25 يناير ... موعد المصريين (15)

[Simba]

طب وبعد التحرير يا اخوالنا

مفيش اي تغطية غير من الجزيرة

باقي قنوات الاخبار مش جايبة حاجة

محدش حاسس بالناس اللي هناك دي غيرنا

[م تيمور المراغي]

لحظة دخول وائل غنيم هي من اجمل اللحظات اللي عيني حتشوفها في حياتي

يارب يحميك يا وائل وينصر كل الثوار بيك ,,

آمين يارب ,,

[aimen]

RT

@ramyeltarras: الجمعة فقدوا سلاح الداخليه، و الأربع فقدوا سلاح البلطجيه، و امس بظهور وائل فقدوا سلاح الاعلام المضلل و مفضلش الا سلاح العناد و سيسقط #jan25

RT @mohamedahmos: FREEDOM LOADING ███████████████████░ 99% [ Error : Please remove Mubarak and try again ! ] #Jan25 #Egypt #Mubarak #Tahrir

RT @waelabbas: RT @salamah خالد صالح ومنى الشاذلي وشيرين عبد الوهاب في ميدان التحرير ومنع لميس الحديدى من الدخول #Jan25 #Egypt

RT @mAmged: سألوا مبارك عن رأيه في التغيير فقال: التغيير سنة الحياة>>>فقالوا له: وحضرتك مش ح تتغير؟ فأجاب: لا.. لا.. أنا فرض مش سنة #jan25 #tahrir

[fatfouta]

ميدان التحرير: العدد الآن تجاوز 2 مليون ولو ظل توافد المتظاهرين بنفس الكيفية حتى العصر فقد يصل العدد إلى 4 مليون في ميدان التحرير فقط

[rewsha]

لو سمحتوا يا جماعه ...عندنا في مصر مافيش قناة الجزيره

اي خبر عاجل اكتبوهولنا

القنوات المصريه مش بتقول كل حاجه

[أحمد سيف]

ارحل كزين العابدين وما نراه أضل منك

ارحل وحزبك في يديك

ارحل فمصر بشعبها وربوعها تدعو عليك

ارحل فإني ما أرى في الوطن فردا واحدا يهفو إليك

لا تنتظر طفلا يتيما بابتسامته البريئة أن يقبل وجنتيك

لا تنتظر أمّا تطاردها هموم الدهر تطلب ساعديك

لا تنتظر صفحا جميلا فالخراب مع الفساد يرفرفان بمقدميك

ارحل وحزبك في يديك

ارحل بحزب امتطى الشعب العظيم..

وعتى وأثرى من دماء الكادحين بناظريك

ارحل وفشلك في يديك

ارحل فصوت الجائعين وإن علا لا تهتديه بمسمعيك

فعلى يديك خراب مصر بمجدها عارا يلوث راحتيك

مصر التي كانت بذاك الشرق تاجا للعلاء وقد غدت قزما لديك

كم من شباب عاطل أو غارق في بحر فقر وهو يلعن والديك

كم من نساء عذبت بوحيدها أو زوجها تدعو عليك

ارحل وابنك في يديك

إرحل وابنك في يديك قبل طوفان يطيح

لا تعتقد وطنا تورثه لذاك الابن يقبل أو يبيح

البشر ضاقت من وجودك

هل لابنك تستريح؟

هذي نهايتك الحزينة هل بقى شيء لديك؟

ارحل وعارك أي عارْ

مهما اعتذرتَ أمامَ شعبكَ لن يفيد الاعتذارْ

ولمن يكونُ الاعتذارْ؟

للأرضِ.. للطرقاتِ.. للأحياءِ.. للموتى..وللمدنِ العتيقةِ.. للصغارْ؟!

ولمن يكونُ الاعتذارْ؟..لمواكب التاريخ.. للأرض الحزينةِ..للشواطئِ.. للقفارْ؟!

لعيونِ طفلٍ..مات في عينيه ضوءُ الصبحِ..واختنقَ النهارْ؟!

لدموعِ أمٍّ لم تزل تبكي وحيدا..فر أملا في الحياة وانتهى تحت البحار

لمواكبِ العلماء أضناها مع الأيام غربتها وطول الانتظارْ؟!

لمن يكون الاعتذار؟

**

ارحل وعارك في يديكْ

لا شيء يبكي في رحيلك

رغم أن الناس تبكي عادة عند الرحيلْ

لا شيء يبدو في وجودك نافعا

فلا غناء ولا حياة ولا صهيل

ما لي أرى الأشجار صامتةً

وأضواءَ الشوارعِ أغلقتْ أحداقها

واستسلمتْ لليلِ في صمت مخيف..ما لي أرى الأنفاسَ خافتةً..ووجهَ الصبح مكتئبا..وأحلاما بلون الموتِ..تركضُ خلفَ وهمٍ مستحيلْ

ماذا تركتَ الآن في أرض الكنانة من دليل؟

غير دمع في مآقي الناس يأبى أن يسيلْ

صمتُ الشواطئ..وحشةُ المدن الحزينةِ..بؤسُ أطفالٍ صغارٍ..أمهات في الثرى الدامي..صراخٌ.. أو عويلْ

طفلٌ يفتش في ظلام الليلِ..عن بيتٍ توارى..يسأل الأطلالَ في فزعٍ..ولا يجدُ الدليلْ

سربُ النخيل على ضفافِ النيل يصرخ..هل تُرى شاهدتَ يوما..غضبةَ الشطآنِ من قهرِ النخيلْ؟!

