تعالوا نلعب سوا ( صندوق الحظ )

[nagham hady]

مساء الخير

انا عايزة اختار الصندوق التامن

8

ومستنية النتيجة

[Dreamwithme]

يلا يا جماعة يلا قرب قرب كله يجرب معانا

يلا جماعة كله يخلص عشان أنا هأموت ونفتح الصناديق بقي

وبما أني أمين الصندوق يعني من الكنترول أحب أقول لكل مواطن أنه هينبسط علي الآخر

بس حد يسحب آخر أرقام موجودة عشان الرئيسة مغتربة تعلن النتيجة

[قلب ابيض]

احيات الغاليين عندكم

الاقيش صندوق صغير لنور ابنى ؟؟؟

[اغابي]

يا جماعة انتم عسل بجد - عاملتم جو رائع للعبة يا سلام على رضوى ولماضة ودريم بصراحة احلى جو عيشتونا ودلعتونا فيه يا مثلث المرح

ياللاة بقى يا مغتربة الثبيان بتوعك وخاصة الولاه بيلية - قصدى دريم - مظبطة كل حاجة اهو

تعالى اكشفيلنا المستووووووووووووووور

[لماضة مصرية جدا]

يلا يا جماعة يلا قرب قرب كله يجرب معانا

يلا جماعة كله يخلص عشان أنا هأموت ونفتح الصناديق بقي

وبما أني أمين الصندوق يعني من الكنترول أحب أقول لكل مواطن أنه هينبسط علي الآخر

بس حد يسحب آخر أرقام موجودة عشان الرئيسة مغتربة تعلن النتيجة

طب يا سيادة المشتشار.....هنلحقوا قطر النوم بتاع واحدة و لا ايه....(توقيت الامارات يا خلق....ابصم بالعشرة ان مغتربة.....في جزيرة القطن دلوقتي)

انا فاضل عليا 9 دقايق....و يطفوا عليا النور....ليه يا ربي مخلقتنيش لمبة...سهاااااااااااااااااااري؟؟؟؟

[رضوي]

ياجماعة النتيجة هتظهر امتي ؟؟

ماتنسوش ان بكرة يوم عمل .......... واول ايام الاسبوع واكيد فيه شغل كتير

وبعدييييييييييين

انت ياعم ياللي هناك ياللي عامل مشاكل في الطابور ......... اقف وانت ساكت القانون بيقول كدة ...... هنقضيها طوابير ولا ايييييييييه

ريا سيطرة كلمتها ماتنزلش ابداً

دريم .......... مغتربة سابتنا وشكلها نامت وبتاكل رز بلبن مع الملايكة

وانا خلاص اكلت الزبادي وغسلت سناني ومستعده اهه اني ادخل طابور الرز بلبن مع الملايكة ( عاجبك كدة اديني اتعديت من الطوابير يالمضة )

[Dreamwithme]

أحم أحم أحم أخواني أخواتي من موقعي موقع المسؤلية الجسيمة اللي أنا فيه دلوقتي

أحب أؤكد علي أن اللي أوله شرط أخره نور إن شاء الله

ريستي ومعلمتي مغتربة قالت لما كل واحد يأخد صندوقه هنفتح الصناديق

يبقي نصبر لغاية ما حد يسخن وأهي كلها فاضل صندوقين ...

أما بالنسبة للرفيقة لماضة أحب أطمنها أني أنا شخصيا هأبلغ فرار كمان شوية وأشرب اللبن وأنام

ميعاد نومي جه يا جماعة...........ومهما تعرضت لأغراءات مش هأعترف وأقول مغتربة فين ؟ (لو أعرف هأقول ولو بربع جنيه)

وخلو بالكم أنا شايفاكم واحد واحد محدش يوارب الصندوق ولا يحاول يستدرجني في الكلام عشان أقوله حاجه بتاتا ( وش عاطف السكري في مسرحية العيال كبرت)

أعتقد أننا هنكمل يا شباب بكره غالبا مع ظهور لاعبين جدد يخلصونا من الصندوقين اللي فاضلين

أستاذتي قلب أبيض نور يأمر ويأشر هو بس ونبعتله صندوقه اللي هو عايزة

ده أنتوا هتنبسطوا انبساط ومش هتندموا علي لحظات الانتظار بتاتا (ضحكات شريرة متقطعة هههههه)

[cup cake]

و انا كمان و النبى و النبى و النبى

عايزة العب معاكم

انا عايزة 9

[لماضة مصرية جدا]

ده أنتوا هتنبسطوا انبساط ومش هتندموا علي لحظات الانتظار بتاتا (ضحكات شريرة متقطعة هههههه)

اه قلبي.....

