قصه جميله

[pocy]

قصه اعجبتني وحبييت انقلها لكم

رجل تزوج من إمرأة... يصرف عليها وعايش معاها... وأنجب منها أطفال وتحبه ويحبها...

بس يحبها بدون فضفضة للمشاعر...صح هو يصرف ويلبي إحتياجات البيت بس ما يهتم ولا يكترث....

هو ما مقصر بس في نفس الوقت غير مبالي باللي يصير ما يتكلم معها اطلاقا الا قليلا لمده عشر سنوات يعيش معها مثل الغريب لا يتكلم ...

المهم بعد عشر سنوات جات زوجته الطيبة ذات العقل الراجح...

وأعطته شريط سمعي عشان يسمعه في السيارة وهو رايح الصبح العمل....

الرجال أخذ الشريط وشغل سيارته وحط الشريط.. وتوكل على الله للعمل...

أنتظر 20 ثانية ولم يبدأ الشريط في سرد محتواه... و40 ثانية مروا...

قدم الشريط شوية.. ولازال صامت.. بعد دقيقتين أتصل بزوجته..

وقال لها : يا بنت الحلال هذا الشريط ما بدأ وما فيه شي..

قالت له: أنتظر شوية بيبدأ.. بس قدمه شوية.. الرجال قدم الشريط...

ولازال صامت الشريط ... أتصل بزوجته وقال لها نفس الكلام ..وهي بعد طلبت منه تقدم الشريط..

وقدم الرجل الشريط و وصل للعمل بعد فترة زمنية تقريبا 12 دقيقة..

المهم الشريط لم يبدأ بعد.. وأول ما دخل المكتب .. أتصل بزوجته..

وقال لها: إنتي عطيتيني شريط بالغلط يمكن.. ما فيه شي الشريط...قالت له..

وأنت راجع اقلب الشريط..

خلص الرجال الدوام وقلب الشريط... وإللي صار نفس السالفة حصلت وهو راجع..

قدم شوية..!! وأتصال للزوجة.!! قدم شوية!! واتصال للزوجة!!.

المهم الرجال وصل البيت.. وعصب وقال لزوجته إنتي تضحكي علي...وووووو...

قالت له وين الشريط..؟؟ قال لها.. هذا الشريط.. قالت له أستريح..

جابت المسجل وحطت الشريط ورجعته من أوله... وقالت له .:تعال إسمع...

أنتظروا دقيقة, دقيقة ونص.. وقال الزوج: شفتي إنه الشريط فاضي...

قالت له: لا تستعجل.. أصبر شوية...صبر الرجال 5 دقايق... وقال لها نفس الكلام..

وهي بعد قالت له: أصبر شوية... خلص الصوب الأول..

وقلبت الشريط عالصوب الثاني...ونفس السالفة.. والرجال قالها: أنتي تضحكي علي؟؟ أو على نفسك؟؟ قالت له أصبر شوية .. قالها: خلاص ما أقدر أصبر..

جات المرأة وطفت المسجل وقالت: يا زوجي.. يا رجل.... مو قادر تصبر على الشريط نصف ساعة وهو فاضيلا يتكلم ..

وأنا المرأة صابرة عليك عشر سنوات وأنت فاضي لاتتكلم معي....

الرجل فهم قصدها وبعدها صلح حالهما... وتغيرت حالهما للأحسن من مجرد فكرة بسيطة... وراح يتكلم معها علي طول

القصه مثال للصبر والحكمه في نفس الوقت

سؤالى بقي من منا هذا الرجل ؟؟؟؟؟؟؟؟ ومن منا يسعي للتغير ام لابد ان ننتظر 10 سنوات حتى نقوم بالتغير ؟؟؟؟؟؟؟؟؟؟؟؟؟

أعزائي اريد أرائكم فى هؤلاء الازواج الذين لا يتحدثون كثيرا ؟؟؟؟؟؟؟؟؟؟؟؟؟

هل نعتبرهم مهملون زوجاتهم ............... مع العلم انهم يلبون رغباتهم ؟؟؟؟؟؟؟؟؟؟؟؟؟؟

هل نعتبرها طبع لا يتغير والمفروض على المرأة ان تتحمل ؟؟؟؟؟؟؟؟؟؟؟؟؟؟؟

هل تحاول تغير الطبع وان لم تتغير ما الحل ؟؟؟؟؟؟؟؟؟؟؟؟؟؟؟

تم تعديل 9 أبريل 2010 بواسطة pocy

[kitkat]

الرجل بطبعه لا يهوي الكلام الكتير

المفروض زوجته تفتح معاه موضوعات (موضوعات حلوة مش نكد) mil:

[SophiaAstrophy]

السلام عليكم ورحمه الله وبركاته

بحييكى على الموضوع جميل قوى يابوسى

بس هو فعلا مش كل الرجال بيهوه الكلام

انا اعرف صديقه ليه حاولت مع زوجها 11 سنه لحد فعلا مابقا بيتكلم معاها فى كل حاجه

كان الاول ولا بيسال ولا اى حاجه بس كان بيحبها هى واولادهم بس ماكنش بيتكلم خالص الا فى حدود لدرجه لاتتخيلها

