وأنا صغير..وأنا صغيرة...

[لماضة مصرية جدا]

بما ان الموضوع اتقلب لعالم الحيوان وحلقة النهاردة عن البرص

فمن فترة شفت واحد متخصص فى الحيوانات يعنى بيصطاد أفاعى وعايش معاها وعنده حديقة حيوان مصغرة

المهم كان بيتكلم عن البرص

فقال ان فى اوروبا البرص ليه احترامه :ninja:

وموجود فى كل بيت .. لانه بالنهار بياكل العنكبوت والصراصير والنمل ..... وبالليل زى الشاطر بيطلع ينام على السقف

يعنى بديل للمبيدات الحشرية :D

مازالت نبؤتي بتتحقق.....الصفحة التالتة....علامة فاصلة في تاريخ المحاورات.....دايما بيتغير فيها التوبيك....الاصلي....دي اكيد لعنة يا جدعان.....رقيتك يا توبيك و استرقيتك من كل من دخل و لا مشيش ع السطر...(وش اي كودية زار)

بس حلوة اوي المعلومة بتاعت البرص....استاذ شريف....

ع جنب بقي

فيه حد عنده اي معلومات عن الصراصير....بس تكون عن علاقاتها الاجتماعية....و بتكلم بجد...مش هزار...اياكشي دامو تخش تحدفني صفحة تشريح الصرصار

فوتكم بعافية

[لماضة مصرية جدا]

مصرية مغتربة تصدقي بالله انا لحد دلوقتي ما اعرفش المايا السخنة دي بيعملوا بيها ايه لما تكون الست بتولد :lol: :lol:

:blink:

و ده سؤال برضه

طبعا بيعملوا بيها شاي للبيبي

السلام عليكم و رحمة الله و بركاته

اتصدقوا اني فعلا نفسي اسال السؤال ده من زمان....

ليه بقي الطفل البريء....بيطلع للدنيا....يلاقي حلة ميه سخنة في وشه

هل عشان ضحينا بالدكتور....و الممرضة...عشان الام تعيش؟؟؟؟

لا زال الناس في المدينة....يتحاورون.....يتساءلون

عن هذه الحلة...ماذا تكون....(وش مفيد فورز و هو ضارب حتة الموكيت علي راسه و لابس قميص فوشيا)

[لماضة مصرية جدا]

باختصار كنت بفكر بطريقه اكبر من سنى ساعات بحس ان دا ميزة و ساعات بحس انه عيب لانى متمتعتش بسذاجه الطفوله كما يجب

انتوا ايه رايكم

السلام عليكم و رحمة الله و بركاته

حبيبة قلب ماما من جوه اوي

انتي ببساطة كنتي عقل قزم....يعني عقل...بس متركب علي جسم صغنتوت

عارفة هي السذاجة....او العته (زي ما احنا شايفينه دلوقتي....مع انه احلي ايام)....مش لازم كلنا نبقي شبه بعض....

يعني هل انتي كنتي بتلعبي بالمسدس اللي كانت طلقاته علي شكل دورية حمرا مثلا...و كنتي بتطلعي الرصاص قال يعني حقيقي...و تجيبي طوبة و تدشيها تحت رجلين اخواتك....اشك

هل انتي...كنتي بتحبي تعملي شعرك بالرولو....و تلبسي فستان العيد....و بعدين تلبسي كوتشي مقرف مالوش اي علاقة باي حاجة...اشك برضه

هل انتي...كنت هتتجوزي مثلا بابا....بس بابا لما حس بفداحة ما جنت يداه....(ايه المناظر دي اللي بيجبوها للدنيا)....سافر في رحلة طويلة حبتين....اشك برضك

هل انتي....كنتي....بتكلمي البقرة....لانها كائن جميل و عينيه حلوة...اشك

هل انتي....في يوم عيطتي...و انتي بتقري قصة الاميرة و الضفدع...مش عشان انتي اصلا بتحبي الضفادع...و لا عشان الاميرة....عشان معرفتيش هي ايه الكلمة السحرية اللي خلت الاميرة تحول الضفدع يبقي امير....(و هموت و اعرفها لغاية دلوقتي.... :lol: )

