25 يناير ... موعد المصريين (10)

[شرف الدين]

عارفين المشكلة ايه في كلام السيد / عمر سليمان دلوقت

إنه مش بيتكلم بلسانه

هو بيتكلم على لسان السيد الرئيس

لأن السيد عمر سليمان لسه ما أخدش الشرعية

[م تيمور المراغي]

استاذ شرف الدين مداخلتك الاخيره ولا اروع ,,

ايمن بك

مرض ستوكهولم اضاء لي كثير من المواقف التي رأيتها اليوم من بعض الزملاء ,,

بكره اجمل و اروع ان شا ءالله

ويارب يشفي كل مريض ,,

[Om Zayd]

والله حرام اللى بيحصل ده

احنا بنحرق فى بلدنا

انا للمره المليون وغاليا هاوصل لالف سالب

انا لااؤيد بقاء المعتصمين فى ميدان التحرير

خلاص حصل المطلوب

سيدي الفاضل

ما الضرر من بقائهم في ميدان التحرير

هل بقاؤهم في الميدان هو السبب في غياب الأمن؟؟

فسر لي من فضلك "حصل المطلوب" ,, كل ما اخذناه كلام

المشكلة اننا فقدنا الثقة في النظام

و هو بدوره لا يقدم أي ضمانات

مثل الجميع .. خايفة من بكرة

عايزاها سلمية .. و لو بلطجية ابتدوا بالعدوان .. نحيدهم

لو حد بيخرب .. احنا اللي نوقفه عند حده

المطالب تبقى واقعية و عملية

تاني بقولها

مصر أمانة

ادعوا أوي أوي

[م تيمور المراغي]

مدير المخابرات بيسال المذيع التختوخ مين اللي دفع بتوع الجمال والحمير ...؟؟

مين اللي دفعهم ؟؟

مين يا تيمور

مين يا ام حسين ؟؟

مين

مين ؟؟

[Falcon Crest]

انا دلوقت هقول شوية خواطر في بالي

شفت الأخ الظريف تامر حسني وهو بيقول لو أبوك

ساعات بحس إننا احنا المصريين بنحب نتعذب وبنحب نتحكم بالحديد والنار

نفسي أفهم ليه فيه ناس بتقول ( هو أبونا )

مبارك يا اخوانا مش أبونا

يا جماعة لازم تفهموا كده وتحطوه في دماغكم ومتشيلهوش أبدا

عمر الحاكم ما كان أب.

أبونا له فضل علينا إنه هو الأب اللي خلفنا وربانا وكبرنا وصرف علينا

إنما الحاكم مالوش فضل علينا

ده بالعكس احنا اللي لينا فضل عليه

إذا كان هو تحمل وتعب وواجه زي ما بيقول

فهو برضه كان حاكم - والحكم ده قوة هايلة - يعني ميزة هايلة هو استفاد بيها

تفتكروا لو مبارك كان واحد زينا كده - كان ابنه جمال بقى له كل النفوذ ده - كان حفيده ( محمد رحمه الله ) جنازته اتذاعت على الهوا

وبعدين مبارك كان حاكم مين - ده مش أي دولة - مصر - اللي كان فرعون بيفتخر بيها - وقالها ربنا في القرآن ( أليس لي ملك مصر )

فسيادتك يا ريس ما كنتش بتتكرم علينا لما تحكمنا

دي الخاطرة الأولى

الخاطرة التانية

للأسف محدش بيتعلم الدرس أبدا

بالأمس القريب كان هشام طلعت مصطفى رجل أعمال ناجح بدرجة فاسد وعضو في الحزب الوثني بدرجة فاسد جدا وعضو في مجلس الشورى بدرجة فاسد جدا جدا جدا جدا جدا

وبين عشية وضحاها طار هشام طلعت مصطفى.

أحمد عز ... نفس التقديرات بالظبط. ولدقوتي أحمد عز ممنوع من السفر وبكرة هيدخل السجن

ما اتعلمش الدرس.

