اشتباكات بين الشرطة ومتظاهرين بميدان التحرير

[Ahmed Anwer]

لو وقفوا علي رؤسهم

مفيش دستور أولا

مفيش تأجيل للديمقراطية

المشكلة إن الإنتهازيين الجدد اللي بيتاجروا بكل حاجة و بيتاجروا بدماء الشهداء

بيفسدوا الثورة ربنا ينتقم منهم

الخطة واضحة أعمل فوضي أعمل احتقان بس اضحك علي الناس حط أهداف سامية

عشان الناس تتعاطف

لو الناس اتعاطفت هيحصل ايه ؟؟

طيب إحنا رجعنا لنقطة صفر ، يبقي دستور الأول ، يبقي ديمقراطية تتأجل

مشكلة الجميع إنه بيحط خطته و ينسي عامل مهم جدا

وعي الشعب المصري

الحل المجلس العسكري يسارع بإعلان قانون الإنتخابات و يضع ميعاد مقدس للإنتخابات فورا

و تكون دي معركة الشعب بأكمله إنه ينجز المهمة و ينتقل للحكم المدني المنتخب

[aimen]

بغض النظر عن ازاي بدأت المواجهات الحقيقة بتقول إن فيه احتقان كبير .. سبب الاحتقان هو التباطؤ الشديد في المحاكمات وتأجيلها .. اللي ضربوا الشهداء والمصابين بالنار واللي أمرهم يعملوا كده لسه لحد النهاردة متعاقبوش .. لو أخوك أو قريبك أو صاحبك كان اتقتل بين ايديك في ميدان التحرير أكيد مكنتش هترضى إن محاكمة قتلتهم تتأجل بالشهور .. العدالة البطيئة ظلم محقق

صفحة كلنا خالد سعيد

قبل ما تلوم أي واحد من أسر الشهداء اللي ماتوا فكر كويس إن دول فقدوا أولادهم وشايفين المحاكمات بتتأجل شهر وشهرين وتلات شهور .. اللي بيحصل دلوقتي في التحرير هو شيء مؤسف لكن متوقع بسبب المماطلة في محاسبة اللي أمروا بقتل 800 وأصابوا آلاف المصريين اللي نزلوا عشان حقهم وحقنا .. الأهالي عايزين محاكمات عادلة وسريعة وبدون تأجيل لرؤوس النظام اللي تسببوا في قتل ولادهم

تم تعديل 29 يونيو 2011 بواسطة aimen

[aimen]

لو وقفوا علي رؤسهم

مفيش دستور أولا

مفيش تأجيل للديمقراطية

المشكلة إن الإنتهازيين الجدد اللي بيتاجروا بكل حاجة و بيتاجروا بدماء الشهداء

بيفسدوا الثورة ربنا ينتقم منهم

الخطة واضحة أعمل فوضي أعمل احتقان بس اضحك علي الناس حط أهداف سامية

عشان الناس تتعاطف

لو الناس اتعاطفت هيحصل ايه ؟؟

طيب إحنا رجعنا لنقطة صفر ، يبقي دستور الأول ، يبقي ديمقراطية تتأجل

مشكلة الجميع إنه بيحط خطته و ينسي عامل مهم جدا

وعي الشعب المصري

الحل المجلس العسكري يسارع بإعلان قانون الإنتخابات و يضع ميعاد مقدس للإنتخابات فورا

و تكون دي معركة الشعب بأكمله إنه ينجز المهمة و ينتقل للحكم المدني المنتخب

يا استاذ احمد

حضرتك بتتكلم على ايه ؟ الدستور اولا

حضرتك متعرفش ان النهارده صدر حكم بحل المجالس الشعبية المحلية اللى ممكن نقول انها اخطر من حل الحزب الوطنى نفسه

حضرتك متعرفش ان معظم الناس اللى بتدعو لتظاهرة يوم 8/7 القادم لغت بند الدستور اولا

[pink rose]

مين يا استاذ ايمن اللي راضي عن ان دم الناس يروح

هو ايه الكلام دا

مين قال هنا على الاقل ان اللي ماتوا درجة تانية

ليه الاتهامات كده بقت نازلة ترف اليومين دول

تقدر حضرتك تفهمني اللي حصل النهاردة هايرجع دم الشهداء

تقدر حضرتك تقولي انت راضي عن اللي بيحصل دلوقتي في التحرير

ايه يا جماعة هي الامور ليه بقت مختلطة كده

هو يا نوافق على المهزلة و المؤامرة اللي بتحصل و ريحتها زكمت انوفنا يا نبقى خائنين لدماء الشهداء

