كيف تعرف المصري / المصرية ؟

[afiona]

يا جماعه احنا مش رايحين الحجاز و الشنط و الشباشب و اللب الابيض موجودين فى القاهره والناس مش ماشيين حافيين فى انتظار شباشبكم ..

:angry: mf( ;) :) :angry:

أنا فطست على روحى من الضحك ....

[بنت شعنونة]

لو دخلت على ناس في مكان عمل ولقيتهم بيتغدوا وكلهم في نفس واحد قالولك اتفضل الاكل... يبقوا مصريييين

لو لقيت عسكري بياخد نمرتك وانت قلتله كل سنة وانت طيب مع شوية ملاليم ولقيته بطل يكتب النمرة.. يبقى مصري

لو لقيت عسكري بيعدي اطفال الشارع او بياخد ب ايد ست عجوزة يعديها.... يبقى هوا هوا نفس العسكري اللي فوق.. ومصري بررررررررررررررضضضضضضضضضضة

لو سالت سواق تاكس على عنوان وبدل ما يدلك قالك امشي ورايا.. يبقى مصري..

لو واحدا ست جوزها مرض ولقيتها تحت رجليه و واقفة مكانه ولا ميت راجل.. تبقى مصرية

لو لقيت مظاهرة بنات على شباب ماشية في الشارع.. يبقوا مصريين

لو لقيت شباك عربية اتفتح واترمى منه ورق مناديل في الشارع.. يبقى مصري

لو لقيت واحد ايده على كلاكس العربية طول الوقت.. يبقى قاهري.. ولو لقيته رابط الحزام ومن غير كلاكس.. يبقى اسكندراني

لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

لو لقيت واحدا نازلة من مصلحة حكومية وعمااااااااااالة تبرطم وتكلم في نفسها....

يبقى انااااااااااااااااااااااااااااااا :lol: <_<

[ابو يوسف]

لو لقيت واحد بتفاصل البياع و بتطلع عينه ....... تبقى أكيد مصرية !!

لو لقيت شحط واقف قدامك و مادد اديه و بيقولك أى حاجة أفطر بيها يا بيه .... يبقى اكيد الشحط ده مصرى !!

لو لقيت واحد ماشى عكس الطريق و بيتخانق علشان الناس توسع له ... يبقى اكيد مصرى

لو شفت اتنين بيتخانقوا <_< fsh:: و 56 واحد بيحوشو و 630 واحد بيتفرجوا ... يبقى الجمع ده كله مصريين ..

لو شفت شاب خريج حقوق .. و بيغسل هدوم الظابط فى الجيش ... يبقى أكيد ده فى الجيش المصرى !!

[yasser6666]

لو لقيت واحد قاعد حاطط رجل علي رجل وأول مايشوف اللي اكبر منه في السن معدي او داخل عليه .ينزل رجله احترام لكبير السن... يبقي الراجل ده مصري حتي لو كان كبير السن مش مصري !!!

[Seafood]

هناك أمور كثيرة ُذكرت يشترك فيها مجتمعات أخرى معنا ولا يختص بها المجتمع المصري .. ولذلك فهي ليست مميزة لنا كمصريين ..

مثلاً شعنونة ذكرت ..

لو لقيت عسكري بيعدي اطفال الشارع او بياخد ب ايد ست عجوزة يعديها.... يبقى هوا هوا نفس العسكري اللي فوق.. ومصري بررررررررررررررضضضضضضضضضضة

لو سالت سواق تاكس على عنوان وبدل ما يدلك قالك امشي ورايا.. يبقى مصري..

وكلا الموقفين قابلتهما في أمريكا أكثر مما قابلتهما في مصر ..

أعجبتني مشاركة بن نيل .. لأن كل الصفات التي ذكرها تقريباً ينفرد بها المجتمع المصري دون سواه .. وقد قال فيها ...

لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى الواحد (او الواحدة) ده مصرى.

لو شفت عامل او ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

لو راكب طيارة والركاب صقفت عند الهبوط.. يبقى انت فى مطار مصرى او شركة طيران مصرية.

لو انت فى مستشفى و طلبوا منك تجيب الدوا من اجزخانة جنبهم... تبقى مستشفى مصرى.

لو انت فى بلد تقريبا كل يوم فى الأسبوع هو عطلة اما لمدرسة او محل او مهنة او مصلحة حكومية ... تبقى انت فى مصر

[Cleo]

لو لقيت واحد بتفاصل البياع و بتطلع عينه ....... تبقى أكيد مصرية !!

الجملة بتتقال كدة...

لو لقيت واحد بتفاصل البياع و بتطلع عينه .......

و ماتشترييييييييش

لازم تكون مصرية...

[Seafood]

لو لقيت واحد بتفاصل البياع و بتطلع عينه ....... تبقى أكيد مصرية !!

الجملة بتتقال كدة...

لو لقيت واحد بتفاصل البياع و بتطلع عينه .......

و ماتشترييييييييش

لازم تكون مصرية...

<_< :lol: gt:

[se_ Elsyed]

لو سالت سواق تاكس على عنوان وبدل ما يدلك قالك امشي ورايا.. يبقى مصري..

يعني تغيبي تغيبي وترجعي تخبطي فينا يا ست شعنونة ...

أصل أنا لسه عامل الحركة دي النهاردة .. كنت نازل أشتري شوية حاجات ولقيت واحد سعودي تايه بعربيته وشكله مش من الرياض وبدل ما اوصفله المكان وأشتغل أشارجي .. قلت له إمشي ورايا وأنا أوصلك .. يبقى أنا كده تاكسجي يا ناس ؟

[بنت شعنونة]

لامؤاخذة يا معنمي

جت فيك <_<

gt:

فيه بدلة معينة بيلبسها كللللللللللللللل المصرييييييين في اي دولة خليجية بدلة صيفي كدا ممييييييييييزة جداااااااااا كلللللللل الناس بتعرفهم بيها + شنطة جلد صغنونة ليها حمالة كدا عشان يربطوها زي الأسورة في ايدهم بيها

دي بقى تريد ماااااااااااااااااااارك :lol:

[Seafood]

لامؤاخذة يا معنمي

جت فيك <_<

gt:

فيه بدلة معينة بيلبسها كللللللللللللللل المصرييييييين في اي دولة خليجية بدلة صيفي كدا ممييييييييييزة جداااااااااا  كلللللللل الناس بتعرفهم بيها + شنطة جلد صغنونة ليها حمالة كدا عشان يربطوها زي الأسورة في ايدهم بيها

دي بقى تريد ماااااااااااااااااااارك :lol:

:o :D

صح يا شعنونة .. البدلة دي إسمها سفاري safari suit ..

وكمان الجلابية الخليجي لازم تكون ضيقة شوية مش عارف ليه ..

[yasser6666]

لو قابلت واحد في الغربة لأول مرة وقعد يسألك أسئلة كتيرة جدأ وكلها شخصية زي بتشتغل فين وبقالك كام سنة وساكن فين وبتقبض كام ومتجوز وألا لأ ومن هنا وألا مصرية ...وأنت لسه متعرفش حتي اسمه أيه???

يبقي اللي بيسألك ده أكيد مصري ....(وطازة)

[Seafood]

لو لقيت واحد خارج من صالة الوصول , ومعاه خمس شنط وأربع كارتونات , ومروحتين وتسجيل .. وعندما يسأله موظف الجمارك " معاك أجهزة كهربية " .. ورد قال لأ .. يبقى أكيد مصري ..

تم تعديل 29 يوليو 2004 بواسطة Seafood