خالد محمد سعيد "شهيد الطوارئ

[مغتربة]

.أحمد صابر ٢١ سنة شهيد العمرانية

من كلنا خالد سعيد‏

‎9:37‎

.شاب بيشتغل في شركة أدوية قبض عليه المجرمين بتوع قسم العمرانية بتهمة حيازة مخدرات مع إن كان معاه مسكن.

الشرطة عذبوه وضربوه لحد ما كان بيموت رموه في الشارع .. اصحابه أخدوه للمستشفى وبعدين أحمد مات من التعذيب

الشرطة طاردت اصحابه وهددتهم بالقتل عشان متظهرش القضية ..

كلنا خالد سعيد.

http://www.facebook.com/video/video.php?v=...2831&ref=mf

تــــــــــانــــــــــي

لا قول مليون

الغريبه ان لسه فى ناس يا غير مقتنعه ( لا اعرف كيف ) او تعرف الحقيقه و تتجاهلها

و هى ان التعذيب هى من الامور الروتنيه فى الاقسام المصريه

و ان الاستخدام المفرط للقوه منتشر على نطاق واسع حتى فى اصغر الجرائم

و ان 90% من رجال الشرطه ( بعد استبعاد الاطفاء و امن المتاحف و خلافه مما ليس له اهميه ) يمارسون الانتهاكات و لكن باختلاف الدرجات

و ابسط درجات هذه الانتهاكات هى ما يقومون به من تسخير للعساكر التى تحت ايديهم

و من يعارض ايا مما سبق عليه هو ان ياتينا بادلته

لان ادلتنا من كثرتها اصبحت كثير من الاعين لا تلحظها

[aimen]

المصدر

مصرواى

القاهرة - محرر مصراوي - في تطور جديد بقضية مقتل خالد سعيد "شهيد الطوارئ" قبلت نيابة استئناف الإسكندرية الاحد الطعن الذي قدمه محامو أسرة خالد سعيد على كارت التسجيل الجنائي الخاص بالمجني عليه، والذي قدمه الرائد محمد ثابت معاون مباحث قسم سيدى جابر، الذى ألقى القبض على الشاب قبل أن يلقى مصرعه.

وتحفظت النيابة على الكارت رغم إصرار ضابط الشرطة على الاحتفاظ به وعدم تقديمه للنيابة، بعد الطعن على الكارت بالتزوير المعنوى بجعل واقعة مزورة فى صورة واقعة صحيحة.

كانت التحقيقات قد كشفت وجود اختلافات فى القضايا المذكورة داخل الكارت الخاص بالمجنى عليه داخل قسم سيدى جابر عند مقارنتها بشهادات الجدول داخل النيابة عن ذات القضايا. وبينما قالت وزارة الداخلية فى بيان أصدرته الأسبوع الماضى أن الشاب ابتلع لفافة وتوفى على إثر ذلك، تصر أسرة الشاب على أنه تعرض للتعذيب حتى الموت.

ومن الاختلافات أيضا أنه جاء بكارت القسم أنه سبق الحكم على المجنى عليه بالحبس لمدة شهر وغرامة 50 جنيها فى حين أنه تبين من الجدول النيابة أنه قضى على المجنى عليه بغرامة 100 جنيه، وهى جنحة أمن دولة طوارئ ومتعلقة بمطواة.

ووفق ما جاء بكارت المجنى عليه فإن الشاب كان متهما فى جنحة سرقة بينما جاء فى شهادة الجدول بالنيابة بذات القضية تبين أن الواقعة التى كان متهما فيها كانت واقعة ضرب وليست سرقة.

كما جاء أيضا بكارت المجنى عليه خالد سعيد بقسم سيدى جابر أنه كان متهما فى جناية مخدرات بقسم العامرية ثانٍ، وهو ما نفاه محامو أسرته، مؤكدين أن المجنى عليه "لم يكن متهما فى أى جناية من جنايات المخدرات، خصوصا أن الجناية المذكورة من قسم العامرية ثانٍ، ومن غير الجائز إدراجها داخل كارته بقسم سيدى جابر".

ودفع محامو أسرة القتيل فى التحقيقات بأن كارت التسجيل الجنائى يحتوى على صورتين "وهو أمر غير طبيعى، كما أن إحدى الصورتين بها ختمان وغير موجودة على الكارت، الأمر الذى يشير إلى أن هذه الصورة انتزعت من وثيقة أخرى من مكان آخر ثم تم وضعها على الكارت فيما بعد".

واستمعت النيابة للضابط، الذى قام بتحرير المحضر، والذى أكد فى أقواله أنه قام بإيقاف المجنى عليه قبل وفاته بأسبوعين، وهو الأمر الذى جعل محامى أسرة القتيل خالد سعيد تقوم بسؤاله عن أسباب عدم قيامه بالقبض عليه "رغم علمه بأن المجنى عليه صادر ضده أحكام منذ سنة 2008".

