اذهب إلى المحتوى
محاورات المصريين

شغب ومصادمات بين الأمن ومسيحيين احتجاجاً على وقف إنشاءات بكنيسة العمرانية


se_ Elsyed

Recommended Posts

وبدء مسلسل لوي الدراع السخيف ....

عارف إن الكلام ده ممكن يزعل المسيحيين .. لكن ... هناك أمور لابد أن نزنها بالعقل .. يعني الاف من الغوغاء بيتظاهروا ويكسروا .. يبقى ده هبل ... في حين كان ممكن يحصل ده من وفد مكون من عقلاء الكنسية ويتوجهوا للمحافظة أو للجهة اللي اصدر قرار إيقاف البناء بالرغم من إني مش عارف خلفيات الموضوع إيه

لكن لو سيبنا الموضوع للغوغاء والثورجية . يبقى النتيجة هاتيجي على دماغهم هم

هما دلوقت بيعملوا كده لوي دراع للدولة عشان ظروف الإنتخابات وفاكرين إن الامن مشغول بها ..

لكن إحنا لنا الظاهر ... الظاهر بيقول إن البابا شنودة أصدر امر باباوي بمنع أي تجمهر او تظاهر في اماكن العبادة المسيحية ..

وبالتالي اللي حصل النهاردة ده يُعتبر مخالفاً لقراره ...

يبقى المتظاهرين يستاهلوا اللي يجرا لهم خصوصاً لو تزامن هذا مع عنف وتكسير سيارات وتخريب ... وأظن كاميرات التليفزيون هاتذيع وتورينا ده كله

وسط الآلاف من أفراد الأمن المركزي، تجمهر المئات من المسيحيين فى الساعات الأولى من صباح الأربعاء في منطقة الطالبية بالهرم احتجاجاً على عدم بناء مجمع للخدمات القبطية بالمنطقة، مما تسبب فى توقف حركة المرور بشارع الهرم و الطريق الدائري.

وحدثت اشتباكات عنيفة بين المتجمهرين و قوات الشرطة قرب الكنيسة، حيث قام المتجمهرون بقذف رجال الأمن المركزي بالحجارة، مما أجبر قوات الأمن لاستخدام القنابل المسيلة للدموع و العصي لفض التجمهر، والحفاظ على سلامة المواطنين بالمنطقة.

كما توجهوا إلى شارع الهرم الرئيسي للتجمهر أمام مبنى محافظة الجيزة، وقاموا بتكسير السيارات السائرة و المتوقفة، مما تسبب فى ذعر المواطنين وتوقف حركة المرور تماماً بالشارع و الطريق الدائري.

وهدد المسيحيون بقطع شارع الهرم والطريق الدائري إذا لم تسمح الجهات المسئولة بإعادة أعمال البناء فى المجمع.

وعلى الفور، قامت قوات الأمن بفض التظاهر أمام مبنى محافظة الجيزة بعد إحداث بعض الخسائر البسيطة به، حيث اطلقوا عدد كبير من القنابل المسيلة للدموع على المتجمهرين مما تسبب فى تكون سحب من الأدخنة ملأت المكان.

واسفرت المصادمات أمام مبنى محافظة الجيزة عن إصابة 13 جندي من قوات مكافحة الشغب، مقابل 6 من صفوف المسيحيين، كما تم القبض على 22 من المتجمهرين لإحداثهم تلفيات بمبنى المحافظة و سيارات المواطنين.

واثيرت شائعات أمام مبنى كنيسة العمرانية الذى يشهد زيادة أعداد المسيحيين منذ فجر الأربعاء حتى الآن، تفيد بأن قوات الشرطة قد احتجزت عدد من المسيحيين الذين اشتركوا فى الصدامات وإحداث أعمال الشغب، وأن أهالي هؤلاء المحتجزين لن يفضوا التجمهر إلا بعد أن يتم إطلاق سراحهم.

كانت نيابة العمرانية الثلاثاء الماضي، قد بدأت تحقيقاتها فى أحداث تجمهر العشرات من الأقباط في منطقة الطالبية بالهرم إعتراضا منهم على عدم إتمام بناء مجمع للخدمات القبطية.

وتبين من التحقيقات أنه فى عام 2009 تقدمت مطرانية الأقباط الارثوذكس بطلب للحصول على رخضة ببناء مجمع للخدمات القبطية وصدر الترخيص.

