وأنا صغير..وأنا صغيرة...

[Simba]

وانا صغير

كان لي جاري في سني مدمن حلاوة طحينية ومش عايز ياكل اي حاجة تانية غير الحلاوة فما كان من الست والدته ( رحمة الله عليها ) انها اقنعته ان الحلاوة دي مقرفة وبيعملومها من دم البني آدمين

وهو بدوره قالي كده ولأننا كنا علي طول في الشارع بنكتشف الحياة بطريقتنا فصدقته واقتنعت وآمنت

خصوصا خصوصا ان كان فيه مصنع حلاوة قريب مننا واحنا ماشيين مرة جنبه لقيناهم ماسكين واحد ونازلين فيه ضرب فقولنا بيجهزوه علشان يعملوه حلاوة طحينية واتربعنا نمشي من هناك تاني واللي عرفته بعد ما كبرت انه كان اتهجم علي بنت من اللي شغالين في المصنع

وفي مرة في السن ده بعتني ابويا لصاحب المصنع علشان اديله ظرف معرفش جواه ايه ولاني كنت بترعب من ابويا فمقدرش اقوله لا ابدا ابدا

وبقيت ماشي اقدم خطوة وارجع خطوة لا انا قادر اروح المصنع ولا انا قادر ارجع البيت وفي دماغي ان خلاص ده اخر يوم في عمري

والعجيب اني لسه عايش لحد دلوقتي :happy:

[مسافر زاده الخيال]

واحدة اعرفها وهي صغيرة كانت فاكرة ان لما حد يتسجن ويتحكم عليه اشغل شاقة يعني هيروح يكنس ويمسح شقق

ونا (مقارنة بالافلام المصرية القديمة) اشغال شاقة يعني تكسير الصخور...........بس مش عارف ده حقيقي ولا شغل سيما؟؟؟؟؟؟؟؟؟؟؟؟؟

[Damo]

واحدة اعرفها وهي صغيرة كانت فاكرة ان لما حد يتسجن ويتحكم عليه اشغل شاقة يعني هيروح يكنس ويمسح شقق

ونا (مقارنة بالافلام المصرية القديمة) اشغال شاقة يعني تكسير الصخور...........بس مش عارف ده حقيقي ولا شغل سيما؟؟؟؟؟؟؟؟؟؟؟؟؟

تصدق أنا لسة مكتشفة إني عمري مافكرت عبارة عن إيه اشغل شاقة! ولحد دلوقتي مشعرفة :lol:

[الباشمهندس ياسر]

up