لحد ماهى تعبت وغيرته فعلا وغيرته يطريقتها وباسلوبها

وهى عايزه الصبر جدا لانها مش غيرته فى يوم ولا اتنين لالا ده شوفى كام سنه

[pocy]

الرجل بطبعه لا يهوي الكلام الكتير

المفروض زوجته تفتح معاه موضوعات (موضوعات حلوة مش نكد) mil:

هو في برضه ست نكديه :cry1: wst:: :sad: :wub:

اوك انا معاكى بس اللى انا شايفاه فوق ده بوصفه بالخرس الزوجى وده بعتبره مرض فظيع بيأثر على كيان الاسره كلها وبجد انا شفت منه كتير

وربنا يخلينا بهارات الحياه (المشاكل الصغيره) هى اللى بتخلى والله اعلم للحياه معنى عند البعض

طب بالمناسبه دى احكيلكم موقف لزوج وزوجته وحصل قدامى واحده ست لما جوزها رجع من الشغل لسه هتحكى يومها حصل فيه ايه

راح جوزها قالها لو حكايتك مع العيال انا مش عايزه اسمعها انا مصدع لكن لو هتنمى على حد وفى سسبنس كلى اذا ن صاغيه

راحت تانى يوم قالتله اهه صح مش فلانه ....................... وسكتت

راح قلها ايه حصلها ايه؟؟؟؟؟؟؟؟؟؟؟؟؟؟؟

راحت قالتله ولا حاجه اتصلت علشان تطمن على العيال هههههههههههههههههه

[رضوي]

السلام عليكم ورحمة الله وبركاته

فيما يسمي بظاهرة الخرس الزواجي .............. وعدم وجود مجالات للحوار بين الزوجان ......... تحدث الكثير من المهتمين بالعلوم الاجتماعية

ولكن

بنظرة موضوعية جداً ................ لغة وأسلوب الحوار بين الزوجان ............ بل وبين أفراد الاسرة كلها ........... هي المحفز الأول لنجاح أي علاقة أسرية ......... حتي بين الآباء والأبناء

ولكننا في واقع الأمر وللاسف الشديد دائماً نغفل تلك الحقيقة .............. وتأخذنا مشاغل الحياه والجري واللف والسعي لكسب الرزق وبننسي اهم حاجة في حياتنا

وفجأة نكتشف الواقع المر

اننا اهلمنا نفسنا جداً ............. وللاسف الشديد احيانا بنكتشف الموضوع دة بعد فوات الاوان ........... يمكن بعد لما الهوة بين الزوجين تتسع ويصبح لكل منهما عالمه الخاص الذي يولي وجهه شطره بعيداً عن عالم الآخر

أو تتسع الفجوة بين أفراد الاسرة الواحدة وتتدمر ويصبح الندم بمثابة الوقوف علي الأطلال ......... يصبح بلا جدوي

المشكلة بقي الكبيرة

ان ساعات بيبقي فيه حوار ونقاش .......... بس من نوع ايه بقي

نقاش علي الامور الحياتية اليومية التي لاتنتهي ............ دة كويس جداً .......... ومطلوب اوي

لكن

ساعات بنغفل الجانب الروحي ........... بلاش نقول الروحي وخليها العاطفي بين الزوجين

زي ايه بقي

أحمد ومني متجوزين ................ أحمد بيحب مني ............. ومني بتموت في أحمد

لكنهم بينسوا يقولوا لبعض الكلام الجميل بتاع زمان ............ وينشغلوا في الدنيا .......... وتصبح العلاقة بينهم .........مادية فقط مع إغفال اي معنويات

ودة طبعاً من أكبر الفدائح في حياه الكثير من الازواج ............ بيبقي بيموت فيها ......... ومش بيقولها ........بيعتبرها من الرفاهية انه يقول لمراته كلمة حلوة ........... أو يصرح لها بمشاعره تجاها ......وفيه اولويات عنده تاني لازم يتكلموا فيها بدل تضييع الوقت في الكلام الفارغ دة ...........

