يا بتوع الرياض شوفتوا الجو عامل اذاى؟!!!

[se_ Elsyed]

لأ يا جماعة .. أنا مازلت متيقن إن في حد بيلعب في عدادات الحرارة بتاعت الجو :lol:

قعدت كتير وقليل في الخليج ... لكن زي الجو ده ما شوفتش أبداً ..

إحنا بنتكلم دلوقت في 60 وأنت طالع ... بامانة مش تهريج ده

لأول مره في حياتي اكون داخل شقتي الساعة 12 باليلل وما أقدرش أدوس على السيراميك اللي تشبع حرارة طول اليوم وبقيت ماشي عليه ي اللي بيرقص باليه

ما أقولكش على الميه اللي نازله من الحنفية

نارررررررررررررررررررررررررررررررررررررررررررررررررررر

وأتسلق يا معلم

يوم الجمعة ماشي في الشارع الساعة 5 قبل المغرب كده ... وأشوف يافطة من بتوع درجات الحرارة في الشارع الاقيها 57 ... أه والله

أومال في عز الضهر تبقى كام ؟

أيضاً عشان أخرج من غرفه لاخرى داخل شقتي بقيت محتاج لوح تلج أحطه على دماغي وأنبوبة أكسوجين أعلقها على ضهري .. وبالمره ألبس زعانف وأعمل دايفنج كمان

أمبارح واول حصل حاجه غريبة ... الحر وده إتكلمنا عنه وخلاص امره مفروغ منه . لكن تراب في الجو فظيع ردم الدنيا ...

ويوم ما ربنا يكرمني وقلت أشغل الغسالة على الهدوم وأغسل غسيلي ولا فيش مثيلي وهي نانسي أحسن مني في إيه

أروح البيت بالليل الاقي الغسيل في البلكونه تحول إلى اللون الرمادي وكان هاين عليه أعيط ..

يعني يوم ما أتشملل وأغسل يحصل كده ؟

طب مش غاسل تاني واللي يحصل يحصل وربنا يخلي المغاسل إن شالله أوديلهم الشربات حتى

[mekkawy]

قلبي عندك يا س س يا أخويا

الحال من بعضه والله .. البت أوسة بنتي كل ما تيجي تبلبط في الباميو تتلسع و تطلع معيطة .. فبأضطر املاهولهاقبل البلبطة بشوية .. غير بأة إني رجعت في السنين لورا كتيــــــر و بقيت أتوضى بالكوز و استحمى بالكوز .. طب تصدق بالله .. بقيت احط مية ساقعة في الفريزر و أبرد بيها المية اللي مخزنها .. ده ايه ده يا جدعان .. بس عارف باة

انا لسة جاي من جدة من يومين .. قعدت هناك أسبوعين .. تغووووووور جدة بالرطوبة اللي فيها .. الرياض رحمة .. و الله رحمة .. اه جدة غير و بتاع و ما اختلفناش كله في الكلتش و الفسح و البحر .. إنما ما تقدرش تتمتع بأي حاجة من الحاجات دي .. اليوم الوحيد اللي كان حليوة و امور لما خرجت مع العنبي و انفستور .. كان يوم لذيذ و هوووب و احنا قاعدين في الكافتيريا (القعوة سابقاً) هبت علينا نسمات الرطوبة لمينا عزلنا و شيشنا و شاينا و قهوتنا و ع البيت جري .. و من موقعي هذا بأقول .. الرياض غير

مكاوى

[MZohairy]

اتفق مع مكاوي في ما خلص اليه

رطوبة جده مع حراره 38 العن من حرارة الرياض بدون رطوبه و لو كانت 55

الرطوبه بتخليك تحس انك ملزق و كأن مدلوق عليك إزازة زيت

[mekkawy]

أخويا زوهيري

بس بأة أحسن نتحسد من كتر الاتفاقات دي :lol:

دي مني ليك

و الله يا جماعة فعلاً .. رطوبة جدة مع حرارة 30 حتى مش أكتر أوحش بكتيييير من خمسينات الرياض

