علاء الاسواني \ من ينقذ مصر من رجال الشرطة..؟!

[م تيمور المراغي]

سلمى الصاوي دلوقتي في مكتب دكتور عصام شرف ,,

بعد المقابلة حوافيكم بالاخبار ,,

[م تيمور المراغي]

طلب د. عصام شرف من سلمى الصاوي لناشطة بحركة 6 ابريل تقديم شكوى رسمية له ضد من قالت انه ضابط بالأمن الوطني بـ 6 أكتوبر الذي اعتدى عليها وهددها بتلفيق تهم للنشطاء .. وقال محمد عادل المتحدث الإعلامي باسم حركة 6 ابريل أن اللواء منصور العيسوي حضر بنفسه لمكتب دكتور شرف واستلم الشكوى من سلمى ووعد بالرد عليها غدا .. وقال عادل إن الحركة ستصدر بيانا بعد قليل بتفاصيل ما جرى في اللقاء يتم إعلان موقف الحركة مما حدث .. مشيرا أنهم لم يقوموا بتقديم بلاغ رسمي حتى الآن لانتظار رد الوزير .. وكن دكتور معتز بالله عبد الفتاح المستشار السياسي لرئيس الوزراء قد استقبل سلمى ووفد 6 ابريل قبل أن لقائهم بدكتور شرف .

كان نشطاء من حركة 6 ابريل قد قالوا للبديل أن الدكتور عصام شرف رئيس الوزراء اهتم شخصيا بما حدث مع الناشطة سلمى الصاوي .. وأشاروا إن شرف التقى مع سلمى لتحكي له وقائع التجاوزات الخاصة باختطافها من الشارع والتحقيق معها.

واتهمت سلمى جهاز الأمن الوطني بضربها حتى فقدت الوعي بعد القبض عليها فى منطقة الحصرى لأنها لم تكن تحمل بطاقة شخصية .. وقالت فى رسالة نشرتها صفحة 6 ابريل على الفيس بوك انه بعد مشاركتها فى وقفه خالد سعيد والوقفة التي كانت أمام الداخلية فى ذكرى خالد سعيد سألها ضابط جيش فى منطقة الحصرى وهى فى طريقها إلى البيت بـ 6 أكتوبر عن البطاقة الشخصية وحينما أخبرته أن البطاقة ليست معها .. وعرف اسمها من كارنية النادي قال لها عاوزينك فى موضوع وتم إركابها السيارة ووضع عصابة على عينيها

وأضافت سلمى الطالبة بكلية الألسن : وصلنا للمكان اللي دخلت فيه قعدت تقريبا ساعة لوحدي , وبرده ماكنتش شايفه حاجه بعد كده طلعونى على مكان تانى , وقعدوني على كرسي ..والضابط بدأ يسألني عن ناس كتير فى الحركة فيه اللي اعرفهم ,وفيه اللي ما اعرفهمش .. وبدأ يسالنى عن علاقتي بيهم , احمد ماهر ومحمد عادل واحمد دومه ، وعواد ، وزايد ، وأسماء محفوظ فقلتله اعرفهم اسامى بس , أنا أصلا مش بقابلهم كتير

ثم سألنى عن اشاعه مقتل صفوت حجازى , و عن اخوان عندنا فى أكتوبر وليه انشقيت عنهم ، ثم رجع تانى لموضوع اسماء محفوظ .. اسماء فين؟ , فقلتله : هى مسافره , قالى : مسافره ليه ؟ قلتله ما اعرفش أنا مش بتابع اوى , قالى : هى مسافرة علشان تحصل على معونات خارجيه للأحزاب والحركات والمنظمات السياسية فى مصر .

وأشارت سلمى التي وصفت نفسها بانها من المنشقين عن الاخوان إلى ان الضابط ضربها اكثر من مرة بعصا كانت بيده إلى ان فقدت وعيها ، وبعد ما افاقت قال لها: ” انتى هتخرجى دلوقتى بس ما تحاوليش تسافرى او تهربى احنا جبناكى من الشارع .. لا من بيت ولا من مقر … يعنى لو اختفيتى فين هنلاقيكى ونجيبك .. وأشارت إلى انها ظلت فى الصحراء عند مبنى امن الدوله فى أكتوبر .. وقالت ان الضابط قال لها لا المجلس العسكري ولا اللي جاي بعده هينفعكوا ده اقل حكم 3 سنين , واللى هيكسر اشاره مرور هياخد 5 سنين .. واللى هيغلط هنجيبوا وهيتحاسب , واللى مش هيغلط هنجيبه ونلفقلوا قضية .

الموقع الرسمي لوائل الابراشي \\ اضغط هنا

تم تعديل 8 يونيو 2011 بواسطة architect

[م تيمور المراغي]

انا اقسمت لكم قبل كده ,,

ان ظابط امن الدولة الجبان اللي ضرب بنت عندها 18 سنه على دماغها بالعصا الى ان تفقد الوعي ,,

حيتشد وحيتظبط وقد كان ,,

وبقول لزبانية امن الدولة المجرمين ,,

انتم مرصودين !

واللي حيتنطط ,, حيتظبط ,,

ولا عزاء للصامتين المثبطين المرتعدين ,,!

