كله سلف ودين

[Bero]

السلام عليكم ورحمه الله وبركاته

فعلا يا جماعه انا صدقت ان كل حاجه في الدنيا سلف ودين انا عايزه احكيلكم حكايه انا شفتها بنفسي ومن ساعتها وهيا ماثره فيا جدا وكل اللي قلته يارب ارحمنا برحمتك

عايزه اعرف ايه اللي جرا في الدنيا

الحكايه من غير مطول عليكم اني شفت اب ربى ولاده كويس جدا وعلمهم وعملهم دكاتره وكان بينفزلهم كل اللي عايزينه

ايه اللي خده في المقابل من التربيه ديه انهم سرقوه ولما اكتشف الحكايه ديه وواجهم ضربوه وطردوه بره البيت انا شفت منظر الاب ده وهدومه مقطعه بكيت

ايه الليجرا في الدنيا ولاد تضرب ابوها واللي بيقتله

ليييييييييييييييييه ده كله

لا تعليق

يارب مكون زهقتكم بس انا حسيت اني عايزه احكي لحد

[mohamed]

هى الدنيا كده

عبارة عن لقمة عيش بيجرى وراها مليون واحد

وكل واحد عاوز ياكلها لوحده

الاخلاق هى بقى اللى بتحكم الموضوع

فاذا كان الواحد معندهوش اخلاق فخلاص مش هتفرق معاه

ولسة يا ما هتشوفى

[se_ Elsyed]

بس قصتك دي معناها يا بيرو إن الأب ده كان بيعمل كده في أبويه وإن ربنا لم يغفر له هذا وبالتالي لما كبر الأولاد عملوا فيه نفس اللي هو عمله في أبوية .

وأعتقد بإن هناك جوانب خفيه في القصة .. على سبيل المثال مثلاً إنهم مش علشان طلعوا دكاترة ومهندسين وأصحاب مراكز يبقى إنهم إتربوا كويس ... فالتربية الحقيقية السليمة هي التربية الدينية وهي ما نراه من أُناس أصحاب مراكز مرموقة ومع ذلك عندما يرى والده او والدته ينحني ليقبل أيديهم ولا يجرؤ على رفع صوته في وجودهم وتكون كلمتهم أمر بالنسبة له حتى ولو كانت خطأ ... وعندما يموتوا يدعوا لهم ويتذكرهم بكل خير .

هذه هي التربية ...

أما التربية المعتمدة على تنفيذ مطالب الأولاد مهما كانت ... ومحاولة أن يكونوا في أحسن المدارس والجامعات وإهمال الجانب التربوي فهي تنتهي بأن يكون الشخص متكبر واناني واول ما يفعله في حياته عندما يحصل على كل ما يريد هو الجحود وإنكار فضل والديه عليه .

[Bero]

هو فعلا يا جماعه الاب ده كان بيعامل والديه بطريقه سيئه علشان كدا بقولكم كله سلف ودين

ومن اعمالكم سلط عليكم

[صديق الحزن]

الذنب لا يبلى

و الدين لا ينسى

و الديان لا يموت

فأفعل ما شئت كما تدين تدان

ان الله يمهل و لا يهمل

تأكدى يا أخت أن هؤلأ الأبنأ سوف ينالون جزاء فعلهم fsh::

فلا تحزنى

و الله الموفق

اخيك

صديق الحزن

[فــيــروز]

عقوق الابناء ليس دائما دليل على عقوق الآباء لآبائهم بل قد يكون ابتلاء من الله سبحانه و تعالى :huh:

المهم بمناسبة السلف و الدين :P

من اسابيع قليله جدا كنت باتكلم عن ان المصريين بيحبوا جدا يهادوا بعض فى المناسبات اللى مالهاش مناسبه .. mfb: وكنت باقول اننا اما سافرنا مرسى مطروح كنت بانتقد الموضوع ده جامد عشان ماما و اختى كانوا هاريين نفسهم شرا حاجات ماكنتش عارفه هنرجع بيها ازاى rs:

و النهارده .. ;)

النهارده بس .. :huh:

