حشيش بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 (معدل) نحن مجموعة من أربع أصدقاء مصريين نعمل معاً فى إحدى البنوك بالمنامة...كلهم باستثنائى لاسعين خالص :) خصوصاً أحدهم الذى كنت قد كتبت عنه من قبل بأن عنده ربع واحد سليم :) ...هذا الأخير يحيرنى أمره كثيراً...هو بالمناسبة إبن ناس جداً ولكن تصرفاته مثيرة للإستغراب...على عكسى هو سعيد جداً ومش شايل هم للدنيا خالص...فى سلام داخلى مع نفسه إلى أبعد الحدود...يأخذ قرارته بصرف النظر عن كونها صواب أو خطأ من وجهة نظر الأخرين بلا تردد...يقرر وينفذ بدون ما أمر أنا به على سبيل المثال من تفكير وقلق وتوتر قبل أن أتخذ قرارات أعتبرها مصيرية أو هامة جداً فى حياتى كالزواج مثلاً...كنت قد كتبت عن هذا الطفل المعجزة مداخلة منذ فترة بعنوان (الخروف والحب) وتناولت فيها كيف قرر فجأة أن يتزوج من ممرضة فلبينية وقام بالتنفيذ دون أن يتردد ودون أن يبلغ أهله فى مصر بموضوع زواجه الذى لا يعلمون عنه شيئأً حتى الأن!!! :angry: ...كنت أظن أنها نزوة وسيطلقها ولكن لا يبدو أنه ينوى ذلك على الأقل فى المنظور القريب...ما علينا...ألح على بالأمس أن أتناول معه العشاء فى بيته ولكنى رفضت لأن حالتى النفسية فى الأيام الماضية ليست على ما يرام لظروف شخصية...ولكنه قال لى أنه لاحظ ذلك ونحن فى العمل ولذلك ألح على أن أحضر لتغيير الجو...ذهبت إليه بالعافية ودار بيننا الحوار التالى (سأقوم بحذف جزء كبير من الحوار الذى أظن أن الإدارة قد تعتبره لا يليق أن يكتب هنا وهذا هو القدر اليسير الباقى لتتعاونوا معى فى إستكشاف هذه الشخصية الفريدة ): هو: بقول لك شوف الورقة دى وقول لى إيه رأيك !!! أنا: ورقة إيه ؟ هو: تدخل معايا فى مشروع فى مصر؟ أنا: مشروع إيه؟ هو: نفتح مكتب شراء وبيع أجهزة كهربائية مستعملة...مكسبها دهب وشغلها خفيف خفيف...كل المطلوب شقة مفروشة نأجرها وإعلان يومى فى الأهرام...لو وافقت أتصل بأخويا فى مصر يخلص...أنا كتبت مسودة كده عن الإعلان اللى حنزله فى الأهرام !!! أنا: أخذت الورقة وقرأت المكتوب بها: على بركة الله نشترى التليفزيون والفيديو....ونتحدى على بركة الله نشترى الغسالة والثلاجة....ونتحدى على بركة الله نشترى البوتاجاز والتكييف....ونتحدى قلت له إنته عبيط ياوله!!!...نتحدى مين!!!...وبعدين لزمته إيه تكرار على بركة الله ونتحدى فى كل جملة!!!...الكلام فى الأهرام بيتكلف والناس مفروض فهمت إنك بتتحدى...وبعدين أنا دماغى مقلوبة ومش فايق لك دلوقتى :) ... هو: كنت عارف إنك مش حتوافق...ده انته فقر...أقوم أنا بالليلة لوحدى !!!...ما علينا...أخت سالى (زوجته الفلبينية) جايالها زيارة يوم الأحد...عايزك تبقى تيجى!!! أنا: أجى ليه ؟ هو: مش حتخسر حاجة...Take a look !!! أنا ضاحكاً: إنته بتهرج ولا بتتكلم جد هو غاضباً: بهرج ليه...منتا جت لى البيت قبل ما أتجوز ميت مرة وشفت المزبلة اللى كنت عايش فيها...طبعاً واضح الفرق بعد الجواز (فى دى الحقيقة عنده حق)...البنت كويسة جداً...مهتمة بكل شئ من الإبرة للصاروخ...مفيش نكد...دايماً مبتسمة...