وأكد الضابط فى أقواله أنه على معرفة سابقة بالمجنى عليه، حيث سبق له أن قام بتصويره جنائيا وسجل الكارت الجنائي بسوابقه داخل قسم سيدى جابر.

وأدلى الرائد محمد ثابت بأقواله فى التحقيقات من خلال صورة ضوئية من المحضر الذي من المفترض أنه كتبه وأثبتت النيابة هذه الملاحظة فى محضر التحقيق.

[pink rose]

المؤتمر الصحفي المفاجئ للمحامي العام بالإسكندريه هو...إعلان نتيجة تقرير الطب الشرعي الثاني

هيكون بعد نصف ساعه في مؤتمر صحفي بالنيابة بالأسكندرية و هنجيبلكو التفاصيل كلها

بس يارب مايصدموناش بتقرير تاني فيه لفافة بانجو و وشه اتخبط في باب عربية الإسعاف و الكلام الفاضي ده

يا رب اظهر الحق

[mekkawy]

لا قول مليون

الغريبه ان لسه فى ناس يا غير مقتنعه ( لا اعرف كيف ) او تعرف الحقيقه و تتجاهلها

و هى ان التعذيب هى من الامور الروتنيه فى الاقسام المصريه

و ان الاستخدام المفرط للقوه منتشر على نطاق واسع حتى فى اصغر الجرائم

و ان 90% من رجال الشرطه ( بعد استبعاد الاطفاء و امن المتاحف و خلافه مما ليس له اهميه ) يمارسون الانتهاكات و لكن باختلاف الدرجات

و ابسط درجات هذه الانتهاكات هى ما يقومون به من تسخير للعساكر التى تحت ايديهم

و من يعارض ايا مما سبق عليه هو ان ياتينا بادلته

لان ادلتنا من كثرتها اصبحت كثير من الاعين لا تلحظها

الفاضلة مغتربة

أنا ما باعارضش الواقع المعروف و المرئي في كل وسائل الاعلام للعالم كله .. و اللي يقول مفيش انتهاكات يبقى أعمى

إنما أنا بأستغرب اذا كان وقت الحادث المذكور في الخبر يتزامن مع حادث خالد ..

بأستغرب على كم الاجرام و التجبر في الأرض بفير الحق وصل لحد فين

بأستغرب إن الناس دي لي مش فاهمة إن الشعب ممكن فعلاً يفتك بيهم

أنا واحد من الناس لو حصل معايا كدة متأكد إن أهلى هيردوا بالمثل .. إحنا فلاحين و عندنا عصبية

في جنوب مصر عائلات كتير لو حصل مع أولادهم كدة هتبا مجازر ..

همن ليه أغبية و ش فاهمين إن اللي بيعملوه ده خطر عليهم

لو أنا أبو خالد عأشوف فين المخبر ده و هأعرف خط سير ولاده و هأقتل حد منهم

أنا ما بأعملش دعوة للعنف .. أنا بأنبه من العنف الوشيك

غالب اتجاه تفكير الشباب دلوقتي في العنف علشان يحموا نفسهم

البلطجية و قطاع الطرق مع اللي يدفع أكتر .. دول ناس مغيبة مش فارق معاهم حكومة من شعب .. لو الشعب هيدفع أكتر هيكونوا معاه

يا ريت ربنا يكشف الحقائق دي للظلمة دول إن هم كدة بيحفروا قبورهم باديهم لنفسهم و لنظامهم

اللهم أهلك الظالمين بالظالمين

مكاوى

[Amr Radwan]

الواضح ان الشعب المصري بقا "خِرع" و مش بيستحمل الضرب .. و كل اما الشرطة يجيوا يا عيني يضربوا واحد في القسم يموت !!!

اية الشعب الغريب ده ؟؟!!

الواضح ان نهر دماء ضحايا التعذيب في اقسام الشرطة مش بيقف حتي اثناء المظاهرات .. و الاعتصامات ..

كنا بنتكلم علي خالد سعيد .. و لسه الموضوع مبردش و لقينا احمد صابر .. دول اللي عرفناهم عشان الاعلام .. و الله اعلم كام واحد راح و بيروح من الشعب في الاقسام .. بدون ما نعرف ..

استعجب من قوة البعض في تحمل ذنوب قتل الناس دي كلها يوم القيامة .. مش بس ذنوبه .. لا ذنوب اللي شغالين معاه و تحت ايده لانه المسؤول عنهم و عن اللي بيعملوه و بيستمدوا قوتهم من قوته.

حسبنا الله و نعم الوكيل ..

