25 يناير ... موعد المصريين (15)

[Alshiekh]

هو لسا وائل ما وصلش التحرير؟

وائل كان معصوب العينين لمدة 12 يوم ، لم يرى النور منذ تاريخ القبض عليه الا يوم الإفراج عنه

نفسيا تعبان ، جسديا تعبان ، رغم أنه قوى ولكن نفسه مكسورة.

ربنا يعينه ويخرج من الأزمة دى ويعود كما كان ، ولكننى أعتقد أن ذلك قد يأخذ وقتا ، أو على الأقل بعد أن يغور النظام

12 يوم معصوب العينين؟

كفر مابعده كفر

[fatfouta]

الالاف امام مجلش الشعب ويريدون امدادات من التحرير

[tarek hassan]

عرفت اجيب قناة الجزيره على نايل سات على التردد 11555 v 27500

أنا عندي الجزيرة على نفس التردد يا ريت الجزيرة مباتشر حد يعرفني ترددها لو سمحتم

تم تعديل 8 فبراير 2011 بواسطة tarek hassan

[Alattar]

هو لسا وائل ما وصلش التحرير؟

وائل كان معصوب العينين لمدة 12 يوم ، لم يرى النور منذ تاريخ القبض عليه الا يوم الإفراج عنه

نفسيا تعبان ، جسديا تعبان ، رغم أنه قوى ولكن نفسه مكسورة.

ربنا يعينه ويخرج من الأزمة دى ويعود كما كان ، ولكننى أعتقد أن ذلك قد يأخذ وقتا ، أو على الأقل بعد أن يغور النظام

12 يوم معصوب العينين؟

كفر مابعده كفر

حسبنا الله و نعم الوكيل

خلاص هانت يا أستاذ محمد

ان شاء الله كلهم في مزبلة التاريخ

[Alattar]

عرفت اجيب قناة الجزيره على نايل سات على التردد 11555 v 27500

أنا عندي الجزيرة على نفس التردد يا ريت الجزيرة مباتشر حد يعرفني ترددها لو سمحتم

عندي جت علي نفس التردد ده برضه يا أستاذ طارق

لما عملت بحث بيه..جابلي القناتين

تم تعديل 8 فبراير 2011 بواسطة Alattar

[rewsha]

عن نفسي الايام اللي فاتت القنوات المصريه عملت لي غسيل مخ .وكنت قربت اقول زي كل الناس في مصر (خليهم يمشوا بقى ) ونستنى ونشوف لان ناس كتير مصالحها اتضررت

لكن بصراحه اكتشفت الحقيقه لكن مؤخرا

لكن الحمد لله اني اكتشفتها .والفضل يرجع للمحاورات هنا

كان نفسى اديلك نقطة خضرا بسس للاسف معنديش

تابعى معنا هنا يا حبيبتى لو ماقدرتيش تشوفى الجزيرة عالنت

ربنا يكرمك يا فتفوته انتي قايمه بمجهود( جبار في نقل الاخبار)

انا دايما باعرف منك الجديد(اول واحده بتنقل الاخبار)

[fatfouta]

الدستور

عاجل عاجل

....عمال وموظفو اتحاد الاذاعة والتليفزوين جمعوا أكثر من 10 آلاف توقيع تنديدا بالتغطية الإعلامية للتلفزيون المصري لثورة 25 يناير ويهددون بالدخول في اعتصام مفتوح داخل مبني ماسبيرو

خلاص النظام بيقع فعلا يارب النصر قريب ان شاء الله

[pink rose]

هو لسا وائل ما وصلش التحرير؟

وائل كان معصوب العينين لمدة 12 يوم ، لم يرى النور منذ تاريخ القبض عليه الا يوم الإفراج عنه

نفسيا تعبان ، جسديا تعبان ، رغم أنه قوى ولكن نفسه مكسورة.

