fatfouta بتاريخ: 11 مارس 2010 تقديم بلاغ مشاركة بتاريخ: 11 مارس 2010 نصحنى بيها الطبيب عند ميلاد اول طفل ليا وقاللى.........حطيها فى بؤه فى غير ميعاد الرضعات وهو هينام علطول ويريحك وفعلا اتعود عليها من اول يوم........بس المشكلة بقى انه لما بقى عنده 8 شهور كانت تقع منه فى الارض وطبعا كطفل مش فاهم ياخدها يحطها فى بؤه تانى ويا سلام لو قعد يلعب بيها ويدعكها فى الارض........وده سبب لنا ياااااما مشاكل ونزلات معوية مع انى والله دايما اغليها كل ساعة مثلا لكن برضو لو غفلت عن الطفل.....الاقيها بررررضوا فى الارض وكنت دايما احمل هم يوم اما اشيلها منه........ لان الطفل بيبقى مقريف وحاسس انه ناقصه حاجة بنتى اللى بعده اخدتها بس لما بقت عندها تلات شهور كده........ لانها رفضتها فى الاول نيجى بقى للانسة التالتة اللى مغلبانى مش راضيييييية تاخدها خااااااالص وبالتالى مش عاوزة تنام........ومسهرانى دايما اول ماحطها فى بؤها......تزقها بلسانها وتقعد تبص لى كانها بتقولى........ده بعينك مش هتنامى برضو يا ماما طيب انا عاوزة اعرف ايه فايدتها وليه بتنيم الطفل.....لانى كنت بلاحظ انى اول ماحطها لولادى يبتدوا يروحوا فى النوم علطول واستريح انا والحمد لله انام وهل ليها اضرار او فوائد سالت مرة الدكتور عن فايدتها قاللى ان الsucking فى حد ذاته بينمى مخ الطفل ملحوظةللى مايعرفش يعنى تيتينا هى اللى الطفل بيحطها فى بؤه كدا.......... :sad: :rolleyes:........ماشى؟؟ حد عنده تجربة مع التيتينا مع اطفاله؟؟؟؟ ياريت تحكولنا رابط هذا التعليق شارك المزيد من خيارات المشاركة
doha بتاريخ: 11 مارس 2010 تقديم بلاغ مشاركة بتاريخ: 11 مارس 2010 هو الي اعرفه عنها انها لو مش من نوع كويس ممكن تسبب تشوهات في اسنان الطفل .. لهذا السبب كنت رافضة في البدايه اديها لبنتي بس بعد ما( زنها ) كتر قلت امري لله اجيب وحده تكون نوع حلو مضمون واديهالها جبت وحصل ماحصل مع بنتك بالظبط .. رفضتها نهائيا حاولت معاها بكل السبل وهي ابدا ولايمكن وفي النهايه اعلنت استسلامي وخلاص استغنيت عنها .. هي ملهاش اي فوائد غير انها بتلهي الطفل .. حاجه كده زي السيجارة مثلا او زي الي بيهرش في راسه .. اهو عاده سيئة بتلهي العيل من دول لغايه ماامه تشوف شغلها .. يفضل متعوديش بنتك او ابنك عليها ويفضل برضه لو مضطره وخلاص تعود انك تشبكيها له في اللبس بشريط قصير ودبوس بحيث متقعش على الارض فتتلوث .. ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
ترنيم بتاريخ: 11 مارس 2010 تقديم بلاغ مشاركة بتاريخ: 11 مارس 2010 حبيبتى فتفوتة والله مواضيعك زى السكر :D :rolleyes: شوفى يا ستى تجربتى معاها مأسوية جدا ما فى حد من ولادى رضى ياخدها بس عارفة حتى لو انك بتتعبى سوية لكن عدم اخدها دى نعمة لانها زى ماقلتى نفعها اقل بكتير من ضررها لانها بتنقل له الميكروبات وممكن تدخل هوا فى بطن الاطفال وهم بيمصوا فيزود لهم المغص دكتور الاطفال بتاعنا بقى قالى عكس دكتورك تماما كنت رايحة اشتكيله ان بنتى ما بتنيمنى زيك كدا وبتكون شبعانة ونظيفة وتعيط بردوا عايزانى اشيلها وما