متابعة استفتاء 19 مارس .. يوم قد يسجله التاريخ

[se_ Elsyed]

12- الدعوة لانتخابات مجلس شعب طبقا للدستور الجديد

لو النقطة دي صح يبقى منتهى التهريج

مين عضو المجلس المحترم اللي هايصرف على الدعاية والبرامج وغيره عشان يقعد 6 شهور بس والمجلس يتحل ؟

[se_ Elsyed]

كتب - يوسف جمال:

ألقت الشرطة القبض على السيدة هناء شحاتة حنين عبد السيد ''37 سنة - موظفة''، من عرب بخواج مركز طهطا في سوهاج، وتقديمها للمحاكمة العسكرية، بعد أن ادلت بصوتها في مقرين انتخابيين مختلفين.

وأمر الحاكم العسكري الذى رفض الواسطة من قبل 4 من القساوسة وعلى رأسهم القس صليب والقس كاهن كنيسة عرب بخواج والقمص إليا بقرية الشيخ مسعود، بإحالة المتهمة للمحاكمة العسكرية، بعد غلائها بصوتها مرتين.

وكان المستشار وائل محمود حسن، رئيس لجنة الاستفتاء بمدرسة عرب بخواج الابتدائية قام بتحرير محضر بالواقعة وإحالته لمركز الشرطة، الذى قام بدوره بإحالته للنيابة العامة.

[Ahmed Anwer]

رجعت تاني علي الساعة خمسة و نصف ،، نفس اللجنة

و الطابور قل حاجة بسيطة ،، قلت اشطه

و أديي صور الطابور الساعة خمسة و نصف

قلت ما بدهاش بقه ،،

اضطريت اقف ،، و تأكدت من كلام الناس إن كل اللجان بنفس الوضع

و المدام وقفت في طابور النساء ،، المدام مفيش نص ساعة و لقيتها خلصت

العبد لله الحمد لله خلص الساعة 8 و نص

ثلث ساعات طابوووووور !!!!

السبب كمية كبيرة جدا من عمالة البناء و التشييد ،،، أكبر بكتير من سكان التجمع الخامس

اللي عايز اقوله باختصار أخلاق ميدان التحرير في عز الثورة كانت هيا أخلاق الاستفتاء

تقريبا التنظيم يعتبر أهلي ،، الوجود الأمني لا يذكر ،،

الناس واقفة كلها سعيدة و مبتسمة و مستحملين الطابور علي قلبهم زي العسل و كله بيقول أول مرة أروح انتخابات

و محدهش بيتكلم علي لأ أو نعم ،،، دي حرية شخصية (( أخلاق الثورة ))

و الطابور منتظم و سريع و متعاون ،، كمان ناس راحت اشترت كارتونة ماية و وزعتها علي الناس الواقفة !!!

اللي قبلي و اللي بعدي و أنا صوتنا ب لأ ،،

و ده لأنت في الآخر مكنشي فيه ستارة سوداء ،،، الموضوع مش مستحمل من الزحمة طلعوا الصناديق و الملفات بره السرداق في حوش المدرسة

عشان ينجزوا و القاضي قاعد و كله تمام ،،

علي الهامش ،،

((هأخرج عن أخلاق الثورة)) بس بجد بعد اللي شوفته النهاردة ،، نفسي النتيجة تكون نعم ،،

الراجل المستشار طارق البشري ده فعلا فاهم كويس و مالهوش طموحات شخصية

لو حصل انتخابات برلمان ،، دلوقتي ،، هتجيب أنضف برلمان ممكن يجي في مصر

و الناس بأخلاق و مبادئ الثورة كده ،، لسه متلوثوش و رجعوا لريتم الحياة الطبيعي

عارفين لو الانتخابات بعد فترة طويلة ،، كله هيضبط ورقه و يعيد حساباته

[se_ Elsyed]

العاشرة مساءً عرضوا شريط فيديو مصور عن تعديلات الدستور 2007 ...

منتهى المسخرة في عهد ملك المسخرة مبارك

الصناديق فاضية جداً

والموظف ماسك الورق عمال يملاها بنفسه

وجايبين ناس بعد ما أنتخبوا وبيقولوا هما أدونا وجبات وفلوس وقالوا قولوا نعم وبس وكله تمام ونعم نعم على أي حاجه عشان الامان لكن إحنا ما نعرفش دستور ولا أم الخلول

[eslam elmasre]

كتب - يوسف جمال:

ألقت الشرطة القبض على السيدة هناء شحاتة حنين عبد السيد ''37 سنة - موظفة''، من عرب بخواج مركز طهطا في سوهاج، وتقديمها للمحاكمة العسكرية، بعد أن ادلت بصوتها في مقرين انتخابيين مختلفين.