الخاطرة الثالثة

شفنا ازاي البقاء الطويل في السلطة بيسبب البلاوي دي كلها

بيخلي صاحب الكرسي بينظر للكرسي على إنه حياته.

وعلى استعداد يضحي بكل حاجة في سبيل الكرسي

حتى لو حرق الأخضر واليابس

الخاطرة الرابعة

بقولها لقواد الجيش المصري

أنا عارف كويس معنى الطاعة العسكرية

لكن مينفعش نضحي بكل الناس دي عشان شخص واحد

انتو لو رفعتم ايديكم عنه صدقوني المسألة هتنتهي

مش عايزين نقول انكم تقوموا بانقلاب عسكري

لما على الأقل هددوه برفع ايديكم عن الأمر والعودة للثكنات

ساعتها بجد هيسترد عقله

لكن التردد ده مش هينفع

التردد يا عزيزي أيبك

في لحظات مينفعش فيها التردد

أظن يا قواد الجيش انتم دلوقتي مترقبين لبكرة

بكرة ممكن تكون فعلا فوضى يا قيادة الجيش

لأن الناس خارجة خارجة

ومصر هي الباقية وما عداها زائل

الخاطرة الخامسة ( ودي لسه جديدة دلوقت )

بتفرج دلوقتي على السيد عمر سليمان

بجد بجد حاسس إني بتفرج على الراحل العظيم السادات

ربنا يستر

أستاذ شرف

الجيش المصري لم يتم تدريبه علي الحروب و مكافحه العناصر داخل المدن ما عدا القوات الخاصه زي العقرب و 777

لكن لا يستطيع أحد ان يزايد علي و طنيه عناصر القوات المسلحه

و لو حصل غدا أي اشتباك لا قدر الله ادعو الله الا يحدث لاني لا احب العنف بجميع اشكاله

هايكون ما الحرس الجمهوري و دول مدربيين و مسلحين كويس

بالنسبه لعمر سليمان

راجل قوي محترم شريف و لا خلاف عليه و اتمني ان يقود البلد في المرحله الانتقاليه القادمه

و لا أدري لماذا يرفضه الناس الان رغم مطالبتهم به قبل ذلك

كل الذي اعرفه و ادعو الله من أجله ألا تحدث مذبحه في أبنايْنا غدا من أي الاطراف لانهم في نهايه الامر مصريين

[fatfouta]

جميع القنوات مشغولة بعمر سليمان وماحدش جايب ميدان التحرير ومن شوية كنت شايفة تعزيزات للجيش هناك

وربنا يسترررررررر

[اغابي]

النائب العام امر بتحويل العدلى وعز ورجال الاعمال الوزراء - للتحقيق

طيب يا اغابي هو ده بالظبط اللي احنا عاوزينه ,

التحقيق ,,

من الذي اعطى الضوء ااخضر لاحمد عز ان ينتهك ثروات مصر ؟؟

من الذي ترك وزير الداخليه طوال تلك الفتره لكي ينتهك ابناء مصر ,,

وهل اخطاء العالدلي تقارن الان بخطايا وزير السجون الجديد ؟؟

لقد اصدر النظام بنفسه قرار توقيفه عندما ادان العادلي وعز ,,

العادلي يعني مبارك

وعز يعني جمال مبارك ,,

ماداما مدانين ,, فمن اوحى اليهم وتركهم هو الاحق بالادانه ,,

اما شهداء الثوره فتضحيتهم ستعطي الحياه للملايين من بعدهم ان يعيشوا في سلام ,,

ضحايا العباره كانوا بالالوف

وضحايا امن الدوله بعشرات الالوف

وضحايا السرطان وفيروس الكبد الوبائي بمئات الالوف ,,

كل هؤلاء ستحميهم الثوره ,, من النظام المجرم الفاسد

ان شاء الله ,,

اما عن الغد

وما اجمل الغد

اقسم لك ان الجبناء والخونه سيختبؤون في الجحور من زئير الملايين الغاضبه

وسنذهب هناك الى قصر العروبه لكي نغسله بايدينا ونطهره من الظلم والفساد ,,

وان غدا لناظره قريب ,,,

طيب نديهم الفرصة

دلوقتى حالا على الهواء مباشرة - نائب الرئيس - عمر سليمان بيقول تم تحويلهم للتحقيق و فورا ومحاسبتهم

