حد يعرف حواديت حلوة

[Farah]

قصة الساحرة الشريرة
قصة أمنا الغولة
قصة أم الشعور
قصة أم أربعة و أربعين 
قصة ريا و سكينة (و مش ها جيب سيرة حسب الله!)
قصة مرات جحا اللي طلعت عينة
قصة مرات معروف الأسكافي و حكاية الكنافة ام عسل

وفين ست الحسن والجمال

[فــيــروز]

على رايك يا فرح :D

وفين قصة البجعات المتوحشات؟ clp:: التى تعلى من قيمة الاخوه :D

و الملك عادل

التى تعلى من قيمة العمل :D

و دنانير لبلبه non::

هى ايضا تعلى من قيمة العمل

احنا عارفين كل حاجه بس مدكنين mfb:

تم تعديل 1 يوليو 2004 بواسطة فــيــروز

[nashwa]

انا لسه مابقتش ام .. يادوب مشروع ام على وش ولاده كمان كام شهر ان شاء الله ... لكن بحب كتب الاطفال .. لدرجه ان كان موضوع الماجستير بتاعى كان تصميم كتب للاطفال قبل سن المدرسه ... بصراحه كانت تلاكيك علشان ارسم والون زى الاطفال ... عاجلا ححتاج خبرات السابقين فى الامومه clp::

من فتره اشتريت كتاب قصص للاطفال عباره عن 7 قصص من بلاد مختلفه .. ايه اللى فكرني بيه وقلبت المكتبه راسا على عقب (حرتبها بكره) قصه الدجاجة الحمراء والثعلب .. افتكرت انى قرات القصه دي قبل كده وبصراحه مادخلش فى عقلى فكره ان الثعلب كان يقدر يسمع صوت الدجاجه فى اول القصه وبعدين اضطر يمشى مسافه علشان بيته كان بعيد (شغل عيال غلسه بتوع اليومين دول)

اعدت قراءه القصه .. ححاول اترجمها ومش عايزه تريقه لو سمحتم دا مستوى الانجليزى الصعيدى بتاغى ...

الديك والفأر والدجاجه الحمراء (المصدر فرنسا .. والله اعلم)

كان ياما كان .. ياساده ياكرام ومايحلى الكلم الا بالصلاه عل النبى صلى .... كانت الدجاجه تعيش مع الديك والفأر سويا في منزل نظيف جميل مرتب ..

وعلى الجانب الاخر من التل كان تعيش عائله من الثعالب مكونه من ثعلب كبير و4 من الثعالب الصغيره .. وكان منزلهم مهدم وغير منسق .. وكان فى استطاعتهم ان يروا منزل الدجاجه واصدقائها من علي بعد ...

استيقظت الثعالب الصغيره ذللك الصباح جائعه جدا يشتكون لوالدهم الثعلب الكبير ويبكون ... الثعلب الكبير قلهم أتهد ياواد انتى وهوه ... النهارده حيكون عندنا وليمه عضيمه .. اشي ديول وفراخ وكمان فار على البيعه ... وكلهم ماشاء الله ملظلظين .. جهزوا انتم النار والميه والتحابيش وانا مسافه السكه وارجع ...

اثناء ّذللك في بيت الفرخة واصدقائها .. كان توجد نفس المشكله اليوميه التى تعانى منها الدجاجة .. وهى استلقاء الفأر والديك فى حال كسل دائم ويتركون كل اعمال المنزل من طهو وتنظيف وكل شئ من نصيب الدجاجه التى لم تكن تشتكى ولكن كانت غير سعيدة لعدم مساعدتهم لها واسترخائهم طول الوقت .. (حتى فى الحيوانات ياربى) .. وعندما تطلب منهم عمل شئ مثل مساعدتها فى اعداد الفطور ... يتهرب كلا منهما على حدا ... مش انا .. مش انا... فتضطر الدجاجه لعمل كل شئ لوحدها