يعني يسألها الولاد اخبارهم ايه في المدرسة وبيزاكروا ولا لأ ......... افضل بكتير

ودي بقي مصيبة ........... لا ............ كارثة

هما مش فاهمين ان الكلام الجميل دة هو الدينامو بتاع الحياه ........... لازم نحافظ عليه والا الدنيا كلها تبوظ

ربنا يهدي يارب

تسلمي يابوسي ياقمر علي موضوعك الجميل دة

[pocy]

السلام عليكم ورحمه الله وبركاته

بحييكى على الموضوع جميل قوى يابوسى

بس هو فعلا مش كل الرجال بيهوه الكلام

انا اعرف صديقه ليه حاولت مع زوجها 11 سنه لحد فعلا مابقا بيتكلم معاها فى كل حاجه

كان الاول ولا بيسال ولا اى حاجه بس كان بيحبها هى واولادهم بس ماكنش بيتكلم خالص الا فى حدود لدرجه لاتتخيلها

لحد ماهى تعبت وغيرته فعلا وغيرته يطريقتها وباسلوبها

وهى عايزه الصبر جدا لانها مش غيرته فى يوم ولا اتنين لالا ده شوفى كام سنه

الجميله صوفيا

حكايه صديقتك بتأكد القصه الجميله اللى فوق

بس ليه التغير بياخد كل الوقت ده

دى عمر تانى هو مفيش طريقه اسرع ؟؟؟؟؟؟؟؟؟؟؟؟؟

[ذهبية]

احييك على الدخول فى منطقة غاية ىف الاهمية فى حياة الزوج و الزوجة و هى اسا س العلاقة الحوار

بس استفسار ممكن

هو لية مطلوب دايما من الزوجة انها هى اللى تغير من جوزها و تصبر و تتحمل علشان يتغير

يعنى هو مش عارف انها مضايقة و ان دة هيعمل فجوة بينهم ما يغير من نفسة

هو لية دايما مجتمعنا بيتعامل معانا اننا الحلقة الاضعف حتى لو العيب مش فينا

يعنى انت عارف انك غلط و ان دة عيب بدل ما هو يغيرة لا مطلوب من الست الشاطرة الطيوبة انها تتعب و تبذل عرق

علشان البية يتغير

هو نجاح العلاقة دى مرهون عليا انا لوحدى هو يعنى لو اتكلم معايا انا بس اللى هاطير من السعادة و اغنى طول الليل

انى باعرف اخبارة

ماهو المفروض انة بررررضة انة يحب يحكيلى

ماهو المفروض برضة انة عايز يعرف راى فى حاجات تخصة

طالما انت عايش لوحدك و قافل على بقك قفل ممنوع الكلام .....بتتجوز لية ؟؟؟؟؟

اقعد فى بيتك و متظلمش بنات الناس معاك

الجواز يعنى مشاركة فى كل شىء ...

لو انا فيا عيب اغيرة علشانك

لو انت فيك عيب تغيرة علشانى

مش انت تعند و افضل انا اصبر و اصبر بالعشر و العشرين سنة لحد ما اطلع من بيتى الى قبرى و برضة ما تتغير

يعنى لو الست فيها عيب عايزين تقنعونى ان الراجل هيصبر عليها يا ولادة سنة و اتنين و عشرة علشان هى تتغير

اية الظلم دةةةةة؟؟

[pocy]

حبيبتى فى الله رضوى

كلامك سهل جدا وبسيط وفعلا شرحتى الخرس الزوجى بكل بساطه

ولكن لى تعقيب على المعنى الروحى او العاطفي فانا احس انك حصرتى الخرس الزوجى فالعاطفه

ولكنى والله اعلم ان لو مناقشه الامور الحياتيه ليس موجود فى الخرس الزوجى

الذي اقصده ان هناك من الازواج من يحملون الزوجه اعباء كل شئ حتى فى الامور الحياتيه بمعنى اخر هو يجبلها الفلوس اخر الشهر ويدهولها وانتى دبري حالك بقي

من مذاكره من لعب مع الاولاد من فسح من عزايم المهم انك مش تطلب منه حاجه او متكلمهوش في حاجه

وانا اعرف عينه واحده بسم الله ماشاء الله عندها اربع عيال بتشتكى ان جوزها ميعرفش عنهم حاجه بيجي من الشغل يتعشي ويقعد قدام الكمبيوتر ساعتين ويدخل ينام وحتى اجازته يوم الجمعه مش

بيقضيها معاهم لا بيقضيها على الكمبيوتر او بيروح يزور والدته وبس الاولاد بتشتكى انها مش بيشوفوا باباهم تخيلوا

وفى الحاله دى حتى الامور الحياتيه مناقشه حال البيت والاولاد ومناقشه الحاضر والمستقبل غير موجود

ده اعتقد مفهوم الخرس الزوجى والله اعلم ومش مقتصر بس على الامور العاطفيه ولا ايه؟؟؟؟؟؟؟؟؟؟؟؟؟؟؟

[pocy]

ذهبيه القلب والمحاورات اجمع (ملحوظه بس على جنب انا اسمي مكتوب عندكم فى البيت ولا لا لحسن انا غيرانه من سي السيد )

بصي بقي يا قمر

انا شايفه انك مضايقه قوى ان الست هى اللى تغير فى الراجل ومش العكس يمكن لان حب الزوجه للزوج دايما بيقي اقوى واوقات كتيره قوى بنلاقي زوجات بيغيروا من نفسهم وازواج بتغير من نفسها علشان

يعجبوا الطرف الاخر وعادتا العلاقه علاقه متابينه ومتلقيش علاقه متساويه ابدا ده بيحب ده اكتر او ده بيحب ده اقل

