the consultant بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 كلمتين و نص. مجرد نفس امارة بالسوء أو شيطان . و مفيش حاجة اسمها حب يا معلم خلينا نتكلم بصراحة. الحب اعمال و احتواء و مشاركة مش رومانسية و مسجات. عليك بالصلاه و الاكثار من الذكر. يسر لك الله الزواج من انسانه عشت معها 8 سنوات فمجرد تفكيرك في الامر يعتبر خيانة من وجهة نظري . عمليا ......... مش عارف اقول ايه , بس في حاجات ماينفعش تتقال اقتباس رابط هذا التعليق شارك المزيد من خيارات المشاركة
mekkawy بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 كلامك حلو بجد يا مكاوى بس بجد غصب عنى انت مش متخيل حالتى بتبقى عاملة ازاى لما مش بكلم البنت الى بحبها معلش اسمحلى اقولك يا مكاوى من غير استاذ بقى و دكتور و كدا اصلى حاسس انى اعرفك من زمان و معلش مرة كمان لانى مش هقدر ارد تانى النهاردة لانى هروح بعد شوية و مش عندى نت فى البيت لكن بكرة اول ما اجى ان شاء الله اكيد هنكمل كلامنا و ربنا يجازيك خير على كلامك الطيب ده هقولك على حاجة كمان قبل ما اروح فى اول فترة عرفت فيها البنت كانت عندها نت فى الشغل و معندهاش فى البيت فكنا بنتكلم الصبح طول اليوم و كان مراتى العكس معندهاش نت فى الشغل و عندها فى البيت فكنا بنتكلم الدوام التانى فده كان سبب من الاسباب أخي الطيب ريكو أنا أفضلها كدة من غير ألقاب ... كتر خيرك بالنسبة للمشكلة ... أنا مش هأتكلم دلوقتي أل لما تيجي بكرة ان شاء الله لأني شايف حاجات مش حابب أشوفها منك .. و عشان ما تكونش محتار .. شايف منك انهزام و استسلام للموقف ... يا باشا مفيش حاجة اسمها مش هأقدر أعمل اي حاجة ... كل حد يقدر يعمل أي حاجة .. الموضوع بس نية و عزيمة منتظرك بكرة ان شاء الله. مكاوى ... و بس اقتباس رابط هذا التعليق شارك المزيد من خيارات المشاركة
عماد حمدي بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 (معدل) بعد ما الوحد عصر دماغة من التفكير أني أبوح بالسر دا قولت مفيش آآمن من هنا .. ويارب بابا ميتكعبلش فية السر .. أنا بحب بنت عمتي أوي أوي أوي .. بس فية خلافات بين عمتي ووالدتي من زمان وجرح قديم وكدة .. عمتي التانية لمحت ليا أنها عايزة تجوزني ( ........ ) وأنا من جوايا ببقي سعيد أوي .. بس كنت بقولها مش هينفع لسة بدري ع الجواز وكدة .. ماما في نفس ذات اللحظة قالت لها ( مفيش جوزا قرايب نهائي ) .. :D وأنا مش قادر بصراحة محبهاش غصب عني .. كل يوم بحلم بيها هيا أصغر من ب 4 سنين .. لمحت لماما قبل كدا عن الموضوع دا .. تزمرت وأتعصبت أوي .. وقالت ولا تبقي ابني ولا أعرفك بابا أخاف أكلمة خالص .. لان عمتي دي تبقي أخته .. والوضع هيكون محرج شويتين .. بيني وبين بابا .. خاصة ان علي علم انه فيه خلاف بين عمتي ووالدتي .. بس بجد أنا بتعزب لما بشوفها .. بقعد بعديها لواحدي .. أقعد افكر فيها كتير .. واقعد أبكي مش عايز قلب امي يكون غضبان عليا قدام سعادتي .. عمتي طبعا ً تتمني حاجة زي كدة والعيلة كلها .. لان هيا البنت الوحيده دلوقتي اللي مش اتجوزت .. وانا أكبر ولد في عيلتنا .. ونفسهم يفرحوا بينا .. أولاد عمتي التانية ( بنات كبار ومتجوزين ) كلهم كلموني واية رأيك في ( ... ) وانا برده يكون عندي نفس الشعور سعيد جدا وفرحان قوي من جوايا بس بظهر عدم رغبتي للأمر دا .. وبرجع تاني أقعد لواحدي أفكر وأفكر وأفكر .. مش قادر أنساها ولا قادر أبطل تفكير فيها ومش لاقي حل خالص للموضوع دا .. وانتوا أول ناس اكلمكم وباب قلبي مفتوح .. تعبت جدا ً جدا ً .. خاصة انها مناسبة ليا من كل حاجة كل حاجة والله .. كنت بحب انسانة قبل كدة وحصل انها توفت وعيشت ع الذكري دي فترة طويلة من سنة تانية كلية بالظبط .. لحد ما خدت بالي ان فيه قبول بيني وبين بنت عمتي بس مينفعش أتكلم بكلمة .. وخايف أفاتح أصلا ً بنت عمتي دي في أي حاجة بس بحس ان فيه قبول بيني وبينها علي عكس قرايبنا التانين ودايما ً تتكلم عني كتير أوي .. وتقول انا بتفاخر ان ليا أبن خال زيك .. وكلام كتير حلو أوي عني .. يا بخت اللي بتحبك وعايزة تتجوزك وتقعد تتكلم وتتكلم وبحس ان الكلام دا طالع منها هيا .. ليا أنا مباشرة .. تعبااااااااااااااااان بجد .. ودلوقتي حاسس اني أرتحت أوي ------ تم تعديل 13 أبريل 2010 بواسطة omda2006 اقتباس رابط هذا التعليق شارك المزيد من خيارات المشاركة
shiko بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 (معدل) بعد ما الوحد عصر دماغة من التفكير أني أبوح بالسر دا قولت مفيش آآمن من هنا ..ويارب بابا ميتكعبلش فية السر .. أنا بحب بنت عمتي أوي أوي أوي .. بس فية خلافات بين عمتي ووالدتي من زمان وجرح قديم وكدة .. عمتي التانية لمحت ليا أنها عايزة تجوزني ( ........ ) وأنا من جوايا ببقي سعيد أوي .. بس كنت بقولها مش هينفع لسة بدري ع الجواز وكدة .. ماما في نفس ذات اللحظة قالت لها ( مفيش جوزا قرايب نهائي ) .. :D وأنا مش قادر بصراحة محبهاش غصب عني .. كل يوم بحلم بيها هيا أصغر من ب 4 سنين .. لمحت لماما قبل كدا عن الموضوع دا .. تزمرت وأتعصبت أوي .. وقالت ولا تبقي ابني ولا أعرفك بابا أخاف أكلمة خالص .. لان عمتي دي تبقي أخته .. والوضع هيكون محرج شويتين .. بيني وبين بابا .. خاصة ان علي علم انه فيه خلاف بين عمتي ووالدتي .. بس بجد أنا بتعزب لما بشوفها .. بقعد بعديها لواحدي .. أقعد افكر فيها كتير .. واقعد أبكي مش عايز قلب امي يكون غضبان عليا قدام سعادتي .. عمتي طبعا ً تتمني حاجة زي كدة والعيلة كلها .. لان هيا البنت الوحيده دلوقتي اللي مش اتجوزت .. وانا أكبر ولد في عيلتنا .. ونفسهم يفرحوا بينا .. أولاد عمتي التانية ( بنات كبار ومتجوزين ) كلهم كلموني واية رأيك في ( ... ) وانا برده يكون عندي نفس الشعور سعيد جدا وفرحان قوي من جوايا بس بظهر عدم رغبتي للأمر دا .. وبرجع تاني أقعد لواحدي أفكر وأفكر وأفكر .. مش قادر أنساها ولا قادر أبطل تفكير فيها ومش لاقي حل خالص للموضوع دا .. وانتوا أول ناس اكلمكم وباب قلبي مفتوح .. تعبت جدا ً جدا ً .. خاصة انها مناسبة ليا من كل حاجة كل حاجة والله .. كنت بحب انسانة قبل كدة وحصل انها توفت وعيشت ع الذكري دي فترة طويلة من سنة تانية كلية بالظبط .. لحد ما خدت بالي ان فيه قبول بيني وبين بنت عمتي بس مينفعش أتكلم بكلمة .. وخايف أفاتح أصلا ً بنت عمتي دي في أي حاجة بس بحس ان فيه قبول بيني وبينها علي عكس قرايبنا التانين ودايما ً تتكلم عني كتير أوي .. وتقول انا بتفاخر ان ليا أبن خال زيك .. وكلام كتير حلو أوي عني .. يا بخت اللي بتحبك وعايزة تتجوزك وتقعد تتكلم وتتكلم وبحس ان الكلام دا طالع منها هيا .. ليا أنا مباشرة .. تعبااااااااااااااااان بجد .. ودلوقتي حاسس اني أرتحت أوي ------ الاخ..الاستاذ/ عمدة .. الحب ....حاجة مابتتكررش كتير فى حياتنا ... بلاش تضيعها ... هاتندم ....كتييررررررررر بص ...لو والدتك ...شافتك بعد 10سنين ..موش متجوز ...وموش عاوز تتجوز وتكون قريبتك دى اتجوزت وخلفت ...وضاعت من ايديك ... هاتندم اشد الندم ....على انها دمرت فيك مشاعرك .... زواجك من قريبتك شىء لا يغضب الله على العكس.... بس عدم زواجك ....هايضيع عليك حاجات كتير منها المودة والرحمة ... حاول ...وصر على موقفك ...كل شىء وليه تمن ... صدقنى انا فعلا جربت ...وندمت ...سمعت كلام اهلى طاعة ... بس الموقف بعد كدة صعب اشرحهولك فى الوقت الحالى ... ماتزعلش مامتك ...بس قولها لو موش البنت دى ... يبقى ماعنديش مشكلة اقعد من غير جواز ...سهلة .. طالما هى طاعة ليكى وبر بيكى يا امى خلاص ... بس نصيحة اخيرة ...اوعى تفتكر ياعمدة ...ان المشاكل هاتنتهى لحد كدة .. لو والدتك وافقت فى الاول ...هاتقابل الكتير من التعنت والمشاكل بعدين ... ويا اما تبقى اد اختيارك ..يا اما بلاش ..منها وجع القلب.... تم تعديل 13 أبريل 2010 بواسطة shiko اقتباس رابط هذا التعليق شارك المزيد من خيارات المشاركة
عماد حمدي بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 (معدل) ShiKo ميرسي علي ردك يا جميل .. وبجد أنتي زودتي حيرتي أكتر وأكتر .. أنتي كلامك صح ومظبوط .ز وأي حد هافتحه في الموضوع دا هيبقي برده ردة كدة .. بس والدتي قالت ( ولا تبقي ابني ولا أعرفك ) أمي بتحبني جدا جدا وأكتر واحد بتحبه في أخواتي لاني الكبير .. بس مش عارف أرضي أمي .. أو رضي قلبي وسعادتي .. ناس كتير جدا ً جدا ً هيوافقوا ومنها هيا نفسها ( .... ) , ومتخيل شكل الفرحة هتكون عاملة إزاي في عيلتنا لكي أن تتخيلي أني بحلم أحلام يقظة باليوم دا وبتخيل المنظر هيكون إزاي .. مش عارف بجد أحترت أوي .. وكتمت في نفسي طول المدة دي .. وهوه دا سبب حيرتي في كل حاجة .. سبب عصبيتي .. سبب أن خلقي في مناخيري .. أثر عليا كتير جدا الموضوع دا .. في شغلي .. في معاملتي مع أصدقائي .. معاملتي مع أهلي .. أثرت فيا جامد .. لكن السبب كنت محتفظ بيه بداخلي .. ولن أبوح بيه لأحد إلا هنا وسطكم ودايما ً بقول لنفسي علشان اخرج من الحيرة دي ان مش كل حاجة الإنسان بيتمناها بيلاقيها .. بس لما برجع أشوفها بتعذب وبتقطع من جوايا شكرا مرة تانية تم تعديل 13 أبريل 2010 بواسطة omda2006 اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 لا يا جاسمين انا كنت مرتبط بواحده و بنحب بعض من ايام الكليه و اتخطبنا و كتبنا الكتاب و بعدين اتجوزنا زى تمامالتانيه بقى عرفتها قبل مكتب كتابى و بعدين حبتها بعدها بس حبيتها اوى السلام عليكم و رحمة الله و بركاته انا اسفة جدا للي هقوله بس مش قادرة احوش نفسي حرااااااااااااااااااااااااااااااااااااااااااااام عليك بتحب واحدة.....و هي بتحبك.....و استنتك طول فترة الكلية......8 سنين....احلي سنين عمرها و عمرك.....انت متجوزتهاش يوم ما بنيت بيها يا استاذ .....انت اتجوزتها يوم ما وقفت قدامها كده و قولتلها انا بحبك و هتقندل اتجوزك....الجواز وعد و كلمة شرف و ربنا كرمك بزوجة صالحة.....و قصة حب حلوة تقولي مش عارفة ايه......؟؟؟؟ عارف يا استاذي الفاضل انا خايفة علي حضرتك من ايه.....من ابتلاء ربنا يفكرك بيه بنعم....ممكن في وقت كتير الشيطان يخلينا نتغافل عنها اسفة جدا في الحدة..... مش عارفة اسكت ربنا يصلح حالنا جميعا اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 السلام عليكم و رحمة الله و بركاته يا استاذ عماد اهدي يا ابني شوية متزعلشي من صراحتي انا هجيبهالك علي بلاطة يا معلم انت من يومين حدفتنا توبيك بتاع زواج من ع النت.....و اللي حضرتك قولت فيه برضه قصة حب كده مع مش عارفة مين و قعدت مش عارفة كام سنة...(ما اهو انا كنت متابعة التوبيك لغاية ما كرهتوني اصلا فيه..... ) و دلوقتي بتقول....بنت عمتك و مش عارفة ايه..... هقولهالك علي سيراميك انت عايز تعيش حالة حب و انك مرغوب فيك مش وحش يا سيدي الفاضل هو احساس ان الواحد يتحب.....جميل و جميل اوي.....و مطلب انساني جدا بس حضرتك عندك قفزات في حياتك...اهمهم ان حضرتك هتنور رابطة مشجعي الكورة الشراب في الامارات....يعني نقلة في شغل حضرتك.....و بالتالي قدامك سنة مثلا عقبال ما تاخد قرار ارتباط ببنت عمك و لا بنت خالك . واؤكد من موقعي هذا.....ان اول سنة هتبقي ملبن جدا....و هيبقي عندك وقت كتير تقلب الموضوع من فوق لتحت و من تحت لفوق....و تعرف بالظبط حقيقة مشاعرك....و تحدد بوصلة اتجاهك. لو يا ابن الناس حسيت انك في خلال السنة دي لسه مجنووووووووون بطيف "ليلي"....يبقي علي بركة الله لما تنزل الاجازة...و متقوليش بابا و لا ماما بقي احسن و ربنا اهبدك روصية......(راجل ملو هدومه و بيشتغل و يقولي بابا و ماما).....و مش هنقول عافية لا انت اصلا لو مقتنع بحاجة من جواك ,,,,و الله هتلاقي ليها مليون طريقة اوعي تفاتح البنت......انا شخصيا بعتبر ان مجرد التلميح.....هو وعد حرام تعلقها معاك و انت اصلا البوصلة عندك...الابرة فيها مش مستقرة ده رايي و دي وجهة نظر سلاااااااااااااااام اقتباس رابط هذا التعليق شارك المزيد من خيارات المشاركة
عماد حمدي بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 لماضة يا بنتي موضوع بتاع زواج النت دا موضوع عادي طرقعة وجاتلي والحمد لله عدت ع خير وقفلنالك التوبيك خالص خشي شوفي أخر مشاركة موضوع القصة القديمة دي من زماااااااااااااااااان أوي أديلها 6 سنين أو اكتر بتاعت الإنجليزية دي ومرحلة وعدت خلاص ومبقتش حتي افكر فيها بس ذكرتها لانها كانت تتعلق بموضعنا اياه بتاع الزواج من علي الانترنت بين مؤيد ومعارض بنت عمتي بقا ( دا كان حب سر ) ياعني دي اللي في القلب وبس وخدتش بالي من كدة غير من 4 سنين تقريبا ً ومقولتش لحد أبدأ إحتفظت بالمشاعر دي جوايا وطبعا ً مقولتلهاش خالص .. وججهة نظرك تمام ودا اللي فعلاً فكرت فيه ساعتها اني موعدهاش بحاجة ... من بعد 4 سنين وأنا عازل نفسي تماما ً عن الجنس الآخر .. وكنت بعتبر اني لو حبيت أي حد تاني غيرها يبقي كدة أنا بخونها وبخوني حبي ليها وقلبي مش هيسامحني .. فقررت اني أفضل كدا أحبها في صمت وأتشاور انا وقلبي وعقلي أحنا التلاتة بس .. وكلهم بيقولوا انها مناسبة .. لكن الأجواء المحيطة فيه منهم معاهم ومنهم مش معاهم ( والدتي ) وهيا دي لب المشكلة اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 .. فقررت اني أفضل كدا أحبها في صمت وأتشاور انا وقلبي وعقلي أحنا التلاتة بس ..وكلهم بيقولوا انها مناسبة .. لكن الأجواء المحيطة فيه منهم معاهم ومنهم مش معاهم ( والدتي ) وهيا دي لب المشكلة السلام عليكم و رحمة الله و بركاته الله يسامحك يا استاذ عماد طيرت حتتين الشيكولاتة البلاك الي اكلتهم كده السيناريو اتغير خاااااااااااالص بص يا سيدي الفاضل بضره ابعد فترة كده...لو اتاكدت فعلا من مشاعرك......يعني هي دي...يا اما فلا يبقي هنا اردم ع اللي انا قولته فوووووق.....مش كله يعني (انت ما هتصدق)...... و دي محتاجة ليها خوطة بقي جاااااامدة بس مش هتعرف تعملها لوحدك......لازم مع البنوتة هو حضرتك تتفضل مشكورا تجس نبضها كده.....من بعيد......و لو اختك مثلا.....تنكشها...و تجبلك الخبر اليقين هنا بقي يا جدع تروح تقف تحت البلكونة بتاعتهم و تقولها انا قتيلك يا بنتي......البنت بتتشحتف م الحاجات دي اوي ع فكرة و طبعا مامتها او مامتك...