لا انا اسفة دا تهريج

اجيب حق الشهداء بطريق اخر غير اشاعة الفوضى

النهاردة الضهر كنت باتفرج على القناة المصرية و فجأه قطعوا فيلم كان شغال و نقلوا بث حي من التحرير من قدام المتحف و جايبين سياح بيتكلموا معاهم

تفتكر حصرتك بكرة هايكون في سياح في التحرير و حشود مقاتلين الائتلافات موجودين في اعتصام مفتوح؟؟؟؟؟؟

[شرف الدين]

ولا أجد أفضل من مقولة ميكافيللي الشهيرة ...

( عندما تتعرض سلامة وأمن البلاد للخطر . ينبغي أن تتخذ كافة الإجراءات التي من شأنها الحفاظ على كيان البلاد واستقلالها؛ بصرف النظر عما إذا كانت هذه الإجراءات عادلة أم جائرة رحيمة أم قاسية مشرفة أم مخزية )

تم تعديل 29 يونيو 2011 بواسطة شرف الدين

[aimen]

يارب ببركة هذه الأيام يارب ببركة الإسراء والمعارج

انصر شباب مصر يارب. ناس كتير اوي مش فاهمينهم

انصر مصر يارب. ملناش غيرك ينصرنا ويحمينا

يارب الهمنا الحق والعدل والخير يارب. كون معانا يارب. كون معانا يارب

[Om Zayd]

ملحوظة صغيرة حتى تتضح الامور

على الجزيرة مباشر مصر احد من نسبوا نفسهم لامناء او ائتلاف الثورة "مش متاكدة بالضبط" .. قال ان ده هيوحد الناس و يحمسهم على النزول 8 يوليو للدستور اولا

المذيع قاله بسرعة .. ده مطلب خلافي .. يا ريت تبقى المحاكمات اولا

فقاله ايوة طبعا

يا خوفي لبعد الناس متنزل يطلعوا بمطالب غير اللي اعلنوها

الحاجة اللي عايزة افهمها.. هل فيه جهة محايدة تقدر تقيم سيرالمحاكمات بموضوعية و تقولنا اذا فيه تباطؤ متعمد ام لا؟

اكيذ قلب الاهالي قايد نار.. لكن هل الظلم هيطفيها؟

هل هيشيلوا الوزر عن القاضي ؟

[Om Zayd]

اللهم ارنا الحق حقا و ارزقنا اتباعه

و ارنا الباطل باطلا و ازقنا اجتنابه

و احفظ بلدنا يا كريم

[aimen]

البلطجية الأن بميدان التحرير يغنون على ضوء الشموع

الجدع جدع والجبان جبان

[شرف الدين]

ملحوظة صغيرة حتى تتضح الامور

على الجزيرة مباشر مصر احد من نسبوا نفسهم لامناء او ائتلاف الثورة "مش متاكدة بالضبط" .. قال ان ده هيوحد الناس و يحمسهم على النزول 8 يوليو للدستور اولا

المذيع قاله بسرعة .. ده مطلب خلافي .. يا ريت تبقى المحاكمات اولا

فقاله ايوة طبعا

يا خوفي لبعد الناس متنزل يطلعوا بمطالب غير اللي اعلنوها

الحاجة اللي عايزة افهمها.. هل فيه جهة محايدة تقدر تقيم سيرالمحاكمات بموضوعية و تقولنا اذا فيه تباطؤ متعمد ام لا؟

اكيذ قلب الاهالي قايد نار.. لكن هل الظلم هيطفيها؟

هل هيشيلوا الوزر عن القاضي ؟

يا أخت أم زيد ...

هؤلاء لا يريدون محاكمات ...

هؤلاء قد أصدروا الأحكام مقدما ... ويريدون فقط التصديق عليها من جانب القضاء ...

القضاء يا أم زيد ... تحكمه قاعدة ( المتهم بريء حتى تثبت إدانته ) ... وتحكمه قاعدة ( الشك يفسر لصالح المتهم )... وتحكمه قاعدة شرعية مفادها ( أن الإمام خير له أن يخطيء في العفو من أن يخطيء في العقوبة ).

المفترض واحدة من اثنتين ...

إما أن السادة الثوار لا يثقون بالقضاء .. ( وهذه هي الحقيقة لأنهم لا يثقون بأي أحد أصلا ) .. وفي هذه الحال عليهم أن يعلنوها صراحة ... لا نثق بالقضاء .. ويجب تشكيل محاكم ثورية تحكم بالإعدام فورا على كل ما يشير إليه السادة الثوار .. ويكون التنفيذ فوريا أيضا ...