ثم دى حاجه متوارثه من زمان قوى وهى بتجري فى عروق اى امرأة وانها تضحي وتتنازل علشان المركب تمشي وده فعلا شايفاه بيحصل فى نماذج كتير

منكرش ان فى ازواج بيتنازلوا لكن ده هتلاقيه قليل قوى لانهم الازواج شافوا ابائهم من قبل وكيف ان الام هى التى تتنازل علشان خاطرهم فجرت العاده على ذلك

ثم ليه الست متنفعش تكون قاضيه لان بتحكمها مشاعر تأثر فيها وهذه المشاعر ليست موجوده عند الرجل بنفس القوه عند المرأه

ده طبعا وجهه نظر انا شايفاها فى كتير من النماذج بس الان للاسف لما بسمع كتير عن فلان طلق فلانه وعلانه خلعت علان بعد 10 ولا20 سنه زواج بسأل ليه الناس حصلها كده

ازاى الواحد بعد10 سنين عشره ممكن يطلب طلب زى ده سبحان الله

اتمنى انى الاقي ردود على اسئلتى

[رضوي]

حبيبتى فى الله رضوى

كلامك سهل جدا وبسيط وفعلا شرحتى الخرس الزوجى بكل بساطه

ولكن لى تعقيب على المعنى الروحى او العاطفي فانا احس انك حصرتى الخرس الزوجى فالعاطفه

ولكنى والله اعلم ان لو مناقشه الامور الحياتيه ليس موجود فى الخرس الزوجى

الذي اقصده ان هناك من الازواج من يحملون الزوجه اعباء كل شئ حتى فى الامور الحياتيه بمعنى اخر هو يجبلها الفلوس اخر الشهر ويدهولها وانتى دبري حالك بقي

من مذاكره من لعب مع الاولاد من فسح من عزايم المهم انك مش تطلب منه حاجه او متكلمهوش في حاجه

وانا اعرف عينه واحده بسم الله ماشاء الله عندها اربع عيال بتشتكى ان جوزها ميعرفش عنهم حاجه بيجي من الشغل يتعشي ويقعد قدام الكمبيوتر ساعتين ويدخل ينام وحتى اجازته يوم الجمعه مش

بيقضيها معاهم لا بيقضيها على الكمبيوتر او بيروح يزور والدته وبس الاولاد بتشتكى انها مش بيشوفوا باباهم تخيلوا

وفى الحاله دى حتى الامور الحياتيه مناقشه حال البيت والاولاد ومناقشه الحاضر والمستقبل غير موجود

ده اعتقد مفهوم الخرس الزوجى والله اعلم ومش مقتصر بس على الامور العاطفيه ولا ايه؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته

بوسي حياتي ............... صباح الخير ياجميل

معاكي حق .............. الخرس الزواجي هو الصمت الرهيب الذي يحدث بين الزوجان وعدم وجود أي حوار أو حديث مشترك فيما بينهما ......... حتي ولو فرض انهم اتكلموا في يوم ......... كلامهم بيبقي انتقادات لبعض

اللي عايزة اقوله من عدم البوح بالمشاعر دة غير مقصود من الزوجان .......... بس بيحصل نتيجة لضغوط الحياه ......... أو ان فيه مواضيع أهم يتكلموا فيها فبيغفلوا الجانب دة ............ ودة بيعيد كل البعد عن الخرس الزواجي

لكن بقي لما نيجي لحكاية صاحبتك............. هو دة فعلا الخرس الزواجي

أحد علماء الاجتماع حلل أسباب الخرس دة .............. في ان كلا من الطرفين بيخرج شحنته الكلامية في الخارج .......... يعني تلاقي الزوج يهزر ويضحك ويتكلم ويناقش ويجادل ويحاور ........ مع زملاؤة او اصدقاؤه ............. وهي كذلك مع صاحبتها او قريباتها .......... يدخلوا البيت هما الاتنين ماعندهومش كلام يتقال

ودة المدمر الحقيقي لاي زيجة

طيب نيجي بقي لموضوع الابناء

عارفة يابوسي

هيبطلوا يسألوا عن والدهم ............ مع الوقت هينسوا اصلا ان الشخص دة موجود في حياتههم ......... ودوره في ذهنهم هيبقي مجرد البنك ( ودة دور مش مهم بالنسبة ليهم علي فكرة ) ولما يكبروا اكتر هيبقي بالنسبالهم صفر علي الشمال ........... وهتفضل والدتهم بالنسبة ليهم هي كل الحياه

هما مش هيتعبوا .......... بالعكس هو اللي هيتعب بعد كدة .......... لما يبدأ يحتاجهم مش هيلاقيهم ............ وهيلاقي انهم بيقدروا والدتهم ويحبوها وهو ولا الهوا ............... دة اكيد بنسبة مليون في المية ............ دة اذا اصلاً الاولاد دول وصلوا لبر الامان وربنا كرم والدتهم وربتهم كويس

