اذهب إلى المحتوى
محاورات المصريين

كلله ينزل ركعتين شكر

Cleo

بواسطة Cleo
في موضوعات شخصية

 مشاركة

Recommended Posts

Cleo عضو جديد

Cleo

بتاريخ:
بتاريخ:

ياللللللا..... كلله ينزل ركعتين شكر و يحمد ربنا إنكم ماخسرتوش النهاردة أعز ما لديكم.... أنا شخصيا..!! :)

النهاردة بابا و ماما نزلوا و أنا لسة نايمة (أجازة بأة..) lo::

المهم.. و أنا واقفة فى المطبخ كإيجيبشان بأغسل الطباق...

جرس الباب رن.. اتسحبت لحد ما وصلت للباب و بصيت من العين السحرية..

لقيته النجار... :)

قلت إففففف.... أحسن أعمل نفسى مش موجودة بدل ما لما يعرف إنى لوحدى يقرفنى كل شوية.. عايز شاى، عايز أخد درفة ماعرفش إيه... كدة..

شوية... و ابتدى الوسواس الخناس taz:: يوسوس فى صدور الناس اللى هم أنا إن الله... ممكن يكون ماما و بابا نزلوا و ماقفلوش الباب كويس.. vmp:

قمت رحت تانى اتسحبت لحد ما وصلت للباب... و باشد كدة...!!!! ;)

بس...

قمت اتشاهدت و ترقفلته كويس و تربسته بالترباس..

و يا رب أنام قبل ما ماما و بابا ييجوا و يفضلوا بره ينوا الجرس و أنا ماسمعهمش و يفضلوا محبوسين شوية... جزاء للى كانول هايعملوه فيا.... cbyb:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
White heart عضو جديد

White heart

بتاريخ:
بتاريخ: (معدل)

الف شكر و حمد ليك يا رب ..... و جل من لا يسهو يا Cleo

.......

بس كل الحدوتة دي علشان تعرفينا ان فى باب بيتكم فيه عين سحرية .... :) :)

تم تعديل بواسطة White heart

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
moody00x عضو جديد

moody00x

بتاريخ:
بتاريخ:

لا حول ولا قوة إلا بالله ....دى كانت لسه بتتكلم فى جيفارا والديمقراطية

دلوقتى بتقول ..النجار...الباب ....عين سحرية....استر يارب..

دخلت الدول كلها فى بعضها

:D :D :) mf( :) ;) lo::

" إملأ عيناك بوجه من تحب فسوف تفتقده كثيراً فى يومٍ ما"

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ: (معدل)
الف شكر و حمد ليك يا رب ..... و جل من لا يسهو يا Cleo

.......

بس كل الحدوتة دي علشان تعرفينا ان فى باب بيتكم فيه عين سحرية .... :) :)

طبعا....

عشان تقدروا إن الناس مقامات...

احضرنا يادكتور ابو حلاوة  ...حالتها متاخرة جدا  ...ربنا يستر

حشيششش.... خللى روحك رياضية... كل ده عشان معندكوش باب؟؟؟

لا حول ولا قوة إلا بالله ....دى كانت لسه بتتكلم فى جيفارا والديمقراطية

دلوقتى بتقول ..النجار...الباب ....عين سحرية....استر يارب..

دخلت الدول كلها فى بعضها

من فضلك يا موووووودى...... أنا كنت ثانوى صناعى و مذكرة كيميا كويس..!!!

تم تعديل بواسطة Cleo

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Scorpion عضو جديد

Scorpion

بتاريخ:
بتاريخ:

انا .. انا ... انا مخنوق من العياااط .. و حاسس بيكي يا كليو .. لأن نفس الموقف حصللي ... و مش ممكن حيفهموا من غير ما يمروا بيه ...

تخيلوا .. لوحدك في البيت .. بتغسل اطباق ... قمة الأستسلام و سندريللا .. و حاجات زي دي .. و بعدين .. آن آن آآآآآن ... صوت خطوات عالسلم ... و من ورا الستارة البلاستيك بتاعت الحمام خيال ايد ماسكة سكينة ...

سكينة ..

لأ .. ده الفيلم بتاع هتشكوك .. انا عكيت ...

خطوات عالسلم و من دون كل العمارة ... الخطوات تتوقف علي بسطة بيتكم .. لحظة سكوت .. و انت أعصابك كلها مرهفة .. و تركيزك كله علي الصوت ده .. و بتقول جوا نفسك .. دلوقتي حيمشي ...لكن .... خبطات متلاحقة غلي الباب .. تنط في مكانك و قلبك يفضل يبرطع من الخوف .. مين .. ليه ... تتسحب علي طراطيف صوابعك .. لحد باب الشقة ... و تحط ودنك عالباب تتصنت ... في نفس اللحظة الخبط يبدأ من جديد بكل قوة .. لما ودانك حتتسور.. و تلاقي نفسك منطور تلاتة متر بعيد عن الباب من الخوف ...تتمالك أعصابك و ترجع بخطوات مترددة ناحية الباب ... و بأيدين مرتعشة تفتح شراعة الباب ( علي أيامنا ما كانش فيه الأختراعات الشيطانية دي بتاعت العيون السحرية ) .. و أمامك يترائي حضرة الوالد علي وجهه آثار الغضب .. و هو بيبرطم و يقوللك : أنت نايم علي روحك .. أفتح الباب مش قادر استحمل .. لازم اروح الحمام و نسيت المفاتيح ...!!!

فهمتوا بقي كليو كانت حاسة بأيه يا عالم بلا أحاسيس رهيفة؟؟؟؟؟

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
White heart عضو جديد

White heart

بتاريخ:
بتاريخ:

بس فيه حاجة غريبة قوى يا Cleo انا لاحظتها ....

هو صحيح بيتكم بيت كرم، يعني ممكن أفهم بنت الجيران تيجي تخبط عليكي، و تقولك أمي بتسلم عليكي و بتقولك يا ريت لو سمحت من فضلك شيكارتين رز، و كام كيلو توم، على كام كيلو بصل، و كام حزمة "خضرة" يعني تشكيلة الكرات و البقدونس ..... على كام قزازة زيت ( و يكون زيت ذرة صافي - ومن عافية ) ... على كام علبة مرقة دجاج "ماجي" من بتاعت ألذ - ألذ - ألذ، على كام علبة ملح و فلفل، و شطة، و كمون، و كسبرة ..... و يا ريت علبتين من سمنة النخلتين، من اللى هى 5 كيلو العبوة الواحدة، و معلهش يعنى و لو فيها رزالة، 5 كيلو لحمة بلدي من غير دهن، و 6 فرخات، و 4 سمكات بلطي - و 20 بيضة - - - - - بس!

و بعد ما تديها كل دة، تنزلك تاني بعد 5 دقايق، هى و أمها و يستأذنوكي يستعملوا البوتوجاز بتاعكم لأن الأنبوبة بتاعتهم خلصت، و لو كان ممكن يستخدموا حللك، لأنه الشيلة كان تقيلة عليهم، و ما قدروش يشيلوا كمان الحلل مع بقيت الحاجة "بتاعتهم" - و أهو بالمرة تساعديهم علشان ما يطولوش فى القعدة عندكم و بعدين تضايقى منهم و اللا حاجة، و أهو ممكن عقبال الأكل ما يجهز، يقعدوا يوننسوكي و انتي بتتفرجي معاهم على فيلم "المرأة و الساطور" اللى هايتعرض على فضائية "أبو ظبى" (لأنهم ما عندهمش دش) - و بس معلشي لما الأكل يجهز تبعت تجيب العيال و أبوهم علشان ياكلوا على ترابيزتكم، علشان الأكل ما يبردش و هما بينقلوه - ( و طبعا لو عاوزة تاكلي معاهم ... ممممممم ... م ا ... ف ي ش ... م ا ن ع ------- هم مش يحلفوكم أو يتحايلوا عليكم .... هايسوبوكوا على راحتكم (زى بيتكم )!! و طبعا بعديها الحلو .... و الشاى ..... الخ ... الخ

دة ممكن أفهمه، بس مش لدرجة ان النجار ييجي يخبط على باب بيتكم علشان تعملولوه كوباية شاى - ليه يا عنى، هى كانت قهوة!!!

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:
تخيلوا .. لوحدك في البيت .. بتغسل اطباق ... قمة الأستسلام و سندريللا .. و حاجات زي دي

وحياتك يا أدفيزور عايزين أيكون سيدة بتاعت نحن لا نزرع الشوك...

و تحط ودنك عالباب تتصنت

أتصنت على ميييييين..!!! بقوللك باب شقتنا.زز مش شقى الجيران...!!!!

... في نفس اللحظة الخبط يبدأ من جديد بكل قوة .. لما ودانك حتتسور.. و تلاقي نفسك منطور تلاتة متر بعيد عن الباب من الخوف ...تتمالك أعصابك و ترجع بخطوات مترددة ناحية الباب ... و بأيدين مرتعشة تفتح شراعة الباب ( علي أيامنا ما كانش فيه الأختراعات الشيطانية دي بتاعت العيون السحرية ) .. و أمامك يترائي حضرة الوالد علي وجهه آثار الغضب .. و هو بيبرطم و يقوللك : أنت نايم علي روحك

إيه ده.....!!!! إنت كنت معانا....!!!!!

هو صحيح بيتكم بيت كرم، يعني ممكن أفهم بنت الجيران تيجي تخبط عليكي، و تقولك أمي بتسلم عليكي و بتقولك يا ريت لو سمحت من فضلك شيكارتين رز، و كام كيلو توم، على كام كيلو بصل، و كام حزمة "خضرة" يعني تشكيلة الكرات و البقدونس ..... على كام قزازة زيت ( و يكون زيت ذرة صافي - ومن عافية ) ... على كام علبة مرقة دجاج "ماجي" من بتاعت ألذ - ألذ - ألذ، على كام علبة ملح و فلفل، و شطة، و كمون، و كسبرة ..... و يا ريت علبتين من سمنة النخلتين، من اللى هى 5 كيلو العبوة الواحدة، و معلهش يعنى و لو فيها رزالة، 5 كيلو لحمة بلدي من غير دهن، و 6 فرخات، و 4 سمكات بلطي - و 20 بيضة - - - - - بس!

بقوللك البييييييييييت مش سوق العبور..!!!!

دة ممكن أفهمه، بس مش لدرجة ان النجار ييجي يخبط على باب بيتكم علشان تعملولوه كوباية شاى - ليه يا عنى، هى كانت قهوة!!!

الناس بقت وحشة أوى يا وايت...!!!

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Set_Amina عضو جديد

Set_Amina

بتاريخ:
بتاريخ:

طيب ياكيلو وبعد ماصحيتي من النوم كان لسه في خبط ولا ده كان في الحلم بس؟؟

طبعا هاتقولي حلم أيه هو انا كنت باحلم؟؟ بس انا تخميني انه كان خير اللهم اجعله خير، دققي كده في الموضوع وردي على حضرتنا fsh::

إن خوفت ماتقولشي وإن قولت ما تخافشي
رابط هذا التعليق
شارك
White heart عضو جديد

White heart

بتاريخ:
بتاريخ:

ايه دة ... معقولة؟

الست أمينة عندنا ... يا مرحبا - يا مرحبا..... :)

ألف حمد الله على السلامة عودتك...

بمناسبة الببان و الجيران، ايه أخبار حكايتك مع الشقة اللى "مستعمرة"؟! :)

و ايه أخبار الفرن؟؟

اللا بالمناسبة حد عمرة شاف لأى فرن باب؟

.....

....

يا سلام لو كل كام موضوع، واحد منهم يرجعلنا واحد من الأعزاء الغايبين، تبقى حاجة أخر فرسكة .....

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
kfaya عضو جديد

kfaya

بتاريخ:
بتاريخ:

بصى يا كليو .. كل اللى حصلك دة عادى جدا و ممكن يحصل لأى واحدة ( طبعا مش واحد علشان احنا لا مؤاخذة مبنقفش على الأحواض و نشطب اللى اسمها اية .. الموعين دى ) .... لكن اللى نفسى أعرفة ؟؟؟؟؟ :)

قبل ما تتربسى الباب عملتى فية اية ؟؟؟؟؟

يعنى قفلتية ولا شيكتى علية مقفول و لا لأ ؟؟؟

انما ترقفلتة دى أول مرة أسمعها ...sdm:

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:

طب ولله أنا أكتر حاجة بسطانى من الموضوع ده.. إنه رجعلنا سيت أمينا هانم باشا..

