الديموقراطيه على طريقه الاخوان المسلمين

[مغتربة]

ان يحثوا الناس على الادلاء باصواتهم هذا شيىء بالطبع محمود

ان يذكروهم بان ادلائهم بصوتهم واجب شرعى بالطبع ايضا شيىء محمود

لكن ما معنى عباره ( الموافقه عليها واجب شرعى )

هل هذه هى الديموقراطيه ان تحرض الاخرين على اختيار معين بتخويفهم بسلطه الدين عليهم هل معنى ذلك ان الذى سيصوت بلا هو اثم فى نظرهم

و هل هذه ستكون الطريقه التى سيتبعوها معنى اذا وصلوا الى حكم مصر بحيث ان اى معارضه لاى امر يدعمونه سيتم ترهيب اصحابها بسلطه الدين

و هل سننتظر منهم وقتها قوائم الواجبات الشرعيه التى بالطبع ستتفق مع اهدافهم و ستصب فى مصالحهم

هل نحن قمنا بهذه الثوره العظيمه ليتم سرقتها بهدوء ممن يعتبرون ان التصويت على ما يوافق رؤيتهم واجب شرعى و خلافه اثم

هل نحن نتقدم للامام ام للخلف

لا لاتخاذ الدين وسيله لتحقيق اهداف سياسيه

لا لكل الحركات الدينيه التى تريد ان تصعد على اكتاف الثوره لتحقيق مكاسب شخصيه لنفسها

لا لتسيس الدين

[م تيمور المراغي]

كشف الاخوان عن وجههم بالموافقه عن التعديلات الدستوريه لانها تصب في مصلحتهم السياسيه رغم ضررها بمصالح الجماهير العريضه وترسيخها لديكتاتور اخر فعلا المتغطي بالاخوان عريان وفعلا هم يريدون الخير لانفسهم فقط ,,

[Howayda Ismail]

هل نحن نتقدم للامام ام للخلف

لا لاتخاذ الدين وسيله لتحقيق اهداف سياسيه

لا لكل الحركات الدينيه التى تريد ان تصعد على اكتاف الثوره لتحقيق مكاسب شخصيه لنفسها

لا لتسيس الدين

اظن دى دعوى لالغاء الدول المدنية الى الكل بيطالب بها

انا معك ايضا يامغتربة

لا لتسيس الدين

لا لاستغلال البسطاء لاغراض سياسية

[م تيمور المراغي]

الله اكبر ,,

وصلني الان معلومات مؤكدة ان شباب الاخوان المسلمين انضموا الى راي شباب ائتلاف الثورة الرافض للتعديلات ا لدستورية

وسيقومون من الان بحث الناخبين على التصويت بلا

يحيا شباب الثورة ,,

شبابك وشعبك يا مصر

[fatfouta]

عارفة يا مغتربة والله لما شوفت الصورة دى من شوية كده اتكتمت ماعرفتش اقول ايه

لكن بجد انتى تعليقك عالصورة رائع

وانا كمان معاكى انهم يقولوا احنا موافقين عالتعديلات الدستورية لكن مايقولوش ده واجب شرعى

بجد الاسلوب ده شئ مرفوض

احييك لتانى مرة

[capitshino]

كشف الاخوان عن وجههم بالموافقه عن التعديلات الدستوريه لانها تصب في مصلحتهم السياسيه رغم ضررها بمصالح الجماهير العريضه وترسيخها لديكتاتور اخر فعلا المتغطي بالاخوان عريان وفعلا هم يريدون الخير لانفسهم فقط ,,

كنت لسه داخل اقولك انك ماتحكمش على جماعة الاخوان المسلمين من 5 م قماش وربع كيلو بوية

واعتقد انهم صعب يخرجو بفتوى زى دى .

[التونسى]

بصراحه .. قبل حتى ما اقرا الموضوع .. لمحت جملة ((الموافقة عليها واجب شرعى )) والتى لا تخطئها العين او يغفل عنها اللب ...وانزعجت جدا جدا جدا بسببها .. لانى متوسم فى الاخوان خير .. ولا أظنهم حتى بهذا الغباء السياسى

فى اللافته لا يوجد اى اسم من اسماء الاخوان .. مكتوب فقط ان دى فتوى الشيخ المحلاوى.. مين ياترى الشيخ المحلاوى ده .. وايه علاقته بالاخوان؟؟؟

[masraweya]

بس فين شعار الاخوان؟؟

عموما من حق الشيخ المحلاوي يقول رأيه و اجتهاده

و من حق من يثق في علم و دين و خبرة هذا الرجل أن يأخذ برأيه

لكن السؤال .. ماذا عمن يخالفه؟

الاجابة عن هذا السؤال هي ما يحدد ان كان هذا فهما صحيحا للدين أو لا

تحياتي

[م تيمور المراغي]

كشف الاخوان عن وجههم بالموافقه عن التعديلات الدستوريه لانها تصب في مصلحتهم السياسيه رغم ضررها بمصالح الجماهير العريضه وترسيخها لديكتاتور اخر فعلا المتغطي بالاخوان عريان وفعلا هم يريدون الخير لانفسهم فقط ,,

كنت لسه داخل اقولك انك ماتحكمش على جماعة الاخوان المسلمين من 5 م قماش وربع كيلو بوية

واعتقد انهم صعب يخرجو بفتوى زى دى .

اتمنى ذلك يا كابتشو ,,

بنيت حكمي على معرفتي بموقف الاخوان من التعديلات الدستورية و ثقتي في من فتح التوبيك انه تاكد من المصدر ,,

اتمنى ان لا يستخدم الاخوان الدين كوسيلة لتحقيق طموحاتهم السياسية ,,

تقبل التحية

[Howayda Ismail]

فى اللافته لا يوجد اى اسم من اسماء الاخوان .. مكتوب فقط ان دى فتوى الشيخ المحلاوى.. مين ياترى الشيخ المحلاوى ده .. وايه علاقته بالاخوان؟؟؟

الشيخ المحلاوى هو امام وخطيب جامع ابراهيم بالاسكندرية حتى تم وقفه من قبل وزارة الاوقف سنة1996

وقد تم اعتقاله بامر من الرئيس الراحل السادات

لكن عاد بعد ثورة يناير وخطب فى نفس الجامع يوم جمعة الرحيل

[عصام أبوالفتح]

الله اكبر ,,

وصلني الان معلومات مؤكدة ان شباب الاخوان المسلمين انضموا الى راي شباب ائتلاف الثورة الرافض للتعديلات ا لدستورية

وسيقومون من الان بحث الناخبين على التصويت بلا

يحيا شباب الثورة ,,

شبابك وشعبك يا مصر

حلوة انضموا دى

يا تيمور الاخوان موقفهم واضح وانا جالى ايميل بعنوان نعم للتعديلات

وسألت كثير منهم بنفسى لانى كنت منهم فكرياً ومازلت صديق للكثيرين .. ورايهم نعم ..وبيرشحوا البسطويسى للرئاسة رغم انه مستنكر موضوع التعديلات ويطلب دستور جديد

وازيدك من الشعر بيت .. محدش منهم انضم لحملة المغتربين لان اصواتهم بالخارج مش اغلبية ومش مؤثرة فى كل الدول وبالتالى من مصلحتهم اقصاء اصوات المغتربين جميعاً

تفتكر الفكر الانتهازى ده له علاقة بالديمقراطية

[capitshino]

كشف الاخوان عن وجههم بالموافقه عن التعديلات الدستوريه لانها تصب في مصلحتهم السياسيه رغم ضررها بمصالح الجماهير العريضه وترسيخها لديكتاتور اخر فعلا المتغطي بالاخوان عريان وفعلا هم يريدون الخير لانفسهم فقط ,,

كنت لسه داخل اقولك انك ماتحكمش على جماعة الاخوان المسلمين من 5 م قماش وربع كيلو بوية

واعتقد انهم صعب يخرجو بفتوى زى دى .

اتمنى ذلك يا كابتشو ,,

بنيت حكمي على معرفتي بموقف الاخوان من التعديلات الدستورية و ثقتي في من فتح التوبيك انه تاكد من المصدر ,,

اتمنى ان لا يستخدم الاخوان الدين كوسيلة لتحقيق طموحاتهم السياسية ,,

تقبل التحية

هما لهم الحق ان يقبلو او يرفضو التعديلات الدستورية .. انما انا باتكلم عن الفتوى

مساءك سعيد يا فندم .

[capitshino]

للاسف الصورة انتشرت فى مواقع كتيرة . حتى على صفحة 6 ابريل عالفيس بوك وطبعا الناس نازلة شتيمة فى الاخوان .

وكده طبعا غلط ... مش معقولة كل واحد هيجى ياخدنا لفة ونقعد نسب ونشتم فى بعض من اولها

[م تيمور المراغي]

الله اكبر ,,

وصلني الان معلومات مؤكدة ان شباب الاخوان المسلمين انضموا الى راي شباب ائتلاف الثورة الرافض للتعديلات ا لدستورية

وسيقومون من الان بحث الناخبين على التصويت بلا

يحيا شباب الثورة ,,

شبابك وشعبك يا مصر

حلوة انضموا دى

يا تيمور الاخوان موقفهم واضح وانا جالى ايميل بعنوان نعم للتعديلات

وسألت كثير منهم بنفسى لانى كنت منهم فكرياً ومازلت صديق للكثيرين .. ورايهم نعم ..وبيرشحوا البسطويسى للرئاسة رغم انه مستنكر موضوع التعديلات ويطلب دستور جديد

وازيدك من الشعر بيت .. محدش منهم انضم لحملة المغتربين لان اصواتهم بالخارج مش اغلبية ومش مؤثرة فى كل الدول وبالتالى من مصلحتهم اقصاء اصوات المغتربين جميعاً

تفتكر الفكر الانتهازى ده له علاقة بالديمقراطية

بتكلم عن شباب الاخوان المسلمين في ائتلاف شباب الثورة ,,

الاخبار اللي عندي انهم مع الائتلاف في رفضهم للتعديلات وسيقومون بالتصويت بلا ,,

الخبر جالي من الحركة وليس من خلال متحدث باسم الشباب يا عصام ,,

هل لك اتصال باحد ( شباب الاخوان - عضو ائتلاف شباب الثورة ) وليس الجماعة نفسها

ياريت لو لك وتقول لي اسمه بالله قبل اجابته ,,

المهم ان خبرك يكون من لسان مصدر داخل الائتلاف بالله عليك مش اي عضو والسلام

تحيتي يا هندسة ,,

مع رقيق العتاب للاخوان المسلمين لمخالفتهم زملائهم من القوى السياسية الاخرى والله ,,

المفروض اننا كلنا واحد ,,

[التونسى]

فى اللافته لا يوجد اى اسم من اسماء الاخوان .. مكتوب فقط ان دى فتوى الشيخ المحلاوى.. مين ياترى الشيخ المحلاوى ده .. وايه علاقته بالاخوان؟؟؟

الشيخ المحلاوى هو امام وخطيب جامع ابراهيم بالاسكندرية حتى تم وقفه من قبل وزارة الاوقف سنة1996

وقد تم اعتقاله بامر من الرئيس الراحل السادات

لكن عاد بعد ثورة يناير وخطب فى نفس الجامع يوم جمعة الرحيل

ايوه افتكرته .. الرئيس السادات رحمه الله سبه فى احد خطبه لما قال عليه ((اهو مرمى زى الكلب فى السجن)) .. ويمكن يعتبر كمان من احد اسباب اهدار دم السادات والتعجيل باغتياله .. لكن معتقدش ان هو اخوانى .. وكمان تبعا لليوم السابع هو افتى ان المشاركه هى اللى واجب دينى ليس الا .. والدليل مش ألولوا .. الدليل طازه اهو فى اللينك ده

http://www.youm7.com/News.asp?NewsID=369527&SecID=65&IssueID=0

[مغتربة]

فى اللافته لا يوجد اى اسم من اسماء الاخوان .. مكتوب فقط ان دى فتوى الشيخ المحلاوى.. مين ياترى الشيخ المحلاوى ده .. وايه علاقته بالاخوان؟؟؟

الشيخ المحلاوى هو امام وخطيب جامع ابراهيم بالاسكندرية حتى تم وقفه من قبل وزارة الاوقف سنة1996

وقد تم اعتقاله بامر من الرئيس الراحل السادات

لكن عاد بعد ثورة يناير وخطب فى نفس الجامع يوم جمعة الرحيل

ايوه افتكرته .. الرئيس السادات رحمه الله سبه فى احد خطبه لما قال عليه ((اهو مرمى زى الكلب فى السجن)) .. ويمكن يعتبر كمان من احد اسباب اهدار دم السادات والتعجيل باغتياله .. لكن معتقدش ان هو اخوانى .. وكمان تبعا لليوم السابع هو افتى ان المشاركه هى اللى واجب دينى ليس الا .. والدليل مش ألولوا .. الدليل طازه اهو فى اللينك ده

http://www.youm7.com/News.asp?NewsID=369527&SecID=65&IssueID=0

قد يكون افتى بهذا فى مكان اخر و قد يكون هناك من اراد الزج باسمه عنوه

و لكن الكره فى ملعبه الان فان كانت فتواه فى هذه اليافطه حرفت عن معناها فليتقدم ببلاغ بذلك و الا اعتبرت موافقه ضمنيه منها بمحتواها

[عصام أبوالفتح]

انسى يا تيمور .. مفيش حاجة اسمها اخوانى وينضم لائتلاف شباب الثورة

دول مجموعة شباب ورور وعدد صغير اكيد ومش عارفين الامور بتمشى ازاى

وبيعبروا عن نفسهم ولو رفضوا التعديلات واعلنوا كده يبقوا منشقين عن الجماعة

اراء الجماعة جماعية .. لازم تفهم دى

انا على فكرة دلوقتى عضو بحزب الوسط وهو يضم الاخوان الاحرار او الليبراليين وعلى راسهم م ابوالعلا ماضى و د عصام سلطان وبرنامجهم رائع جدا وتجاوز كل تحفظاتى على استراتيجية وتكتيك الاخوان

[مغتربة]

للاسف الصورة انتشرت فى مواقع كتيرة . حتى على صفحة 6 ابريل عالفيس بوك وطبعا الناس نازلة شتيمة فى الاخوان .

وكده طبعا غلط ... مش معقولة كل واحد هيجى ياخدنا لفة ونقعد نسب ونشتم فى بعض من اولها

صدقنى استاذ كابتشينو

عرض الصوره ليس الهدف منها فتح المجال للسب او الشتم و لكن للتحذير من اتجاه فكرى معين لو لم ننتبه له جيدا سيفتح المجال الى ديكتاتوريه اشد و العن مما كنا نعانى منه لانها هذه المره ستكون مسيجه بالدين و اى مخالفه لها ستضعك فى قفص الاتهام انك تخالف الدين بشكل مباشر

هنا مكن الخطر و هذا ما يجب ان نحذر منه و بشده

[capitshino]

فى اللافته لا يوجد اى اسم من اسماء الاخوان .. مكتوب فقط ان دى فتوى الشيخ المحلاوى.. مين ياترى الشيخ المحلاوى ده .. وايه علاقته بالاخوان؟؟؟

الشيخ المحلاوى هو امام وخطيب جامع ابراهيم بالاسكندرية حتى تم وقفه من قبل وزارة الاوقف سنة1996

وقد تم اعتقاله بامر من الرئيس الراحل السادات

لكن عاد بعد ثورة يناير وخطب فى نفس الجامع يوم جمعة الرحيل

ايوه افتكرته .. الرئيس السادات رحمه الله سبه فى احد خطبه لما قال عليه ((اهو مرمى زى الكلب فى السجن)) .. ويمكن يعتبر كمان من احد اسباب اهدار دم السادات والتعجيل باغتياله .. لكن معتقدش ان هو اخوانى .. وكمان تبعا لليوم السابع هو افتى ان المشاركه هى اللى واجب دينى ليس الا .. والدليل مش ألولوا .. الدليل طازه اهو فى اللينك ده

http://www.youm7.com/News.asp?NewsID=369527&SecID=65&IssueID=0

قد يكون افتى بهذا فى مكان اخر و قد يكون هناك من اراد الزج باسمه عنوه

و لكن الكره فى ملعبه الان فان كانت فتواه فى هذه اليافطه حرفت عن معناها فليتقدم ببلاغ بذلك و الا اعتبرت موافقه ضمنيه منها بمحتواها

وممكن برده يكون ماسمعش عن الفتوى دى حتى الان .

عموما الافضل اخت مغتربة ان تغيرى عنوان الموضوع الى ان يجد جديد .

مساءك سغيد

[fatfouta]

تعليق من احدى المواقع

بما انى من الاخوان فبقولكم اذا كان ده اجتهاد من الشيخ المحلاوى وصح هذا الاجتهاد يبقى هو كده ليه اجران

واذا اخطأ فله اجر واحد وهو الاجتهاد

ويا ريت مانحملش الامور اكتر من محلها