يحي الجمل يكشف خُدعة الإستفتاء على الدستور

[se_ Elsyed]

والله العظيم أنا بأضرب كف على كف

طب لازمتها إيه الشحططة والغزوات والإختلافات طالما لسه يحي الجمل قايل بعضمة لسانة للمرة الأولى إن بالموافقة على تعديل الدستور تم إسقاط دستور 71 تماماً .. وبالتالي الإعلان الدستوري اللي هايُعلن بكره أو بعده بالكتير .. سيقوم على التسع مواد اللي إتعدلوا مع بعض المواد المؤقتة المنظمة للحياة السياسية

طبعاً كلام غريب ومفاجيء ووضح حاجات كتير ودل على إن في ناس لسه بتتعامل معانا إننا مش أصحاب البلد ومش مهم نفهم

يعني كل الهليلة دي كانت على المواد المُعدلة فقط .. وبالتالي زي ما قولنا لا المادة الثانية كانت محل جدل او خلاف .. ولا كمان اللي قالوا لأ مثلي عشان سلطات الرئيس المطلقة كانت محل جدال او قلق

ههههههههههههه

يعني فعلاً نعم كانت = لا

تخيلوا

وفي كلتا الحالتين الدستور كله هايتغير

لكن تظل النقطة اللي منكدة عليه حياتي هي وبتخليني أضرب ولادي ليل نهار هي أشتراطات الترشح للبرلمان اللي بالمنظر ده بأسمية برطمان مش برلمان

[pink rose]

يالهوي هو انت لسا واخد بالك دلوقتي ان نعم و لأ كانت على التعديلات بس

مش على الدستور ككل

ما المجلس العسكري قال كده كده الدستور بتاع 71 سقط و انا كنت حطيت الفيديو هنا قبل كده

[م تيمور المراغي]

القضية باختصار كانت هل البرلمان قب الرئيس

ام الرئيس قبل البرلمان

لو البرلمان الاول يبقى الاخوان حييجوا ودول بتوع صفقات ومساومات ومكيافليين زي مالكل عارف يبقى الجيش ليه سكه معاهم ,,

لو الرئيس الاول حييجي من النخبة المثقفة الل بيمثلها تيار لأ وحتتفتح ملفات الفساد وتعالى يا مشير من اين لك هذا

عشان كده كان واضح اوي تعاطف الجيش مع التصويت بنعم ومع التيار الاسلامي بشكل خاص ,,

لكن والله بيحلموا

سواء دول ولا دول ,,

مافيش مكان في المستقبل لا لفاسد ولا مدلس ولا لرجعي ,,

المستقبل للوطني المخلص المثقف الشريف وبس ,,

[se_ Elsyed]

يالهوي هو انت لسا واخد بالك دلوقتي ان نعم و لأ كانت على التعديلات بس

مش على الدستور ككل

ما المجلس العسكري قال كده كده الدستور بتاع 71 سقط و انا كنت حطيت الفيديو هنا قبل كده

لأ يا ريم

حتى لو أنا وإنتي كنا فاهمين كده ... فالاغلبية ما كانتش عارفه ولا فاهمه كده ... والموضوع كان مبهم

وخلي بالك إن كل تأكيدات بتوع القانون كانت بتقول إن الدستور معطل فقط ....

[الباشمهندس ياسر]

مافيش مكان في المستقبل لا لفاسد ولا مدلس ولا لرجعي ,,

المستقبل للوطني المخلص المثقف الشريف وبس ,,

انت يا واد يا بتاع المراغة

خليك حكيم ف كلامك

احنا ف الدنيا

يعني هيفضل الاناني و الطماع و الحرامي موجودين

و الي الابد

و هيبقي ليهم مكانهم و مكانتهم الجامده كمان

دائما يا تيمور اهل الباطل ما بيكلوش ولا بيملوش

شغالين 24 علي 17 مش 7 بس

لا توقف علي راي الجماعة الخلايجة

و بالمناسبة

احنا هنخسر الحرب مع الاسلاميين

انت قاعد بره و مش حاسس باللي بيحصل

الاخوان و الجماعات كلها اللي كان ليها علاقة بالسياسة و اللي ملهاش .. دلوقتي كلهم بقوا سياسييين و بيرتبوا الوضع هيبقي شكله ايه لما يمسكوا البلد

و انت مش محتاج اقولك شعبيتهم اد ايه

فاطمن .. هيمسكوا البلد مننا هيمسكوها

الرهان بقي ف تخيلي

هتبقي لفة واحدة و الشعب بعد كده يفوق ولا هيطلعوا ناصحيين و تفضل ف ايديهم علي طووووووووول

[م تيمور المراغي]

ماهو انت يا ياسر ماعندكش فكرة عن الترتيبات اللي بنرتبها لقلب المائدة عليهم لو ده حدث ,,

مبارك = الاخوان المسلمين يعني حنرجع للميدان تاني لو ده حصل ,,

البلد امانة في اعناقنا ولو ضربت الاعناق مش حنسلمها على طبق من ذهب لاي مدلس

ان شاء الله ,,

[ComingSoon]

هي فعلاً

(نعم) مقاربة جداً لخيار (لا) لكن نعم افضل بكثير

رئيس بدون برلمان ودستور = فرعون جديد وهذا ماكان يريدة قادة تيار (لا) من مثقفين عاشوا وتعايشوا علي مص دماء الشعب بحجة انهم يفهمون ويفكرون بالنيابة عن الشعب

اما (نعم) = برلمان منتخب من الشعب يختار لجنة منتخبة لوضع دستور ثم يأتي رئيس فتكون السلطات متوازنة بين البرلمان والرئيس ويحكمهم دستور وضعتة لجنة منتخبة في النور وامام الجميع

نعم = اجراءات ديمقراطية

لا = ديكتاتورية وطبخ دستور في غرف مظلمة لايعلم الشعب عنها شئ

[جسار]

أنا شايف اللى بيحصل ده عك فى عك وشغل طلسقة ، يعنى ايه يتم طرح تسعة مواد من الدستور على

الشعب للاستفتاء ثم يلحق بهم بضعة قوانين خلال أيام ، طيب القوانين الجديدة دى محلها أيه

من الاعراب فهى لم يتم الاستفتاء عليها أو حتى على الاقل - بحكم انها قوانين صادرة من المجلس

العسكرى الحاكم الذى ينوب عن الرئيس - لم يتم طرحها للنقاش وتبادل الآراء بشكل مجتمعى موسع

يعنى هو المطلوب نوافق ونحن مغمضى الاعين ، أليس هذا مستقبلنا ومستقبل البلد جميعها

ولماذا يتم رفض فكرة تكوين مجلس رئاسى موسع يمثل أطياف الدولة ويتم تخفيف العبء عن الجيش

ونقدر نوضع دستورنا الكامل براحتنا و أجماع الكل من غير صربعة ولاعجلة.

اما عن قضية الخوف من شهوة الاخوان للوصول الى الحكم أقدر أقول ان هنالك عوامل خارجية هامة

للغاية فمصر ليست دولة صغيرة وهى دولة محورية فى المنطقة ولايمكن ان تترك الامور تسير

فى طريق يخالف الاجماع الدولى ، أقول هذا وانا متضايق ولست بسعيد لهذا الوضع فالأمر السليم

هو ان نقرر مانريده وصناديق الاقتراع هى التى تحدد من يحكم ولكن ومرة أخرى نحن لانعيش وحدنا

فى هذا العالم ، أمور كثيرة وغالبا مخفية وغامضة هى التى تتحكم فى مصير تجربتنا السياسية .

[م تيمور المراغي]

الشعب اللي باع ضميره وصوته بازازة زيت مش حنضعه في حساباتنا للاسف الفترة القادمة ,,

رهاننا الان على النخبة المثقفة الواعية لكي تكمل الثورة التي بداناها حتى النهاية ,,

والايام القادمة ستشهد تطورات مبشرة ان شاء الله ,,

[mustafagamiel]

الشعب اللي باع ضميره وصوته بازازة زيت مش حنضعه في حساباتنا للاسف الفترة القادمة ,,

رهاننا الان على النخبة المثقفة الواعية لكي تكمل الثورة التي بداناها حتى النهاية ,,

والايام القادمة ستشهد تطورات مبشرة ان شاء الله ,,

بصراحة رد مستفز جدا ياهندسة

واتمنى الاعتذار عما قلته في حق الناس

[ComingSoon]

الشعب اللي باع ضميره وصوته بازازة زيت مش حنضعه في حساباتنا للاسف الفترة القادمة ,,

رهاننا الان على النخبة المثقفة الواعية لكي تكمل الثورة التي بداناها حتى النهاية ,,

والايام القادمة ستشهد تطورات مبشرة ان شاء الله ,,

هذا هو تقديرك لشعب مصر

لاتعليق ,,

[أبو محمد]

