تقديم بلاغ

السلام عليكم أنا عارف انه موضوع مالوش علاقة جامدة بالمنتدى, بس انا قلت إنه أكيد فيه حد هنا عنده خبرة في المواضيع دي :) ـــــــــــــــــــــــــــــ كنت عايز أعرف إيه هي أحسن أماكن الواحد يقضي فيها شهر عسل محترم (أسبوع مثلا) و التكلفة تكون كام تقريبا ... و يا ريت لو حد عنده خبرة في جنوب شرق آسيا أو جزر المالديف مثلا و شكرا

طبعا من اول رمضان و انا بتحسر و هموت من الغيظ من اخواتى و اصحابى لانهم كل شويه يكلمونى من مكان شكل البيفطر و البيتسحر بره البيت طبعا اشى الحسين على شبراوى الرحاب والنوادى اشكال و الوان...ده فى مصر لو كلت سندوتش فول على الرصيف بيبقى ليه طعم و بتحس انك غيرت جو رمضان فى مصر غييييير عاوزه من حضرات الاعضاء ال فى الرياض يقترحوا عليا نفسى افطر او اتسحر بره انا و العيال و ابوهم نروح فين فى البلد الفقريه دى بس محدش يقول ندخل عوائل الطازج مثلا ...لاء عاوزين مكان جديد او تجمع مصرى وكمان اماكن نروحه

انا جديده في الرياض لي صديقه عزيزه عليه ......هيه مش صديقه من زمان .انا اتعرفت عليها من شهرين تقريبا عملت عمليه صغيره كده .وعاوزه اروح ازورها . مش عارفه اخد معايا ايه ؟ وايه النظام هنا . في مصر بيبقى يا فاكهه يا حلويات .يا فلوس اللي عرفته من صديقه تالته لينا .(مشتركه يعني ) ان جالها كميه حلويات كتير وبما ان انا دايما تفكيري بيبقى عملي ..... وعارفه ان لو اخدت تورتايه وله شوكولاته هاتتحط جنب اخواتها .ومش بعيد تتنسى وماحدش ...يبص لها اصلا فقلت اخد راْيكم ممكن اخد ايه معايه....؟

السلام عليكم يا جماعه انا عاوزه استشارة فى موضوع شغلى ده بس من حد له معرفة بقوانين الامارات اولا انا فتاه مصرية لسه جايه دبى من شهرين بالظبطت جيت بعقد عمل سكرتيره تنفيذية فى شركة معروفه فى دبى و اول ما جيت معرفيش ايه خلالهم يغيروا الوظيفه ل SALES ADMINISTRATION SUPPORT المهم قبلت مدام مش هيغروا المرتب المهم انى مش مرتاحة فى الشركة دى و جالى عرض فى شركة تانيه بمرتب احسن بس الفكره انى سمعت من ناس كتير ان علشان اسيب الشركة اللى انا شغاله فيها حاليا دى مشكله,لانى لسه مستلمه الاقامة من اسبوع