يبقي اشك....اشك...اشك....اذن انا دبوس

بصي برضه زيادة في التوكيد....انتي تقري التوبيك دوت....و بعدين تشربي بوق ميه....و بدين تقري و تشربي بوق ميه

و ان شاء الله الصبح هتبقي في منتهي السذااااااااجة...الطفولية جدا

كان معكم

الدامتورة لماضة....من امام عيادة تنظيم النسل...(ده بمناسبة حلة الولادة اللي كنا بنتكلم فيها من برهة.... :lol: )

فوتكم بعافية

[تامر مصطفى]

بمناسبة الحديث عن خالد الذكر البرص

انا ليا موقف طفولي مع البرص بس ده بجد مأثر في حياتي لغاية اللحظة اللي بكتب فيها كلماتي

كان عندنا مخزن في الكويت في بيت عربي قديم وكان مليان كراكيب وكنت انا اروح هناك وادخل العب

وفي مرة لقيت بيض صغير جدا

فبدأت ادور عليه واجمعه بعدها قعدت اكسر فيه

وخدت واحدة وريتها للوالد فكسرها وراح قايلي دي بيضة برص

وبعد كام يوم شفت حته برص والله والله بدون مبالغة طوله لا يقل عن 30 سم وتخين ولونه مدي على اخضر شوية

يعني شكل يوجع القلب

فجريت للوالد وقلت له راح قالي ده عرف انك كسرت البيض بتاعه وجاي ينتقم منك

ومن يومها وانا بخاف من البرص وبكرهه كره العمى

والله دلوقتي جسمي قشعر

وبكده اكون رجعتكم تاني للموضوع الاساسي وهو ""وانا صغير""

[لماضة مصرية جدا]

طبعا زى ما قالت ضحى كان عندى اعتقاد ان البرص بعد لما بيموت ديله بيفضل عايش بس بيكبر تانى لغايه ما يبقى برص جديد

و هو مش بيفضل عايش صحيح و يبا برص تاني ؟ :blink:

مكاوى .. تساؤلات

الي رفيق الكفاح....مكاووووويف

انت طلعت من المقبرة امتي

الف الف مبروك...و ربنا يتمم بخير...(وش انعام سالوسة في فيلم مش فاكرة اسمه)

يعني يا عكاوي اول ما تطلع من المقبرة...و انت لسه موميا ملعلعة كدهون...تخبطنا السؤال الحلزوني دوا

خد عندك بقي يا سيدي

اختك دامو و اخوك محمد ابو يوسف....هيستلمونا....تعالي يا ولدي اقعد فريحي ع الشلتة...انا افتكر مرة كانت بيتكلموا عن باين يا خويا انسان الغاب و لا ايه....و كنت قاعدة و لا فلاح كفر الهنادوة... :blink:

بس انت الحمد لله طمنتني علي حالتي

انت حالتك متاخرة....قيمة مقربتين من بتوع حتحور اللي اتسرق دهوت

اردم علي نفسك بقي

و انا هتولي الموسيقي التصويرية

مكنشي يومك يا عكاااااااااوي....(وش واحدة بتصوت و بتضحك في آن واحد)

اي خدمة

كان معكم

لماضة....متعهد افراح و مياتم....و خلافه

فوتكم بعافية

[مسافر زاده الخيال]

لاحظت ان بعض العضوات ذكروا ان كان نفسهم بتجوزا اباهاتهم!!!!!!!!!!!!!(وبصراحه قريت حاجات مقاربه بره المنتدى) فهل دا..........

1.له علاقه باللى يسموه عقدة الكترا؟؟؟؟؟؟؟؟؟؟؟:blink:

2.هل صحيح ان البنت في فتره ما ....بتغير من امها على ابوها؟؟؟؟؟؟؟؟؟؟؟؟

3.ولو دا فعلا بيحصل هل هو (شعور طبيعي)؟؟؟؟؟!!!!!!!!!!

طبعا (اظن) ان مافيش (اي) طفل تمنى او تخيل انو يتجوز (امه):wub:

بس حلوه اللى كانت تتمنى تتجوز (قراندايزر):rolleyes:

[عبير يونس]

لاحظت ان بعض العضوات ذكروا ان كان نفسهم بتجوزا اباهاتهم!!!!!!!!!!!!!(وبصراحه قريت حاجات مقاربه بره المنتدى) فهل دا..........

1.له علاقه باللى يسموه عقدة الكترا؟؟؟؟؟؟؟؟؟؟؟:blink:

2.هل صحيح ان البنت في فتره ما ....بتغير من امها على ابوها؟؟؟؟؟؟؟؟؟؟؟؟

3.ولو دا فعلا بيحصل هل هو (شعور طبيعي)؟؟؟؟؟!!!!!!!!!!

طبعا (اظن) ان مافيش (اي) طفل تمنى او تخيل انو يتجوز (امه):wub:

بس حلوه اللى كانت تتمنى تتجوز (قراندايزر):rolleyes:

كل فتاة بأبيها معجبة

و ده شعور طبيعي جدا

البنت ضرة امها و الولد ضرة ابوه

و فعلا البنت بتغير على باباها من أمها و الولد بيغير على أمه من أبوه

و الموضوع موصلش لعقدة الكترا و عقدة اوديب

الا لو خرج عن الحدود الطبيعية

:blink:

احنا بس كنا صغيرين و مفهومنا عن الجواز انه الاقامة الدائمة ( البي آر.... وش واحد مقدم هجرة لكندا ههههههه) مع الشخص

و بعدين ولادي الصبيان كانوا بيقولوا عاوز اتجوز ماما :wub:

بس محدش قالها من بناتي لباباهم!!!wst::

ده ميل فطري للجنس الآخر

البنت تجاه ابوها

و الولد تجاه أمه

طبعا بلا غرائز

بيبقوا في اللاشعور (حلوة اللاشعور دي ) شايفين الأم أو الأب هم النموذج المثالي لزوج او زوجة المستقبل

ده في الحالات الطبيعية بدون عقد

[المهندسه]

الله يخرب بيت البرص ال بيجى على السيره..والله و انا بقرأ الموضوع دلوقت ببص فى السقف لقيت برص محترم طوله حوالى 15 سم ...جريت صحيت جوزى و اتصرف معاه وانا اتصرفت مع جوزى علشان ساب شباك المطبخ مفتوح...انا خايفه تتكلموا عن الفيران و لا العرسه الاقيهم مشرفين عندى هنا.

وانا صغيره ماما كانت بتقولنا ما تتنططوش باليل على الارض علشان الملائكه

وكانت بتقولنا متقعدوش تفتحوا المقص و تقفلوه علشان بيجيب نكد!!

لاحظت ان بعض العضوات ذكروا ان كان نفسهم بتجوزا اباهاتهم!!!!!!!!!!!!!(وبصراحه قريت حاجات مقاربه بره المنتدى) فهل دا..........

1.له علاقه باللى يسموه عقدة الكترا؟؟؟؟؟؟؟؟؟؟؟:blink:

2.هل صحيح ان البنت في فتره ما ....بتغير من امها على ابوها؟؟؟؟؟؟؟؟؟؟؟؟

3.ولو دا فعلا بيحصل هل هو (شعور طبيعي)؟؟؟؟؟!!!!!!!!!!

اما عن حب البنات لابوهم دى حقيقه فعلا فى سن صغير للبنت بتكون فعلا منجذبه جدااا لباباها و بتغير عليه ..انا مثلا من كتر حبى لبابا وانا صغيره كنت مقتنعه ان هو ال خلفنى من بطنه مش ماما...بس ده بيفضل لسن معين وبعدين البنت لما بتبتدى تفهم وتكبر بتنجذب لامها اكثر.

[Damo]

عارفين وأنا صغيرة كان نفسي اتجوز من ؟؟

ممثل كده مش فاكرة اسمه ... ومعرفتش اجيب صورته ...

هو اسمر خالص ورفيع ومثل في الطريق الي ايلات ...مات في الاخر :sad:

[MaYousof]

[...] انا خايفه تتكلموا عن الفيران و لا العرسه الاقيهم مشرفين عندى هنا.

[...]

