النادي الأهلي والحزب الوطني الديمقراطي

[الغريب]

تنتشر بين الأخوة الأعداء أبناء النادي الأبيض مفهوم عجيب أبن غريب أن النادي الأهلي زي الحزب الوطني الديمقراطي

مفيش نزاهة في التحكيم

كابس على نفسهم في البطولات

بيكوش على أي "عضو" ناجح في أي فريق ويضمه ليه

ولذلك جأت المطالبة "بالتحكيم الأجنبي" للمنافسة في المباريات المقبلة

وأنا نيابة عن كل الأهلوية بقولهم كابسين على نفسكم ، واللي هيتكلم هيخدو النادي الأهلي ويرميه على الدكة لحد ماتنتهي صلاحيته

وأحذر بالخصوص إبراهيم حسن أن أي مواجهة من قبله للنظام الأهلاوي ستطيح به هو وأخوه خارج أسوار الرياضة

سلام :blush2:

[engmido]

لا ننكر ان الحكم ظلم انبى

ولكن كثيرا ما ظلم الاهلى فى مباريات كثيرة ولم يتكلم احد

وسنين طويلة والزمالك والاسماعيلى موالسين مع بعض

واهداف ومشاكل للزمالك

فلا يوجد مجال لانتقاد الاهلى والاخطاء التحكيمية على الجميع

[se_ Elsyed]

في دي عندهم حق

الأهلي الحزب الوطني

والزمالك هو البرادعي اللي هايخلص الرياضة من الأشرار

حتى شوفوا كده الكليب ده بتاع الموسم ده بالمناسبة

http://videohat.masrawy.com/view_video.php...e4f20c56c661319

[ابو محمود]

لية الآسية دى يا جماعة دول ما صدقو شمو نفسهم شوية ...

ناس محرومة من البطولات يا دوب لما بيكلو فول وطعمية وبيطلعو التانى بيهيصو ومحرومين من اللحمة

قربو شوية من مطعم البطولات ويادوب حطو رجلهم على السلم فشمو ريحة الشوربة بتاعة الدورى

ومعاها دخان كباب الدرع شوف بقى واحد جعان وبطنة ناشفة من قلة الدسم هيعمل آية لما يشم ويشوف اللحمة ابراهيم حسن ذى القطة اللى تحت ترابيزة الكبابجى

[الغريب]

بس أنا حاسس أن هتحصل حاجة مش حلوة في نادي الزمالك بسبب التؤم وبالأخص إبراهيم حسن وبكرة الأيام هتثبتلكم

أول صدام حقيقي بين إبراهيم حسن والنادي الأهلي هيودي إبراهيم وأخوه ونادي الزمالك ورا الشمس لأنه أعصابه بتفلت بسرعة جدا

[الغريب]

بصراحة اللي حصل في ماتش الشرطة كان دراما بتأكد موضوع أن الأهلي هو الحزب الوطني

مظاهرة قام بيها لاعيبة الزمالك ضد الشرطة بقيادة الناشط الرياضي " إبراهيم الأبيض " ههههههههههههههههه

أنتو عارفين الزمالكوية دول بيصعبوا عليا موت هيلقوها من فين ولا من فين من السياسة ولا الرياضة مفيش حاجة بتسرهم يعيني عليكم ياشركاء الوطن هههههههههههههههههههههههههههههههههه

تم تعديل 8 أبريل 2010 بواسطة الغريب

[ابو محمود]

هههههههههههههههه

والله يا غريب باشا انت مكشوف عنك الحجاب ياخى كأنك عارف اللي هيحصل ممكن تقولنا مين هياخد المركز التانى بعد الاهلى

سؤال؟ يعنى اية الدورى ؟؟؟

[ابوهنا]

انا زملكاوى من وانا عندى 10 سنوات يعنى 28 سنه زملكاوى

لكن وجود هذين البلطجين فى الزمالك فهو سبه فى وجه مصر كلها

حسام حسن الذى اعاد الانتصارات الى نادى الزمالك هو واخيه مكانهم المعتقل

فى وجود فساد فى اتحاد الكره (اللى على راسه بطحه) سوف تظل بلطجة حسام وابراهيم حسن

فلتسقط الانتصارات فليذهب الدورى الى الجحيم اذا ضاعت الاخلاق

انا زملكاوى ولا اعتقد ان هذا الحسن سوف يآتى بأى بطوله للزمالك ولكن سوف يأتى بالكره لنا نحن مشجعوا الزمالك

كنا بنتغلب وكل الناس بتتمنى رجوع الزمالك الى المنافسه اما الان بنغلب وكل الناس تتمنى ذهاب الزمالك الى الجحيم

مافيش فايده

[Ebn Sina]

في دي عندهم حق

الأهلي الحزب الوطني

والزمالك هو البرادعي اللي هايخلص الرياضة من الأشرار

حتى شوفوا كده الكليب ده بتاع الموسم ده بالمناسبة

http://videohat.masrawy.com/view_video.php...e4f20c56c661319

الفاضل سين سين

كنت أتمنى عليك أن تعرض كل اللقطات التى تعرض فيها الزمالك للظلم الشديد .....بل وفى نفس المباريات التى تم إ"جتزاء" تلك اللقطات منها .....ولكن هذا للأسف هو دأب وسائل الإعلام الحمراء فى كل تناولها للجرائم التحكيمية التى -وياللمصادفة- دائما فى إتجاه واحد ....ولصالح طرف بعينه ، فإذا لم تكن الفرصة متاحة منذ البداية لإقصاء الزمالك عن المنافسة او الفوز بالألقاب.....فلا بأس من "التدخل" فى المراحل الأخيرة و الحاسمة من المسابقة ......أسلوب دائم ومستمر ورئيس لجنة الحكام المشبوه نفسه كان سبب فى إهداء البطولة-ولا أقول مباراة- إلى النادى الأثير بأوفسايد من نص الملعب وثلاثة من لاعبى الأهلى مغطيين الأوفسايد ب 20 ياردة !!!

أتمنى أن تتحفنا بكليب محترم زى اللى حضرتك حطيت اللينك بتاعه ده ....بس يا ريت يكون من اول موسم للدورى فى 48 .....وأن كنت أعتقد أن تجميع تلك اللقطات فى حاجة إلى عمل مؤسسى لحصرها !!

النادى الأهلى ليس هو الحزب الوطنى .....والزمالك ليس البرادعى .......لكن الأكيد أن الطرف الثانى فى الحالتين يعانى من فساد و"إفساد" الطرف الأول !![/size]

انا زملكاوى ولا اعتقد ان هذا الحسن سوف يآتى بأى بطوله للزمالك ولكن سوف يأتى بالكره لنا نحن مشجعوا الزمالك

كنا بنتغلب وكل الناس بتتمنى رجوع الزمالك الى المنافسه اما الان بنغلب وكل الناس تتمنى ذهاب الزمالك الى الجحيم

مافيش فايده

الفاضل أبوهنا

المعلومة "الحصرية" اللى باللون الأحمر كنت عايز أعرف من حضرتك إيه مصدرها ؟؟!!

مين هما "كل الناس" اللى حضرتك تقصدهم فى المقطع التانى من من الجملة ......هل هم الثلاثين ألف الذى حضروا مبارة الأمس وهتفوا للاعبين ولمدربهم رغم التعادل ؟؟!!!

أم أن هناك ناس "تانية" بتشجع الزمالك بطريقة "حصرية" وإحنا ما نعرفمهش !!

تحياتى

ابن سينا

[الغريب]

هههههههههههههههه

والله يا غريب باشا انت مكشوف عنك الحجاب ياخى كأنك عارف اللي هيحصل ممكن تقولنا مين هياخد المركز التانى بعد الاهلى

سؤال؟ يعنى اية الدورى ؟؟؟

والله المركز الثاني يا محمود يأخويا عليه منافسة شرسة من "الحرافيش" عفوا أقصد المنافسين عليه

إنما الأهلي كعادته بيرفرف في مركزه المعهود

على العموم إن شاء الله الترتيب كالآتي : الأهلي - بتروجيت - الزمالك - الإسماعيلي

أما الأخ ابن سينا فكنت عاوز أقوله كلمة واحدة

"طوول عمري بقول لأصدقائي الزملكاوية أن جمهور الزمالك أهم أسباب السقوط لأنه ببساطة أعتاد الرضا بالفتات والقليل من النادي فنلاقيه لو الفريق فاز في مباراة بعد ثلاث هزائم يطلعوا بالفريق السما ويقولو أحنا وأحنا وينسو أنهم لم يحرزو البطولة وإنما كانت مباراة يتيمة ، وده على عكس جمهور الأهلي الذي لا يرتوي بغير البطولات ، والدليل على كدة فريق جديد ومدرب جديد وبردو الدوري معانا الحمدلله"

تنبيه هام للزملكاوية " إبراهيم الأبيض كل شوية يقولك نادي الزمالك كبير ووو هو بس عاوز يكسب تعاطف جماهير الزمالك مع بطجته ويبين لهم أنه لصالح النادي والعكس صحيح وإن غدا لناظره قريب"

تم تعديل 9 أبريل 2010 بواسطة الغريب

[ozoozo]

اولا : حسام مظلوم بافعال اخيه ابراهيم

ثانيا: انتم بتتكلموا عن البلطجه-وقله ادب الزمالك - ومابتتكلموش عن الاخطاء التحكيميه اللي بتلغي 3 او 4 ضربات جزاء (زي مايكون واحد ضرب التاني بالنار قام الشخص المضروب قال للضربه ياحمار فالناس مسكت الراجل اللي قال ياحمار وقالوا عليه شوف قله الادب والسفاله بيقول ياحمار ) المفروض طبعا نتغلب عشان الاهلي اتعادل وده بيمثل تهديد لجنابه (يعني لو في واحد له فرصه انه ينجح يبقي مايترشحش من اساسه عشان ما عندوش خلفيه كرويه وبعيد عن البطولات بقاله كتير-انتم فاهمني طبعا-)

انا عارف طبعا انتم هاتسيبوا كل اللي حصل في الماتش وهاتمسكو في الزمالكاويه اللي مش متربيين اللي بيعترضوا علي حضره الاله الحكم

ثالثا: الزمالك كان في كبوه وكان في مركز بترول اسيوط دلوقتي فتخيل لو الفريق ده انتفض واصبح ينافس علي قمه الدوري واخذ حتي المركز التاني فله منا كل التقدير والاحترام

واتمني من زوهيري ان يفتح موضوع عن الاخوه الشرفاء الزمالكاويه

[جبار سينج]

دى شماعات يعلقوا عليهم فشلهم

الاهلى قبل مباراه انبى اتظلم وحسام البدرى انتقد التحكيم بالقنوات الفضائيه

واتغرم بس لما وجهه انتقاد للحاكم وقال انهم عامللين مؤامرة على الاهلى

بسببها مبارتيين فى الدورى الاهلى اتعادل بواحدة واتغلب بالثانيه وكانت ظلم من الحكام

ولا حصل مشاغبات ولا بلطجه الاخلاق اولا

[الغريب]

الأهلي فاز على الاتحاد

والزمالك أتهزم من حرس الحدود

مبروك الدوري للأهلي كالعادة وربنا يهني سعيد بسعيدة

وكل حي يروح وخلصنا

وبانتظار الضربة القاضية في ماتش القمة ان شاء الله ..سلام

[se_ Elsyed]

وبانتظار الضربة القاضية في ماتش القمة ان شاء الله

طب إديني أمارة عالفتونه دي يا غريب؟

هيء هيء هيء هعععععععععععععععع ( ضحكة عملاق شرير )

[matzakos]

مش عارف الزمالكاوية عندهم إحساس بالإضطهاد على طول ليه ؟ ..... أعرف إن الأقليات دائماً في أي مجتمع تشعر بنوع من الإضطهاد .... فهل هذا هو السبب.

دايماً حاسين إن الزمالك مظلوم و إن الكل متآمر عليه ..... أنا أوعى على الزمالك من أيام ما كان فاروق جعفر بيرمي نفسه في منطقة الجزاء وياخد ضربات جزاء وهميه ....من أيامها و هما مظلومين

فاكر مرة لما كونوا فريق سموه فريق الأحلام أو إيه سي زمالك ...هههه .... و يوم مباراة الأهلي و الزمالك ..يومها أحمد الكاس قال ده لو إحنا (الزمالك) فرقة من إسرائيل ...الحكام مش هيعملوا فينا كده ..... مع إن الحكم كان أجنبي كالعاده ولا يعرف لا اهلي ولا زمالك..بس هو الاحساس بالاضطهاد دايماً.