عاوزه راْيكم ....لاخاب من استشار

[rewsha]

انا جديده في الرياض

لي صديقه عزيزه عليه ......هيه مش صديقه من زمان .انا اتعرفت عليها من شهرين تقريبا

عملت عمليه صغيره كده .وعاوزه اروح ازورها .

مش عارفه اخد معايا ايه ؟

وايه النظام هنا .

في مصر بيبقى يا فاكهه يا حلويات .يا فلوس

اللي عرفته من صديقه تالته لينا .(مشتركه يعني ) ان جالها كميه حلويات كتير

وبما ان انا دايما تفكيري بيبقى عملي .....

وعارفه ان لو اخدت تورتايه وله شوكولاته هاتتحط جنب اخواتها .ومش بعيد تتنسى وماحدش ...يبص لها اصلا

فقلت اخد راْيكم

ممكن اخد ايه معايه....؟

مانا مش هاقدر اديها فلوس زي الباقيين لاْن صداقتنا لسه جديده

وله اخد حلويات وخلاص

او ممكن كرتونة عصير؟

مش عارفه بقى

عاوزه راْيكم

[عطر الجنة]

الهم وفقك فى الرياض لصالح العمل و القول

حكاية الهدايا دى من الاشياء الرزلة اوى الواحد يقعد يدور و يحتار يجيب ايه و خصوصا زى مبتقولى فى حلويات كتير و شيكولاته

و طبعا الورد معرفش ظروفه ايه عندك

فمفيش امامك الا اكسسوارات البيت اى التحف و دى ما اكثر المحلات التى تعرضها عندك فهى مختلفة الاشكال و الاحجام و الاسعار

و اكيد انتى عرفتى زوقها و ميولها

انا وانا هناك كنت بفرح بالهدايا من النوع ده يعنى تلقيت اطقم قهوة و شاى و مجموعة تحف و مفارش حلوة و جميلة كمان كان منها شمعدنات و مباخر حلوة جدا لان السوق عندك مفتوح و كل يوم فيه جديد

نسيت اقولك ان هذه الاشياء حتى لو مكنتش على ذوقها او مش محتاجة ليها فممكن هى تديها لحد هدية فى مصر المهم انها حاجة تنفع

تم تعديل 27 أكتوبر 2009 بواسطة عطر الجنة

[rewsha]

شكرا ..عطر الجنه

فعلا فكره جميله ....

وعمليه في نفس الوقت .ربنا يكرم وذوقي يعجبها

انا بس ماكنتش اعرف ان في المناسبات اللي زي دي هنا ممكن اخد هديه للبيت (برواز_طقم قهوه_طقم كاسات)

[se_ Elsyed]

بسيطة جداً

لو حبيبتك قوي ..

عندك مثلاً

مرسيدس اس 500 بانوراما

او لو عندها روح وانطلاقة الشباب يبقى هامر

لو الظروف لسه ما تسمحش .. يبقى عندك موبيا I phone 3 G S لسه نازل من كام يوم بـ 5 الاف ريال وعيني هاتطلع عليه

الظروف ما تسمحش خالص

يبقى حاجه تنفع في الببيت

كاسات .. كوبيات ... فلنات .. شربات

كده يعني

[doha]

انتي مقلتيلناش هي صاحبتك دي مصرية ولا سعودية ولا جنسية ثالثه غير الاثنين دول ؟

لو سعوديه يبقى احصري نفسك اما في الشوكلاته او الورد او الموالح ( الموالح دي مصطلح بيطلق على حاجات زي البسكويت والبقسماط او الشيبس ـ التاكو ـ بتؤكل في المناسبات ) وطبعا متنسيش تاخذي معاكي ترمس القهوة او الشاي عشان تضايفي نفسك انتي والزوار وانتم عندها لانها مش هتبقى قادره تقوم تضايف ..