ألف حمدلله عالسلامة... :)

قبل ما تتربسى الباب عملتى فية اية ؟؟؟؟؟

يعنى قفلتية ولا شيكتى علية مقفول و لا لأ ؟؟؟

يااااااااا سلاااااااااااام....!!!!

أكيد طبعا شيكت عليه الأول و بعدين تربسته...

انما ترقفلتة دى أول مرة أسمعها

يا كفاية مانت لو كنت متابع جيد لموضوع الفاطمية زى ما بتدعى... كنت عرفت إن الحاكم بأمر الله بعد ما منع الستات من النزول للشارع... و منع صناعة الأحذية الحريمى و أكل الملوخية اللى بتجيب تلبك معووى..- أمر كل أب و أم إنهم يترقفلوا على بناتهم النايمين فى أمان الله قبل ما يسيبوا البيوت عشان الدنيا ماعادش فيها أمان و الناس الوحشين ماخلوش للناس الحلوين (اللى هم أنا) حاجة...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
ســيد مرزوق عضو جديد

ســيد مرزوق

بتاريخ:
بتاريخ:

بمناسبة العين السحرية

إبني الصغير كان بينطقها ( عين السحلية )

عجبني الإكسبريشن أوي وبقيت أسميها كده لغاية دلوقتي حتى في الجد ومحدش بياخد باله من الفرق

حتى جربوا تنطقوها كده

عين السحلية

عين السحرية :)

ممنوع الرجوع للوراء

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

لا حول ولا قوة إلا بالله ..

اعدت قراءة القصة أكثر من مرة .. وقولت يا س س يمكن كليو إستخدمت الأوبشن الجديد اللي أضافه أ/ عادل أبو زيد وإن فيه جزء مخفي وإنت مش واخد بالك ..

لكنني تأكدت إن كليو أصابها المرض اللي ماشي اليومين دول .. وبنسمية في علم نفس الطفولة " هلاوس الويك إند " ويمكن أساتذتنا أبو حلاوه ومسلمة إيجيبشان والعلامة الكبير حشيش يكلمونا عن هذا المرض المُعدي بإستفاضة لتفادي الوقوع فيه .

فتحليلي لمشكلة كليو هو إنها كانت طوال فترة الخميس والجمعة عمالة تتفرج على أخترنالك على أوسكار على برنامج بين الناس على مواضيع المحاورات ومنها موضوع س س - الله يجازيه - " وحدي البمنزل " ... فنامت يا عيني ليلة الجمعة وكل البرامج دي دخلت على بعضها فتخيلت إنها نازلة الترعة بتملى القلل وإن النجار ماسك منشاره وبينشر قطة الجيران نصين وإن عين السحلية إتزنقت في أوكرة الباب .. وإنها أصبحت وحيدة بالمنزل وان الجميع قد تخلوا عنها في لحظات كانت تحتاجهم بجوارها .

لكن علاج الحالات دي تطور جداً ومابقاش في جلسات كهربا 220 أو تعريض المريض لحمامات مية بتغلي وفجأة تتحول المية لدرجة التجمد ... كله ده إختصروه في برشامة زيت سمك مع قنينة شربة زيت خروع كله ده بيساعد على تنظيف العقل الباطن للمريض صاحب الحالة.,,, وخلال مده أقصاها شهر ونص بيرجع أحسن من الأول وبيبدأ حياته على نضافة او زي مابنقول على القهوة " على ميه بيضا "

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:
س س بيسخر من عاهتى الذهنية... قصدى العقلية... يووه النفسية

يا س س عشان تبقى عارف أنا مش بتفرج على التليفزيون المصرى خااااااااااااالص... و ماكرهش فى حياتى قده... لأنه بيجيب تخلف عقلى و هلاوس سمعية و بصرية و أعراض عته منغولى...

عشان كدة ربنا كرمنا و بيعنا التليفزيون بسعر لقطه لزبون على نياته و اشترينا الدش (اللى بيركبوه عالسطوح.. مش اللى فى الحمام)

و من ساعتها و أنا متابعة جيدة لكل البرامج العلمية و الثقافية اللى بتيجى على قنوات سبيس تون، تون نت و جيمز...