مش فاكرة مين اللي مكنتش موافقة.....هتطلعلك في البلكونة و هتكب عليك ميه...عاااااااادي و لا يهمك لو انتو الاتنين متمسكين ببعض....و الله هتظبط معاكم اوي......بس هي عايزة حبة حيلة.........و قيمة كده 7 كيلو طولة بال منك و منها....و بعدين بقي تشوفوا فين مواطن القوي.....يعني مين ليه تاثيرات ع الجبهات المختلفة... بس المهم تتاكدوا من مشاعركم و لو فعلا بتحبها بجد يبقي يا عماد زي ما بنتنا شيكوز.. قالت.....الحاجة الحقيقية صعب اوي ان احنا نلاقيها او نعوضها......بس لازم تكافح عشانها.....الدنيا تتاخد غلابا......و اوقات كتير بالحيلة دمت بكل الخير اقتباس رابط هذا التعليق شارك المزيد من خيارات المشاركة
mekkawy بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 عمدة أنا مش هأتكلم كتير إياك ثم إياك ثم إياك تفرط في الموضوع ده و إياك ثم إياك ثم إياك تغضب أمك عيش حياتك باة و لو احتجت مساعدة أنا هأظبطك .. اخوك سوابق في الجوازات المعقدة مكاوى اقتباس رابط هذا التعليق شارك المزيد من خيارات المشاركة
ذهبية بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 طيب يا عمدة ما تعمل خير فى البنت و فى نفسك وفى العيلة كلها و صالح الوالدة على عمتك و منك رجعت صلة الدم تانى و ريحت نفسك ووالدك و انصحك انك تتجهة الى شخص عزيز جدا على قلب والدتك يعنى ما بتقدر ترفض لة طلب يعنى اخوها اختها حد كبير من عيلتها حد عزيز على قلبها و اعملوا قعدة عربى كدة و صالح الاطراف كلها دة جواز يعنى لازم الكل يكون مبسوط و مرتاح لان لو مش كدة هتجيب لنفسك ووجع الدماغ اقتباس [على اسم مصر التاريخ يقدر يقول ما شاء أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر رابط هذا التعليق شارك المزيد من خيارات المشاركة
قلب ابيض بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 طيب يا عمدة ما تعمل خير فى البنت و فى نفسك وفى العيلة كلها و صالح الوالدة على عمتك و منك رجعت صلة الدم تانى و ريحت نفسك ووالدك و انصحك انك تتجهة الى شخص عزيز جدا على قلب والدتك يعنى ما بتقدر ترفض لة طلب يعنى اخوها اختها حد كبير من عيلتها حد عزيز على قلبها و اعملوا قعدة عربى كدة و صالح الاطراف كلها دة جواز يعنى لازم الكل يكون مبسوط و مرتاح لان لو مش كدة هتجيب لنفسك ووجع الدماغ ذهوبه حبيبتى والله بسجل دخول عشان اقول الكلمتين دول لعماد يسلم تمك بص يا عمده مافيش عند الواحده او الام اغلى من ابنها خاصه البكرى صدقنى انا 000يعنى لو ماما شايفه ان بنت عمتك دى هاتسعدك وهتريحك استحااااااااااااله هتقف فى طريقك حتى لو عمتك دى كانت عامله فيها اللى مايعمل زمان بس الموضوع محتاج تيكتيك معين ....ايه بقى هو؟؟؟؟اقولك صلى عالنبى انت بتقول ان عمتك بتحبك وبتلمحلك او تقريبا موافقه على ارتباطك ببنتها تمام؟ بردوا عمتك ام ..وعشان سعادة وراحة بتها تعمل اى حاجه " انا برده بكلمك كأم لشاب زيك وبنوته زى بنت عمتك -يعنى بافترض انى ام البنت والولد" حاول تخللى مدخل الصلح بين ماما وعمتك من ناحيه عمتك 000يعنى مثلا تتصل بيها لاى مناسبه تسلم او تدبر مقابله ال يعنى صدفه عند جدتك او عمه تانيه او ما الى ذلك المهم تحصل مواجهه بشكل لطيف ومن ناحيه تانيه حنن قلب ماما على البنت وانها بتحبها وقالت عنها كلام حلو قدام مش عارف مين ...شوف نقطه ضعف او حنيه قلب ماما منين وادخل منها وان لم يفلح كل هذا عليك وعلى المواجهه طاخ بم على طول يا ماما انتى مابتحبيش عمتى بس انا وبنتها بنحب بعض وانتى اكيد ما ترضيش لابنك حبيبك عمده يعيش طول عمره تعيس عشان يرضيك فى حاجه انت بقلبك الكبير ممكن تسامحى فيها ده غير ثوابك عند الله واجرك دنيا واخره 00وفرحه بابا بصلحك مع اخته انتى زعلك لوحدك بس فرحتك هاتفرح الناس كلها حل اخير بقى 0000ادينى تليفون ماما وسيب الباقى على :sad: ربنا يوفقك للى فيه الخير اقتباس رابط هذا التعليق شارك المزيد من خيارات المشاركة
