السلام عليكم أنا جديدة هنا..

[night prayer]

السلام عليكم و رحمة الله و بركاته..

أنا عضوة جديدة هنا.. عجبني المنتدى و جديته و أفكاره اللذيذة.. hpc:!:

و أتمنى اني أقدر أفيدكم على قدر استطاعتي ان شاء الله..

الأخت في الله

صلاة الليل

[ragab2]

أهلا ومرحبا

بالأخت الفاضلة صلاة الليل والنهار أيضا

ونتشوق لقراءة كتاباتك باذن الله

[Salwa]

اهلا اهلا اهلا ....

نورتى المكان وزدتيه شرف ...

ويارب يكون وجودك مثل اسمك .....كله رضا ..وقبول ..

نتمنى لك اقامة دائمة معنا ...

تحياتى .

[حشيش]

خطى برجلك اليمين ياشابة :lol: :lol: :lol:...خدنا عليكى العهد لاتئذينا ولا نئذيكى hpc:!: :rolleyes: :rolleyes:...هات البخور ياافيونة

[afiona]

خطى برجلك اليمين ياشابة :lol:  :lol:  :lol:...خدنا عليكى العهد لاتئذينا ولا نئذيكى hpc:!:  :rolleyes:  :rolleyes:...هات البخور ياافيونة   hg)::  mc:

وجب يا معلمى (بلهجة سوق السمك) .....

أهلا و مرحبا بالأخت night prayer....

الإشتراك بشلن كبير واجب الدفع والسداد قبل المشاركة الثانية.....

ولو لا مؤاخدة الحالة مأشفرة ممكن طبق بليلة يسد....

أفيونة

عضو مجلس الشورى

[DARWEEN]

أهلا بيكي في وسطنا ياصلاة الليل ... ويالله شدي حيلك وسمعينا

على فكرة أسم حلو جدا ... ربنا يستجب لنا جميعا

حشيش وأفيونا ... ياجدعان مش من أولها أنتو بتطفشوا الزباين .... فوقواااااااا

[فــيــروز]

صلاة الليل hpc:!:

اسم غايه فى الروعه :rolleyes:

يا اهلا بك يا صلاة الليل المكان نور بوجودك :rolleyes:

[se_ Elsyed]

مانا قولتلكوا مافيش فايده مافيش فايده تررررررررررررر

ياخواننا أي زميل جديد بترحبوا بيه بيجيلوا صدمه عصبية مع شعور بإنه إنسان مرغوب فيه في زمن العجايب فبالتالي قلبه مابيستحملش الفرحه ويا بيتجنن يا يطفش ويهيم على وجهه في دنيا النت وما بيرجعش تاني ...

وأديكوا شوفتوا اللي حصل لقوت القلوب وأمل فلسطين وحسب الله السابع عشر وحتى الراجل اللي كان جاي جاهز ومش محتاج شغل وإسمه " مخي طاح " برضوا كلهم ذهبوا مع الريح

[night prayer]

السلام عليكم و رحمة الله..

أشكركم على الردود الجميلة.. و على الاستقبال اللطيف.. hpc:!:

و على فكرة يا سي السيد ماتخافش انا قاعداكوا!! :rolleyes: و مش هاذهب مع الريح و لا حاجة..

و ان شاء الله دايماً أكون عند حسن ظنكم ..

الأخت في الله..

صلاة الليل

[Guest Mohd Gramoun]

و عليك السلام ورحمة الله و بركاته...

أهلا بك يا صلاة الليل... كتب الله لك بكل حرف من حروفك حسنة و ضاعفها بإذن الله..

تذكري .... ما يلفظ من قول الا لديه رقيب عتيد

[night prayer]

أخي العزيز maqramoun

جزاك الله خير و أثابك..

لا تقلق.. فاني أذكر نصيحتك..:lol:

[se_ Elsyed]

الله الله ... النهاردة جيت أفتح المحل الصبح لقيت إنك بقيتي عضو اليوم وعضو الأسبوع بـ 10 مواضيع ومش فاكر كام رد ...

الله لا حسد ( وش بيعمل خمسة وخميسة ) ده أيه الهمه والنشاط دي ..

الظاهر إن في حد هايسحب البساط من تحت رجل فيروز ....

إحنا جايين نهدي النفوس ....

إلى الأمام يا نايت بريور ...

يظهر دعوة سوزان مبارك ليوم المرأة جابت نتيجة سريعة .... فلتعيش ماما سوزان

[فــيــروز]

كلاكيت تانى مره ;)

يا ناس يا شر كفايه قررررر :D

[MuslimaEgyptian]

مرحبا بكى يا أخت Night Prayer (إسم جميل ما شاء الله) وأعلن إعجابى الشديد بمداخلاتك، بارك الله فيكى. وفقك الله فى دراستك وجعلكى ذخرا للإسلام والمسلمين :unsure:

[ابو يوسف]

صلاة الليل ..

اللهم تقبل ... :unsure: :unsure: :unsure:

أهلاً بك بيننا

[مصر عشقى]

اسم جميل يا صلاة الليل وربنا يتقبل كل صلواتك

بس والله انت ظلمتنى يا سى السيد انا مطفشتش ولا حاجة

بس خلى الموضوع دة سر بينا وبلاش فضايح ومتقولش لحد فى المنتدى انا اول ما اشتركت باسم مخى طاح سمعت طاخ وكرباج من السيد المشرف وشخطة انما اية وهوة بيقول روح اشترك فى منتدى العباسية ولا العصفورية - مخبيش عليك انا خفت من الكرباج والقميص ابو اكمام وافتكرك اسماعيل يس فى الفيلم tea))(: وقلت ياواد اقلب وبما انك عاشق لمصر غير الاسم وخلية مصر عشقى

انما بجد اية اللى عرفك انى كنت جاى جاهز - هوة مفيش حاجة بتستخبى ؟

[se_ Elsyed]

انما بجد اية اللى عرفك انى كنت جاى جاهز - هوة مفيش حاجة بتستخبى ؟

والله إنت زي العسل ..

بس أنا أول ما قرأت إسم " مخي طاح " إفتكرت أنك خليجي لأن كلمة طاح بنستخدمها هنا كتير ...

أياً ما كانت جنسيتك فمرحباً بك بيننا ...

وسمعني يا عم أمجاد يا عرب أمجاد ...

وإلحم بعدها بأغنية وطني حبيبي نور عيني بيضربوا بيك المثل