و لكل أجل كتاب

[pink rose]

بيقولوا تقرير اللجنة الثلاثية اكد نتيجة التقرير الاول

بس لسا مافيش لينكات للمؤتمر دا

[aimen]

اللهم أرِ قتلة ضحية الإسكندرية «خالد سعيد» مكروهاً في كل عزيز لديهم، وأرِ كل من ساعدهم بالكذب والتلفيق والتزوير والتدليس والبهتان، أو حتي بالسكوت، خزي الدنيا والآخرة.. اللهم أظهر الحق وأزهق الباطل، اللهم أرهم آياتك في أنفسهم، لعل سواهم يتعظون ويدركون.. اللهم أنت الحق العدل والمنتقم الجبار، الذي يمهل ولا يهمل.. اللهم قد أمهلتهم طويلاً، حتي طغوا وتجبروا كفرعون.. اللهم فأرهم آياتك وانصرنا، فأنت خير الناصرين.

مش حقدر اقول غير كده

عرض المستشار ياسر رفاعى المحامى العام الأول لنيابة استئناف الإسكندرية فى المؤتمر الصحفى الذى عقده ظهر اليوم الأربعاء، التقرير المبدئى الوارد من مصلحة الطب الشرعى بشأن ما أسفر عنه إعادة تشريح جثة المتوفى خالد سعيد بمعرفة اللجنة الثلاثية التى أمر بتشكيلها المستشار عبد المجيد محمود النائب العام، وقد ورد به أنه قد ظهر من استخراج وإعادة جثة المتوفى فى المحضر رقم 4783 لسنة 2010 إدارى سيدى جابر أن وفاة المذكور قد نشأت نتيجة اسفكسيا الاختناق بانسداد المسالك الهوائية بجسم غريب ثبت من تحليله أنه عبارة عن لفافة بلاستكية تحوى مادة خضراء اللون ثبت أنها لنبات البانجو.

وتبين وجود إصابات تتفق وما هو مثبت بتقرير الطب الشرعى السابق نشأت نتيجة التصادم بجسم أو أجسام صلبة، وذلك أثناء محاولة السيطرة على المجنى عليه.

وهذا الإصابات فى مجملها بسيطة، ولم تتسبب فى حدوث الوفاة، وتبين من تحليل أحشاء المتوفى وجود مادة الترمادول المدرجة بجدول المخدرات، وكذا على آثار تعاطى الحشيش.

أما بخصوص الصور المرسلة فقد تم التقاطها بعد الانتهاء من التشريح، وهو ما يظهر جلياً من وجود الخياطة الخاصة بالتشريح بوجه وعنق المتوفى، كما قررت النيابة استكمال إجراءات التحقيق بطلب أمين الشرطة محمود صلاح محمود والرقيب عوض إسماعيل سليمان لاستجوابهما، واستدعاء أهالى المتوفى لمواجهتهم بما ورد بالتقرير المبدئى.

اليوم السابع

[mekkawy]

سلامات يا مصر

فرصة سعيدة أوي يا بلد

يا ربنـــــــــــــــــــــــــا

[Howayda Ismail]

حسبنا الله ونعم الوكيل

[pink rose]

يعني ايه تقرير مبدئي؟؟؟؟؟؟؟؟؟؟؟؟؟؟؟؟؟؟؟؟

[Amr Radwan]

لا و الظريف في الموضوع انهم اضافوا تهمتين جديدتين للضحية .. اثار للترامادول في معدة الضحية و الحشيش .. طبعا بالاضافة الي لفافة البانجو اللي طلعوها من معدته ..

يعني من الاخر .. في نظر القانون .. سوااااابق .. و في نظرهم انه لا يستحق العيش في هذه الحياة النظيفة المليئة بالعدل و العادلين ..!!

هل هذا معناه ان البني ادم ده مالوش دية و لا حق في الحياة عشان كان بيشرب حشيش (هذا ان صح التقرير) !!!

صدقوني أنا لم اعد اصدق اي مسؤول حكومي لاستخفافهم بعقولنا .. و اضاعتهم لحقوقنا في الخارج و الداخل ..

و لا اري ان اللوم عليهم .. لا و الله ..

لا نلوم الا انفسنا .. فنحن من رضخنا للذل في الخارج و الداخل ... و الكلمة المعتاده .. هنعمل اية .. ما باليد حيلة .. لا و الله .. باليد كل الحيل و كل الوسائل ..

كن ايجابي و لا تزايد علي الامور و لا تقلل من وزنها .. و فكر انت لو مكان احمد صابر او خالد سعيد كان احساسك اية ؟؟

خلص الكلام ..

تم تعديل 23 يونيو 2010 بواسطة Amr Radwan

[pink rose]

بقي هو كده

و برضه خالد مات بلفافة البانجو..لأ و إيه كان ضارب ترامادول و يبدو عليه آثار تعاطي الحشيش و الإصابات اللي فيه حصلت أثناء محاولة السيطره عليه-مع انه اساسا حجمه مايجيش نص حجم واحد من المخبرين البغال دول

هو فيه إيه؟؟هه؟؟حد يفهمني فيه إيه؟؟أقسم بالله الموضوع ده ما هيعدّي علي خير و مش هنسكت حتي لو كان فيه موتنا

من الفيس بوك

ردود الشباب على نتيجة التقرير اه المبدئي

[pink rose]