حد بقي يقولي يعني الاب المسافر بعيد عن اولاده بيتنسي ودوره بيبقي بنك متحرك فقط لاغير

اه ............. دة بيحصل فعلاً ............ لو الاب اكتفي انه بيسافر ويشتغل علشان يوفر لاولاده حياه كريمة وبس

لكن

احياناً الاب بيكون مسافر بس متابع كل لحظة في حياه الاولاد ......... عارف عنهم كل صغيرة وكبيرة ....... وبيبقي بعيد عنهم بأميال لكنهم بيخافوا منه وبيحبوه ويخافوا علي زعله لو عملوا حاجة غلط ومامتهم قالتلهم هقول لبابا

دة موضوع تعاون وشراكة بين اتنين في تربية اولادهم والحفاظ عليهم

هنلاقي في الحالة دي الام بتجمل صروة الاب ادام الابناء بكلامها عنه وحواره معاهم

وطبعاً النهاردة التواصل بين القارات سهل جداً ....... وسهل اوي يتابعهم

لكن في الحالة الاولي ........... الام نفسها مش هتقدر تجمل صورة الاب ادام ابناؤه حتي لو حاولت ........محاولاتها كلها بتبقي فاشلة لانها من جواها مش مقتنعة

وهنا ممكن اتكلم عن حكاية ناس اعرفهم .......... الأب مسافر ومشغول طول الوقت ....... مسئوليات دايمة ومافيش وقت خالص ......... وكان في زمن غيرنا ...... كان يادوب فيه تليفونات وبالعافية كمان لو قدر يتصل يبقي حظه حلو اوي لو سمع صوتهم وسمعوه ........ كان بياخد اجازة كل فترة بيقعد فيها مع اولاده ويتكلم معاهم ويعوضهم هما وزوجته عن بعده عنهم .......... والام وحدها من تتكبد مسئولية تربية خمس اولاد صبيان .......ومع ذلك عرفت تغرس فيهم حبهم لوالدهم وطاعتهم له ......... والاب كمان كلما اتيحت له الفرصه مابيبخلش علي اولاده بوقته او مجهودة ويقول مش كفاية بتعب علشانهم !!

علشان مانخرجش برة الموضوع

الحكاية كلها مسئولية مشتركة بين الزوج والزوجة ........... ولازم الزوجة بذكائها تفتح مواضيع وحوارات بينها وبين زوجها ......... حتي لو اتكلموا في ماتش كورة ........... بس يكون فيه بداية لحوار ياخدنا بعد كدة للكلام في كل شيء

ولا أنكر ان فيه ناس اصلا ماعندهومش استعداد لتحمل المسئولية ........... فبيرميها علي عاتق الزوجة ......... وبيفتكر ان دوره ينحصر في جمع المال فقط لاغير ........... في الحالة دي اسمحولي ........ دة سوء اختيار في البداية

[لماضة مصرية جدا]

السلام عليكم و رحمة الله و بركاته

متابعة حوراتكم.....لانها بتفكرني جدا بكل قعدة اقعدها مع اصحابي المتزوجات

أه فيه مطلب جماهيري......"عايزة اتكلم....عايزاك تشوفني....عايزاك تحس ان احنا اتنين مش انت و بس"

و دي اكتر 3 عبارات موجعة جدا بسمعها مؤخرا

كل ما اسمع الجمل دي.....اقول لنفسي الراجل مش غلطان.....آه محدش يضرب....الست هي اللي غلطان....بس مش الست مراته..... لا الست أمه

عارفين ليه....تعالوا نبص علي تربية الولد و البنت

البنت من وهي صغيرة بتلعب بالفناجين و العاب باربي اللطيفة جدا اللي بتختزل كل دورها في الدنيا انها تلبس و توضب و ترتب المطبخ و بعدين تتزوق.....مش ده تعليم مبكر جدا ان البنت بتشيل المسئولية حتي و ان بدت انها مسئولية بيت

الولد بقي...ع الناحية التانية.....بيتربي انه راجل......حدش اخده كده ع جنب و قاله هي يعني ايه رجولة.....هي يعني انك تنزل تشتري الطلبات.....هي انك تروح توصل اخواتك للمدرسة.....هي انك مافيش حاجة اخرج مع نفسي.....لما نشوف راي البيت ايه

التربية...بتفاصيلها الصغيرة هي اللي بتفجر المشاكل الكبيرة بعد كده في الجواز

برضه مش بلوم ع الراجل عارفين ليه.....عشان احنا بنفتكر انه فاهم و مطنش....... لا ببساطة هو مش عارف....مش عارف يعني ايه يتحمل مسئولية...مش حاسسها مترباش يفكر في حد غير نفسه