لو مصرية وبنت بلد وعادي يعني العلاقه مابينكم ( كاجوال ) ممكن جدا تاخذي لها زي مافكرتي كرتونه عصير بس انا بقترح بدال الكرتونه يكون كيس كبير مليان عصير مشكل من كذا صنف فاكهة .. بس طبعا اختاري نوع طبيعي مش صناعي .. بقترح عليك الربيع نوعيته ممتازه ..

ممكن برضه لو هي عندها اولاد تاخذي كرتونه بسكويت بالشوكلاته على كرتونه بسكويت بالكريمه .. الخ .. كرتونتين تلاته كده توفي الغرض وابنائها هيفرحوا بيها جدا وهي هتفرح على فرحتهم ..

لو العلاقه مابينكم نص نص يعني مش صاحبتك اوي وبرضه مش رسمي اوي ممكن تاخذي لها صنف حلويات انتي عملاه .. مثلا شاطرة في البسبوسه اعملي لها صينية او شاطرة في الفطاير اعملي حاجه كويسه ومحترمه ووديها .. والحكاية دي تمشي لو كانت مصرية او سعوديه .. هنا بيتفننوا في انواع الحلويات وكلها سهله في الاعداد هتلاقي مكوناتها الاساسية بسكويت او كيك جاهز وشويه كريمه وبعض الاضافات وتبقى صنف ( حلا ) على اساس ان دي من التقاليد تقديم الحاجات دي في الزيارات ..

اما بقى لو العلاقه رسمية فمفيش قدامك غير الورد وبما انك عملية زيي فخذي لها ورد مجفف .. هيكون اغلى شويه بس هيعيش على الاقل يبقى ثمنه مراحش على الارض ..

برضه لو رسمية وشايفه الورد مبالغ فيه او وملوش لازمه يبقى الشوكلاته وامرك لله .. دي صحيح حتى لو عندها منها كتير فتقدر تحتفظ بيها مده او تهديها لاي حد في اي مناسبة تانيه .. هتروحي لاي ( مخبز ) يكون شكله من برا محترم هتلاقيهم بيبيعوا صواني شوكلاته برضه .. اختاري وحده يكون شكلها معقول .. على فكره السعر بيتحدد وفقا لنوع الشوكلاته وسعر الصحن الي هي مصفوفه فيه .. طبعا كل ماتختاري مخبز فخم هتكون الشوكلاته غاليه ولو اخترت مخبز معقول يعني مش رخيص بس مش مفتري في اسعاره هتلاقي اطباق سعرها حلو اوي ممكن سبعين او مية ريال تجيب لك طبق مشرف ..

طبعا انا مش قصدي مخبز يعني فرن بلدي وانما مخبز يعني محل حلواني هنا بيسموه مخبز ..

وعلى فكره هدايا الزيارات الي زي دي ثمنها او المجهود فيها مش بيروح هدر لان اولا بتدخلي السرور على مريض وثانيا بتاخذي ثواب من ربنا على عيادته واخيرا فانت بتقضي واجب اجتماعي وبرضه الي بيوصلها الواجب ده اكيد عارفه ومقدرة ..

واخيرا لو حضرتك مش فاضيه تعملي لها الحلويات ـ وده اكيد ـ ولو خايفه تشتري شوكلاته مبالغ فيها او متطلعش قد المقام فاقولك على اسلم حاجه خذي لها واحد من الاثنين اما علبة ماكنتوش او علبة جالكسي جواهر .. ريحي دماغك ودي كانك بالظبط شاريه لها حاجة ذهب يعني سعرها معروف وفي نفس الوقت محدش بيكرها والاهم لو مش محتاجاها تقدر توزعها في اي وقت هي عوزاه فصلاحيتها ممتده .. واخيرا سهل تجيبيها من اي سوبرماركت كبير بدال ماتلفي وتضيعي وقتك وانا عارفه وقت الاطباء ثمين والله يعينكم بس على الشغل وتعبه ..

