عاوزه افطر او حتى اتسحر بره فيدونى يا اهل الرياض

[المهندسه]

طبعا من اول رمضان و انا بتحسر و هموت من الغيظ من اخواتى و اصحابى لانهم كل شويه يكلمونى من مكان شكل البيفطر و البيتسحر بره البيت طبعا

اشى الحسين على شبراوى الرحاب والنوادى اشكال و الوان...ده فى مصر لو كلت سندوتش فول على الرصيف بيبقى ليه طعم و بتحس انك غيرت جو

رمضان فى مصر غييييير

عاوزه من حضرات الاعضاء ال فى الرياض يقترحوا عليا نفسى افطر او اتسحر بره انا و العيال و ابوهم نروح فين فى البلد الفقريه دى بس محدش يقول ندخل عوائل الطازج

مثلا ...لاء عاوزين مكان جديد او تجمع مصرى

وكمان اماكن نروحها فى العيد ..انا كنت بشوف فى طريق الدائرى الشرقى فى طريق المطار على اليمين زى ملاهى كبيره للاطفال عباره عن 3 او 4 جنب بعض

حد يعرف اسعارهم ايه يعنى هنكع كام كده زى الشاطرين و فاتحين فى العيد و لا لاء

فيدونى انا اه بقالى 4 سنين هنا لكن ابو العيال بقه من انصار القعاد فى البيت او قدام الابتوب علشان ابقى ادق وانا عاوزه السنه دى اعمل نيو بوك قصدى لوك

لحياتنا شويه

فيدونى يا اصحاب الخبره هنا

[se_ Elsyed]

يا باشمهندسة ده كسل منكم معليش يعني ده خلاص رمضان خلص...

هنا يا مكتر المطاعم إسأليني أنا وزهيري حيث إننا هذا الرمضان جربنا تقريباً كل المطاعم الموجودة

من الأخر .. في الرياض ولو عاوزه جو كويس وكمان سعر معقول للغاية يبقى عليكي وعلى :- "

1- جاد ... في شارع جرير وعندهم قسم عائلات في الدور الثاني كويس وأكل مصري أصلي .

2- المشربية .... في شارع ثلاثين العليا بس بتدخلوا له من ناحية التخصصي

3- فخار ..... ده مطعم تركي بيعمل طواجن ومشويات مالهاش حل .... برضوا في مجمع المطاعم جنب جاد

4- النافورة .... بكل فروعه ... عندهم بوفية مفتوح كويس .... بس أحجزوا قبلها أفضل

5- ستيك هاوس .. بكل فروعه ... شيك قوي وأجمل ما فيه التلاتين نوع سلطة اللي عنده ...

6- عمو حمزه .. لو بتحبوا الأسماك ..

أسوء مطعم كلت فيه وما كررتهاش هو بيتزا هت ... ما عجبنيش خالص بالذات الشوربة اللي طعمها طعم مية الغسيل بتاعت تاني فُم . ..

وعندك بقى الحاجات اللي بتعور لو حبين يعني زي الفنادق كلها ...

[se_ Elsyed]

الملاهي هنا برضوا كتييييييييييييييييييير

بس نبقى نجكي عنها لما العيد يقرب :lol:

[المهندسه]

شكرا يا س س كنت عارفه انك او زهيرى هترضوا انا عارفه انكم مقطعين الرياض حته حته

هو فعلا كسل مننا مش من اول رمضان بس ده من 4 سنين وحياتك ما انا قولت ابو ليلى بيموت فى القعاد فى البيت و وطبعا انا

كمان بمووووووت فى القعاد بس بره البيت الواحد يشم نفسه بدل الحبس الانفرادى ده بس قررت ادخل الافاقه و افوق شويه علشان

كفايه حبسه للبنات بقه كفايه كده

يالا فين باقى اقتراحات الاعضاء؟؟؟

تم تعديل 30 أغسطس 2010 بواسطة المهندسه

[المهندسه]

اهو العيد فاضلو يومين يا استاذ س س

ياريت بقه تقولى اماكن نروحها فى العيد زى ما وعدتنى ووعد الحر دين و افسح البنت الغلبانه فيها ملاهى حدائق اى حاجه وايه

