اشتباكات عنيفة بين معتصمي ماسبيرو ومجهولين

[Simba]

علي النيل للاخبار حالا ما يشبه الحرب

نار واشتباكات

ياربي

هو فيه ايه

[Simba]

25 مصاب

وحرق سيارتين حتي الآن

[شرف الدين]

الشيخ صفوت حجازي بيقول اللي بيحدفوا الطوب من فوق 15 مايو هما هماهم اللي كانوا بيحدفوا علينا طوب ايام الثورة

مش دول فلول النظام السابق برضه ...

يا ترى هل هما دول كمان اللي فجروا النهاردة بأحزمة ناسفة ضريح الشيخ زويد

http://www.masrawy.com/news/Egypt/Politics/2011/May/14/explosion_relegious.aspx

[capitshino]

ايه الحريق الموجود ده ؟

مراسل النيل بيقول انها عربيات شرطة وعربيات مواطنيين فى ميدان عبد المنعم رياض

[amgadibrahim]

يا جماعة الخمسين ألف بلطجي (على الأقل) اللي اتربوا ورعرعوا في السنوات الماضية مش هيقعدوا على القهوة ولا هيستنوا شغلانة شريفة بملاليم

وكل شوية هينطولنا في حتة هما واللي بيقبضوهم

حسبي الله ونعم الوكيل فيهم دول مش مصريين أبدا دول مرتزقة زيهم زي الجاسوس اللي همه فقط نفسه وفي داهية البلد

[Simba]

الشيخ صفوت حجازي بيقول اللي بيحدفوا الطوب من فوق 15 مايو هما هماهم اللي كانوا بيحدفوا علينا طوب ايام الثورة

مش دول فلول النظام السابق برضه ...

يا ترى هل هما دول كمان اللي فجروا النهاردة بأحزمة ناسفة ضريح الشيخ زويد

http://www.masrawy.com/news/Egypt/Politics/2011/May/14/explosion_relegious.aspx

يا عم شرف الدين الله يخليك

اتهم اللي انت عاوز تتهمه وقول اللي انت عايز تقوله

الجو مش مستحمل والواحد اعصابه بتبوظ يوم عن يوم

يا سيدي احنا اسفين لكل كلمة قولناها ولا فرحتنا بالثورة

اهي بتخرب اهي

علشان الكل يركع ونقول اسفين

طب والله اسفين وارحمونا

[شرف الدين]

على عهدة اليوم السابع

تجددت منذ قليل الاشتباكات بين متظاهرى ماسبيرو من الأقباط، ومجموعة من البلطجية، بعد سماع أصوات إطلاق الأعيرة النارية، بالقرب من مبنى الإذاعة والتليفزيون، وقنابل المولوتوف، كما تبادل الطرفان القذف بالحجارة، مما أدى إلى وقوع إصابات بين المتظاهرين.

أسفرت الاشتباكات عن حرق عدد من السيارات بمنطقة الكورنيش، وتصدى لهم الأقباط بتبادل القذف بالطوب، وتحاول قوات الشرطة والجيش التصدى للمعتدين ووقف أعمال العنف.

كانت مجموعات جاءت من منطقة بولاق أعلى كوبرى 15 مايو وقاموا بإلقاء الزجاجات الحارقة على المعتصمين، وتم إطلاق الأعيرة النارية، مما أسفر عن إصابة 4 أقباط على الأقل، وانتقلت المواجهات بين المعتصمين والبلطجية من أمام ماسبيرو إلى أعلى كوبرى 15 مايو وكوبرى أكتوبر، وأطلقت قوات الشرطة قنابل مسيلة الدموع لمواجهة الفئات التى قامت بمهاجمة المعتصمين.