مفيش حاجة إسمها تغضب وتروح لأهلها كل شوية وأقعد أنا أحايل وأهشك كل يوم والتانى mf-: ...ومن ناحية تانية لا أهلها عايزين يشوفوها ولا هى عايزة تشوفهم تانى!!!...أنا ببعت لأهلها كل شهر 200 دولار شوف دول يطلعوا كام ألف بيسوس من بتاعهم!!!...أبوها بقى مليونير!!!...وهيا كمان بديلها كل شهر 150 دولار Pocket Money بالإضافة إلى مرتبها من المستشفى تتصرف فيه زى ما هيا عايزة...فى المقابل مدلعانى أخر دلع !!!...إسمع عندى صورتها مع سالى وبقيت إخواتها وأبوها وأمها حقوم أجيبها لك... Take a look بدل منتا قاعد زى القرد من غير جواز !!! يتبع..................... تم تعديل 7 يوليو 2004 بواسطة حشيش اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
se_ Elsyed بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 نحن مجموعة من أربع أصدقاء مصريين نعمل معاً فى إحدى البنوك بالمنامة...كلهم باستثنائى لاسعين خالص هانكدب من أولها بقى أنت الوحيد اللي كُمل فيهم ؟!!!! mf-: على بركة الله نشترى التليفزيون والفيديو....ونتحدىعلى بركة الله نشترى الغسالة والثلاجة....ونتحدى على بركة الله نشترى البوتاجاز والتكييف....ونتحدى ما هو فعلاً الجرنان مليان إعلانات بنفس الشكل ده يا حشيش ... الراجل ماجابش حاجة جديدة . أنا ببعت لأهلها كل شهر 200 دولار شوف دول يطلعوا كام ألف بيسوس من بتاعهم!!!...أبوها بقى مليونير!!!...وهيا كمان بديلها كل شهر 150 دولار Pocket Money بالإضافة إلى مرتبها من المستشفى تتصرف فيه زى ما هيا عايزة...فى المقابل مدلعانى أخر دلع !!! عدم اللامؤخذه يا معلم حشيش ... بوكيت مني وفهمناه .. دي مراته وإن شالله يكتب لها كل ممتلكاته ... لكن المرتب الشهري اللي بيبعته لأهلها ده ليه ؟ سوري يعني خلو رجل ولا إتاوة .. ويا ترى لو جه في شهر وما بعتش هايسحبوا مراته منه ؟ ما علينا نيجي للموضوع المهم .. شوف يا حشيش أنت كبير مش صغير وهناك فرق السما عن الأرض بين الهزار والجد ... وخصوصاً في مسائل الجواز .. نحن متفقين على ذلك طبعاً .. ومش مقياس أن عشان صاحبك مبسوط مع الفلبينية يبقى انت كمان ممكن الموضوع ينجح معاك .. خاصةً إنه باصص للجواز على إنه دلع وبيت نظيف وهو غير ذلك تماماً .. فالزواج حياة ومسئولية وزوجة تقف بجانبك في السراء والضراء .. خلي صاحبك كده الامور تلطش معاه شويه ومايدهاش مصروف او يبعت لأهلها المعلوم وشوف هاتعمل إيه .. طبعاً هاتقوله أشوف وشك بخير يا باريه ( باريه = صديق بلغة التاجلوج الفلبينية .. زي ما حشيش ما كان كاتب كوماستكا يعني إزيك :angry: )... وشكله هو نفسه حاسس إن الجوازه دي ترانزيت يعني تسلية وهو في الغربة أما لما ييجي يستقر فمعايير إختيار الزوجة هاتختلف .. بدليل إنه ما قالش لأهله اللي ربوه وتعبوا فيه وتلاقي الحاجة مستنية اليوم اللي تشوفه فرحان وقاعد في الكوشة زي البدر ... وبدل صاحبنا ما يكافأهم على ذلك راح إتجوز من وراهم وفلبينية كمان ياريت عربية اهي بتبقى مبلوعه شوية والموضوع ما بيروحش بعيد . وإوعى يستغل ضعفك او أنت تزهق وتقول يالله يا واد اهي جوزاه والسلام وما فيش مانع تشوف أخت