.. وفى ّذلك الوقت والدجاجه منهمكة فى اعمالها المنزليه والديك والفار فى حاله كسل استرخاء .. كان الثعلب قد اقترب من المنزل وبالفعل سمع صوت اقدامه كلا من الفار و الديك الذى ظنه ساعى البريد ... وسأل الفأر ان يذهب ويلاقاه ... فذهب الفار وهو فى حاله نعاس ولم يمهله الثعلب ليفوق من نعاسه وامسك به ووضعه فى جواله .. وعندما وصل الثعلب لمكان الديك المسترخى كان بامكان الديك ان يصيح قبل ان يمسك به الثعلب ويضعه فى الجراب مع الفار .. وعندها سمعت الدجاجه الدوشه فجاءت مسرعه قلقه على اصدقائها ولكن الثعلب لم يمهلها ووضعها هى الاخري في الجراب .. ومشى فى الطريق الى بيته سعيدا .. لكن داخل الجراب لم يكن الوضع مريح وجيد بالنسبه للدجاجه واصدقائها الذين بدا يشعرا بالاسف على عاداتهم وانانيتهم وكسلهم واعتذرا للدجاجه ... التى كانت منهمكه فى التفكير كيف يتغلبوا على هذا الموقف الدى ممكن ان يؤدى بهم فى بطون الثعلب واولاده ... فى تلك اللحظه تذكرت الدجاجه انها دائما تحتفط بادوات الخياطه تحت جناحها معظم الوقت .. فاخبرت الديك والفار الا يقلقا .. فى ذللك الوقت بدا الثعلب يشعر بالتعب من الحمل الثقيل فقرر ان يستريح ولكنه نام تحت الشجره وعندها بدات الدجاجه بحذر فى فتح فتحه صغيره بمقص الخياطه ... وطلبت من الفار ان يخرج اولا وان يبحث عن حجر يكون فى حجمه ويحضره هنا بدون دوشه .... وكذللك الديك وتحت له فتحه اكبر وطلبت منه ان يحضر ايضا حجر بحجمه .. وبعدها خرجت الدجاجه من الجراب واحضرت ايضا حجر فى حجمها تقريبا وتعاون الاصدقاء فى وضع الحجاره بالجراب وتولت الدجاجه خياطه الفتحه وابتعدوا بحذر وبعدها عدوا الى منزلهم ..

قام الثعلب من النوم ووضع الجراب على ظهره الذى بدا اثقل من السابق ولكنه استمر فى طريقه ولكنه قبل ان يصل الى المنزل تعثرت قدمه وتدحرج من التل وهو ممسك بالكيس ظانا ان مايزال به الدجاجه واصدقائها ولكنه وقع فى الماء الذي غطس فيه بسب الحجاره ولم يظهر له اى اثر منذ ذلك اليوم ....

فى منزل الدجاجه والديك والفار كانت هناك حاله من النشاط والتعاون واصرا كلا من الديك والفار ان تستريح الدجاجه فى هذا اليوم وعلى احسن كرسى كمان فى البيت وعاشوا سعداء جميعا بدون ازعاج من الثعالب مره اخري ....

توته توته خاصت الحدوته حلوه ولا ملتوته

فرح .... بدون زعل من التحوير

.... مع محبتى

non::

[Farah]

nashwa كتبت

فرح .... بدون زعل من التحوير

لا زعل ولا حاجه ربنا ما يجيب زعل

علي فكره دي مش قصصي انا نقلاها من موقع قصص اطفال

[kfaya]

حواديت كلها مسلية و مفيدة و ياما الواحد كان بيحب يسمع بون ملل جميع أنواعغ الحواديت ....

بس سؤال للاخت فرح .. فى حدوتة جحا هو تنور يعنى اية ؟؟ فرن بلدى بتاع الفلاحين ؟؟؟ بش مش صعب شوية ان جحا يطلب الفرن !!! يعنى مثلا حاجة اسهل شوية ...

