اين قواتنا المسلحة من ليبيا

[الباشمهندس ياسر]

اين قواتنا المسلحة من ليبيا

بسم الله

لم يعد يخفي علي احد ما يحدث في ليبيا الان من استعانة بالمرتزقة من العبيد

و قصف بالاسلحة الثقيلة و كأن بن منيار اليهودي يحارب جيشا و ليس مجموعة من المواطنين العزل اصحاب البلد و اسيادها

فما دور مصرنا العزيزة

لن اتكلم عن دور مصر الطبيعي ك قائد للمنطقة العربية و عموم ارض الاسلام

لن اتكلم عن دور الشرف و اغاثة اللهفان و وحدة الدم العربي و حرمته علينا و ما الي ذلك

ان الذي يحدث الان جريمة نكراء في حق الانسانية و لا يصح ابدا ان نتحدث من منطلق انها شؤون داخلية

تخص الليبين فقط انما هي شأن انساني في المقام الاول ثم شأن عربي اسلامي في المقام الثاني

و سأتكلم من بند المصالح .. يعلم الله في سماه ان الشعب سينتصر .. سينتصر لا محالة

فدولة الظلم و ان امتدت الي 40 عاما الا انها ساعة و دولة الحق الي قيام الساعة

و عليه

لما لا تتدخل قواتنا المسلحة و تنهي هذه المهزلة في خلال ساعات معدودة و تؤجل فاتورة الحساب لحين تغيير

نظام الحكم لما يرتضيه الشعب الليبي و عندها سنكون حصدنا حصاد الابد من الخير الوفير و المدد الكثير من

اهالينا في ليبيا

و لعل التلميح فقط يكفي

و لعل فتح باب التطوع لتحرير ليبيا من هذا الكلب .. سيجمع مئات الالاف من شبابنا

و انا اول المتطوعين و لولا يقيني انه لا حرب الا تحت راية قادرة و فاعلة لسافرت علي الفور الي هناك

[الباشمهندس ياسر]

و الله الذى لا اله الا هو

لو كان لي من الامر شيء ما تناولت افطاري الا في قصر الحكم في طرابلس

الناس مش فاهمة ليه و لا خلاص المصريين مبقوش يفهموا

انا النهارده عندي 30 سنة و من عشر سنين فاتت و انا كل ما اتكلم مع حد اقوله ان الوضع هيتغير و ان المصريين هيقلبوا الترابيزة في وش الريس و بقية العصابة

و محدش كان بيصدقني و الاكادة كمان ان بعض الناس كانت بتخاف تكمل معايا بسبب كلامي ف السياسة

الاسبوعين دول اثبتوا اني بتكلم صح

و هزيدكم من الشعر بيت ...

لو متدخلناش دلوقتي ... هنخسر كتيييييييييييييييير اوي

[ComingSoon]

القذافي المجنون يقتل شعبة بالطائرات الحربية والضحايا بالمئات

لاحول ولاقوة الا بالله

[ريمون]

عزيزى استاذ ياسر

اتفق معك اننا لا يجب ان نسكت على المجازر ضد اخواتنا فى ليبيا

خصوصا بعد خطاب المجنون ابن المجنون ده امبارح

لاينبغى السكوت اخلاقيا و لا دينيا و لا اقتصاديا السكوت على الجريمه دى

لكن فى نفس الوقت يوجد مئات الالاف من ابنائنا هناك فى ليبيا

لو تدخلت مصر عسكريا سيكون هؤلاء اول الضحايا

فسيتم تهييج الشعب على المصريين

و انهم يريدوا احتلال ليبيا

و سيقوم هذا المعتوه و اعوانه باباده المصريين فى ليبيا

و ده مجنون و يعملها

اذا لم يشفق على ابناء وطنه هل سيشفق على المصريين؟

يجب ان تفتح المعابر لمرور المساعدات فورا

و تجهيز الجيش لعمليه اجلاء المصريين من ليبيا

لكن غزو ليبيا, فهذا قرار خطير لا يجب ان يتم باندفاع عاطفى

لازم الخارجيه المصريه تتصل بالقذافى و تكلمه او تهدده او اى حاجه بدل نا ابو قردان ده قاعد زى البطه البلدى!