ساره ... اللي مش شرط برضوا أنها تكون زي اختها ... إحنا طباعنا وعادتنا غير يا حشيش ... إنتشرت هنا في السعودية زواج الأمريكان والغربيين من نساء شرق أسيا وخصوصاً الفلبينيات ولما أسأل حد فيهم ليه عملت كده يقولك بمنتهى البساطة لأنها ما بتكلفنيش حاجة وبعدين دي ست مطيعة بتعمل كل اللي انا عايزه وبتدلعني .... شوفت الخيبة . حد يقول حاجة يا جدعان .. حشيش هايضيع مننا وعنيه هاتضيق . اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
حشيش بتاريخ: 7 يوليو 2004 كاتب الموضوع تقديم بلاغ مشاركة بتاريخ: 7 يوليو 2004 حد يقول حاجة يا جدعان .. حشيش هايضيع مننا وعنيه هاتضيق . عينيه تبقى ضيقة ومنخيرى مبططة زى مناخيرهم :angry: الحقيقة يابو السيد السبب الأساسى لكتابة الموضوع ده إن حد يعمل لى توازن زى ردك هنا...لأن النفس البشرية ضعيفة والزن عالودان أقوى من السحر زى ما بيقولوا...بخصوص المبلغ الشهرى الذى يرسله لأهلها فهو مساعدةً لهم وهو قد تطوع بذلك فهم كما سأذكر إن شاء الله فى التكملة ست أخوات بنات والمبلغ لا يعنى له الشئ الكثير ولكنه فارق معاهم جامد جداً...الحقيقة يابو السيد إنت إنسان مثالى جداً وهذا ما أتمنى أن أكون عليه...الله المستعان اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
Katamando بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 مابوتي اقتباس قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم __________________________________________________________________ بيض صنائعنا ... سود وقائعنا ... خضرمرابعنا ... حمر مواضينا _______________________ رأيت هم جميع الناس ماملكو وما ولدو فالحمد لله لا مال ولا ولد رابط هذا التعليق شارك المزيد من خيارات المشاركة
حشيش بتاريخ: 7 يوليو 2004 كاتب الموضوع تقديم بلاغ مشاركة بتاريخ: 7 يوليو 2004 مابوتي كا موستا كمبوسو مو :angry: اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
crossfield بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 مابوتي كا موستا كمبوسو مو :angry: حشيش لونك إصفر و لهجتك مش عجبانى تكونش خلاص عقدت العزم؟؟؟ بصراحة سى السيد عنده حق لو مراته حست انه فى زنقة أو ممعوش خلاص و فلس...ايه اللى يجبرها تكمل معاه؟ هتصرف على أهلها منين؟ مع احترامى لصاحبك يا حشيش لكن أخينا ده واخد مراته لا مؤاخذة يعنى خدامة أتحدى انه يكون بيستشيرها فى مشاكله أو بياخد رأيها فى حاجة أصلاً شىىىىىىىىى حاااااااااااا يعنى لو تحب مراتك تبقى كده يالا...معاك الوكل؟(بفتح الواوو الكاف). بس اسمحلى أشارك صاحبك فى التحدى و أشجعه يعنى لو خلاص نوى على المشروع الشقة اللى ممكن يدير منها المشروع بتاعه موجووووووودة و أعلنت عنها قبل كده للبيع و مساحتها126-أمام وزارة السياحة-الدور الثانى) و أهو احنا أولى من الفلبينيين (وش استغلالى) اقتباس أنا كنت شىء وصبحت شىء ثم شىء شوف ربنا .. قادر على كل شىء هز الشجر شواشيه ووشوشنى قال : لابد ما يموت شىء عشان يحيا شىء عجبى !! رابط هذا التعليق شارك المزيد من خيارات المشاركة