رأيك فى مجموعه الملاهى الموجوده على الدائرىالشرقى اسعارها ايه و كويسه لا لاء

على فكره ماخرجناش لا فطرنا ولا اتسحرنا بره اصل ابو العيال من انصار القعاد فى البيت فى رمضان علشان التراويح والتهجد(حجه

هو بيحب البيت جدااااا) بس وعدنا ان احنا هننزل فى العيد"i hope"... شكلها هترسى يا استاذ س س انك هتعدى تاخد العيال

تفسحهم مع عمر و خلاص ....بجد عاوزه اماكن نروحها فى العيد...ارجو الافاده من الاعضاءالكرام

تم تعديل 7 سبتمبر 2010 بواسطة المهندسه

[se_ Elsyed]

شكلها هترسى يا استاذ س س انك هتعدى تاخد العيال

تفسحهم مع عمر و خلاص ....بجد عاوزه اماكن نروحها فى العيد...ارجو الافاده من الاعضاءالكرام

والله إحنا نتشرف يا فندم ... بس للأسف اخاف على ليلى بنتك ... العيال عندي أخر بنت بيشوفوها بتكون المضيفة وهما راجعين من مصر .. فممكن لو شافوا ليلى يفتكروها شاندوتش لانشون أو روزبيف وياكلوها حاف .... خناشير بعيد عنك

خدي عندك بقى جدول الخروجات والفسح والحركات ليلى هانم

في منطقة الثمامة في طريق المطار في كذا منتزه في منتهى الجمال .. وليلى ممكن تلبس البكيني أبو قطعتين وتبلبط في حمامات السباحة اللي هناك طول اليوم .. وهي أمنة ومصممه للأطفال وإنتو مكانكم بيبقى قريب منها عشان تراقبوها ...

عندك منتزه الساحل .... جميل جداً وتقريباً الدخول بـ 20 ريال ... وحمامات السباحة مجانية ... وجواه ملاهي أطفال حلوه بس دي بفلوس :lol: وفي مطاعم ومساحات خضرا كتيرة

وفي كمان " فانتزي لاند " دي فيها زياده عروض دولفين وحركات هاتخلي ليلى تتشقلط وتعمل دماغ .. بصراحة رائعة

كمان في تراكات سباق للبيتش باجي في كل الثمامة على الجانبين .. صغنونة كده وعلى قد الأطفال الصغيرين ومش خطيرة .. وفيها كمان خيول صغننه - سيسي - وممكن تشتروا من هناك ألعاب ناريه وتبهدلوا الدنيا ... أنا عامة فلوسي رايحة على الصواريخ والأربيجيهات والقنابل العنقودية .. بالليل منطقة الثمامة بتتحول فعلاً لساحة قتال حقيقية .. وغالباً بيبقى في ضحايا وأسرى كمان

عندك برضوا مدن ملاهي كتير جداً ... في شارع الستين قبل شارع الجامعة إتنين على اليمين وعالشمال ....

وفي المولات كمان سواء مارينا مول أو العثيم مول ... والفيصلية حلوه قوي برضوا الملاهي اللي فيها ... والفوود كورت فيها ظريف برضوا

ونستكمل الحديث يوم الوقفة على ما أفتكر الحاجات التانية

[عادل أبوضيف]

أماكن الاحتفال بالعيد كثيرة أيضا داخل الرياض

هناك مهرجان منطقة قصر الحكم ويوجد الكثير من الفعاليات

هناك شاليهات وملاهي اليمامة في طريق الخرج

هناك ساحة العروض علي الدائري الشرقي بين مخرج 9 و10

هناك ملاهي غرناطة مول

هناك في الحياة مول ملاهي رائعة

وهناك أيضا ملاهي في جاليري مول جميلة

وهناك رابع أيام العيد

إحتفال عيد الفطر في نادي المصريين (جمعية النادي في مخرج18 بالسلي

وهناك مهرجان حديقة المناخ بالدئري الجنوبي قرب مصنع الاسمنت

وبعد الفطار نمخمخ لكم في كام مكان تاني

وكل عام والجميع بخير

[المهندسه]

