يا بتوع الرياض شوفتوا الجو عامل اذاى؟!!!

[تامر مصطفى]

ده جو الكويت الساعة 9 صباحا

[fatfouta]

ده جو الكويت الساعة 9 صباحا

احنا كده فى الرياض نحمد ربنا بقى

بتبقى 50 بس الساعة 9 الصبح

ربنا معاكوا يا بتوع الكويت

[fatfouta]

الساعة حوالى 7.30 ودرجة الحرارة أكيد لا تقل عن ال55 مثلا

أيه اللى احنا فيه ده امبارح كان الجو فظيع واعتقد انه كل يوم بيزيد حرارة عن اللى قبله

ربنا يستر

[se_ Elsyed]

المشكلة الاكبر والاخطر دلوقت إن كفاءة المكيفات قلت جداً .. حتى الجديد منها وبقت في اوقات كتيره بتفصل لوحدها من كتر الحر المحيط بالكمبروسر ..

ومكيف العربية على ما بتوصل المشوار بتاعك بيكون لسه بيقول أنا حي حي حي ... يعني تتسلق الاول وبعدين تتكيف .... وساعتها ماذا يضر الشاة بعد ذبحها ؟

[herohero]

ده جو الكويت الساعة 9 صباحا

ولسه موضوع القطع المبرمج ولا الاتوماتيكي للكهرباء ده شيئ تاني وتلاقي المؤشر موجود ف التليفزيون وتبقى قاعد مستني الكهرباء هتقطع امتى

حر الكويت لا يقارن بالرياض ابدا وياسلام بقى ع حبة رطوبة هواء عليل بجد لا الرياض ارحم بكتيييييييييييير

[ornatepeacock]

الجو هنا في مصر حر جدا بقاله يومين

درجة الحرارة تقريبا 40 درجة

اكيد الجو مش صعب زي عندكم ، بس كمان هو حر جدا

[se_ Elsyed]

إحنا بنموت بجد يا جماعة

الحرررررررررررررررر أول مره يبقى بالطريقة دي في الرياض وشيء لم يكن متوقع ...

المكيفات جابت جاز

ومصائب قوم عند قوم فوائدُ

بتوع محلات التكييف شغالين حلاوه

ومكيفات العربيات ما بقتش تعمل حاجه

وأستهلاك البنزين بقى " دوبل " يعني التفويلة اللي كانت بتقعد أسبوع مثلاً .. دلوقت مع تشغيل المكيف على أقصى سرعة بقت تقعد 3 أيام ..

الأفظع بقى ....

إبتدا يبقى في أحمال زيادة على الكهربا وأبتدت تقطع ...

طبعاً لو حصل ده وإحنا نايمين ممكن نفيص ... أو نموت بأسفكسيا الحر

النور قطع في بعض مكاتب مبنى الشركة النهاردة والعيال مهيضه وما صدقوا " مرووواح مرووواح "

[hOuSsAm]

إحنا بنموت بجد يا جماعة

الحرررررررررررررررر أول مره يبقى بالطريقة دي في الرياض وشيء لم يكن متوقع ...

المكيفات جابت جاز

ومصائب قوم عند قوم فوائدُ

بتوع محلات التكييف شغالين حلاوه

ومكيفات العربيات ما بقتش تعمل حاجه

وأستهلاك البنزين بقى " دوبل " يعني التفويلة اللي كانت بتقعد أسبوع مثلاً .. دلوقت مع تشغيل المكيف على أقصى سرعة بقت تقعد 3 أيام ..

الأفظع بقى ....

إبتدا يبقى في أحمال زيادة على الكهربا وأبتدت تقطع ...

طبعاً لو حصل ده وإحنا نايمين ممكن نفيص ... أو نموت بأسفكسيا الحر

النور قطع في بعض مكاتب مبنى الشركة النهاردة والعيال مهيضه وما صدقوا " مرووواح مرووواح "

يا باشا ادوا لكل واحد لوح تلج يمشى بيه :lol:

وارجعوا بقى للدفاتر القديمة الـ 36 خانة ودفاتر الحضور والانصراف

خلاص بقى خففوا الحمل عالسيرفرات والكمبيوترات

الكهربا قطعت من اسبوع فى الشركة عندى سعتين

السرفر وقف يومين وكنا على وشك ان البيزنس يقف

ربنا يسترها على اهل الرياض وبيزنس الرياض

[doha]

على فكرة الجو في مصر اليومين الي فاتوا دول حر موت

عن نفسي مبخرجش من البيت نهائيا بس مع التكييف او حتى المروحه الجو محتمل .. الله يعينكم واضح ان الدنيا عندكم قربت تبقى جهنم

الشوارع فاضية تقريبا حتى بليل معرفش بقى عشان الكليات والثانوية العامه لسه بيمتحنوا ولا عشان الحر ..