اللجنه الثلاثيه تؤكد وفاة شعب مصر باسفكسيا الخوف

كما اوضح المصدر ان اثار الضرب الموجوده فى جسد شعب مصر نتيجه لمقاومه ضعيفه من بعض عناصر الشعب وانها ليست السبب الرئيسى للوفاه لان الرب واحد والعمر واحد ومابياخدش الروح الا الى خلقها لكن السبب الحقيقى للوفاه هى خوف الشعب المصرى الى خلى كلاب السكك تركبه وتدلدل رجليها

وختم المصدر المحزوق تصريحاته ان على الناس انها تبلع جزمة قديمة وتحمد ربنا على نعمة العيشة والى عايشينها

وتعليقا منه على حملة بعض الشباب الى ماوراهوش حاجه على الفيس بوك قال

دى اخرة دلع الحكومة فى الناس يعنى كمبيوتر ونت ومروحة فى اجازة الصيف الشباب ليهم حق يعملوا اكتر من كده

وطالب المصدر من مطلق حرصه على سمعة مصر ومصالحها العليا بقطع الكهربا فى الفترة من الساعة 11 الضهر وعلى فترات متقطعة عشان العيال دول يشوفوا لهم شغلانه بدل القعدة على النت والحكى فى الى مالهومش فيه

ولم ينسى المصدر الاشادة بالقيادة الحكيمة للرئيس مبارك وتوفيره فرص عمل عظيمة للشباب الى مش عارف مصلحته وبدل ما ينزل يدور على الفرص دى قاعد على النت

اتفوووو

لابد من ثـــــــــــــــــــــــورة على النظام وكلابة

للدرجة دى الكذب و الإفتراء و التزوير؟ بقى كل افصابات الفظيعة دى من محاولة السيطرة عليه ليه هوة كان ثور هايج ده حتى رفيع و ضئيل الحجم و لو كان ضارب مخدر كان حيكون ضعيف و سهل السيطلرة عليه و هوة فيه حد يبلع لفافة بانجو بإرادته همة فاكرين الناس مبتفهمش و لا هوة عك و تلفيق و خلاص. حسبنا الله و نعم الوكيل. الحق عند صاحب الحق عند ربنا

حشيش وترامادول وبانجو،

لأ أكيد كان في حاجه كمان بس هما ماشرحوش كويس..

يامفتريين ياظلمه والله لو عديتوا في الدنيا ربنا مش هيسبكوا في الأخره..

منكم لله.منكم لله

[Howayda Ismail]

انا بقى عندى شك انه اصبح لكل مواطن تقرير طبى مفداه انه مدمن وحشاش ده لو كان راجل المصبية ولو سيدة يبقى ملف اداب

معتبر لكل من يجرؤ ويفتح بقه

الدفاتر دفاترنا والموطنيين بتوعنا.

[Alshiekh]

سؤال:

هل كانت اسنان المرحوم خالد مكسورة من قبل كما هو واضح بالصور؟

سؤال آخر:

لماذا دخل المرحوم خالد الامن المركزى ( 3 سنوات تجنيد )؟ ولماذا امتدت خدمته الى ست سنوات انتهت بتقديمه الى محكمة عسكرية لتنهى خدمته بسجن يقضيه فى سجن مدنى ( الحضرة )؟

لماذا لاتوجد مهنة واضحة للمرحوم خالد وقد بلغ من العمر 28 عاما لم يكن مشغولا فيها بالابحاث والدراسات العلمية؟

مم كان يتكسب المرحوم خالد وكما هو واضح من اوراق السجل التجارى انه مجرد سجل تجارى لاستخراج جواز سفر

لماذ فقدنا الثقة فى كل شيئ، الشرطة ، القضاء ، الطب الشرعى ؟

لماذا اصبحنا ضحية للترويج الاعلامى ، ولماذا جعلنا كل الجهات ضحية لاتهاماتنا بدون اى دليل اللهم الا مانتصفحه على صفحات الانترنت؟

لم يحكى لنا اى من الاعضاء الافاضل انه مر بتجربة تعذيب او اهانة سواء من الشرطة او من القضاء او الطب الشرعى؟

من يقرأ صفحاتنا يتخيل ان مصر بها عسكرى لكل مواطن يسحله ويضربه على قفاه.

مصر فيها 80 مليون او اكثر ومازالت الحالات التى تحدث تعد على الاصابع وبالتالى فهى تعتبر حالات فردية نطالب بوقفها ومحاسبة من يقومون بها حسابا شديدا ،

اقرأ معى !!