لا يا باشمهندسة .. إحنا لو اتكلمنا عن الفيران أو العرسة هنبقى أوف توبيك خالص لإن دي حيوانات من فصيلة الثدييات .. لو زواحف أو حشرات ماشي .. يعني حضرتك إحنا أول ما هننتهي من الحديث عن سبل التكاثر المختلفة للبرص هناخد نبذة سريعة عن الحياة الاجتماعية للصراصير (أماكن تجمعها - طرق معيشتها - نوع الغذاء اللي بتفضل تقتات عليه .. كده يعني)

-------------------

عارفين وأنا صغيرة كان نفسي اتجوز من ؟؟

ممثل كده مش فاكرة اسمه ... ومعرفتش اجيب صورته ...

هو اسمر خالص ورفيع ومثل في الطريق الي ايلات ...مات في الاخر :sad:

الراحل عبد الله محمود, رحمة الله عليه ..

-------------------

طيب عودة للسياق الأساسي للموضوع .. أنا اللي اذكره حاليا بين طفولتي إن كان فيه تشابه كبير بين حركات القدمين بتاعتي وبين الطفلة الجميلة دي

http://www.youtube.com/watch?v=MPuKVz3sjBA

[Howayda Ismail]

الله يخرب بيت البرص ال بيجى على السيره..والله و انا بقرأ الموضوع دلوقت ببص فى السقف لقيت برص محترم طوله حوالى 15 سم ...جريت صحيت جوزى و اتصرف معاه وانا اتصرفت مع جوزى علشان ساب شباك المطبخ مفتوح...انا خايفه تتكلموا عن الفيران و لا العرسه الاقيهم مشرفين عندى هنا.

وانا صغيره ماما كانت بتقولنا ما تتنططوش باليل على الارض علشان الملائكه

وكانت بتقولنا متقعدوش تفتحوا المقص و تقفلوه علشان بيجيب نكد!!

لاحظت ان بعض العضوات ذكروا ان كان نفسهم بتجوزا اباهاتهم!!!!!!!!!!!!!(وبصراحه قريت حاجات مقاربه بره المنتدى) فهل دا..........

1.له علاقه باللى يسموه عقدة الكترا؟؟؟؟؟؟؟؟؟؟؟:blink:

2.هل صحيح ان البنت في فتره ما ....بتغير من امها على ابوها؟؟؟؟؟؟؟؟؟؟؟؟

3.ولو دا فعلا بيحصل هل هو (شعور طبيعي)؟؟؟؟؟!!!!!!!!!!

اما عن حب البنات لابوهم دى حقيقه فعلا فى سن صغير للبنت بتكون فعلا منجذبه جدااا لباباها و بتغير عليه ..انا مثلا من كتر حبى لبابا وانا صغيره كنت مقتنعه ان هو ال خلفنى من بطنه مش ماما...بس ده بيفضل لسن معين وبعدين البنت لما بتبتدى تفهم وتكبر بتنجذب لامها اكثر.

بنت حلال انا مرضتش اقرا عنه عشان كده اصله بيجى على السيرة واللى بيخاف من عفريت يطلع له

وموضوع الملائكة ده برضه

وكمان حكاية المقص دى لسة معتقدة فيها لحد امبارح

[Howayda Ismail]

[...] انا خايفه تتكلموا عن الفيران و لا العرسه الاقيهم مشرفين عندى هنا.

[...]

لا يا باشمهندسة .. إحنا لو اتكلمنا عن الفيران أو العرسة هنبقى أوف توبيك خالص لإن دي حيوانات من فصيلة الثدييات .. لو زواحف أو حشرات ماشي .. يعني حضرتك إحنا أول ما هننتهي من الحديث عن سبل التكاثر المختلفة للبرص هناخد نبذة سريعة عن الحياة الاجتماعية للصراصير (أماكن تجمعها - طرق معيشتها - نوع الغذاء اللي بتفضل تقتات عليه .. كده يعني)

---------------

ليه كده بس يااستاذ محمد قلبتوها حصة احياء ولا ايه

دى اكتر مادة كنت باكرهها بتفكرنى بها ليه وكمان زواحف طيب كلمنا عن حاجات لطيفة

زى السرخسيات او القشريات كده يعنى مش صراصير وبر............