ترضى تنام غيرما اشيلها بقى واهزها واتمشى بيها والحجات اللى انتى عارفاها اللى تقطم الظهر دى رد على قالى ابدا ما تعطيهالها انت ما دامت شبعانة ونضيفة يبقى تسيبيها فى مكان جوه كويس وحتى لو عيطتت ما تشيليها خليكى جنبها شوية كلميها او لاعبيها وهى على السرير وما تشيليها حتى لو عيطتت وما تشيليها الا وهى ساكتة تلاعبيها شوية ورنيميها تانى طبعا معملتش حاجة من دى خاااااااالص :D :D :sad: لان ماكان بيهون على اسيبها تعيط ربنا معاكى بس نصيحتى ما تعطيهالها واستحملى الشوية دول وكله فى ميزان حسناتك ان شاء الله :welcome: :sos: وحيدة في غربتي ...أسيرة في عزلتي ....الي حين ألقاكم يا أحبتي رابط هذا التعليق شارك المزيد من خيارات المشاركة
الغريب بتاريخ: 11 مارس 2010 تقديم بلاغ مشاركة بتاريخ: 11 مارس 2010 معلش بقى أسمحولي أزق نفسي في الموضوع ده ، وماله مانتو مش سايبين موضوعنا أنا عندي بنتي 8 شهور وللأسف متعودة علي التاتينا بس المشكلة زي ماقولتي أنها ساعات بتسبب إلتهابات في الفم بالذات لما تقع منها وتحطها تاني وده حاصل دلوقتي مع بنتي بس معلش أنا مش خبيير في الموضوعات بتاعتكم وعندي تساؤل هيغير الموضوع شوية بس ده آخر حاجة وهمشي على طول معلش يا أخت فتفوتة يعني .. أمبارح جبت مشاية لبنتي وحصل إختلاف بيني وبين المدام على فائدة المشاية وأضرارها لأن في ناس قالتلها أنها بتسبب تقوس للأطفال ، فأيه رأيكم برجاء أفيدونا أفادكم الله تركب المشاية ولا بلاش وراحت عليا فلوسي يعيني ؟؟ رابط هذا التعليق شارك المزيد من خيارات المشاركة
mama nona بتاريخ: 11 مارس 2010 تقديم بلاغ مشاركة بتاريخ: 11 مارس 2010 متحاوليش يا فتفوته ضررها اكتر من نفعها اولها الميكروبات والامراض الطفل بيتعود عليها زى ما فيه طفل طول ما هو نايم عاوز يرضع من مامته ممكن يكون احساس بالامان انه مع مامته انا محاولتش اجربها مع ولادى ليه؟؟؟ لانى عندى خلفية زى الزفت منها اول ما اتعينت وودنا الريف فالوحدات الصحية كانو الستات يجيبو ولادهم والهبابة دى فى بقهم وخدى بقى ريالة ودبان ويهدلة وكمان مربوطة بسلسلة كده فهدومهم ها اتعقتدى ولا اديلك كمان ؟؟؟ رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 معلش بقى أسمحولي أزق نفسي في الموضوع ده ، وماله مانتو مش سايبين موضوعناأنا عندي بنتي 8 شهور وللأسف متعودة علي التاتينا بس المشكلة زي ماقولتي أنها ساعات بتسبب إلتهابات في الفم بالذات لما تقع منها وتحطها تاني وده حاصل دلوقتي مع بنتي بس معلش أنا مش خبيير في الموضوعات بتاعتكم وعندي تساؤل هيغير الموضوع شوية بس ده آخر حاجة وهمشي على طول معلش يا أخت فتفوتة يعني .. أمبارح جبت مشاية لبنتي وحصل إختلاف بيني وبين المدام على فائدة المشاية وأضرارها لأن في ناس قالتلها أنها بتسبب تقوس للأطفال ، فأيه رأيكم برجاء أفيدونا أفادكم الله تركب المشاية ولا بلاش وراحت عليا فلوسي يعيني ؟؟ اهلا بيك ي اخ غريب مافيش كلام طبعا يعنى انا بتكلم عن التيتينا تقوم انت تقوللى المشاية؟؟ ده ناقص كمان تقوللى البيبرونة :lol: بص يا سيدى انا مع ولادى المشاية دى كنت بجيبهالهم دايما وهما عندهم 7 او تمن شهور مثلا وساعات قبل كده كمان هى فعلا فيه ناس بتقول انها بتعمل تقوص للطفل فى رجليه......لكن ده برضو بيعتمد عن النوع اللى حضرتك جايبه للبنوتة الحلوة يعنى ياريت تكون جبتلها النوع اللى هو بيبقى الكرسى بتاه عريض مش رفيع كده وتحس ان العيل واقع منه عشان كده البنوتة هتقعد تتمايل ومش هتسند ظهرها كويس طبعا لكن بصراحة عن تجريتين اهو هى مفيدة جدااا وانا بحبها لانى حسيت ان بسببها بنتى مشيت على 11 شهر واللى اتاخر مشى على سنه يعنى اتكل على الله وماتخافش منها وان شاء الله تبقى ذى الفل وتجرى بيها تشدلكوا الحاجات وتبهدل الدنيا اى خدمة رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 متحاوليش يا فتفوته ضررها اكتر من نفعها اولها الميكروبات والامراض الطفل بيتعود عليها زى ما فيه طفل طول ما هو نايم عاوز يرضع من مامته ممكن يكون احساس بالامان انه مع مامته انا محاولتش اجربها مع ولادى ليه؟؟؟ لانى عندى خلفية زى الزفت منها اول ما اتعينت وودنا الريف فالوحدات الصحية كانو الستات يجيبو ولادهم والهبابة دى فى بقهم وخدى بقى ريالة ودبان ويهدلة وكمان مربوطة بسلسلة كده فهدومهم ها اتعقتدى ولا اديلك كمان ؟؟؟ لا لسه مش معتقدة عشان ده بيعتمد على نظافة الام وانا والله كنت كل شوية بغليها..... ايوه عندك حق...... انا مرة شوفت واحدة التيتينا بتاعة ابنها وقعت فى الارض قامت وطت جابتها وحطيتها فى بؤها وخرجتها تانى قامت حطاها فى بؤ الولد يا لهوى........كنت عاوزة اسالها هو حضرتك طهرتيها له؟؟؟؟ طب وايه اخبار معدتك انتى دلوقتى؟؟؟ بعد الحركة الظريفة اللى انتى عملتيها دى بس لسه مش معتقدة لانى مجرباها مرتين خدى دى :lol: رابط هذا التعليق شارك المزيد من خيارات المشاركة
se_ Elsyed بتاريخ: 11 مارس 2010 تقديم بلاغ مشاركة بتاريخ: 11 مارس 2010 حد عنده تجربة مع التيتينا ؟؟؟؟ ياريت تحكولنا بسم الله الرحمن الرحيم - في البطول الاخرانية بتاعت كأس الأمم .. شوفت لعيب كاميروني زي الشحط عمال يرضع فيها وهو على دكة الاتحياطي .. قولت يا عيني يابني .. ده تلاقيه أتحرم من حنان الأم وهو صغير ... ست الحبايب .. يا حبيبه - وإحنا صغيرين في أبتدائي كان في مصاصه على شكل تيتانك دي ولا تيتينيا ( وكتاب الله أول مره اسمع المصطلح ده .. طول عمري عارف إن أسمها سكاته .. ده أنجليزي ده يا فتفوته ؟ ) وبعدين شكلها وراثه ولا ايه ... ولا عيل من عيال رضي بيها وفعلاً زي مانتو قولتوا بتلم ميكروباصات قصدي ميكروبات وضررها أكتر من نفعها الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
pocy بتاريخ: 11 مارس 2010 تقديم بلاغ مشاركة بتاريخ: 11 مارس 2010 فتفوته نور عيونى نصيحتى ليكى يا قمر بلاش التيتينا اينعم هى هتريحك وهتنامى بس اكيد ليها مضار وانتى ذكرتى اهمها التلوث وبالتالى النزلات المعويه وبرضه التعود عليها والفطام منها صعب زى الفطام من الرضاعه الطبيعيه يبقي هتتعذبي مرتين دا بقي غير التشوهات فى الاسنان اللى تفضلت ضحى وذكرتها وبالفعل كل الكلام ده صحيح ومن تجارب ناس كتير حولى وبالتالى انا لم استخدمها لطفلي