أسرار البنات والمدينه الجامعيه

[Howayda Ismail]

الحلقات جميلة جدا وانا كنت مستنية من بدرى اقرأ .

حلقة حلقة احسن حيبقى فى تشويق اكتر

[pocy]

الحلقه السابعه

ناديه راحت وقعدت مكانها جنب ياسمين وايمان وفاطمه

فاطمه : احمد كان بيقولك ايه

ناديه : كان عايز كشكول صالح وانا ادتهوله

ياسمين واضح عليها الضيق

ناديه : هو الدكتور اتاخر ولا انا بيتهيألى ؟؟؟؟؟؟؟

ايمان : لا الساعه لسه 8.30

ناديه : طيب

فاطمه : الا انتى ليه مش حضرتى السكشن امبارح ؟؟؟

ناديه : اصلي جالى مغص القولون اكيد من كتر الفراخ البيضه بتاعه المدينه

فاطمه : الدكتور جه

بدأت المحاضره وناديه فى وادى تانى خالص بتفكر فى انه هيعتمد عليها يعنى ممكن يكلمها فى اى وقت

واكيد هيحتاج المحاضرات بتاعه كل الدكاتره والسكاشن بس هو بيحضر السكاشن بس طب ياترى

هيجبلها الكشكول تانى امتى علشان تلحق تبيض باقي المحاضرات وتديهاله

ناديه : هو السكشن فى قاعه كام ؟؟؟؟

ياسمين : فى القاعه 301

ناديه : طيب

ياسمين : قوليلي بقي احمد قالك ايه وكنتى بتضحكى ليه وليه وقفتى معاه من اساسه

ناديه : اولا انا مش وقفت معاه انا دخلت معاكم القاعه ونادانى وانا ع الباب وفجأه لقتنى واقفه معاه لوحدى انتوا بقي ليه مش رجعتوا وقفتوا معاى

ياسمين : احنا رحنا نحجز مكان ويادوبك قعدنا لقيناكى واقفه معاه عند الباب وكل اللى داخل واللى خارج يستأذن منكم علشان يعدى

ناديه : انا كنت محروجه جدا وانتى عارفه وقلنا انكم هتقفوا معاى وهو هياخد الكشكول والحمد لله انى نقلت المحاضرات لانه شكله مستهتر وممكن يضيع الكشكول

ياسمين : ايوه كده احسن اجراء احتياطى

ناديه: بس لما يجي يدهونى بلاش تجروا من حولى كده وتسبونى معاه لوحدى

ياسمين :ماحنا مش اخدنا بالنا بس هو قالك حاجه ؟؟؟

ناديه : لا عادى وقالى ممكن ابقي اخد باقي المحاضرات لباقي الدكاتره كلهم لو مفيش مانع وانا قلتله اوك

مفيش مشكله وبس خلاص

وبعد ساعه تقريبا انتهى السكشن واتجهوا جميعا لحديقه الكليه وهناك قابلوا ميرفت وزينب وعبير

شيري

ناديه : طبعا هو قسم كمبيوتر ده بياخدوا حاجه يومهم كله فى الجنينه

عبير : اهو ده اللى جايبنا وراااااااا

زينب : يابنتى مش قلتلك قسم انتاج هو اللى نق علينا المره اللى فاتت والدكتور ادانا محاضره اكتر من

نص ساعه والله الواحد بيتعب فى الكليه دى هههههههههههههههه

ياسمين : بس لحسن بتفقعوا مرراتى وهى مش ناقصه

ميرفت : هههههههههه الحمد لله محدش يقدر يقول كده على مدنى ههههههههه

شيري : ولا عماره انا ورايا مشروع هيجننى والدكتور قال النهارده التسليم يوم الاحد الساعه واحده

ظهرا وربنا يستر واقدر اخلص قبل الخميس علشان اقدر اسافر

ناديه : انا جعانه يا عيال حد كده شاطر يجيبلنا ساندوتشات ويرجع بس بسرعه

شيري : طب ما تيجي نروح انا وانتى يا ناديه ؟؟؟؟؟ وشوفوا عايزين ايه نجيبه بالمره

بعد اخد الطلبات وكتابتها راحت ناديه و شيري وفى الطريق

شيري : ها احكيلي بقي بالتفصيل الملل أحمد اخد الكشكول وقالك ايه وقلتيله ايه يالا لحسن منخيري بتحرقنى من الصبح

ناديه : وانتى عرفتى ازاى انه اخده يا عبقرينووووووووو

شيري : لان الكشكول الجديد مش معاكى يا جميل

حكت ناديه لشيري بالتفصيل اللى حصل وازاى انها كانت فرحانه جدا

بس شيري نبهتها لانه ممكن يكون بيستغلها بس علشان المحاضرات ثم واحد زى ده كلامه اكيد معسول فمش تركزى قوى فى كلامه

ناديه : مانا قلت كده برضه

رجعت ناديه وشيري للبنات فطروا وكل واحد راح محاضرته وانتهى اليوم وكانت ناديه بانتظار احمد فى اى لحظه علشان يجيب الكشكول ولكنه لم يظهر طول اليوم

فى المدينه الجامعيه طلعوا البنات وجابوا الكوبنات بتاعه الغدا والعشا ونزلوا جابوا الاكل واستنوا