وبدأت عملية البناء يوم 5 من الشهر الحالى وأثناء مرور مهندس حى العمرانية على موقع البناء لاحظ وجود بعض المخالفات فى الرسومات التى تقدمت بها المطرانية للحصول على الترخيص لبناء مجمع الخدمات عن ما تم بناءه، حيث تبين أن البناء على شكل قبة بما يشبه الكنيسة.

وقرر رئيس حي العمرانية وقف الأعمال الانشائية مما تسبب فى تجمهر المواطنين.

قررت النيابة استدعاء قمص القساوسة والانبا دوما تيوسى الذى صدر بإسمه قرار ترخيص .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • الردود 382
  • البداية
  • اخر رد

أكثر المشاركين في هذا الموضوع

يعني ايه مجمع خدمات قبطية؟؟؟؟؟؟؟؟؟؟؟؟

ايه هي الخدمات القبطية دي يعني؟؟؟

بصي يا أم مريم

الموضوع ده منتشر في مصر دلوقت

ما بقاش يتبني كنيسة للصلاة وبس

لكن بقى مجمع لا يقل عن 5 أدوار وبيشتمل على كنيسة وعلى عيادات طبية وعلى جمعيات خيرية وإجتماعية ومراكز لدروس التقوية وحضاانات وممكن دار أيتام و و و و و

وده على فكرة موجود من زمن في المساجد .. مساجد كتيرة جداً لم تعد مجرد مكان للعبادة فقط .. لكنها مجتمع متكامل ...

لو حضرتك من القاهرة .. وبتمشي على الطريق الدائري قبل تقاطع الدائري مع طريق الأسماعيلية عند موقف العاشر من رمضان .. فبتلاقي مجمعين مقابلين لبعض تماماً قريبين من الدائري ... واحد مسيحي والأخر مسلم ... حاجه كده أشبة بناطحات السحاب ... ومساحتهما ضخمه جداً ومتكلفين جامد قوي ...

الكنيسة طبعاً اللي عملاها الكنيسة الأم

والمسجد والمجمعات التابعة له .. سيدة أعمال واحده فقط هي اللي قامت بالموضوع ده كله بمفردها .. تخيلي ؟

أنا بأشجع الموضوع ده تماماً ..

وبصراحة شوفت مساجد عامله دور حضانة وفصول تقوية من زمان ... وبتساعد كتير جداً الناس الغلابة اللي مش بتقدر على الدروس الخصوصية ..

كمان شوفت مساجد عاملة جمعيات خيرية ومراكز للغسيل الكلوي ومراكز طبية أو مستوصات وبتبقى بأسعار كويسة قوي قوي في متناول الجميع ..

مش عيب أبداً

بل بالعكس .. ده بيشيلوا من على كاهل الدولة مسئولية كبيرة جداً

لكن أن تنحرف تلك المراكز عن هدفها . وتبقى بؤر تأمرية ومراكز للتظاهر والأعتصام والضغط ...

يبقى كده بنشوه شكلها .. وبتحيط نفسها بداوئر من الشك والريبة حول أهدافها اللي المفروض إنها دينية وأجتماعية فقط ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انا داخله علشان اسال عن نفس الموضوع لان حتى المواقع الى نقله الخبر مش موضحه اى تفصيلات

الحصيله الاخيره قتيل و 23 مصاب جميعهم من المسيحيين على حسب روايه اليوم السابع

ايه الى حصل الى عارف يا ريت فعلا يعرفنا فورا

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

استقبل مستشفى أم المصريين بالجيزة، صباح اليوم الأربعاء، 23 مصاباً ومتوفى جميعهم أقباط جرّاء أحداث الشغب، التى وقعت أمام محافظة الجيزة وكنيسة العمرانية بسبب أزمة البناء بكنيسة الدائرى.

وصرّح مصدر طبى من داخل المستشفى بأن قسم الطوارئ استقبل ما يقرب من 23 مصابًا مسيحيًا فى الفترة من 45. 7 دقيقة صباحاً حتى الساعة التاسعة بالإضافة إلى وصول شاب مسيحى متوفى يدعى ماكاريوس جاد شاكر "19 سنة" وتتراوح أعمار المصابين بين 20 و 47.

كما أكد المصدر أن جميع الحالات المصابة مستقرة إلى جانب حالة واحدة فى غرفة العمليات حالياً، وأعلن مستشفى أم المصريين حالة الطوارئ القصوى تحسبا لاستقبال أى حالات جديدة فى تلك الأزمة مؤكدة أن قسم الطوارئ يعمل على مدار الساعة لمتابعة أى حالات جديدة .