نزلت اشترى شنطه كبيره عشان ارجع بيها الى جانب الشنطه اللى جيت بيها .. لانها مش هتكفى الهدايا .. lo:: دى اكيد امى غضبت منى واحنا فى مرسى مطروح و الحساب وصل وبزياده كمان :D

[Bero]

ترجعي بالسلامه ان شاء الله يا فيروز

بس لو سمحت وانتي عندك كنت عايزه اطلب طلب

يعني تبقي تجيبهولي معاكي

مشط كبريت لو سمحتي بقالي ساعه بوله البوتوجاز ومش عايز

اوعي تقولي الوزن وبتاع

rs:

[ابو يوسف]

أتذكر قصة مؤثرة لها صلة بالموضوع وصلتنى على الميل بتاعى ... ملخص القصة كالتالى :

كان الجد العجوز يجلس مع الابن و زوجته و حفيده على المنضدة يتناولوا الطعام .. فأسقط الجد الطبق و كسر

ثارت الزوجة على الجد وفرشت له الأرض ليجلس بعيدا عنهم يتناول الطعام الذى وضعته له فى طبق كبير من الخشب حتى لا يكسره !!

مرت الايام على هذا الوضع و الجد العجوزحزينا ، يتناول طعامه فى طبقه الخشب جالساً على الارض . حتى وجد الاب ابنه الصغير يمسك قطعة من الخشب و يحاول حفرها .. و عندما سأله الاب رد الابن ..

أجهز لك طبق من الخشب حتى أضع لك الطعام فيه عندما تصبح كبيراً مثل جدى !!!

[فــيــروز]

مشط كبريت لو سمحتي بقالي ساعه بوله البوتوجاز ومش عايز

اوعي تقولي الوزن وبتاع

انتى بتقولى فيها :P انا فعلا كنت على وشك اتهف وزن فى المطار .. ولو الراجل كان فتح الشنطه اللى اشتريتها جديد دى عشان باقى الهدايا كان بصم بالعشره انى تاجرة شنطه مع ان والله العظيم الشنطه كلها كانت هدايا لا تهدف للربح .. :unsure:

ابو يوسف ..

انا قريت قصه مماثله لتلك التى اخترتها وكانت سبب فى بعض المنازعات مع من ارسلوها رغم انها لم تكن من تاليفهم الشخصى بس مش عارفه ليه رايى اللى قلته تعليقا عليها ضايق البعض .. يا ريت مايضايقكش :D

بيقول لك يا سيدى اسره لديها بيت كبير .. زوج و زوجه و ابناء .. الجد "والد الزوج" يعيش معهم و قد اختارت له الزوجه حجره متطرفه فى الحديقه بعيدا عن المنزل .. وفى يوم وجدت الام ابنها يرسم لوحه فسالته عنها فقال ارسم بيتى للمستقبل .. فسالته عن الركن البعيد الهادى "ده غير بتاع انغام طبعا" :P فقال انه الحجره التى اعدها لها لتعيش فيها فى المستقبل كما يعيش الجد الآن ..فالزوجه فزعت و نقلت حماها الى افضل غرف المنزل و الزوج اما رجع البيت و اكتشف التغيير ابتسم ابتسامه عريضه وشكر زوجته !! hpc:!:

انتهت القصه ..

والتعليق ببساطه هو ان هذا الزوج الذى يترك زوجته تضع والده فى ركن مهمل بالمنزل ويكتفى بان يترك الامر لضميرها حتى تتنبه اليه بطريقه عفويه غير مقصوده هو من يستحق التعليق على موقفه بالكثير من الامتعاض و الاستهجان non:: .. ليس فقط لانه زوج وينبغى ان تكون له القوامه و غير هذا من الامور المفروغ منها ولكن لانه لو ببساطه شديده سال نفسه لو كانت والدة زوجته هى التى تقيم معهم هل كانت ابنتها تسكت على تركها تعيش فى غرفه مهمله بعيده !! فكيف يقبل لابيه هذه المعامله وقد يكون هو صاحب الفضل الاساسى فى حصوله على هذا البيت من البدايه !! حاجه غريبه والله !! mf(