رجوع شيري واتغدوا وراحت ياسمين للاوضتها وناديه فى حيره من امرها وبتفكر ليه مش جاب

الكشكول هو وعدها انه هيجبهولها اليوم والافكار الشريره كلها بدأت تسيطر على عقلها الى ان سمعوا

التيكتفون فى المدينه الجامعيه ينادى ناديه محمود هندسه عده مرات

اتخضت ناديه ياترى مين بيتصل بيها وايه اللى حصل علشان يتصلوا بيها لانهم فى الطبيعي مش بيتصلوا بيها

نزلت ناديه بعد ما قلقت شيري وكركبت بطنها بالقلق

دخلت ناديه غرفه المشرفات وردت على التليفون

ناديه : الوووو

أحمد : الووو ناديه

ناديه : ايوه ناديه مين معاى؟

احمد : انا احمد زميلك فى القسم انا بتصل علشان اعتذر جدا لانى مش جبتلك الكشكول

ناديه : انت بتهرج بتتصل بي هنا فى المدينه علشان تقلي كده

أحمد : ايوه انا اسف هو انا عملتلك مشكله

ناديه : مع السلامه وياريت مش تتصل هنا

أحمد : اوك انا اسف

ناديه : سلام

احمد : سلام

طلعت ناديه وهى بطنها مكركبه وقلبها يخفق بشده ومش عارفه تاخد نفسها كويس

دخلت الحجره

شيري : ناديه خير فى حاجه لبابا او ماما او اخواتك ؟؟؟؟؟؟؟؟؟؟؟

ناديه : توقعى الاتصال ده من مين ؟؟؟؟

شيري (طبعا واضح على وشها) : بتهرجى..... أحمد ؟

ناديه : ايوه بيعتذر انه مش جاب الكشكول وانا مش خليته يكمل كلامه وزعقتله وقولتله مش تتصل بي هنا تانى وقالى اسف وانا قفلت السكه

شيري : غريبه .... لا بجد غريبه جدا

ناديه : طب هو جاب رقم المدينه منين ؟؟؟؟

شيري : هو ده اللى همك يا بنتى الموضوع اكبر من كده

ناديه : ازاى ؟؟؟؟؟؟

هقولك انا بقي فى الحلقه الجايه

[pocy]

هند ازيك يا قمر

بجد يعنى اكمل ورايك حلقه حلقه احسن

انا صعبانه على ناديه قوى وخصوصا فى الصدمات اللى هتاخدها بعد كده

بجد يا هند ميرسي جدا جدا على تشجيعك وان شاء الله اكمل بس الا فين باقي المحاوراتيه

زى جوزى مش بيحبوا القصص ولا ايه ؟؟؟؟؟

[Howayda Ismail]

ازيك يا بسبس

على فكرة انت شغلتى خيالى اللى ركن شوية وبحاول اخمن ايه اللى ممكن يحصل

[mekkawy]

مش عجباكم ولا ايه ؟؟؟؟؟؟؟؟؟؟؟؟؟؟؟؟؟؟؟

فين التعليق يا جماعه ؟؟؟؟؟؟؟؟؟؟؟؟

انا بفكر اوقف لما اكتب واكمل 10 حلقات مثلا احطهم مره واحده مش كده احسن ولا حلقه كل يوم ولا ايه ؟

الفاضلة أم عمر

من رخامتي المعهودة و حسي القصصي التشويقي الفضولي .. بأقولك .. أوعي ترميهم كلهم مرة واحدة

كدة هتفقدي عنصر التشويق .. لازم الناس تستنى و تشتاق و تتفاعل كمان .. و متنزليش الحلقة اللي بعدها إلا لما الناس كلها تلتهب من الفضول والشوق لمعرفة الأحداث التالية .. و لأني من أكثر الناس فضولاً و لأني نصحتك النصيحة دي ابي ابعتيلي الحلقات كلها ع الخاص :ninja: عشان ما أعانيش معاناة باقي الشعب

الصراحة إحنا عاوزين نفوق المحاوراتية شوية و نكوووووووووووب عليهم شوية مية متلجة عشان يصحوا .. يظهر الحر و الاجازات سيحوا دماغ الناس

عامة استمري و ممتاز و الله و أنصحك بكل يوم حلقة و بلاش كله مرة واحدة عشان الحبكة القصصية.

مكاوى

[SophiaAstrophy]

ازيك يابسبوس عامله ايه

ايه الجمال ده كله والله انتى عيشتينى فى القصه خلتينى اتخيل ايام الجامعه من جديد

لا بجد جميله جدا جدا يابوسى مستنين الحلقات القادمه

بس بسررعه الله يخليك مش تخلينى مستنيه كتير :ninja:

[pocy]

ازيك يا بسبس

على فكرة انت شغلتى خيالى اللى ركن شوية وبحاول اخمن ايه اللى ممكن يحصل

طب يالا قوليلي اقتراحاتك ياترى احمد عايز ايه من ناديه وهل هو فعلا مهتم بيها ولالا لا؟