[kfaya]

حدوتة من بتوع الغابة اللى بتحبوها ... اسمها الثعلب المكار و الحلة فوق النار .....

كان يا مكان يا سعدا يا كرام ولا يحلى الكلام الا بذكر النبى علية الصلاة و السلام ....

كان يعيش فى الغابة ارنب كبير و ابنة الارنب الصغير فى سعادة و هناء ... فى يوم من ذات ايام الشتاء حيث الغذاء قليل جاع الارنب الصغيرو طلب من الارنب الكبير الطعام ... خرج الارنب الكبير ليبحث عن الطعام و حذر الارنب الصغير من الخروج من الجحرحتى لا يأكلة الثعلب ....

الارنب الكبير غاب و غاب و غاب ... الارنب الصغير جوعان جوعان جوعان ...

خرج الارنب الصغير من الجحر ليبحث عن الارنب الكبير ... و هنا قابلة الثعلب المكار , و عرف انة جوعان فقال لة تعال معى انا عندى طعام كثير.. مشى الارنب الصغير مع الثعلب المكار و الثعلب فى نيتة ان ياكلة طبعا ....

عاد الارنب الكبير و معة برسيم كتير و أخذ يبحث عن الارنب الصغير فلم يجدة .... فخرج الى الغابة يبحث عنة .. شاهد الفرخة فقال لها فرخة يا فرخة ما شفتيش الارنب الصغير , قالت لأ .. قال لها تعالى دورى معايا .. بعد شوية شاهدوا الديك الرومى قالوا لة ياديك يا ديك , ما شفتش الارنب الصغير , قال لأ .. قالوا له تعالى دور معانا ... بعد شوية قابلوا البطة .. و جرى نفس الحوار ... ثم قابلوا الوزة ثم المعزة ( و هكذا ممكن تطول الحدوتة زى ما الواحد عايز بعدد كل الحيوانات و الطيور ) ..

حتى قابلوا الهدهد و الذى قال لهم انه رأى الارنب الصغير ماشى مع التعلب المكار فى طريقهم الى جحر التعلب .... جرت كل الحيوانات الى بيت الثعلب المكار و كان لة فتحة فى اعلاة .. نظروا منها جميعا فشاهدوا الثعلب المكار و الارنب الصغير و حلة كبيرة فوق النار فيها ماء يغلى ( طبعا الثعلب كان ناوى يسلق الارنب فى الحلة دى ) .. فكرت الحيوانات فى حيلة لاتقاذ الارنب الصغير ... و قف الارنب الكبير على حافة فتحة السقف و نادى على الارنب الصغير ... هنا قال لة الثعلب المكار تعالى معنا فنحن نجهز الطعام .. قال له الارنب الكبير لا أستطيع النزول تعالى ساعدنى ... فقفز الثعلب لاحضار الارنب الكبير و يأكلهما مع .. فتعاونت كل الحيوانات و الطيور فى دفع الثعلب حتى سقط فى حلة الماء المغلى ....

الارنب الصغير قال للارنب الكبير توبة انى مسمعش الكلام تانى و رجع الجميع سعداء فى امكان ....

و توتة توتة فرغت الحدوتة حلوة ولا ملتوتة ....

[Farah]

kfaya كتب

فى حدوتة جحا هو تنور يعنى اية ؟؟ فرن بلدى بتاع الفلاحين ؟؟؟ بش مش صعب شوية ان جحا يطلب الفرن !!! يعنى مثلا حاجة اسهل شوية ...