طب انا يوم الجمعة رحت المسجد مشي (حوالي 250 متر) و عادي جداً و بيس آخر حاجة .. و أنا في جدة فكرت و اتجرأت أطلع على البحر .. نزلت من العربية و سلومة اللومة في ايدي .. و رحنا عاملين ريويس بعد ما بقينا إحنا و البحر واحد من العرق و التلزيق (يــــــع) و نطينا في العربية تاني و شغلنا التكييف و جالنا برد و الحمد لله :D

و مع ذلك .. خلاص .. رايح جدة أعيش هناك .. زي بعضه باة رطوبة رطوبة .. أهو الواحد يغير مناظر .. بس و الله هتوحشني الرياض .. أهو الواحد يقعد في جدة و ييجي يصيف في الرياض .. و الله الواحد في الغربة عامل زي ميكون محطوطو في خلاط بيعمل عصير خضار مشكل لعيل رضيع mfb:

اقعدوا بالعافية

مكاوى

[MZohairy]

mfb:لأ يا أخي و كله كوم و لما تخرج من العربيه المكيفه للشارع و تكون لابس نضاره

و اذ فجأة تلاقي يا مكاوي النضاره شبرت و مش شايف حاجه اطلاقا

فيبقى الواحد حران و ملزق و مش شايف

mfb: mfb: mfb:

خد يا عم دي مني ليك كمان

تم تعديل 19 يوليو 2010 بواسطة mzohairy

[mama nona]

اتفق معاك يا اخ مكاوى

فى انه الرياض غيرررررررررررررررررررررررررر

بس فى الصحبة واللمة والاهل والاصدقاء والمعارف والحياة ال اتعودنا عليها

اما جدة غييييييييييييييييييييييييييييييييييير برده بس فى الفسح

وهى الفسح ليها طعم من غير ناس الرياض ....

بس الجو هنا لسه مولعشى زى الرياض

[mekkawy]

mfb:لأ يا أخي و كله كوم و لما تخرج من العربيه المكيفه للشارع و تكون لابس نضاره

و اذ فجأة تلاقي يا مكاوي النضاره شبرت و مش شايف حاجه اطلاقا

فيبقى الواحد حران و ملزق و مش شايف

mfb: mfb: mfb:

يالهوينييييي ع النضارة دي .. أصل أنا بنضارات

اول ما بأنزل بأقلعها على طول لأني كذا مرة كنت هأخبط في الناس mfb: .. غير كمان نفس الموضوع لما بأكون في مول أو كدة و تخرج للجو برة .. أنا فكرت أركب مساحات كهربا ع النضارة :D بس منفعش للأسف قالولي لازم تفيم الأول

الله المستعان .. طب يا ترى الواحد لو لابس عدسات هتشبر بردو ؟

مكاوى

[عنبو]

هههههههههههههههههه

فكرتونى لما يبقى فيه مهندس جديد جاى والمفروض انه هيتشحن على الرياض

فنقعد بقى نقوله جده رطوبه وخنقه

والراجل يعنى من اول يوم فى الرياض يتصل بينا يقولنا انا مستعد اتحمل الرطوبه

بس خدونى من الرياض وخصوصا بقى لما يكون عاااااااااااازب

الرطوبه فى جده بتزيد فى شهرين الصيف فقط لا غير اما باقى السنه الجو كويس

طبعاً مافيش حاجه اسمها شتا هنا خااااااالص هو اينعم بيبقى فيه سيول بس التكيف شغال وعادى يعنى

جده غير فى كل حاجه

[mama nona]

هههههههههههههههههه

فكرتونى لما يبقى فيه مهندس جديد جاى والمفروض انه هيتشحن على الرياض

فنقعد بقى نقوله جده رطوبه وخنقه

والراجل يعنى من اول يوم فى الرياض يتصل بينا يقولنا انا مستعد اتحمل الرطوبه

بس خدونى من الرياض وخصوصا بقى لما يكون عاااااااااااازب

الرطوبه فى جده بتزيد فى شهرين الصيف فقط لا غير اما باقى السنه الجو كويس

طبعاً مافيش حاجه اسمها شتا هنا خااااااالص هو اينعم بيبقى فيه سيول بس التكيف شغال وعادى يعنى

جده غير فى كل حاجه

والله يا عنبو انا مستعدة وعلى اتم الاستعداد للشحن للرياض

عاوزة اعرف منك بس

(جدة غيررر فى كل حاجة )