يعنى هى دى الاجراءات اللى احنا عاوزينها ابتدت تتحقق وهو داه الهدف الاساسي كان لمظاهرة يوم 25 يناير

جه الوقت يا بشمهندس اننا نجتمع عند نقطة الاتفاق لنبدأ منها -

يا جماعة الانتقال السلمي للسلطة هيضمن الاستقرار لمصر

اى اختيار غير هذا - يبقى البلد انتهت وانت هتندم فى يوم لما تلاقى كانت قدامك فرصة حقيقية تمسكها بايدك وسيبتها

عصفور فى اليد خيرا من عشرة على الشجرة

واحنا الاهداف اللى فى ايدنا كتير وما كناش نحلم بيها ودفع تمنها غالى اوى من

رعب المصريين ودم اخوانا اللى فى ميدان الحرب

وكون متاكد انه ما بعد 25 يناير الى الان كلها مطامع واجندات سياسية كثيرة متورطة فيما يحدث

ندى نفسنا فرصة يا جماعة

نجرب الحكومة الجديدة بلاش الاحكام المتسرعة - دى دولة ومش فى يوم كله هيتم

- خلاص اطمنو رسالتنا وصلت للجميع - رسالتنا وصلت للحكومة ولكل بلاد العالم

ربحتم المعركة يا شباب مصر - مبرووك

لكن اللحظة دى هى وقف نزف الدماء

ياريت ما نختلفش ونمد ايدينا فى ايد بعضنا - لان مصر هتضيع مننا بجد

تم تعديل 3 فبراير 2011 بواسطة اغابي

[م تيمور المراغي]

عارفين المشكلة ايه في كلام السيد / عمر سليمان دلوقت

إنه مش بيتكلم بلسانه

هو بيتكلم على لسان السيد الرئيس

لأن السيد عمر سليمان لسه ما أخدش الشرعية

فعلا يا شرف نفس المفردات والاسلوب والتناحه

كنت فاكرها ماركه مسجله لسونسون فقط

لكنه فيروس بالفعل بينتقل لكل من يقترب .؟؟

مؤامره ايه يا بتاع مين مين مين ,,

بتخوفنا باجهزة الامن ,,

والله احنا اللي حنقبض عليكم ونحاكمكم على البلطجيه اللي رميتوهم علينا ؟؟

عارف حبيب العادلي وزير الداخليه

مصيره بقى السجن ,,

فكر مرتين يا راجل يا طيب لسه عندك فرصة للتراجع ,,

[عبير يونس]

بسم الله الرحمن الرحيم

كنت ناوي مكملش كتابة في الموضوع ده بعد ما لقيت مداخلات جديدة بتحمل فكر جديد زي الفكر الجديد بتاع الحزب الوثني كده

حسيت إن مجرد الرد على الفكر ده - مجرد الرد بس - يعتبر خيانة للشباب البطل اللي صامد لحد دلوقت عشان خاطرنا كلنا

شباب واجه الأهوال - والله أهوال يمكن فوق أهوال حرب أكتوبر

بقالهم 6 أيام بيحاربوا الأمن المركزي وأمن الدولة والمخبرين والبلطجية.

إذا كنا احنا اللي بره مصر والله ما قادرين ننام - مش قادرين نسيب الأخبار

أمال هما المرابطين ... حالهم ايه.

طب دلوقت نقطة نظام

في ناس بتقول إنها خايفة من العرقنة ( حلوة العرقنة دي. مش صح ) أو اللبننة.