[rewsha]

الشيخ صفوت حجازي دلوقتي على اون تي في بيقول انه قال للاخوه المسيحين انتوا ليه واقفبن هنا (ماسبيرو)

ليه ماجيتوش يوم الجمعه معانا وقولتوا مطالبكم

التحرير للجميع .ويوم الجمعه للجميع

[capitshino]

النيل للاخبار : اشتبكات بين مجهولين من ناحية والجيش والشرطة من ناحية ومدير امن القاهرة يصل لموقع الحادث

[Simba]

مدرعات القوات المسلحة تبدأت في الانتشار في المكان

[rewsha]

شوفتوا بقى

قناة الجزيره كاتبه على الشريط الاخباري بتاعها

نقلا عن قناة النيل :اشتباكات بين المسلمين والاقباط في منطقه ماسبيرو

في حين ان انا قلبت على قناة النيل .لقيتهم كاتبين اشتباكات بين مجهولين والاقباط

يعني الجزيره مافيش فيها فايده ؟

عاوزها تولع ؟

طب ما الشيخ صفوت حجازي قال

قال ان ده نفس السيناريو بتاع الثوره

بلطجيه احمد عز جاؤا من على كوبري 15 مايو وبدؤا حدف الملوتوف على الاقباط

والموضوع مش مسلمين ومسيحيين خالص

دول بلطجيه

بلطجيه

نقول كمان؟

[سكر]

1-دة تكمله لسيناريو امبابه

2- فى فرق بين القبضه الحريريه والقبضه الحديدية

3- يوم الخميس كنت رايح مجمع التحرير الطريق بالكامل مقطوع من اول كوبرى 15 مايو لحد كوبرى 6 اكتوبر

4- عدد المتظاهريين لم يزيد باى تقدير عن 300 متظاهر الساعة 10 صباحا

5- عدد الباعة تقريبا للماكولات يزيد عن المائه

6- الاخوة الاقباط لهم حق التظاهر ولكن السوال هو

ماهى طلبات المتظاهريين ولماذا ماسبيرو والله البلد مشلوله فى الحركة

حمى الله مصر والمصريين

[شرف الدين]

نقلا عن مصراوي

سيطرت أجهزة الأمن التابعة للقوات المسلحة والشرطة على منطقة ماسبيرو بالكامل، عقب الاشتباكات الدائرة الآن بين بلطجية والأقباط المعتصمين أمام مبنى اتحاد الإذاعة والتليفزيون ''ماسبيرو''، مستخدمة القنابل المسيبلة للدموع، فيما انتشرت المدرعات والدبابات، في المنطقة، وأغلقت قوات الجيش مداخل ومخارج المنطقة.وتواترت أنباء عن وقوع قتيلين وعشرات (نحو 60 جريح) الجرحى في الاشتباكات، وقفاً لرواية التليفزيون المصري، وسمع إطلاق دوي رصاص مجهول المصدر خلال الاشتباكات، التي استخدمت فيها قنابل المولوتوف، وأسفرت عن عن اشتعال النيران فى عدد من السيارات المتوقفة بكورنيش النيل بمنطقة ماسبيرو، في الوقت الذي توقفت فيه الحركة على كوبري أكتوبر باتجاه رمسيس شبه كامل.

وتضاربت الأنباء حول أسباب هذه الاعتداءات، وأشار شهود عيان إلى أن أحد الأشخاص تعرض للإعتداء عليه من قبل اللجان التي تتولى تفتيش الداخلين للاعتصام، فأحضر بعض البلطجية واعتدوا على المعتصمين، فيما رجح كثيرون أن الاعتداء جاء من جانب بلطجية مستأجرين.

وهاجم بعض البلطجية مساء السبت الأقباط المعتصمين أمام مبنى الإذاعة والتليفزيون ''ماسبيرو''، وأطلقوا عليهم أعيرة نارية ''خرطوش'' من ناحية كوبري أكتوبر، أسفر عن إصابة اثنين من المتظاهرين المعتصمين، وتم علاجهم بالمستشفى الميداني الموجودة بماسبيرو.

