25 يناير ... موعد المصريين (10)

[طبيبة بالخارج]

حريق هائل يدمر هايبر 1 بالشيخ زايد

http://www.youm7.com/News.asp?NewsID=345939

طبعا اكيد حيقولوا شايفين المعتصمين الارهابيين اللي في ميدان التحرير بعتوا ناس تسرق اكل من الماركت و بعدين يحرقوه

حسبي الله و نعم الوكيل

[اغابي]

ابوهنا' timestamp='1296745607' post='689967']

برضه نفس الاهامات

انا لااؤيد بقاء الساده فى ميدان التحرير وعليهم بدأ الحوار

على فكره انا مش مخبر

انت حضرتك فى جده وعامل نفسك قائد ثورة التحرير من جده مش عارف ازاى انا جنبك فى الطائف

استاذى الفاضل ابو هنا

اؤيد حضرتك فى كل كلمة قولتها وكنت قرات كل مشاركاتك واتفق معك فى كل كلمة

استاذى الفاضل

كنت ومازلت الملهم لى هنا فى تلك المحنة

لكشف الحقيقة من كل الجوانب

لقد حان الان وقت ازالة الاقنعة - كل شخص يحب مصر يجب الان تدعيم فكرة عدم البقاء فى ميدان التحرير

امن وامان ومصلحة مصر فوق كل اعتبار -

اخى واستاذى الفاضل - ارتكيت (تيمور ) -

- ارجوك - ارجوك - حب مصر وحب وطنك وحب شعب بلدك ولا تتمادى - يكفى ما سفك من دماء

انا لا اتهمك اطلاقا بانتماءك لاى حزب او جهة ولكن اللغز الوحيد امامى الان ويحيرنى كثيرا

- ما هو اصرارك ان تكون الملهم لحماس الجميع على المحاورات

ما هو السر وراء وجودك باستفزاز المشاعر بكثير من العناويين التى لا نتفق ابدا انها تصب فى مصلحة مصر ولا تكون فى الغالب الا شعارات للحماس فقط

لا تقل لى انك تطهر البلد من الحرامية و و و الخ

بشمهندس تيمور

انا شجعت المظاهرات فى يوم 25 يناير لانها كانت بريئة

ولكن الان سقط عنها ثوب البراءة وقتل الكثيرون - المظاهرات اليوم تحمل الخبث والعبث بامن بلادي

والايادي المجهولة كثيرة - استحلفك بكل ما هو عزيز لديك

- مصر ستصبح بين يوم وليلة العراق الثانية وحرب الاحزاب والحروب الاهلية ستملىء الشوارع

لا تجعلو من مصر عراق ثاني

اشكرك جزيلا استاذى ابو هنا

استمر وانا ومن هم فى حالة فهم الحقائق معك

تم تعديل 3 فبراير 2011 بواسطة اغابي

[م تيمور المراغي]

نداء الى جنود جيش مصر البواسل ,,

ما يتم من بلطجية مبارك هو خطر شديد يهدد امن مصر القومي ,,

لا تتركوا مصر التي اقسمتم على حمايتها تنتهك وتغتصب تحت مراى ومسمع منكم ,,

اين شرفكم العسكري ؟؟

اين وطنيتكم وانتم ترون باعينكم اخواتكم واخوانكم يقتلون ويذبحون امام ابصاركم ؟؟

وا جيشاه ,,

[م تيمور المراغي]

انا شجعت المظاهرات فى يوم 25 يناير لانها كانت بريئة

ولكن الان سقط عنها ثوب البراءة وقتل الكثيرون - المظاهرات اليوم تحمل الخبث والعبث بامن بلادي

انا مش مصدق عيني يا اغابي ,,

انتي بتلومي المقتول ام القاتل ؟؟

بتتهمي الشهداء انهم يحملون الخبث والعبث بامن الوطن ؟؟

انتي ماشوفتيش بعينك البلطجيه ومسجلين الخطر وسيارات الامن المركزي وهي تدهس المصريين .؟؟؟

