كيف تعرف المصري / المصرية ؟

[Seafood]

إذا رأيته يمسك في يد علبة سجاير , وفي اليد الأخرى سلسلة مفاتيح .. فتأكد أنه مصري ...

إذا سمعته بعد أن يضحك يقول " خير اللهم إجعله خير " .. فتأكد أنه مصري ...

إذا البلية لعبت معاه , وأول عربية فكر في شرائها كانت مرسيدس .. فتأكد أنه مصري ..

تم تعديل 23 يوليو 2004 بواسطة Seafood

[Seafood]

لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...

[Gharib fi el zolomat]

rs: lo:: :)

[se_ Elsyed]

إذا البلية لعبة معاه , وأول عربية فكر في شرائها كانت مرسيدس .. فتأكد أنه مصري ..

ليه كده يا باشمهندس فواكه البحر ؟

اهي خدت الشر وراحت عشان نستريح rs:

[linux]

مطرح مايروح، ماسك الموبايل في أيده rs:

[se_ Elsyed]

أول ما يتعين في مكان جديد يروح مدي زومبه للي عينوه وساعدوه رداً للجميل . rs:

لو شفت حد ماشي بعربيته وراكب فوق الكلاكس ونازل تزمير .. يبقى أنت اكيد المصري ..

لو شوفت واحد ماشي بالعربية وفجاة يُتفح زجاج العربية ويقوم بإلقاء أكياس قمامة ... يبقى هو بعينه .

لو واقف في طابو في امان الله ولقيت واحد بيتسحب زي الحيه وراح حاشر نفسه في اول الطابور وليذهب الآخرون إلى الجحيم ... يبقى من ريحة الحبايب .

- لو معدي جنب كابينة تليفون عام في الشارع ولقيت واحد صوته عالي وكل الدنيا سمعاه إلا هو مش سامع نفسه... يبقى شارب من الترعة وعنده بلهارسيا .

[linux]

لو عمره مايقول "ما أعرفش!"

تلاقيه في الدين يفتي، في الهندسة البيولوجية مافيش مانع، في نظم الأقتصاد مايضرش، في اللغات الحية و الميتة جهبذ، في علم الفلك أستاذ، في علم الفضاء متمكن، الخ الخ الخ. ys):

[Seafood]

لو لقيت سواق عربية دايس على الفرامل والبنزين والكلاكس في وقت واحد .. يبقى أكيد مصري ...

تم تعديل 23 يوليو 2004 بواسطة Seafood

[guivara]

لاسمر أبو ضحكة ترد الروح.... أعرفه من بين مليون إنسان...

rs:

[Seafood]

لو لقيت واحد واقف وهو ساند على عربية مش بتعته , ولما يشوف صاحبها جاي يقول له " لمؤاخذة يا باشا ".. يبقى هو المصري ...

[Excellence]

لو عرفت إن واحد غلبان و مديون لشوشته

..لقى شنطة في المطار فيها 100 ألف دولار... راح مسلِمها للأمانات علشان ترجع لصاحبها لمَا يسأل عليها..

..يبقى مصري إبن مصري

ولو لقيت واحدة فاتحة بيت ب300 جنيه فيه 4 عيال و ابوهم .. أكل و شرب و مدارس و غيره..و ساترة جوزها و راضية 24 قيراط..

..تبقى مصرية بنت مصرية

و لو شفت واحد بيحترم أبوه و أول ما يشوفه بيوطِي على إيده يبوسها

..يبقى مصري

..و لو كلت علقة علشان كنت بتعاكس بنت في الشارع..

..تبقى البنت اللي كنت بتعاكسها.. مصرية

[Gharib fi el zolomat]

لو عرفت إن واحد غلبان و مديون لشوشته

..لقى شنطة في المطار فيها 100 ألف دولار... راح مسلِمها للأمانات علشان ترجع لصاحبها لمَا يسأل عليها..

..يبقى مصري إبن مصري

ys):

تحياتى يا إكسلانس

[Seafood]

لو لقيت واحدة مش قادرة تمسك نفسها من الضحك هي وصاحبتها من غير سبب قدام كاميرا في برنامج تليفزيوني يلتقي بالجماهير .. يبقى أكيد مصرية ...