وألقت قوات الأمن من الشرطة والجيش القبض على واحد من الذين اطلقوا الرصاص، فيما لاذ آخر بالفرار.

[Simba]

فيه كلام علي تويتر

ان الجيش هيعلن الاحكام العرفية خلال الساعات اللي جاية

[Simba]

الجو هادي والهتاف اعدين اعدين محناش مشيين والشباب لسه اعدين قدام المدرعات

[rewsha]

وصول قوات امن مركزي لماسبيروا

وشايفه قدامي على النيل للاخبار اشتباكات بالعصيان بين المعتصمين والبلطجيه مش بين الناس والامن المركزي

كل الموضوع ما يهداْ يرجع تحصل اشتباكات تاني

الاشتباكات دلوقتي ناحيه كوبري اكتوبر

تم تعديل 15 مايو 2011 بواسطة rewsha

[capitshino]

الجو هادي والهتاف اعدين اعدين محناش مشيين والشباب لسه اعدين قدام المدرعات

الجو مش هادى خالص

المتظاهرين بيهجمو على ناس واقفين على كوبرى اكتوبر

[rewsha]

في واحد مسيحي بيحكي اللي حصل دلوقتي

انهم اتفاجئوا بحد بيضرب نار عليهم

________________________________________

معنى انهم فوجؤا ...يعني مافيش اشتباكات بينهم وبين المسلمين

ده حد بيوقع بين المسلمين والمسيحيين

نظام يدخل في النص ..يضرب ويجري

والمسيحين يفتكروا ان المسلمين همه اللي بيضربوا عليهم

__________________________________

بيقول اعتصام الاقباط امام ماسبيروا ...مفتوح

[losses]

الشيخ صفوت حجازي بيقول اللي بيحدفوا الطوب من فوق 15 مايو هما هماهم اللي كانوا بيحدفوا علينا طوب ايام الثورة

مش دول فلول النظام السابق برضه ...

يا ترى هل هما دول كمان اللي فجروا النهاردة بأحزمة ناسفة ضريح الشيخ زويد

http://www.masrawy.c..._relegious.aspx

يا عم شرف الدين الله يخليك

اتهم اللي انت عاوز تتهمه وقول اللي انت عايز تقوله

الجو مش مستحمل والواحد اعصابه بتبوظ يوم عن يوم

يا سيدي احنا اسفين لكل كلمة قولناها ولا فرحتنا بالثورة

اهي بتخرب اهي

علشان الكل يركع ونقول اسفين

طب والله اسفين وارحمونا

الحل بديهى جدا -- انا مش عارف ايه الصعوبة فى تطبيقه -----البلطجية فى مصر معروفون بالاسم لكل اجهزة الداخلية لو حبوا يلموهم فى اقل من اسبوع هيلموهم المشكلة ان الداخلية لها يد فيما يحدث اما بالتواطوء اوالمشاركة او الاهمال

[عبد الله غريب]

الشيخ صفوت حجازي بيقول اللي بيحدفوا الطوب من فوق 15 مايو هما هماهم اللي كانوا بيحدفوا علينا طوب ايام الثورة

مش دول فلول النظام السابق برضه ...

يا ترى هل هما دول كمان اللي فجروا النهاردة بأحزمة ناسفة ضريح الشيخ زويد

http://www.masrawy.c..._relegious.aspx

يا عم شرف الدين الله يخليك

اتهم اللي انت عاوز تتهمه وقول اللي انت عايز تقوله

الجو مش مستحمل والواحد اعصابه بتبوظ يوم عن يوم

يا سيدي احنا اسفين لكل كلمة قولناها ولا فرحتنا بالثورة

اهي بتخرب اهي

علشان الكل يركع ونقول اسفين

طب والله اسفين وارحمونا

الحل بديهى جدا -- انا مش عارف ايه الصعوبة فى تطبيقه -----البلطجية فى مصر معروفون بالاسم لكل اجهزة الداخلية لو حبوا يلموهم فى اقل من اسبوع هيلموهم المشكلة ان الداخلية لها يد فيما يحدث اما بالتواطوء اوالمشاركة او الاهمال