لو كانوا اقباط كنت حتقولي كده ؟؟

انا مصدوم والله فيكي ,,

[اغابي]

حريق هائل يدمر هايبر 1 بالشيخ زايد

http://www.youm7.com/News.asp?NewsID=345939

ولسة انتم شفتم حاجة

طول ما مفيش انتقال سلمي للسلطة - وطوال ما مفيش حوار هادى

هيستمر من سيء لاسوأ

مش مهم يا استاذ اسد الهايبر ماركت

المهم ارواح المصريين

اوقفوا نزف الدماء

[م تيمور المراغي]

معلش يا بلدي

طال عليكي الليل

لكن مسير الفجر يطلع بكره

بعد اداء الصلاه

ان شاء الله ,,

[engmido]

اخيرااااااااااااااااااااااااااااااااااااااااااااااااااااا

النت اشتغل فى مصر

-----------------------------

يا اخواننا اربطوا على جأشكم الكل يلتزم الهدوء ... مصر وامنها اكبر من اى شىء وفوق اى اعتبار

امن اهلها واستقرارهم فوق الجميع .. اكرر فوق الجميع

لا تعطوا الفرصة لاى كلب من خارج مصر اجنبى ان يتدخل يوما ما فى شئوننا او يملى علينا تعليمات

لا مجال لذلك ابدااا...ارجوكم...العناصر المخربة من جميع الفئات والجنسيات اسرائيل.. اريتريا..اثيوبيا..ايران

لن يرحمونا ابداااااااا

اناشد الجميع ...مصر وامن اهلها فوق الجميع

-----------------

الاخوة خارج مصر انتو ما شفتوش البلد فى الكام يوم اللى فاتوا غير مسبوقة

فاللى شاف فى الفضائيات غير اللى مشى فى الشارع يوميا وشاف بعينه

ارجوووووووووووووووووووووووووووكم

مصر اولا

ادخلوا مصر ان شاء الله امنين

[ابوهنا]

شوفوا الفيديو ده كمان للكفره اللى بيقتلوا فى الناس

سيارة امن مركزى اخرى اهى اتفضلوااا

http://www.youtube.com/watch?v=MchyuM_TwpA&feature=player_embedded

ياسيدتى بصى على تاريخ الفيديو

2005

[م تيمور المراغي]

الجزيره بتعرض دلوقتي من لبنان متظاهرين لبنانيين يطلبون الحريه لمصر

واحنا عندنا هنا مصريين للاسف بيهاجموا النشطاء و الشهداء

يا خسارة الوطنيه ,,

[اغابي]

انا شجعت المظاهرات فى يوم 25 يناير لانها كانت بريئة

ولكن الان سقط عنها ثوب البراءة وقتل الكثيرون - المظاهرات اليوم تحمل الخبث والعبث بامن بلادي

انا مش مصدق عيني يا اغابي ,,

انتي بتلومي المقتول ام القاتل ؟؟

بتتهمي الشهداء انهم يحملون الخبث والعبث بامن الوطن ؟؟

انتي ماشوفتيش بعينك البلطجيه ومسجلين الخطر وسيارات الامن المركزي وهي تدهس المصريين .؟؟؟

لو كانوا اقباط كنت حتقولي كده ؟؟

انا مصدوم والله فيكي ,,

انا مش بلوم - الشباب اللى شفناهم يوم 25 مش هما دول

المطالب اللى فى الميدان حاليا - مختلفة واللهجة مختلفة -

وفيها اطماع كتير واضحة من جهات معينة لتسلق كرسي السلطة

الشباب البرئ خلاص اتنفذت شروطة

مبارك مش هيرشح نفسه

تم تعيين نائب له

رئيس جديد للحكومة

غير الحكومة

النائب العام امر بتحويل العدلى وعز ورجال الاعمال الوزراء - للتحقيق

تغيير بند 76 - 77 فى الدستور

العمل على حل المشكلات والكثير من المشكلات - لكن ندى فرصة للحكومة الجديدة فرصة

نديهم فرصة هو مش زر هندوس عليه تتغير فى يوم وليلة الدنيا

فرصة 70 يوم فقط

وميدان التحرير موجود ومش بعيد - وربنا يخليلنا الفيس بوك ورصد - داه الحل اللى موجود لوقف نزيف الدماء