لم تكن التجاوزات فى قضية الشهيد خالد محمد سعيد فى قسم سيدى جابر هى الحادثة الاوله ولا الاخيره فهناك العديد من التجاوزات التى تحدث فى هذا القسم و للاسف شهدت واحد من تلك التجاوزات التى تقوم بيها هذه العصابة بقيادة المقدم عماد الدين عبد الظاهر رئيس العصابة وليس رئيس المباحث فى هدا القسم وسوف اقص عليكم الحكاية اقسم بالله كما حدثت

لقد امضى المدعو عماد محمود محمد عفيفى مدة واحد وعشرون عام بالسجن وبتاريخ 4-4-2010 جاء الى قسم سيدى جابر لتطبيق الافراج تحت شرط له ولاكن للاسف حدث ما لم يكون يتوقعه عقل ولا قلب به اى شىء من الرحمة رفض الضابط اخلاء سبيله بعد ان تم جميع اجرات الافراج ولفق له قضية سلاح لكى يلغى له الافراج تحت شرط على الرغم من انه كان تحت حيازته وسيطرته ولم يتم اخلاء سبيله نهائيا ولفقت له هذه القضية وهو داخل القسم وبالفعل تم ترحيله الى السجن مرة اخرى لكى يقضى باقى الخمسة وعشرون عام

والغريب فى محضر القسم انه الضابط قال انه افرج عنه بتاريخ 8-4-2010 وتم القبض عليه بالسلاح بتاريخ 11-4-2010

انا عايز اعرف لو فى عاقل يقول ان واحد خارج من السجن بعد 21 عام يقف فى الشارع بعدها 48 ساعة بسلاح

ولاكن للاسف احنا عيشين فى وطن لا يصدق فى احد الا ضابط الشرطة

اكيد ان اللى يحرم شخص من انه يعيش حياته بعد 21 سنة سجن ويحرم شاب 28 عام من الحياة كلها اكيد دى عصابة مش شرطة

انا عايز اعرف رئيكم فى الموضوع ده ايه لازم نقول كل التجاوزات اللى بتحصل فى القسم ده علشان مش حدثت خالد بس اللى حصلت فى القسم ده

والساكت عن الحق شيطان اخرس

-----------------

انا عارف الكلام ده حقيقي فعلا كمان الظابط رئيس المباحث بتاع القسم ده له اكتر من جريمه سابقه في اكتر من قسم كان بيخدم فيهم له ضحيتين سابقين ومحدش سمع عليهم

----------------

الموضوع دة حصل فعلا انا عارف الحكاية دى من حوالى 3 اسابيع لانى من سيدى جابر ومن شارع دارا المقيم بة عماد الشهير بعماد ماجو ومع العلم ان السجين حالت اهلة متيسرة ولكن للاسف حسب المعلومات ان الظابط على علاقة ببعض الاشخاص بدائرتة وان بعضهم بلغة بان عماد سيفرض السيطرة بالمنطقة فيجب عليك الا يفرج عن السجين لانة مشاغب وسيفرض بلطجو واتاوة على المواطنين بالمنطقة مع العلم بان عماد محبوب وسيرتةهو واهلة بسيدى جابر معروفة لدى الجميع بانة راجل جدا وبيخدم اى حد قابلة فى السجن من بعض افراد سيدى جابر وعند خروجهم بيتكلموا على عماد انة عمل معاهم الواجب فى السجن وانا حسب معلوماتى بان هذا الظابط شخصيتة ضعيفة للغاية وبيتعالج من الاعصاب فلماذا هذا الظلم مع انة لا يعرفة ولا شافة لاننا كنا بنروح مع اهلة واهل شارع دارا جميعا كل يوم نقف امام القسم منتظرين خروج عماد من القسم بعض العرض وفوجئنا بانة مرحل للسجن تانى لانة خرج وقبض علية بعد خروجة ولكن للاسف هذا غير صحيح ربنا يكون فى عون اهلة المسنين والدة ووالدتة لم تتخيلوا الفرحة عند سمعهم بخبر خروجة واخواتة المقيميم خارج البلاد بامريكا رجعوا ليستقبلوا اخيهم وللاسف ووقعت المفاجئة بانة سيتحول للسجن مرة اخرى بسسب الظلم الموقع علية من قبل الظابط العنيد فين الحكومة فين اللى يحقق ورا هذا الظالم

-------

طارق وفاكر من حوالي 3 اسابيع او شهر انتشر في المنطقه خبر خروج عماد ماجو بعد الافراج الشرطي عنه وفاكر كمان ان الناس هنا في المنطقه كان كل يوم يروحوا عند القسم يستنوا غعماد عشان يخرج وكل يوم كانو يقوللهم حيخرج بكره بعد الرض لغايه ما جه اليوم اللي سمعت فيه ان الظابط عماد عبد الظاهر عملوا قضيه سلاح ورجعه السجن تاني وانا اشهد شهاده حق اتاحسب عليها يوم القيامه انه فعلا مخرجش من الفسم خالص وطبعا الناس اللي في الشارع كلهم كانوا حيتجننوا بس مفيش حد كان في اديه حاجه يعملها وبعدين ان شفت صوره لعماد ماجو وهو علي زمه القسم بجد والله العظيم وشه مكنش باين من الدم اللي فيه ومن الاخر احب افول ان قسم سيدي جابر ده مش قسم شرطه لا دي سلخانه للبني ادمين واللي يفتح بقه يكون مصيره ذي خالد وعماد يا اما الموت يا اما الحبس.وان شاء الله ححاول اجيبلكم الصوره اللي قولتلكم عليها

----------

رأى انا بقى يامحاورين ويا محاورات..