وبجد شكرا قوى قوى يا جميل ع التشجيع

مش عجباكم ولا ايه ؟؟؟؟؟؟؟؟؟؟؟؟؟؟؟؟؟؟؟

فين التعليق يا جماعه ؟؟؟؟؟؟؟؟؟؟؟؟

انا بفكر اوقف لما اكتب واكمل 10 حلقات مثلا احطهم مره واحده مش كده احسن ولا حلقه كل يوم ولا ايه ؟

الفاضلة أم عمر

من رخامتي المعهودة و حسي القصصي التشويقي الفضولي .. بأقولك .. أوعي ترميهم كلهم مرة واحدة

كدة هتفقدي عنصر التشويق .. لازم الناس تستنى و تشتاق و تتفاعل كمان .. و متنزليش الحلقة اللي بعدها إلا لما الناس كلها تلتهب من الفضول والشوق لمعرفة الأحداث التالية .. و لأني من أكثر الناس فضولاً و لأني نصحتك النصيحة دي ابي ابعتيلي الحلقات كلها ع الخاص :blink: عشان ما أعانيش معاناة باقي الشعب

الصراحة إحنا عاوزين نفوق المحاوراتية شوية و نكوووووووووووب عليهم شوية مية متلجة عشان يصحوا .. يظهر الحر و الاجازات سيحوا دماغ الناس

عامة استمري و ممتاز و الله و أنصحك بكل يوم حلقة و بلاش كله مرة واحدة عشان الحبكة القصصية.

مكاوى

الاخ الفاضل : مكاوى

ميرسي جدا جدا جدا على التشجيع

وفعلا عندك حق حلقه حلقه افضل وبمانه افضل فمش هبعتها على الخاص لانى بفضلك الافضل ههههههههههههههههههههه

وبجد ميرسي جدا جدا عى التشجيع اللى هيجى على دماغك يابوسلمي

ونفس السؤال اللى سألته لهند يا ترى احمد عايز ايه من ناديه وهل ده عادى ولا الموضوع فى ان ؟؟؟؟؟؟؟؟؟؟؟

ازيك يابسبوس عامله ايه

ايه الجمال ده كله والله انتى عيشتينى فى القصه خلتينى اتخيل ايام الجامعه من جديد

لا بجد جميله جدا جدا يابوسى مستنين الحلقات القادمه

بس بسررعه الله يخليك مش تخلينى مستنيه كتير :blink:

ميرسي قوى قوى لكلامك يا حبيبتى

وفعلا ايام الجامعه دى كانت من احلى الذكريات

وميرسي ليكى كتير على التشجيع

وانا شاء الله هحط حلقه او اتنين فى اليوم على أد مقدرتى لانها بتبقي طازه بكتبها واحطها وربنا يسهل وتعجبكم يارب

ونفس سؤالى لهند تخيلاتك ايه لناديه واحمد؟؟؟؟؟؟؟؟؟؟؟؟ هل ده اهتمام حب ولا شئ طبيعي ومن انهى طرف ؟؟؟؟؟؟؟

ومره تانيه بشكركم جدا واليكم الحلقه الثامنه

[pocy]

الحلـــــــقه الثامنــــــــه

ناديه : طب هو جاب رقم المدينه منين ؟؟؟؟

شيري : هو ده اللى همك يا بنتى الموضوع اكبر من كده

ناديه : ازاى ؟؟؟؟؟؟

شيري : اولا : واضح جدا انه معاه رقم المدينه وبيستخدمه عادى جدا ممكن يكون اخده من اى بنت فى المدينه او اى ولد بيستخدم الرقم ده

ثانيا : هو يعنى مش عمل جريمه لا تغتفر علشان انه يستعجل قوى كده

ثالثا : الواد ده فى دماغه حاجه من اتنين وملهمش تالت

ياما هو فعلا عايز يستغلك فى موضوع المحاضرات وانك انتى تحضري وتكتبي كويس وبكلمتين حلوين هتعمليله اللى هو عايزه

ياما هو فعلا مهتم بيك وعايز يتقرب منك بشكل او باخر

انا بقي مش برجح التانى مش لسبب معين لانك محترمه ومش ده النوع اللى هو بيدور عليه

ناديه : انا قلبي كان بيدق وخايفه المشرفات يكونوا اخدوا بالهم ويقولوا على زى اى حد من الناس التانيين

شيري : مين اللى كانت موجوده تحت ؟؟؟؟

ناديه : المشرفه مرفت

شيري : لالالالا دى صحبتى مننا وعلينا مش تقلقي ولو حست بحاجه هتقولى

ناديه : طيب بكره لما يجي ويكلمنى هعمل ايه ؟؟؟

شيري : مش تعملى حاجه ومش تتكلمى فى حاجه وهو اكيد هيبدأ الكلام لو اعتذر قليله انا اسفه جدا بس مش احب غير اهلى اللى يكلمونى فى المدينه وبس مش تفتحى معاه فى الكلام

ناديه : طيب بس هو اكيد هيكون عايز يوضح بالتفصيل

شيري : اسمعى منه ومش تعلقي وبعد ما يخلص كلامه قوليله طيب وبس وحسسيه انك مضايقه

ناديه : اوك مش عارفه هقدر اعمل كده ولالا

شيري : بصراحه انا مستغربه هو بيعمل كده ليه

عقل شيري: (انا والله حاسه ان الواد عايز يلعب بناديه صعبانه على ناديه حاسه انها فرحانه انه بيكلمها وخصوصا انه شاب مشهور جدا فى الجامعه بحاجات كتير بس قلقلانه على ناديه لان

احساسها ممكن يتمادى وساعتها مش هعرف الم الموضوع تانى على العموم انا مش هسيبها الا لما اعرف الواد ده عايز منها ايه وان شاء الله مش يضايق ناديه باى شكل من الاشكال

ناديه : انتى روحتى فين بكلمك مش بتردى

شيري : لا ابدا انتى عارفه الالهام لما بيجي مش بشوف قدامى طب يالا نشوف اللى ورانا

انتهى اليوم وشيري حاسه بناديه وهى شارده وبتعمل حوار بينه وبينها وبترد عليه باين عليها قوى انها مشغوله ربنا يعينك يا رب على بكره يا ترى الحوار هيكون ازاى وناديه هتعمل ايه ؟؟؟؟؟؟؟

جاء اليوم التالى جميل مشرق يعكس هالته على وجه ناديه

شيري : ناديه انتى صحيتى ؟

ناديه : من زمان انا بفكر البس الدريل الجينز بتاعك ؟؟؟؟

شيري : بس محتاج مكوى من تحت علشان كان متنى من تحت

ناديه : مانا كويته ههههههههه

شيري : انتى صاحيه من بدرى بقي

ناديه : بقولك البس عليه ده ولا ده

شيري : لا ده ولا ده طبعا : البسي البدى الابيض بتاعى نظيف ومطبق عندك والبسي الطرحه الشيفون اللبنى ومعاها البندانه البيضه

ناديه :ههههههههههههه ايه ده كله

شيري: انا لسه مش فوقت بس هيبقوا حلوين عليكى انا رايحه الحمام

ناديه: طيب

شيري : بعد ما خرجت ناديه ال...........

ناديه : صبيته لما ترجعي هتشربيه انا حطيتلك لبن عليه صح

شيري : والله انا مش عارفه اقول ايه غير ان امى دعيالى والله

رجعت شيري من الحمام وهى تنظر الى ناديه وتصفر وتقول كمان يقول الريحانى ايه ده كله ايه ده كله

ناديه (محرجه ): هو ايه ده كله ؟؟؟؟

شيري : لالالالا استنى متبهدليش اللى انتى عملاه بلفه الطرحه بتاعتك استنى انا هلفهالك

ناديه : ليه هو انا بلفها وحش

شيري : لا طبعا بس ماما بلفها زى ما نتى بتلفيها كده

ناديه : مش انا زى امك برضه يا بنتى

شيري : استنى بقي واتعدلى ها كده اهه ادينى خلصت ايه رأيك ؟؟؟؟

ناديه : ايه التغير الفظيع حلوه جدا جدا

شيري : خذى بقي دى رطبي بيها وهتبقي مش ناقصك غير العريس

ناديه بتضحك وبتضرب شيري بالمخده وشيري بتضحك وبتقول

شيري : لولا انى خايفه ابهدل الطرحه كنت رديت عليكى بالمثل

ناديه : طب هتنزل المره ديه بس المره الجايه لا يمكن يحصل ابدا (وش عبدالفتاح القيصري)ل

الباب يخبط وصوت ياسمين : ناديه صحيتى

ناديه وهى تفتح الباب : ايوه يا ياسمينا ادخلى

ياسمين: قلقتينى لما مش نديتى على قلت راحت عليكى نومه

ناديه : لا بس شيري كانت معطلاانى

ياسمين : ايه ده كله ايه ده كله ايه اللى انتى لبساه ده بتاع شيري

شيري : اصلي غلطت وقلت ادفع تمن غلطتى دلقت عليه لبسها شويه شاي من غير قصد وحلفت عليها ما تكوى وتلبس ده ايه رأيك بذمتك مش هيكون منها حته

ياسمين : لا بجد شكله حلو قوى عليكى يا ناديه انتى حاطه كريم تفتيح؟؟؟

شيري : مانا قلت اكمل اصلها حطت فير اند لافلي بتاعى وبالعافيه رديت تحط

ياسمين : لا نتيجته فعاله بجد وشك منور ومبيض

ناديه : طب ممكن يالا بقي علشان نمشي

ياسمين : طب استنى اروح اجيب الحاجه بتاعتى وانزل واخبط على ايمان زمنها خلصت

ناديه : طب يالا بسرعه

شيري وهى تغلق الباب: اياكى ثم اياكى تقولى ان بياض وشك ده طبيعي والا هيسود فى ساعتها هههههههه

ناديه : مانا لاحظت وانتى عماله تردى بالنيابه عنى

شيري : المهم انتوا اخرتونى انتم الاتنين

جأت ياسمين وايمان اللى مصدقت شافت ناديه وكانها شافت حاجه حلوه ونزلت تمدح فيها راحت ياسمين سكتتها وقالتها كفايه كده لتطول ومش نطول نتكلم معاها وضحكوا جميعا وذهبوا للكليه

وفى الكليه حدث ما لم يحمد عقباه

وهذا ما سنراه فى الحلقه القادمه

[mekkawy]

لا كدة وجبت الحلقة التانية

يخربيت نصيحتي اللي هتموتني أنا أول واحد .. يا فندم يلا بأة الحلقة اللي وراها و كفاية تشويق كدة