لقد قتلني الحنش

يا خوفي يا بدران....انا حاسة اللي عملناه في الناس هيطلع علينا و لا ايه

يعني نروح ننام دلوقتي علي صوت الضحكات الشريرة....طب و ربنا انا ممكن اتقلب من علي المرتبة اللي انا راكباها دي زي المركبة الحربية...

دريمي.....احب اقولك....و اكرر...مغتربة تناولت الديك الحبشي مع شرائح الاناناس المحمرة في زيت يا نخلتين في العلالي يا بلحهم سوا...و قاعدة تجدف علي جزيرة القطن...(السرير يعني..تقريبا بتاخد قطر 11....اكسبريس)

ايييييييييييييييييييييييه

عجبكم كده

طفوا عليا النور

انا احملكم المسئولية كاملة....نظري هيروح....(وش سنية....و هي ماسكة الجواب و بتقول يا بش...يا تس)

[رضوي]

كمان اختنا الجميلة نغم اخدت صندوق 8

والفاضل كب كيك اخد الصندوق 9

فاضل الصندوق 10 ياولاد الحلال

حد يتطوع وياخده بقي

وبعدين ياخوووووووووووفي من ضحكاتك الشريرة ...... وجعت قلبي ومش هلحق اكل الرز بلبن ..... يادريم

طيب لو مش النهاردة ........ يبقي بكرة ان شاء الله ...... باليييييييييييييييييييييييييل .......

تصبحوا علي خيييييييييييييير

علي جنب

هابي درييييييييييييم ................... يادرييييييييييم ياحبيبتي .....( هيجيلك نوم وانتي شايفة اخواتك بالشكل دة ؟؟؟)

[SoSo R]

انا ممكن احل مشكلتكم واخد رقم 10

رغم انى مش حاساه:closedeyes:

بس يلا اكسب فيكم ثواب وخلاص

بس اقل من 10000 دورر

انا مش لاعبة

سلام

[ayat mohamed]

ممكن اشترك معاكم ولا الباب اتقفل

لو ممكن احب اختار صندوق رقم 6

[الســـاري]

ولو ممكن اشترك اعطوني رقم 9 مكرر

[م تيمور المراغي]

طيب كسبنا صلاة النبي

دلوقتي الكائنات الليليه كلها انتشرت وبتبحث عن غنائمها والصناديق العشره تم توزيعها وفل الفل ,,

فين المام بقى ؟؟ :happy:

[الســـاري]

اللهم صلي على النبي ..

مش شغلي بقى الغنايم توزعت ولا لا .. كان المفروض تحسبوا حسابنا وترفعوا شوية صناديق للقادمين ليلا .. مش كنت ترفع لي صندوق على ذوقك كدا وتقول ده لساريفيتش على ما ييجي ..

عموما انا زعلت خلاص والموضوع طلع من ايدي :closedeyes:

ويشرفني اكون رقم 18 اللي يزعل منك خلال الاسبوع دا .. ولاني باقدر الصداقة حارفع رقم 19 للي يحب يزعل عليك بعدي ...