ودول ببشرهم وابقول لهم

من 3000 سنة ومصر موجودة ولم تعرف تعرقن أو تلبنن على كل الأهوال وكل الأطماع التي مرت بها على مر السنين - ولم تنقسم إلى دويلات

لكن سبحان الله دلوقتي أصبح وجود مبارك هو صمام الأمان من التحول لعراق آخر أو لبنان آخر

مش عارف فين العرقنة أو اللبننة دي

بقالنا حوالي أسبوع دلوقتي مفيش لا شرطة ولا نظام

ولا سمعنا عن حالة اغتصاب واحدة في الشوارع

كان في 2 مليون في ميدان التحرير

مسمعناش عن محاولة تحرش واحدة

شفنا شباب زي الورد بينضف وبيكنس ومنظم نفسه بنفسه

ولا بيعملوا مستشفى ميداني بنفسهم

يعني عمرهم ما دخلوا الجيش ومع ذلك عملوا مستشفى ميداني

أول مرة أعرف إننا احنا المصريين نقدر ننظم نفسنا بنفسنا

وجعوا دماغنا بالفتنة الطائفية والنظام الحامي من الفتنة الطائفية

وبقالنا أسبوع بدون أمن ولا شرطة ومسمعناش عن أي كنيسة تعرضت للهجوم أو حتى التحرش ( حلوة التحرش دي . صح )

فدي النقطة الأولى: وهي الخوف من التعرقن أو التلبنن

نيجي للنقطة التانية: وهي التدخل الأميركي

طب نسأل نفسنا: أمريكا هتتدخل ليه ؟

هيقولوا أصل أميركا بتكره مبارك ( أصل مبارك ده هو أكبر عدو استراتيجي - وليس أكبر حليف استراتيجي ليها ). وأمريكا عايزة تتدخل عشان تشيل مبارك

طب نسأل نفسنا

أمريكا هتتدخل ليه

أمريكا يهمها حاجتين وبكل صراحة

1- المرور في قناة السويس

2- الالتزام بمعاهدة السلام

ومفيش أي حد من أي طيف أو أي شاب من اللي في التحرير اتكلم عن معاهدة السلام أو إننا مش عايزينها أو أو

فأمريكا هتتدخل ليه

هيقولوا عايزة تحتل مصر.... هقول سبحان الله... وهي امريكا لو عايزة تحتل مصر... كان ايه اللي مخليها ساكته ده كله... ولا هي كانت خايفة من نظام مبارك

هيقولوا أمريكا مكانتش لاقية المبرر... هقول لهم... وهي أمريكا محتاجة مبرر

تقدر في ثانية تخترع أي مبرر زي ما اخترعت مبررات كتيرة

وبعدين أمريكا مش هتقدر تفتح على نفسها جبهة تالتة بعد العراق وأفغانستان

فمتخافوش مفيش امريكا ولا حاجة ( من النهاردة مفيش أمريكا )

نيجي للنقطة التالتة

ليه سقف المطالب زاد اللي بيقولوا إن المطالب هدفها زاد

في الأول يوم 25 يناير كان شعار الحركة ايه .. أنا فاكر كويس ( التوانسة عملوها يوم 15 واحنا هنعملها يوم 25 )

مش ده كان شعار الحركة ؟

طب التوانسة عملوا ايه يوم 15

أظن كلنا فاكرين... خلعوا الزين

لكن النظام بتاعنا للأسف كالعادة مش بيفهم بالعربي

قال دول شوية عيال مش هيقدروا يعملوا حاجة وخرج أبو الغيط يقولك - تكرار الحدث التونسي في مصر كلام فارغ - طب ليه يا عم أبو الغيط - أصل مصر غير تونس - فعلا مصر غير تونس - أنا اكتشفت إن نظام مصر ده مالوش مثيل في العالم كله - اكتشفت إنه لا يؤمن سوى بلغة واحدة بس - لغة القوة. ( ومعندوش مانع يحرق البلد كلها في سبيل بقائه )

لو كان مبارك طلع من يوم الثلاثاء 25 يناير وأقال الحكومة وشال وزير الداخلية وعين نائب وخطب الخطبة العاطفية بتاعته دي . كانت الأمور انتهت

لكن العادلي باشا قاله متخافش يا ريس دول شوية شباب تافه والأمن المركزي هيقدر عليهم وهيضربهم بالميه حتى وهما بيصلوا - وهيقتلهم بالرصاص الحي لو لزم الأمر .