الناس دى بتكدب اكيييييييييييييييد مفيش اشرف من رجاله الشرطه ولا اصدق من تصريحات الداخليه.

بطلوا افترى بقى يا وحشين !!

ليسقط الإستعمااااااااااااااااار !!

فليسقط الإستعمار الفاسد !!

لولا

الفاضلة لولا

عماد ماجو الذى يتحدثون عنه خارج من تأبيدة ، يعنى تجارة مخدرات او قتل ، وليس بطل قومى

هل نأخذ شهادات اصدقاء عماد ماجو اللى قام بالواجب مع كل اللى كانوا مسجونيين معه على انها شهادات موثقة؟

لقد صدمت مما قالوه بأن أهالى سيدى جابر كانوا واقفين طوابير منتظرين خروج حبيبهم عماد ماجو من السجن علشان يعملوا له زفة.

يبدو ان سيدى جابر اتغيرت واصبحت سيدى جابر أخرى غير التى عرفتها.

[ذهبية]

يعنى مفيش اى امل يعنى خلاص معدتش فية عدل

مفيش عقاب مفيش عدل ولا حرام ولا حلال كلة فساد فى فساد

اعلم ولادى اية

اعلمهم اية ؟؟؟

اديهم امثلة على العدل و انا مش حساااة ؟؟؟ اديهم امثلة على ان اللى يعمل حرام يدخل النار و يتعاقب و هما شايفنة

بيهرب من عملتة و يعلى و يحط جزمتة فى وش التخين

اقولهم اية ؟؟؟؟

اعلم ولادى ايةةةة قولولى اعلمهم اية ؟؟؟؟؟

اقولهم الكدب حرااام و حياتنا كلها كدب

اقولهم خليك ضعيف علشان محدش يضربك و يموتك و لا خليك قوى علشان برضة هيموتك

اقولهم اية لازم كيون من اصحابكم يا ولادى واحد ضابط شرطة علشان يكون لكم ضهر و سند ومحدش يدوس لنا على طرف

اقولهم اية ؟؟؟

اقولهم اية قولولى ؟؟؟؟

اديهم اللى انا نفسى مش حسااااة

انا بجد عندى حالة نفسية وحشة جداااااااااا

[Howayda Ismail]

اكتر من واقعة: وقت الانتخابات الناس حكت انهم اتمنعوا بالقوة من دخول لجان الانتخاب والذى كان يحاول كان مصيره الضرب

والسحل من قبل بلطجية واقفين على اللجان ورغم كده قلنا الناس دى بتبالغ لكن فى نفس اليوم ليلا مع تجمهر المواطنين

اعتراضا على ماحدث فؤجنا بالعشرات من المخبرين والبلطجية لابسين ملابس مدنية ومعهم شئ يشبه الجنازير والعصى

الغليظة وانهالوا بالضرب عشوائيا على كل المتواجدين فى المنطقة وكان فيهم كبار سن وسيدات واطفال وطبعا كان خلفهم

الكثير من عربات الامن المركزى ونزلوا من العربات واصطفوا صفوف مع صوت افزع الكبار قبل الصغار وكأننا فى مركز الامن

ذات نفسه والضباط اجبروا الناس على الدخول من الشرفات بالتهديد ووقف المرور فى هذه المنطقة عدة ساعات وده انا

شفته بنفسى انا واسرتى .

لو حد بينزل الاسواق ويشوف مدى المعاناة والاهانة التى يتلاقاها بائع سريح غلبان غير الاستيلاء على بضاعته دون سابق

انذار ولو حاول يهرب او يقاوم يضرب امام الناس غير الالفاظ اللى المفروض متخرجش من ضابط محترم وفى بنات ونساء

ماشيين فى الشارع ولو نجح البائع فى الهروب تاركا بضاعته ينهبوها وراحت عليه ده بالنسبة للذى لايدفع المعلوم للعسكرى

عشان يتباطئ ويعطيه فرصة للهرب ببضاعته.

وده حصل فى سوق محطة مصر اكثر من مرة واخرها عسكرى لابس الزى الرسمى اصر على اخذ الميزان من فتاة غلبانة

بتبيع شوية خضار اتوسلت اليه انه يسيبها لكن فهمت انه عاوز فلوس فعلا اعطته لكن اللى غظنى ان الفلوس فى ايد

واليد التانية بتاخد الميزان وخده فعلا لقيت نفس عاوزة اشتمه عاوزة ابصق عليه لما هو ناوى ياخد الميزان خد منها فلوس ليه

موت وخراب ديار صعب على البنت لما عيطت كنت عاوزة اشكيه للضابط المسئول عنه لكنى خفت وتراجعت وقلت فى نفسى

حايفرق ايه عنه وبعدين لو بهدلنى واولادى معايا .والله اكتر من واقعة كلها اهانة لناس غلابة.