[الباشمهندس ياسر]

العزيز ريمون

ليس ف الامر عاطفة اطلاقا

و لكن هذا الكلب لا يصلح معه سوى هذا الطريق

انها اللغة الوحيدة التي يفهمونها

فكر في الامر بصورة اوسع و ستعلم ما اعنيه من ان تقتنص هذه الفرصة و تحرر ليبيا و يدين لك الشعب الليبي بها الي الابد

اما عن خطورة الموقف نفسه ... فلا خطورة تذكر علي الاطلاق

فلا وجود لما يسمي بالجيش الليبي

الجيش الليبي انتهي تماما يوم ان اقدم الكلب علي غزو تشاد .. الدولة المسلمة الفقيرة شديدة الابتلاءات في جنوب غربي ليبيا

و لم يكن للامر هدف من الكلب القذافي سوي الانتهاء من الجيش الليبي هناك علي ايدي القوات الفرنسية

حتي تنتهي تماما اي محاولة للانقلاب من قادة الجيش عليه

اطمن

انها نزهة و لن تكون معركة بالمعني الحرفي

و اسوق لك مثلا حديثا في التاريخ المصري

لما كثر اللغو و اللغط من الكلب القذافي علي السادات .. قام السادات بغزو ليبيا و علي ما اتذكر الان انه انتهي من المسألة في غضون شاعات معدودة

و لولا التدخل الامريكي وقتها لما خرج السادات

[الباشمهندس ياسر]

هيا نحرر ليبيا

http://www.facebook.com/home.php?sk=group_183512991684975&ap=1

[ريمون]

كل لما افكر اكتر الاقى فكره الزحف العسكرى دى اخطر

انا متأكد اننا لو تدخلنا سننتصر

لكن ماذا عن مسئوليتنا الاخلاقيه بعد الغزو؟

هل ننسحب فورا مخاطرين بحرب اهليه بين القبائل الليبيه؟

ام ننتظر لحين تكوين حكومه جديده و استقرار الاوضاع

وفى اى حال من سيكون مسئول عن الامن؟

حاسس انها هتبقى زى العراق

و هتدبس فيها زى ما امريكا اتدبست فى العراق

ربنا يستر و باقى الجيش ينقلب على القذافى

[الباشمهندس ياسر]

ريمون

لو اكتفينا بتدمير مدارج المطارات

و دمرناله كام مخزن سلاح علي شوية مباني في حركة قصف جوي خاطفة

الموضوع هينتهي و الشعب هناك كفاءة يقوم بالباقي

[ريمون]

ممكن السماح للطيارين الليبين باللجوء لمصر بطائراتهم

حيث يتصلوا بالسلطات المصريه و تصطحبهم طائراتنا من الحدود حتى هبوطهم فى مطاراتنا العسكريه الغربيه

[ريمون]

ريمون

لو اكتفينا بتدمير مدارج المطارات

و دمرناله كام مخزن سلاح علي شوية مباني في حركة قصف جوي خاطفة

الموضوع هينتهي و الشعب هناك كفاءة يقوم بالباقي

ده حل برضوا بس اخاف على اولادنا هناك!

[aimen]

هو انا ممكن اسأل سؤال

الم يكن بإمكان رجال القوات الجوية الليبية اللى عملوا لجوء سياسى الى مالطة

تدمير مدرجات المطار اللى اقلعوا منه والقيام بتلك المهمة ؟

انا شايف انه تصرف سلبى جدا منهم فى الموقف ده

[pink rose]

هو انا ممكن اسأل سؤال

الم يكن بإمكان رجال القوات الجوية الليبية اللى عملوا لجوء سياسى الى مالطة

تدمير مدرجات المطار اللى اقلعوا منه والقيام بتلك المهمة ؟

انا شايف انه تصرف سلبى جدا منهم فى الموقف ده

بصراحة مش عارفه ايه الجيش المخزي دا

حد يدمر اهله كده

ازاي طب هو مجنون رسمي

كل جيشه مجانين

ازاي لحد دلوقتي مش قادرة افهم

و لا يكونوش مش ليبين اصلا

الله ينتقم منه و يحرق قلبه على عياله كلهم زي ما حرق قلب الناس

[الباشمهندس ياسر]

عاجل | ليبيا | رصد :بوادر تدخل دولي في ليبيا .. النيتو يلمح لذلك#libya

لو ده حصل .. يبقي الجيش المصري ملوش كلمة و ملوش لزمة و معاك 300 سنة تانية عشان تلاقي فرصة زي دي

ااااااااااه يا بلد مفيهاش راجل بيفهم و يملي العين و يبقي قد اسمها

[الباشمهندس ياسر]

ده حل برضوا بس اخاف على اولادنا هناك!