شباب زي الورد عزل من السلاح لقى نفسه بيواجه الرصاص الحي ونظام قاعد يشوف الشهداء بيقعوا واحد بعد التاني والنظام ساكت - لا وزيادة طلق المسجونين والبلطجية يروعوا في الناس وبيقطع عن الناس المية والنور والمواصلات - نظام واخد من شعبه رهينة يهدد بيها المتظاهرين.

طب بذمكتكم ده نظام ينفع يكون مسؤول عن أي حاجة ؟

ده نظام ينفع أي طفل صغير مش شخص كبير يثق فيه ؟

طب نعدي دي. خرج رئيس الوزراء الفريق شفيق يلف على كل القنوات الفضائية يقول سلامة المتظاهرين على رقبتي

وما فاتش 12 ساعة على الكلام ده إلا ولقينا السلامة المذكورة أصبحت بالظبط ( سلامتها أم حسن ).

وشفنا مشهد عجيب بجد... أول مرة أشوف جمال في ميدان التحرير في حياتي كلها.

ولأنه نظام غبي افتكر إن الشباب اللي واجه رصاص الأمن المركزي بصدره هيخاف من شوية بلطجية

نسي إن الشباب ده قلع جلابية الخوف خلاص ... ومهما حصل لن يتراجع.

وكلهم دلوقت وبعد اللي وقع منهم لا يمكن هيتراجعوا .. أي تراجع دلوقت هيبقى خيانة للي استشهدوا

وفي وسط ده التليفزيون الحكومي ( للي بيتفرجوا على التليفزيون الحكومي ) كان خارج يقولك مفيش جمال ولا احصنة

على رأي عمار الشريعي: أمال كان في ايه يا حبيبي ... كان في طائرات نفاثة.

ودلوقت على الجزيرة بيخرج الفريق شفيق يقول إن ما حدث في ميدان التحرير هيكون محل تحقيق !!!

طب ليه يا سيادة الفريق ما اتدخلتش امبارح

ليه ما ادتش أوامر للداخلية تخرج الأمن المركزي يعمل مهمته الحقيقية مرة واحدة ويدافع عن الشباب اللي زي الورد دول في مواجهة بلطجية الحزب الوطني.

يااااااااااااااااه يا سيادة الفريق لو كنت عملت كده

كنت ابتديت تاخد ثقة الشباب دول. وكنت قدرت فعلا إنك تقف في وسطهم وتتكلم معاهم

لكن للأسف سكت يا سيادة الفريق والله أعلم كان سبب سكوتك ايه.

هل كنت راضي عن اللي بيحصل بس مش قادر تتكلم .. ولا مكنتش راضي بس قلت أهي محاولة يمكن تنفع .. ولا في الأساس متقدرش تعترض لأن القوة اللي حركت البلطجية دول أقوى منك.

للأسف أي إجابة على أي سؤال من الأسئلة دول فيه إدانة كبيرة ليك يا سيادة الفريق

السؤال الأول والتاني: يبقى سيادتك يا سيادة الفريق مش بتحترم وعودك.

السؤال التالت: يبقى للأسف يا سيادة الفريق منقدرش نثق فيك لأنك مش عندك القوة اللي نقدر نستند إليها.

دلوقتي خلاص.. لو كان الشباب قبل يوم امبارح ممكن يتراجعوا بنسبة 1% عن موقفهم

دلوقت وبعد كل اللي استشهدوا امبارح دول كمان وبعد كل الإصابات دي والداخلية والجيش واقفين يتفرجوا لا يمكن يتراجعوا أبدا عن مطلبهم الرئيسي وهو مطلب رحيل مبارك.

أي تراجع دلوقت يعتبر خيانة للشباب اللي استشهد.

الشباب اللي علمنا الكرامة والصمود والتحدي.