[Mr MAGED]

تسجيل متابعة ... يصاحبه تصفيق حاد

فكرتيني برواية بنات الرياض .. مع الفارق أكيد

المدينة الجامعية دي ذكريات ... أربع سنين بعيد عنك

في انتظار البقية

تحياتي

[pocy]

الحلقـــــه التاســــعه

وصلوا البنات للكليه وكانوا كل ما يقابلوا حد كان يعلق على ناديه او بيبص لناديه وهم بيكلموا سواء من بنات المديته او زميلاتها فى الكليه وفى الطريق الى المرج شاهدت ناديه احمد وهو يقف على باب المدرج فأخد قلبها يدق بسرعه شديده وحاسه ان رجليها اثقلتها دقات قلبها كانت تقدم رجل وتؤخر الاخري ووصلت قرب باب المدرج فإذا بأحمد يناديها وكان واقف مع خمس من زمايلاهم فى القسم فاستأذن منهم وقال

احمد (وهو ينظر لناديه بنظره مختلفه ) : مهندسه ناديه

ناديه : نعم (وهى تمسك فى يد ياسمين حتى لا تذهب بعيدا عنها )ة

أحمد : ااانا اسف اتاخرت عليكى فى الكشكول وأ....

قاطعته ناديه : مفيش مشكله

واخدت الكشكول ومشيت الى الامام مع ياسمين وتركت احمد مع هواجسه وحاولت التملص منه اكتر من مره

وبعد محاضره دامت الساعه ونصف وكانت اطول محاضره بالنسبه لناديه فالوقت كان يمر ببطء كما انها كانت تفكر فى ما فعلته هل كويس ام لالا

وانتهت المحاضره واحست ان احمد من الممكن ان ينتظرها خارج المدرج

ناديه : متيجوا نخرج من الباب الورانى اقرب للجنينه

ياسمين : طيب

ايمان : البنات هناك ولا متعرفوش

ياسمين اعتقد ممكن نلاقي ميرفت بس باقي البنات عندهم محاضرات هتخلص بعد نص ساعه

ناديه: طيب يالا نشوف ميرفت احنا قدامنا ساعه صح براحتنا يعنى

ذهبوا جميعا الى الحديقه وهناك وجدوا ميرفت ولكن هناك من كان يحاول اللحاق بهم ولكن اوقفته مجموعه كان يعرفها فى نادى الجامعه

وجدوا البنات ميرفت تجلس بمفردها تنتظرهم وبعد السلام

ميرفت : ايه ياعم الجمال ده احنا منقدرش على كده

ناديه : ميرفت وحياتك انا مش فايقه للكلام بتاعك ده

ميرفت : مش ده احمد اللى اخد منك الكشكول

استدارت ناديه فوجدت احمد يتجه اليهم وقالت في نفسها يادى المصيبه

أحمد : مهندسه ناديه ممكن لحظه ؟

ناديه : خير في حاجه......... ولم تتحرك من مكانها

أحمد : ابدا كنت عايزه اقولك اننا فى نادى عاملين شغل كويس واذا كان انتى وزميلك تحبوا تشتركوا فيها

ناديه : اممممممممممم لا شكر احنا ملناش فى الكلام ده

ياسمين : طب مش يالا يا بنات

أحمد : على العموم لو حضرتك فكرتى وحبيبتى تشتركى قوليلي

ناديه : ان شاء الله

أحمد سلام

ناديه : سلام

ياسمين : نادى ايه اللى هنشترك فيه

ناديه : يا عم سيبك احنا بتوع الكلام ده

ياسمين : طب ما تيجوا نروح نفطر فى المدينه ونشرب كوبايه شاي ونرجع ع المحاضره التانيه

ناديه وايمان وميرفت فى صوت واحد: اوك

وصلوا الى المدينه وهناك وجدوا شيري نائمه واستيقظت على صوتهم

ناديه : انتى مش روحتى الكليه

شيري : لا رحت بس الدكتور لغي المحاضره فقلت اجى انام شويه

ناديه : طب انتى هتصحى ولا تكملى نوم ؟؟؟؟

شيري : انا كان مفروض اصحى كمان نص ساعه

ناديه : طب احنا هنروح لاوضه ياسمين

شيري : لا مش مهم انا صحيت خلاص

ناديه: انتى فطرتى ؟؟؟؟

شيري : لا لسه انتم هتفطرووووووا؟

ناديه : اهه هنعمل حسابك

شيري : ناديه فى حاجه عايزه اكلمك فيها

ياسمين : انا هروح اودى الحاجات فى الاوضه وجايه تعالى معايا يا ايمان

ميرفت : وانا كمان خونى معاكوا

ناديه بعد ما خرجوا : خير ؟

شيري وهى تبتسم ابتسامه شريره : ها احكيلي ايه اللى حصل

ناديه : خضتينى وتمسك بمخدتها لتقذفها على ناديه

شيري : هههههههههه يالاالبنات جايين بعد شويه

ناديه حكت ما حدث في الكليه

شيري : ممتاز جدا انا حاسه انه قال موضوع النادى ده لما اتحرج وكان عايز يكلمك فى موضوع تليفون المدينه بس كده احسن علشان يعرف انه مش بالساهل وان فى بنات محترمه