ربنا يستر ويعدي اليومين دول على خير فعلا لو الحرارة زادت عن كده هتبقى مشكلة جامده ..

[wayfarerr]

الحمد لله

مش المكيف اللي عندي بس هو اللي بيفصل

اصلي من يومين لقيت كمبروسر المكيف فصل وطبعا ابتدى المكيف يخرج لهيييييب كأنه تحول لفرن عيش

فكيت المكيف لاقيت كل شئ سليم

فصلت الترموستات برده مافيش فايدة

بعد عشر دقائق لاقيته اشتغل تاني

واصبح بيعمل الحركة دي كل يومين كده وقت الظهر

ربنا يستر

[Howayda Ismail]

النهاردة الجو عندنا فى اسكندرية صهد ونار وكانت الناس فى المواصلات بتسأل امال الناس فى الخليج عاملين ايه.

الله يكون فى عونكم وياريت تكون اجازتكم فى الوقت ده من السنة

احنا من غير شغل ولا حاجةبس فى خمول وزهق بس مش من الجو الطقسى لا من الجو السياسى اللى مولع عندنا

اللى زود درجات الحرارة لهيب

[يوسف شوقي]

هو ده قدرنا ولازم نتحمله حر وغربة وعيشة ما يعلم بها الا الله ربنا يصبرنا جميعا ويردنا لبلدنا لما يتعدل حالها على خير

[خالد شحاته]

بجد اول مره اشوف الرياض كدا من كم وعشرين سنه والواحد اول مره يشوف الشي ده الله يستر علينا

اظاهر اننا هنروح فيها من الحر بس ارجع واقول جو الرياض احسن من جده مليون مره جده متعرفش تمشي في الشارع من العرق الا بيجير الملابس وتكون كلها بيضاء وملح من الرطوبه انما جو الرياض ديما بيكون جاف وربنا يعين الجميع علي الحر

تم تعديل 21 يونيو 2010 بواسطة خالد شحاته

[fatfouta]

الله يكون فى عونكم وياريت تكون اجازتكم فى الوقت ده من السنة

طب ماهى اجازتنا اهى فى الوقت ده من السنة يا هند

درجة الحرارة فى القاهرة فوق ال40 وانا اللى قولت ههرب من جو الرياض واول ماوصلنا فى الطيارة قالوا لنا ان درحة الحرارة 44 فى القاهرة انا قولت يا ساتر يااارب.....بصيت على شبابيك الطيارة لقيتها مشبرة قولت يا مررررحب بالرطوبة والله وهنعرف نتنفس من بعد حساسية الجيوب الانفية

نزلنا وبمجرد ماخرجنا من الصالة انا جالى نفس الاحساس اللى بحسه فى الرياض لما اكون نازلة من البيت ورايحة اركب العربية.......الجو ناااار

وقبل مانوصل البيت والحمد لله الخير على قدوم الواردين :blink: لقينا الدنيا قلبت تررررراب واصفرت كده بقول لاختى ايه ده قلتلى مش عارفة اول مرة تحصل وكانها بتقولى وشكوا حلو علينا.......ز اتكسفت بصراحة وقولت اسكت احسن

ده تالت يوم اهو والجو مش كان ناااار امبارح واول والنهاردة هه اهو اتحسن شوية

على فكرة الجو فى مصر خلاص مابقاش ينفع من غير تكييفات والله ومش راهية هو بقى كده خلاص

بس برررررضو ربنا معاكوا يا بتوع الرياض

[Howayda Ismail]

حبيبتى فتفوتة: حمد لله على السلامة

موجة الحر دى كانت امبارح بس وانكسرت حدتها امبارح بالليل والحمد لله صراحة مش عارفة الجو عندكم فى القاهرة عامل ازاى

لكن برضه ارحم من لو كنت هناك دلوقت لكن مصر مش القاهرة بس الجو جميل جدا فى اسكندرية انهاردة ايه رايك ابعث لك

حبة هوا يطروا على قلبك لحد ماتخدى نفسك من السفر وتتطلعى اجازة داخلية فى اى مصيف

[mekkawy]