واعملوا زيارة لقسم محرم بك شوفوا اشكال الوحوش الواقفة على الباب تخوفك تدخل تعمل بطاقة .

ونفس المكان سيدة مسنة كان بتتطمن على ابنها شاب مقبوض عليه ومرحلينه ماكان من ملازم صغير السن شخط فيها

وقالها بالحرف( امشى ياولية بعيد لحسن اهزأك) حتى لو ابنها ده مجرم مش من حقها تودعه ومش من حقها انه يمنعها بالحسنى

عندى بس سؤال لو انسان اخطأ او ارتكب مخالفة بسيطة او كبيرة بيتلموا ليه عليه زى الكلاب المسعورة .

ولادى اتفزعوا من منظر اتنين مخبرين ماسكين حدث يقل سنه عن 18 سنة بالقفيان والشلاليط والاقلام والولد مش ملاحق يصد انه فيهم

طيب هو مذنب ومسكتوه وانتم اقوى منه سلموه لقسم الشرطة يتحقق معاه من غير ضرب.

وعلى فكرة فى ناس مجرمة ومش بيتعمل معاها كده .

من فترة زوج صديقتى فاته اتوبس عمله وقعه حظه السئ فى مواصلات عامة حاوطه اتنين واكتشف سرقة المحمول واقدر يمسك واحد منهم

والتانى هرب ذهب به يسلمه لاقرب مركز شرطة العسكرى قاله دى مجرد نقطة شرطة مافيش ضباط دلوقت روح سلمه فى القسم الكبير

طلب منه انه يرافقه او يبعث معاه مخبر رفض العسكرى لكن المسروق اصر على تسليمه وخصوصا ان الحرامى مش بيقاوم ومستسلم

وكان القسم على بعد مسافة مش قليلة من النقطة المفأجاة التى صدمت الرجل انه لما وصل القسم قابلوه بعدم مبالاة

وقاله الضابط روح ده مبرشم ولو قاعدنا نضرب فيه للصبح مش حايحس ومش حيقول حاجة وعوضك على الله وتركوا الحرامى يمشى.

هى دى شرطتنا المصونة لكن لشهادة الحق علمت ان ضابط قدم استقالته لانه محترم ومش قابل التجاوزات اللى بتحصل

وسمعت ايضا فى ضباط بتعامل الناس باحترام وده كلام من محامين بيتعاملوا مع اقسام الشرطة

[مغتربة]

هددت هيئة الدفاع عن الشاب خالد سعيد، بالطعن على تقرير الطب الشرعى، موكدين مطالبتهم بتشكيل لجنة مستقله من أساتذة كلية الطب، وقد أصيبت هيئة الدفاع عن المجنى عليه وذويه بصدمة كبرى وصلت إلى حد التشكيك فى حقيقة التقرير الثانى لمصلحة الطب الشرعى.

ووصف محمود العفيفى أحد محامى هيئة الدفاع تقرير الطب الشرعى الثانى بالمطعون عليه قانونياً، وقال إنه لا يمت للحقيقة بصلة، ولا يستطيع أى عقل أن يستوعبه، لافتاً إلى أنه لا وجود لأحد فوق القانون، وسوف يتم استكمال البحث وراء الحقيقة حتى يتم القصاص وليس غيره.

ولفت إلى أنه سوف يتم طلب تقارير استشارية من أساتذة متخصصين فى كلية الطب من جامعتى القاهرة والإسكندرية لمتابعة القضية، وأوضح أنهم قد أخذوا من قبل رأى رئيس سابق لهيئة الطب الشرعى، وأضاف أن ما ذكر بتقرير الطب الشرعى الأول يتنافى مع الواقع.

وأضاف إسلام العبيسى (محامى) أن المعروف أن خلايا المخ تتلف بأسرع وقت ممكن، ومن الصعب عمل أى تشريح بعد أسبوع، ولكن التشريح الثانى جاء بعد 9 أيام مما يشير إلى عدم مصداقيته.

وألمح العبيسى إلى أنهم قد تقدموا بـ11 اعتراضا فى التقرير الأول لم يتم الرد على أى منها، والفقرة التى تنص على وجود الترامادول وأيضا الحشيش بأحشاء المجنى عليه، لماذا لم تظهر فى التقرير الأول، ولماذا لم يتم تحديد أبعاد لفافة البانجو وحجمها والاكتفاء بذكر اسمها فقط.

من جانبه رفض على السعيد عم المجنى عليه التعليق على صدور التقرير الثانى لمصلحة الطب الشرعى، حيث أصيب بحالة شديدة من عدم الاتزان عقب صدمة التقرير الثانى الذى وقع على جميع أهالى المتوفى كالصاعقة.