[SoSo R]

على سيرة المياه اللى بتغلى بتاعة الداية...:blush2:

أنا لحد هذوها اليوم ما أعرفش بيعملوا بيها إيه؟؟؟؟

وكنا لسه بنشوف فلم و جوزى سألنى نفس السؤال

جاوبت الأجابة اللى أعرفها من أيام إبتدائى....

بيسلقوا فيها البيبى:happy:

قصدى بيحموه عشان بينزل ملحوس خالص و مقرف و ملزق:lol::wub:

أنا عندى حكاية عن البرص بس خايفة تضحكوا عليا؟!!!:blush2:

أنزل بيها ولا إيه؟؟

ميرسى يا مايوسف على التحية...لينا الشرف يا فندم

سؤال برىء من طفلة بريئة جدا

هو محدش عجبته أغنية فؤاد:unsure:

[Damo]

الاغنية عجتني أنا قوي ...مع ان ملهاش علاقة بذكريات طفولتي أنا :lol: بس سمعتها ييجي مليون مرة من ساعة مااتحطت

على فكرة أنا كمان معرفش المية دي لازمتها ايه

سألت مامتي قبل كده قالتلي برده ان بيغسلوا فيها البيبي وبـيلغوهـا عشان تطهر..بس أنا مش اقتنعت برده :blink:

[Damo]

ابشروووووا يا نووون

عرفتلكم الميه السخنه ليه ( يا سلاااااام النت ده نعمة)

.

.

.

.

.

.

.

.

.

.

.

.

.

.

.

.

.

.

.

.

.

.

.

بس مش حابه اقول هنا. اللي عايزة تعرف تبعتلي خاص وأنا هقولها

[SoSo R]

الاغنية عجتني أنا قوي ...مع ان ملهاش علاقة بذكريات طفولتي أنا :lol: بس سمعتها ييجي مليون مرة من ساعة مااتحطت

على فكرة أنا كمان معرفش المية دي لازمتها ايه

سألت مامتي قبل كده قالتلي برده ان بيغسلوا فيها البيبي وبـيلغوهـا عشان تطهر..بس أنا مش اقتنعت برده :blink:

على فكرة يا دامو أكتر حاجة عجبتنى فى الأغنية موضوع مصيف مطروحbv:-

أصل كنا كل سنة بنصيف فى مطروح و ليا ذكريات جميلة فيها قوى

تخيلى بقالى 9 سنين ما شفتهاش:sad:

هموت و اروح هناك...واقعد على الصخرة اللى فى بلاج روميل و أسرح مع البحر و اكلمه و يرد عليا

يااااااااااه

لما كان الموج بيتكسر ع الصخور...منظر روعة

أنا ساعات كنت بدندن بأغانى لنجاة...تقريبا كنت الطفلة الوحيدة اللى بتسمع نجاة:wub:

أو أقول خواطر أرتجلها لما تيجى على بالى و أقولها بصوت مسموع لنفسى

تصدقى صعب بعد الرومانسية دى أقول ذكريات عن البرصmfb:

خليها فى مداخلة تانية بأه

[Damo]

الاغنية عجتني أنا قوي ...مع ان ملهاش علاقة بذكريات طفولتي أنا :lol: بس سمعتها ييجي مليون مرة من ساعة مااتحطت

على فكرة أنا كمان معرفش المية دي لازمتها ايه

سألت مامتي قبل كده قالتلي برده ان بيغسلوا فيها البيبي وبـيلغوهـا عشان تطهر..بس أنا مش اقتنعت برده :blink:

على فكرة يا دامو أكتر حاجة عجبتنى فى الأغنية موضوع مصيف مطروحbv:-

أصل كنا كل سنة بنصيف فى مطروح و ليا ذكريات جميلة فيها قوى

تخيلى بقالى 9 سنين ما شفتهاش:sad:

هموت و اروح هناك...واقعد على الصخرة اللى فى بلاج روميل و أسرح مع البحر و اكلمه و يرد عليا

يااااااااااه

لما كان الموج بيتكسر ع الصخور...منظر روعة

أنا ساعات كنت بدندن بأغانى لنجاة...تقريبا كنت الطفلة الوحيدة اللى بتسمع نجاة:wub:

أو أقول خواطر أرتجلها لما تيجى على بالى و أقولها بصوت مسموع لنفسى

تصدقى صعب بعد الرومانسية دى أقول ذكريات عن البرصmfb:

خليها فى مداخلة تانية بأه

قرييب قرييب جدا هتلاقي نفسك قعدة على الصخرة دي وبتقولي يااه ده أنا لسه امبارح كنت بقول امتى آجي هنا ...كنت فكره هياخد وقت أكتر من كده

الايام بتجريييي :)

[se_ Elsyed]

مش بأقول لكم إحنا كلنا إتربينا في بيت واحد ....

هههههههههههههه

والله العظيم لحد وقت قريب كنت بأفتكر إنهم بيسلقوا أو بيحموا البيبي في الميه السُخنه ....

وفي موقف في فيلم السفيرة عزيزة لحد دلوقت كل ما اشوفه .. أضيع من الضحك ... كانت الفنانة وداد حمدي الله يرحمها زوجة أخو سعاد حُسني الله يرحمها برضوا .. بتولد بالليل

أه صحيح ... هو ليه الستات بتسيب الـ 48 ساعة اللي في اليوم ... وما يحلاش لهم الولادة والإزعاج إلا في الفجر والواحد نايم ؟

أنا أخر ما زهقت في تالت عيل سبت زوجتي مع والدتها في المستشفى وروحت نمت أنا والعيال ..... ما عندك نور ربنا واليوم طويل عريض ؟

ما علينا

المهم ووداد حمدي بتصرخ وبتولد ومندمجه قوي .. بتقول لسعاد حُسني ..: يا عزيزززززززززززززه يا عزيزززززززززززززززززه .. سخني لي شويه ميه في الحله اللي بنسلق فيها راس العجل ...

خلوا بالكم .. مش أي حله ... يعني لا حلة المحشي ولا البسلة ... لأ .. لكن تحديداً الحله بتاعت راس العجل ...

عرفت بقى بعد ما كبرت وأنا عندي 39 سنة إن الميه دي للست مش للبيبي وطول عُمرنا كنا ظالمين الامهات إنها بتعذب البيبي وتعمله نص سلقه ( سوتيه يعني )

بس سؤال : هو في المستشفيات في ميه سُخنه برضوا ؟

بس بالتأكيد هاتكون مياه معقمة

[عبير يونس]

ال و انا اللي كنت فاكرة انكو حتضحكوا عليا لما اعترف اني كنت فاكرة ان المية السخنة دي بيحوا بيها البيبي

طلعتوا كلكوا زيي

ههههههههههههههههههه

الواحد خلاص بقى يفضفض براحته و بكل ثقة

ان كلنا في الهوا سوا

هههههههههههه

مرة لماضة قالت احنا عاملين زي اخوات سهرانين في اوضة

و ماما و بابا نايمين

واحنا هات يا ضحك و حكايات للصبح

بجد فعلا حاسة معاكو الاحساس ده

ربنا يخليكو ليا

آمين

[المهندسه]

لا يا باشمهندسة .. إحنا لو اتكلمنا عن الفيران أو العرسة هنبقى أوف توبيك خالص لإن دي حيوانات من فصيلة الثدييات .. لو زواحف أو حشرات ماشي .. يعني حضرتك إحنا أول ما هننتهي من الحديث عن سبل التكاثر المختلفة للبرص هناخد نبذة سريعة عن الحياة الاجتماعية للصراصير (أماكن تجمعها - طرق معيشتها - نوع الغذاء اللي بتفضل تقتات عليه .. كده يعني)

ما بلاش والنبى يا استاذ محمد الصراصير .خليها فى اخر السنه احنا لسه فى اول السنه الدراسيه وبنستفتح بلاش تصد نفسنا ...خالينا فى الدولفين فى الزرافه الظريفه فى الاستاذ ارنب اى حاجه حلوه وخفيفه كده تفتح نفسنا و بمناسبه الحيوانات اهدى لكم هذه الاغنيه

http://www.youtube.com/watch?v=4JsqhwVfPjc&feature=related