وإما أن نعلن أننا نثق في القضاء وفي عدالته .. وفي أنه لا توجد ضغوط تمارس عليه .. ونثق أنه حتى لو أصدر أحكاما مخالفة لما نظنه ونتوقعه فإنه سيكون فعل هذا لأن الدليل لم يثبت عنده باليقين على ثبوت الاتهام ... وفي هذه الحال لا يمكن أن نأخذ حقنا بذراعنا أو بفوضانا أو باعتصاماتنا ... لأن المسألة حينها ستكون فتنة القاعد فيها خير من الماشي والماشي خير من الراكب ... وعلينا أن نثق في حساب العدل الديان وأنه لا يضيع عنده حق.

------------

يا أخت أم زيد .. فكري .. إذا كان هؤلاء يعترضون على مجرد تأجيل المحاكمات .. فماذا عساهم يفعلون لو أصدرت المحكمة أحكاما بالبراءة لعدم توافر أدلة ثبوت الاتهام ..

توقعي ماذا عساهم يفعلون .

تم تعديل 29 يونيو 2011 بواسطة شرف الدين

[م تيمور المراغي]

البلطجية الأن بميدان التحرير يغنون على ضوء الشموع

الجدع جدع والجبان جبان

حلوه يا ايمن ,, :happy:

هما البلطجية شباب زي الورد وولاد ناس كده

الجبناء هربوا من بطش الرجال ,,

ولاعزاء للمثبطين الانهزاميين ,,

[Om Zayd]

محدش قال ان كل اللي في الميدان بلطجية

بالعكس.. الاغلبية شباب نزلوا متصورين انهم بيدافعوا عن اهالي الشهداء

انا شخصيا لسة مش فاهمة الموضوع تطور كده ازاااااي

ويا ريت نفكر .. ثم ماذا؟؟؟

[م تيمور المراغي]

دكتور برادعي نزل الميدان وبيعرف تفاصيل الموضوع من الشباب

تم تعديل 29 يونيو 2011 بواسطة Folana

[م تيمور المراغي]

محدش قال ان كل اللي في الميدان بلطجية

بالعكس.. الاغلبية شباب نزلوا متصورين انهم بيدافعوا عن اهالي الشهداء

انا شخصيا لسة مش فاهمة الموضوع تطور كده ازاااااي

ويا ريت نفكر .. ثم ماذا؟؟؟

احنا بالفعل كنا ناويين النزول 8 يوليو لتحقيق كل مطالب الثورة

وعملنا 700 حاجه عشان نستعد لليوم ده وجهزناها

لكن انا اريد ,, وانت تريد ,, والله يفعل ما يريد !

سبحان الله ,, له في ذلك حكم !

[Ahmed Anwer]

[pink rose]

الله ينتقم من كل من يريد خراب مصر

يا ربي قولت في كتابك ادخلوا مصر ان شاء الله آمنين

يا رب احفظها آمنة

[pink rose]

المصيبة ان الشباب اللي ما حدش عارف اعمارهم و لا ثقافتهم على الفيس نازلين شتيمة في المجلس العسكري بعد البيان دا

حزينة من قلبي و مش عارفة ابطل عياط

[م تيمور المراغي]

بلا نهيب بلا نونيب

عاوزين محاكمة علنية لابن الـ ..... اللي عامل ميت في شرم الشيخ ده وفورا

وعاوزين من الداخلية و منكم اعتذار صريح

عشان لما اسر الشهداء يتصلوا بيستنجدوا بينا الحقونا بننضرب يبقى لازم نلحقهم ونحميهم بارواحنا وناخد لهم حقهم

مين اللي تسبب في الموقف غير استخدام العنف المفرط تجاه اسر الشهداء وضرب النشطاء بالرصاص المطاطي وقنابل الغاز الجديده !!

بتجربوا فينا قنابل غاز جديده وتضربونا بيها !!

