أخر النهار جوزين بيض تحمرهم ... فرختين بيفرفروا تدبحهم قبل ما يفطسوا ...

كده يعني

ماهو اللي مايعرفش يقولعدس

حمام ايه و بيض ايه و عتاقي ايه و بداره ايه يابني بس؟؟؟؟؟

و عشق الروح مالوش آخر لكن عشق البطن فاني

[doctor ayman]

فعلا الكلبين اللي في الصوره الثانيه

شكلهم غلابه اوي

اغتقد انهم شغالين شحاتين علي باب نادي الكلاب اللي في كندا

يعني لو اشترين من النوع ده

هتؤعد جمبهم تأكلهم وتشربهم وتعطف عليهم طول اليوم

ولو مشيت بيهم في الشارع الناس هتتبرع ليكم

لذلك انصحك بشراء اللي في الصوره الاولي

علي الاقل عنده شخصيه

تم تعديل 23 يوليو 2011 بواسطة doctor ayman

[MZohairy]

فعلا الكلبين اللي في الصوره الثانيه

شكلهم غلابه اوي

اغتقد انهم شغالين شحاتين علي باب نادي الكلاب اللي في كندا

يعني لو اشترين من النوع ده

هتؤعد جمبهم تأكلهم وتشربهم وتعطف عليهم طول اليوم

ولو مشيت بيهم في الشارع الناس هتتبرع ليكم

لذلك انصحك بشراء اللي في الصوره الاولي

علي الاقل عنده شخصيه

تصدق بالله؟

ده كان فعلا اختيار الولاد

[عطر الجنة]

كلاب

ما لها العصافير

مالها احواض السمك

حتى لو اضطريت اشترى شبل صغير اقيم

اهو يتربى مع الولاد و ييطلع الكل اسود