الللي انا فهمته من الحكايه ان التنويره دي عباره عن لمبه بجاز من بتاعة زمان عشان كده بتنفع تتحرك وكمان تتكسر

[Farida]

ايه ده كله ايه ده كله (على رأى محمد صبحى)... النهارده اتغدينا و حا ننام على حدوتين من الحواديت الحلوة دى ...... ما شاء الله يا فرح انتى غلبتينى فى حكايه الحواديت الله يكرمك يا رب ...ادينى كمان و كمان

[Farah]

علي فكره يافريده انا مبعرفش في الحكايات قوي لما ولادي كانوا صغار كانت الحدوته الوحيده هي القطط باانواعها من الخيال بس الايام دي وجدت موقع للاطفال وفيه قصص عشان كده نقلتها

[Farida]

كان جحا بيحب يستلف من جيرانه و فى مرة ذهب لجاره و قال له ممكن استلف الحله الكبيرة بتاعتك الجار قال له اتفضل و بعد يومين خبط جحا على جاره و هو شايل الحله الكبيرة و معاها حله صغيره و قال لجاره الف مبروك الحله بتاعتك كانت حامل وولدت الحله الصغيرة دى خدها ....الجار الطماع طبعا ما كانش مصدق الحكايه دى بس علشان طماع شكر جحا و قعد يفكر انه يستغل الحكايه دى و فعلا خبط على جحا و اعطاه طقم الحلل بتاعه كله و قال له ابقى شوف مين الحامل فيهم و هاتى لى ابنها و مشى و فضل ينتظر اسبوع بحاله و بعد اسبوع قلق و خبط على جحا فتح له جحا و هو بيعيط و قاله انا اسف ما رجعتلكش الحلل هى فعلا كلها كانت حامل بس ماتت و هى بتولد ...الجار صاح باعلى صوته هى الحلل بتموت ...رد جحا قال له اشمعنى صدقت انها بتولد الحلل اللى بتولد ممكن تموت و قفل الباب فى وش جاره الطماع ..... :)

[Farah]

عصام والساعة

تك..تك..تك..

أرهف عصام السمع، وراح يتابع بكلتا عينيه عقرب الثواني في الساعة المعلقة على الحائط، كان العقرب يدور في قفزات رتيبة ذات إيقاع مميز.. تك..تك..تك.. انطبعت الصورة لأول مرة.. فهو ممن لا يجلسون طويلا في المنزل.. ينام في الليل.. ويستيقظ في الصباح ويحمل كتبه بعد أن يتناول وجبة سريعة وينطلق إلى المدرسة، وهناك يلعب في الساحة مع بعض أصدقائه حتى يستمع إلى الجرس، وفي غرفة الصف يسأله المعلم عن واجبه، الحفظ.. الفهم.. النسخ.. التحضير.. ولكنه يعجز عن الإجابة، ويشعر للحظات فقط بتأنيب المعلم الذي يطلب منه أن يهتم أكثر بدروسه، فيهز رأسه موافقاً ثم ينطلق إلى البيت.. وها هو الآن يرنو إلى الساعة، ويستمع إلى صوتها المميز، ويحملق بعقرب الثواني الذي لا يتوقف عن القفز، ويتذكر كلمات سمعها ذات يوم من مدرسه...

- علينا يا أبنائي أن لا نضيع الوقت هدرا.. فالوقت الذي يذهب لا يعود.. فهو يمر ويتحرك كما تتحرك عقارب الساعة.

وها هو يرى الساعة.. وينظر إليها.. ويتذكر صوت أحد الطلبة وهو يسأل:

- ولكن عقرب الساعة يعود إلى مكانه حينما يتحرك يا أستاذ.

ويبتسم الأستاذ وهو يجيب:

- هذا سؤال ذكي وممتاز.. نعم إن عقرب الساعة يعود إلى مكانه ولكن ليسجل دورة أخرى، وزمنا آخر غير الذي سجله في دورته الأولى.

لم يأبه كثيرا يومها لذلك الحوار حول الساعة والزمان.. ولكنه الآن شديد الانتباه.. وها هو عقرب الثواني قد دار عدة دورات.. وها هو عقرب الدقائق قد تحرك بشكل ملحوظ... إذن فالزمان يذهب.. ولا يعود.. وهذه الساعة تذكرنا بالزمن..