دا عن اليوم السابع

يا جماعه ايه الى حصل و ازاى الامور اطورت بالشكل دا الى سمعته من العربيه نت ان كان فى محاوله لاقتحام مبنى محافظه الجيزه لكن فى مواقع بتقول ان المصادمات كانت عند كنييسه

الحقيقه فين و ايه بالضبط الى حصل

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

يعني ايه مجمع خدمات قبطية؟؟؟؟؟؟؟؟؟؟؟؟

ايه هي الخدمات القبطية دي يعني؟؟؟

بصي يا أم مريم

الموضوع ده منتشر في مصر دلوقت

ما بقاش يتبني كنيسة للصلاة وبس

لكن بقى مجمع لا يقل عن 5 أدوار وبيشتمل على كنيسة وعلى عيادات طبية وعلى جمعيات خيرية وإجتماعية ومراكز لدروس التقوية وحضاانات وممكن دار أيتام و و و و و

وده على فكرة موجود من زمن في المساجد .. مساجد كتيرة جداً لم تعد مجرد مكان للعبادة فقط .. لكنها مجتمع متكامل ...

لو حضرتك من القاهرة .. وبتمشي على الطريق الدائري قبل تقاطع الدائري مع طريق الأسماعيلية عند موقف العاشر من رمضان .. فبتلاقي مجمعين مقابلين لبعض تماماً قريبين من الدائري ... واحد مسيحي والأخر مسلم ... حاجه كده أشبة بناطحات السحاب ... ومساحتهما ضخمه جداً ومتكلفين جامد قوي ...

الكنيسة طبعاً اللي عملاها الكنيسة الأم

والمسجد والمجمعات التابعة له .. سيدة أعمال واحده فقط هي اللي قامت بالموضوع ده كله بمفردها .. تخيلي ؟

أنا بأشجع الموضوع ده تماماً ..

وبصراحة شوفت مساجد عامله دور حضانة وفصول تقوية من زمان ... وبتساعد كتير جداً الناس الغلابة اللي مش بتقدر على الدروس الخصوصية ..

كمان شوفت مساجد عاملة جمعيات خيرية ومراكز للغسيل الكلوي ومراكز طبية أو مستوصات وبتبقى بأسعار كويسة قوي قوي في متناول الجميع ..

مش عيب أبداً

بل بالعكس .. ده بيشيلوا من على كاهل الدولة مسئولية كبيرة جداً

لكن أن تنحرف تلك المراكز عن هدفها . وتبقى بؤر تأمرية ومراكز للتظاهر والأعتصام والضغط ...

يبقى كده بنشوه شكلها .. وبتحيط نفسها بداوئر من الشك والريبة حول أهدافها اللي المفروض إنها دينية وأجتماعية فقط ..

انا كنت بحسب خدمات قبطية دي حاجة تانية مخصوص للاقباط يعني

كنت فاكراها حاجه جديدة

معلش سؤال تاني اصل الاسم نفسه خضني ( مجمع خدمات قبطية) دا ما بيتعالجش فيه مسلمين يعني

و هو مثلا يعني مستشفى رابعة العدوية في القاهرة اظن دا جنب المسجد او ملحق بيه ما بيتعالجش فيه مسيحين؟

عندنا في اسكندرية حاجه زي كده اسمها الانبا تكلا و اللي اعرفه ان في مسلمين بيرحوا يتعالجوا فيه عادي

و كمان جمعية نور الاسلام العلاج فيها للكل سواء مسلم او مسيحي

ايه لزومه بقى تخصيص المكان بانه مجمع خدمات قبطية ؟؟؟؟؟؟؟

عموما طبعا اللي بيحصل دا من ضعف الدولة

يا رب بس الموضوع ما يتحولش بقدرة قادر انه يا حرام يا حرام اضطهاد للاقباط في مصر

ربنا يستر

رابط هذا التعليق
شارك

انا لو كنت موجود في مصر كنت شاركت في المظاهره دي ,,

اولا عشان مش طايق الحكومه ,,

ثانيا عشان من حقهم يبنوا المبنى الملحق للكنيسه بتاعتهم ,, اي الاستفزاز ده من الحكومه ؟

ولا عشان يبان يعني انها الحكومه المتدينه فتكسب تعاطف الشعب وقت الانتخبات مع انها بتسحل الاخوان واهاليهم وانصارهم الله يعينهم وينصرهم

اي هبل وخلاص ,,

ده فيديو للمظاهرات من يوتيوب ,,

المجد لولادك المخلصين ...

رابط هذا التعليق
شارك

لأ عادي

المجمعات الطبية الإسلامية أو القبطية بتبقى مفتوحه للجميع

اما هي ليه ملحقة بالمسجد أو الكنسية ؟

لانها تابعه له وإيرادتها بتصب في الجميعة اللي بتديرها واللي هي تابعة للمسجد أو الكنسية وبتبقى لازم تكون جمعية مُشهرة

يعني على سبيل المثال ... مجمع مسجد الدكتور مصطفى محمود ... بجد بجد به نخب طبية تضاهي الموجودة في المستشفيات الإستثمارية في مصر ... ومع ذلك بيقدموا الخدمات دي باجور رمزية .. لان الأطباء أنفسهم بيكونوا حابين إنهم يشاركوا في عمل خير ويقتطعوا جزء من وقتهم لصالح الاعمال الخيرية التي تقدمها تلك المراكز .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انا لو كنت موجود في مصر كنت شاركت في المظاهره دي ,,

اولا عشان مش طايق الحكومه ,,

ثانيا عشان من حقهم يبنوا المبنى الملحق للكنيسه بتاعتهم ,, اي الاستفزاز ده من الحكومه ؟

ولا عشان يبان يعني انها الحكومه المتدينه فتكسب تعاطف الشعب وقت الانتخبات مع انها بتسحل الاخوان واهاليهم وانصارهم الله يعينهم وينصرهم

اي هبل وخلاص ,,

ده فيديو للمظاهرات من يوتيوب ,,

لا حكومة متدينة و لا حاجه يا باشمهندس

المحافظة كانت موافقة على البناء و اديتهم تصريح

مكتوب حصل مخالفة في التصميم اللي قدموه

الراجل اوقف البناء

يقوم يبقى رد الفعل كده؟؟؟؟؟؟

مظاهرات و تحديف طوب و تكسير عربيات

و اقتحام مبنى المحافظة

ما كان الاولى وفد من الكنسية يروح للمحافظ يشوف الغلط فين و يعدل التصميم و خلصنا

رابط هذا التعليق
شارك

أنا قريت الخبر في المصري اليوم امبارح

عشرات الأقباط يتجمهرون احتجاجاً على وقف البناء فى «كنيسة العمرانية».. ومحافظ الجيزة يتدخل لحل الأزمة

جمهر عشرات الأقباط أمام «كنيسة العذراء والملاك» بالعمرانية، أمس، احتجاجاً على قرار رئيس الحى وقف عمليات البناء فى الكنيسة، وتوجهت 12 سيارة أمن مركزى وفرضت كردوناً أمنياً حول المنطقة، لمنع أى أحداث شغب بعد أن قطع العشرات، فجر أمس، الطريق الدائرى لمدة ساعة. فيما التقى المهندس سيد عبدالعزيز، محافظ الجيزة، مع وفد من كهنة الكنيسة لوضع حل للأزمة، واتفقوا على السماح باستكمال عمليات البناء.

قال أحد كهنة الكنيسة، لـ«المصرى اليوم»، إنهم حصلوا على ترخيص بناء قبل 3 أشهر، وبدأ البناء منذ شهرين، ولكن مهندسى الحى جاؤوا ليؤكدوا أن بناء الكنيسة مخالف للرسومات التى تم تقديمها، وبناء عليه تم وقف أعمال البناء.

وأوضح الكاهن، الذى طلب عدم ذكر اسمه، أن اعتراض المهندسين كان بسبب عدم وجود سلم إضافى خلفى للكنيسة (سلم طوارئ)، وأن نائب رئيس الحى أكد لكهنة الكنيسة أن البناء سيتم إيقافه حتى يتم حل أزمة السلم.