إذا كان فعلاً الوضع زي ما أخونا "شرف الدين" بيقول .. و كان البلطجية (أو معظمهم) معروفين للداخلية .. و ممكن يقبضوا عليهم .. لكن معملوش كداه .. و ما قبضوش عليهم .. و سايبنهم يخربوا في البلد .. و يروعوا الآمنين .. و يضيعوا إنجازات الثورة .. و يشعللوا الفتنة الطائفية .. و ينشروا الخوف و الرعب بين الشعب المسالم .. و .. و .. و .. يبقى بجد ... لا قيمة لكل اللي بتعملوا الوزارة من محاولات نهوض بالبلد .. أو حل مشكلة مياه النيل.. أو إعادة العلاقات مع دول أفريقيا .. أو النظر في تصدير الغاز لإسرائيل .. أو دعم الاقتصاد (اللي مش حينصلح إلا بوجود أمن داخلي) .. أو .. أو .. أو أي حاجة. طالما مبسوطين بوجود البلطجية و سايبين لهم الحرية بالشكل داه .. دا أنا فعلاً كنت مستغرب، و كل ما أفكر هو في إيه يا اخونا .. معقولة الجيش مش عارف يحكم شوية بلطجية .. الجيش اللي بيحمي البلد في الحروب .. و الصاعقة اللي سمعتها سابقاها على مستوى جيوش العالم .. مش عارفين يسيطروا على شوية عيال بلطجية (شوفوا صورهم شوية عيال) .. شئ غريب .. مريب .. زي ما يكون البلطجية دول لهم دور مرسوم في كل مرحلة و لازم يقوموا بيه في سبيل قيادة البلد إلى طريق معين لا يمكن قيادتها إليه إلا بوجود مثل هؤلاء البلطجية .. يعني مثلاً علشان تحصل فتنة طائفية .. و يقدر أعداء البلد إنهم يسمحوا (أو يرضخوا) مذعنين لوجود أو لتدخل قوة خارجية لحماية اقباط مصر .. فلازم يكون فيه مبرر .. و لما كان معظم الشعب فاهم .. و واعي .. و مش ممكن ينساق للفتنة الطائفية .. فكان لازم وجود البلطجية علشان لما الاعتصام أمام ماسبيرو يمر بسلام لعدة أيام .. و يجد أعداء الوطن إن مفيش فايدة .. و إن الشعب فاهم .. و واعي .. و مفيش و لا مسلم واحد هاجم .. أو اتعرض لأي من المعتصمين الاقباط بأذى .. و إن الموضوع حيعدي بسلام .. فهنا يجي دور البلطجية .. و يشعللوها .. و تكمل الصورة بتدخل الجزيرة للأخبار لرسم الرتوش الأخيرة التي تعطي المبرر المطلوب للعالم للتدخل .. طبعاً داه سيناريو ممكن يحصل فقط بوجود البلطجية (و لذلك لابد أن يظلوا موجودين على الاقل إلى ن ينتهي دورهم).. و مش ممكن أي مصري مسلم حيقوم بأي دور فيه لأن الناس خلاص فهمت كل حاجة و عارفين أيه اللي ممكن يكون متخطط للبلد .. و الشعب المصري ذكي .. و واعي .. الدور و الباقي على اللي ماسكين البلد دلوقتي أياً كانوا اللي مصريين السيناريو يكمل للنهاية .. إما بتحطم البلد و تفتتها من جراء تدخل خارجي .. أو بحكمها مرة أخرى بالحديد و الناربحجة ضبط الأمن الغائب .. و حسبنا الله و نعم الوكيل.<br> تم تعديل 15 مايو 2011 بواسطة عبد الله غريب