دلوقت الكلب الكبير ( وعذرا على التوصيف ده لكن بصراحة مش لاقي لفظ أكثر أدبا منه ) كرم جابر بيقولك ( على الجزيرة ) الشباب النقي الطاهر المبارك اللي قام بانتفاضة 25 يناير.. دلوقت بقوا شباب طاهر نقي.

كانوا من اسبوعين بس شوية شباب بايظ وتافه وقليل الأدب.

كله دلوقت مرعوب .. خايف راس النظام يقع

لأنه لو الراس وقعت كل الزبالة دي هتطير مع الريح وراه.

لا وبيقولك الاعتداء على المتظاهرين جريمة تقترب من الخيانة العظمى

دلوقت بقت جريمة لأ وخيانة عظمى.

طب الحل ايه دلوقت.

مفيش غير حل واحد

رحيل مبارك - لا يمكن الشباب هيتراجعوا عن المطلب ده ولو كلهم استشهدوا

شفنا الشباب الرائع هو اللي بيطفي النار في المتحف المصري. الله أكبر عليهم دول فعلا رجالتنا.

لو سيادة الرئيس تنازل عن عناده وصلفه ورحل الآن وترك الحكم لنائبه اللواء عمر سليمان ( قبل ما يصر على حرقه للنهاية ) خلاص هيتراجع الشباب

وإذا كان حد زي ما بيقول هييجوا بعد كده ويقولوا لا عايزين نحاكمه ( لأ محدش هيقول نحاكمه - مع إنه يستاهل المحاكمة ) لكن هنفتكر تاريخه العسكري وهنسيب حسابه للآخرة عند ربنا.

طب لو استمر الصمود إلى رحيل مبارك.

ولو استجاب الشعب المصري وخرج يدافع عن شبابنا اللي زي الورد وأجبر مبارك على الرحيل

ساعتها بجد أقدر أقولكم إن مصر هترجع حلوة فلة وردة

أي طاغية بعد كده مش هيقدر ينام الليل

هيفتكر ثورة الغضب دي وازاي ما تراجعتش أدام كل الأهوال دي لحد ما تحقق كل اهدافها.

أقدر أقولكم ساعتها بجد إني مش هخاف إننا نستبدل ديكتاتور بديكتاتور آخر أقل ديكتاتورية

أقولكم ساعتها إن بجد مصر هتبقى وردة وفلة وياسمينة

وهتبقى مصر حرة

وعاشت مصر حرة

رصيد النقط الخضراء خلص

مداخلة تستاهل 10 نقاط

اللهم يا مثبت القلوب

ثبت قلوبنا على الحق

[aimen]

طبعا الأغنية القديمة

احنا فى ظرف دقيق

يا دى النيلة هو احنا كل ظروفنا دقيقة مافيش راحة

العالم دى عبيطة ولا بتستعبط

بيقولك هناك تمويل

وجهات خارجية

طيب يا عالم يا جرابيع خلينى معاكم

وحضراتكم فين ؟

اللهو الخفى هو المسئول عن كده

حتى بامارة

اعلان كرات النار اللى ظهر قبل الفيلم بثلاث ساعات

وما زال الكلام عن الأجندات الخاصة و التحريض على الموجودين بميدان التحرير

وكانهم خونة

استمرار الإعتصام مزيد من الخسائر وفرصة للإرهاب والترويع

يا سيدى قول كمان

انا فعليا مش مصدق الراجل ده

ولا المناوى الكداب

[م تيمور المراغي]

عصفور فى اليد خيرا من عشرة على الشجرة

لا يا اغابي ركزي في كلامه

لما بتيجي سيرة البلطجيه يقوم قايل مين مين مين مين ,,

لما يجي سيرة الشباب يقوم قايل حنمسكهم ونحاسبهم ونسالهم وراكم اجندات خاصه وكراريس وترويع المجتمع

احنا اللي روعناه يا راجل يا مغيب

انت مابتشوفش وشوش الحراميه والمسجلين خطر ؟

هل هم هؤلاء شباب 25 يناير ؟؟

انت مدير مخابرات انت ؟؟

عيب عليك كل دقيقه بتمر في كلامك بتنقص كثير اوي من رصيدك

[Alattar]