الآن ترحلُ عن ثرى الوادي..تحمل عارك المسكونَ ..بالحزب المزيفِ..حلمَكَ الواهي الهزيلْ

***

ارحلْ وعارُكَ في يديكْ

هذي سفينَتك الكئيبةُ..في سوادِ الليل تبحر في الضياع

لا أمانَ.. ولا شراعْ..تمضي وحيدا في خريف العمرِ..لا عرش لديكَ.. ولا متاعْ

لا أهلَ.. لا أحبابَ.. لا أصحابَ..لا سندا.. ولا أتباعْ

كلُّ العصابةِ تختفي صوب الجحيمِ وأنت تنتظرُ النهايةَ..بعد أن سقط القناعْ

[عنبو]

الكداب وصل

عمر اديب العميل

معلش يا جماعه مادام تاب قبل ما مبارك يمشي

نسامحه معلش

دي في حد ذاتها والله

من اكبر الضربات الاعلاميه ,**********

لا ياعم تيمور كفانا طيبه الله يرضى عليك

انا زهقت من طيبة الشعب المصرى لدرجة ان فيه ناس صعب عليها مبارك وقالت مهما حصل بنحبك يا ريس

لازم نتعود اننا نكون حاسمين وناخد قرار ونتحمل تبعية القرار ده

الكلام ده عاوز توبيك منفصل نبقى نتناقش فيه بعد كده

تحياتى

عنبو

[aimen]

لو سمحتوا يا جماعه ...عندنا في مصر مافيش قناة الجزيره

اي خبر عاجل اكتبوهولنا

القنوات المصريه مش بتقول كل حاجه

اتفضلى

http://www.tv96.tv/

كافة القنوات

الجزيرة والعربية وفرنسا والBBC وغيرها

بث مباشر

[fatfouta]

[محمد عبدالعزيز]

لو سمحتوا يا جماعه ...عندنا في مصر مافيش قناة الجزيره

اي خبر عاجل اكتبوهولنا

القنوات المصريه مش بتقول كل حاجه

بث حى لقناة الجزيرة مباشر على الإنترنت:

http://www.livestation.com/channels/43-al-jazeera-arabic

[rewsha]

عن نفسي الايام اللي فاتت القنوات المصريه عملت لي غسيل مخ .وكنت قربت اقول زي كل الناس في مصر (خليهم يمشوا بقى ) ونستنى ونشوف لان ناس كتير مصالحها اتضررت

لكن بصراحه اكتشفت الحقيقه لكن مؤخرا

لكن الحمد لله اني اكتشفتها .والفضل يرجع للمحاورات هنا

[fatfouta]

2:40 الجزيرة: جموع حاشدة من المحامين تتجه إلى ميدان التحرير للانضمام للمتظاهرين مطالبين بتنحي الرئيس مبارك

2:45 اشتباكات عنيفة بين الشرطة والمتظاهرين في محافظة الوادي الجديد .. وأنباء عن وقوع قتلى من المتظاهرين .. والأهالي يردون بحرق سيارات الشرطة

المتظاهرين لا يستطيعون الوصول إلى ميدان التحرير من كثرة الزحام و الأعداد تصل إلى مجلسي الشعب و الشورى و الداخلية و تصل غرباً إلى نقابة الصحفيين و رمسيس وشرقاً تصل إلى محطة الأوبرا خصوصاً بعد وصول وفد من أعضاء هيئة تدريس الجامعات والطلبة يصل إلى 15.000 مصري . وجنوباً أصبح المتظاهرين قريبين من ماسبيرو

[م تيمور المراغي]

شايف مصر تانيه حلوه بتتولد

مش دي الزحمه اللي كان الكل مخنوق بيصرخ ؟

مالهم كده فرحانين متدفيين ؟؟

مش دي الوشوش اللي كانت كشره وعودوانيه ,,

مالهم كده متبسمين ..؟؟

مش ده حنا اللي كان خايف من محمد وعيلته ,,

ماله بيحميهم عشان يصلوا مطمنين

آآآآآآآآه يا مصر يا حلمنا

يا عمرنا

يا حبنا

عمرك ده عدى الف الف الف الف عام

من السنين ,,

[fatfouta]

عن نفسي الايام اللي فاتت القنوات المصريه عملت لي غسيل مخ .وكنت قربت اقول زي كل الناس في مصر (خليهم يمشوا بقى ) ونستنى ونشوف لان ناس كتير مصالحها اتضررت