كفى الله المؤمنين شر القتال يا بشمهندس

كفاية - بكرة هيبقى مدبحة

ما تقنعونيش ان بكره وبعد كل الانقسامات اللى حصلت فى الشارع المصري

وبين الشباب انفسهم واللى هما بيقتلوا بعض دلوقتى

ما تقنعنيش ان بكره هيمر بسلام

كفاااية يا تيمور

كدا حرام كفاية ذنبهم فى رقبة مين

[Alattar]

شوفوا الفيديو ده كمان للكفره اللى بيقتلوا فى الناس

سيارة امن مركزى اخرى اهى اتفضلوااا

http://www.youtube.com/watch?v=MchyuM_TwpA&feature=player_embedded

ياسيدتى بصى على تاريخ الفيديو

2005

الأخ أبو هنا

احنا مالنا بتاريخ الفيديو

احنا بنتكلم عن أعمال الأمن المركزي و معاملته للمصريين معاملة غير آدمية

في ظل قانون الطوارئ

مش مهم هو سنة كام..المهم..انه حصل في مصر الكلام ده

و من رجال يفترض فيهم انهم حماة الأمن في هذا البلد

تم تعديل 3 فبراير 2011 بواسطة Alattar

[طبيبة بالخارج]

من يدافع عن يوم 25 يناير فقط

هل وقفة 25 يناير هي فقط من قام بكل تنازلات النظام الحاكم حتى الآن؟

إذا كانوا يقولون ان معتصمين التحرير تحركهم اجندة اجنبية فهل ان كانوا نظام محترم يقوموا بكل هذه التنازلات لهم؟

هل النظام الذي تعامل بكل حب و مودة مع امريكا و اسرائيل فجأة أصبح عدو لهم و أصبحوا يرغبون في قلب النظام؟ لماذا؟

اعطوني اجابة مقنعة لهذه الأسئلة؟

بأي أمارة تطلبوا منا التعاطف مع النظام الحالي و بعدين بتطلبوا منا عدم اثارة المشاعر؟ هل نحن نغصب احد على المشاركة في الثورة؟ يمكن احنا معانا مليارات و عمالين نوزع فيها على الناس؟ و لا يمكن عندنا امن دولة خاص بينا و بنهدد الناس بيها عشان يكونوا معانا؟

السؤال الان هل في ثورة قامت و لم يكن لها ضحايا؟ ده تفجير الكنيسة لوحد كان له 23 قتيل و عشرات الجرحى هل تظنوا ان النظام سيسلم بكل سهولة كدة؟

من هم بالتحرير مدركين انهم اذا خرجوا فالمجزرة اللي انتوا خايفين منها فحتحصل على ايدي امن الدولة بس في الخفاء مش معلن زي دلوقتي

تم تعديل 3 فبراير 2011 بواسطة طبيبة بالخارج

[fatfouta]

الحرة: الجيش المصري يبدأ إجراءات لمرافقة الصحفيين الأجانب بعد تعرضهم لمضايقات من قبل أنصار مبارك

[م تيمور المراغي]

شوفوا الفيديو ده كمان للكفره اللى بيقتلوا فى الناس

سيارة امن مركزى اخرى اهى اتفضلوااا

http://www.youtube.com/watch?v=MchyuM_TwpA&feature=player_embedded

ياسيدتى بصى على تاريخ الفيديو

2005

لا كده يبقى براءه خلاص ,,

مادام الدهس وقتل المصريين كان من 5 سنين يبقى براءه

ابو هنا ؟؟

انا لسه محلفك تكون عادلا ,,

ما رأيك في دهس سيارة شرطه سنة 1970 يا سيدي لمواطنين مصريين ؟

[م تيمور المراغي]