عمر سليمان : ما كانش هناك أي توقع لما حدث في ميدان التحرير

آآآه يا دماغي..والله لسه واخد بنادول للصداع

السؤال اللي ريقي نشف و انا عمال أسأله

مين اللي أعطي أوامر للجيش بعدم التدخل؟؟

و مازال الي هذه اللحظة..ازاي الجيش ما يتدخلش و يقبض علي البلطجية

اللي النظام ما يعرفش عنهم حاجة دول

ياريت يراعوا ان معظم الشعب المصري دلوقتي اللي بيسمعوه

كبروا و بطلوا يسمعوا عالم سنسن..قصدي..سمسم..من زمان

تم تعديل 3 فبراير 2011 بواسطة Alattar

[م تيمور المراغي]

ههههههههه

انا عارف الريس مبارك

عارف انه ما بيكدبش

عارف انه بينفذ وعوده

مش حيوريكم خلقته تاني والله ما تخافوش !!!!!

انت بتكلم ناس من المريخ ؟؟

ده سونسون يا سونسون

المذيع الاهبل

عمال يعمل دعايه

لجمعة الرحيل

ههههههههه

عسل والله عسل اوي ,,,

ده انا وجعني قلبي عشان انشر الفكره هو في ثواني وصل الدعوه ل 80 مليون مصري ,,

مذيعنا التختوخ

ميرسي كتير اوي ,,

[شرف الدين]

الخاطرة الرابعة

بقولها لقواد الجيش المصري

أنا عارف كويس معنى الطاعة العسكرية

لكن مينفعش نضحي بكل الناس دي عشان شخص واحد

انتو لو رفعتم ايديكم عنه صدقوني المسألة هتنتهي

مش عايزين نقول انكم تقوموا بانقلاب عسكري

لما على الأقل هددوه برفع ايديكم عن الأمر والعودة للثكنات

ساعتها بجد هيسترد عقله

لكن التردد ده مش هينفع

التردد يا عزيزي أيبك

في لحظات مينفعش فيها التردد

أظن يا قواد الجيش انتم دلوقتي مترقبين لبكرة

بكرة ممكن تكون فعلا فوضى يا قيادة الجيش

لأن الناس خارجة خارجة

ومصر هي الباقية وما عداها زائل

الخاطرة الخامسة ( ودي لسه جديدة دلوقت )

بتفرج دلوقتي على السيد عمر سليمان

بجد بجد حاسس إني بتفرج على الراحل العظيم السادات

ربنا يستر

أستاذ شرف

الجيش المصري لم يتم تدريبه علي الحروب و مكافحه العناصر داخل المدن ما عدا القوات الخاصه زي العقرب و 777

لكن لا يستطيع أحد ان يزايد علي و طنيه عناصر القوات المسلحه

و لو حصل غدا أي اشتباك لا قدر الله ادعو الله الا يحدث لاني لا احب العنف بجميع اشكاله

هايكون ما الحرس الجمهوري و دول مدربيين و مسلحين كويس

بالنسبه لعمر سليمان

راجل قوي محترم شريف و لا خلاف عليه و اتمني ان يقود البلد في المرحله الانتقاليه القادمه

و لا أدري لماذا يرفضه الناس الان رغم مطالبتهم به قبل ذلك

كل الذي اعرفه و ادعو الله من أجله ألا تحدث مذبحه في أبنايْنا غدا من أي الاطراف لانهم في نهايه الامر مصريين

عزيزي الفاضل

أنا لا أزايد على وطنية القوات المسلحة

لكن فقط بدعو قوادها إلى إنهم يغلبوا المصلحة العليا لمصر على مسألة الطاعة العسكرية

أما السيد عمر سليمان

أنا احترمه جدا ... وإذا لاحظت مداخلاتي الأخيرة تجدني أتحدث عن أنه أنسب رجل للفترة الانتقالية المقبلة