الباشمهندس ياسر بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 (معدل) حذفت بمعرفتي تم تعديل 13 أبريل 2010 بواسطة الباشمهندس ياسر اقتباس تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
قلب ابيض بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 (معدل) يعنى انا اسيب عمده الاقيك انت يا ريكو؟ ايه يا باشا اللى انت فيه ده؟؟ تعبان ومحير نفسك وعامل قلق لنفسك جامد جدا والحل فى ايدك انت من اول لحظه يعنى انا لما احب حد ويكون لسه ما تجوزش ادعى له اقوله " ربنا يهدى سرك ويريح بالك باللى تصونك وتشيل اسمك وعيالك وتستاهلها وتستاهلك " وانت لله الحمد ربنا مهدى سرك بس انت اللى طماع وماتزعلش منى ماعندكش قناعه ولا رضا ليه دايما عنينا فى اللى مش لنا؟ ليه تحلل لنفسك اللى تحرمه على غيرك؟ ايه يعنى حبيتها اوحسيت بحب تجاهها بعد ما ارتبطت بزوجتك اللى انت اساسا مرتبط بيها من 8 سنين بص يارؤيكو انا عندى قناعه تامه ان الشيطان اللع يلعنه ما بيروحش لحد فالت اساسا لانه بالفعل ماشى فى طريقه اللى هو الشيطان انما يروح للانسان المستقيم اللى بيراعى ربنا ويراعى حرمه الغير عشان يغير طريقه ويديله مليون سبب وعله انه على حق وانه مش غلطان زى ما حصل مع جنابك كده... شوف انت بتقول انك بتحب دى ودى ولا بتعيب فى زوجتك ولا الانسانه التانيه مش هاقول حبيبتك لاء حبيبتك هى اللى اختارها قلبك وعقلك وقدام لناس كلها وقدام ربنا هى زوجتك سترك اللى وقفت جنبك وانت لسه مالكش معالم لاشهاده ولا وظيفه ...هى مش كانت وقتها حبيبتك بروا اللى بتحلم بيوم يجمعكم بيت ؟؟ عارف لو ذللت العقبات وارتبطت بالاخت التانيه دى هتلاقى نفسك بقدره قادر بتحب عليها برده؟؟؟ يا ريكو اتقى الله فى نفسك وزوجتك وكرس كل المشاعر الحلوه دى للى حلالك للانسانه اللى صيناك وشرفك مرتبط باسمها تخيل لو انت لمحت منها نظره اعجاب اعجاااااااب مش حب لحد غيرك ؟؟؟ ممكن تبقى ازاى ؟ استعيذ بالله من الشيطان اللعين خدها وروحوا اطلعوا على مكه " دى قريبه منك اوى" واعملوا عمره وانوى لله الاخلاص فى العلن وفى السر للى ربنا يسرلك الارتباط بها وماتجرحش اتانيه برده انسحب بثقه وبكل وضوح مش عيب اننا نغلط العيب ان نستمر فى الغلط واحنا كباااااااار دعواتى لك بالهدايه وراحه البال ... وماتزعلش من اسلوبى تم تعديل 13 أبريل 2010 بواسطة قلب ابيض اقتباس رابط هذا التعليق شارك المزيد من خيارات المشاركة
عماد حمدي بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 (معدل) لماضة الأول متزعليش علي حتتيتين الشيكولاته .. نذر عليا لو موضوعي دا تم ع خير .. لابعتلك علبة شيكولاته من اللي انتي بتحبيها لو انتي في موزامبيق هوه فعلاً الموضوع عايز حيلة وفكرة جهنمية ويتحل .. بس مشكلتي أني خايف ابوح لأي حد بالسر دا .. لسبب واحد أن لو محصلش نصيب بابا وعمتي هيخسروا بعض أو مش هنقول هيخسروا بعض لأسواء الظروف الوضع مش هيكون زي الأول .. خاصة ان جوز عمتي متوفي وبابا خالهم والخال والد ... فالوضع حساس جدا ً وأنا مش عايز أعمل مشكلة .. بس برده الموضوع دا عايز تكتيك .. وبعدين الموضوع مش انا بتاع بابي ومامي كل الحكاية اني بحترمهم جدا جدا ومبحبش أزعل حد فيهم وبالذات أمي .. اليوم اللي بزعلها فية بتحصلي كوارث .. واليوم اللي بتبقي راضية عني فيه بحس اني ببقي مرتاح لما بسمعها بتدعيلي كدة .. واخواتي ساعات بيغيروا مني من النقطة دي وسبق اني كلمتها قبل كدة في الموضوع دا .. بس هيا جواها غريزة وعاطفة غير طبيعية ليا .. مش عارف علشان اية :sad: مكاوي أفدت ياخويا والله .. :blink: آل مسبش الموضوع وأرضي أمي ؟؟ ياعم انته هتجنني .. bsh:) وبعدين ما تقولي حيلة حلوة كدة أدخل عليهم بيها .. ولا أتصرف إزاي .. أه لو اطولك دلوقتي أه ذهبية & قلب أبيض :sad: بصي موضوع التصالح بين والدتي ووالدتها ( عمتي ) .. هما متصالحين دلوقتي وبيكلموا بعض عادي جدا ً بس النفوس لسة شايلة لان كان فيه مشاكل قديمة خالص أيام ما انا كنت بتاع سنتين تلاتة كدة .. مهما يطول الزمن مش هيداوي الجرح دا .. بس والدتي بتتبع الأصول ياعني بتعيد عليهم في المناسبات والأعياد والكلام دا .. دا حتي أخدتي العيد اللي فات دا ورحنالهم البيت .. وانا رايح مخصوص علشان أشوفها والمشكلة أني ببقي قاعد وشي في الأرض .. مش عارف بتكسف من إية .. اه والله يدوب بخطف نظرة نظرتين في الساعتين تلاتة اللي بنقعدهم .. بس ببقي مبسوط أوي أوي .. وع قد ما ببقي مبسوط برجع أقفل علي نفسي الأوضة واقعد تاني أفكر لحد ما موتور دماغي يهنج وأنام .. ولما أنام تجيلي في الحلم .. :sad: ياعني ماما الله يهديها عليا يارب .. بتكلم عمتي عادي جدا ً .. بس مش عايزة يكون فية علاقة نسب بينا وكدة .. وأنا إتخنقت والله ومقدرش أزعل والدتي أبدا ً .. دا انا ربنا بيسهلها معايا بس علشان خاطرها ودعواتها ليا فا أنا مقسوم نصين ومش عارف أختار ولا عارف اوفق بينهم لما كنت بالسعودية كنت بتصل بعمتي أطمن عليها وكدة ووالتي لما عرفت قالتلي خف شوية من الإتصالات علشان متعشمهش بحاجة أكتر حاجه حلوه في ماما انها طيبة جدا جدا جدا جدا وسهل أوي اني ألين الموتور بتاع دماغها والناس تسيطر عليها وتوافق .. بس الخوف كلة من حاجة انه بعد كدة هيبقي فيه تلاكيك وأنا أصلا ً عصبي .. ياعني الموضوع لو مجاش برضاها وهيا مقتنعة بيه .. هتبقي عيشتي زي الشيكولاتة بتاعت لماضة كدة بلااااااااك فالموضوع عايز فعلاً طريقة معينة أَضغط بيها .. لان زي ما قولت لو محصلش نصيب أنا من التوع اللي بنكسف جدا ً فمعنتش هعرف أكلم أي حد من قرايب بابا خالص ولا عمتي ولا ولادها ولا عمتي التانية ولا اي حد + العلاقة هتتوتر بين بابا وعمتي عمتي التانية دي بقي اللي بتلمحلي وبنتها جبتهالي علي بلاطة كدة في مرة ( اية رايك في ...... ) وانا غبي حتي مقولش سيبيني افكر ولا اديهم أمل غبي غبي ياعني جربت أبعد قبل كدة فترة كبيرة جدا ً زي مثلا ً لما كنت بالسعودية .. لقيتني بحبها أكتر مش عارف .. مشكلة ماما أنها شايفة أن أي بنت خسارة فيا مش عارف علي اية ودا بيخنقني أوعوا حد يقول شايف نفسك أحمد عز ولا حاجة لا والله العظيم انا بتخنق وبتضايق اوي لما ماما بتقول كدا .. محسساني أني لازم أتجوز السفيرة عزيزة ومش أي بنت لازم جوازة من عيلة حسب ونسب ووو .. طيب ما دي من عيلتنا يا يا حاجاة ماما .. لالالالالالا أياك اسمعك تجيب الكلام دا علي لسانك تاني .