واخيرا متنسينيش من دعائك بقى وانتي عندها اصل انا سمعت حديث حلو اوي ان ربنا سبحانه بيقول لعبده دعوتك فلم تأتني فلما يسال العبد كيف يقول له اما علمت ان فلان مريض لو عدته لوجدتني عنده .. وانتي عندها بتزوريها كوني على ثقة ان ربنا باذن الله هناك هو سبحانه في كل مكان لكنها كناية عن انه بيكون قريب اوي في اللحظات دي فالله يخليك ويكرمك يارب متنسيش وانتي بتزوريها كمريضه واذكريني عنده .

تم تعديل 27 أكتوبر 2009 بواسطة doha

[بنت الشاطئ1]

ممكن كمان براد كهربائى

ممكن عباية للبيت ممكن تكون عباية استقبال شيك

ممكن اسدال صلاة قيم

ممكن حاجتين مع بعض لو الظروف تسمح

يعنى عباية مع بسكوت للأطفال لو فى اطفال

ممكن طقم سرير قيم او مفرش سرير ستان..ياللا اختارى وقوليلنا انت فى الاخر عملتى ايه

[rewsha]

انتي مقلتيلناش هي صاحبتك دي مصرية ولا سعودية ولا جنسية ثالثه غير الاثنين دول ؟

لو سعوديه يبقى احصري نفسك اما في الشوكلاته او الورد او الموالح ( الموالح دي مصطلح بيطلق على حاجات زي البسكويت والبقسماط او الشيبس ـ التاكو ـ بتؤكل في المناسبات ) وطبعا متنسيش تاخذي معاكي ترمس القهوة او الشاي عشان تضايفي نفسك انتي والزوار وانتم عندها لانها مش هتبقى قادره تقوم تضايف ..

لو مصرية وبنت بلد وعادي يعني العلاقه مابينكم ( كاجوال ) ممكن جدا تاخذي لها زي مافكرتي كرتونه عصير بس انا بقترح بدال الكرتونه يكون كيس كبير مليان عصير مشكل من كذا صنف فاكهة .. بس طبعا اختاري نوع طبيعي مش صناعي .. بقترح عليك الربيع نوعيته ممتازه ..

ممكن برضه لو هي عندها اولاد تاخذي كرتونه بسكويت بالشوكلاته على كرتونه بسكويت بالكريمه .. الخ .. كرتونتين تلاته كده توفي الغرض وابنائها هيفرحوا بيها جدا وهي هتفرح على فرحتهم ..

لو العلاقه مابينكم نص نص يعني مش صاحبتك اوي وبرضه مش رسمي اوي ممكن تاخذي لها صنف حلويات انتي عملاه .. مثلا شاطرة في البسبوسه اعملي لها صينية او شاطرة في الفطاير اعملي حاجه كويسه ومحترمه ووديها .. والحكاية دي تمشي لو كانت مصرية او سعوديه .. هنا بيتفننوا في انواع الحلويات وكلها سهله في الاعداد هتلاقي مكوناتها الاساسية بسكويت او كيك جاهز وشويه كريمه وبعض الاضافات وتبقى صنف ( حلا ) على اساس ان دي من التقاليد تقديم الحاجات دي في الزيارات ..

اما بقى لو العلاقه رسمية فمفيش قدامك غير الورد وبما انك عملية زيي فخذي لها ورد مجفف .. هيكون اغلى شويه بس هيعيش على الاقل يبقى ثمنه مراحش على الارض ..

برضه لو رسمية وشايفه الورد مبالغ فيه او وملوش لازمه يبقى الشوكلاته وامرك لله .. دي صحيح حتى لو عندها منها كتير فتقدر تحتفظ بيها مده او تهديها لاي حد في اي مناسبة تانيه .. هتروحي لاي ( مخبز ) يكون شكله من برا محترم هتلاقيهم بيبيعوا صواني شوكلاته برضه .. اختاري وحده يكون شكلها معقول .. على فكره السعر بيتحدد وفقا لنوع الشوكلاته وسعر الصحن الي هي مصفوفه فيه .. طبعا كل ماتختاري مخبز فخم هتكون الشوكلاته غاليه ولو اخترت مخبز معقول يعني مش رخيص بس مش مفتري في اسعاره هتلاقي اطباق سعرها حلو اوي ممكن سبعين او مية ريال تجيب لك طبق مشرف ..