ناديه : بس انا حسيت انى فرحانه انى عملت كده وكمان انا النهارده حاسه بسعاده لا توصف بجد

شيري : ربنا يفرحك كمان وكمان

ناديه : شيري انا بفكر اغير فى الاستيل بتاعى طريقه لبسي وطريقه كلامى عايزه اتعلم الاتيكيت اللى انتى كنت بتتعلميه وانتى صغيره

شيري : مش كنتى بتضحكى انتى وياسمين وتتريأى على ثم ليه يعنى النهارده

ناديه : اصل حاسه انى لقيت نفسي فى اللبس ده وكمان حاسه ان كلام بيطلع زى الدبش فى اوقات كده وكمان يصبغ كلامى السذاجه فايزه اغيرنى

شيري : يا بنتى انتى كده ممتازه بس فاضله تعرفي ايه هى الالوان اللى تمشي عليكى وكمان بلاش الطرح الساتان اللى محدش بقي يلبسها الان فى الكريب وفى الشوفون وفي .............

جم البنات و سكتت شيري عن الكلام المباح وفطروا ونزلوا الكليه

وبعد ما خلصوا المحاضره جرى عليهم احمد

احمد : لو سمحتى ممكن بس اصور المحاضره دى لاحسن مكتبتش ولا حاجه

ناديه : اتفضل بس انا محتاجه الكشكول للسكشن الجاى لو سمحت

احمد : طب خلاص خدى الكشكول وهبقي اخده بعد السكشن علشان اصور المحاضره والسكشن

ناديه : اوك

ياسمين : هو هينطلنا كل شويه ولا ايه

ناديه : طب اعمل ايه بنحرج اقوله لا

ياسمين : طب يالا بينا على السكشن

ناديه : يالا

وبعد ان انتهى السكشن اخذ احمد الكشكول وراح يصوره وفى هذا الوقت قالت لياسمين خدى مفتاح اللاوضه وخدي البونات بتاعه الاكل وجبهولنا المواعين كلها نظيفه لان شيري هتتأخر ومش عارفه الاستاذ ده كمان هيجيب الكشكول امتى انا قلت انى هستناه هنا وخايفه اروح كده ولا كده يتاخر يروح علينا معاد الاكل

ياسمين : طيب بس مش تتاخري

ناديه : هتاخر ازاى هو هيجيب الكشكول هاجى ع طول وخلى ايمان وميرفت يشيلوا معاكى

ياسمين : طيب سلام

تنهدت ناديه وقال ت اخيرا هتعرف تكلمه لوحدها وتشوف هو عايز ايه وتديه على دماغه ااااه ياباه من دماغه

بعد لحظات بسيطه جه احمد

أحمد : انا اسف انى اتاخرت

ناديه : لا مفيش مشكله

أحمد : امال فين الاخوه الاعداء

ناديه : مين ؟؟؟ ايه؟؟؟

أحمد : لا سورى انا قصدى اصحابك انا اسف

ناديه مبتسمه : راحوا المدينه

أحمد : ممتاز

ناديه : عن إذنك

أحمد : لا ثوانى انا من الصبح وانا عايز اكلمك بس مش عارف

ناديه : خير في حاجه ؟

احمد : ده فى حاجات بس مش هنعرف نتكلم هنا لاننا عند سلم الكليه وبالتالى اللى رايح واللى جى هيسلم علي ومش هعرف اجمع كلمتين

ناديه : خير هو الموضوع كبير ولا ايه انا مش عايزه اتاخر لو فى حاجه اقولها بسرعه لانى هتاخر

احمد : طيب ممكن نمشي بس لحد ممعمل الفيزياء

ناديه : اوك بس بسرعه لو سمحت

أحمد : اوك

وبدأ يمشوا ناحيه معمل الفيزيا وهنا تكلم احمد عن كل ما يجول بخاطره

وكفايه النهارده لحد هنا وبكره نشوف ايه اللى حصل ان شاء الله

[pocy]

تسجيل متابعة ... يصاحبه تصفيق حاد

فكرتيني برواية بنات الرياض .. مع الفارق أكيد

المدينة الجامعية دي ذكريات ... أربع سنين بعيد عنك

في انتظار البقية

تحياتي

ميرسي جدا اخي الفاضل

وفعلا عندك حق ومن اجمل الذكريات كمان انا بقي خمس سنين وكلهم احلى من بعض بس سنه اعدادى كانت اصعبهم والحمد لله خرجنا منها على خير

و بس الا سؤال فضولى كده هو الفارق حلو ولا وحش ؟؟؟؟؟؟؟؟؟؟؟؟؟ :lol:

[لماضة مصرية جدا]

السلام عليكم و رحمة الله و بركاته

خالتشي فرنسا

متابعة يا جميل....ممكن اقترح عليكي اقتراح صغنتوت اد النملة

حبيت اوي الحتت الي فيها حوارات داخلية....لا مش قصدي اللي بيبقي فيها اللوكيشن داخلي زي اللي في الاوضة و لو ان دايما قعدة البنات بيبقي فيها حكايات و بلاوي....