ز عايز تتجوزها روح اتجوزها بعيد عني .. بس انتة ولا ابني ولا أعرفك .. وبعدين دي قصيرة عليك يالهوي ياعني انا اللي طويل أوي .. والمصيبة انها جميلة جدا جدا جدا شبه ( الممثلة منة فضالي ) بالملي بالظبط متعرفوش تفرقوا بينهم والله العظيم وانا فيا شبه من أحمد حلمي ههههههههه فراكبين علي بعض :D مش عارف لية بقا امي شايفة اننا مش راكبين علي بعض .. بس ماما بتخلقلي أسباب علشان أشيلها من دماغي .. وانا أقولها طيب وحاضر ومن جوه ( نار جهنم ) بتقطع وبقعد زي البيبي الصغير أبكي وأدعي لربنا انه ييسر ليا الموضوع دا .. وقعتي هباب لو بابا دخل شاف التوبيك دا يالا بقا محدش بيعيش أكتر من عمرة :lol: والله العظيم ودا عهد أن لو الموضوع دا خلص لهعمل توبيك جديد فيه كل صور خطوبتي والـ CD ووزع عليكم شيكولاتة وملبس ...بس أتجوزها ---------------------------------------------------- قلب أبيض لماضة ذهبية مكاوي كتر خيركم والله والواحد أتفك معاكم وفضفض وارتحت كأني كنت شايل جبل علي كتافي أروح أربط نفسي بقا بعد ما اتفكيت :D تم تعديل 13 أبريل 2010 بواسطة omda2006 اقتباس رابط هذا التعليق شارك المزيد من خيارات المشاركة
الباشمهندس ياسر بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 ريكو حبيبي أراد رجل أن يبيع بيته وينتقل إلى بيت أفضل فذهب إلى أحد أصدقائه وهو رجل أعمال وخبير في أعمال التسويق ، وطلب منه أن يساعده في كتابه إعلان لبيع البيت وكان الخبير يعرف البيت جيداً فكتب وصفاً مفصلاً له أشاد فيه بالموقع الجميل والمساحة الكبيرة ووصف التصميم الهندسي الرائع ، ثم تحدث عن الحديقة وحمام السباحة .. الخ ! وقرأ كلمات الإعلان علي صاحب المنزل الذي أصغى إليه في اهتمام شديد وقال...أرجوك أعد قراءة الإعلان وحين أعاد الكاتب القراءة صاح الرجل يا له من بيت رائع ! لقد ظللت طول عمري أحلم باقتناء مثل هذا البيت ولم أكن أعلم إنني أعيش فيه إلي أن سمعتك تصفه ثم أبتسم قائلاً من فضلك لا تنشر الإعلان فبيتي غير معروض للبيع ! اقتباس تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
قلب ابيض بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 عمده تصدق انت تغيظ؟؟؟ بس خلاص اقتباس رابط هذا التعليق شارك المزيد من خيارات المشاركة
عماد حمدي بتاريخ: 13 أبريل 2010 تقديم بلاغ مشاركة بتاريخ: 13 أبريل 2010 عمدهتصدق انت تغيظ؟؟؟ بس خلاص :sad: يا خبر أبيض لية بس حصل اية انا قولت كل حاجة والله .. غيظتك في اية انا بقا معلش الواحد من الحيرة اللي هوا فيها كأنه طماطماية جوة خلاط رخم يجبني شوية يمين وشوية شمال وكدة ولا كدة بتفعص :sad: اقتباس رابط هذا التعليق شارك المزيد من خيارات المشاركة
الباشمهندس ياسر بتاريخ: 14 أبريل 2010 تقديم بلاغ مشاركة بتاريخ: 14 أبريل 2010 تغيظ دي شوية المفروض تبقي عمده ... تعالي هنا اما اخنقك اقتباس تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
jasmin hamed بتاريخ: 14 أبريل 2010 تقديم بلاغ مشاركة بتاريخ: 14 أبريل 2010 استاذ عمده انا عايزه اقولاك حاجه يمكن تستغربها شويه بلاش يابنى الجوازه ديه . حضرتك مش ححمل المشاكل الى هتحصل بعد الجواز اصل المشكله ان الموضوع مش ذى ماهو فى الافلام يعنى مش هتحارب و تحارب و فى الاخر تنتصر و يتكتب النهايه ده بعد كل الحرب بس عشان تتجوز مش هتخلص مشاكل لو راضيت مراتك هتلاقى ممتك تقولك اه ماهى خدتك منى و لو رضيت امك مراتك اكيد هيه كمان مشحونه و مش هتخلص الجواز يابنى عشان يبقى لطيف و ظريف لازم تفهم انه بين عيلتين مش شخصين و على الرغم من ده بيحصل مشاكل لكن من غير ما يكون من الاصل فيه نفسيات فى الموضوع عموما ده راى من الى شفته فى جوازات كتير جواز ذى ده مش هيكون مصدر سعاده لا ليك و لا ليها اقتباس I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.