الراجل بيروح البيت الله يكون في عونه شقيان من الشغل...تمام.......(و خلينا ناخد النموذجده.... مش هناخد نماذج آباء مثلا تخلوا عن مسئولياتهم تماما)....بيروح البيت عايز ترفيه لنفسه......آه حقه.....بس ناسي برضه انه مش عايش لوحده........نسي ان مهما الست كانت قوية و حكيمة متقدرشي تربي طفل لوحدها....و دي وجهة نظري الخاصة

فيه فرق كبير بين الطفل اللي بيكبر مع ام......و اللي بيكبر مع ام و اب.....و اب هنا يعني دفا اب...مش اسم في شهادة الميلاد

مؤمنة جدا بالتغيير.....بس طويل النفس....و اللهم طولك يا روح

كنت بسمع حاجة في التلفزيون بتقول.....و ماله لما يبقي التغيير ياخد سنة و لا اتينين....الله ما احنا داخلين الجواز و مش طالعين منه يعني قاعدين قاعدين...طب ما نقعد بشكل يريحنا...احنا الاتنين

عارفة امتي يا بوسي الست بتطلب الطلاق او الخلع بعد 10 و لا 25 سنة..................اوعي تنصدمي..........لان امرأة زي دي...مش معناها فشلت في التغيير........لا.....الراجل ده سقط من عينيها تماما.... المرأة اللي بجد متقدرشي تعيش مع شبه رجل......بس الرجل يقدر جدا يعيش مع اشبا ه النساء

حوارك صحي جدا.....و طبيعي جدا.....و انساني جدا..... لان ده معناه ان لسه فيه فطرة سليمة بتقول....انا اعمل ايه عشان اكون احسن

و محدش هيدي التاني وصفات سحرية اعملي كذا و متعمليش كذا

كل واحدة عندها جوزها....تحطه كده في دماغها....أه تحطه في دماغه....يعني تعرف مفاتيحه من اول ما يكح الصبح و هو صاحي من النوم....لغاية ما يكح و هو بيتنحنح داخل من بابا الشقة...لغاية....ما يكح برضه الكحة الاخيرة بتاعت طلوع الروح...(بعد الشر عنك طبعا يا حبيبي... )

بس متحسسوش انها حاطاه في دماغها....بس خلاص....و هتلاقي مليون طريقة و طريقة...(زي اختنا الثورجية بتاعت الشريط الفاضي...و الله دماغها عالية..... ).............

و اذا ما لقتش اها اسمها حاولت برضه و كله باجره و ثوابه...و هنيالك يا فاعل الخير و الثواب.....

أتصدقوا بقي...................انا ابتديت اوصل لقناعة فعلا...

ان نفسي اقلب راجل...بس مش عارفة ازاي...محدش يضحك عليا

حياتهم بجد اسهل و الذ من حياتنا

ربنا كريم

صباحكم امنيات مش مستحيلة...و ومش هنستني لما ندعك الفانوس....العفريت خارج نطاق الخدمة.......

[pocy]

الا هو فين رأى الرجال فى الموضوع ده ؟؟؟؟؟؟؟؟؟؟؟؟؟؟؟؟؟؟؟؟؟؟

راجعه كمان شويه للتعقيب

رضوى ولماضه كلامكم فى الجون بصراحه

شويه وراجعالكم ان شاء الله

[لماضة مصرية جدا]

الا هو فين رأى الرجال فى الموضوع ده ؟؟؟؟؟؟؟؟؟؟؟؟؟؟؟؟؟؟؟؟؟؟

راجعه كمان شويه للتعقيب

رضوى ولماضه كلامكم فى الجون بصراحه

شويه وراجعالكم ان شاء الله

يا بنتي رجالة مين.....هو مش احنا فطرناهم و نزلناهم الصبح عشان يعزقوا....و احنا قعدنا و رشقنا ع اللاب توبات....(ده جمع تكسير)

متنسيش بقي كمان شوية تتصلي عليه تقوليله...يجيب دلفري و هو راجع.....

يا ربي هنقطع نفسنا....ما احنا شقيانين اهه طول النهار و الليل ع اللاب توبات...(جمع تكسير برضه اخو اللي فوق بس من ام تانية... )

============================

ع جنب بقي

العزيزة جدا أغابي اهدتنا مقالا جميلا في التوبيك بتاع اذاعة الصباح

اقتبس منه الاتي

داء «الخرسوفينيا» الخرس الزوجي

كتب دلع المفتي :

سأتحدث عن النكد الزوجي، فهو أرحم وأخف وأهضم. فإليكم هذا الحوار:

- مازلت زعلانة من زوجك؟

- .............!!

- هل هناك امرأة أخرى؟

- لا لا لا لا

- إذًا.. ما عندك سالفة.. والحق عليك.

- كيف؟ وهل لا يوجد خلاف بين الرجل وزوجته إلا على امرأة أخرى؟....طب الحمد لله دي مافيهاش قلق اصل نظره ضعيف...

- حين لا يكون في الجو امرأة أخرى، فكل المشاكل الأخرى محلولة وغالباً الحق عليك.