[م تيمور المراغي]

يسري فودة حيستضيف سلمى الليلة على on tv

وحتحكي القصه بالكامل

لاتفوتكم ,,

[capitshino]

اللقاء الساعة كام

[م تيمور المراغي]

هيا في الاستوديو دلوقتي

واحتمال عادل يطلع معاها والمووضوع حيتصعد

مش عارف حتطلع بعد قد ايه

حسأل وارد عليك

[ريمون]

موضوع الشرطه ده موضوع شائك جدا

حتى من غير الفساد اللى فى جهاز الشرطه فالمتطلبات الامنيه ملهاش اول من اخر

البلد كانت ممسكوه بالحديد و النار و محدش كان بيعرف يفتح بقه

و بعد الثوره الناس شمت نفسها

البلطجيه مبقوش يخافوا ليتمسكوا و ليتعلقوا زى زمان

و كل يوم مطالب فئويه و اعتصامات و قطع طرق و لو معملتولناش اللى عاوزينه هنولعها

حتى لو كل رجال الشرطه شرفاء مش هيعرفوا يلاحقوا على ايه و الا ايه

بجانب كل ده ففى فساد غير طبيعى فى جهاز الشرطه

و حتى اللى مش فاسد فغالبا بيستخدم تكتيك الرعب لتحقيق الامن

يعنى مبيعرفش يستخدم الذوق من الاخر

تطهير الجهاز من الفاسدين و تغيير عقليه غير الفاسدين مهمه صعبه جدا

و الاخطر من كل ده دعوات حل الشرطه او استبدالها

فالوضع الامنى متلصم بالعافيه

و لو جبنا ملايكه يمسكوا الامن مش هيعرفوا لانهم معندهمش خبره خصوصا فى الوضع الحالى

و ممكن سيناريو العراق يتكرر لما تم حل كل الاجهزه الامنيه و تسريحهم فانقلبوا لعصابات

يعنى ضابط شرطه زى قلته اهون من انه يتحول لرئيس عصابه

الوضع خطير و مفهوش حلول سريعه و محتاج حل سياسى مش عنترى

[capitshino]

الحلقة بدأت

الحق يا تيمور ... امن الدولة بيسئل عليك :closedeyes:

[Simba]

البلطجيه مبقوش يخافوا ليتمسكوا و ليتعلقوا زى زمان

البلطجية عمرهم ما كانوا ما بيتمسكوا ولا يتعلقوا ولا ما كان في شئ اصلا اسمه بلطجية

دول طول عمرهم دراع الضباط اليمين في كل حاجة من انتخابات لخناقات لتظبيط الامور جوه الحجز زمان

البلطجي قلبه جامد علشان عارف انه مسنود من الظابط

[capitshino]

هى متلخبطة ولا خايفة ولا مابتعرفش تحكى ولا حكايتها ايه بالظبط ؟

[محمد عبدالعزيز]

هى متلخبطة ولا خايفة ولا مابتعرفش تحكى ولا حكايتها ايه بالظبط ؟

اعتقد إنها فعلاً مرعوبة, ياريت بس يحصل تحقيق بجد ونعرف إيه اللى حصل.

[capitshino]

رصد | مصر | تعلن وزارة الداخلية أنه فى ضوء متابعة أجهزة الوزارة لما بثته بعض المواقع الإخبارية على شبكة الإنترنت حول تعرض المواطنة / سلمى الصاوى لبعض التجاوزات من قبل أحد ضباط الشرطة ، فقد قامت الأجهزة الأمنية المعنية بفحص ما بثته تلك المواقع حيث تبين عدم الوقوف على صحة ما تدعيه وأن أحداً من ضباط الشرطة لم يتعرض لها أو يستوقفها بأى من المواقع الشرطية

وتؤكد وزارة الداخلية رفضها الكامل لمثل تلك الممارسات التى تتنافى مع السياسة الحالية لوزارة الداخلية والتى تتسم بالشفافية التامة وفى إطار من الشرعية وسيادة القانون

هذا وتهيب وزارة الداخلية بالمواطنة / سلمى الصاوى التوجه لديوان وزارة الداخلية أو للجهات القضائية المعنية لإتخاذ الإجراءات القانونية اللازمة فى شكواها موضوع النشر . # RNN

[م تيمور المراغي]

الحلقة بدأت

الحق يا تيمور ... امن الدولة بيسئل عليك :closedeyes:

لا و عزة الله ,,

احنا اللي بندور عليهم ,,!

[م تيمور المراغي]

ما هو الظابط ده لو دكر كان طلع وبان ,, بدل ما هو مستخبي زي الحريم دلوقتي مش عارفين نوصل له ,,

مش قلتلكم حنلبسهم الطرح ,,

[capitshino]

بالله عليك يا تيمور لو الشباب هيزورو اى فرع لامن الدولة ابقى اكتب لنا هنا

اهو الواحد فى مصر ويعمل اى واجب .

[م تيمور المراغي]

بالله عليك يا تيمور لو الشباب هيزورو اى فرع لامن الدولة ابقى اكتب لنا هنا

اهو الواحد فى مصر ويعمل اى واجب .

تسلم يا كابتشو كلك رجولة

الاتفاق دلوقتي مع العيسوي هو عدم التصعيد من جانبنا وترك الموضوع لهم لكي يحققوا فيه ,,

وسيطلعونا على نتائج التحقيق واسم الظابط السافل اللي عمل كده ,,

على ضوء تعاملهم مع الموقف سيصدر القرار ,,

[م تيمور المراغي]

http://www.youtube.com/watch?v=dta-sVVUXJM