تم تعديل 23 يوليو 2004 بواسطة Seafood

[Abouhemeed]

حقيقة المصري صاحب شخصية مميزة

يقدر من يمدح فيه

و يسامح من يتجنى عليه

صابر على الإهانات من الأشقاء لأنه يؤمن بالعروبة و صلة الرحم

يعرف أن من شبع بعد جوع فلابد أن يتكرع و ... و نفسه حلوة

أما هو فقدره أن يظل وطنه الملجأ و الملاذ لكل من دار عليه الزمن

المصري يعرف متى يسكت في وسط ناس لا تعلم متى و كيف تتكلم

المصري عندما كان غنيا كان خيره لغيره دون مقابل و لا من و لا تعالي أما غيره نراهم اليوم بعد ما فتح الله عليهم و ربنا يزيدهم .. يعيبون عليه حمله للمحمول و تحدثه في تليفون بصوت عال ، و بيركن على العربية و يعتذر للباشا ، و يشتري عربية مرسيدس مستعملة لما ربنا يفتح عليه و يسمع رأي الناس فيه و لا يقول رأيه في أحد لأنه مؤدب .. بمنتهى البساطة رجل مؤدب ، و يعلم أن قيمته في حكمته وكبر عقله ...

لم يتدهور حال المصري إلا عندما نامت القوالب و قامت الأنصاص ، الأنصاص و الأرباع و الفتافيت في كل شيء ..

و المصري سيظل دائما هو المصري ...

[Seafood]

الموضوع كالعادة ها يدخل في التفتيش في النيات .. وأرشح أنه سيغلق قريباً ...

أعزائي ,

الموضوع أنا فتحته في باب المناقشات الخفيفة خصيصاً , ليكون من نوع النقد الخفيف المرح واللاذع في نفس الوقت .. يعني مش مستحمل الكلام الكبير إللي بيتقال دا ..

وإللي عايز يتكلم عن الشخصية المصرية , وينتقدها نقد جاد مافيش مانع يكون في موضوع آخر ..

ومن غير زعل ..

تم تعديل 23 يوليو 2004 بواسطة Seafood

[Abouhemeed]

كلام معقول

بس بعد إيه ؟

بعد ما إتقال ما لا يجب أن يقال ؟

و لو كانت المداخلة إبتدأت بسؤال كيف تعرف ال ****ي ؟ هل كانت المداخلات كما رأيناها ؟ أم كان الموضوع أخذ مجرى آخر ؟؟

يا جماعة خلونا نحب بعضنا و نحاول أن نزيل ما لحق بنا من فرقة ...

ربنا يتولانا و يهدي سرنا كلنا ..

قولوا كلكم في نفس واحد آآآآآآآآآآآآآآآآآميييييييييييييييييييييين ...

[linux]

عزيزي سي فوود

أنا فعلا فهمت أن الموضوع عبارة عن مناقشة خفيفة.

اؤيد توقعك، هاننقسم حزبين: حزب المصريين "الحقيقين" بتوع الحياة وردي ... و القسم التاني، لو تجراؤ و انتقدوا يبقوا يااما خونة يا من بوركينا فاسو rs:

[Farah]

لو شفت حريقه ولاقيت ناس كتيره بتجري عشان تطفي قبل وصول المطافي يبقي لازم يكونوا مصريين

لو شفت ناس بتتكلم في نفس واحد محدش عايز يسمع كل واحد لوحده يبقي لازم يكونوا مصريين

لو شفت ناس بتعرض مساعده من غير ماحد يسألهم يبقي لازم يكونوا مصريين

[الأفوكاتو]

النقد الذاتى المقصود به التفكه, لا يضر, فمعظم شعوب العالم تتتريق على نفسها, و أولهم الأيرلانديين.

[Gharib fi el zolomat]

خلينا نبص للجزء الملآن من الكوب وكل شعب فيه الكويس و الوحش

كل سنه و إنتم طيبيين

يجعله عامر rs: