وأنا صغير..وأنا صغيرة...

[cup cake]

و انا صغيره كنت فاكره السحاب غزل بنات (شعر بنات) و كان نفسى قوى ادوقه و اخلى اخواتى يشيلونى قال يعنى علشان اوصله و ادوقه هبل بعيد عنكم

كان فى اغنيه كانت بتيجى و انا صغيره بتقول يلا بينا يلا يلا الشموسه طلاه و بتنده علينا حاجه زى كده و كنت بخاف منها جدا كانت عباره عن اغنيه رعب بالنسبالى ليه مش عارفه و لحد دلوقتى بنقبض لما بسمعها محدش يا جماعه عنده تفسير للحاله دى

و كمان كان فى اغنيه تانيه كانت بتيجى فى تلفزيون الكويت و انا صغيره لبرنامج سلامتك كانت بتعمل عندى حاله انهيار عصبى و كوابيس

اما بقى فى العيد فكنت ببقى فى منتهى السعاده لان عمو عيد جاى اصل كان عندى اعتقاد ان العيد ده عباره عن راجل بيجى يجيب لعب و فلوس و كنت بقعد طول اليوم اسال ماما هو عمو العيد مجاش ليه؟

كنت دايما و انا صغيره بستنى الحلقة الاخيره من الاخبار لان بابا كان كل يوم بيتفرج عليها و احنا مش بنعرف نتفرج الا لما يخلص و كنت كل يوم استنى يمكن تكون الحلقه الاخيرة منها و نخلص بقى

كنت انا و اخواتى نجيب كرتونه كبيرة و نعملها مركبه فضائيه و نركب فيها على امل نطير بيها

كنت فاكرة ان الى بيتعور و يخر دم هيموت علشان كده لما كنت بتعور كان بيبقى نهارهم اسود فى البيت من المناحه الى كنت بعملها

[مسافر زاده الخيال]

من خيالات الطفولة ان

الجنة مبنى زي الحرم المكي وبنفس الحجم لكن من دون الكعبه..........

والنار هي الشمس لكن بعد يوم القيامة تتحول جهنم!!!!!!!!!!!!!!!!!!!!

واننا سادخل المدرسة بعد دخولنا الجنه!!!!!!!!!!!!!!

واذكر عن دخولي روضه الاطفال (يقابل الكي جي هذه الايام )وكان ذلك في 1979

ان الابله (سعودية من اصول مصرية) علمتنا اول درس وهي ان تسألنا

من انت؟؟؟-مين انت- فالمفروض ان نجيب

انا عبدالله ...........ولكني كنت عصيا على فهم هذا الامر فكلما تسألني (انت ميين) ارد

انا (فلان=اسمي في البطاقة فيما بعد) حتى ملت وزهقت مني رغم ضحكها وابتسامتها ...........

وكنت اعتقد ان هناك عدة ايام للقيامة لكل امه....وبعد دخولنا الجنه (حسب ما فهمتي امي اننا كلنا في الجنه) حتخلق امه جديده ويكون لهم يوم قيامه لوحدهم!!!!!!!!!!!! لكن استاذ الدين-الصف الثاني او الثالث نبهني من هذا الخطأ............

والغريب ان اول درس دين في الابتدائي وجاءت فيه الاشارة عن سيدنا المسيح عيسى بن مريم ....لم اكن مركز جيدا او لم استمع جيدا لكل ما قاله الاستاذ فالذي ظننته وقتها ان الاستاذ يقر ان المسيح ابن الله!!!!!!!!!!!!!!-ربما كان في الواقع يتحدث عن عقيدة من يؤمنون انه ابن الله ولضعف ادراكي قام دماغي بفلتره الكلمات التي اعرفها فوصل الي هذا المعنى ! وخفت ان اسأل الاستاذ مرة اخرى ليؤكد او يصحح لي خطأ ما سمعت

(هذه النقطه حسب اعتقادي الاسلامي وامل الا يعتبر ذلك تهكما او اعتداء على مشاعر النصارى)............

ومن سوء الفهم الطفولي عندما درسنا دعاء الاستفتاح في الصلاه والذي فيه (و تبارك اسمك ....و تعالى جدك...ولا اله غيرك) فكانت كلمة (جدك) تسبب لي ارباكا كبيرا على اساس ان كلمة جدك حسب قاموسي الطفولي تعني الجد=والد الوالد!!!!!!!!!!! وخفت كذلك من الاستفسار من الاستاذ او من اهلي في المنزل..............

ومن الاعتقادات التي سادت في بيئتنا الطفولية ان القرود هي في الاساس تنتمي لرجل استهزاء بنعمة الله واستحم (باللبن) فمسخ قردا............وكنا نخاف ان تقع على اجسادنا ولو نقطة لبن حتى ﻻ يتحول ذلك الجزء الى جزء قردي!!!!!!!!!!!!!!!!! وكنت اتساءل ماذا لو استحم قرد باللبن هل سيعود انسانا مرة اخرى؟؟؟؟؟؟؟؟؟؟؟؟؟؟

-----نكتفي بخرافات الطفولة البرئية-----

[shiko]

وانا صغيرة ..بصيت للسما لاقيت السحاب بيمشى ...افتكرت ان البيت هو اللى بيمشى و بابا وماما هاييجوا موش هايلاقوا البيت ولا هايوصلونا صرخت وناديت البواب ...وقلتله الحق البيت بيمشى ...

وانا صغيرة ...كنت فاكرة الفلفل الاسود ...لعبة زى البابل ننفخه ونطيره فى الهوا ...

وانا صغيرة ...ولحد دلوقتى ..بحب اطلع دراعى من شباك العربية ...وافرده ...علشان احس احساس الطيران...

وانا صغيرة كنت فاكرة ان محمد ثروت بيغنى رشا يا رشا ...مع انه موش اسمى ...:blush2:

وانا صغيرة ...كان حلمى لما اكبر اكون راقصة ...وبعدين لما اكبر اكتر ابقى دكتورة :blink:

وانا صغيرة ...ولحد دلوقتى كنت بكره شرب اللبن علشان الوش اللى بيتكون عليه:ninja:

وانا صغيرة ...كنت بحب توم ومتعاطفة جدا مع جيرى .....:wub:

[SoSo R]

معاك حق يا سى السيد كلنا متربيين سوا:happy:

أنا سألت حماتى هو ليه البيبهات بيحبوا ييجوا فى الفجر قالتلى عشان ملايكة:wub: بس الواقع اللى انا عايشاه وانا بكتب المداخلة دى انهم شياطيييييييييييينmd2:

تانى بنت الوجع ابتدا الساعة 12 جوزى كمل نوم و ودانى لما صحى الصبح المستشفى...عشان عارف إن ولادتى جملى:blush2:

أنا كمان كنت باتمنى أدوق السحاب وهاتجنن أخد قطمة و السبب إنى شفت شخصية فى مجلة ماجد اللى كانت بتتحط ع الغلاف الورانى...ماسكة معلقة و بتاكل فى سحابة

أحكيلكم بأه ع البرص

إحنا كنا ساكنين فى الدور الأول وكان جنب شباك المطبخ منط

فكان فيه برص بيقف على إزاز شباك المطبخ بالمقلوب فى ميعاد معين من بعد أذان الفجر لحد ما الشمس تطلع و ده الميعاد اللى كنت باذاكر فيه فى ثانوية عامة

وكنت أول ما أصحى أجرى ع المطبخ أتأكد إن البرص جه ووقف فى مكانه...أصلى كنت باتفائل بيه

وماما تبص لى و تضرب كف على كف ...وتقولى حد يتفائل ببرص؟!!!!

بس أهوه نجحت فى الثانوية العامة:closedeyes:

يبقى ليا حق

المهم إنه أختفى بعد الثانوية العامة!!!

[doha]

يا أستاذتي الفاضلة .. لازم حضرتك تعرفي إن زي ما البرص اللي بيفقد ديله بيطلعله ديل تاني بداله .. الديل اللي بيفقد بُرصُه بيطلعله برص تاني بداله

وفي واقع الأمر ده بيعتبر طريقة من طرق التكاثر عند السحالي بوجه عام ..

اسمها الانقسام الميتوزي السحلوي للخلايا الحيوانية .. بينقسم فيها البرص (أو السحلية بوجه عام) إلى جزئين منفصلين .. جزء عبارة عن برص بدون ديل وجزء عبارة عن ديل بدون برص .. وبعدين ينمو ديل جديد للبرص وبرص جديد للديل من نفس الحيوان الواحد ..

الكلام ده بجد ولا تهريج ؟

اصل الحقيقة التي لا شك فيها ان الديل مستحيل يطلع له برص لكن شكل الكلام كأنه مش هزار .. فانا بسال بجد انت بتهزر ولا بتتكلم جد ؟؟

تامر مصطفى ..

حكايتك عن البرص الكبير ابو بيض ده خلت شعر راسي وقف والله .. بالمناسبة .. حد تاني غيري بيحس ان شعر راسه بيقف في مواقف مماثلة ؟

تصدقوا بالله اني الى الآن مكنتش عارفه بشكل جازم بيعملوا ايه بالمية السخنة في الافلام .. رحت سألت جوزي يمكن عنده فكره قالي طبعا بيحموا بيها البيبي قلت بمية مغلية ؟! قالي لاه دي مية بيسخنوها بس زي الي عاوز يستحمى فبيسخن مية .. كده تنورت المحكمه .. في المستشفيات مبيسخنوش مية لان بيكون في سخان .. شفتهم بنفسي بيحموا طفل لسه مولود ده غير طبعا ان العلم الحديث بيقول ميستحماش اول مايطلع انما يتنظف بقطنه وخلاص عشان الماده الي عليه دي بتكون مهمه ليه ..

افتكرت لكم حاجه من معتقدات الطفوله ..

مرة انا واختي عمالين نتنطط فواحده صاحبة ماما قالت لنا انتم عارفين البلاط ده معمول من ايه ؟ من تراب .. والتراب جاي منين ؟ من الميتين .. يعني احنا دلوقت بتنطط على ميتين ؟ ايوه .. وتخيلوا منظرنا بقى بعدها واحنا خايفين ندوس على الارض احسن ندوس على الناس الميته ..

[Howayda Ismail]

الاغنية عجتني أنا قوي ...مع ان ملهاش علاقة بذكريات طفولتي أنا :lol: بس سمعتها ييجي مليون مرة من ساعة مااتحطت

على فكرة أنا كمان معرفش المية دي لازمتها ايه

سألت مامتي قبل كده قالتلي برده ان بيغسلوا فيها البيبي وبـيلغوهـا عشان تطهر..بس أنا مش اقتنعت برده :blink:

على فكرة يا دامو أكتر حاجة عجبتنى فى الأغنية موضوع مصيف مطروحbv:-

أصل كنا كل سنة بنصيف فى مطروح و ليا ذكريات جميلة فيها قوى

تخيلى بقالى 9 سنين ما شفتهاش:sad:

هموت و اروح هناك...واقعد على الصخرة اللى فى بلاج روميل و أسرح مع البحر و اكلمه و يرد عليا

يااااااااااه

لما كان الموج بيتكسر ع الصخور...منظر روعة

http://egtmaa.com/swar/download.php?img=164[/img

[Howayda Ismail]

متحف روميل

/img

مدام سوسو دى صور تصبيرة كده لحد ماحضرتك تعودى بالسلامة

[nightmare]

كفاية كده يا أ.هند , عينى بدات تدمع والله , وحشتني عجيبة والأبيض والغرام وحمام كليوباترا اللى كل اما روحه لازم اتزحلق واقع , ووحشني اللب الأبيض اللى كنت بجيب منه كل يوم نص كيلو اقعد اضربه على المرجيحة قدام البحر

ايام , فكرتينى بالذي مضي.:sad:

مع تحياتي

[Howayda Ismail]

الصور عشان تونسوكم فى الغربة وتفكركم بذكرياتكم عن مصر مش تزعلكم

ماقصدش اضايقكم بها

وان كان على لب مطروح ابعت لك حبة ياسيدى ولا تزعل ومعاه نعناع كمان

[MaYousof]

ليه كده بس يااستاذ محمد قلبتوها حصة احياء ولا ايه

دى اكتر مادة كنت باكرهها بتفكرنى بها ليه وكمان زواحف طيب كلمنا عن حاجات لطيفة

زى السرخسيات او القشريات كده يعنى مش صراصير وبر............

ما بلاش والنبى يا استاذ محمد الصراصير .خليها فى اخر السنه احنا لسه فى اول السنه الدراسيه وبنستفتح بلاش تصد نفسنا ...خالينا فى الدولفين فى الزرافه الظريفه فى الاستاذ ارنب اى حاجه حلوه وخفيفه كده تفتح نفسنا [...]

أستاذة هند .. حضرة الباشمهندسة .. موضوع الحياة الاجتماعية للصراصير ماكانش اختيار شخصي ليَّ .. ده كان بطلب من الفاضلة لماضة ..

عموما القشريات والدولفين وكل الكائنات البحرية فكرة مش بطالة برضه .. بس لازم تاخد دورها .. أو نستأذن لماضة إننا ننط موضوع الصراصير مؤقتا .. خصوصا إننا خلاص بنفَـنّش في الحديث عن دورة حياة البرص

------------------------

[...] أحكيلكم بأه ع البرص

إحنا كنا ساكنين فى الدور الأول وكان جنب شباك المطبخ منط

فكان فيه برص بيقف على إزاز شباك المطبخ بالمقلوب فى ميعاد معين من بعد أذان الفجر لحد ما الشمس تطلع و ده الميعاد اللى كنت باذاكر فيه فى ثانوية عامة

وكنت أول ما أصحى أجرى ع المطبخ أتأكد إن البرص جه ووقف فى مكانه...أصلى كنت باتفائل بيه

وماما تبص لى و تضرب كف على كف ...وتقولى حد يتفائل ببرص؟!!!!

بس أهوه نجحت فى الثانوية العامة:closedeyes:

يبقى ليا حق

المهم إنه أختفى بعد الثانوية العامة!!!

عجبتني جدا يا مدام سوسو

والله إنتي شاطرة ونفسك حلوة بجد ..

ربنا يسعدك زي ما ضحكتيني ..

شكرا بجد على مشاركتنا القصة الجميلة دي ..

[MaYousof]

يا أستاذتي الفاضلة .. لازم حضرتك تعرفي إن زي ما البرص اللي بيفقد ديله بيطلعله ديل تاني بداله .. الديل اللي بيفقد بُرصُه بيطلعله برص تاني بداله

وفي واقع الأمر ده بيعتبر طريقة من طرق التكاثر عند السحالي بوجه عام ..

اسمها الانقسام الميتوزي السحلوي للخلايا الحيوانية .. بينقسم فيها البرص (أو السحلية بوجه عام) إلى جزئين منفصلين .. جزء عبارة عن برص بدون ديل وجزء عبارة عن ديل بدون برص .. وبعدين ينمو ديل جديد للبرص وبرص جديد للديل من نفس الحيوان الواحد ..

الكلام ده بجد ولا تهريج ؟

اصل الحقيقة التي لا شك فيها ان الديل مستحيل يطلع له برص لكن شكل الكلام كأنه مش هزار .. فانا بسال بجد انت بتهزر ولا بتتكلم جد ؟؟

[...]

حتى إنتي كمان يا مادام ضحى طلع عندك نظرة دونية لديل البرص

يا مدام ضحى .. ربنا يكرمك .. مافيش مرة كده تاخدي مداخلة مهمة وتقولي عليها آمين وخلاص .. لازم يعني تتأكدي من صحة المعلومة اللي بتقريها؟

حضرتك مش شايفة إن صياغة المداخلة اللي عقبتي عليها واقعية ومقنعة؟ يبقى خلاص مش لازم نشكك بقى والكلام ده ..

حضرتك الديل اللي بُرصُه بيروح منه بيطلعله برص بداله .. والدنيا مليانة عجائب لا يمكن تصورها .. يعني ذكر حصان البحر هو اللي بيولد مش الأنثى .. وحيوان خلد الماء بيرضع صغاره مع إنه بيبيض .. ماله ديل البرص .. أقل من الناس دي؟ أقل من بيضة الفرخة؟

طب أنا هاقول لحضرتك حاجة .. البرص اللي مدام سوسو كانت بتفائل بيه أيام الثانوية العامة .. أهوه ما شاء الله جابت مجموع صيدلة .. يعني برص سره باتع .. مش بعيد جدا إنه يكون ديل وطلعله برص عشان كده كان جالب للحظ السعيد

عموما أنا جاني اعتراض على الخاص غير اعتراض حضرتك على العام .. خلينا نشوف أخرتها إيه مع سي برص ده ..

---------------------------

طيب عشان نرجع للموضوع .. عجائب وغرائب من أيام الطفولة ..

موضوع المقص الجالب للفال السيء أظن ده عقيدة عند كل مصري سواء كان مسلم أو مسيحي .. ذكر أو أنثى .. طفل أو بالغ .. دي ثوابت معرفة للمصري مهما اختلفت خصائصه الأخرى .. المصري من غير اعتقاد المقص لا ممكن يبقى مصري ..

بالاضافة للمقص فيه كمان الشبشب المقلوب .. واللي يخطي على واحد نايم .. مصيبة مصيبة

اللي كان مميز ليا بقى وانا صغير إن والدتي كانت تقولي أي حد يكذب أو يعمل حاجة وحشة الناس كلها هتشوف اللي عمله يوم القيامة ..

أنا بقى افتكرت إن فيه كاميرا خفية فوق راس كل واحد ويوم القيامة بقى هيكون في شرايط فيديو VHS لكل واحد وشاشة سينيما وكله هيتفرج على كل البلاوي اللي الكل بيعملها .. وتلاقي جمهور أكترعند شاشة اللي بلاويه متلتلة

هيييييييه .. أيااااااااااام

[Damo]

وأنا صغيرة كنت بموووت في حاجة اسمها علي حجار وكنت حافظة اغانيه كلها

[المهندسه]

وانا صغيره مما كانت بتقولى لما بعيط ..ما تعيطيش العياط يجييب نكد!!

وانا صغيره كنت احب امشى ورا النمل علشان اعرف بيته فين؟؟

وانا صغيره كنت بحب اكل ساندويتشات العيال فى المدرسه غصب عنهم(غتيته اوى)

وانا صغيره ماكنتش بحب حصه التدبير المنزلى ال كنا بنقص و نخيط فيه ...كنت بحب ال بطبخ فيه علشان اكل ههههه

ملاحظه على جنب موضوع الاكل ده وانا صغيره بس ماحدش يهمنى غلط!!!!

وانا صغيره كنت بحب كندا دراى فاكرينها؟؟

تم تعديل 16 أكتوبر 2010 بواسطة المهندسه

[المهندسه]

وانا صغيره كنت بحب الاغنيه دى اوى و لغايه دلوقت

http://www.youtube.com/watch?v=71Cjk-suCpY

http://www.youtube.com/watch?v=2wx6u_e3x2o&feature=related

تم تعديل 16 أكتوبر 2010 بواسطة المهندسه

[Howayda Ismail]

وأنا صغيرة كنت بموووت في حاجة اسمها علي حجار وكنت حافظة اغانيه كلها

خصوصا اغنية عنوان بيتنا

[Damo]

وأنا صغيرة كنت بموووت في حاجة اسمها علي حجار وكنت حافظة اغانيه كلها

خصوصا اغنية عنوان بيتنا

بالنسبالي أنا كنت بحب أكتر ريشة ويا ريشة

[Howayda Ismail]

وأنا صغيرة كنت بموووت في حاجة اسمها علي حجار وكنت حافظة اغانيه كلها

خصوصا اغنية عنوان بيتنا

بالنسبالي أنا كنت بحب أكتر ريشة ويا ريشة

دى اجمل واجمل وان دلتك فى اختيارك فعلى رفعة ذوقك

[Damo]

وأنا صغيرة كنت بموووت في حاجة اسمها علي حجار وكنت حافظة اغانيه كلها

خصوصا اغنية عنوان بيتنا

بالنسبالي أنا كنت بحب أكتر ريشة ويا ريشة

دى اجمل واجمل وان دلتك فى اختيارك فعلى رفعة ذوقك

مرسي ده من ذوقك :)

بس خدي بالك .......ده وانا صغيرة :lol:

[Damo]

وأنا صغيرة كرتون كونان كان بيجبلي كوابيس من مناظر الناس الميته اللي كانوا بيجيبوها :unsure:

[Damo]

واحدة اعرفها وهي صغيرة كانت فاكرة ان لما حد يتسجن ويتحكم عليه اشغل شاقة يعني هيروح يكنس ويمسح شقق