كنا قاعدين وساكتين وكافيين خيرنا شرنا وبنقول نصبر لكن لكل شيئ حدود

طيب ,,

ايها المجلس العسكري ,,

احنا اعلنا الاعتصام

ولن تستطيع قوة على وجه الارض ان تزحزحنا عن ميدان التحرير الا بعد تنفيذ ( كل ) مطالب الثورة التي اعلناكم بها ,,

راجعوا بيانكم ده ولا غيروه ولا احرقوه ,,

عاوزين بيان الاعتذار والالتزام بتحقيق ( كافة ) مطالب الثورة ,,

[aimen]

ليه كده يا تيمور دا حتى المجلس العسكرى حلو

وبيحافظ على العجلة وصاحب العجله

اى نعم

موت الناس اللى على الجنبين علشان صاحب العجلة بيمر بس مش مشكلة

[م تيمور المراغي]

بيان من حركة شباب 6 ابريل بشان احداث الامس

إزاء ما حدث فى الساعات الماضية , في ميدان التحرير من تعامل أمني غير مفهوم او مقنع

( بزعم حجة التعامل مع من وصفوهم بالبلطجةعند مبني وزارة الداخلية ) ,

و ازاء التعامل الأمني الذي شمل بشكل واسع

كل المنطقة حتى وصل المتظاهرين فى ميدان التحرير وعدد

من أهالي الشهداء , و كان التعامل ما رأيناه جميعا و رأه العالم اجمع

من قصف بقنابل الدخان و الرصاصات المطاطية و الحشدالغير مسبوق

من قوات الأمن المركزي فى الميدان

إزاء كل هذا , تعلن حركة شباب 6 ابريل الآتي :

أولا :

تدعو الحركة قوات الامن الى الانسحاب فورا من ميدان التحرير و اخلاؤه بالكامل لحين انتهاء الأزمة

, و ايقاف فوري لتصعيدها الأمني و المستمر حتى هذه اللحظة تجاه المتظاهرين فى ميدان التحرير

ثانيا :

توجه حركة شباب 6 ابريل الدعوة الى كل الشعب المصري بكامل أطيافه و تياراته بالتوجه الى ميدان التحرير

للإعتصام فيه و المؤازرة

ثالثا :

تعلن حركة شباب 6 ابريل أن المظاهرات التى كانت ستدعو لها يوم 8 يوليو ,

ستبدأ من الليلة ( ليلة الإسراء و المعراج ) بإعتصام مفتوح

يبدأ من صلاة الفجر بميدان التحرير ثم تظاهر و اعتصام

حتى تبدأ بوادر واضحة و قاطعة لتحقق المطالب الواردة فى بيانها

و هي المطالب التى تحظى بتوافق وطني لا خلاف عليه

و هي للتذكرة مرة أخرى :

* سرعة محاكمة مبارك وحاشيته محاكمات معلنة

* محاكمة قتلة الشهداء من وزارة الداخلية بدون تأجيل أو مماطلة

* وقف المحاكمات العسكرية للمدنيين بشكل نهائي

* مراجعة كل القوانين التى تم اصدارها سابقا بدون حوار مجتمعي اعلامي

* منع التعرض نهائيا بأي صورة من الصور الى حرية الاعلام او حرية التظاهر

* البدء بشكل شامل فى تطهير كامل للوزارات و المؤسسات الرسمية من بقايا النظام القديم

رابعا :

تدعو حركة شباب 6 ابريل وسائل الاعلام المصرية ( المملوكة للشعب و الخاصة ) الى عدم الانجراف نحو التعتيم الاخباري

على ما يحدث , أو نقل انصاف الحقائق , أو تكرار سلوكيات اعلام ما قبل 25 يناير مرة أخرى ,

لأننا قد نغفر المرة الأولى ,

الا اننالن نغفر ابدا جريمة المرة الثانية

فى الكذب او اخفاء الحقيقة

خامسا :

تدعو حركة شباب 6 ابريل حكومة الدكتور عصام شرف ( التى خرجت من قلب ميدان التحرير )

إلى تحقيق شامل ومحاسبة صارمة للمتسببين فيما جرى في قلب ميدان التحرير

أو ان تقدم استقالتها فورا

سادسا :كما تنبه حركة شباب 6 ابريل - بشكل واضح- من اي محاولات رسمية او غير رسمية , خفية او ظاهرة , لاعاقة الانترنت او استخدام شبكات الفيس بوك او تويتر أو اعاقة اتصالات التليفونات النقالة ( موبايل )

وتذكر ان هذا الاسلوب لم يجدي ابدا نفعا فى منع الثورة او تحجيمها, بل ادى الى زيادتها قوة و صمودا

لأن الثورة حين تندلع كالنهر , لا يمنعه ألف سد من الانطلاق نحو تحقيق اهدافه كاملة

و ليعلم العالم كله , ان الثورة ما زالت مستمرة , و سننتصر بإذن الله

اللجنة الاعلامية \ حركة شباب 6 ابريل