- كيف يمكنك أن تكون متأكدا أن الحق عليّ وأنت لا تعرف ما المشكلة أصلاً، وهو «أبكم» لا يتفوه بكلمة لأحد؟

- الرجل لا يسكت إلا عندما يشعر انه مظلوم.

- سكوته هو أصل المشكلة. أحيانا أشعر أنه مصاب بداء «الخرسوفينيا»، وهو اسم ابتدعته أنا من كثرة ما يقتلني سكوته.

- الرجل يسكت عندما لا يجد شيئاً نافعاً معها.. فيختصر على نفسه كثر اللغو.

- هل هو طبع عام في الرجال جميعا؟

- لا.. الرجل المحترم هو الذي يسكت، أما الغوغاء فهم لا يسكتون، وصراخهم يسمعه الجيران.

- ولماذا لا يشتكي؟ لماذا لا يعترض؟ لماذا السكوت إذا؟

- هذه وسيلة الرجل السلمية للاحتجاج المدني وهي أرقى وسيلة للاعتراض.

- طيب والحل؟

- لا حل. المشكلة أن الرجل يعامل المرأة كما يعامل رجلا مثله، بينما المرأة تريده ان يعاملها مرة كطفلته المدللة ومرة كندّ له، ومرة كمتفوقة عليه، ومرة كضعيفة مستكينة، وهكذا تضيع الحسبة عند المسكين فيخلط الأدوار.

- نهايته؟؟

- لا نهاية في الأفق يا عزيزتي.. سيظل الأزواج يتشاجرون على مواضيع تافهة، وستظل الزوجات تتفنن في طرق «الزعل والحرد»، وسيظل الأزواج يخترعون طرقاً جديدة للصلح!

وتوتة توتة.. ولن تخلص الحتوتة!

بس خلاص

متنسيش الدلفرييا فكيهة بقي.......

فوتك بعافية

[ام نور محمود]

احييكي يابوسي على التوبيك الجامد ده

انتي عارفة ؟

انك تغيري حد فعلا شيء صعب جدا جدا

لدرجة اني استسهلت واتغيرت انا

اني عارفة جوزي تقريبا كل يوم يسمعني الجملة دي : انتي ساكته كده ليه ماتتكلمي معايا

الاول كنت بعمل كده نكايه فيه عشان احسسه بالاحساس اللي طول الوقت ملازمني وقلت يمكن يعرف ان الانسان عشان يحس انه موجود لازم يسمع صوت انسان تاني ويكون الصوت ده خارج من كائن حي مش من تلفزيون ولا لاب توب

بس بعد شويه ابتديت احس ان انا كده مرتاحة .. مش محتاجة اكلم حد ومش محتاجة حد يكلمني

وبعد شويه تانيين اتحول الاكتفاء الى استغناء .. مش عايزة اكلم حد ولا عايزة حد يكلمني

انا واللاب توب وبس وحتى صوت اللاب توب مقفول طول الوقت

وبنتي ام اربع سنين ماشيه بخطى ثابته لنفس المكان

انتي عارفه يابوسي اني حققت انجاز دلوقتي

ده اطول رد اكتبه من يوم ماجيت هنا

راجعي ردودي هاتلاقيها كلها كلمتين وبس

امانه عليكي ياشيخة لو اكتشفتوا طريقة تنفع مع الخرس ده تبقوا تبعتوا حد يطبقها عليا انا وجوزي وبنتي

فوتكم بعافيه

[HanaaOsama]

احييكي يابوسي على التوبيك الجامد ده

انتي عارفة ؟

انك تغيري حد فعلا شيء صعب جدا جدا

لدرجة اني استسهلت واتغيرت انا

اني عارفة جوزي تقريبا كل يوم يسمعني الجملة دي : انتي ساكته كده ليه ماتتكلمي معايا

الاول كنت بعمل كده نكايه فيه عشان احسسه بالاحساس اللي طول الوقت ملازمني وقلت يمكن يعرف ان الانسان عشان يحس انه موجود لازم يسمع صوت انسان تاني ويكون الصوت ده خارج من كائن حي مش من تلفزيون ولا لاب توب

بس بعد شويه ابتديت احس ان انا كده مرتاحة .. مش محتاجة اكلم حد ومش محتاجة حد يكلمني

وبعد شويه تانيين اتحول الاكتفاء الى استغناء .. مش عايزة اكلم حد ولا عايزة حد يكلمني

انا واللاب توب وبس وحتى صوت اللاب توب مقفول طول الوقت

وبنتي ام اربع سنين ماشيه بخطى ثابته لنفس المكان

انتي عارفه يابوسي اني حققت انجاز دلوقتي

ده اطول رد اكتبه من يوم ماجيت هنا

راجعي ردودي هاتلاقيها كلها كلمتين وبس

امانه عليكي ياشيخة لو اكتشفتوا طريقة تنفع مع الخرس ده تبقوا تبعتوا حد يطبقها عليا انا وجوزي وبنتي