استاذ س س كالعاده لفك الغير محدود للرياض ده انت مش سايب حته فى الرياض خالص

مش عارفه اشكرك ازاى ومستنيه افكارك الاخرى

وطالما عيالك فيهم من: قال ايه بيعدينى و كنتى سيبيه يمسكها يا فوزيه: يبقى بلاش كفى الله ليلى واختها شر شقاوه ولاد س س هههههه كل سنه وهما طيبين

الاستاذ الفاضل عادل اشكرك على الرد واقتراحات المناسبه جدا و مستنيه تمخمخ اكتر و تكمل اقتراحات وكل سنه وحضرتك طيب

[dena donia]

شكلها هترسى يا استاذ س س انك هتعدى تاخد العيال

تفسحهم مع عمر و خلاص ....بجد عاوزه اماكن نروحها فى العيد...ارجو الافاده من الاعضاءالكرام

والله إحنا نتشرف يا فندم ... بس للأسف اخاف على ليلى بنتك ... العيال عندي أخر بنت بيشوفوها بتكون المضيفة وهما راجعين من مصر .. فممكن لو شافوا ليلى يفتكروها شاندوتش لانشون أو روزبيف وياكلوها حاف .... خناشير بعيد عنك

خدي عندك بقى جدول الخروجات والفسح والحركات ليلى هانم

في منطقة الثمامة في طريق المطار في كذا منتزه في منتهى الجمال .. وليلى ممكن تلبس البكيني أبو قطعتين وتبلبط في حمامات السباحة اللي هناك طول اليوم .. وهي أمنة ومصممه للأطفال وإنتو مكانكم بيبقى قريب منها عشان تراقبوها ...

عندك منتزه الساحل .... جميل جداً وتقريباً الدخول بـ 20 ريال ... وحمامات السباحة مجانية ... وجواه ملاهي أطفال حلوه بس دي بفلوس :lol: وفي مطاعم ومساحات خضرا كتيرة

وفي كمان " فانتزي لاند " دي فيها زياده عروض دولفين وحركات هاتخلي ليلى تتشقلط وتعمل دماغ .. بصراحة رائعة

كمان في تراكات سباق للبيتش باجي في كل الثمامة على الجانبين .. صغنونة كده وعلى قد الأطفال الصغيرين ومش خطيرة .. وفيها كمان خيول صغننه - سيسي - وممكن تشتروا من هناك ألعاب ناريه وتبهدلوا الدنيا ... أنا عامة فلوسي رايحة على الصواريخ والأربيجيهات والقنابل العنقودية .. بالليل منطقة الثمامة بتتحول فعلاً لساحة قتال حقيقية .. وغالباً بيبقى في ضحايا وأسرى كمان

عندك برضوا مدن ملاهي كتير جداً ... في شارع الستين قبل شارع الجامعة إتنين على اليمين وعالشمال ....

وفي المولات كمان سواء مارينا مول أو العثيم مول ... والفيصلية حلوه قوي برضوا الملاهي اللي فيها ... والفوود كورت فيها ظريف برضوا

ونستكمل الحديث يوم الوقفة على ما أفتكر الحاجات التانية

ممكن اعرف اسماء المتنزهات الموجودة فى الثمامة واسعارها وعناونها علشان نفسى الاولاد يعرفوا يعنى اية العيد لحسن السنة الفاتت عدى على العيد كان كئيب ودى كانت اول سنة

تم تعديل 8 سبتمبر 2010 بواسطة dena donia

[عادل أبوضيف]

من خلال التجربة والخبرة أنسب مكان في الثمامة هو فنتازي لاند

لانه مكان واسع جدا والترفيه فيه متعدد وخاصة للاطفال

بس النصيحه تروحو بدري شويه علشان تحجزوا جلسه عائلية علشان الحر

وكمان بالليل بيكون جميل جدا الجلسات علي البحيره

رسوم الدخول 15 ريال للفرد