وأمر الحاكم العسكري الذى رفض الواسطة من قبل 4 من القساوسة وعلى رأسهم القس صليب والقس كاهن كنيسة عرب بخواج والقمص إليا بقرية الشيخ مسعود، بإحالة المتهمة للمحاكمة العسكرية، بعد غلائها بصوتها مرتين.

وكان المستشار وائل محمود حسن، رئيس لجنة الاستفتاء بمدرسة عرب بخواج الابتدائية قام بتحرير محضر بالواقعة وإحالته لمركز الشرطة، الذى قام بدوره بإحالته للنيابة العامة.

هو ده الصح ومافيش لا واسطة ولا بسطة

المزور يتحاسب ويتحاكم وياخد جزاءه وبلا رحمة ولو جابوله شنوده ولا احمد الطيب

[fatfouta]

النتائج الأولية بدمياط: 75 % موافقون على التعديلات الدستورية

[mustafagamiel]

خبر عاجل

من اركتكت : عااااجل : تم اعتقال نشطاء من الحركة امام احد اللجان في امبابه من قبل الشرطة العسكرية

على مسؤلية اركتكت

[fatfouta]

R.N.N | شبكة رصد's Photos - إستفتاء 19 مارس | رصد داخل لجان الفرز

[fatfouta]

أيها الحزب الوطني, مالى أري الشعب منظم و متحضر و فى أزهى حالاته من بعدك؟ ضيعت 30 سنة من تاريخنا و نحن سنمحوك من التاريخ

[arkan]

ربنا يديكى الصحة يا فتفوتة

متابعة

[fatfouta]

الله عليك يا شعبى محافظ وبيعتذر

اوعى وشك الثورة

«وزير»: لم أقصد تجاوز «طابور التصويت» واعتذرت للناخبين عن «سوء الفهم»

[fatfouta]

ربنا يديكى الصحة يا فتفوتة

متابعة

والله دى احسن دعوة ربنا يخليكى يا اركونة

احسن الصحة راحت خلاص ومابقاش فيها والله ربنا يعينا على كل اللى بنشوفه

ويسترها يارب

[Om Zayd]

فتفوتة .. حبيبتي .. دايما مونساني

بندعيلك كلنا على فكرة

ادعي معانا ربنا يتمها على خير

المهم اللي جاي

المهم اللي جاي

المهم اللي جاي

ايدنا مع بعض نخلي مصر احلى بلد

[fatfouta]

زيت وسكر فى وش البرادعى!!!!!!!!

والله انا لا مع البرادعى ولا عمرو موسى لغايت دلوقتى ولا اى حد غيرهم

لكن ارفض الهمجية وامتهان الكرامة لاى شخص مهما ان كان ما بالكم بشخص له مكانته العاملية ويتهان فى بلده

عيييييب يا بتوع الحزب الواطى كده جتكم القرف

هو الزيت والسكر بكام دلوقتى :closedeyes: :closedeyes:

تم تعديل 19 مارس 2011 بواسطة fatfouta

[Ahmed Anwer]

بخصوص فيديو التزوير ،،

ناس بتقول إنه فيديو قديم من 2007 و منزلينه مخصوص بيضحكوا علي الناس

و بيقولوا ،،

ورقة استفتاء النهارده التعديلات مكتوبة في صفحتين وش بعض

مش الصفحة المقابلة فاضية

و الله أعلم

[fatfouta]

شاهد عيان

نقلا عن قاضي صديقي: الله يسامحكم يا صعايدة 32 واحد بس يقول "لا" من أصل 500 ناخب؟ هتخلوهم يقولوا بيزوروا الانتخابات تانى

الراجل ده عاوز ايه بالضبط عيب كده انا صعيدية :closedeyes:

[fatfouta]

عمرو أديب : تم فرز 9 مليون صوت فى كل مصر و الأغلبية صوتت ب نعم

[se_ Elsyed]

هو أنا لو جبت دلوقت النتيجة من الكنترول .. أبقى وِحش او متشائم ؟

أنا مع التصويت بـ لا وإنتو عارفين ...

و100 % ممن اعرفهم صوتوا بـ لا

لكن النتيجة اللي هاتُعلن بكره او بعده الكثير ... هاتبقى

نعم

وبالتالي علينا تقبُل النتيجة بكل صدر رحب

[Ahmed Anwer]

تأكد خبر إن فيديو التزوير

طلع مزور !!!!

و نوارة نجم حطت الفيديو الأصلي بتارخ 2007

[fatfouta]

حوالي 40 مليون ناخب صوتوا اليوم على التعديلات الدستورية. تحيا الديموقراطية المصرية.. ومهما كانت النتيجة فتحيا مــــصر