[مغتربة]

نظرا لازدحام موسم شهر مبارك الفضيل بكم هائل من التمثيليات

فضلت الداخليه النزول بتمثليتها مبكرا فى شهر رجب

فهى تمثيليه مسلسله ذات حبكه مصريه بامتياز

حشدت لها كل عوامل النجاح من اكشن و رعب و تراجيدى

و بلاك كوميد

و بالتاكيد عمل كهذا متعوب عليه

يجب ان يؤمن له اعلى نسبه مشاهده ممكنه

حتى يحقق الاثر المرجو منه

و الى يعيش ياما يشوف

تمنياتى لكم بشاهده امنه

لا ترفع ضغط و لا تجيب شلل

و عجبى على احوالك يا مصر

[مغتربة]

سؤال:

هل كانت اسنان المرحوم خالد مكسورة من قبل كما هو واضح بالصور؟

بالفعل الصورر تظهر ( سنه واحده مكسوره ) و لكن صور بعد الوفاه تظهر اكثر من ذلك بكثير

تعتقدوا مما اتى هذا الفرق :lol: wst::

سؤال آخر:

لماذا دخل المرحوم خالد الامن المركزى ( 3 سنوات تجنيد )؟ ولماذا امتدت خدمته الى ست سنوات انتهت بتقديمه الى محكمة عسكرية لتنهى خدمته بسجن يقضيه فى سجن مدنى ( الحضرة )؟

ما دخل هذا فى القضيه التى يتم التحقيق فيها الان !!!!!!!!!!

لماذا لاتوجد مهنة واضحة للمرحوم خالد وقد بلغ من العمر 28 عاما لم يكن مشغولا فيها بالابحاث والدراسات العلمية؟

مم كان يتكسب المرحوم خالد وكما هو واضح من اوراق السجل التجارى انه مجرد سجل تجارى لاستخراج جواز سفر

نفس الاسؤال السابق

ما دخل كل هذه الملابساتفى القضيه محل التحقيق

خالد كان عواطلى و مش بيشتغل و مطلع رخصه الشركه للسفر برضه ايه العلاقه

لماذ فقدنا الثقة فى كل شيئ، الشرطة ، القضاء ، الطب الشرعى ؟

سؤال مهم فعلا

تفتكر حضرتك ليه

يمكن علشان الوقائع المحدده الى كل يوم بنقرا عنها

و لا علشان المشاهدات التى برضوا تقريبا بنشاهدها باعينا من انتهاكات صريحه لسلطات وواجبات هذه الجهات تمارسها هى نفسها

مش عارفه بصراحه

لماذا اصبحنا ضحية للترويج الاعلامى ، ولماذا جعلنا كل الجهات ضحية لاتهاماتنا بدون اى دليل اللهم الا مانتصفحه على صفحات الانترنت؟

حسنا و شهاده الشهود المتواتره دى ايه

كلها كده تلفيق لمخبرى الشرطه الشرفاء

و مقطع الفيديو المسرب

دا برضه مؤامره على الضباط الشرفاء الى فيه

و صوره المجنى عليه و الاصابات الظاهره عليه

كانت مكياج

و بيانات وزاره الداخليه المتخبطه و المتضاربه

و التى احتوت على ادعاءات كاذبه

نحن ايضا من كتباها لهم و نشرناها كرها فيهم

لم يحكى لنا اى من الاعضاء الافاضل انه مر بتجربة تعذيب او اهانة سواء من الشرطة او من القضاء او الطب الشرعى؟

ليس معنى اننى و الله الحمد من الفئه المحظوظه التى لم تقع تحت رحمه هؤلاء حتى الان

الا اتضامن مع من لم يحالفهم نفس حظى

فلا ضامن لى ان معنى اننى لم اتعرض حتى الان

اننى لن اتعرض فى المستقبل او اىا من احبائى

او ايا من اهل مصر جميعهم

و رغم عدم مرورى شخصيا الا انى اعرف حالات و كثيره

و لكن ليس بشرط ان كل ما يعرف يحكى

خاصه اذا لم يفضل اصحابها ذلك لاعتبارات خاصه بهم

من يقرأ صفحاتنا يتخيل ان مصر بها عسكرى لكل مواطن يسحله ويضربه على قفاه.

مصر فيها 80 مليون او اكثر ومازالت الحالات التى تحدث تعد على الاصابع وبالتالى فهى تعتبر حالات فردية نطالب بوقفها ومحاسبة من يقومون بها حسابا شديدا ،

عفوا

ليس المجال هنا بمتسع لعرض جميع الادله و البراهين التى تدحضت مقوله انها حالات فرديه بشكل كامل بل و تنسفها من اساسها

سجل مصر فى حقوق الانسان معروف فى العالم اجمع

و رائحته لا يستطيع احد ادعاء عدم فوحها

التعذيب ممارسه روتينيه فى الاقسام المصريه

و لا يامن اى شخص محترم مهما كان ابن ناس ان يدخل القسم الا و معه واسطه

حتى و ان كان داخل لابسط الاسباب

و عدم احتراق اصبعى

ليس دليلا

على ان النار لم تخترع من الاساس