طبعا انا مش قصدي مخبز يعني فرن بلدي وانما مخبز يعني محل حلواني هنا بيسموه مخبز ..

وعلى فكره هدايا الزيارات الي زي دي ثمنها او المجهود فيها مش بيروح هدر لان اولا بتدخلي السرور على مريض وثانيا بتاخذي ثواب من ربنا على عيادته واخيرا فانت بتقضي واجب اجتماعي وبرضه الي بيوصلها الواجب ده اكيد عارفه ومقدرة ..

واخيرا لو حضرتك مش فاضيه تعملي لها الحلويات ـ وده اكيد ـ ولو خايفه تشتري شوكلاته مبالغ فيها او متطلعش قد المقام فاقولك على اسلم حاجه خذي لها واحد من الاثنين اما علبة ماكنتوش او علبة جالكسي جواهر .. ريحي دماغك ودي كانك بالظبط شاريه لها حاجة ذهب يعني سعرها معروف وفي نفس الوقت محدش بيكرها والاهم لو مش محتاجاها تقدر توزعها في اي وقت هي عوزاه فصلاحيتها ممتده .. واخيرا سهل تجيبيها من اي سوبرماركت كبير بدال ماتلفي وتضيعي وقتك وانا عارفه وقت الاطباء ثمين والله يعينكم بس على الشغل وتعبه ..

واخيرا متنسينيش من دعائك بقى وانتي عندها اصل انا سمعت حديث حلو اوي ان ربنا سبحانه بيقول لعبده دعوتك فلم تأتني فلما يسال العبد كيف يقول له اما علمت ان فلان مريض لو عدته لوجدتني عنده .. وانتي عندها بتزوريها كوني على ثقة ان ربنا باذن الله هناك هو سبحانه في كل مكان لكنها كناية عن انه بيكون قريب اوي في اللحظات دي فالله يخليك ويكرمك يارب متنسيش وانتي بتزوريها كمريضه واذكريني عنده .

شكرا يا ضحى .فعلا مقترحات كويسه جدا .وعلى فكره صديقتي دي مصريه

[rewsha]

ممكن كمان براد كهربائى

ممكن عباية للبيت ممكن تكون عباية استقبال شيك

ممكن اسدال صلاة قيم

ممكن حاجتين مع بعض لو الظروف تسمح

يعنى عباية مع بسكوت للأطفال لو فى اطفال

ممكن طقم سرير قيم او مفرش سرير ستان..ياللا اختارى وقوليلنا انت فى الاخر عملتى ايه

شكرا (بنت الشاطىْ)

بس تعرفي ؟

شكلي هاعمل لكم مفاجاْه ....... :wub:

وفي الاخر هاترسى على شوكولاته برضو او تورته ;) من اقرب محل حلويات لينا

عارفه ليه ؟

اضحكي الاول .

اصل زوجي لسه ماْجر عربيه :smart: ومش عارف الشوارع .ومنين يودي على فين

والمحلات اللي بتبيع الحاجات دي نروحها ازاي

كمان وقت شغله ...بايخ جدا .وبيرجع تعبان .مش عاوز يلف ويساْل

لاقيته بيقول لي ......معليش

مشيها شوكولاته المره دي .....والمره الجايه ابقى هاتي مفرش السرير او الورد المجفف f((:

بس انا جاتلي فكره تانيه :blink:

ايه راْيكوا ...استنى قد شهر كده بعد العمليه .

تكون الحاجات اللي عندها خلصت .وابقى اخد تورتايه واروح انا بقه wst::

لا بجد ...هاشوف وابقى اقول لكم جبت ايه .