ربنا يعينه ويخرج من الأزمة دى ويعود كما كان ، ولكننى أعتقد أن ذلك قد يأخذ وقتا ، أو على الأقل بعد أن يغور النظام

12 يوم معصوب العينين؟

كفر مابعده كفر

انا سألت عشان هو كان كاتب على الاستيتس عنده من بدري انه رايح التحرير

فا كده اتأخر اوي و دا مقلق

[fatfouta]

عاجل || مؤكد | الإعتصامات والإحتجاجات تعم معظم المصالح الحكومية ( القصر العيني - وزارة الصحة - الأهرام - روز اليوسف - سنترال رمسيس - عمال السكة الحديد رصد

[عبير يونس]

ذ

مشكلتنا في مصر زمان هي عبادة الفرعون أو تصنيع الفراعين

فما نكاد نخلص من فرعون حتى نحاول أن نصنع فرعونا آخر

مشكلة البعض في الشخص وبننسى المنهج

إحنا كلنا حبينا وائل غنيم علشان المنهج والثورة واحنا معاه طالما لم يتغير

وكلنا نقدر دور الجزيرة وبسالتها في الوقوف مع الثورة

أما أن تأتي الأنباء التي تقول أن فلانا يريد أن يكافأ الفضائحيات المصرية ويكون حديثه عليها فقط حصريا فهذه أنباء غير مبشرة وأتمنى ألا تكون صحيحة

أنا مع ما أعلنه الشباب بصرف النظر عن الأشخاص

لازم يكون للثوره رمز يا طارق الناس تحبه وتجتمع عليه

امال حننتخب رئيس جمهويه مننا ازاي ؟

ولا حنخللي الشباب كله يحكم ؟؟ :happy:

مهو احنا بنقول يا بشمهندس عاوزينها دولة مسؤسسات وليست دولة اشخاص

يعنى الرئيس يبقى عباره عن رمز لا اكثر لكن اللى بيشتغل وبياخد القرارات المؤسسات المختصه بذلك

الله ينور عليك يا أخي العزيز : عنبو

هذا ما أقصده يا بشمهندس

نحن نعاني من السلطة المطلقة

ماذا لو تم استقطاب الشخص أو تهديده أو تحديده أو لم يوفق في أمر

وائل غنيم قال إحنا كنا بنطرح الأمور للمشورة وهذا شيء طيب ولكن المفروض نكون بطانة كويسة ولا ندفع الأمور في اتجاه الأشخاص منفردين أو نحاول أن نعطي أحدا كعادتنا السلطان المطلق أو تحركنا العواطف في أمور لا تحكم بالعواطف ولا تنس أن منا دائما من يصنع الطغاة

أتفق تماما مع رأي حضرتك

و فعلا لا يجب أن تحركنا العواطف

المرحلة القادمة حرجة

و لن نعبرها إلا بالإيمان و العمل و نبذ الخلاف

[rewsha]

عن نفسي الايام اللي فاتت القنوات المصريه عملت لي غسيل مخ .وكنت قربت اقول زي كل الناس في مصر (خليهم يمشوا بقى ) ونستنى ونشوف لان ناس كتير مصالحها اتضررت

لكن بصراحه اكتشفت الحقيقه لكن مؤخرا

لكن الحمد لله اني اكتشفتها .والفضل يرجع للمحاورات هنا

انزلى بقى بدور شاى وانا عاوز حلبه لان صووووووووتى ضااااااااااايع

او اديدك على مية دولار يعنى

دى الاسعار زى لما التليفزيون المصرى بيقول يعنى الحكومه هى اللى حاطه التسعيره

شاي ايه وحلبه ايه انا عاوزه انزل بدور شربات للشعب المصري كله

بس بعد ما ننول المُراد

والحلم يتحقق

انا كان بداْ يجيلي احباط اليومين اللي فاتوا لكن النصر من عندك يا رب

[doha]

خبر قريته النهرده الصبح .. يمكن مهواش على ارض مصر بس آلمني لدرجه مش عاوزه افتح له توبيك مخصوص ومش عاوزه اكون اول من انقله لشخص لم يسمعه . .

امري لله هحطه هنا وخلاص ..

اليوم تم الموافقة على انفصال السودان بشكل رسمي ..

خلاص ياجماعه من النهرده بقى في اثنين سودان ..

بس خلاص .. وحزنا .. مش عاوزه اكتب اكتر ..

[عبير يونس]

عاجل | الشباب عند مجلس الشعب يناشدون إخوانهم بالتحرير أن يرسلوا لهم تعزيز

الجزيرة.ززالمعتصمون امام البرلمان ومبنى الحكومة يعيقون احمد شفيق من الوصول الى مكتبه

والمراسل بيقول ان ضباط الجيش كلمهوهم وقالولهم روحوا ميدان التحرير وهما رفضوا وطلبوا من الناس فى الميدان انهم ييجوا عندهم ادام االبرلمان والبعض التانى هيوسع الدائرة ويروح عند التليفزيون

العملية شكلها سخنت علي الآخر...