ماشي يا عم طيموور .. كله من الحزام الدهبي بتاع المصارعة اللي انت معلقه ده .. واللي من يوم ما علقته محدش عارف يكلمك يا راجل انتا

[م تيمور المراغي]

هههههه

الحقيني يا لللي في بالي ؟

انت يا عم انت داخل تقول شكل للبيع وخلاص !!!هههههه

انا جبت سيرة مخرج الروائع خالص يا عالم يا هوه اشهدواااااا

المهم بس يا ساري انا الفار بتاع اغابي بيلعب في عبي وحاسس ان هناك امور تدبر بليل في الخفاء لتوزيع الارقام على الموجودين

يعني الجنس الناعم ياخذوا الزبده والخناشير شوية كرووت اتصالات من ام عشره جنيه :happy:

تلك شنشنة اعرفها من اخزم ( حد يعرف مين اللي قالها وفي اي مناسبه ,, اللي حيعرف حديله نص اللي في صندوقي هديه ) :happy:

[م تيمور المراغي]

عارفين ان كل رقم من 1 الى 10 ليه مدلول نفسي يختلف من شخص للتاني ,,

حبقى اجيب التحليل وانزله لما الاختيارات تخلص ,,

ان شاء الله ,,

الرقـم 1 :

هو بداية كل شي. وهذا الرقم يرمز إلى الكون والى كل ما يحتويه ويمكن اعتباره الرقم الأقوى إلا أن له معنى خفيا أيضا لان الرقم واحد هو كل شي فهو بالتالي يعني كميه مجهولة وبسبب هذا المعنى نجده يثير بعض القلق والظلمة والفوضى وأخيرا فهو يرمز إلى النفس البشرية النقية والأكثر إدراكا. صاحب الرقم واحد غالبا ما يكون إنسانا متحفظا لديه إحساس قوي بقوة شخصيته ويريد أن يمشي منفردا بالحياة.

الرقـم 2:

هو رقم الحب وهو رمز التناسل البشري ورقم 2 يمثل الجراءة وهو يحمل معنى الازدواجية والتناقض بين المتقابلين وهو رمز الأضداد الخير والشر والضوء والظلام والسعادة والحزن. صاحب هذا الرقم عاطفي وخيالي يعتمد على قوته في الإقناع ولديه شخصيه مزدوجة حيث يستطيع القيام في دورين متناقضين تماما. انه إنسان اجتماعي يتمتع بمواهب فنيه ويتذوق الجمال والطبيعة وأكثر ما يطمع في الحصول عليه هو الحب. لا يمكن للرقم 2 أن يتطابق مع شخصيه ثابتة ومستقره ولكن من الممكن أن يكون شخصا ساحرا شديد الجاذبية للآخرين.

الرقـم 3:

هو رقم الحياة فهو يتكرر كثيرا في العقائد الدينية والكتابات السحرية وهو يرمز إلى العديد من الأشياء منها الزمن والفلك والموسيقى والهندسة، وهو رقم التفاهم الروحي والمعرفة والذكاء وكل الفضائل. صاحب هذا الرقم ذو شخصيه ذات مهارات عديدة، وهو شخص فردي كما هو الحال مع رقم 1 ولكنه على النقيض يمكنه أن يقيم علاقات صداقه حميمة تشاركه الاهتمامات وتبادل الآراء والأفكار. حاد الذهن يتمتع برؤية ثاقبة دائما ما يقوم بتفسير الأمور مستخدما معرفته في إيجاد معنى لكل الأشياء.

الرقم 4:

هو ينبوع الطبيعة ويرمز إلى الاستقرار والى مبادئ الرياضيات الأولى والى دوره الطبيعية بفصولها الأربعة والى العالم باتجاهاته الأربعة وهو يمثل كل الرغبات البشرية والطموحات مثل: الازدهار والمجد والقوه والصداقة. إن هذا الرقم يحمل القوه والرجولة وهو مفتاح الحياة البشرية ويعني الصحة والجمال والحقيقة. صاحبه يهتم بشئون الحياة كثرا ويتطلع إلى العالم المادي من حوله على حساب العالم الروحي.

الرقم 5:

هو رقم الحيوية والإشعاع ويرتبط بالنور والنماء والحركة والتغير ويرتبط كذلك بالزواج والحياة الاجتماعية والعلاقات الطيبة مع الآخرين، وكان الصينيون قديما يربطون بينه وبين العناصر الخمسة والألوان الخمسة الأساسية لان الرقم خمسه يقع في منتصف الطريق بين الصفر وعشره، فهو بالتالي يمثل حلقة وصل بين كل الأرقام وبالتالي فهو من العلامات للشخصية القوية التي تحب أن تكون في قلب الأحداث. إذا كان هذا هو رقمك فأنت تتملك القدرة الغوية سواء في الكتابة أم في التحدث وأنت كثير الحركة والفضول لمعرفة كل شي رغم انك قد تظهر أحيانا شارد الذهن. صاحب هذا الرقم يحب الحياة كثيرا ومؤهل أن يكون في مركز قيادي لأنه يمتلك القدرة على احتواء المواقف وعدم إثارة مشاعر الغضب والعداء لدى مرؤوسيه.