مع انى جبتهاله وهو صغير وكانت ماركه بايجون ودى طبعا ممتازه بس انا بعد ما جبتها اديتهاله مره واحده علشان اصوره بيها لان كان شكله امور قوى وهو بيمصها مش اكتر لكن انا برفض تماما التيتينا للاسباب السابق ذكرها اخى الفاضل الاستاذ غريب انا ضد المشايه جدا و كنت بفكر اجيبها لابنى لكنى سألت دكتور عظام جارنا وقالى بلاش لانك كده مش بتخلى العظم يمسك نفسه كويس وبتسهليله العمليه وعلى فكره جارتى جابت الشايه لابنها من سن 7 شهور ودايما بتقعده عليها وكانت فرحانه انه بيزق نفسه بيها وهو اكبر من عمر بشهرين ونص لكن عمر بسم اللهما شاء الله عليه مشي وهو عشر شهور ونص وابن جارتى مشي وهو عنده سنه وتلات شهور يعنى المشايه ليس لها اى علاقه اهم حاجه التدريب مع الطفل واى خدمه يا جماعه وطبعا دى تجربتى وكل طفل بيختلف عن الاخر وان شاء الله قريبا سأنزل بموضوع النوم للطفل لان بجد النوم للطفل لو مشيتوا عليه من وسن الطفل تلات شهور هترتاحوا كتير انا عمورى ميعاد نومه ثابت والحمد لله من 9 : 9.30 بالكتير قوى الا لو كان يوم الويك اند فبينام الساعه 12 بالليل منى وانا بره غير كده الميعاد ثابت والحمد لله والطريقه هكتبها بالتفصيل المره الجايه ان شا ء الله لو حد محتاجها مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 (معدل) حد عنده تجربة مع التيتينا ؟؟؟؟ ياريت تحكولنا بسم الله الرحمن الرحيم - في البطول الاخرانية بتاعت كأس الأمم .. شوفت لعيب كاميروني زي الشحط عمال يرضع فيها وهو على دكة الاتحياطي .. قولت يا عيني يابني .. ده تلاقيه أتحرم من حنان الأم وهو صغير ... ست الحبايب .. يا حبيبه - وإحنا صغيرين في أبتدائي كان في مصاصه على شكل تيتانك دي ولا تيتينيا ( وكتاب الله أول مره اسمع المصطلح ده .. طول عمري عارف إن أسمها سكاته .. ده أنجليزي ده يا فتفوته ؟ ) وبعدين شكلها وراثه ولا ايه ... ولا عيل من عيال رضي بيها وفعلاً زي مانتو قولتوا بتلم ميكروباصات قصدي ميكروبات وضررها أكتر من نفعها سى السيد طب وكتاب الله انا بقى اللى اول مرة اسمع كلمة سكاتة دى md2: لا ده مش عارفة انجليزى ولا ايه والله يا سى السيد بس احنا طلعنا لقيناهم بيقولولنا كده ت ي ت ي ن ا :lol: انا شوفت الاعب ده على فكرة واستغربت والله......... بس قولت يمكن عشان كانوا بيقولوا عليهم فريق صغننين فهو عاملها حركة كده funny يعنى بس انا معرفش موضوع الوراثة دى والله بس انا جربتها وكانت بتريح لانها بتخلى الطفل ينام لكن عيبها انه بيتعود عليها وفى الاخر ممكن مايعرفش يركب الميكروباظات والنبى بلاش سيرة تيتانك الله يخليك احنا داخلين على عيد ام على فكرة بالمناسبة انا جيبتلك تتر الايام هتلاقيه فى الموضوع النكد اياه اى خدعة :blink: تم تعديل 11 مارس 2010 بواسطة fatfouta رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 حبيبتى فتفوتة والله مواضيعك زى السكر mfb: :blink: شوفى يا ستى تجربتى معاها مأسوية جدا ما فى حد من ولادى رضى ياخدها بس عارفة حتى لو انك بتتعبى سوية لكن عدم اخدها دى نعمة لانها زى ماقلتى نفعها اقل بكتير من ضررها لانها بتنقل له