أنا بس قلت ربنا يستر

لأنه فعلا شبه السادات

والسادات كان رئيس عظيم

لكنه برضه كان ديكتاتور ( لكن أقل ديكتاتورية بكتير جدا جدا من سابقه ومن لاحقه )

عشان كده قلت ربنا يستر

خايف للسيد / سليمان يكون ديكتاتور جديد

وعارف يا فالكون

المشكلة ان السيد سليمان بحديثه ده هيبتدي يفقد المصداقية

الحديث عن هناك أجندات أجنبية والمؤامرات ومحاكمة الذين تسببوا في التخريب ( ودي جملة خطيرة جدا - معناها المباشر محاكمة الشباب )

وبعدين في نفس الوقت بيقول أنه هيحمي الشباب

وفي نفس الوقت الاشتباكات لم تنته في ميدان التحرير

[م تيمور المراغي]

جهاز الشرطه ابلى بلاء حسنا !!!!!!!!!!!!!!!

امال يا مغفل ماسكين وزير الداخليه حبيب العادلي ليه ؟؟

ايه الهبل ده !!!!!!!!!!!

[Alattar]

جهاز الشرطه ابلى بلاء حسنا !!!!!!!!!!!!!!!

امال يا مغفل ماسكين وزير الداخليه حبيب العادلي ليه ؟؟

ايه الهبل ده !!!!!!!!!!!

عشان يكرموه طبعنننن

[fatfouta]

جهاز الشرطه ابلى بلاء حسنا !!!!!!!!!!!!!!!

امال يا مغفل ماسكين وزير الداخليه حبيب العادلي ليه ؟؟

ايه الهبل ده !!!!!!!!!!!

بيقولك الشرطة لما انسحبت كانت بتدافع عن نفسها

[م تيمور المراغي]

هههههههههههههههههههههههههه

عمر سليمان بيقول للشباب

اشكركم على مافعلتموه للبلد

وانت الشراره التي اوقدت طريق الاصلاح

تعالى يا اللي في بالي اسمع مدير المخابرات بيقول علينا ايه :happy:

[aimen]

أحلى نكته قالها سليمان الآن : هناك نداء لمن هرب من السجون أن يعودوا للسجون ...هههههههههههههههههههه #jan25

يا جماعه هو قال كده اصل انا مقدرتش استحمل

RT @Dima_Khatib: طيب عمرسيلمان يقول دائما الشباب؟ أنا شاهدت من خرجوا في المظاهرات رجال ونساء وشبان وشابات وصغار وشيوخ وكبار وكل المصريين #jan25 #egypt

RT @ajtalk: التلفزيون المصري | عمر سليمان | طلب رحيل الرئيس هو نداء للفوضى لانه لا يمكن أن توجد دولة بدون رأس #jan25 #Egypt

لو ابويا كده يا سليمان يشرفني أحجر عليه! #jan25 #egypt

RT @AliAldafiri: عمر سليمان : أعطونا فرصة , ولماذا لا تفعل أنت ذلك #Jan25 #Egypt

RT @mshady: يعني إيه كوك زيرو: يعني تونس و مصر تتظاهر والجزائر هي اللي تنهي قانون الطوارئ واليمن تعلن عدم التوريث والأردن تغيّر الحكومة #Jan25 #25Jan

RT @ElNa7aS_Pasha: عن ابن عمر رضي الله عنهما قال: قال رسول الله :((من أخاف مؤمنًا كان حقًا على الله أن لا يؤمّنه من أفزاع يوم القيامة)) رواه الطبراني #Jan25

قالك الشرطة أبلت بلاءا حسناً..هو فعلا كان بلاء #Jan25

تم تعديل 3 فبراير 2011 بواسطة aimen

[م تيمور المراغي]

جهاز الشرطه ابلى بلاء حسنا !!!!!!!!!!!!!!!

امال يا مغفل ماسكين وزير الداخليه حبيب العادلي ليه ؟؟

ايه الهبل ده !!!!!!!!!!!

عشان يكرموه طبعنننن

اخخخخخخخ

معلش نسيت والله

التكريم اهو عندي في الفيزر اهو طازه وزي الشهد مسكر ,,