ايه هو ال غير فى جدة

علشان بقالى 4 شهور بحاول استكشف فالبلدايه الغير ده

بس للاسف ملقيتوش

[MZohairy]

انا حقولكم على ملخص مختصر و واضح

جده رطوبتها شنيعه

الرياض مفيهاش رطوبه

جده حرارتها الصيفيه شديده

الرياض حرارتها الصيفيه رهيييييبه

جده مافيهاش فصل شتاء

الرياض فيها شتاء واضح جدا و يشعرك بالحياه الطبيعيه

الرياض اكبر و افخم وانضف و اكثر تنظيما من جده

جده فاميليار اكتر للمصريين من الرياض يعني تحس انها مألوفه اكتر

جده تبعد 70 كيلو فقط عن الحرم في حين ان الرياض تبعد بتاع الف كيلو

الرياض مافيهاش شيشه الا خارج حدود الرياض انما جده بين كل مكان للشيشه و المكان اللي بعده تلاقي بينهم حته تشيش فيها

غير كده كلها سعوديه

تجربة واحد عاش بتاع 16 سنه في السعوديه

[mekkawy]

إمبارح بالليل و في سبق مسبوق سباق للرياض .. الجو كان بديع .. مشيت فاتح الشبابيك و مطفي التكييف .. بجد بجد الجو كان روعة على 12 بالليل كدة .. الحرارة كانت 38 .. بتقولوا كام يا ولاد .. 38 .. اه و الله العداد كان جايبلي كدة .. 38 في جدة دي تموت مع الرطوبة .. يا سلام لما بتظبط في الرياض .. بتبا لووووز

الرفيق زوهيري .. تلخيص في الجون أحييك عليه و خاصة جزئية فخامة الرياض و تنظيمها و نضافتها لأني لما عاينت التكسير في شوارع جدة (ما عدا طرق الشمال) حسيت إني ماشي في طريق السويس قبل الكيلو 4 و نص عند عزبة الهجانة كدة

مكاوى

[MZohairy]

إمبارح بالليل و في سبق مسبوق سباق للرياض .. الجو كان بديع .. مشيت فاتح الشبابيك و مطفي التكييف .. بجد بجد الجو كان روعة على 12 بالليل كدة .. الحرارة كانت 38 .. بتقولوا كام يا ولاد .. 38 .. اه و الله العداد كان جايبلي كدة .. 38 في جدة دي تموت مع الرطوبة .. يا سلام لما بتظبط في الرياض .. بتبا لووووز

الرفيق زوهيري .. تلخيص في الجون أحييك عليه و خاصة جزئية فخامة الرياض و تنظيمها و نضافتها لأني لما عاينت التكسير في شوارع جدة (ما عدا طرق الشمال) حسيت إني ماشي في طريق السويس قبل الكيلو 4 و نص عند عزبة الهجانة كدة

مكاوى

:P :P :P

هو الجو اختلف تماما يا مكاوي امبارح عن اول امبارح

اول امبارح كنت انا و سي السيد في وسط البلد بعد العشاء في الشارع

و خارجين من العربيه يا عم و زي ماتكون لقيت نفسك اذ فجأتن وقعت في قدرة فول بتغلي على النار

شيئ غير طبيعي رغم ان الساعه كانت 9 بالليل مثلا mfb:

بس امبارح سمعت اشاعه ان الحراره في طريقها الى السبعينات

مش عارف الواحد يعمل ايه في السبعينات دي؟!!! بفكر اشتغل مؤقتا في مصنع تلج

-_-

[se_ Elsyed]

أُشفق على الناس اللي هايضطرها عملها إنهم يخرجوا في الشارع في صيام رمضان

النهاردة وأمبارح درجة الحرارة كانت بتلعب في الخمسين .. وما يزيد من وطاة الحر .. إن الرياض اللي جزيرة رملية في وسط صحراء رملية برضوا .. بقى فيها رطوبه والواحد بقى يستحمى عرق لو خرج مشوار 10 دقايق وهو في السيارة المكيفة خلوا بالكو

لكن الحمد لله على كل شيء .. مقارنة بالتغيرات المناخية اللي بتحدث في العالم دلوقت والكوارث اللي عمالة تضرب دول كتيرة ومنها الصين وباكستان وغيرها ... إحنا في نعمه ولله الحمد