فوتكم بعافيه

بعد مرحله انه يحس بنفس الشعور الي حضرتك كنت طول الوقت حاسه بيه

ليه مكانش فيه وقفه هنا,,,, يعني جمله : انتي ساكته كده ليه ماتتكلمي معايا ليه مكنش بعدها حوار عن الاسباب

حضرتك متخيله انك في مرحله تعايش سلمي مع النفس و انك مرتاحه كدا و ده مع الوقت غلط

بين جميع الازواج مشاكل و احساسيس كتير متناقضه بس الحل عندما تصل المشكله لليأس في التغيير هو الحوار اولا

[شيدوان]

انا لا اعتبر صمت الانسان عن شئ يستحق الكلام صبرا ، وانما نوع من البرود وبلادة الحس... والتى استطاعت ان تتحمل الحياه مع زوجها 10 سنوات لمجرد انه يقدم لها ما تحتاجه من ماديات هى انسانه لا تستحق التعاطف معها على اغلاق فمها ، ولا تستحق التصفيق لها عندما فتحته وعلى استحياء بعد عشر سنوات ،لتقول للذى يعيش معها انها موجوده ومنتظره ومستعده لقبول تنازله واحساسه هو الآخر بانها تعيش معه....

اذكر مثلا كانت جدتى تذكره دائما فى مثل هذه الحالات ... جوزك على ما تعوديه وابنك على ما تربيه

واعتقد ان هذه الزوجه قد عودت زوجها منذ البدايه على انها مجرد شئ فى البيت له مهام محدده ، يجب ان يؤديها فى صمت وخضوع دون ازعاج او تعكير مزاج صاحب البيت

شكرى وتحياتى

[لونا]

حلو الموضوع ده يا بوسي .. زي كل مواضيعك :closedeyes: :closedeyes:

تخيلي لس واحدة صاحبتي مكلماني من يومين عن الموضوع ده .. :waf:

سألتها سؤال واحد .. إنت بقى لك 7 سنين متجوزة ؟ .. قالت آه

قلت لها عادييييييي خاااااااالص ... دي مرحلة الخرس الزوجي ...بعد السنة السابعة من الزواج.. + أو - سنة يعني من 6 إلى 8 سنين :hi:

و أنا مريت بيها و أعرف ناس كتير مروا بيها..

و بيصاحبها كمان مشاكل كتيرة بين الزوجين.. مشاكل ما حصلتش قبل كدة ..و عادة ما بتحصلش بعدها

و لما صاحبتي سألتني عن الأسباب .. الحقيقة إحترت

بس في إعتقادي إن الزوجين في السنين الأولى .. بيتعرفوا على شخصيات بعض .. و ردود أفعال بعض

و بيحاولوا في خلال الفترة دي .. إنهم يمرروا مطالبهم و آمالهم للطرف الآخر .. يعني أنا باحب إيه و إيه اللي بيضايقني

و لما مايحصلش تجاوب من الطرف الآخر.. بتبدأ الخلافات .. مش معنى كدة إن مافيش خلافات قبل كدة

و لكن الخلافات اللي بعد 7 سنين بتكون خلافات مصيرية .... bv:-

يعني كل واحد عرف عيوب التاني .. و عايز يغير العيوب اللي مش قادر يتقبلها..

و كل طرف ماعندوش إستعداد إنه يصبر أكتر من كدة على عيوب بعينها في الطرف الآخر

و هنا بيحصل صدام .. يا إما مشاكل و خلافات .. يا إما خرس تاااام

و في الغالب الإتنين مع بعض..... :bro:

صحيح التغيير مش بيكون سهل ... لكن فيه حاجات ممكن تتغير مع مرووووور الوقت...

العمر الطويل ليكم

و نكتفي بهذا القدر.......

[joo]

[joo]

على فكرة يا بوسى موضوعك دة خلانى احس بالذنب علشان كدة انا بهدى الاغنية دى لمراتى

http://www.youtube.com/watch?v=NAQOAKQSjdA

تم تعديل 10 أبريل 2010 بواسطة joo

[pocy]

رضوى كلامك ممتاز وواضح ان فى قدامك نماذج واضحه

الاهم من كده اننا لازم نحاول بقدر الامكان اننا نستفاد من تجارب الاخرين واننا مش نكررها فى حياتنا

لماضه لو ان التربيه هى الاساس يبقي معنى كده اننا جميعا اتربينا على نفس التربيه وبالتالى الموقف ده هيتكرر مع جميع الافراد والله اعلم لان معظمنا اتربي على انه يلعب بي لعب باربي ويمثل دور الام والمدرسه والله انا وكل مدرستى كنا بنتعامل بهذه الطريقه ومأكد لعبتوا كذا مره دور الام مع اولادها او دور المعلمه مع التلاميذ

بس ااكد ليكى ان مداخلتك ثريه جدا بالنقاشات وهبقي اخدك كده على جنب ونقاشها براحتنا