لكن بصراحه اكتشفت الحقيقه لكن مؤخرا

لكن الحمد لله اني اكتشفتها .والفضل يرجع للمحاورات هنا

كان نفسى اديلك نقطة خضرا بسس للاسف معنديش

تابعى معنا هنا يا حبيبتى لو ماقدرتيش تشوفى الجزيرة عالنت

[the consultant]

يااااااااااااااااااااااااارب يغووووووووووووور هو الحرامية كلهم

[Alattar]

عاجل

خالد صلاح رئيس تحرير اليوم السابع

والإعلامية منى الشاذلي

والمطربة شيرين عبد الوهاب

وعمرو اديب

ينضمون للمتظاهرين بميدان التحرير

الدستور

والتظاهرون يهتفون ضد عمرو اديب ويقولون ارحل يا عميل

ياترى رايحين ليه؟؟؟ دى خطة عشان يهدوا المتظاهرين برضو؟

مع اني ما بحبش عمرو أديب..بس متهيألي اني لما كنت بشوف أحيانا لقطات من برامجه

كنت بلاقيها حاجة كده زي أغلب برامج التوك شو المعروفة..معارضة يعني

ولا فيه حاجة تانية؟؟..أنا فعلا ما اعرفش

[Alattar]

حسام حسن : الأهلي يدير مؤامرة لإلغاء الدوري

كتب – محمد اللاهوني:

تمسك حسام حسن المدير الفني للفريق الأول لكرة القدم بنادي الزمالك بضرورة إقامة جميع مباريات الدور الثاني لبطولة الدوري الممتاز هذا الموسم رغم تأكيد أعضاء مجلس إدارة اتحاد الكرة ضرورة إنهاء المسابقة المحلية مع نهاية شهر مايو المقبل لبدء مباريات بطولة كأس مصر. وأضاف في تصريحات لإحدي الصحف الكويتية أن هناك مؤامرة كبيرة يقودها بعض الأشخاص المنتمين إلى النادي الأهلي داخل مبنى اتحاد الكرة لحرمان الزمالك من التتويج هذا الموسم بدرع الدوري في ظل تربعه على قمة الترتيب حتى نهاية مباريات الدور الأول.

وأشار إلى أن إدارة الأهلي تعلم مدي عجز الجهاز الفني الحالي للأهلي الذي يقوده البرتغالي مانويل جوزيه عن المنافسة على قمة الدوري الممتاز، لعدة أسباب يأتي في مقدمتها كبر معدل أعمار اللاعبين .

وأوضح أن اعتصامات ميدان التحرير ستنتهي في أسرع وقت ممكن، ومن بعدها مباشرة سيتم استئناف النشاط الرياضي مؤكدا أن الزمالك سوف يحسم اللقب في حالة تطبيق اتحاد الكرة مبدأ تكافؤ الفرص بين جميع الأندية الموجودة معه.

و اتارى الى فى التحرير التراس الاهلى

شوفي البلد في ايه و دول في ايه

ربنا يهديك انت و أخوك

تم تعديل 8 فبراير 2011 بواسطة Alattar

[عنبو]

عن نفسي الايام اللي فاتت القنوات المصريه عملت لي غسيل مخ .وكنت قربت اقول زي كل الناس في مصر (خليهم يمشوا بقى ) ونستنى ونشوف لان ناس كتير مصالحها اتضررت

لكن بصراحه اكتشفت الحقيقه لكن مؤخرا

لكن الحمد لله اني اكتشفتها .والفضل يرجع للمحاورات هنا

انزلى بقى بدور شاى وانا عاوز حلبه لان صووووووووتى ضااااااااااايع

او اديدك على مية دولار يعنى

دى الاسعار زى لما التليفزيون المصرى بيقول يعنى الحكومه هى اللى حاطه التسعيره

[Alattar]

لو سمحتوا يا جماعه ...عندنا في مصر مافيش قناة الجزيره

اي خبر عاجل اكتبوهولنا

القنوات المصريه مش بتقول كل حاجه

حضرتك تقصدي...القنوات المصرية مش بتقول أي حاجة أصلا

[se_ Elsyed]

معليش تنبيه إعتراضي كده للجمعة اللي موجودين في الرياض

- من امبارح وصلتنا عدة تحذيرات من هيئة الأرصاد بتوخي الحذر اليوم من هطول أمطار غزيرة ... والنهاردة كذلك كذا إنذار تنبيهي جه من عواصف ترابية وأجواء ممطرة ... من بعد الضهر قلبت تراب ورمل ... والان تجدد الإنذار وإبتدوا يخلوا موظفي الشركات اللي على أطراف الرياض عشان لو حصل حاجة فجأة يقدروا يروحوا بيوتهم ..

إحنا دلوقت في وسط الرياض هانروح بيوتنا وهاخلي الموظفين يمشوا .. وربنا يستر ..