Cleo بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 على بركة الله نشترى التليفزيون والفيديو....ونتحدىعلى بركة الله نشترى الغسالة والثلاجة....ونتحدى على بركة الله نشترى البوتاجاز والتكييف....ونتحدى أتحدى انه يكون بيستشيرها فى مشاكله أو بياخد رأيها فى حاجة أصلاً أتحدى لو حد فيكم عرف يقوللى إيه حكاية "أتحدى" اللى طالعالنا فى الموضوع ده..!!!! اقتباس وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
DARWEEN بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 طيب على العكس من رأي سي السيد أنا أتفق على أن الزوجه الأسيويه بصفه عامه من أقدر وأخلص الزوجات وفعلا بتخلي جوزها سي السيد بجد لأن الرجل في الثقافه الأسيويه بصفه عامه هو السيد المطاع وللعلم أيضا أنهم مع حبهم الشديد للماديات إلا أنهم في أوقات الشده بيقفوا وقفة رجاله ليس معنى كلامي هذا أني بأشجعك ياحشيش على الزواج من شقيقة صاحبك لكن take a look :angry: mf-: :) :) :) :P :D اقتباس القسوة أن ألقاك غريبا ... في وطن ناء عن وطنك والأقسى غربة أنفاس ... بين الخلان وفي أهلك رابط هذا التعليق شارك المزيد من خيارات المشاركة
Cleo بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 بخصوص المبلغ الشهرى الذى يرسله لأهلها فهو مساعدةً لهم وهو قد تطوع بذلك فهم كما سأذكر إن شاء الله فى التكملة ست أخوات بنات والمبلغ لا يعنى له الشئ الكثير ولكنه فارق معاهم جامد جداً الحكاية دى بتفكرنى بقرية كرداسة عندنا فى مصر والمشهورة بأن العائلات هناك يزوجن بناتهن "للأثرياء العرب" مقابل مبلغ من المال... بعد لما الجوازه تأدى غرضها... ترجع لأهلها برضه بقرشين... كلام مايفرقش كتير عن أيام زمان لما كانوا الناس بيبيعوا بناتهم للنخاسين.. كله عشان قرشين.. اقتباس وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Gharib fi el zolomat بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 الزَّانِي لَا يَنكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ اقتباس وَلاَ تُعْجِبْكَ أَمْوَالُهُمْ وَأَوْلاَدُهُمْ إِنَّمَا يُرِيدُ اللّهُ أَن يُعَذِّبَهُم بِهَا فِي الدُّنْيَا وَتَزْهَقَ أَنفُسُهُمْ وَهُمْ كَافِرُونَ لقد کفر الذين قالوا إن الله ثالث ثلاثه رابط هذا التعليق شارك المزيد من خيارات المشاركة
حشيش بتاريخ: 7 يوليو 2004 كاتب الموضوع تقديم بلاغ مشاركة بتاريخ: 7 يوليو 2004 أستاذ غريب فى الظلمات أرجو عدم رمى الناس بالإثم بالباطل...كلمة زواج دى مش واضحة أثناء قرائة سيادتك للمداخلة...إيه علاقة الزنا فى ما نحن بصدده الأن !!!!!!!! اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
حشيش بتاريخ: 7 يوليو 2004 كاتب الموضوع تقديم بلاغ مشاركة بتاريخ: 7 يوليو 2004 يالا...معاك الوكل؟(بفتح الواوو الكاف). عزيزتى كروساية...إنتى من سيوة ؟... أهل سيوة همه اللى بيقولوا معاك الوَكَل دى :blink:...وبعدين إنتى يعنى شفتينى رحت جبت المأذون...أنا هنا بس بناقش الموضوع من وجهة نظر صديق قد يحتمل رأيه الصواب أو الخطأ...بخصوص الشقة سأذكرها له ولكن حسب كلامه أنه يتحدث عن شقة مفروشة أو إيجار جديد حسب ما فهمت. أستاذى العزيز داروين تفتكر يعنى أروح علشان Take a look bxg:: عزيزتى كليو أنا أول مرة أسمع عن موضوع كرداسة ده...عموماً هنا الموضوع ليس له علاقة بالبيع والشراء...هو زواج تم فى المركز الإسلامى بمانيلا وهو مستوفى لجميع أركان الزواج من المنظور الإسلامى كما سأذكر لاحقاً إن شاء الله بصرف النظر عن إقتناعى بالموضوع من عدمه...إففففف...مليتوا البلد cr((: اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
Gharib fi el zolomat بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 لم أكن أقصد شرا متأسف اقتباس وَلاَ تُعْجِبْكَ أَمْوَالُهُمْ وَأَوْلاَدُهُمْ إِنَّمَا يُرِيدُ اللّهُ أَن يُعَذِّبَهُم بِهَا فِي الدُّنْيَا وَتَزْهَقَ أَنفُسُهُمْ وَهُمْ كَافِرُونَ لقد کفر الذين قالوا إن الله ثالث ثلاثه رابط هذا التعليق شارك المزيد من خيارات المشاركة
حشيش بتاريخ: 7 يوليو 2004 كاتب الموضوع تقديم بلاغ مشاركة بتاريخ: 7 يوليو 2004 (معدل) والأن عودة إلى تكملة الحوار قام بإحضار صورة لأخت زوجته مع أسرتها لأشاهدها...لم ألحظ فرق بين ملامحهم جميعاً...كلهم شبه بعض...لا توجد أى مسحة جمال فى وجهها cr((:...شأنها شأن باقى الفلبينيات أجسامهم رشيقة وخفيفة... أنا: بس وشها Dull جداً...يعنى بلغة سواقين النقل التقيل (دايس عليه الدبل) :) صاح غاضباً: وانت مالك ومال أم وشها !!!...إنت حتتجوز وشها !!! أنا: يعنى إيه مالى ومال وشها ؟!!! هو: يابنى خدها منى نصيحة...مفيش ست حلوة وست وحشة...فى الضلمة الروس بتتساوى !!!! أنا: وأنا ايه اللى يجبرنى أعيش بقيت حياتى فى الضلمة !!! (قاهر الظلام ;) )...بس عموماً مش مشكلة...أبقى أغطى وشها بفوطة صفرة زى سواقين التاكسى ما بيغطوا العداد لما بيكونوا مش عايزين يشتغلوا هو (مستاء جداً من كلاماتى): منتش وش نعمة...إنته حرbxg:: أنا: وبعدين فيه نقطة تانية مهمة...الجواز اللى من النوع ده مشكوك فى صحته...يعنى أعتقد والله أعلم أنه يدخل تحت بند زواج المتعة...يعنى إنته فى نيتك إنك تخلف منها مثلاً؟ هو: يعنى غبى وكمان حتعمل فيها شيخ الإسلام :blink: ...زواج متعة إيه يابنى أدم...إنته مش شفتنى فى صلاة الجمعة اللى فاتت !!! أنا: إيه علاقة إنى شفتك فى صلاة الجمعة بالموضوع ده...هوه نظام (كتاكيته بنى) هو: إنته دخلت فى نيتى...الجواز تم فى المركز الإسلامى فى مانيلا...وعلشان تبقى عارف إن فيه أركان للزواج تم إستيفائها جميعاً...المهر...الشبكة...موافقة البنت...موافقة أهلها...مسيحية يعنى من أهل الكتاب...إشهار وإعلان...شهود عدول...بعد كده اللى يقولك الجواز ده مش صحيح قول له .....(لا يمكن ذكر ما قاله هنا mfb: ) !!!!...ثانياً ليه ما تقولش إن الموضوع ده صدقة جارية !!!...أنا بساعد أهلها...دول ست بنات وحالتهم المادية بعد جوازنا أحسن من قبل الجواز بكتير!!!!!! أنا: إنته عبيط ولا بتستعبط...صدقة جارية إيه !!! وهنا قام مازحاً وانقض عليا محاولاً خنقى ولكنى عاجلته بضربة قوية من جزمتى الكلاركس الجديدة فى مكان حساس فقد على أثرها الوعى :) يتبع.................. تم تعديل 8 يوليو 2004 بواسطة حشيش اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
Masrawy Abroad بتاريخ: 7 يوليو 2004 تقديم بلاغ مشاركة بتاريخ: 7 يوليو 2004 حشيش: أول ما تشوف الضيفة قوللها : نئلالا كيتا أو ميس كيتاه ومالكش دعوة نصيحة اقتباس رابط هذا التعليق شارك المزيد من خيارات المشاركة
سقراط المصري بتاريخ: 8 يوليو 2004 تقديم بلاغ مشاركة بتاريخ: 8 يوليو 2004 وهنا قام مازحاً وانقض عليا محاولاً خنقى ولكنى عاجلته بضربة قوية من جزمتى الكلاركس الجديدة فى مكان حساس من جسده فقد على أثره الوعى bxg:: :blink: cr((: مبروك على الارض ( الترجمه .....وحتي لاتفهم غلط ..............الجزمه يعني). ممكن تكلمنا عن مواصفتها اكثر. طبعاً اقصد الجزمه الكلاركس الجديده. mfb: اقتباس <span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span> رابط هذا التعليق شارك المزيد من خيارات المشاركة
حشيش بتاريخ: 8 يوليو 2004 كاتب الموضوع تقديم بلاغ مشاركة بتاريخ: 8 يوليو 2004 حشيش:أول ما تشوف الضيفة قوللها : نئلالا كيتا أو ميس كيتاه ومالكش دعوة نصيحة ده تاجالو ده ياعمى bxg:: ...طب ما تفهمنا العبارة إن شا الله حتى على البريد الخاص ونردهالك فى الأفراح :blink: اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
حشيش بتاريخ: 8 يوليو 2004 كاتب الموضوع تقديم بلاغ مشاركة بتاريخ: 8 يوليو 2004 وهنا قام مازحاً وانقض عليا محاولاً خنقى ولكنى عاجلته بضربة قوية من جزمتى الكلاركس الجديدة فى مكان حساس من جسده فقد على أثره الوعى cr((: mfb: :) مبروك على الارض ( الترجمه .....وحتي لاتفهم غلط ..............الجزمه يعني). ممكن تكلمنا عن مواصفتها اكثر. طبعاً اقصد الجزمه الكلاركس الجديده. :) جزمتى الجديدة بوزها عريض وقوى جداً لأنه أول ما خد منها خبطة تحت الحزام راح مسخسخ على طول :blink: ...صحيح الغالى تمنه فيه bxg:: اقتباس أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
afiona بتاريخ: 8 يوليو 2004 تقديم بلاغ مشاركة بتاريخ: 8 يوليو 2004 رزق و جالك لحد عندك ، حطه فى جيبك وبوس إيدك وش وضهر....ماتتبطرش على النعمة...... اقتباس يا لجنة الحكام ... الاهلى بيدفع كام ? ...(من اقوال جماهير الدراويش الماثورة) رابط هذا التعليق شارك المزيد من خيارات المشاركة
White heart بتاريخ: 8 يوليو 2004 تقديم بلاغ مشاركة بتاريخ: 8 يوليو 2004 (معدل) حشيش كتب: قام بإحضار صورة لأخت زوجته مع أسرتها لأشاهدها...لم ألحظ فرق بين ملامحهم جميعاً...كلهم شبه بعض...لا توجد أى مسحة جمال فى وجهها ... bxg:: يا راجل حرام عليك .... بقى دي لا يوجد بها أى مسحة جمال!!!! ...شأنها شأن باقى الفلبينيات أجسامهم رشيقة وخفيفة... فى دي عندك حق .... يالله بقى عايزين نفرح بيك، لبنانية - فليبينية - مريخية، مش مهم - المهم ان كيوبيد يرشق قلبك انت و هى بسهمه :blink: تم تعديل 8 يوليو 2004 بواسطة White heart اقتباس ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.