الحرة: الجيش المصري يبدأ إجراءات لمرافقة الصحفيين الأجانب بعد تعرضهم لمضايقات من قبل أنصار مبارك

الجيش بيحمي الاجانب وسايب المصريين ؟؟

ده كلام يا جيش مصر ؟؟

[pink rose]

اظن و الله اعلم ان التنازل اللي جي هايكون

الغاء قانون الطوارئ

لما نشوف

[ابو محمود]

سيدى السيد الرئيس محمد حسنى مبارك

نداء الى رئس مصر وقائد جيشها

بكل معانى الكرامة والحب استحلفك بالله ان توقف تلك المهازل وان تعطى اوامرك للجيش المصرى باتخاذ موقف ايجابى لما يحدث فى ميدان التحرير وبجوار تمثال رمز عزيز علينا وعليك وهو قائد مصر ومدافع عن ترابها الا وهو الشهيد عبد المنعم رياض كلما شاهدت بلطجية رجال الاعمال وهى ترمية بالحجارة وقنابل الملوتوف شعرت بالخزى ليس لانهم جهلاء من بنى وطنى لكن لانك من تغاضيت عن اجرامهم فى حق شعبك وتركت لهم السلطة وليشتروها باموالهم اموال الشعب الذى كنت لة رمزآ ولا تزال سيدى ارجوك اتوسل اليك بأسم شرف العسكرية التى انت من ابناءها وحلفت على قسمها ان تدافع عن تراب هذا الوطن ان تعطى اوامرك بتفعيل دور الجيش فى الامساك بزمام الامور ولا تخشى من ابناءك المخلصين بة وتعلم مدى اخلاصهم لك ولمصر فهم لن ينقلبو عليك وان حدث فأكرم لك ان تموت بيد ابناءك وليس بيد مجرمين هم رجال اعمال تسربو الى بطانتك عن طريق ابنائك لقد حدث ماحدث ولنقف شامخين

معتزين بمصريتنا ونفعل العقل وليس الكبرياء سيدى اتمنى الا تجعل من زمرة لايهمها الا انفسهم واموالهم ان تفعل اشياء تجعلك فى مصاف المطلوبين دوليآ لجرائم ضد الانسانية ارجوك كفى واتخذ القرار اننا الان نحترمك ولانزل نعترف بدورك فى بناء مصر رغم كل السلبيات التى عاقبت تلك البناء من عدم عدالة فى توزيع ثروة مصر لكنى اترك الحساب واستعمل لغة العقل فى ندائى لك أرحم تاريخ الجيش المصرى ويدة البيضاء ولا تكون ملوثآ لها بان تقف موقف الضعيف امام احداث يعاقب عليها دوليآ سيدى ,ان كنت قد خرجت من الحكم فلا تتكبر بأن تجعل من وليتة خلفآ لك ان يتخذ هذا القرار حفاظآ على سمعة الجيش المصرى وسمعة العسكرية المصرية وسمعتك وحقنآ للدماء وقفل الباب على من يريد ان يتشفى فى رمز لحرب اكتوبر وما اكثرهم كنت تحسبهم اصدقاء لك لكن حساباتك اخطأت

اتمنى من الله ان تكون عند حسن الظن

[fatfouta]

اظن و الله اعلم ان التنازل اللي جي هايكون

الغاء قانون الطوارئ

لما نشوف

بالضبط كده

ويبقى لسه حل مجلسى الشعب والشورى

وتنحى الرئيس

[wsadani]

دايما لما بنفكر نفكر فى الوضع الراهن والوضع الراهن هل يمكن للمتظاهرين التراجع او الجلوس على مائدة الحوار صعب جدا فالتراجع او الجلوس للحوار سوف يجعلهم يخسرون كل شىء بل ستخسر مصر كلها وما سيحدث هو انتقام النظام

[طبيبة بالخارج]

اظن و الله اعلم ان التنازل اللي جي هايكون

الغاء قانون الطوارئ

لما نشوف

ما أنا قلت قبل كده احنا كأننا بنشتري و عمالين نفاصل