و كنت مش عارفة أحطه في موضوع التمييز الإيجابي و لاّ فين

بس حسيت ان فيه حاجة غامضة .. الخبر مقتضب أكثر من اللازم

هل هو استغلال لضعف الدولة .. أم بالعكس الحكومة بتغازل المشاعر الدينية للمسلمين

بس هو المسلمين ايه اللي هيؤذيهم في البناء ده؟

و لا هي مشكلة فنية فعلا و محدش عاقل اتصرف؟

ربنا يستر

رابط هذا التعليق
شارك

وليه يا س س بتعتبر انه لوى دراع سخيف

وما تعتبرش انه موقف وليد اللحظة الانفعالية - و نتيجة طبيعية

جدا انهم اتضايقوا من رفض الجهات المعنية انشاء المبني

وليه ياريمو

تقولى انشالله ما يتحولش بقدرة قادر انه يا حرام يا حرام اضطهاد للاقباط في مصر

ما هو فعلا اضطهاد اضطهاد اضطهاد وواضح زى الشمس ولو اللجنة لمسلمين ما كنش داه حصل

وليه يا mustafagamiel

تقول ان المسيحيين حيعملوا اكتر من كدا

ولا هما مش من حقهم يدافعو عن نفسهم

ما هو كل واحد فى ايده سلاح حيستعمله

ولا انت ما سمعتش حادث من 3 ايام عن قرية النواهض وحرق 13 بيت قبطي

والشرطة المصونة بتتفرج على اللى بيحصل من بعيد لبعيد

غريبة وما سمعناش صوتكم فى الموضوع داه

ليه ما مفيش حد عمل موضوع على المحاورات يقول ال13 بيت مسيحين والماشية موتوها وحرقو اراضيهم وحاجات زى كدا - واللى فى منهم بيت فجروه بانبوبة بوتاجاز

من ايادي المسلمين بقرية النواهض لوى دراع سخيف للحكومة - ليه ما حدش سمعنا صوته فيكم

طيب مش يمكن الناس اللى شيفينها دى سواء المجروحين او اللى ماتو

يكون بسبب موضوع قرية النواهض - ماثر عليهم لانه لية بس 3 او 4 ايام - قريب جدا

مش يمكن نفسية المسيحيين اتازمت جدا

اه نسيت اقولكم

انا ضد طبعا مخالفتهم لطلب البابا شنودة فى عمل المظاهرات

كدا غلط بس هل الموضوع له جذور

اصل غامض شوية

بكره نعرف

تحياتى

:give_rose:

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

ثانيا عشان من حقهم يبنوا المبنى الملحق للكنيسه بتاعتهم ,, اي الاستفزاز ده من الحكومه ؟

مش فاهم ؟؟؟

يعني قدرت تحكم إزاي يا باشمهندس إن ده حقهم أو مش حقهم مع إن مافيش معلومات لسه عندنا ؟

وهل عشان أنا مسجد أو كنيسة يبقى ابلطج وأخالف القانون ولو مثلاً رخصة البناء مُصدرة بـ 5 ادوار يبقى ابنى 10 و 15 ؟

أنا شوفت بعيني مساجد مُخالفة وبانية في قلب الشارع ومقتطعه جزء منه ... يبقى مش ده مسجد ضرار ويستحق الهدم ؟

دور العبادة لابد ان تكون هي القدوة ... مش تاخد الدين رخصة وتمارس البلطلجة والمخالفة وتبقى هي شرارة إنطلاق الغوغاء والدهماء اللي مش عارفين هما بيعملوا إيه وهايودوا البلد لفين ؟

لم تختلف تلك الصور عن صور نشرناها في المنتدى هنا من قبل من سنتين تقريباً في منطقة عين شمس ..

لغوغاء مسلمين هم في الأصل شباب صغير صيع وبلطجية ويبشربوا بانجو .. راحو أشعلوا النار في مجمع خدمات قبطي من الباب للطاق .. لإنه كان مصنع نسيج وصاحبه باعه لواحد مسيحي وحصل على ترخيص وحوله لمجمع خدمات قبطي ... فليه وليه فجأة يتقلب مجمع خدمات مسيحي وسط منطقة اغلبيتها مسلمين ... فخرج هؤلاء بمنتهى الجهل والسذاجه عشان يولعوا فيه !!!!!!!

الغوغائية والجهل منفشي في الجانبين ...

والعقول التي تسكن الأذان ولا تفهم ولا تعقل ولكن تتحرك بمجرد كلمتين تسخين عشان تحرق الأخضر واليابس ...

تلك العقول تستحق الكسر لأنها هاتدمر الوطن كله

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

وليه ياريمو

تقولى ان شاء الله ما يتحولش بقدرة قادر انه يا حرام يا حرام اضطهاد للاقباط في مصر

ما هو فعلا اضطهاد اضطهاد اضطهاد وواضح زى الشمس ولو اللجنة لمسلمين ما كنش داه حصل

عشان دا مش اضطهاد يا اغابي

لانهم بالفعل ادوهم تصريح بالبناء

كان يبقى اضطهاد لو امتنعوا عن اعطاءهم التصريح من الاول

الكلام واضح زي الشمس للي عاوز يشوف صح يا اغابي

بيقولوا فيه مخالفة في التصميمات عن الي اتبنى في الواقع

ايه بقى المشكلة؟؟؟

المشكلة في اللي ما التزمش بالتصميمات يا اغابي مش المشكلة في

اللي وقف البناء

و المشكلة الاكبر في اللي راح عمل مظاهرات و تكسر و بهدلة في الشوارع

و ما اتخذش الاسلوب السليم في حل الموضوع

وفد من الكنسية للحي يحلوا الخلاف

شوفتي بسيطة ازاي

تم تعديل بواسطة remo
رابط هذا التعليق
شارك

أنا قريت الخبر في المصري اليوم امبارح

عشرات الأقباط يتجمهرون احتجاجاً على وقف البناء فى «كنيسة العمرانية».. ومحافظ الجيزة يتدخل لحل الأزمة

جمهر عشرات الأقباط أمام «كنيسة العذراء والملاك» بالعمرانية، أمس، احتجاجاً على قرار رئيس الحى وقف عمليات البناء فى الكنيسة، وتوجهت 12 سيارة أمن مركزى وفرضت كردوناً أمنياً حول المنطقة، لمنع أى أحداث شغب بعد أن قطع العشرات، فجر أمس، الطريق الدائرى لمدة ساعة. فيما التقى المهندس سيد عبدالعزيز، محافظ الجيزة، مع وفد من كهنة الكنيسة لوضع حل للأزمة، واتفقوا على السماح باستكمال عمليات البناء.

قال أحد كهنة الكنيسة، لـ«المصرى اليوم»، إنهم حصلوا على ترخيص بناء قبل 3 أشهر، وبدأ البناء منذ شهرين، ولكن مهندسى الحى جاؤوا ليؤكدوا أن بناء الكنيسة مخالف للرسومات التى تم تقديمها، وبناء عليه تم وقف أعمال البناء.

وأوضح الكاهن، الذى طلب عدم ذكر اسمه، أن اعتراض المهندسين كان بسبب عدم وجود سلم إضافى خلفى للكنيسة (سلم طوارئ)، وأن نائب رئيس الحى أكد لكهنة الكنيسة أن البناء سيتم إيقافه حتى يتم حل أزمة السلم.

و كنت مش عارفة أحطه في موضوع التمييز الإيجابي و لاّ فين

بس حسيت ان فيه حاجة غامضة .. الخبر مقتضب أكثر من اللازم

هل هو استغلال لضعف الدولة .. أم بالعكس الحكومة بتغازل المشاعر الدينية للمسلمين

بس هو المسلمين ايه اللي هيؤذيهم في البناء ده؟

و لا هي مشكلة فنية فعلا و محدش عاقل اتصرف؟

ربنا يستر

بصراحة الله يستر - يظهر اللغة اللى ماشية حاليا فى الشارع المصري هى دى الطريقة

كل يوم مظاهرات واحداث شغب

انا حاسة ان البلد دي بتضيييييييع من بين ايدينا واحنا مش فاهمين حاجة

انا عن نفسي مش فاهمة اى حاجة فى اى حاجة

خلاص كل يوم حاجة تحصل جديدة مع المسيحيين وبنفس تشابه القصص هى نفسها لو الحكومة خوفت الناس

ما كنش داه حصل الناس مش بتخاف من الدولة

لما 13 بيت مسيحيين يتحرقوا واغناههم ومحاصيلهم زى سيناريو كل سنة فى نفس الميعاد علشان يفاجاونا فى ليلة الكريسماس

بناس تتقتل قدام الكنيسة يبقى داه سيناريو متبع

فين الحقيقة يا حكومة

هل المسلمين والمسيحيين عاوزين تفهمونى اننا بنكره بعض موووووووووت - استحالة استحالة - اصحابي المسلمين اقربلى من المسيحيين فاستحااااااااااااااااالة

المسيحيين والمسلمين اهل واصحاب وعيلة واحدة وشايلين الهم سوا

لكن فى امور خفية

احنا مش عارفين نوصلها

ربنا يستر

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

أغابي

أنا لو مكانك هابقى منفعل

لكن برضوا كنت هانتظر لما أعرف خلفية الموضوع

لكن خلينا نحلل المعلومات اللي عندنا لحد دلوقت

قال أحد كهنة الكنيسة، لـ«المصرى اليوم»، إنهم حصلوا على ترخيص بناء قبل 3 أشهر، وبدأ البناء منذ شهرين، ولكن مهندسى الحى جاؤوا ليؤكدوا أن بناء الكنيسة مخالف للرسومات التى تم تقديمها، وبناء عليه تم وقف أعمال البناء.

وأوضح الكاهن، الذى طلب عدم ذكر اسمه، أن اعتراض المهندسين كان بسبب عدم وجود سلم إضافى خلفى للكنيسة (سلم طوارئ)، وأن نائب رئيس الحى أكد لكهنة الكنيسة أن البناء سيتم إيقافه حتى يتم حل أزمة السلم

حلو قوي ... يعني موضوع رسومات ومباني مخالفة للرسومات .. ماشي .؟

والكاهن بنفسه قال إنهم هايوقفوا البناء لحد تعديل الرسومات وعمل مكان للسلم ؟

يعني البناء موقوف اهو والكاهن عارف السبب ...

يبقى الغوغائية دي عشان إيه ؟

يعني العيال الصغيرة والشباب اللي مالوش في البطيخ دول طالعين بيعترضوا على الكاهن ولا رئيس الحي ولا المهندسين ولا عاوزين البناء يتم وبعدين نعمل سلم خشب مش مهم .. ولا كلهم مهندسين وبيفهموا في الرسومات ومتأكدين إن البنا بيتم طبقاً لمنهجية علمية هندسية كاملة ؟

ولما تيجي تحصل مصيبة لا قدر الله وحريق أو ما شابه ... نرجع نقول العشوائية وإزاي مبنى ضخم زي ده ما فيهوش سلم طواريء ؟

الله على ما اقول شهيد .. شوفت بعيني زمان في الثمانينات .. واحد بلطجي في منطقتنا .. قام بالأستيلاء على قطعة أرض تابعة لوزارة الأوقاف وبنى عليها مسجد في غفلة من الزمن .... ونزلت بلدوذرات المحافظة طربقوه على دماغه ..

إيه هي خلاص بقت كده ومجرد ما اذكر إسم الدين يبقى رخصة مرور هي حتى لو ضد التيار ؟

طب ما محافظ الجيزة نازل هدم في عماير مخالفة للقانون وبانيين ادوار مخالفة وما إلى ذلك

هل حد قال له : أه ما هو لو كانت عمارة مسيحيين كنت خوفت وما هديتهاش

او لو عمارة حد مسيحي يقول : أه ما هي بلد مسلمه ولو كانت عمارة مسلمة كنت قلت له الله يبارك لك ويعلي مراكبك كمان وكمان

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

وليه ياريمو

تقولى ان شاء الله ما يتحولش بقدرة قادر انه يا حرام يا حرام اضطهاد للاقباط في مصر

ما هو فعلا اضطهاد اضطهاد اضطهاد وواضح زى الشمس ولو اللجنة لمسلمين ما كنش داه حصل

عشان دا مش اضطهاد يا اغابي

لانهم بالفعل ادوهم تصريح بالبناء

كان يبقى اضطهاد لو امتنعوا عن اعطاءهم التصريح من الاول

الكلام واضح زي الشمس للي عاوز يشوف صح يا اغابي

بيقولوا فيه مخالفة في التصميمات عن الي اتبنى في الواقع

ايه بقى المشكلة؟؟؟

المشكلة في اللي ما التزمش بالتصميمات يا اغابي مش المشكلة في اللي وقف البناء

و المشكلة الاكبر في اللي راح عمل مظاهرات و تكسر و بهدلة في الشوارع

و ما اتخذش الاسلوب السليم في حل الموضوع

وفد من الكنسية للحي يحلوا الخلاف

شوفتي بسيطة ازاي

لالالالا - المشكلة مش مبنى لا تصميمات

ولا الكلام داه

الحكومة بتستخدمنا ورقة بتلعب بيها - فى سر انا مش قادرة افهمه

ليه فى الاوقات دى الشد بيزيد

حد يفهمنى - الموضوع سياسي مغطي بويفر ديني

بجد

:give_rose:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك

زائر
هذا الموضوع مغلق.
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...