الرقم 6:

هو رقم العطف والسلام ويعبر عن الانسجام ويرمز أيضا إلى الزواج والتجدد والارتباط بالكون، وقديما كان هذا الرقم يمثل أحيانا بمثلثين ملتحمين سويا رمزا لإتحاد عنصري الطبيعة النار والماء، ومن الممكن أن يعتبر هذا الرقم السعي وراء الكمال والاستفادة من التجربة والخطأ. صاحب هذا الرقم لديه الرغبة القوية في العمل والإنجاز ولديه الأفكار والخطط والمشاريع التي تجذب الآخرين يتمتع بالجراءة والإقدام، وهو طيب وعطوف ورقيق يحب الاستقلال وينجذب الارتباطات العلاقات الوثيقه.

الرقم 7:

هو رقم الحارس وهو غامض ومقدس يجلب الحظ والثورة ويرمز لنظام المجموعة الشمسية ولعجائب الدنيا السبع ونشاطات الأرض وشؤون البشر. الرقم 7 هو رقم روحاني يؤثر على نوعية الشخصية. صاحب هذا الرقم هو إنسان مخلص، ودود، يتميز بالرقة وطيبة القلب يبدي ميلا إلى الشفقة يهتم بالجوهر يشعر بالتجانس والانسجام مع الطبيعة ويعبر عن حبه للطبيعة بحب الحيوانات أو الاهتمام بالحدائق والزراعة.

الرقـم 8:

يرمز هذا الرقم للثقة والاستقرار وكان يقترن عند الإغريق بالمقدرة حيث يقول مثلهم (كل الأشياء هي الثمانية) ويسمى برقم العدالة وذلك لإمكانية تقسيمه إلى أقسام متساوية وهو يعني الإدراك الحسي والتفاهم ويرمز إلى الانسجام العالمي

رقم 9 :

هذا رقم النجاح ، وهو أيضا رقم الفنانين، الذين يتميزون بعقول لامعة عامرة بالأفكار الجديدة الرائعة ، لكنهم متواضعون لا يعرفون التكبر والزهو

رقم 10:

أنت غريزي تفضل الحدس والبديهة على الفكر ثم إنك عملي لكنك لا تهتم كثيرا بالتزام القواعد والعرف هذا بالإضافة إلى أن بك خواص الرقم 2

[مغتربة]

ادا كله كل دا حصل فى الموضوع من امبارح للنهارده

سورى يا جماعه بس انتوا عارفين ان النوم سلطان

انا مبلغتش فرار امبارح و لا حاجه انا الدنيا كلها هى الى بلغت فرار من قدامى

خلاص مادام الصناديق كلها اتاخدت و بقى فى مكرر كمان يبقى هنعلن النتيجه و المكرر هنحط لهم لغز صغنون و الى يحله الاول يبقى من حقه الصندوق

[مغتربة]

احنا كدا عندنا صندوقين مكرريين

الصندوق السادس

و دا مكرر بين اغابى و ايات و الى هيحل اللغز قبل التانى هو الى من حقه الصندوق

الغز هو

قاعده على شجره و لابسه قطيفتها

تبقى ايه

[مغتربة]

الصندوق التانى الى مكرر هو التاسع و دا مكرر بين كب كيك و السارى

و علشان السارى ميزعلش و لا كب كيك دا لغز بسيط و الى هيحله الاول هياخد الصندوق

اللغز هو

ايه الشيىء الى لما نيجى ناكله نرمى الى بره و ناكل الى جوه و لما نيجى نطبخه نرمى الى جوه و ناكل الى بره

و الله سهل قوى

يالله بقى ورونا الشطاره