الميكروبات وممكن تدخل هوا فى بطن الاطفال وهم بيمصوا فيزود لهم المغص دكتور الاطفال بتاعنا بقى قالى عكس دكتورك تماما كنت رايحة اشتكيله ان بنتى ما بتنيمنى زيك كدا وبتكون شبعانة ونظيفة وتعيط بردوا عايزانى اشيلها وما ترضى تنام غيرما اشيلها بقى واهزها واتمشى بيها والحجات اللى انتى عارفاها اللى تقطم الظهر دى رد على قالى ابدا ما تعطيهالها انت ما دامت شبعانة ونضيفة يبقى تسيبيها فى مكان جوه كويس وحتى لو عيطتت ما تشيليها خليكى جنبها شوية كلميها او لاعبيها وهى على السرير وما تشيليها حتى لو عيطتت وما تشيليها الا وهى ساكتة تلاعبيها شوية ورنيميها تانى طبعا معملتش حاجة من دى خاااااااالص wst:: smk: :lol: لان ماكان بيهون على اسيبها تعيط ربنا معاكى بس نصيحتى ما تعطيهالها واستحملى الشوية دول وكله فى ميزان حسناتك ان شاء الله md2: wst:: فعلا يا ترنيم الدكتور يقولك سيبى الطفل يعيط طب اسيبه اذاى مش هيهون عليا وكمان الواحد بيشيلها من الزن ويريح دماغه ومهما كانت شبعانة ونظيفة برضو عاوزة تتشال وتفضل صاحية اول ما حطلها على رجلى خخخخخخخ......مافيش يا ماما طب انا انام اذاى بقى؟؟ ربنا يخليلك ولادك رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 (معدل) هو الي اعرفه عنها انها لو مش من نوع كويس ممكن تسبب تشوهات في اسنان الطفل .. لهذا السبب كنت رافضة في البدايه اديها لبنتي بس بعد ما( زنها ) كتر قلت امري لله اجيب وحده تكون نوع حلو مضمون واديهالها جبت وحصل ماحصل مع بنتك بالظبط .. رفضتها نهائيا حاولت معاها بكل السبل وهي ابدا ولايمكن وفي النهايه اعلنت استسلامي وخلاص استغنيت عنها .. هي ملهاش اي فوائد غير انها بتلهي الطفل .. حاجه كده زي السيجارة مثلا او زي الي بيهرش في راسه .. اهو عاده سيئة بتلهي العيل من دول لغايه ماامه تشوف شغلها .. يفضل متعوديش بنتك او ابنك عليها ويفضل برضه لو مضطره وخلاص تعود انك تشبكيها له في اللبس بشريط قصير ودبوس بحيث متقعش على الارض فتتلوث .. فعلا كل واحد وتجربته يا ضحى تصدقى صح عارفة يا ضحى والله بجيب شيكو وبايجن و جربر والانواع الكويسة دى وبررررضوا مافيش فايدة انا ابنى اخدها والحمد لله سنانه كويسة انتى هتحكيلى انا عالزن اسكتشى يا اختشى انا خلاص من كتره بقيت لما يناموا احس بحاجة ناقصانى وفعلا خلاص بقى مش هعودها عشان هى مش عاوزاها اصلا :lol: تم تعديل 11 مارس 2010 بواسطة fatfouta رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 فتفوته نور عيونى وان شاء الله قريبا سأنزل بموضوع النوم للطفل لان بجد النوم للطفل لو مشيتوا عليه من وسن الطفل تلات شهور هترتاحوا كتير انا عمورى ميعاد نومه ثابت والحمد لله من 9 : 9.30 بالكتير قوى الا لو كان يوم الويك اند فبينام الساعه 12 بالليل منى وانا بره غير كده الميعاد ثابت والحمد لله والطريقه هكتبها بالتفصيل المره الجايه ان شا ء الله لو حد محتاجها بوسبوس انا على كده ولادى يبقوا مش متربيين والله مش عاوزة اقولك لو مافيش مدسة بيناموا الساعة كام انزلى يا اختى بالموضوع عشان نستفيد رابط هذا التعليق شارك المزيد من خيارات المشاركة