وها هي الذاكرة تعود إليه بأصوات أمه وأبيه وأخيه الأكبر وهم يرددون على مسمعه ما معناه: إذن فالزمن يمضي.. والساعة تذكرنا بمروره، وفيما يذهب الزمن دون عمل مفيد أو دراسة أو كتابة أو تحضير فإنه يضيع، وها هو عقرب الثواني يتحداه ويتحرك بصوته المميز الرتيب:

تك.. تك..تك

ويهب عصام واقفاً.. ويقترب من الساعة محاولاً إيقافها.. ولكنه يتوقف في لحظة صفاء مفاجئ: وهو يخاطب الساعة ويقول:

- لن أستطيع وقف الزمن.. ولكن أستطيع بالتأكيد أن لا أضيعه.

[Scorpion]

متأكدة يا فريدة ان كبسولة جحا الأخيرة دي هي اللي حتنيم العيال.. ده انا لو كنت حكيتها لأبني كان زمانه اداني مقص حرامية و طرحني أرضآ...

القصص المطلوبة لازم تكون كافية لملأ فترة زمنية تتراوح بين 15 دقيقة و نص ساعة .. و ما يتخللها من الجملة التي ترعبني دائمآ : و بعدين.....!!!

تلاقي العيل من دول نعوس ... و سكت ... و انفاسه انتظمت .. و يمكن كمان تلاقيه ابتدي يشخر ..تتنفسي الصعداء ... و اول ما تيجي تتسحبي من سريره تلاقي ايد كلبشت فيكي و بيقولك : و بعدين !!!! :)

انا شايف ان حكاية داروين اللي اتريقتم عليها .. هي اللي فيها المفيد... عشت يا داروين ذخرآ للأباء اللي مش عارفين يناموا ..

تم تعديل 2 يوليو 2004 بواسطة Scorpion

[Farida]

مش واخد بالك يا سكوب الحدوته نفسها صغيرة اه بس الرك على الحشو من كتر الواحد ما تفرج على مسلسلات بقى يعرف يطووووووووووووووول للصبح انا ساعات احكى الحدوته فى ربع ساعه و ساعات فى نص ساعه تبع نوع الغدا ......

فيه حدوته جات على بالى :

كان الفأر الصغير لسه مولود و ما يعرفش حاجه فى الدنيا و فى يوم خرج من البيت يتمشى شويه و شاف مخلوقين غريبين و لما رجع حكى لمامته اللى شافه قالت له شوفت ايه ...قالها :شوفت مخلوق غريب و ريشه لونه ملخبط و بيمشى على رجلين اتنين و مشيته غريبه و نظراته حاده و على راسه حته لحمه حمرا ....

و المخلوق التانى شكله لطيف جدا و له فرو ابيض و ناعم ...

مامته قالت له المخلوق الول اسمه ديك و رغم ان مشيته مش عاجباك و نظراته حاده لكن لا يؤذى الفئران اما المخلوق اللطيف التانى ده يبقى اسمه قط و ده ممكن يأكلك .......

نتعلم ايه من الحدوته دى يا اطفال ::::::::: على فكره ممكن الأستعانه بصديق

[فــيــروز]

نتعلم ايه من الحدوته دى يا اطفال ::::::::: على فكره ممكن الأستعانه بصديق

نتعلم اننا مانحكمث على الناث بالمظهر tot::

ثح؟ :rolleyes:

[Farah]

ليتني كنت عصفوراً

كان سامح يجد متعة كبيرة لدى سماعة الحكايات الجميلة، التي ترويها له أمه كل مساء في بيتهم الريفي، وذات ليلة حكت له حكاية طريفة عن العصافير، وعن سعادتها وهي تعود إلى أعشاشها فوق أغصان الأشجار، أحب سامح العصافير، كان يود لو أنها اجتازت نافذة غرفته لتملأ المكان بزقزقتها ورفيف أجنحتها، لكنه ما أن يقترب من النافذة حتى تطير العصافير مبتعدة، وذات مساء، شاهد سامح نملة كبيرة جداً تدخل من النافذة، ابتسمت لسامح وسألته عما يقلقه، فأخبرها عن حبه للعصافير ورغبته في العيش معها لأنه يحب الطيران مثلها.