ياسى السيد

قعدنا نكتب لما الكى بورد اتنبح .. وبرضوا تلاقى اللى بيرد ويقولك مش عاوزين ترقيع .. احنا عاوزين دستور جديد .. نحط فيديو واتنين لممدوح شاهين وهو بيأكد الكلام ده وإن الجمعية التأسيسية مش بالضرورة من المجلس الجديد .. تلاقى اللى بيرد ويقولك ازاى مجلس شعب ننتخبه حسب دستور 71 ونصه عمال وفلاحين وتلات ارباعه (مفيش غلط فى الحساب :)) ينتخب منه 100 يكتبوا الدستور ؟ .. فى الحقيقة غلب حمارى وبالذات من الناس اللى دفسوا المادة التانية

المسألة ببساطة ياسى السيد هى عدم الثقة فى النفس .. وبالذات من شباب الثورة .. اللى بدون قصد (وبمقولتهم الشهيرة "نحن لسنا على استعداد ، والإخوان والفلول بس هم اللى مستعدين) وضعوا اعتراف ضمنى لمعارضيهم من الإخوان والفلول إنهم (أى الشباب) ناس دخلوا ميدان مش بتاعهم أو بمعنى آخر إنهم ما كانوش قاصدين .. يعنى الحكاية جت معاهم ستروبيا ...... مش انا اللى باقول .. ده تفسير المقولة اللى بين قوسين واللى خلت حزب الكنبة (على رأى الفاضل شرف الدين) يقل تعاطفه مع الشباب .. وأصبحت صورتهم إنهم ناس بيقولوا "لأ" الأول وبعدين يحاولوا يفهموا .. ولو فهموا انهم كانوا غلطانين لا يعترفون بذلك

ده رأى صريح .. أو مواجهة صريحة من واقع الحب لهؤلاء الشباب .. ومن واقع أن "صديقك من صدَقـَك لا من صدَّقـَك"

وبصراحة أيضا .. أنا لا أعفى المجلس الأعلى للقوات المسلحة من مسؤولية البلبلة وعدم وضوح الرؤية .. ولقد صرحت بهذا أكثر من مرة تليفونيا مع زملاء أفاضل من فريق الإشراف .. فلقد كان يجب عليهم أن يضعوا سيناريو ما بعد "نعم" وسيناريو ما بعد "لا" بكل وضوح قبل الاستفتاء حتى يعرف من يدلى بصوته نتيجة ما سيضعه فى الصندوق .. وحتى لا يعطوا فرصة للمضلـَّلين والمضلـِّلين أن يفعلوا أفاعيلهم بالأتباع الذين تربوا وتدربوا على السمع والطاعة

[مغتربة]

أنا شايف اللى بيحصل ده عك فى عك وشغل طلسقة ، يعنى ايه يتم طرح تسعة مواد من الدستور على

الشعب للاستفتاء ثم يلحق بهم بضعة قوانين خلال أيام ، طيب القوانين الجديدة دى محلها أيه

من الاعراب فهى لم يتم الاستفتاء عليها أو حتى على الاقل - بحكم انها قوانين صادرة من المجلس

العسكرى الحاكم الذى ينوب عن الرئيس - لم يتم طرحها للنقاش وتبادل الآراء بشكل مجتمعى موسع

الى انا عايزه اسال عنه هو هل يصح من الناحيه التشريعيه اصدار قوانين فى الاوقات التى تكون فيها الدستور معطل

يعنى انا مش مستوعبه ان الدستور الاساسى يكون معطل و فى بيان دستورى بمواد محدده و بعدين يتم اصدار قوانين جديده\طيب القوانين الجديده دى مبنيه على اى اساس دستورى اذا كان الدستور نفسه معطل و بتستمد قوه احكامها من ايه و الى عايز يطعن عليها يطعن عليها فين

هو يصح اصدار قوانين جديده فى اوقات الفراغ الدستورى زى الى احنا فيه دلوقتى

يا ريت الى عنده خلفيه يقولى لانى مش حاسه ان دا تصرف سليم قانونيا

[م تيمور المراغي]

اسحب كلمة الشعب واضع مكانها الناس ,,

يبقى الجملة بالشكل التالي :

الناس اللي باعت ضميرها وصوتها بازازة زيت لا مكان لها في حساباتنا الفترة المقبلة ,,

[pink rose]

الشعب اللي باع ضميره وصوته بازازة زيت مش حنضعه في حساباتنا للاسف الفترة القادمة ,,

رهاننا الان على النخبة المثقفة الواعية لكي تكمل الثورة التي بداناها حتى النهاية ,,

والايام القادمة ستشهد تطورات مبشرة ان شاء الله ,,

الشعب مش هاتضعه في حساباتكم؟؟؟؟؟؟

امال انتوا عاوزين تحكموا ناس من كوالالمبور و لا ايه

معلش سؤال تاني

هاتعرفوا منين مين اللي اخد زيت و مين اللي قال نعم لانه مقتنع بيها و اخد الرأي دا بعد تفكير و قناعة

و لا هاتعاملوا كل اللي قال نعم بنفس المنطق انكم تستبعدوه من حساباتكم

و لما انتوا مستكبرين على الناس الغلابة من اولها كده و ما فيش في ايدكم سلطة هاتعملوا ايه لو ربنا حكمكم عليهم

طب انا كتير من اهلي بقى قالوا نعم و لا خدوا زيت و باكو شاي هااااااااااا هاتعاملوهم ازاي عشان ابقى عارفه

باشمهندس اللي حضرتك بتقوله دا حقيقي بيخسر حضرتك كتير و الحركة اللي حضرتك منتمي ليها بجد لو هو دا تفكيركم ابشرك ان ما حدش هايسمعكم بجد

[م تيمور المراغي]

لو تركوا سلاح خداع الناس باسم الدين لن يستطيعوا الصمود امام اي مثقف او مفكر اكثر من 10 دقائق ,,

البلد دلوقتي امام خيار من اتنين ,,

يا اما للخلف در ,,

يا اما للامام سر ,,

مش حتقف ابدا خطوة انتباه ,,

http://www.youtube.com/watch?v=xHthz6to688

[م تيمور المراغي]

الشعب اللي باع ضميره وصوته بازازة زيت مش حنضعه في حساباتنا للاسف الفترة القادمة ,,

رهاننا الان على النخبة المثقفة الواعية لكي تكمل الثورة التي بداناها حتى النهاية ,,

والايام القادمة ستشهد تطورات مبشرة ان شاء الله ,,

الشعب مش هاتضعه في حساباتكم؟؟؟؟؟؟

امال انتوا عاوزين تحكموا ناس من كوالالمبور و لا ايه

معلش سؤال تاني

هاتعرفوا منين مين اللي اخد زيت و مين اللي قال نعم لانه مقتنع بيها و اخد الرأي دا بعد تفكير و قناعة

و لا هاتعاملوا كل اللي قال نعم بنفس المنطق انكم تستبعدوه من حساباتكم

و لما انتوا مستكبرين على الناس الغلابة من اولها كده و ما فيش في ايدكم سلطة هاتعملوا ايه لو ربنا حكمكم عليهم

طب انا كتير من اهلي بقى قالوا نعم و لا خدوا زيت و باكو شاي هااااااااااا هاتعاملوهم ازاي عشان ابقى عارفه

باشمهندس اللي حضرتك بتقوله دا حقيقي بيخسر حضرتك كتير و الحركة اللي حضرتك منتمي ليها بجد لو هو دا تفكيركم ابشرك ان ما حدش هايسمعكم بجد

مشاركة 14 نسخت الكلمة يا مدام ريمو ,,

لو حضرتك قريتيها ,,

تحيتي ,,

[pink rose]

شوفتها بعد ما كتبت ردي

بس معلش يا باشمهندس حضرتك ازاي تلوم على حد غلبان مش لاقي ياكل انه عمل كده

الاولى انكم تتعاطفوا معاهم مش تسقطوهم من حسابتكم

لاحظ حضرتك ان الطبقة دي اغلبية في مصر

يبقى من باب اولى تعرفوا طلباتهم و تتعاملوا معاهم بالطريقة اللي تكسبوهم بيها مش تقصوهم من الحسابات

[ozoozo]

اسحب كلمة الشعب واضع مكانها الناس ,,

يبقى الجملة بالشكل التالي :

الناس اللي باعت ضميرها وصوتها بازازة زيت لا مكان لها في حساباتنا الفترة المقبلة ,,

تيمور

ممكن توضح اكتر

يارب ما يكونش اللي فاهمه صح ؟

الناس دي سواء قالت اه بتاثير الزيت

او عن اقتناع فلايسقطوا من الحسابات

بل عليك بتوعيتهم :protest:

وان لم يقتنعوا

فايضا لا يجب اسقاطهم من حساباتك

تم تعديل 24 مارس 2011 بواسطة ozoozo

[fatfouta]

اسحب كلمة الشعب واضع مكانها الناس ,,

يبقى الجملة بالشكل التالي :

الناس اللي باعت ضميرها وصوتها بازازة زيت لا مكان لها في حساباتنا الفترة المقبلة ,,

شعب وناس !!!! مالناس يعنى الشعب والشعب يعنى الناس

أسفة مش من حقك ولا من حق اى حد مهما ان كان يقول كده يا باشمهندس

مش هنكرر نفس الاخطاء اللى احنا بنشتكى منها