أما ما ينعكس على أحلامى فعلا فهو ما يجبرنا أبى على مشاهدته قصرا و عدوانا يوميا لمدة 4 ساعات متصلة كل ليلة على قنوات أنيمال بلانيت و أنيمو...

يعنى إمبارح مثلا لسة كنت بحلم إننا مربيين فى البيت 2 جاجوار (من بتوع الغابة... مش JX ) و اتنين شيتا و الخامس مش فاكرة كان أسد ولا نمر,,, قال و حطيتهم فى شنطة العربية و رحت بيهم فين.... shn:: n2&(

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
disappointed عضو جديد

disappointed

بتاريخ:
بتاريخ:
ياللللللا..... كلله ينزل ركعتين شكر و يحمد ربنا إنكم ماخسرتوش النهاردة أعز ما لديكم.... أنا شخصيا..!! 

النهاردة بابا و ماما نزلوا و أنا لسة نايمة (أجازة بأة..) 

المهم.. و أنا واقفة فى المطبخ كإيجيبشان بأغسل الطباق...

جرس الباب رن.. اتسحبت لحد ما وصلت للباب و بصيت من العين السحرية..

لقيته النجار...  n2&(

قلت إففففف.... أحسن أعمل نفسى مش موجودة بدل ما لما يعرف إنى لوحدى يقرفنى كل شوية.. عايز شاى، عايز أخد درفة ماعرفش إيه... كدة..

شوية... و ابتدى الوسواس الخناس    يوسوس فى صدور الناس اللى هم أنا إن الله... ممكن يكون ماما و بابا نزلوا و ماقفلوش الباب كويس.. 

قمت رحت تانى اتسحبت لحد ما وصلت للباب... و باشد كدة...!!!!  lo::

بس...

قمت اتشاهدت و ترقفلته كويس و تربسته بالترباس..

و يا رب أنام قبل ما ماما و بابا ييجوا و يفضلوا بره ينوا الجرس و أنا ماسمعهمش و يفضلوا محبوسين شوية... جزاء للى كانول هايعملوه فيا....  cbyb:

قدّر الله و ما شاء فعل

shn:: lo::

يالا....

حصل خير

حصل خير زعيع يعنى

shn:: smk:

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

معلش ياكليو ... الناس دي مش بتقدر المواهب الأدبيه ومش بتفهم الكنايات ووالرموز والدلائل المعبره

ياعالم بتقولكم النجار جاي يشرب الشاي وخبط على الباب

أيهههههههههه صعبه دي ؟؟؟؟

هو أنتوا مسأفين أنتوا

لاحول ولاقوة إلا بالله

والله كانت كويسه قبل ماتسافر تركيا

ماحدش يعرف حد بتاع زار يطلع العفاريت التركي

n2&( shn::shn::

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
أنا بس عايزة أعرف من هو" كلله"؟

يا أخ شي جيفارا .. سيادتك لو متتبع لموضوعات كليو من الأول كنت تعرف إن " كلله " هو قريب " كليو " وإوعى فكرك يروح لبعيد وتفتكر إن " كلله " هي المادة اللاصقة اللي كنا بنعمل بها كور شراب زمان والزمن تطور دلوقت وأصبح العيال المتشردين بيشموها تحت كوبري 6 اكتوبر ويعملوا بها دماغ .

أقولكوا على سر كنت ناوي احتفظ به لحد ما أتخرج  :  أكتر إتنين بيتعبوني هنا هما كليو ونورا وبأدخل أستخدم خاصية التعديل وأقعد أصحح الكراسات بتاعتهم .. لأن شكلهم كده ماعندهمش وقت ولا يهتموا بالتفاصيل . يعني الألف ممكن تبقى ع  .. والشين تبقى جيم .. ومبدأهم هو إن طالما الحرف يندرج ضمن أحرف اللغة العربية يبقى ممكن يؤدي نفس الغرض  n2&(

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:
أقولكوا على سر كنت ناوي احتفظ به لحد ما أتخرج  :  أكتر إتنين بيتعبوني هنا هما كليو ونورا وبأدخل أستخدم خاصية التعديل وأقعد أصحح الكراسات بتاعتهم .. لأن شكلهم كده ماعندهمش وقت ولا يهتموا بالتفاصيل . يعني الألف ممكن تبقى ع  .. والشين تبقى جيم .. ومبدأهم هو إن طالما الحرف يندرج ضمن أحرف اللغة العربية يبقى ممكن يؤدي نفس الغرض  shn::

أمال هى الإدارة معيناكو مشرفين و بتدفعلكو قد كدة على إيه؟؟؟

مش لازم تتعبوا شوية و تحللوا البسبوسة اللى بتاكلوها..!!!