بس اللي هي بتدور في دماغ "نادية" او اي بنت من البنات اللي في القصة...الحوار اللي الواحد بيقوله لجوه كده

طبعا كابتشن احمد.....ظهوره و اختفاؤه كده بيعمل حالة حلوة.....بس عايزين حبة حوار للي في دماغه....ايه رايك؟؟؟

و لا هو الحوار من ناحية نادية بس و البنات

مش عارفة ده اقتراحي

انا شخصيا مستمخية اوي....بالمزمازيل "شيري" بتفكرني بيا في حاجات....ربنا يقويكي

احدفي بقي الباقي

اه ااقولك حاجة كمان لما تيجي تبتدي حلقة جديدة ابقي خدي اخر سطرين من الحلقة اللي قبلها

زي ما "المخرج جمال عبد الحميد بيعمل...الحلقات السابقة".... عشان تبقي خيط ورا بعض...احسن انا عيني اتحولت فوق و تحت

كملي يا تانت

هما بالصلاتو ع النبي كام حلقة

و لا ااقولك متقوليش...خلينا متابعين كدهون

بس خلاص

مساكي.....حكاياتنا الحلوة

فوتك بعافية

[Mr MAGED]

تسجيل متابعة ... يصاحبه تصفيق حاد

فكرتيني برواية بنات الرياض .. مع الفارق أكيد

المدينة الجامعية دي ذكريات ... أربع سنين بعيد عنك

في انتظار البقية

تحياتي

ميرسي جدا اخي الفاضل

وفعلا عندك حق ومن اجمل الذكريات كمان انا بقي خمس سنين وكلهم احلى من بعض بس سنه اعدادى كانت اصعبهم والحمد لله خرجنا منها على خير

و بس الا سؤال فضولى كده هو الفارق حلو ولا وحش ؟؟؟؟؟؟؟؟؟؟؟؟؟ :lol:

هو لحد الوقتي أكيد الفارق حلو ... لأنها بصراحة معجبتنيش

لأن فيها اسقاطات كتيرة مالهاش لازمة

وبتعكس اهتمامات الفتاة الخليجية الغريبة اللي انا شخصيا محبتهاش

لكن اهتمامات البنت المصرية بتكون محترمة في مجملها

متابع وفي انتظار البقية

[لماضة مصرية جدا]

وبدأ يمشوا ناحيه معمل الفيزيا وهنا تكلم احمد عن كل ما يجول بخاطره

وكفايه النهارده لحد هنا وبكره نشوف ايه اللى حصل ان شاء الله

بدرو ع الايقونة اللي فيها واحد بيضرب و احد علي راسه بالشاكوش عشان احهالك و مش لاقياها.....

كده يا بسبسة...بعد ما الراجل خلاص ربنا فتح عليه و هيتكلم.....و ايه رايحين لمعمل الفيزياء... يا لهوي ع الرومانسية :lol: ...كده تقطعي حبل الغسيل

قصدي حبل الافكار

يا لا بقي

[pocy]

السلام عليكم و رحمة الله و بركاته

خالتشي فرنسا

متابعة يا جميل....ممكن اقترح عليكي اقتراح صغنتوت اد النملة

طبعا تقترحى على وتفرضي على كمان كفايه انك بتبعى حماتك المبتدئه جدا وبجد بحي وجودك جدا فى مواضيعي يا لمضمض لانك حد جميل جدا وكلامك منظم وهادف

حبيت اوي الحتت الي فيها حوارات داخلية....لا مش قصدي اللي بيبقي فيها اللوكيشن داخلي زي اللي في الاوضة و لو ان دايما قعدة البنات بيبقي فيها حكايات و بلاوي....

بس اللي هي بتدور في دماغ "نادية" او اي بنت من البنات اللي في القصة...الحوار اللي الواحد بيقوله لجوه كده

بالنسبه للحكايات والبلاوى لا استطيع نشرها لما فيها من.............. ومن ...................... وانتى عارفه بقي ههههههههههههههههههه

ده غير حفلات السمر اللى بتطلع فجأه فى عز الامتحانات وبتبدأ الساعه 3 الفجر وربنا يعين علينا الجيران واكيد هحكى على اجزاء منها ههههههههههههههههههه

وبجد تفطس من الضحك

طبعا كابتشن احمد.....ظهوره و اختفاؤه كده بيعمل حالة حلوة.....بس عايزين حبة حوار للي في دماغه....ايه رايك؟؟؟

الحوار اللى فى دماغه مقدرش اقوله دلوقتى لاسباب هتظهر بعدين بس بعد كده ولما تظهر الحقيقه المره هقولك على كل تنتوفه فكر فيها ههههههههههههههههه

و لا هو الحوار من ناحية نادية بس و البنات

تعرفي ان اختى قالتلى نفس كلامك ده سبحان الله وعجبها جدا وان شاء الله كلامك سيطبق ان شاء الله

مش عارفة ده اقتراحي

علم وينفذ ياقمر

انا شخصيا مستمخية اوي....بالمزمازيل "شيري" بتفكرني بيا في حاجات....ربنا يقويكي

احدفي بقي الباقي

اه ااقولك حاجة كمان لما تيجي تبتدي حلقة جديدة ابقي خدي اخر سطرين من الحلقة اللي قبلها

زي ما "المخرج جمال عبد الحميد بيعمل...الحلقات السابقة".... عشان تبقي خيط ورا بعض...احسن انا عيني اتحولت فوق و تحت

بس كده انتى تأمرى يا قمرايه

كملي يا تانت

هما بالصلاتو ع النبي كام حلقة

و لا ااقولك متقوليش...خلينا متابعين كدهون

بس خلاص

مساكي.....حكاياتنا الحلوة

فوتك بعافية

تسجيل متابعة ... يصاحبه تصفيق حاد

فكرتيني برواية بنات الرياض .. مع الفارق أكيد

المدينة الجامعية دي ذكريات ... أربع سنين بعيد عنك

في انتظار البقية

تحياتي

ميرسي جدا اخي الفاضل

وفعلا عندك حق ومن اجمل الذكريات كمان انا بقي خمس سنين وكلهم احلى من بعض بس سنه اعدادى كانت اصعبهم والحمد لله خرجنا منها على خير

و بس الا سؤال فضولى كده هو الفارق حلو ولا وحش ؟؟؟؟؟؟؟؟؟؟؟؟؟

هو لحد الوقتي أكيد الفارق حلو ... لأنها بصراحة معجبتنيش

لأن فيها اسقاطات كتيرة مالهاش لازمة

وبتعكس اهتمامات الفتاة الخليجية الغريبة اللي انا شخصيا محبتهاش

لكن اهتمامات البنت المصرية بتكون محترمة في مجملها

متابع وفي انتظار البقية

طب الحمد لله طمنتنى وان شاء الله الى الامام وبجد ميرسي جدا لذوقك العالى

وبدأ يمشوا ناحيه معمل الفيزيا وهنا تكلم احمد عن كل ما يجول بخاطره

وكفايه النهارده لحد هنا وبكره نشوف ايه اللى حصل ان شاء الله

بدرو ع الايقونة اللي فيها واحد بيضرب و احد علي راسه بالشاكوش عشان احهالك و مش لاقياها.....

كده يا بسبسة...بعد ما الراجل خلاص ربنا فتح عليه و هيتكلم.....و ايه رايحين لمعمل الفيزياء... يا لهوي ع الرومانسية ...كده تقطعي حبل الغسيل

قصدي حبل الافكار

يا لا بقي

وما خفي كان أعظم استنى بس على شويه

[pocy]

يالا فينكم يا محاوراتيه عايزه كمان تشجيع

ومحدش يدخل ويخرج من غير ما يقول كلمه ان شالله متابعه وخلاص او كملى

[Damo]

فظيييييييييييييييعة فظيييييييييييييييييييييييييييييعة فظيييييييييييييييييييييييييييييييييييييييييييييييييييييييييية

انا عجبتني اوي . اهو انا كان نفسي اخودلي اوضة صغننه في الجامعة عشان حوارات البنات دي و يبقى ليا دور في الاحداث..بدل ما انا دايما اخر من يعلم.

جميلة جدا يا بوسي

تسجيل متابعة

[bentmasria]

بوسى كلنا متابعينك يا قمر ايه آخر اخبار نادية واحمد يللى طمنينى بسرعة

تسلم الايادى والنقد والتحليل فى الاخر

ماما مانا

[pocy]

فظيييييييييييييييعة فظيييييييييييييييييييييييييييييعة فظيييييييييييييييييييييييييييييييييييييييييييييييييييييييييية

انا عجبتني اوي . اهو انا كان نفسي اخودلي اوضة صغننه في الجامعة عشان حوارات البنات دي و يبقى ليا دور في الاحداث..بدل ما انا دايما اخر من يعلم.

جميلة جدا يا بوسي

تسجيل متابعة

ميرسي جدا يا داموووووووووووووا والله يا حبيبتى انا عارفه شعورك ده لانى كنت بشوف اختى الكبيره بتروح المدينه والكليه كل اسبوع وانا بفضل مستنياها وببقي نفسي اروح زيها ولما كبرت عرفت أد ايه المدينه الجامعيه فيها روح جميله جدا ومش تتصورى بتتعرفي الحلو والوحش والدنيا بتعلمك ازاى تاخدى الحلو وتسيبى الوحش أد ايه صعب فى الاول انك تشيلي مسئوليه نفسك وانك تحافظى عليها والاساس هو التربيه والحمد لله وربنا يبارك فى أمى وابي ويدخلهم الجنه من اوسع ابوابها يارب اللهم امين

ولو على حكايات المدينه وحكايه كل بنت صدقينى صفحات العالم مش هتنهيها لان لكل فتره بتبقي قصه ولكل سنه قصه جديده بتتولد داخل كل واحده فينا

وبجد يا دامو يا حبيبتى اسعدنى جدا وجودك فى القصه ومتابعتك ليها وميرسي جدا لكلامك الحلو ده

بوسى كلنا متابعينك يا قمر ايه آخر اخبار نادية واحمد يللى طمنينى بسرعة

تسلم الايادى والنقد والتحليل فى الاخر

ماما مانا

اخبار ناديه اقولك عليها لحسن هى خلاص رجلها مش متحمله وقلبها صعبان على بيدق بسرعه جدا وحاسه قلبها هيقع فى رجليها

وبجد ميرسي جدا جدا على تشجيعك وتشريفك لى انا بقرأ مدونتك ببكي بحرقه من المعانى الجميله اللى تواريها الكلمات بجد بيسعدنى جدا مرورك