طب احب انا اطمنك يا استاذي

بالطريقة اللي بنتعامل بيها مع المسألة ... الاتنين مليون مصري مش هيرجع منهم غير 300 الف او نص مليون بالكتير اوي

هو انا ممكن اسأل سؤال

الم يكن بإمكان رجال القوات الجوية الليبية اللى عملوا لجوء سياسى الى مالطة

تدمير مدرجات المطار اللى اقلعوا منه والقيام بتلك المهمة ؟

انا شايف انه تصرف سلبى جدا منهم فى الموقف ده

ايوه موقف مخزي

بس يكفيك شر الخوف و هما كده متهيالهم انهم عملوا احسن حاجة ممكن تتعمل

اللي ع البر عوام يا صاحبي

[ريمون]

عاجل | ليبيا | رصد :بوادر تدخل دولي في ليبيا .. النيتو يلمح لذلك#libya

لو ده حصل .. يبقي الجيش المصري ملوش كلمة و ملوش لزمة و معاك 300 سنة تانية عشان تلاقي فرصة زي دي

ااااااااااه يا بلد مفيهاش راجل بيفهم و يملي العين و يبقي قد اسمها

افتكر ان لو قوات اجنبيه اتدخلت هتدخل لأجلاء رعاياها

مفتكرش حد غربى هيعوز يتلغوص فى منطقتنا تانى بعد درس افغانستان و العراق

انا دورت على اخبار اجنبيه ملقتش غير نداء سفير ليبيا لدى الامم المتحده اللى انشق على القذافى و هو بينادى بالتدخل الدولى

[الباشمهندس ياسر]

اتفضلوا شوفوا

لعربيه:الجيش النمساوي يعلن اغلاق المجال الجوي الليبي

[الباشمهندس ياسر]

افتكر ان لو قوات اجنبيه اتدخلت هتدخل لأجلاء رعاياها

مفتكرش حد غربى هيعوز يتلغوص فى منطقتنا تانى بعد درس افغانستان و العراق

انا دورت على اخبار اجنبيه ملقتش غير نداء سفير ليبيا لدى الامم المتحده اللى انشق على القذافى و هو بينادى بالتدخل الدولى

طب يعني ايه اغلاق المجال الجوي الليبي

ممكن توضحلي..؟؟؟

يا ريمون

صدقني ملهاش حل تاني

[الباشمهندس ياسر]

علن انا المهندس ياسر علام .. براءتي التامة امام الله ثم الملائكة الحضور ثم من بلغه قولي من الناس .. من كل ولي امر قصر في نصرة اخواننا الليبين امام هذا الطاغية الكافر الفاجر كلب اليهود معمر القذافي

[ريمون]

Austrian plane with EU citizens stuck in Libya, airspace "blocked"

معناها ان المجال الجوى مقفول و فيه طياره بتاعتهم محبوسه فى المطار

يعلم ربنا انا قالبى واجعنى على الناس هناك زى ماكان قلبى موجوع على ولادنا ليله الاربع الاسود فى ميدان التحرير

فاكر صدام لما كان بيقصف شعبه فى كردستان بالكيماوى و لما اباد 100 الف من الشيعه لما ثاروا عليه بعد حرب العراق؟

لكن بعد اطاحت بيه امريكا, كل العالم قلب على امريكا.

و قالوا اللى ماتوا فى ال8 سنين اللى فاتوا اكتر من اللى قتلهم صدام بكتير

التدخل فى شئون البلاد التانيه امر ليس بالهين و تاثيره بيستمر عقود

[الباشمهندس ياسر]

القوات الايطالية دخلت ليبيا

حسبي الله .. خلتونا مهزلة بين الامم