ناس ليها بخت...

و ناس ليها "كلله".... n2&(

جيفارا.... إنتى بلاك ليستد... خللى بالك من نفسك و ابقى خشى المنتدى برجلك الشمين..

vmp:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • المدهش
      60
      متى ينزل الرجل من عين زوجته ومتى تسقط هي من نظره؟
      "اللي يقول لمراته يا عورة الناس تلعب بيها الكورة" ..مثل شعبي جميل ويحث على احترام الرجل لزوجته وعدم انتقادها على الملأ وأمام الناس حتى لا تفقد هيبتها وكرامتها بينهم..وخصوصاً أمام أولادها وبناتها..حلو..طيب ماذا يقال عن المرأة التي تفعل ذلك مع زوجها ..يعني تسخف كلامه أو تسخر منه أمام الناس، أو حتى بينها وبينه..أعتقد أن هذه المرأة زوجها نازل أصلاً من نظرها ..طيب ليه وامتى ممكن الرجل ينزل من عين زوجته ..وإمتى يحصل العكس..

      بواسطة المدهش
      كُتب

    • suma
      6
      المعترض ينزل المطبخ !
      بسم الله الرحمن الرحيم انشغلت الآيام الماضية بأمور عائلية أخذتني عما يحدث حولنا من أمور المحروسة ؛ ولكن بالأمس اشتقت للمعرفة وجلست مع الحاسوب أرى ما الجديد الذي فاتني ‘وياليتني ما فعلت وما اقتربت من اللاب !! قلت أبدأ بعمل مرور على الصحف - كانت العناوين كالصخر الذي جثم على الصدر ثم توالت المفجعات ... اغتيال رجل الشرطة بطريقة بشعة ما هذا الفجور؟!لم أبالي بعد هذا الخبر بمن يتحدث ويحلل ويتوعد .المهم الرجل راح ضحية الإ رهاب وأصاب قلبي الوجع --لم تمر لحظات حتى وجدت أكثر من حادثة أبشعه

      بواسطة suma
      كُتب

    • eslam elmasre
      16
      قيادى بـ"الحرية والعدالة": "أيها الإخوان لا ينزل الرماة من على الجبل"
      الرباط الخاص بي هو انتم بتحاربوا كفار قريش حسبي الله ونعم الوكيل

      بواسطة eslam elmasre
      كُتب

    • geeemooo
      3
      مين ينزل معايا مصر بالسيارة ؟؟؟؟
      السلام عليكم ورحمه الله وبركاته اخوانى الاعزاء ..انا مسافر مصر بالسيارة على آخر رمضان ان شاء الله الى معاه سيارة وعايز ينزل معايا يعرفنى عشان نكون صحبه على الطريق..... ممكن نتواصل عن طريق الايميل mgeemoo@yahoo.com

      بواسطة geeemooo
      كُتب

    • فريح
      5
      بفكر أشترى العربية دى و لا أنتظر شوية لما سعرها ينزل
      حد يقولى كيف أضع الصوره فى الموضوع علشان تتطلعوا عليها نجح فريق من خبراء السيارات فى صنع سياره طائره تستطيع ان تتحول من طائره الى سياره فى 30 ثانيه فقط.ويقول خبراء الطيران، ان "السياره الطائره" يمكن ان تكون قيد الاستعمال فى غضون 5 سنوات بعد ان اعطت السلطات الامريكيه الموافقه على نموذج منها، وهى صديقه للبيئه، وحجمها ليس كبيرًا؛ فيمكن ان يحتفظ بها مالكها امام منزله، بحسب ما ذكرت صحيفه ديلى ميل البريطانيه امس، الاثنين. وتتكلف "السياره الطائره" 250 الف دولار، وتتسع لراكبين، وتبلغ اقصى سرعه

      بواسطة فريح
      كُتب

×
×
  • أضف...