عبير يونس بتاريخ: 11 مارس 2010 تقديم بلاغ مشاركة بتاريخ: 11 مارس 2010 شوفي يا فتفوتة يا حبيبتي أنا في أول طفل و اول مرة رضاعة وانتي عارفة بقى الألم الشديد في الأسبوع الأولاني مع الرضاعة كان نفسي أجيب التيتينا و كانت مامتي الله يرحمها مشجعاني جاء أخويا ورفض بشدة و أقنع زوجي العزيز بمضارها اللي الزملاء هنا ذكروها و رغم اني كنت متغاظة جدا من أخويا و بعيط من الرضاعة المستمرة ونفسي أرتاح شوية الا اني دلوقت بأدعيله اني ما استعملتش التيتينا الحمد لله مع أي طفل من ولادي معلش شوية صبر و كله بيعدي هي دي تجربتي مع التيتينا اللي ما حصلتش من أصله تحياتي أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
jasmin hamed بتاريخ: 11 مارس 2010 تقديم بلاغ مشاركة بتاريخ: 11 مارس 2010 فتفوته نور عيونى نصيحتى ليكى يا قمر بلاش التيتينا اينعم هى هتريحك وهتنامى بس اكيد ليها مضار وانتى ذكرتى اهمها التلوث وبالتالى النزلات المعويه وبرضه التعود عليها والفطام منها صعب زى الفطام من الرضاعه الطبيعيه يبقي هتتعذبي مرتين دا بقي غير التشوهات فى الاسنان اللى تفضلت ضحى وذكرتها وبالفعل كل الكلام ده صحيح ومن تجارب ناس كتير حولى وبالتالى انا لم استخدمها لطفلي مع انى جبتهاله وهو صغير وكانت ماركه بايجون ودى طبعا ممتازه بس انا بعد ما جبتها اديتهاله مره واحده علشان اصوره بيها لان كان شكله امور قوى وهو بيمصها مش اكتر لكن انا برفض تماما التيتينا للاسباب السابق ذكرها اخى الفاضل الاستاذ غريب انا ضد المشايه جدا و كنت بفكر اجيبها لابنى لكنى سألت دكتور عظام جارنا وقالى بلاش لانك كده مش بتخلى العظم يمسك نفسه كويس وبتسهليله العمليه وعلى فكره جارتى جابت الشايه لابنها من سن 7 شهور ودايما بتقعده عليها وكانت فرحانه انه بيزق نفسه بيها وهو اكبر من عمر بشهرين ونص لكن عمر بسم اللهما شاء الله عليه مشي وهو عشر شهور ونص وابن جارتى مشي وهو عنده سنه وتلات شهور يعنى المشايه ليس لها اى علاقه اهم حاجه التدريب مع الطفل واى خدمه يا جماعه وطبعا دى تجربتى وكل طفل بيختلف عن الاخر وان شاء الله قريبا سأنزل بموضوع النوم للطفل لان بجد النوم للطفل لو مشيتوا عليه من وسن الطفل تلات شهور هترتاحوا كتير انا عمورى ميعاد نومه ثابت والحمد لله من 9 : 9.30 بالكتير قوى الا لو كان يوم الويك اند فبينام الساعه 12 بالليل منى وانا بره غير كده الميعاد ثابت والحمد لله والطريقه هكتبها بالتفصيل المره الجايه ان شا ء الله لو حد محتاجها ابوس ايدك يا بوسى تقوليلى طريق للنوم عشان انا قربت اتجنن ابنى بينام من 5 ل 6 ساعات و مش ممكن ينام قبل 12 او 1 و حتى الست ساعات بيقلق فيهم كتير يعنى تقريبا بيصحى كل ساعه يعيط 10 دقايق و حضرتك انا بصحى الساعه 5 يعنى بجد قربت اتجنن I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