التفت النملة الكبيرة إلى النافذة ونادت على العصافير، وبلمح البصر دخلت الغرفة عصافير كثيرة، تعاونت على حمل سامح بمناقيرها الصغيرة وطارت به خارج الغرفة، ووضعته على غصن شجرة قريبة، وعندما حاول سامح التقدم لدخول أحد الأعشاش، اعتذرت العصافير عن استقباله، وقالت له بأدب: أنت يا صديقنا ضخم جداً، ولا يوجد عندنا مكان يناسبك!

فجأة رأى سامح عنكبوتاً كبيراً يقترب منه، كان شكل العنكبوت مرعباً، تراجع سامح إلى الوراء، فصاحت العصافير محذرة: احترس يا سامح!

لم يتحمل الغصن وزن سامح فبدأ يتكسر.

أطلق سامح صرخة عالية، اقتربت العصافير منه وحاولت إنقاذه بمناقيرها، لكنه لم يلبث أن سقط من فوق الغصن، حاول أن يستعمل يديه كأجنحة لكنه لم يستطع فارتطم بالأرض.

فتح سامح عينيه فرأى أمه تقف بجوار سريره وتبتسم له بحنان، كان تعرف أن أبنها كان يحلم، وعندما أخبرها سامح بما حدث له في الحلم تبسمّت وقالت له: خلق الله جميع الكائنات، وزوّد كل كائن بما يناسبه في عيشه ومحيطه، وقد استطاع الإنسان بما وهبه الله له من عقل أن يصنع أشياء مفيدة كثيرة، فالإنسان لا يستطيع أن يطير في الهواء مثل العصافير، لكنه استطاع أن يصنع طائرة يحلق بها في الأعالي.

انحنت على ولدها وقبلته وهي تردد قوله تعالى:

" والله خلق كل دابة من ماء فمنهم من يمشي على بطنه ومنهم من يمشي على رجلين ومنهم من يمشي على أربع يخلق الله ما يشاء إن الله على كل شيء قدير".

[afiona]

حكايه قبل النوم :

(وبعدين .. النسر ابو زلومه فرد ديله اللي علي الجنب ومشي عليه . قام اتكعبل في السمكه اللي طايرة باسننانها وعماله من بطنها اللي فوق وتقول " اكلوني اكلوني .. علشان انا مش عايزة آكل خالص " .. قام النسر سمعها بزلومته لانه ما كنش عنده بق يسمع بيه .. وبعدين السمكه ماتت اوي وانبسطت خالص من النسر وسابته ومشيت علي الطيارة الهليكوبتر ..

قامت خبطت في الفيل ابو 3 رؤوس و25 رقبه اللي كان طاير في الهوا ومش همه الغواصات اللي حواليه من كل ناحيه .. قامت الكراسه اللي في الغواصات قعدت تزعق وتقول " وسع وسع " فمعرفش يرد عليهم طبعا علشان الفيل ما بيعرفش يتكلم .. وقال لهم " ارد عليكم ازاي اذا كنت مبعرفش اتكلم ولكن بعرف اعوم .. بس نسيت البدله الصوف بتعاتي في العش فمش هقدر آكل معاكم .. بس ممكن ...)

-ايه يا ميدو رايح فين؟!! مش حاكملك الحدوته ؟

-سيبني سيبني . انا رايح لماما ومش عايز حواديت ..

- ايه يا ميدو فيه ايه؟

- هاتي ودنك يا ماما علشان ما حدش يسمع

- اهوه ..

- خالو يا ماما من ساعة ما دخل كليه الهندسة وهو بقي ......(يشاور على دماغه و يحرك إيده بشكل غريب)!!!! bxg::

تجربة شخصية.... :blink:

[Salwa]

صباح الخير احبائى الكبار ...

انهاردة وانا عمالة اقلب فى دفاترى القديمة لقيت قصة جميلة قوى للأطفال ...وقلت لما اترجمها واروح احكيها لفريدة والجماعة ..

وهى قصة السمكة اللى متعرفش تعوم ....

كان مرة فيه سمكة لسة مولودة وبتكبر ببطء شديد وكانت متعرفش تعوم وكل اصحابها بيكبروا بسرعة وبيعرفوا يعوموا .......وهى راحت بكت لمامتها وقالت لها يامامى انا حزينة لأنى مش بعرف العب مع اصحابى ولا اشوف الحاجات الجميلة اللى بيحكوا عليها ولا اشوف اصداف ولا اسماك ملونة ولا اشوف بيت الاخطبوط ولا الرتسا ولا حاجة ابدا .......

ومامتها قالت لها ولا تزعلى انا عندى الحل ........انتى تلبسى عوامة .......انا عندى طوق صغير انتى تلبسيه وتتعلمى العوم ولازم تعرفى ان نوعنا بيكبر ببطء ....وانتى متزعليش ....

كل الاسماك لما شافتها بالعوامة بقوا يضحكوا ويتتريقوا عليها وده احزنها اكتر .......يقولوا لها كمان لابسة عوامة ؟؟؟؟ كمان ما بتحاوليش تتعلمى العوم ؟؟؟؟

قالت لهم مامى قالت لى كل شئ بأوانه .......لكنهم برضه فضلوا يضحكوا .....

وفى يوم نامت السمكة الصغيرة من غير ما تشعر والعوامة اخدتها على البر ....ولقت نفسها قرب الرمل ..........

وفجأة ......لقت طائر النورس عمال يتفرج عليها ويضحك ويبتسم .........قالت له انت كمان بتضحك على العوامة ؟؟؟؟؟؟؟؟؟

قال لها لألألأ انا عاجبنى الوانها .........حكت له حكايتها ......

قال لها انا عندى اقتراح ........حايخللى كل اصحابك يعرفوا انك مختلفة ........وبعد كدة عمرهم ما حيضحكوا عليكى ........انا حخليكى تطيرى مش تعومى بس .....!!!

طائر النورس اخدها وطار بيها .......وسابها ......

والعوامة فضلت تتحرك بيها شمال ويمين ........واصحابها شافوها ومكانوش مصدقين ........

سمكة وبتطير ؟؟؟؟؟؟؟؟

ونزلت بشويش فى المية وهى سعيدة وبتضحك .......وقالوا لها فعلا فعلا انتى مختلفة واحنا آسفين اللى ضحكنا عليكى وعمرنا ما حانضحك على حد ولا حاجة احنا مش عارفينها ..........

يارب تكون عجبتكم .......

تحياتى ....

[Gharib fi el zolomat]

وبعدين?

[Farah]

نهر وشجرة وعصافير

سال النهر صديقته الشجرة:

- لماذا أنت حزينة؟

أجابت الشجرة:

- أوه، كيف عرفت؟

قال النهر:

- عندما مرت الريح، قبل قليل، لم ترقص أوراقك وأغصانك رقصتها الجميلة، أخبريني لماذا أنت حزينة؟ ألست صديقك، والصديق لا يخفي عن صديقه أي شيء!

اهتزت أوراق الشجرة، ومال غصن حتى كاد يلامس صفحة النهر قالت:

- كل الأشياء تتحرك، أنت تمضي من مكان إلى مكان، ترى الدنيا وتشاهد الناس، والحيوانات... ولك.. كل شيء، أما أنا فجذري مغروس في الأرض، ثابتة في مكاني، لا أتحرك، أنا حزينة أيها النهر، حزينة لأنني بدأت أحس بالملل والضجر.

استمع النهر إلى صديقته الشجرة بانتباه، ومودة وقال لها: سأحاول أن أساعدك، فلا تحزني، عليّ الآن أن أواصل مسيري في مجراي حتى أصل إلى الوادي الكبير ثم إلى البحر، يجب أن لا أتاخر، فالكثيرون في انتظار وصولي! وداعا.

منذ ذلك اليوم، امتنعت الشجرة عن امتصاص المياه والطعام، فبدأ الشحوب والاصفرار على الشجرة، ولم تظهر براعم جديدة لأية زهرة. وهذا ما لم يحدث من قبل للشجرة.

حزن النهر كثيرا على صديقته، التي كان يراها تزداد اصفرارا يوما بعد يوم، ولكنه لم يستطع أن يفعل شيئا في البداية، فقد كان عليه أن ينحدر إلى الوديان، ويسير بين القرى لسقي الأرض، ويعطي المياه للكائنات.

فيما كانت حياة النهر تهدر ببطء من إحدى الصخور، وقف عصفور على قمة صخرة، وصاح:

- ما بالك أيها النهر تبدو حزينا على غير عادتك؟ أين سرعتك؟ وأين صوت خريرك الجميل؟

دعني أصغي إليك، فلقد تعلمت منك لحنا جميلاً، أحبه زملائي العصافير في الغابة، فلماذا لا تسمعني خريرك الجميل؟

صمت النهر قليلا.

ثم أصدر صوتا جميلا مليئا بالحزن، وأخبره بحكاية صديقته الشجرة.

هز العصفور جناحيه ورفع رأسه وزقزق طويلا، وقال:

- لدى فكرة أيها النهر الصديق!

ثم طار وهو يقول : " ستعرف غدا كل شيء"

وفي اليوم التالي، اصطحب العصفور كروان مجموعة من العصافير: حساسين وبلابل وكناري، وحطوا جميعا على الشجرة.

قال العصفور كروان صديق النهر:

- أيتها الشجرة جئنا إليك من كل الغابات، ومن أعالي الجبال، فالنهر قد أخبرنا وهو صديق كل الطيور، وأنت أيتها الشجرة جميلة، مليئة بالأغصان، ولا نريد أن تحمل أغصان أية أوراق صفراء فهل تقبلينا أصدقاء لك؟

فرحت الشجرة بأسراب العصافير والطيور وهتفت:

- أجل، فكيف أكون صديقة لكم؟

قال العصفور كروان، بينما كان الجميع يزقزقون، وينشدون بفرح:

" نحن نسكن بلادا بعيدة، وقد جاء الشتاء وستساقط الثلوج، ويشتد البرد، فهل تسمحين لنا بالإقامة بين أغصانك لتعطينا دفئك الجميل ولنضع البيض في أعشاشنا؟

أضاف الكناري الصغير:

- ونربي صغارنا- أفراخنا بين أغصانك.

أكمل السنونو:

- وكلما طرنا، وعدنا، وسنروي لك ما نشاهده في الدنيا، سنغني لك ونشدو، ونغرد ونزقزق، ونحكي لك كل شيء عن الدنيا.

فرحت الشجرة كثيرا، وضمت أغصانها في حنان على أصدقائها العصافير وقالت:

- سأحميكم من الرياح، ومن أشعة الشمس حين تشتد حرارتها.

فرحت الشجرة، فرح النهر، خرجت العصافير، وبدأت تشدو وتغرد وعاد النهر يواصل خريره الجميل، ويواصل سيره إلى الوديان والحقول، والقرى، ويسقي من مياهه الأشجار والكائنات.

[الكاتب]

:angry:

حلوة الحدوتة

..

ممكن تلاقى حواديت حلوة فى " روايات محمد العشرى "

http://ashrynovels.siteatnet.com