ارحمنا يا رب

مسيو زهيري شكراً على البشرى و المعلومات الملتهبة

أنا رجعت أستحمى بالكوز .. اه و الله :lol: مهو بأملى الجردل قبل ما أنزل ع الشغل يكون دفي .. مش برد .. لأ .. برد دي حلم .. انسوه خالص .. المفروض أصلاً الشركات تبتكر سقاع لدول الخليج على غرار السخان المعروف

فكرت كمان نعمل مظلة للخزانات من الشمس اللي شاوياها طول النهار

فكرت كمان أعمل تلج و أرميه في الخزانات عشان لما نيجي نستحمى و نتوضأ

أنا آخر حاجة جابها عداد العربية كانت 50 و رفعتها في موضوع حر الرياض للعبرة بس

مكاوى ... مشويات

[الغريب]

معلش بقى اللي عاوز يشوف الحر على أصوله ييجي الكويت

أنتو بالنسبة للكويت أوروبا

والله في اليوم اللي أرتفعت فيه الحرارة في الخليج كله كنت في السعودية ورايح الكويت ،

وبعد ما عديت الحدود أكني عديت الصراط والعياذ بالله أول ما عدينا الحدود ودخلنا الكويت التكيفات كأن لم تكن

[doha]

ارحمنا يا رب

مسيو زهيري شكراً على البشرى و المعلومات الملتهبة

أنا رجعت أستحمى بالكوز .. اه و الله :unsure: مهو بأملى الجردل قبل ما أنزل ع الشغل يكون دفي .. مش برد .. لأ .. برد دي حلم .. انسوه خالص .. المفروض أصلاً الشركات تبتكر سقاع لدول الخليج على غرار السخان المعروف

فكرت كمان نعمل مظلة للخزانات من الشمس اللي شاوياها طول النهار

فكرت كمان أعمل تلج و أرميه في الخزانات عشان لما نيجي نستحمى و نتوضأ

أنا آخر حاجة جابها عداد العربية كانت 50 و رفعتها في موضوع حر الرياض للعبرة بس

مكاوى ... مشويات

بص يامكاوي في حركه كنا بنعملها على طول في الصيف .. انت افصل فيش السخان وسيبه عادي وكل ماتعوز مية ساقعه افتح حنفية السخان مش الحنفية العاديه هتلاقي المية نازلة ان لم يكن بارده فعلى الاقل دافية ..

[بركة]

ايوة فعلا انا رحت الكويت مرتين زيارة لبابا وفعلا كنا بنفتح حنفية السخان اللي مش بنشغلة في الصيف

عشان ناخد منه مية معقولة ارحم من مية البويلر بتاعة الحنفية العادية

وفعلا هنا بالنسبة للكويت الدنيا ربيع والجو بديع .. :unsure:

[mekkawy]

ارحمنا يا رب

مسيو زهيري شكراً على البشرى و المعلومات الملتهبة

أنا رجعت أستحمى بالكوز .. اه و الله :happy: مهو بأملى الجردل قبل ما أنزل ع الشغل يكون دفي .. مش برد .. لأ .. برد دي حلم .. انسوه خالص .. المفروض أصلاً الشركات تبتكر سقاع لدول الخليج على غرار السخان المعروف

فكرت كمان نعمل مظلة للخزانات من الشمس اللي شاوياها طول النهار

فكرت كمان أعمل تلج و أرميه في الخزانات عشان لما نيجي نستحمى و نتوضأ

أنا آخر حاجة جابها عداد العربية كانت 50 و رفعتها في موضوع حر الرياض للعبرة بس

مكاوى ... مشويات

بص يامكاوي في حركه كنا بنعملها على طول في الصيف .. انت افصل فيش السخان وسيبه عادي وكل ماتعوز مية ساقعه افتح حنفية السخان مش الحنفية العاديه هتلاقي المية نازلة ان لم يكن بارده فعلى الاقل دافية ..

عملت الفكرة بنت اللذينة دي .. شوية و بيبدأ يسحب من المواسير عادي .. و ما أدراكم ما المواسير

صحيــــــــــــح .. مش أنا كنت بأقول المفروض يخترعوا سقاع .. لقيت سقاع .. اه و المصحف .. في جريدة المبوبة عدد إمبارح لقيت إعلان و جايبين صورة دماغ واحد تحت الدش كدة و بيقولك ايه ( جهاز تبريد مياه الخزانات ) .. يا حلاوة يا ولاااااة .. عملوا سقاع يا أبو محمد .. و الله الواد مكاوي ده برنس .. تحبوا أتنبألكم بسفينة فضاء حلوة كدة محندقة ؟

مكاوى