الواحد الأيام الأخيرة دي كان قرب يجيله احباط

شدة التفاؤل تؤدي إلى الإحباط الشديد

المطلوب ليس فقط تفاؤل قد يخبت عند تأخر الطلب

المطلوب يقين بأن الله تعالى يمهل و لا يهمل

و أنه قريب مجيب الدعاء

وفي صحيح مسلم عنه :

لا يزال يستجاب للعبد ، ما لم يدع بإثم أو قطيعة رحم ، ما لم يستعجل ، قيل : يا رسول الله ما الاستعجال ؟ قال يقول : قد دعوت ، وقد دعوت ، فلم أر يستجاب لي ، فيستحسر عند ذلك ويدع الدعاء .

[Alattar]

عاجل || مؤكد | الإعتصامات والإحتجاجات تعم معظم المصالح الحكومية ( القصر العيني - وزارة الصحة - الأهرام - روز اليوسف - سنترال رمسيس - عمال السكة الحديد رصد

هانت ان شاء الله

[aimen]

[Alattar]

عاجل | الشباب عند مجلس الشعب يناشدون إخوانهم بالتحرير أن يرسلوا لهم تعزيز

الجزيرة.ززالمعتصمون امام البرلمان ومبنى الحكومة يعيقون احمد شفيق من الوصول الى مكتبه

والمراسل بيقول ان ضباط الجيش كلمهوهم وقالولهم روحوا ميدان التحرير وهما رفضوا وطلبوا من الناس فى الميدان انهم ييجوا عندهم ادام االبرلمان والبعض التانى هيوسع الدائرة ويروح عند التليفزيون

العملية شكلها سخنت علي الآخر...

الواحد الأيام الأخيرة دي كان قرب يجيله احباط

شدة التفاؤل تؤدي إلى الإحباط الشديد

المطلوب ليس فقط تفاؤل قد يخبت عند تأخر الطلب

المطلوب يقين بأن الله تعالى يمهل و لا يهمل

و أنه قريب مجيب الدعاء

وفي صحيح مسلم عنه :

لا يزال يستجاب للعبد ، ما لم يدع بإثم أو قطيعة رحم ، ما لم يستعجل ، قيل : يا رسول الله ما الاستعجال ؟ قال يقول : قد دعوت ، وقد دعوت ، فلم أر يستجاب لي ، فيستحسر عند ذلك ويدع الدعاء .

جزاكي الله خير الجزاء

الخوف ليس أن الله تعالي لن يستجيب..الخوف ان الواحد ممكن ما يكونش أخلص في الدعاء

عموما..الحمد لله الأمور بدأت تأخذ شكل تاني أحسن بكتير

وواضح ان الاضراب فعلا بقي عام..و هنشوف ان شاء الله الأيام دي

بقية الشعب اللي ما نزلش قبل كده

[fatfouta]

منى الشاذلي... المعتصمين رفضوا تواجدها قبل اعتذارها عن موقفها من ثورتهم في أيامها الأولى، وهو ما رفضته.

كما قام المتظاهرون بطرد الإعلامي عمرو أديب، احتجاجا على الاتهامات التي أطلقها على قناة الحياة بأنهم يتلقون دعما من الخارج ويتناولون وجبات غذائية من "كنتاكي" .

وتكرر نفس الموقف مع نقيب الصحفيين مكرم محمد أحمد. يأتي ذلك في إطار رفضهم ا...ستقبال الإعلاميين من الفضائيات المصرية

[Alattar]

طب ما تيجي نحولها

Object Oriented

بأه و نظبط الثورة في كلاس كده لوحدها

و ليك عليا أدخل مبارك في

Infinit loop

ما يطلعش منه لحد ما يغور بأه

تم تعديل 8 فبراير 2011 بواسطة Alattar

[fatfouta]

الظاهر وائل غنيم وصل التحرير

وائل عنيم || بنقول للريس كفاية عليك كده

ميدان التحرير | الأعداد الآن في ميدان التحرير فاقت المليونين .. ولا تزال الوفود تقدم للتحرير ..والهتاف الآن مصر فوق الجميع .. وائل غنيم يخطب بالميدان الآن

تم تعديل 8 فبراير 2011 بواسطة fatfouta

[fatfouta]

مراسل الجزيرة

الهتاف عند مجلس الشعب

يا طيار يا طيار

جبت منين 70 مليار

بيعت اته ولا خيار