jasmin hamed بتاريخ: 11 مارس 2010 تقديم بلاغ مشاركة بتاريخ: 11 مارس 2010 فتفوته بصى يا حبيبتى مادام ابنك ولا بنتك ماخدش التيتينه انسى التيتينه مساوءها بتظهر لما الطفل يكبر و يتحرك يعنى لكن من اول ما يتولد لغاية 3 ما فيش منها مشكله انا ابنى حاولت معاه يخدها و مافيش فايده ابدا ماخدهاش و النتيجه انو كان بينام على الرضاعه اول شهرين تقريبا يعنى مجرد ما ابعد عنه يصحى عشان كده نصحتى لو بنتك خدت التيتينه ماشى بس تاخدها باليل بس و لمده 3 شهور يعنى اول ما تقدر تشلها بايده من بقها تبطليها و ده رحمة بيكى انتى I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
pocy بتاريخ: 11 مارس 2010 تقديم بلاغ مشاركة بتاريخ: 11 مارس 2010 انا عملت نظام للنوم لعمر من وهو عنده تلات شهور والحمد لله ظبط معايا وعملت موضوع للنوم من عمر تلات شهور وهو فى اللنك ده ترسيخ انماط النوم لدى طفل عمره تلات شهور مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 فتفوتهبصى يا حبيبتى مادام ابنك ولا بنتك ماخدش التيتينه انسى التيتينه مساوءها بتظهر لما الطفل يكبر و يتحرك يعنى لكن من اول ما يتولد لغاية 3 ما فيش منها مشكله انا ابنى حاولت معاه يخدها و مافيش فايده ابدا ماخدهاش و النتيجه انو كان بينام على الرضاعه اول شهرين تقريبا يعنى مجرد ما ابعد عنه يصحى عشان كده نصحتى لو بنتك خدت التيتينه ماشى بس تاخدها باليل بس و لمده 3 شهور يعنى اول ما تقدر تشلها بايده من بقها تبطليها و ده رحمة بيكى انتى ماهى المشكلة يا جاسمين انها لو اخدتها بالليل يبقى هتتعود عليها طول النهار كلام فى سرك كده كمان يعنى بنتى بترضع بالبيرونة وبتبقى عاوزاها علطول فى بؤها لغايت مابتوصل انها ترجع اللبن الزيادة فعشان كده انا نفسى تاخد التيتينا وتريحنى شكرا يا جاسى رابط هذا التعليق شارك المزيد من خيارات المشاركة
fatfouta بتاريخ: 11 مارس 2010 كاتب الموضوع تقديم بلاغ مشاركة بتاريخ: 11 مارس 2010 شوفي يا فتفوتة يا حبيبتيأنا في أول طفل و اول مرة رضاعة وانتي عارفة بقى الألم الشديد في الأسبوع الأولاني مع الرضاعة كان نفسي أجيب التيتينا و كانت مامتي الله يرحمها مشجعاني جاء أخويا ورفض بشدة و أقنع زوجي العزيز بمضارها اللي الزملاء هنا ذكروها و رغم اني كنت متغاظة جدا من أخويا و بعيط من الرضاعة المستمرة ونفسي أرتاح شوية الا اني دلوقت بأدعيله اني ما استعملتش التيتينا الحمد لله مع أي طفل من ولادي معلش شوية صبر و كله بيعدي هي دي تجربتي مع التيتينا اللي ما حصلتش من أصله تحياتي والله يا مصرية ياختى اناا جربتها مع ولادى الاتنين وكانت ناجحة بس اللى كنت بضايق منه هو لما ابدا امنعها كنت بتجنن لانهم بيبقوا متعلقين بيها جدااااااا تحياتى لـ سولاف wst:: رابط هذا التعليق شارك المزيد من خيارات المشاركة
mama nona بتاريخ: 11 مارس 2010 تقديم بلاغ مشاركة بتاريخ: 11 مارس 2010 (معدل) اذا لا فائدة من كلامنا ال فدماغك فدماغك مش هتيغير بالكلام ماشى يا ست فتافيت هقولك بقى انا بشوف الستات السعوديات بيبقو مجهزينها مع هدوم المولود يعنى اول مااالعيل ينزل الدنيا ويلبس هدومه ياخدها وبكده هيتعود عليها اسهل لانه مجربش حاجة غيرها ياللا متعوضة بقى يا عسل فالمولود الجاى ان شاء الله wst:: :P تم تعديل 11 مارس 2010 بواسطة mama nona رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان